Ka Oiaio, Volume I, Number 37, 21 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.    HONOLULU,  FEBERUARI  21, 1896   HELU. 37

 

 OIAIO PUKA LA.

 

KA MANAOIO E OLA AI

 

 Ua hiki ia kakou ke hilihai, o Iesu ke Keiki a ke Akua; ua hiki ia kakou ke hilinai o ke koko o Iesu ka mea i hiki ke hoomaemae ia kakou mai na hewa a pau; ua hiki no hoi ia kakou ke hilinai i na mea a pau i oleloia ma ka Baibala he oiaio; aka noi, aole no nae i loaa ka manaoio o Iesu.  Ua hiki ia kakou ke hilinai i na kahua-ao o na ekalesia e olelo ana.  Ua hilinai au iloko o hookahi Akua, ka Makua Mana Loa; ka mea nana i hana ka lani a me ka honua, a i loko o kana Keiki kamakahi, o Iesu Karisto hoi ko kakou Haku;" ua hiki paha ia kakou ke hooia ae i keia mau mea a pau, aka, aole no nae ia o ka manaoio o Iesu. "Ma ka lohe ana i loaa ai ka manaoio," a he mea ole ko kakou kamailio no ka manaoio mawaho ae o ka olelo a ke Akua.

 

 O ko kakou manao ana me ko kakou naau a pau no kekahi mea, aole ia he hoike e hana ia ana ia mea.  O ka manaoio oia no ka paulele aku maluna o ka ke Akua olelo, ka hilinai ana i ka olelo a ke Akua, ka ae ana he oiaio ka ke Akua olelo.  Aka, he oiaio mau no ka ke Akua olelo i na manawa a pau, ina e hilinai a hilinai ole paha kakou.

 

 Ua olelo o Ioane, "he kanawai hou kekahi au e palapala aku nei ia oukou, he oiaio no ia mea iloko ona a me oukou no hoi." 1 loane 2:8.

 

 O ka manao o ka olelo a ke Akua oia no e liloia i mea oiaio iloko o kakou.  Ua oiaio hoi ka olelo iloko o Karisto, a oia no ke kulana oiaio o ka olelo.  O ka mea a ka olelo i kamailio ai nona, oia no ia. Ina ka olelo a ke Akua ua oiaio iloko o kakou, e hoolilo ana no iaia kakou e like me Karisto.

 

 Ua manaoio kakou i ka olelo a ke Akua i ko kakou wa e hilinai ai he olelo ola ua olelo la, a he mana kona e hoololi ana i ko kakou ano, a e hoohana ana iloko o kakou i kana mea i olelo ai.

 

 O ka manaoio oia no ka ike ana ia Karisto iloko o kana olelo oia ka mana o ke Akua ola mau, a manaoio aku me ka naau a pau e hooko aha oia i kana olelo i olelo ai Aole he manao noonoo wale iho ka manaoio, a aole wale he noonoo ana aku he mea oiaio kekahi mea, aka he manao hilinai e hoohui pu ana i ka hookuu ana ia kakou a me ka haawi pau ana ia kakou iho i ka olelo a ke Akua.

 

  HAAWINA HELUHELU BAIBALA.

 

  MANAOIO

 

1.  Heaka ka mea a Iesu i olelo ai i kekahi manawa he kupono e loaa i kana mau haumana?  Mar. 11:22.

 

 "Alaila kaumaha loa iho la kela ia olelo, a hele aku la me ka minamina, no ka mea, ua nui loa kona waiwai."

 

2  Heaha ka manaoio?  Heb,11:1

 

 "O ka manaoio, o ka hilinai ana no ia ma na mea i manaolana ia ai, a o ka hoomaopopo ana hoi o na mea i ike maka ole ia."  E hilinai ana ka manaoio maluna o ka olelo a ke Akua no na mea i ike maka ole ia.

 

3  Ehia la ka nui o na ano manaoio? Iakoba 2:19, (hapa hope), Hoik. 14:12.

 

 "E like me ka poe e hookolokoloia ana ma ke kanawai o ke ola."

