Ka Oiaio, Volume VII, Number 49, 31 Ianuali 1896 Edition 03 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

NUPEPA KA OIAIO.

J.E. BUSH, Lunahooponopono.

 

O KA PONO KA AIALII E OLEA AI KA AINA.

 

POALIMA IANUARI 31, 1896.

 

O KE ALOHA KE KUMU O K IKAIKA.

 

            He mea nui ke aloha, a he mea hoi i oleloia maloko o ka Buke Nui Hooweliweli a ke Akua, “aole oia e mokuhia i na waikahe he nui,” a pela io no. Oiai, he okoa ke aloha o ke kane i ka wahine ka makuahine i ke keiki, a pela aku.

            O ke aloha, oia ka mea. i oi aku mamua o na mea a pau, he mea ole ka waiwai o ke kanaka ina aole ke aloha iloko o kona puuwai.

            Pela makou e hoomanao ae nei o ke aloha a me ka lokahi o ka lahui Hawaii, oia ke kumu nana i hookupaa ia lakou mahope o ke aloha aina, a hiki i keia la, a o ka poe i komo aku ka uhane ino e ka poe pepehi i ko lakou mau luanikehala iho, o lakou no kai hihia i ka umiumi.

            I lawe mai makou i keia, mamuli o keia okuku kaua mawaena o Enelani a me Geremainia, no kahi aupuni repubalika o Transvaal. e waiho la ma Aferika Hema, a i kaa no hoi ka hoomalu ana malalo o Enelani, a hiki i keia la, aka, mamuli o na kuee i ulu ae mailoko ponoi ae o ka aina a me kekahi hui kalepa Pelekane e noho ana malaila, ua hoomaka iho la ke kana maoli ana, a ua pau ka poe hoohaunaele i ka hopuhopu ia, a me he mea la, i keia mau la mai la paha, ua kipu ia paha o Kauka Jameson, ke poo alakai o na poe hoohaunaele la.

            A mamuli hoi o ko Geremania lili a huahuawa ia Enelani, ua lele kamoko mai nei ka moopuna maluna o ke kupunawahine, me ka manao, ua palupalu na lala, a ua luahine loa la kona kupunawahine ma na hana pili aupuni, eia ka ua kuhihewa loa ia koho ana ona pela.

            Oia hoi ma ke kuahaua a na Poo Aupuni o Enelani, e hoomakaukau koke ia na aumoku kaua mawaho ae o na aumoku kaua pale kahakai, ua lawa ka makemake o ke aupuni i ka wa pokole loa o elima la wale no, me 50 mau mokukaua like ole o na anoo a pau, e lawe ana i ka ukana ehaeha a ka make maluna o ko lakou mau oneki pakahi, a ua like hoi ia me 10 mokukaua e hoopiha ia ana i kela a me keia la, a hiki i ka piha ana o elima la.

            Ua hoouna aku ke aupuni o Enelani i ke kauoha ma Portmouth, Devonport, a me Chatham me ko lakou mau komisina maluna o na mokukaua, e lana ana ma ia mau wahi.

            Eia iho malalo nei ka hoikeike ana no kekahi mau mokukaua ikaika eono, no lakou ka weliweli e hiki ole ai i ko lakou mai enemi ke ku mai imua o ka lakou mau alo pakahi, ina ma ke ku pakahi a alu ia paha e ko lakou mau enemi.

            Na moku o ka papa ekahi, he eha ko lakou nui, oia hoi ka Revenge a me ka Royal Oak no laua na tona pakahi, he 14,500, no moku kila o ka papa ekahi, Gibraltar 7700 tona, a me Sheseus 7350 tona.

            Na moku o ka papa elua, oia hoi, ua uhi ia ko laua mau kino me na a@hu kila paa loa, oia o Charybdis a me hermione, no laua na tona pakahi o 4360.

            O keia mau aumoku kaua eono ua makaukau lakou iloko o na la eono wale no, no ka au ana aku i @a ale huhu o ka moana, ma kahi i makemakeia e ko lakou mau poo aupuni, a o na lono hope loa mai nei e pili ana no keia mau moku hookalaukpua eono, aia lakou ua makaukau loa e haalele iho i na kapakai o Enelani, me ka hookaulua ole iho.

            E lilo ana ka hanohano o ka nohoalii nui ana maluna o na aumoku kaua ma Aferika Komohana, a me ka Lae Goog Hope, maluna o Admiral Sir Frederick Geo. Denham Debford, e kauoha ana iaia e holo ae a pauiku iho i ke Kaikuono o Delagoa, malunna o ka mokukaua lawe hae St. George, kekahi o na mokukaua kila o ka papa ekahi a i ano like kona mau tona me ko Gibraltar.

            O Adimaral Bedford mamuli o ka loaa ana aku o na kauoha mai kona aupuni makuahine aku, ua kaa ka hana nui o ka wae ana ina mokukaua ma kona aoao, me na kauoha e hoonee ana i ka loa me ka laula o ka aina o Aferika, ka aina hoi i ulu ia ka waihooluu o kona mau kanaka, me na hua popolo o ka palauli.

            (E hoomanao i ka la apopo.)

            E hoike ana ka mea kakau o ka nupapa Times mai Berelina mai, e hoakaka ana i ko Geremani hoouna ana aku i kona mau koa no Transvaal, no ke kue ana aku i na hana ino ia mai o ka poe Geremania e noho ana malaila, aohe me e keakea ai i ko no Pukiki kuleana ma ia aina mahope iho o ka hoolohe ana i ka Kauka Jameson hoomaka ana e lawelawe o Geremania wale no ka mea i hoike aku ma ka uwea olelo i Lisebona, Potugala, i ka nuhou ano nui, e pili ana i ko Kauka Jameson hikimua ana ma ka hoeueu hoohaunaele, mamua o ka hiki ana ia Potugala ke pane.

