Ka Oiaio, Volume I, Number 31, 13 Pepeluali 1896 — Page 1
| This text was transcribed by: | Francine Frost |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 50 keneta o ka mahina.
BUKE 1. HONOLULU, FEBERUARI 13,1896.
OIAIO PUKA LA
-------------------------------------------------------------------------------------------
KE KANAWAI IlOKO O KARISTO.
-----------------------
Maloko o ka pule a Karisto no kana mau haumana ua olelo oia no lakou penei: "A ua haawi aku au ia lakou i ka nani au i haawi mai ai ia'u, i lilo ai lakou i hookahi, e like me ko kaua hookahi ana: owau iloko o lakou, a o oe iloko ou, hemolele ai ko lakou hookahi ana a i ike ai ko ke ao nei, na hoouna mai oe ia'u a ua aloha oe ia lakou e like me kon aloha ia'u." (Ioane 17:22,23.) O ka nani o Karisto oia no kona ano iho, a o kona ano oia no ka manao o ke kanawai i hookoia ma ka hana. Ua hooko oia i ke kanawai ma na ano a pau, a ua hoike mai i ko ke ao ma kona noho ana i na alakai hemolele o na mea i hiki i ke kanaka ke hana me ka hoohui ana o kana hana ana malalo o ke alakai a ka Uhane o ke Akua.
Ma kona ano kino kanaka ua hilinai aku o Karisto maluna o kona Makua, e like me ke kanaka e kaudai aku nei maluna o ke Akua no ka mana e hiki ai ia ia ke hoomaikai piha i kona ano.
He hoike ana hoi ke kanawai i ko ke Akua ana, he hoike ana i kona hemolele; aka, ma ka naua ana aku a ke kanaka i haule i ka hewa i ke ano o ke kanawai, na lilo hoi he leo e ahewa ana iaia, he mea e hoohana mai ana e make ia. Aole loa hoi he mana a he kuleana ma ke kanawai e kala mai i ka hewa o ke kanaka, aka he ana wale no ia o ka pono e ike ia ai ka hewa, e like me ka Paulo ma Roma 3:20, "** no ka mea, ma ke kanawai ka ike ana i ka hewa." "Ma ka hana ana ma ke kanawai, aole kanaka e hoaponoia imu ona." Aole loa hoi he wale kukuna o ka manaolana e poha iho ana i loaa ma ke anawai i ka mea hana hewa, a aole no hoi e loaa ia ia he pane hoolana mai ke kanawai ae no kaua ninau "heaha kau e hana ai i pakele ai au?" "Pehea au e pono ai imua o ke
Akua?" Ma o Karisto nae, na hoomakankau ia he alanui e pakele ai.
Ua hele mai ko kakou Hoola ma ke kino kanaka e ahewa i ka hewa iloko o ke kino o kanaka o apo mai hoi i ka mea e mihi ana me ka puliki hemo aie, a ia manawa hookihi e paa ana oia i ko ke Aku Noho alii, e lilo ana oia ke apo hoohui mawaena o ke kanaka a me ke Akua, mawaena o ka honua a me ka lani. Ma ka imi ana e ike i ke Akua, ua kuhikuhi ia ke kanaka ma o Karisto la e ike ai, ka mea i noho ma ke kino a malama i ke kanawai o ke Akua, a i hoike mai i ko ke ao a pau, i ke ano o ka Makua.
Ma o ke Keiki a ke Akua i hoike ia mai ai ka hoikena piha o ko ke Akua ano, ka mea hiki ole ke ike ia ma kekahi ano e ae; no ka mea, aia iloko o Karisto i hui ai ka lokomaikai a me ke aloha o ke Akua, a i honi ai ka pono a me ka maluhia. He hoike ana piha hoi o Karisto, ma ke kino kanaka, i ahewa ai i ka hewa ma ke kino ma kona hewa ole, i ko ke Akua ano i ke ao holookoa.
---------------------------------------------------
HAAWINA HELUHELU BAIBALA.
---------------------------
KO ABEREHAMA MANAOIO A ME KONA HOOLOHE.
