Ka Oiaio, Volume I, Number 33, 17 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I   HONOLULU, FEBERUARI 17, 1896   HELU 33

 

OIAIO PUKA LA

KO KARISTO HOOLOHE.

 

            “He Keiki no ia, ua ao no nae oia i ka hoolohe, ma na mea ana i ehaeha ai.”  (Heb. 5:8).  Ma na anuu a pau o ko Karisto noho ana mai ka hanau ana ma kahi hanai holoholona a ke kau ia ana ma ke kea ma Kalivari, na kukulu ia kona ano i hiki iaia ke olelo ai me kekahi olelo kanalua ole, “e like me a’u i malama ai i na kauoha a ko’u Makua, a e noho iloko o kona aloha.”  (Ioane 15:10).

            He kiekie ka haawina i loaa ia kakou e pili ana i ke kanawai o ke Akua ia kakou i ike ai i ko Karisto hooko ana i kana mau kauoha a pau o ua kanawai la, a me kona hoike ana i ko ke Akua ano imua o ke au nei!  Aia hoi ma ko Karisto hooko ana i ke kanwai oia i hoike aku ai i ko ke Akua ano.  Ua lawa a piha pono na hoonohonoho ana no ka hana hoola ma na ano a pau.  Aole hoi i hoemi ia mai ke kapu a me koi o ke kanawai o ke Akua ma kekahi kiko a hunehune paha, ma ka hoopakele, ana i ka mea hewa mai ka hoopai poino a ke kanwai.  Mamuli o ka make o ke Keiki Makahiapo o ke Akua no ka pomaikai o ka mea hewa, ua hoike ia mai ka malele ole a hakina o ke kanawai no ka manwa pau ole.  Ua hoohanohano aku hoi ka pono i ke kanawai o ke Akua ma ka hoolawa ia ana o ke kekahi panihakahaka no ka mea hewa; ua haawi hoi o Karisto i kona ola hemolele he uku panai no ka mea hewa i pono ai hoi ke Akua a hiki ke apono pu aku hoi i ka mea i manaoio aku ia Karisto.  O ka hana hoola i ka mea hewa mamuli o ka pono ma o Karisto ka mea nana i hoonani ae i ke kanawai, a hoomaikai hou ae hoi i kulike ai me ko ke Akua hemolele.  Ma ka hana a hoola ana ua haawi ia aku no hoomaikai kiekie loa i ke kanawai o ke aupuni o ka Lani, aka nae, ua haawi kaokoa ia aku hoi ke aloha o ke Akua ia Adamu, a me kana mamo.  O na mea a pau e manaoio ana, e hana pu ana me ka Hoola, ua hoomaikai ia hoi me na haawina oluolu o ka lani, a na makana ia hoi me na waiwai oi aku o ko ke Akua nani.

            Mamuli o ka hoolohe o ke Keiki a ke Akua, mamuli o kona ae ana e lawe i ka hoopai make maluna o kona ae ana e lawe i ka hoopai make maluna ona no ka hewa o kanaka, ua hoonani ia ke kanawai a hoohanohano ia imua o ke ao a pau.  Ua ike na anela, na kerunima, na serapima, a me ko na honua i haule ole i ka hewa i ka hoomaikai a me ka hookiekie ia ana o ke kanawai.  Mamuli o ka hoohalaia ana aku o ka nani piha o ke ano o ke Akua, ua ike hoi lakou i ka hoihoi hou ia ana o ke Akua i ke kanaka, a me ka hoopaa ia ana o ka hanohano o ke aupuni o ke Akua.  Ua hoonui ia aku hoi ka ike i na mamo kane a me na wahine a Adamu.  Ua ku iho oia i kona ola, ua hookahe i kona koko, ua make i ka hoopai no ka poe hewa, a ua lilo he auamo no ka hewa o na mea a pau e mihi ana, no na mea a pau e manaoio ana.

