Ka Oiaio, Volume I, Number 24, 4 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA LUKULA ANA O NA KULANAKAUHALE O KE KULA.

            O keia iho ka moolelo i kakauia e kekahi mea i nohoia e na haawina hoomalamalama o ka uhane, e hoike ana i na mea e pili ana i ke ano a me ka lukuia ana o Sodoma a me Gomora, a he mea i hiki ke heluheluia me ke ohoia nui:

            O Sodoma ke kulamakauhale oi aku o ka nani o na kulanakauhale o ke Awawa o Ioredane, i hoonohoia ma kekahi kula palahalaha, ka mea i oleloia “me he la ua like me ka mahina ai a ka Haku,” ma kona momona.  Nui na waiwai ulu mai ka honua ae e uhipaa ana i na mahina-aina, a ua paa pono hoi na kiekiena a me na alopali i na puulu holoholona e nee ana mao a maanei.  Ua hoowaiwai ia keia kulamakauhale kelakela e na loaa a me na waiwai, na ike hana a me na hookupu i komo mai i loko ona ma na kalepa ana.  Me ka pii ana o kona waiwai i pii pu ai ka hookiekie o keia kulanakauhale o ke kula.  Na keia nui ulakolako o hoohua he i ka nohoana waiwai a me ka haaheo.  Ua hoouluia na anoai no ka lealea e ka waiwai a me ka noho hana ole, a ua hoolilo kaokoa hoi na kaaka ia lakou iho i na hana lealea ahuai o ke kino.  “E, eia hoi ka hewa e kou kaikaina, o Sodoma, o ka haaheo, o ka piha loa i ka harena, a o ka palaualelo nui wale hoi iloko ona,” wahi a ke kaula. (Eze. 16:49).  O ka palaualelo kekahi o na poino nui e kau ana maluna o ke kanaka; no ka mea, e ukali koke aku ana na hana karaima mahope.  E hoonawaliwali ana i ka noonoo, e hoaui ana i ka ike maikai, a e hoohaahaa ana ka uhane.  Aole he wa e ae o ka holopono o ka Satana mau hana mamua o kona wa e komohia aku ai iwaena o ka poe e palaualelo ana.  E noho mau ana iloko o Sodoma ka lealea a me na ahahuikau, ahaaina, a me ka ona.  Ua kuulala ia na anoai haahaa loa a me na manao hehena o na kanaka.  Ua kue akea ae ka lehulehu i ke Akua a me kana kanawai, a na hauoli lakou i na hana lima oolea.  Oiai aia no imua o lakou ka moolelo o ka lukuia ana o ka lahui kanaka e ke kai @@ @e a ua ike hoi i ka hana a ke Akua i hookau iho ai maluna o lakou ma ko lakou lukuia ana, e hahai ana o nae lakou ia alahele hookahi no o ka hewa.  I ka wa o ko Lota alakai ia ana e noho ma Sodoma, aole i hoopuni iho na hana haumia ia wa, a ua hookuu mai hoi ke Akua ma o Lota la e pa iho na kukuna o ka malamalama maluna o ka pouli i waena o lakou.  He ole wale no ia mea i keia poe, a aia hoi e hookokoke mai ana ka po hope loa o Sodoma.  Ua makaukau mua hoi na ao pouli o ka hoopai e hooaka iho ana maluna o ke kulanakauhale.  Aka aole hoi kanaka i ike ae i keia mau hoailona.  Oiai na anela e hookokoke ana ma ka lakou misiona o ka luku, aia hoi na kanaka e moeuhane ana i ko lakou mau waiwai a e noonoo ana no na lealea.  Ua like hoi ka la hope loa me na la e ae i hiki mai a hala aku.  Me ka emoole loa a me ka upu oleia e like me ka manao oleia e pa ana ka hekili mai ke aouli molaelae iho, ua pa iho la ka poino maluna o lakou.  Ua hoohanini iho la hoi ka Haku i ke ahi a me ka pele mai ka lani iho maluna o na kulanakauhale a me ke kula momona; a ua lukupau ia iho la na hale alii, na luakini a me na hale nani, na mala ai a me na mala uwaina, na waiwai a me na puulu kanaka puni lealea a pau, ke poe hoi na lakou ua hana ino i na anela i ka po ponoi iho mamua iho, na luku pau ia lakou.  Ua hoolilo ia hoi ke awawa nani o Sidima i wahi kuanea, he hoike kumau i na hanauna a pau i ka oiaio loa e hiki mai ana ko ke Akua hoopai maluna o ka poe hana hewa.  O na lalapa ana a ke ahi nana i haiamu iho na kulanakauhale o ke kula eia ke mau nei na ula o ia ahi a keia la he mea e ao mau ana ia kakou.  E ao ana hoi ia kakou i na ao na weliweli a eehia oiai ko ke Akua lokomaikai e noho hoomanawa nui ana i ka poe hana hewa, aia hoi he palena ko keia mau hana hewa a kanaka a lakou e hele ai ma ka hewa.  I ka manawa e hiki aku ai i ka hopena o ia ana o ka hoomanawanui, alaila, ia manawa e unuhiia ae ai ko ke Akua poloai aloha, a ia wa e hoomaka mai ai na hooko ana no ka pono.  Ua kukala a ea ae hoi o Iesu he mau hewa aku no kekahi i oi aku i ko Sodoma a me Gomora i lukuia ai.  O ka poe a pau e lohe ana i na olelo poloai a ka euanelio a i hoolohe ole, na oi aku ha hewa imua o ke Akua mamua o ka poe i noho ma Sodoma.  A he oi loa hou aku hoi ka hewa o ka poe e olelo ana ua ike lakou i ke Akua a i ka malama ana i ke kanawai, aka e hoole ana hoi ia Karisto ma ko lakou ane a ma ko lakou noh@ ana i kela a me keia la.