-----------------
1 Mamuli o ka Aberehama manaoio, ua lilo oia he aha? "Ka makua no ka poe a pau e manaoio, ana." Ka makua o na mea a pau." (Rom.4:11.16). Aole wale hoi he makua no ka poe o ke au kahiko i manaoio, aka, he makua no "KAKOU A PAU.' (GAL 3:7).
2 Pehea la ka noho ana a na keiki a ia makua? Rom.4:12, hapa hope.
"E heleanahoi ma na kapuai o ko kakou makua o Aberehama."
3 Ina ka poe Iudaio i malama i ka manaoio o Abereh ma, heaha hoi ka lakou hana e hana ai?
"Olelo aku la ladou, i aku la ia ia , o Aberehana ko kakou makua, i mai ia o Iesu ia lakou, ma ne poe keiki oukou na Aberehama."
4 Pehea o Aberehama i hooia mai he manaoio maoli io koua. Kin 22:12.
"No ka mea ke ike nei au ua makau oe i ke Akua; no ka mea, aole oe i ana i kau deiki." Ua hoolohe oia i ka leo kauoha a ke Akua a hiki i ka hoomake ana i kana keiki hookahi.
5 Ua olelo moakaka no anei ke Akua ua hoomaikai ia oia nokona hooko ana i kona leo? Kin 22.18, (heluhelu pauku 16,17). "A ma kau mamo e hoopomaikai ia ai na lahuikanaka a pau o ka honua; no ka mea, ua hoolehe mai oe i ko'u leo."
6 Ua hooia hou ia aku anei ia Isaaka ka olelo hoopomaikai i olelo iaia Aberehama? Kin. 26:4 (Heluhelu pauku 3).
"A e hoonui aku i kau poe mamo e like me na hoku o ka lani , a e haawi aku no wau i keia mau aina no kau poe mamo; a i kau poe e hoomaikai ia ai na lahuikanaka a pau a ka honua."
7 No ke aha hoi ke Akua i olelo iho ai pela oia e hoopomaikai ai ia Aberehama? Kin. 26:5. "No ka mea, i hoolohe mai no o Aberehama i ko'u oo, a i malama hoi i ka"u mau kauoha, i ka'u mau olelo, a me ko'u mau kanawai." No ka mea, ua malama o Aberehama i ko ke Akua mau kanawai.
8 Heaha hoi ka waiwai o ka olelo ana he manaoio ina ole he hana? Iakoba 2:14,17. (pauku 20, 26). "E na hoahanau o'u, heaha ka waiwai ke olelo kekahi, he manaoio kona, aole hoi ana hana? E hiki anei i ka manaoio ke hoola iaia . Pela no hoi ka manaoio, ina oia wale no aole ana hana, ua make ia."
9 Pehea o Aberehama i apono ia ai, ---lilo ai hi kanaka hana pono? Rom. 4:20 hapa hope, a me 22. "Aku, ua ikaika ia ma ka manaoio, e hoonani ani i ke Akua*** No ia mea, ua hoolilo ia ia i pono nona."
10 Heaha ka Aberehana hana e hooia ana he maaoio maoli kona? Iakoba 2:23. 'A ua hooko ia hoi ka palapala, i i mai ai, ua manaoio o Aberehana i ke Akua, a ua hooili ia ae ia pono nona, a ua kapa ia iho la oia he hoa'loha no ke Akua."
11 Heaha ka mea i olelo ia ae no ka hoolehe i ka ke Akua mau kauoha? 1 Ioane 5:2. "No ia mea, keike nei no kakou, i ko kaku oloha ana i ke keiki a ke Akua, ke aloha aku kakou i ke Akua. Nana ia Rom. 13:8,10).
12 E like me Aberehama i hoolohe ai ia kekanawai o ke Akua, pehea kana mau keiki, (na Karistia-no Gal. 3:29) e hoohana aku ai i ke kanawai o ke Akua? Ioane 8:39, hapa hope. "Ina he poe keiki oukou na Aberhama, ina ua hana oukou i na hana a Ahereuama."
13 Pehea o Karis o i ao mai ai i ke kupono o keia mea he hoolohe? Luka. 6:46 "No ke aha la oukou i hea mai ai ia'u e la Hakn, eka Haku, me ka malama ole i ka mea a'u e kanoha ake ai."