Ka Oiaio, Volume I, Number 37, 21 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH, Luna Hooponopono a me Puuku

 

HONOLULU, - FEBERUARI 21, 1896.

 

KA BILA OPIUMA.

            Ua lawe ia mai he holaha e lawe ia mai ana he Bila Kanawai Opiuma, e laikini ia keia laau make, no na mokupuni a pau. Eia no ke hooikaika nei ke aupuni e kinai i keia mea ino, a ua nui no na lima i komo kino i keia hana e noho hookamani nei. @ ka, pomaikai ka lahui, ina ke aupuni e hoole i ka hoolilo ana i keia mea i kanawai. He hewa ka ae ana i na mea oia ano, a o ka ae ana e laikini ia na mea hewa, ua like no ia me ka ae ana e hoonoa ia na hana hewa a pau malalo o ka pono laikini. Ina e hiki mai ka ninau no ke koho ana ma ka hewa, a me ka pono poho, he hookahi wale no alanui pololei na luna aupuni, e ku oia no ka pono a haule mai na lani.

 

NA KIA HOOMANAO.

            O ka wehewehe pili hoomana ma ke kolamu mua o ka aoao ekolu, ua hoike mua aku makou aole na makou ia, aka, na ke poo o ka Hoomana Karistiano Naauao, na J. Kekipi, a ina e like me ka olelo wehewehe a ke kumu o ia hoomana, he hewa o Karisto, alaila, ua hoike ae no ka hua o ka olelo hookahua oia hoomana i ke kue i kona inoa Karistiano ma ka hoole ana i ko Karisto hemolele, a aia hoi ka Hoomana Naauao ma ia wehewehe ana ke ku nei malalo o ke kumu-ao ana i ahewa ai, ka mea i ae ia naua i kukulu mai ka hoomana Karistiano i kinohi, a i hoike i lawe ia hoi he papahi poo no ka Hoomana Karistiano Naauao. He hiki paha ke olelo ia me keia ke ano.

            He nui na ano o na kia hoomanao e hoomanaoia ai ke kanaka. Ua hoomanaoia ke kanaka ma kana mau hana; ua kukuluia na hoomanao ana ma na kia a hoailona i hana lima ia, a ma na kia hoomanao i malama ia ma na moolelo, a i hoomania ma ka naau o kanaka. E hoopaanaania ana na hana kaulana a kanaka ma ke aloha no na hana maikai a me ka hoino ia no na hana ino.

            Ka Moiwahine Liliuokalani mau hana aloha e ia no ia ke ku nei ma na Hui Hoonaauao i na Opio.

            Ka hana oi loa aku o ke kelakela o keia mau la hope, ua waiho ia a na kekahi haole, i noho malihini mai, i mare i kekahi o na Kamalii-wahine o na pua alii aimoku, e hoohana aku. Ua kukulu ae o Chas. K. Bishop, i na Kula Kamehameha, oia na kia hoomanao o kana wahine, ke Alii Pauahi Bishop, a ma keia hana hoomanao, ua ku he kia hoomanao no na Kamehameha a pua, a me ka hiki ole ke hoopoina ia o kona inoa ponoi.

            I na la a keia hoakanaka haole e noho ana ma Hawaii nei, ua nui kona kunukunuia no ke pi, a no ka uahoa, e na Hawaii a me na haole pu no hoi, aka, aole oia i nau@ hoino nona. Ua hoomau no @ @ana hana, me ka ai kupono me ka a@ @e i ka loaa ana i imi ai, a hiki i kona l@ he kanaka waiwai, aka, aole loa iloko o na hoino nona, ua piia ae a ua hiki ke oleloia ua kolohe oia a ua kiki paha i kekahi mea, he hoike nui hoi no kona hoopono.

