Ka Oiaio, Volume I, Number 25, 5 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

Buke I.                        HONOLULU, FEBERUARI 5, 1896.          HELU. 25

 

OIAIO PUKA LA

 

KE ALA HOU ANA A ME KA HIKI HOU ANA MAI.

 

            Ua hooia hoi ka olelo ao kumu no ke ola hou ana o ka poe make, i ka olelo no ka hiki hou mai o ka Haku Iesu Karisto. E hele pu ana hoi keia mau kahua-kumu o ka Olelo, a e hilinai ana kekahi maluna o kekahi. Ua ao moakaka mai o Paulo, ina aole he ola hou ana o ka poe make, ua waiwai ole ko kakou manaoio; aole hoi he hoopakele ana, aole he manaolana no keia mua aku. Kor. 15:12—19. He mea oiaio loa keia e waiho la ma ke kahua kumu maoli o kaoihana Karistiano, a ka, ua hoohemahema nui ia uae keia mea i keia mau la! Uaolelo ae o Kauka Kalaka, ma kaua mau olelo e kamailio ana i ke ano o Kor. 15, penei.

            “Hookahi mea i hikiole ia’u ke kamailio ole ae: Ua ike ia hoi, ua oi aku ka noonoo nui ia me ke koikoi o ke kumu-manao no ke ola hou ana iwaena o ka poe Kiristiano mua mamua o ka hoomaopopoia i keia manaua . Pehea la keia? E kamailio hoomau ana hoi na apokolo i keia mea, a e paipai mau ana hoi i ka manaolana o ka poe haumana a ke Akua e hooikaika e hoolohe, a e noho me ka naau oluolu iloko o ia mea; a o ko lakou poe punihakahaka hoi he kakaikahi ko lakou hoopuka ana no ia mea! Pela i haiolelo ai na apokolo, a pela no hoi i hilinaiia ai ia mea e ka poe Karistiano mua, pela hoi lakou i haioleloai a pela no i hilinaiia ai e ka poe e hoolohe ana.

            Aole hoi ke kumuaoe ae iloko o ka euanelio i hookoikoi ia iho mamua o keia kumu-hana; a aole no hoi he kumu-ao i hoohe mahema ia i keia wa i oi aku mamua o keia.

            E hookoia ana ke ala hon ana mai o ka poe make i ka wa o ka Haku e hele hou mai ai. Ua haawi’aku o Paulo i ka olelo ao e hooluola ana i na hoahanau ma Tesalonika, a ma o lakou mai a ia kakou nei hoi, e pili ana i ka poe i hiamoe, ana i olelo ai: (1 Tesa. 4:15—18).

            A ma keia mau olelo e ikea ai ina nole hoi, ka Haku ponoi e heea kino mai i keia honua, aole loa hoi e ala hou ana ka mea i make; alaila e like me ka olelo a Iesu, ma Luka 14:14, aole loa e loaa ke ola hou i ka poe pono. Ua ike mua hoi kakou aia na mea a pau e pili ana i ko ke kanaka hoola hou ia ana ke kau nei maluna o ka hoola hou ana; a ma ia mea ua hoike ia aia hoi ka hoola hou ana ke kau la ma ko Karisto hiki hou ana mai i ka honua nei.

            Ua olelo o Karisto, e haawi ia aku no ka makana makamae i ka mea hana pono ma ka wa o ka hoola hou ana. Ua olelo mai no hoi oia, “Eia hoi e hele awiwi mai no au, a aia kau makana me au, e haawi i na kanaka a pau e like me kana i hana ai”.

            Aole i pau—

 

HAAWINA HELUAELU BAIBALA.

KA HOOILINA I HAAWI IA AKU IA ABERAHAMA.

