Ka Oiaio, Volume I, Number 32, 14 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

OIAIO PUKA LA

HUI KA PONO A ME KE ALOHA ILOKO O KARISTO.

 

Ma ka pio anuenue maluna o ka noho alii (Hoik. 4:3) e ike ia ana ka hoike mau o ko ke Akua hoailona, o kona aloha i haawi ai oia i kana Keiki ponoi e make no ka lahuikanaka a

pau, a o ka mea e manaoio ana iaia aole e make, aka, e loaa no ke ola mau loa.  Ina manawa a pau e wiho ia aku ai ke kanawai i ka lahui kanaka, e pono i ke kumu-ao i ka oiaio e kuhikuhi aku i ka noho alii i hoopuni ia ine ka pio anuenue o na olelo hoopomaikai, ka pono maloko mai o Karisto.  O ka nani o ke kanawai oia no o Karisto; ua hele mai oia e hoonani i ke kanawai a e hoohanohano aku.  E hoike mai a moakaka oia hui ke aloha a me ka oiaio iloko o Karisto, a ua opo aku hoi ka pono a me ka maluhia kekahi i kekahi.  Aia i kou manawa e nana ana i kona noho alii, e waiho aku ana i kou mihi a me kou hoonani a me kou hoomaikai i ke Akua, e hoohemolele ai oe i kou ano Karistiano, a e hoike ai oe i ko Karisto ano i ke ao; e noho ana oe iloko o Karisto, a oia iloko ou, ia wa e loaa ai kela oluolu iloko ou i ike ia me ka hiki ole nae ke hoomoakaka ia.  Ua kupono ia kakou e noonoo mau maluna o Karisto, maluna o kona mau hiohiona nani.  E hoopololei kakou i na noonoo ia Karisto, a e hoopaa iho maluna ona.  E like me ka pio anuenue iloko o ke ao i hana ia mai ka malamalama o ka la a me na kilihune ua, pela ka pio anuenue e hoopuni ana i ka noho alii e hoike ana i ka mana i huiia o ke aloha a me ka hana pono.

 

Aole wale o ka hana hoopono ka mea e malama ia, no ka mea e hoemi ana ia ka nani o ka pio anuenue i hoailona ia mai e kau ana maluna o ka noho alii; e hookahi wale no auanei mea a kanaka e ike ai oia ka hoopai@a ke kanawai.  Ma kahi i hooko ole ia o ke kanawai, hoopai ole, aole hoi he kulana-paa o ko ke Akua.  Aia ma ka hoohuihui ana i ka hoopai a me ke aloha e loaa ai ka hoola hou ana me ka piha a me ka lawa.  Na ka awilip@ ana o keia mau mea elua e alakai aku ia kakou, i ko kakou wa e nana ai i ka Hoola o ke ao a me ke kanawai o Iehova, e puana ae "na kou oluolu i hoonui ae ia'u."  Ua ike hoi makou, he hana hemolele a piha ka euanelio, e hoike ana i ka loli ole o ke kanawai o ke Akua.  Ke poloai mai nei ke aloha ia kakou e komo aku ma na ipuka iloko o ke kulana kauhale o ke Akua, a ua mohai ia hoi ka pono i mea e loaa ai i kela a me keia mea hoolohe, na kuleana piha ma ke ano he lala no ka ohana alii.  Ina he hemahema ko kakou ano aole e hiki ia kakou ke komo aku iloko o na ipuka i hoohamama ia no ka poe hoolohe; no ka mea, aia ma ka ipuka kahi e ku ana o ka pono e koi mai ana e hemolele, e maemae i loko o ka poe e ake aku ana e ike i ke Akua.  Ina na pio ka pono, a ina he mea hiki i ke aloha ke wehe i ka ipuka i ka lahuikanaka holookoa, me ka nana ole i ke auo o ke kanaka, alaila e ike ia aku no he kulana kipi ma ka Lani i oi aku i ko ke kipi mua ana mamua o ko Satana i kipakuia ai.  Ua lilo hoi he mea ole ka maluhia, ka oluolu a me ka lokahi ma o ka lani.

 

HAAWINA HELUHELU BAIBALA.

KA EUANELIO A ME KE KANAWAI

 

1  Heaha hoi ka euanelio o Karisto ?Rom. 1:16, hapa mua.

"No ka mea, aole au i hilahila i ka euanelio no Karisto; no ka mea o ko ke Akua Mana ia e ola ai, no na mea manaoio."  Ua hoike ia ko ke Akua mana nui ma ka hana ana i ka lani a me ka honua a me na mea a pau ma ka honua.  (Hal. 33:6,9.)  O keia mana hookahi no kai hoike ia ma ka euanelio no ko ke kanaka hoola hou ana.

