Ka Oiaio, Volume I, Number 36, 20 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.         HONOLULU, FEBERUARI 20, 1896.        HELU. 36

 

OIAIO PUKA LA

 

KA PONO MA KA MANAOIO

 

            “Oia hoi ka hoapono ana a ke Akua, ma ka manaoio aku ia Iesu Karisto, (Rom. 3:22.)  E hoomanao hoi i keia olelo,” “ma ka manaoio o Iesu Karisto.”  Ua olelo ae o Paulo i kona makemake e “loaa hoi au iloko o Karisto,” i kona wa e hele mai ai, “aole e paa ana i ko’u pono ma ke kanawai, aka, i ka pono ma ka manaoio ia Karisto, oia ka pono mai ke Akua mai ma ka manaoio.”  (Pil. 3:9.)  Eia hou hoi ka olelo hooia no “ka pono ma ka manaoio o Karisto.”  Eia hou no hoi na oleloia no na haipule “maanei ka hoomanawanui ana o na haipule, ka poe malama i na kauoha o ke Akua a me ka manaoio ia Karisto.”  (Hoik. 14:12.)

            “He Akua malama,” ke Akua. (1 Kor. 1:9.)  He malama o Karisto, “oia kai kupaa man.”  (2 Tim. 2:13.)  Ua haawi o Karisto i na mea a pau i ka haawina o ka manaoio.  (Rom. 13:3; Epeso 2:8.)  E haawi mai ana ia mea mai kona haawina manao io ponoi ae no.  Ua hana oia ia mea ma kona haawi ana mai iaia iho no kakou. (Tito. 2:14.)  Nolaila, ke ike nei kakou ma keia mau olelo, aole e loaa ana ia kakou ka manaoio ma na ano hana a ke kanaka iho, aka, i kumu e papalua ae ia mea ia kakou, ua haawi mai ka Haku ma ona ponoi iho i ka manaoio, nona ae hoi ka pono a kakou e lawe ai no kakou iho.  Nolaila, na ka manaoio o Karisto e lawe mai i ka pono o ke Akua, no ka mea o ka loaa ana oia manaoio oia no ka loaa ana ia kakou o ka Haku ponoi.  Ua haawiia keia manaoio ia na kanaka a pau e like me Karisto i haawi ai iaia iho i na mea a pau.  E ninau ana anei oe, no keaha mai ke kumu i pakele ole ai na kanaka a pau?  He hookahi no hana o keia ui ana, oia hoi aohe kumu, koe aku keia, ma ka aoao o ke kanaka, kona malama ole i ko Karisto manaoi@, Ina na kanaka a pau a ke Akua i haawi mai ai no lakou, alaila, e pakele ana no lakou a pau.

            O keia pono ma o ka manaoio “i ka poe a pau,” ma ka io maoli o keia olelo iloko “a maluna hoi o ka poe a pau e manaoio ana.” (Rom 3:22.)

            O ko ke kanaka pono ma ona iho, ma o ka kanawai ae, aia wale no ia mawaho. (Mat. 23:27, 28.)  Aka, ua makemake hoi ke Akua i ka oiai@ o loko, a maloko na wahi nalo, e hoikeike ana * * i ka naau.” (Hal 41:6.)  “O keia mau olelo a’u e kanoha aku nei ia oe i keia la, e waiho no ia maloko o kou naau.” (Kan. 6:6.)  A pela hoi na hoopomaikai o ka Berita Hou i olelo ia ai, “e kau no au – i ko’u kanawai maloko o lakou, a e kakau iho maioko o ko lakou naau.” (Ier. 31:39.)

            Ua hana hoi oia e like me ia, no ka mea aole loa e hiki i ke kanaka ke malama i ke kanawai o ke Akua mamuli ona iho.  O kahi hiki i ke kanaka ke hana o ke kanawai ma ke kino wale no e hoike ia ai e loaa ai ka mahalo ia e kona hoakanaka.  Ua hookomo maoli mai no ke Akua i kona pono iloko o ka naau o ke kanaka, a oia kaawina iloko ona, ka hoike e hooia ana ua ike ia i ke kanawai o ka pono, a e ku hoike ana no kona pono a me koua pono ole i ka la e ana ia mai ai kela kanaka keia kanaka ma na kanawai la iloko o kakou.

