Ka Oiaio, Volume I, Number 30, 12 Pepeluali 1896 — Page 1

Ka Oiaio/Ka Oiaio Puka La

Hoopukaia i na la a pau koe ka la Sabati a me Lapule no 30 keneta o ka mahina.

________________________________________________________________

BUKE I.                     HONOLULU, FEBERUARI 12, 1896                  HELU. 30

______________________________________________________________________________________

OIAIO PUKA LA

________________________________________________________________

 

KA EU ANELIO IA ABEREHAMA.

__________

 

   Ma na aka a ma na olelo kauoha a ke Akua ua “hai ia aku la oia mamua i ka euanelio ia Aberehama.”  (Gal. 3:8)  A mamuli o keia olelo ua paa mua hoi kona manaoio maluna o ka Hoola e hiki mai ana mahope.  Wahi a Iesu i na Iudaio, “Olioli iho la o Aberehama e ike i kou manawa; a ike iho la no ia a hauoli iho la.  (Ioane 8:56.)

   O ka hipakane i mohaiia ma kahi o Isaaka oia no ke aka o ke Keiki a ke Akua e mohai ia aku ana ma ko kakou wahi.  I ka wa o ke kanaka i haulehia ai i ka make mamuli o kona hahaki ana i ko ke Akua kanawai, ua nana iho la ka Makua i kana Keiki, a olelo aku la i ka mea hana hewa “e ola oe; ua loaa kou hoola panai.”  Ua kauoha ia hoi o Aberehama e mohai i kana Keiki, i mea e kuni ia ai ka oiaio o ka euanelio maluna o ko Aberehama noonoo, a i mea no hoi e hoao ia ai kona kupaa.

   O na ehaeha walohia i ilihia iho maluna o Aberehama no ka mohai ponoi ana aku ana i kana keiki i na la kupouli i ka puka ana mai o ke kauoha, ua hana ia mai no ia i mea e aai ai iloko o kona naau a e ike pono ai oia i ke kelakela o ko ke Akua aloha a me ka hiwahiwa o ka mahai ina i hooholo ai e hana ia i hoopakele ia ai ka lahui kanaka.  Aole paha he hoao e ae i oi aku ka walania a me ka paumako ia Aberehama mamua o kona kauohaia ana mai e liku ponoi aku i kana keiki, he mohai.  Ua hoowa hoi ke Akua i kana Keiki makahiapo e make i ka make hoehaeha ma ke kino a hoomeawaewa hoi i ka puuwai.

   Aole hoi ke Akua i ae aku i na auela i ike maka aku hoi i ko ke Keiki hoohaahaa ia ana ma ke Kea a me kona hoehaehaia ana ma ka mala o Getesemane, e uwao a e hoomama ae i kona ehaeha o ka hoohaahaaia a me ka awahia o ka make hoomainoinoia, e like me ko lakou kuu ia ana mai e uwao a e hoopakele ae ia Isaaka mai ka make, a ia Aberehama mai na hoehaeha ulupuni o ke kino a me ka naa@.  Aole hoi he leo i poha ae nona e i ana, “ua lawa.”  I mea e hoopakele ai ka lahui kanaka i haulehia ua haawi ae ke Lii o ka Nani i kona ola.

  “O ka mea i aua ole ikana Keiki Ponoi, a i haawi mai ia ia no kakou a pau, pehea la e ole ai oia e haawi lokomaikai pu mai me ia i na mea a pau?”  (Rom. 8:32.)

   O ka mohai i manao ia aku mai a Aberehama aole hi i manao ia nona wale iho no ia pomaikai, a aole no hoi no ua hanauna wale mahope mai ona; aka, ua kauoha ia hoi oia e hoike i kona manoio i mea e ao ai i ka poe anela pu kekahi ma ka lani a me na lahui kanaka e aku o na poepoe honua a  i haule ole i ka hewa  

   O ke kahua o ka paio mawae@a o Karisto a ame Satana---ke kahua i kukuluia ar ka hana hoola—oia hoi ka mea nui a ko ka ao holookoa e hoomaopopo ai.

   No ko Aberehama hoike ana ae i kona hilinai piha ole i ko ke Akua mau olelo hoopomaikai iaia ua hele koke aku o Santana e hoino ia ia imua a na anela a imua o ke Akua (o Satana ka mea hino i na hoahanau, nana ma Hoik. 12:10; Zekaria 3:1,2.)  Ua makemake hoi ke Akua e hoike akea ae ike aloha-akua o kona kanaka imua o ka lani a pau, e hoike ana aole he mea e ae e aponoia, a e wehe akea ae i maopopo ai ka hana hoola i hoolala ia.  Ua ike mai la hoi ko ka lani a paui ko Aberehama kupaa ana, me ka mahalo nui  a me ka haohao.

   Ua hooho ae hoi ko ka lani i keai kupaa o ke kanaka.  Ua hoike pu ia ae la hoi na olelo hoino a ke Satana, he oiaio ole.  Hoike akea aku la ke Akua i kona kauwa ia Aberehama.

“* * * No ka mea ke ike nei au na makau oe i ke Akua no ka mea, aole oe i aua i kau keiki ponoi iau.”  (Kin. 22:12.)  me ka mohala ana ae o ko lakou opuu noonoo,oiai o ia mau ao ana e alakai ana ia lakou i na anuu o ka ike e ili ana ma ke kapuai wawai o ka Mea nana i hana na mea maa mau o keia honua a me ke kanaka pu i hana ia e like me ko ke Akua ano.

