Ka Oiaio, Volume I, Number 25, 5 February 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

JOHN E. BUSH, Luna Hooponopono a me Puuku

HONOLULU, FEBERUAI 5, 1896.

 

KA BANA.

            Ua kipa mai a ua launa oluolu makou me ko kakou makamaka, Wm. Aylett, o ka Bana Lahui Hawaii. Ma kana mau olelo no ka lakou huakai, hele imi ola, ua nui no ka pomaikai i loaa wale ia lakou mai na hoa`loha, e like hoi me Claus Spreckels a me J.D. Spreckels o Kapalakiko. Ua kokua mau keia mau mea ia lakou i na wa pilkia o lakou, a he hookahi no a keia mau keonimana kauoha, e malama i ka inoa maikai o ko lakou lahui ma ka lakou mau hana ma Amerika.

 

NA OPIO HAWAIIL.

            I ka mahina i hala aku nei, ua kamailio makou no ka pono a me ka pomaikai o ka Lahui Hawaii. Ua olelo makou, aia iloko o na kaikamahine opio e ulu nei i keia wa, ka manaolana o ka Lahui Hawaii.

            He mea oiaio keia, a nolaila, ua kupono na makua o ka lahui e ao pono ia lakou i lilo ai lakou he kumu hooulu i kekahi hanauna maikai : i poe hoopono a i poe maemae ma ke kino a ma ka naau. O na ao ana a pau i ao wale ia no ma ka ike iho hoi o ke kanaka, i haaleleia na hoonaauao ana ma na mea e pili ana i ke Akua, ua like me ka ole, ma kekahi ano, ua oi aku hoi o ka hewa mamua o ka ole. He hana nui a he hana aloha hoi ka hanai pono a ao maikai ia ana o na opio, i mea e lilo ai he poe makua manao lakou. I mea e lilo ai he poe punana no kekahi hanauna hou e mau ai na lahui a me ka inoa lahui Hawaii, hookahi wale no alanui e hiki ai, oia ka hiipoi ia o ka olelo a ke Akua e ao ia aku i ka wa opio i na keiki o ka hanauna hou.

 

KA HANA HAUMIA.

            Ua hoehaeha ia ka naau o ka poe uhane maikai i ka ike ana iho i ka hana haumia i hana ia e kekahi makuakane i kana kaikamahine ponoi. O keia paha kekahi o na karaima lliha loa iloko o ka heluna o na hana hewa o ke ao nei. E like me ke ano o na hana hewa a pau, he nui no ka poe e palepale ana i keia hewa, a e hoomama ana i ke koikoi a me ka panopano o kona awahia. Hilahila ole, lapuwale. O keia kekahi o na karaima i ili ai ka hoopai maluna o na kulanakauhale o ke kula a lilo hoi ke awawa nani o Sidima i wahi kuanea a hiki loa i keia la. Pela mau na hana a ke kanaka, e hoohaule mau ana ia ia iloko o ka haumia a me na hana hoohaahaa i ko lakou manawa e haalele ai i na alakai a ka Uhane Hemolele. Ua like na hana o keia au me ko ia au, a pela aku ana no na hopena ka iho @@u o na kanaka ma na ano o na hana a kanaka ma ke alanui palahalaha o ka hewa a hiki i ka palena o ko ke Akua hoomanawanui. Ma ka ulunui ana o ke karaima kakou e hoomaopopo ai eia na anela o ka po ke uluku nei, ke kuu nei maluna o ka lahui kanaka i ka mana o ko lakou haku, e alakai hewa i kumu e puipui ai kona puali ana i manao ai e paio me ka puali o ka lani. E akahele ka noho ana, e pakiko, mai ai i na mea ai a me na mea inu e hoouluhewa hewa ai i ke kino a e hooulupu i hehena ai i ka noonoo. Ua oleloia o ke pale no ka hewa i hoopiiia ai ka makuakane o ke kaikamahie-HE ONA. He ona a he pupule oia ke pale a ka poe pepehi kanaka pela no ma na hana hewa a pau, ua ona a olalau ko noonoo o kanaka mamuli o ko lakou haalele i ka mea nana e hookaulike mau i ke kino a me ka uhane, oia no ka OLELO a ke Aku.

 

Na Itamu Kuloko.

I ka la 13 ae nei e ku ai ai ka Mariposa.

He haneri a oi Pake e hoi aku ana no Kina ke pau ae ke konohi.

Ua kua mai ke Coptic a holo akula no ka hema i ka po Poalua nei.

He mau paa mare kai malama ia ae ma ke Alanui Paipalapala, ma ke ahiahi Poalua nei.

Ua loaa ae ka oluolu ia Eva Paka me kona kaikunane, mai ko laua kaa mai loihi ana.

Eia na keiki o kaina pua ke liuliu mai nei no ko lakou makahiki hou, oia hi ka la 12 ae nei.

I ka Poakahi nei i lawe ia mai ai ka hihia pue o Elia imua o ka aha jure, aole i lohe ia ka lakou olelo hooholo.

Ua hala aku no Molokai o Mr. Rhodes no ke kanu ana i na kumulaau like ole ma ke Panalaau o Kalaupapa.

            I ka la 13 ae nei e hoolohe ia ai imua o ka Aha Kiekie i ka hoopii a W.H. Holstein no ka mea e pili ana i kela holo balota ana iho nei.

            Ua loaa mai he leta mai na kumu kula mai o Kauai, e hoike mai ana i ko lakou minamina ia Mr. Atkinson, no kona haalele ana mai i kona noho Luna Kula Nui ana.

            He mau paa mare kai malamaia ae ma ka mahiko o Ewa i ka po Poaono nei. He mea maikai ka mare no na mea a pau, ke malama nae i na kauoha a ka mea mana laua i hooapo aku i ke kaula gula.

            He halawai ka na wahine o ka hui hooulu lahui ma ka hora 2 o keia auina la, ma ka home hoohanau keiki.

            I ka Poakahi nei i noho ae ai o Lunakanawai Carter ma kona noho hou, a o ka mua no hoi keia o kona wehe ana i ka Aha Kaapuni.

            I ka la onehinei i ku mai ai o Malulani mai Hawaii mai.

            I kekahi la o keia pule e holo aku ai ke Bosotona no na kai o Kina.

            I ke 78 makahiki o ke ola ana i keia ao pauaho @@@@ @@@ M @@@ E@@hardt makuahine hoi o Mrs. Robert Gri@@@.

 

HALE KUAI KAMAA

-O-

MAKANANI

MA KE KIHI MAUKA O ALANUI PAPU

A ME KALEPA.

AOLE O MAKOU MALAMA I NA KAMAA i hiki ole ia makou ke hool@@@ aku i kona paa, a hiki ole ke kuai no ke kumukuai make pono a i kupuno hoi no keia mau la mamake o ka aina. I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.

NO KEIA KUMU UA LAKO MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI HE KUAI HAAHAA AKU

I NA MAKAMAKA A PAU

MAI HAWAII A NIIHAU.

 

Ei ma keia kii kamaa aulii e ike ia iho ai na ano o

na kamaa NANI ma kahi o MAKANANI

HE EKUA WALE NO DALA ME HAPALUA

KO KEIA KAMAA!

Pela iho la ke ana o ke kuai ana o na ano kamaa o

ko makou hale. Nolaila, e hoomanao oukou e na

makamaka mai Hawaii a Niihau i kahi e loaa ai na

Kamaa Paa, Na Kamaa Emi,

            Na Kamaa helu Ekahi o ka hiehie,

E LOAA NO MA KA

Ka Hale Kuai Kamaa

MAKANANI

 

Honolulu. aug 1896