HAAWINA HELUHELU BAIBALA.

KA HULIHIA ANA O SODOMA A ME GOMORA

1. Ma ka kulanakauhaule hea la o Lota i noho ai? Kin. 19:1, hapa mua.

“Ahiahi iho la, hiki aku la na anela ma Sodoma.”

2. Heaha la na hewa nui o Sodoma Eze. 16 :49.50.

« Eia hoi ka hewa o kou kaikaina, o Sodoma, o ka haaheo, o ka piha loa i ka barena, a e ka palaualelo nui wale kai iloko ona a me kana mau kaikamahine ; aole nae ia i hooikaika i ka lima o ka mea ilihune a me ka nele.  Ua hookiekie lakou, a na hana i na mea inaina imua o’u; nolaila lawe ae la au ia lakou mamuli o ko’u ike ana he pono.”

3. Peh@@ la ke Akua i manao ai e h@@@ aku no keia kulanakauhale ? Ki@ 18:20.21.

“Olelo mai la o Iehova, Ua nui loa ka leo no Sodoma a me Gomora ua kaumaha no hoi ko lakou hewa.  E iho ana au ilaila e ike, i like paha ka lakou hana ana me ka leo no ia wahi i hiki mai ai io’u nei’ a i ole paha, e ike ananei hoi au.”

4. pehea hoi o Aberehama i nonoi ai e hoopakeleia mai ka lukuia ana? Kin. 18:23.25. (E heluhelu i ke koena o ka mokuna.)

“Neenee aku la o Aberehama a kokoke, i aku la E huku pu anei oe i ka poe pono me ka poe hewa?  Aole loa oe e hana pela, ke pepehi pu i ka poe pono me ka poe hewa: i like pu ai ka poe pono me ka poe hewa, aole loa oe pela: aole anei e hana pono ka lunakanawai o ka honua a pau.”

5. Owai kai hoounaia e luku ia Sodoma? Kin. 19:1.

Ma ke kino kanaka keia poe anela e hele mai ai a o laua na anela i kamailio pu ai me ka Haku me Aberahama, e like me ia i kakauia ma ka mokuna 18:2, 3, 16, 17, 22

6. I ka manawa o na anela i poloai ia aku ai e noho mai a ao ia po me Lota, pehea la ka poe hana hewa o Sodoma i hoino aku ai ia laua? Kin. 19:2.3. (Heluhelu ia na pauka 4,11).

“E kau nai auanei ka makau ia oukou a me ka weliweli maluna o na holoholona a pau o ka honua, maluna hoi o na manu a pau o ka lewa, a ana una hoi o na mea a pau e hele ana ma ka honua, a maluna no hoi o na i’a a pau o ke kai; ua hanawi ia aku lakou iloko o na lima o oukou.  O na mea hele a pau e ola ana, na oukou ia e ai; me ka’u i haawi aku ai i na laumahele opiopio na oukou pela ka’u e haawi aku nei i na mea a pau.”

Hoomau ia ma ku aoao 4.