 

HAAWINA HELUHELU BAIBALA

KA LOKOMAIKAI A ME OIAIO ILOKO O KARISTO

            Ma ka haawina heluhelu hope aku nei ua hoike ia ua hele mai o Karisto e haawi i ke kanaka i ka pono i makemake ia ma ke kanawai; ka mea hiki ole i ke kanawai ke haawi aku i ke kanaka no ka nawaliwali o ke kino.  (Rom. 8:1-4)

 

1. Ma owai ke kanawai o ke Akua i haawi ia ai?  Ioane 1:17

            “Ua haawi ia mai ke kanawai ma o Mose la; aka, o ka lokomaikai a me ka oiaio ma o Iesu Karisto la ia.”

 

2. Ua hiki anei ia Mose ke haawi i ka ma@ i knaka e malama i ua kanawai la?  Aole, no ka mea, aole he mana oi ae o Mose i ko na kanaka i haawi ia aku ke kanawai

 

3. Heaha ka mea i hiki mai ma o Karisto la?  Ma  ia pauku 19 no, ua hoike ia mai o ka lokomaikai a me ka mea io maoli.  Ma o Mose ke kanawai i hele mai, ma konaano he kanawai; aka, ma o Karisto wale no i hele mai ai ka noho hooko piha ana i ke kanawai.

 

4. Heaha ka mea i hele mai ma ke kanawi, e like me ia i haawi ia mai ai e Mose?  Rom. 2:17, 18, 20.

            “Ina ua kapa ia oe he Iudaio, a ua hilinai iho oe ma ke kanawai, ua hoaano aku i ke Akua; a ua ike oe i kona makemake, ua hoao hoi i na mea ano e, ua ao ia ae ma ke kanawai, * * * he mea nana e ao i ka poe naaupo, he kumu hoi no na kamalii, a ua loaa hoi ia OE KE ANO O KA IKE A ME OIAIO ILOKO O KE KANAWAI.”  O ke ano wale no o ka oiaio maloko o ke kaaawai; aka, o Karisto maoli aku ka io o ka kanawai.

 

5. Ma kekahi wanana no Karisto, heaha kana i olelo ia?  Hal. 40:8, hapa mua.

            “Ke hauoli nei au i ka hana aku i kou makemake, e ko’u Akua.”

 

6. Heaha kana i olelo ae ai aia iloko o kona naau?  Pauku 8, hapa hope.

            “Oiai, o kou kanawia eia maloko o ko’u naau.”  Oia no ke kanawai maloko o Karisto, a i ka wao Karisto e noho ana iloko o kakou.  (Gal. 2:20, 1), ua lilo hoi he kanawai he mea ola mau iloko o kakou, he io aole he ano wale no, e like me ia iloko ona.

 

7. Ua manao anei ke Akua e kakau i kona kanawai iloko o ka naau o kona poe kanaka malalo o ke kauoha hou?  Heb. 8:10.

            “Aka, eia ka berita a’u e hana ai me ka ohana Iseraela, mahope iho o ua mau la la, wahi a Iehova; e pai au i ko’u mau kanawai ma ko lakou manao e kakaku iho ia mau mea ma ko lakou naau; a e lilo hoi au i Akua no lakou, a e lilo mai lakou i poe kanaka no’u.”

 

8. Heaha ka hana a ke kanawai iloko o ka naau o ke kanaka?  Hal. 37:31, (119:11)

            “Maloko o ka naau o kona Akua; aole kapuwai ona e kapeke ai.”

 

9. Pehea ke kanawai e kakau ia ai maloko o ka naau?  Kor. 3:3

            “No ka mea, ua hoike akaka ia, o oukou no ka Karisto palapala a makou @ ana ai, i kakau ia aole me ka inika, aka, @ ka Uhane o ke Akua ola; aole maloko o @ papa pohaku, aka, maloko o na papa @ ka naau.”

 

            Eia maanei o Dr. Munn.  He keiki keia, ma ka hanauna, na Keoni Munn, kupunakane o Keoni a me Kopae Kelekona.  He hulu makua hoi no keia ohana.  Ua holo mai oia me kekahi poe e ae no ka makaikai.