 

HAAWINA HELUHELU BAIBALA

 

KE KANAWAI, KA UHANE A ME KARISTO.

 

1  O keaha hoi ka mea hookahi nana e wehewehe mai i ke ano o ka hewa? Rom. 7:7 (hapa mua).

“Heaha ka kakou e olelo nei?  He @ewa anei ke kanawai?  Aole loa, aka, ma ke kanawai wale no i ike ai au i ka hewa.”

2  O ka mea hea kai hoohana i ke kanawai i moakaka mai ai ka hewa i ko ke ao?  Ioane 16:7, 8.

“He oiaio no nae ka’u e olelo aku nei ia oukou; he pono no oukou e hele aku au: no ka mea, i ole au e hele aku, aole e hiki mai ke Kokua io oukou nei; aka, i hele aku au, na’u no ia e hoouna mai ia oukou.  Aia hiki mai ia, nana e hoakaka mai i ko ke ao nei i ka hewa, i ka pono a me ka hoahewa ana.”

3  Ua hoike mai anei ke kanawai ua hewa na mea a pau? Gal. 3:22 (Rom. 3:19)

“Aka, ua papapau pu na mea a pau i ka palapala hemolele malalo o ka hewa, i haawi ia mai ai ka olelo ma ka manaoio ia Iesu Karisto na ka poe manaoio aku.”

4  Ia wai hoi ke kanawai e hoouna ai i ka mea i hewa i loaa ai ka pono? Gal. 3:24 (hapa mua).

“Nolaila, ua lilo ae la ke kanawai i kumu alakai no kakou io Karisto la.”

5  Heaha ka mea loaa i ka mea hewa ma o Karisto? Gal. 3:24, hapa hope.

“* * * I hoapono ia mai kakou ma ka manaoio.”

O ke “kumu o kela” i ke au o ka baibala, oia no ka mea nana @ alakai i ke keiki mai ka home a ke kula a hoi hou.  Ua alakai aku ke kanawai i ka mea hewa io Karisto, i ke Kumu Nui, a maloko ona e loaa ai i ka mea hewa ka apono ia mai ka hewa ma ka manaoio. (Oih. 13:39).

6  I ka hiki ana mai ai o ka manaoio, e mau aku ana no anei kakou malalo o ka ahewa a ke kanawai? Gal. 3:25.

“Aka, i ka hiki ana mai o ka manaoio, aole e noho kakou malalo o ke kumu alakai.”

7  Heaha ko kakou ano mahope o ka loaa ana o ka manaoio?  Aia kakou iloko o ke alakai ana o ke Akua. (Ioane 6:45) Gal. 3:26.

“No ka mea, he poe keiki oukou a pau na ke Akua ma ka manaoio ia Karisto Iesu.”

8  Heaha ka mea i lawe ia aku i ka wa o kakou i manaoio ai ia Karisto?  1 Ioane 3:3, 4.

“O ka mea i loaa iaia keia manaolana o na la, oia ke hoomaemae iaia iho e like me ko ia lo hoomaemae ana.  O ka mea e hana ana i ka hewa oia ka mea e hahaki ana i ke kanawai.”

O ka hewa o kakou, na hana haihai kanawai, oia ka mea i lawe ia ae.

9  Ua koe iho no anei ke kanawai e hana i kana hana, e ahewa ana i kekahi poe e aku? Mat. 5:17.

“Mai manao oukou i hele mai nei au e hoole i ke kanawai a me ka na kaula.  O ka hoo@aio ka’u hele mai, aole ka hoole.”

10  Pehea ka loihi @ ai ke kanawai? Mat. 5:18.

“No ka mea he @ ka’u e olelo aku nei ia oukou e lilo e ka @ a me ka honua aole e lilo kahi huna, @oi kahi lihi ike o ke kanawai a pau lo@ ia i ka hooko ia.”

11  @eaha ka Karisto i olelo ai no ka poe e haha@ ana i ke kanawai? Mat 5:19.

“Nolaila, o ka mea, e uhai aku i kekahi hua iki o keia mau kanawai a ao aku hoi i kanaka pela; oia ke olelo ia he mea uuku loa iloko o ke aupuni o ka lani; aka, o ka mea e malama ia mau kanawai, a e ao aku i kanaka pela, oia ke olelo ia he mea nui iloko o ke aupuni o ka lani.”