1. O ka aina hea la ka ke Akua i haawi aku ai i Aberahama? Kin. 13:14,15.

“Olelo mai la o Iehova ia Aberahama mahope mai o ko Lota hookaawale ana ae mai ona aku la. E alawa ae oe i kou mau maka, a e nana aku mai kou wahi e noho nei, i ke kukuluakau a i ke kukuluhema, a i ka hikina hoi a i ke komohana: No ka mea, o ka aina a pau an e ike nei, na’u ia e haawi aku nou, a no kau poe maino mahope mau loa uku

2 Ia Aberehama wale no anei i haawiia aku ai? I kona mamo aku. (Kin. 13:15.)

“No ka mea, o ka aina a pau au e ike nei, na’u ia e haawi aku nou, a no kau poe mamo mahope mauaku.”

3 Ehia ka nui aku o kana mamo? Ki. 13:16.

“E hoomahuahua aku no wau i kuu poe mamo e like me ka lepo o ka honua: ina e hiki i ke kanaka ke helu i na huna lepo o ka honua, alaila e heluia kau poe mamo.”

4 Ua hoohui puia anei ma kana lina, kona mamo a pau iloko o ka hooilina i oleloia iaia? Gal. 3:16,29.

O ka Karisto ka hua i olelo ia, a o ka poe e manao io aku ia Karisto o lakou pu ke lilo ana i mau hooiliua me ia (Roma 8:17) Nolaila, o ke kauohama Kinohi 13:14,15, in Aberahama no ia, ia Karisto hoi, a me na mea a pau i hilinai ia Karisto.

5 Ehia ka nui o ka aina i hui ia iloko o kahooilina? Rom. 4:13, (hapa mua).

O ka honua no a pau kai haawi ia aku ia Aberahama.

6 Pehea ka loihi e noho ai oia nona kaiwaina? Kin. 17:8.

“A e haawi aku no au i ka aina a’u e noho malihini nei, i ka aina a pau o Kanaana nou, a no kau poe mamo mahope ou, i wahi e noho mau ai: a owau hoi ko lakou Akua.”

7 Ua loaa anei keia aina ia Aberahama i kekahi manawa? Oih. 7:5. Heluhelu pauku 1-6.

“Aole hoi i haawiia iaia i hooilina maloko ona, sole no i kahi e ku ai ka wawae: ua olelo mai nae oia e haawi ia iaia i kuleana nona, a na kana poe mamo mahope ona; ia manawa, aole ana keiki.”

8 E hala ana anei ka ke Akua olelo hooilina? Aole. Aole loa hoi.

9 Heaha hoi kona kulana iloko o ka aina i hooili ia? Heb. 11:8,9.

“Ma ka manaoio hoi i hoolohe ai o Aberahama, i ka wa i hea ia mai ai e hele aku i kahi e loaa mai

10 Heaha kana mea i kau nui aku ai e ike? Heb. 11:10.

“No no ka mea, ua imi aku ia i ke kulanakauhale hookumuia, a o kona mea nana i haua, a i kukulu hoi, o ke Akun ia.”

11 O ke kulanakauhale hea kai kukuluia e ke Akua, ke iho mai ana mai ka lani mai a ka honua? Hoik 21:2. (pauku 10-23).

“Owau no o Ioane, ike aku la au i ka iho ana mai o ke kulanakauhale hoano o Ierusalema hou, ma ke Akua, mai ka lani mai, ua makaukau, e like me ka wahine mare i kahiko ia no kana kane.”

12 Ua noho anei kekahi o ka Aberahama mau keiki mahina o ka aina i kanoha ia?” Heb. 11:12,13.

E like me Aberama, he poe kaahele wale no lakou, e noho malihini ana i ka aina malihini, a make aku hoi me ka loaa ole ana o ka hooilina ia lakou.

13 Oiai ka Aberahama a me kana poe keiki ua make me ka uoho ole ana maluna o ka aina i kauohaia, pehea iho la e hiki ai ka ke Akua olelo kauoha ke hooko ia? Oih. 26:6,8

Aia wale no ka hiki nia ka hoola hou ia aua o ka poe i make, aia ia i ka wa o Karisto e hele mai ai. (1 Kor. 4:16).

14 E noho aua anei ka haipule o ke Akua maluna o ka honua? Mat. 5:5; Halelu 37:9,11.1.

“Pomaikai ka poe akahai; no ka mea, e lilo ka uonua ia lakou.