Ka Oiaio, Volume I, Number 32, 14 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

---

JOHN E. BUSH, Luna Hooponopono a me Piika

 

HONOLULU.  FEBERUARI 14, 1896.

---

KA WAIONA.

---

  Aole paha he mea e ae i oi aku ka ikaika i ka hooulu ana i na mea ino a pau maluna o ka lahuikanaka mamua o na mea hoona i ke kanaka. He nui na mea e hooulu ino ana i ke koko a me ke ano o ke kanaka. Iloko o na mea e hooulu ana i ka ona iloko o ke kanaka, o ka opiuma, ka alekahola a waiona e ae, ka paka, ke ki a me ke kope, na mea e komo nui nei iloko o na kumu o ka ma'i a me ka make a me na hana hewa o ka lahuikanaka. Ua houluulu ia hoi na huahelu e pili ana i keia mea he waiona, a ua ike ia mai ka waiona mai na kumu o eiwa hapaumi o na karaima i hana ia e kanaka. E luku ana ka waiona i ke kino o ke kanaka a kona make ana, i kinai ana hoi i kona uhane a nalowale ia mea iloko ona. O keia kekahi o na agena kiekie a ka Satana e hoowalewale ai i ke kanaka i kumu e komohia ai oia iloko o ka hewa a me ka make. Ua paio nui aku na ekalesia me na kanaka hoopono i keia kumu hoopilikia o ka lahuikanaka, aka, e like me ka pio ole o Satana, pela no i pio ole ai kana mau paahana.

  Ua ike ia keia mea he ona ma na lahuikanaka a pau. E hele pu ana keia agena o ka make ma na wahi a pau a ka euanelio i komo aku ai. He hoomake ka keia mea, a he hoola hoi ka ka euanelio. Pela iho la i ikaika ai ka waiona, no ka mea, he hana ane-Karisto kana hana.

  Iloko o ka maopopo a me ke akaka o na hopena ilihune a me ka hoohaahaa, ka ehaeha a me ka make maewaewa o na kanaka i ka waiona, ua like no nae kona ohohia ia me he ipo la.

  Ua hoopaakiki na misionari e hoopau aku i ka waiona iwaena o ka lahui Hawaii, me ka manao oia ka mea e malu ai kona inu ia ana. Aka, e like me ka paa ole o ka mea hewa ke paa ia aku, pela no i paa ole ai ka waiona i keia lahui, e like me na lahui e aku. Ua lilo hoi ka papa a hookapu ia ana o ka waiona he mea hoohaahaa hoi i keia lahui iloko o ko lakou noonoo, oiai na lahui e ae e ae ia ana e inu. No keia kumu ua loaa he kokua i waena o ka poe naauao o ka lahui Hawaii e kue a e hoopau i ke kanawai e kauka pakahi ana iwaena o na lahui ma keia aina, aole no ko lakou ike ole i na poino o keia mea, aka no ko lakou lili i ke kuleanapaa a me ka pono kaulike o kela a me keia mea. No ka ae ole o ka poe e paa ana i ka Hawaii, e hookapu loa ia ka waiona aole e kuai a aole e hoopae ia, nolaila ua kokua lakou e noa like ka pae ana a me ka inu ana. Mai ia wa mai i ulu akea ai ka mea e ulu liilii aua ma na kuono, na poopoo, na paia, mai na lahui e mai, o ka Hawaii no mae ka luahi.

---

KELA ME KEIA.

---

  I keia kakahiaka i ku mai ai ka Mariposa. Ua hoi mai o Bihopa Willis mai Kauai mai. I ka la 12 o Mei e poni ia ai ke Czar o Rusia. Na ka Pake ka la nui, na ka Hawaii nae ka hio ana i o a ianei.

  Ua holo aku o Hammer ma ke Calaudine no Mauai, no ka hopu ana ia L. V. Redpath.

  Nui na puaa i luku ia no ke konohi, a ua nui no hoi ka poe i hana ino i ka io o ka puaa.

  Ua haawi makana mai o W. C. Riee he mau lio pone no ka poe hana keaka lio.

  Ma ka Mariposa o keia kakahiaka i hii mai nei o Geo. McTarlane a me A. Margues.

  E hoihoi ia mai ana ka me kuahi Aztee, malalo o ka Hae Hawaii.

  Na ahewa ia o Lord Dunraven e ke Komite o ka Hui Hooheihei Waa lealea o Amerika.

  E holo ana o Kauka Rowat no Aferika Hema, a e kuai aku ana oia i kona pono a pau maanei.

  Welo mai ana ka hae o na Pake me ka moa deregona nui, i makaukau e ale aku i na Iapana.

  Ua aihue ia aku mailuna aku o ke kaa Bake o E. B. Thomas he kuka, oiai oia moloko o kekahi hale Pake.

  Ma ka hora ewalu a oi o ke ahiahi Poaha nei, ua hanau mai la o Miss Nancy Silyer, he kaikamahine nui nepunepu. Ola no ia la maka poniunia.

  Ke hooikaika loa nei kekahi poe e ae ia aku lakou e kuai i'a ma ke Alanui Maunakea. Ua hoole nae ka Papa Ola.

  Ua manao ia hoi e oi loa aku ana ke kani o na mea kani konohi, eia ka aole i lihi launa aku e like me ka la 1 iho nei o Ianuari.

  Ua nalowale o Redpath, kekahi mea ohi dala o ka nupepa Advertiser. Ua nalo pu hoi me kekahi puu dala nui o ua nupepa la. Inehinei ua loaa aku oia i Waianae, a eia oia imua o ka Aha i keia wa.

  Ua hooholo ia kekahi olelo aooholo e ahewa ana ia Kuhina Bayard no kana mau olelo ma kana haiolelo ahewa ana i ke kulana hana.

  Ua make o Alai, kekahi lima hana o ka hale hana papa o Enterprise, a ua ialoa ia kona kino a hoi mai ka Malulani me kona kaikoeke, oia ho ke kuene o Malulani.

  Eia ka poe jiure ke noonoo nei no kela hihia a Mrs. Vitoria Ward i ke aupuni, he koi poho no $20,000 no kela alanui hou ma kona aina e moe la a Waikiki.

 

HALE KUAI KAMAA

--- o ---

MAKANI

 

MA KE KIHI MAUKA O ALANUI PAPU A ME KALEPA.

---

  AOLE O MAKOU MALAMA I NA KAMAA hiki ole ia makou ke hooiaio aku i kona paa, a i hiki ole ke kuai no ke kumuku ai make@ ono a i i kupono hoi no keia mau la makemake o ka aina. I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai ololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.

 

NO KEIA KUMU UA LAKO MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIIHAU.

---

 

  Eia ma keia kii kamaa auiii e ike ia iho ai na ano o na kamaa NANI ma kahi o MAKANANI

 

HE EKUA WALE NO DALA ME HAPALUA KO KEIA KAMAA!

  Pela iho la ke ana o ke kuai ana o na ano kamaa o ko makou hale. Nolaila, e hoomanao oukou e na makamaka mai Hawaii a Niihau i kahi e loaa ai na

  Kamaa Paa, Na Kamaa Emi,

  Na Kamaa hela Ek@ h@ k@ h@

 

E LOAA NO MA KA

 

Ka Hale Kuai Kamaa o

 

MAKANANI

 

  Honolulu, Jan. 2, 1896