Ka Oiaio, Volume I, Number 30, 12 Pepeluali 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

 

KO IESU EKALESIA MA KE AO NEI, AUHEA LA IA?  HAINA – OIA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

Poha ka Olino o ka Bapetizona – Ka Meahuna Pohihihi o ka Euanelio – Ke Ki o ke Aupuni Hiwahiwa.

MAHELE 11.

Anuu Eha.  BAPETIZO KOKO.

            1 – Moo Akahi. Uhaki Kanawai: -

E ia kona ano.  Ua hanaia ke kanaka ma na kanawai o ka iwi, koko a me ka io; he kanawai Kumuhonua ia.  Alaila kauoha ia aku la keia mau mea, E malama a e hookino ae i ke kino, e ulu a lau: a nee aku i mua e hooko i ke kauoha.  Penei ke ano; Ua haawiia ka manawa ola e like me ka ikaika o keia mau mea, a e make ana ke pau ka ikaika.

            O kekahi kino he 900 makahiki e ola ai, aka komo e ihola i ka hana a Iesu, oiahoi ka hai euanelio; no keia kumu i make e ai ua kino ‘la i ka haneri kanakolu makahiki, me ka emi ole o ka ikaika o ke kino [wai, io, koko,]; ma muli o ke ki-puia, hahauia, hailukuia, hoopaa loihi ia ma ka halepaahao me ka hanai kupono ole ia paha a me na mea like.

            O keia make’na e ana o ua kino ala, he kue ia i ke kanawai Kumuhonua; a ua kapaia he Uhaki Kanawai.  A ma ka oiaio a me ka ponokumuhonua, e ku aku auanei keia mau hunahonua ekolu i ka la hopena e koi i ko lakou poho, o na makahiki 770 i koe; e koi ana, e uwalo nui ana me ka pauaho ole i mua o ka Makua.  Maanei i aie ai o Iesu i ua kino ‘la.

            Nolaila, olelo o Iesu, I na e lilo ke ola o kekahi kino ma muli o Ka’u hana, alaila Na’u no  hoi e pani aku i ka la Hope.  E nana Mat. 16:25.  Luk. 17:43. Ioa. 12:25.

            Moo Alua. Inea: -

Eia ke ano.  Ua hanaia ke kanaka me na pono laula i hoopea ole ia e ku ana i ka Lunaikehala, e huli ana me ka hauoli a e apo aku i na haawina ekolu o ke kino.

1         Ka Olioli,

2         Ka Hanohano;

3         Ke Ola loihi ana.

Aka, ua hoopea wale ia keia mau haawina no ke komo ana i ka Iesu hana a inea ihola – Penei; Hooluhiia, hookaumahaia, hoopaiia, kuamuamuia, hoimihalaia, hahauia, hoopaahaoia, i loko o ka imuahi, lua liona, kueia e na hoahanau pililoko, ke kanaka e paha; hoomaewaewaia, hoohenehene mai, hooiloilo mai, hakukole mai, hakuepa mai, hookaulana kukahekahe me ka hoomanawanui ole; hanai@a i na mea awahia, i na mea pelapela; ilihune, pilihua, piliaiku, huaia, eha, mai, uwe, kaniuhu, kanikau ana, hoomaikolaia mai, apuhiia, pule nui ana me ka hookeai; a me na mea like.

Aole i pau –

 

Hape Nuia!  Hape Nui ‘

HAUOLI MAKAHIKI HOU!

Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumukuai o na mea kuai, i keia makahiki hou, ma ke ano hoolaha, ke poloai aku nei au i na MAKAHIKI HAWAII e hele koke  mai ano, ma ko’u halekuai.

            E hoalawa koke i ko oukou makemake,

MA KA HALEKUAI O

L. B. KERR,

Ma

NAE O KA HALEKUAI O MOGAN.

Alanui Moiwahine, Honolulu H., I.

            E hoopiha mau ana a’u i ko’u halekuai mai na Hana Lole pololei mai o Enelani, Geremania, Amerika, a me na Aina o Europa a mai Kina a me Iapana, a mai au aku a ko’u hoa kuai kukaa a me kuai liilii.

 

            E loaa no na Lole Huluhulu nani o na ano a pana Lole Halua na Makalena a me na lihilihi Lole.

            Na Lipine ano hou loa.  Papale Wahine, Kane a me na Kamalii o ke ano paikini hou o na ano a pau.

            Na Kihei halii moe laula, na Kawele Auau, na Pua Papale a me na Hulu.  Na Lole Kane i humuhumu oleia, he oluolu loa ke Kumukuai.

            E hele mai e nana i ka makou mau WAIWAI o na ano a pau a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.

            He mau WAIWAI HOU LOA ma na KUMUKUAI HAAHAA.

            E hemo ana ka puka o ko’u Halekuai ma na Ahiahi Poaono

 

L. B. Kerr,

ALANUI MOIWAHINE.

Waikiki @no o ka Hale Kudala o Mogan,

 

Na Lole Kohukohu!

Oia hoi ka mea a na Iede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKEMAKE.

Ua loaa mai nei ia’u kekahi ano piha o na LOLE AAHU HOU LOA.

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Hulu

Hulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker,

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc,

 

Aia no hoi ma ko’u Halekuai ka

 

LOLE FIBRE FABRICA.

 

He mea i oi aku ka maikai i ko ka LOLE NAAU HULU.

 

Aole no oe i kahiko piha ke ole i hoi loaa ia oe kekahi o kuu

 

PALEKOKI KOHU MAMALU.

 

A e halo iho hoi i ke Kaliki (Trillby) ano hou, i kupono i kau e iini nui nei.

 

Aia hoi ma ko’u halekuai na Lole Moepoli i ka hikonoeau ia, a kupono o ka hana ana iho m Adamu.

 

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

 

Na Kaliki o na ano m@ikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku

 

E hauoli loa au e hoomaikaikai aku i keia mau mea nani i na Lede o Honolul.

 

J. J. Egan.

Alanui Papa Mei. 21, 1895.                Me @@@@