2  Heaha ka mea i lilo ai ka euanelio, oia ka mana akua?  Rom. 1:17 (napa mua).

"No ka mea malaila ko ke Akua pono i hoike ia mai ai, mai ka manaoio a ka manaoio."

3  Heaha hoi ke ao ana a ke kai i ka poe i pakele?  1 Kor. 1:18

"No ka mea, o ka olelo no ke kea, he mea lapuwale ia i ka poe make; aka, ia kakou, i ka poe ola oia ka mana o ke Akua."

4  Ma ke aha ke ao ana no Karisto ma ke kea, oia ka mana o ke Akua?  1 Cor. 1:24.

"Aka, i ka poe i hea ia mai, ina Iudaio a me na He lene, o Karisto no ka mana a me ka akamai o ke Akua."

O ka mana a me keakamai o ke Akua aia iloko o Karisto, (Mat. 28:18) a o ka euanelio oia o ka hoomaopopo ana mai ia Karisto a nolaila o ka hoike ana mai i ka mana nana i hookumu mai na mea i ike ole ia mamua, ma ka olelo ana, oia no ke hoike nei no ko ke kanaka hoola hou ia ana."

5  Heaha o Karisto i hana ia ai no kakou?  1 Kor. 1:30.

"Nana mai no ko oukou iloko o Karisto Iesu, o ka mea i lilo no kakou i akamai, i mea ho pono, i mea hoomaemae, a i mea hoolapanai mai ke Akua mai."

6  Alaila, heaha hoi ka mole a me ka iho o ka euanelio?  Ier. 23:6.

"I kona (Karisto) mau la e hoola ia ai o ka Iudaio, a e noho maluhia o ka Israela, a eia hoi kona inoa e kapaia mai ai, o IEHOVA KO KAKOU PONO."  Ma ka pauku 5, ua hoike ia o Karisto keia.  O Karisto kakou pono, a nolaila o ka euanelio oia no ka mana o ke Akua iloko o ka hoola ana, no ka mea, malila i hoike ia ai ka pono o ke Akua."  (Rom 1:17).

7  Heaha ka me i hoike ia ma ke kanawai?  Rom. 3:20.  hapa hope.

***No ka mea, ma ke kanawai ka ike ana i ka hewa."

8  Heaha hoi ka hewa?  1 Ioane 5:17 hapa mua. (1 Ioane 3:4).

"O na mea pono ole a pau he hewa wale no ia."

9  Pehea ke kanawai i hoike ai i ka hana hewa?  Ma ka hoakaka ana mai i ka pono.

10  Heaha hoi ko ke Akua pono?  Hal. 119:172, hapa hope.  (Isa. 5:6, hapa hope; a me pauku 7, hapa mua).

"No ka mea, ua hemolele kau mau kauoha a pau," aka, e ulu no ke kakalaioa malaila, a me ka laau kalakala; a na'u no e kauoha aku i na ao, i ua ole mai lakou maluna ona.  No ka mea, o ka pawaina o Iehova o na kaua, oia ka ohana o na Iseraela, o na kanaka hoi o ka Iudaio oia kana e olioli ai."

11  Oiai ke kanawai ko ke Akua pono, aka, aole hoi e hiki i ke kanawai ke haawi i ka pono i ke kanaka, pehea la e loaa aku ai ko ke Akua pono i ke kanaka?  Rom. 8:3,4.

"No ka mea, no ka hiki ole i ke kanawai o ke Akua no kona nawliwali ma ke kino, i kona hoouna ana mai i kana Keiki ponoi, ma ke auo o ke kino hewa, a ma ka mohai no ka hala, ua hoahewa mai la no ia i ka hewa iloko o ke kino; i hooko ia ai ke kauoha o ke kauawai iloko o kakou ka poe hele ole mamuli o ke kino, mamuli no o ka Uhane."

O ke kanawai oia no ko ke Akua pono, aka, mamuli o ka mawaliwali o ke kino ua hiki ole ke hookomo aku i ka pono iloko o kanaka; aka, o Karisto, ka me i hana ia iloko o kakou i pono no kakou, (1 Kor. 1:30; Ier. 23:6) ua nohe iloko o ko kakou kino (Gal. 2:26) i hiki ai i ka pono o ke kanawai ke noho iloko o kakou.