 

4  Ua manao anei na diabolo he Karisto io no kekahi?  Luk. 4:34

 

 "I aku la Ea!  Heaha kau ia makou nei, e Iesu, no Nazareta?  Ua hele mai anei oe e luku ia makou ?  Ua ike no makeu ia oe, o ka mea hemolele no oe a ke Akua"

 

 He hooia no na daimonio i ke Akua, a e hoopai ia aku ana no lakou.  (Mat. 8:29, Iakoba 2:19), aka, aole nae oia manao ana ua hoololi ae i ko lakou ano.  E makau ana lakou ke hoomanao ia hoopai ana.

 

5  I ka wa o Karisto e ola ana ma ke kino kanaka, ua manaoio no anei oia i ka olelo a kona Makua? Heb. 3:2 a me 6.

 

 "Ka mea i malama pono i kona mea nana i hoolilo mai, e like hoi me Mose iloko o kona hale a pau." "Aka, o Karisto, i kona keiki ana maluna o kona hale iho; o kakou no hoi ua hale la, ke hoopaa kakou i ka manao pono a me ka manaolana e olioli ai i mau a hiki i ka hopena."

 

6  I kona wa e noho make ai ana, ua hilinai anei oia i ka olelo a kona Makua?  Mat. 4:3,4.

 

 "A hiki aku la ka mea hoowalewale i ona la, i aku la ia, ina o ke Keiki oe a ke Akua, e i mai oe i keia mau pohaku e lilo i barena."

 

7  Ua olelo aku no anei ka Makua e malame ana oia ia Karisto oiai oia ma ke kino kanaka a e hoowalewale ia ana?  Isa.50:7,9.(hapa hope).  E hoike ana ka pauku 6 no Karisto keia wanana.  E hookuku me Mataio 26:67.

 

 "Na Iehova ka Haku, e kokua mai ia'u, nolaila, aole au e hoopalaimaka; nolaila no au i kau ai i ko'u maka, me he pohaku paea la, a ua ika no au aole au e hilahila ana. * * * Aia hoi e kokua mai ana no Iehova ka Haku ia'u; owai hoi ka mea nana e hoahewa mai ia'u?  Aia hoi e lilo mai no lakou a pau i mea kahiko me he lole la, e ai no ka mau ia lakou."

 

8  Heaha ka mea i hookahua ia ai o ka manaoio oiaio? Rom. 10:17.

 

 "No ia hoi, ma ka lohe ana ka manaoio, a ma ka lohe ana ma ka olelo a ke Akua."

 

 Oia hoi, ua hookahua ia ma ka olelo a ke Akua, ua hilinai hoi e hooko ia ana na olelo a pau a ke Akua.

 

9  Ua ike anei o Karisto e lohe mai ana ka Makua i kana pule ana?  Ioane 11:42.

 

 "A ua ike no au, ua hoolohe mai oe ia'u i na manawa a pau; aka, no ka aha-kanaka e ku mai nei i olelo aku ai au, i manaoio mai ai lakou o oe kai hoouna mai ia'u."

 He manao hilinai piha kona e hooko mai ana oia i kana pule, a hoala mai hoi ia Lazaro.

 

10  Pehea o Karisto o ike ai e kokua mai ana ka Makua iaia?  Isa. 50:7,9, hapa mua.

 "Na Iehova, ka Haku, e kokua mai ia'u nolaila, aole au e hoopalaimaka. * * * Aia hoi e kpkua mai no o Iehova, ka Haku ia'u."

 

11 Ua hooia mai no anei kona mau enemi i kona hilinai io i ka Makua, ia lakou e hoomaewaewa aku ana iaia? Mat. 27:43.

 

 "Ua paulele aku no ia i ke Akua, a ina makemake mai ke Akua iaia, e hoola mai kela iaia ano, no ka mea, ua olelo mai no ia, owau no ke Keiki a ke Akua"

 O ka manaoio i loaa ia Karisto, oia ka manaoia e hoola hou ia ai kakou.

 

 Ua pepehi ia iho la kekahi haole e kekahi haole kahi-umiumi a eha loa, a ua lawe ia aku oia no ka Haukipila.

 Ua haawi ae o Prof. Price i kekahi hana akamai  ma o kona lele ana mai kona baluna mai ka lewa m@i, nona ke kiekie he 5000 kapuai, malalo ae nei o Ewa i ka Poaono iho nei