            Pela no ma kana mau hana kokua, ua hana ia me ka hana kanaka makua, me ka lokomaikai palena ole, ma na hana e kupaa ai ka pomaikai no keia lahui. Aole oia i haawi pule lehua wale ma kana haawi ana, aka, me ka naauao. Ua kokua oia he mau haneri tausani dala no ke Kula nui o Punahou a no ke Kula Kamehameha, mailoko ae o kona loaa ponoi a mailoko ae o ka waiwai o kona wahine a me kana pu hoi i kokua ia ai ke Kula Hanai o na Keikikane a me na Kaikamahine. Haohao na hana a ke Akua i ka hooili ana i ka waiwai nui o na Kamehameha a pau mai kekahi a kekahi a hiki i ka hui hope loa ana maluna o Keelikolani a ia Pauahi aku, na moopuna a ka makahiapo a Kamehameha Nai Aupuni, a na ka hope o laua, ka wahine i oi aku o ka naauao o lakou a pau, ke ana ia ma ke ano o ka lakou mau hana hope loa, i hoolilo ia ae me kana kane i kia hoomanao no na Kamehameha a pau. Ua palahalaha ka naau o ke kane i ka hooko pololei ana i keia hana, a laua me kana wahine i kuka ai mawaena o laua iho, me ke kolohe ole ia o hookahi apana aina a loaa hoi mailoko ae o ka waiwai o kana wahine, aka, me kona hoopololei a hookomo pu ana hoi i kona waiwai. Ke hui ia ka hana aloha a na mea a pau ma Hawaii nei, o keia ana ka oi o na hana naauao o lakou a pau, ke kelakela, a me ka palahalaha o ke kahua o kona ku ana e mau a e hua nui aku ae na pomaikai i keia lahui. Hookahi wale no mea i koe e piha ai, a e hemolele ai ka hana i kukulu ia he kia hoomano no na Kamehameha, oia hoi ka pono o ka ke Akua olelo, ke kumu e mau ai ka pono a me ka pomaikai i ka lahui.

            Aka, aole no i pau ka Bihopa mau kokua ana i keia lahui, ma kona mau kokua ana i ke kia hoomanao o na Kamehameha a me ka lakou mau keiki hookama ma ka berita mare o Chas. R. Bihopa.

 

            I keia la i ku mai ai ka Australia.

            He kuaua nui kai haule iho i keia kakahiaka.

            No ka maikai ole o ke ola kino o Mr. a me Mrs. Egner o ka puali hoola.

            He ao leo mele ka ka puukani Mele Kuke, i keia manawa ma kona home noho ma alanui Beritania.

            Ua paikau ae kekahi poe Pake maloko o ka pa o Frank Danton a ka po Poakahi nei, malalo hoi o ke alakai a Kapena Victor Backe.

 

Hape Nuia! Hape Nuia!

HAUOLI MAKAHIKI HOU!

 

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAMAKA HAWAII e hele koke mai ano, ma ko'u halekuai.

            E hoalawa koke i ko oukou makemake,

-:MA KA HALEKUAI O:-

L.B. KERR,

-ma-

NAE O KA HALEKUAI O MOGAN.

Alanui Moiwahine : : : : Honolulu, H.,I.

 

            E hoopiha mau ana a'u i ko'u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko'u hoa kuai kukaa a me kuai liilii.

 

            E loaa no na Lole Huluhulu nani o na ano a pana Lole Halua na Makalena a me na lihilihi Lole.

            Na Lipine ano hou loa. Papale Wahine, Kane a me na Kamalii o ke ano paikini hou o na ano a pau.

            Na Kihei halii moe-laula, na Kawele Auau, na Pua Papale a me na Hulu. Na Lole Kane i humuhumu oleia, he oluolu loa ke Kumukuai.

            E hele mai-e nana i ka makou mau WAIWAI o na ano a pau, a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko'u Halekuai ma na Ahiahi Poaono.

            L.B. Kerr,

            ALANUI MOIWAHINE.

Waikiki iho o ka Hale Kudala o Mogan.