Ka Oiaio, Volume I, Number 35, 19 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

 

KO IESU EKALESIA MA KE AO NEI, AUHEA LA IA ?

HAINA -- O IA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

Poha ka Olino o ka Bapetizona -- Ka Meahuna Pohihihi o ka Euanelio -- Ke Ki o ke Aupuni Hiwahiwa.

MAHELE III.

            Anuu Elima.  ALA HOU ANA.

            Ma keia oioina e hookuu malie iho ai o Bapetizona i ke kanaka, a e kuu ai ka luhi o ke kanaka haipule: a o ka panina a me ka welelau o Bapetizona.  Elua mea Hiwahiwa loa ma keia anuu; a ke loaa laua, alaila, o ka hopena ia o na mea a pau loa; aole he mea okoa.

Kekahi mau pauku kuhikuhi, aka, ua hoohapaia.

            1---"*   *          *          *          O keia ke Ala Mua ana."

            "Pomaikai a hoano hoi ke kanaka, ke loaa iaia ke Ala Mua; aole hoi e lanakila ka make'na Alua      *          *            *" Hoik. 20:5;6.(hapa mua o ka 5, me ka hapa hope o ke 6)

            2---Mat. 28:6. Aole ia maanei, nokamea, ua ala ae oia e like me kana i olelo'i; e haele mai olua e nana i kahi i waiho'i ka Haku.  9. A i ko laua uhaele ana 'ku e hai i na haumana, aiahoi, halawai mai la o Iesu me laua, i mai la, Aloha olua!

            Ioa. 20:25.  I aku la keia poe haumana iaia, Ua ike makou i ka Haku.  I mai la oia ia lakou, I na e ike ole au i na puka o na kui ma kona mau lima, a e o i kuu mau manamana lima ma ka puka o na kui, a e o no hoi i ko'u lima ma kona aoao, aole loa au e manaoio aku.

            3---Pauku 26.  A poawalu ae la, ma loko hou kana mau haumana, a o Toma kekahi me lakou.  A ua paniia na puka, hele mai la o Iesu a ku iho ia i waena; i mai la, Aloha oukou!

Pauku 27.  Alaila i mai la oia ia Toma, E o mai i kou manamana lima maanei, a e nana i ko'u mau lima, e o mai ko lima, a e hou iho ma kuu aoao: a mai noho a kanalua.

            4---Pauku 29.  Olelo mai la o Iesu iaia, E Toma, No kou ike maka ana mai ia'u a ua manaoio iho la oe; pomaikai wale ka hoi ka poe ike maka ole.  Rom. 6:4. Nolaia, ua kanu pu ia kakou me ia, ma ka bapetizona i loko o ka make'na; a me Karisto hoi i hoalaia'i mai waena'e o ka poe make ma ka nani o ka MAKUA, pela hoi kakou e hele aku ai i ka pu-a-hou'na o ke ola.  (Ua kaohiia ke koena)

            5---Aohe kanaka o nei Honua ma ka ouli o ka bapetizona i hiki aku i nei anuu, o Iesu wale iho no.  Pela oia i hele ai i o Ioane 'la, E kaili mai ana i na oihana kuluma ekolu mai na Isaraela mai, e hoonoa ana ia mau mea ma ke kino; oiai, ua nawaliwali a ua hilahila hoi.

            6---Eia ua mau oihana 'la;

            1  Ka oihana alii, mai o ka Iuda mai,

            2  Ka oihana kaula;

            3  Ka oihana kahuna.

            Kin. 49:10.  Aole e kaili 'ku ke kookoo alii mai o ka Iuda aku, aole ka meahaawi-kanawai, mai waena aku o kona mau wawae, aka, a ia a hiki mai nae o Silo; a ma ona 'la no hoi ka hui ana o ka lehulehu.

            7---O Aarona ke kanaka a ke Akua i koho ai, i hailonaia'i ma na kookoo; i pua'i.  A ma kona inoa ka hohola ana mai o na kahuna  a pau i ku i waena o na Isaraela.  I ke au o Solomoa, ua mahae ka ohana; o Iuda me Beniamina, okoa no laua; a o na ohana Umi, okoa no lakou.

            Ma hope iho, ua auwana na mamo, a huikau ma na wahi like ole o ke Ao Nei.

            8---A, o ua inoa 'la, ma na loina hoomana, aole i hookahuliia a hookui ia Ioane; a oia ka panina me ka pau ana; aole o ka hapai hou i ke kulana haipule ma ka ouli Aarona.  A moku aku la ka poke kaulahao, nana i hawele mai i kela hanauna keia hanauna.  A hoea ihola o Iesu, alaila, hookahuli ia a e la na oihan ekolu i ka ouli Melekisedeka, e ku palenaole ana, a ma ke ano mauloa no hoi.

            (I na e kuihe o Meaheluhelu i keia wahi, alaila e kuekaa iho i ka baibala: aole o makou hoohialaai i ka hoopaapaa.)

            Aole i pau---

 

MAKANANI

MA KE KIHI MAUKA O ALANUI PAPU A ME KALEPA.

            AOLE O MAKOU MALAMA I NA KAMAA hiki ole ia makou ke hooiaio aku i kona paa, a i hiki ole ke kuai no ke kumukuai makepono a i kupono hoi no keia mau la mamake o ka aina  I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.

NO KEIA KUMU UA LAKO MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIIHAU.

Eia ma keia kii kamaa aulii e ike ia iho ai na ano o na kamaa NANI ma kahi o MAKANANI

HE EKUA WALE NO DALA ME HAPALUA KO KEIA KAMAA!

Peia iho la ke ana o ke kuai ana o na ano kamaa o ko makou hale.  Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Paa, Na Kamaa Emi,

            Na Kamaa helu Ekahi o ka hiehie,

E LOAA NO MA KA

Kau Hale Kuai Kamaa o MAKANANI

Honolulu, Jan 2, 1896

 

Na Lole Kohukohu !

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKEMAKE.

Ua loaa mai nei ia'u kekahi ano piha o na

LOLE AAHU HOU LOA.

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Huluhulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker.

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc.,

Aia no hoi ma ko'u Halekuai ka

LOLE FIBRE FABRICA.

He mea i oi aku ka maikai i ko ka LOLE NAAU HULU.

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMALU.

A e halo iho hoi i ke Kaliki (Trilby) ano hou, i kupono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho m Adamu.

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na haineka, a pela aku.

E hauoli loa au e hoomakaikai aku i keia mau mea nani i na Lede o Honolul.

J. J. Egan.

Alanui Papu  Mei. 21, 1895.  me 12itf