_____________

 

HAAWINA HELUHELU BAIBALA.

_____________

 

KA  HOAO  O   KA  MANAOIO.

_____________

 

1.  Ua hooko anei ke Akua i kana olelo ia Aberehama e loaa ana kana keiki?  Kin. 21:2,5.

   “No ka mea, hapai ae la o Sara, a hanau mai la he keikikane na Aberehama i kona wa          

elemakule; i ka manawa a ke Akua i olelo mai ai iaia.  Hookahi haneri makahiki o Aberehama i ka wa i hanau ai o Isaaka nana.”

2   Owai kai ike ia e hoomaewaewa ana ia Isaaka Kin.21:9.

   “Ike aku a o Sara i ke keiki a Hagara no Aigupika, i ka mea ana i hanau ai na Aberehama, e hoomaewaewa ana.

3   Heaha ka Sarai olelo ia Aberehama?  Kin. 21:10.

   “No ia mea. i hai ai oia ia Aberehama, e hookuke aku oe i ua kauwawahine la a me kana keiki: no ka mea, aole e hooili pu ia aku ka waiwai i ke keiki a ua kauwawahine ia me ka’u keiki me Isaaka.”

4   Heaha ka ke Akua i olelo mai ai ia Aberehama e pili ana i ka Sarai olelo?  Kin. 21:12, hapa hope.  “E hoolohe oe i ka leo o Sara, i ka mea a pau ana i olelo mai ai ia oe; no ka mea, e kapaia aku kau one mamo mamuli o Isaaka.”

Oia hoi, ua helu ia o Isaaka, ka mea i hanau ia mai mahope o ka Uhane (Gal. 4:29) oia ka hua a o Aberehama, a aole hoi o Isemaele, ka mea i hanau ia ma ke kino (Rom 9:7@).

5   Heaha la ka uhane i hoike ia aku e Isemaele i kona kaikaina ia Isaaka?  Gal. 4:29.

   “E like me mamua, hoomau aki la ka mea ihanau ma ke kino i ka mea i hanau ma ka uhane, pela no i neia wa.”

Ua hoike ae la oia i ka uhane manaoino.  He hoike ana hoi i na manao kuee i olwlo ia ma Kin. 3:12, a ma ka pepeji ia ana o Abela e Kaina.  Ua hoike ia keia uhane manaoino i hana ai ia Kariato, a e mau aku no kona hoike ia ano i na mea a pau e malama ana i ka ke Akua olelo. (2 tim. 3:12).

6   Heaha ka hoao nui ia ana o Aberehama? Kin. 21:1,2.

   “Ike mai ia Iehova ia Sarai e like me kana i imai ai; a hana mai la o Iehova ia Sara e like me kana i olelo mai ai.  No ka mea, hapao ae la o Sara, a hanau mai la he keikikane na Aberehama i kona wa elemakule; i ka manawa a ke Akua i olelo mai ai iaia.”

7   Ua piha anei ko Aberehama manaoio i na la mamua?

    Aole.  O kona hoopunipuni ana ia Paraom, a me ka hakina o kona hilinai ana i ke Akua i hoike ia ma kona lawe ana i wahine hou nana, oia na kumu i kupono ai e hoao hou ia.

8   Ua hoolohe anei o Aberehama i keia hoao ana me ke kanalua ole? Kin. 22:9,10.

   “A hiki aku la laua i kahi a ke Akuua ii mai iaia; hana iho la o Aberehama i kuahu ilaila, kaupono aku la i ka wahie maluna, hikii iho la ia i kana keiki ia Isaaka, a kau aku la iaia ma ke kuahu maluna o ka wahie.  O aku la ko Aberehama mau lima, a lalau i ka pai e pepehi i kana keiki.

9   Oiai ma o Isaaka e hooko ia aku ai ka olelo hoopomaikai e laha aku ana kana mamo lehulehu, pehea hoi o Aberehama i manao ai e hiki ana ke hooko ia ka olelo kauoha iaia i na e make o Issaka?  Heb.11:17—a9 (hapa mua o 19)

    “Ma ka manaoio i kaumaha aku ai i Aberehama ia Isaaka ikona wa i hoao ia mai ai; a o la mea nona ka pono i hai mua ia mai, ua mohai aku la oia i kana hookahi.  Ua mano hoi ia, e hiki i ke Akua ke hoola mai iaia mai ka make mai; mai laila mai hoi, i loaa ai oia iaia me ke kea.”

10   Heaha ka mea i ike ia ma ko Aberehama hooko ana me ke kanalua ole ike kauoha? Kin. 22:12.

Ua ike ia iho la ua hoolohe mai o Aberehama i ke Akua.

11   Heaha ka olelo o ka palapala hemolele i hooko ia ma ia mea? Jakoba 2:23.

“A ua hookoia ka palapala i i mai @@@a manaoio o Aberehama i ke Akua, a ua b@@@ia ae ka pono nona; a ua kapa ia iho ia @@@e hoaloha no ke Akua.”

12    Heaha ka manaoio @@ka hana ole ?  Jakoba 2:20.

“E ke kanak lapuwale, ke makemake nei anei oe e ike aku, ua make ka manaoio ke ole kana hana ana.”

13    Heaha ka mea e piha ai ka manaoio? Jakoba 2:22.

“Ke ike nei ae nei oe, i hooikaika pu la manaoio me kana haua ana i pono ai ka manaoio.”