            Ma ka nupepa, “London Chronicle,” i hoike ia ae mamuli o ke kauoha, aole i hooiaio ka Ahakuka o Geremania i ko ka Emepera teregarapa ana aku ia Peresidena Krueger, aka, hookahi wale iho no alahele ana i manao ai, o kona paa lima aku i kana elele nona iho, ma ke teregarapa, ma ke kauoha ana i kope oia mea ana i manao ai e hana.

            Ma ka la 10 iho nei, ua hoike ia ae, aia ka lua o na mahele aumoku kaua me ko lakou mau Komisina pakahi, me ka hiehie nui, i ike ole ia mai kekahi wahi e ae.

            Aia no hoi he 18 mau mokukaua i lawe me na papu ikaika maluna o ko lakou mau oneki pakahi, a he 15 hoi mau moku lawe topido, a he lehulehu o na mokukaua e ku la me ka makaukau no ka wa e kauoha ia aku ai.

            A hiki i kela wa, aole loa e hiki i na nupepa Geremania ke hoikeike ae i ka lakou mea i ike ai no ko Enelani makaukau kaua i na wa a pau, mamua o ka hiki ia lakou ke hooeueu aku i na hulu okalakala o ka liona.

            O ka nuhou ano nui wale no, e hoike ana no ka lua o na aumoku kaua, oia hoi i hoike ia ae ma Berelina, aia he heluna nui o na waapa topido, (mokuka@a) oia wale iho no kahi hana hiki ia Geremania ma o kona mau aumoku kaua la, e hoo@ahoa aku i ko Beritania mau kokukaua lawe topido.

            Aia na kanaka hana a pau iloko o na pa kapili moku e hana i ka po ma ka malamalama o ke kukui uwila. Ua kauoha aku ke aupuni i na hale hana poka mai ka 15,000,000, a hiki i ka 150,000,000, no lakou hoi ke kumukuai i haawiia aku he $400,000.

            Aka, i keia manawa, ua hoololi ae nei na nupepa @(word?) Geremania, a ke mele ala lakou i ka leo mele, he makemake lakou i ka maluhia mamua o ke kaua, he hoike ana mai hoi i ko lakou nawaliwali e hiki ole ai ke hooku@u ae me ko Enelani makaukau

            O ke kumu nui o ko Enelani makaukau i na wa a pau, oia no ka pipili paa o ke aloha o na makaainana i ko lakou Moiwahine hoopono a me ke aloha ia makia paa ia iloko o ko lak@u mai puuwai no ko lakou aina hanau, oia ke kumu o ka hikiwawe o na kauoha me ko Enelani aoao ala mai na mea a pau me he ohana hookahi la, a kau koke maluna o na mokukaua me ka hookaulua ole.

            Piha koke na moku i na kanaka, me ka hiki ole ke hooili hou ia, ua law@ koke hoi na lako kaua me na lako ai, no ka hele ana ma ka aina malihini mai ko la kou mau kapakai aku, a i ka wa o ke kauoha, ua hooko koke ia me ka hookaulua ole.

            O ke aloha ke k@mu o ka ikaika, ina haunaele ka aina, a noho iloko o ke kipikipi a mokuahana, e lilo ikaika i mea ole, a oia ka kakou e ike la ia Enelani e haaheo la ma na wai o ka moana, mamuli o ko lakou aloha a me ka lokahi, i hikiwawe ai na hana a pau.

 

NA LETA.

 

            Aole e ili maluna o makou ke koikoi o na ahewa ana no keia mua manao i hoopukaia malalo e keia poo, aka, @ ili no ia maluna o na poe nana i kakau mai

 

MAI KA PUALI PUHIOHE MAI.

 

            Mamuli o na lono e hauwawa nei, a me na leta hoi a na keiki Puhiohe e alo la i ke anu o kela aina malihini, ua kulu iho ko makou mau waimaka, me ka walania o ko makou mau naau, ma ke ano o lakou a pau, he io o he koko no makou, i hai-na ia e ka puuwai koino o na enemi e make i ka pololi a ka ai, a me ke anu o na pauku hau o ka hooilo e pahola la ma na Mokuaina o America iloko o keia mau la.

            Ua nele lakou i na aahu o ke kino, e hiki ai ke pale aku i ke anu e houhou ana i ko lakou mau ili, o kahi lole uo i ka ili; aohe kapuahi hoopumehana nana e pale ae i kekahi manawa ehaeha loa a ke anu e @iki ana; aohe o lakou hale kupono e hiki ai ke hoomoe pono ia ko lakou mau poo, no ka mea, ua lawe ia mai na pilikia a nui a ku mamua o ko lakou mau a@o, a hookahi wale iho no a lakou hana, o ka hoomanawanui a hiki i ka lanakila ana.

            Ma ka hapanui o na leta a pau i loea mai, mai na Keiki Puhiohe mai, ma o ko lakou mau ohana la, ua ili ke koikoi maluna o Willie Aylett a me James Wilson, ka Puuku mua o ka Puali Puhiohe, a i ka hoomaopopo maoli io ana iho i ka oiaio o ka lakou mau hoike ana, ua hiki ia makou ke kaana me ke akahele loa, ma o na bila aie la i k@i ia, a ina he oiaio ua halawai mau lakou me na pomaikai i na la mua loa o ka lakou huakai ma kela aina malihini, alaila, ua pololei loa na hoike a ka Puali Puhiohe, o keia na kanaka elua nana i hoomokuahana i ka lokahi o kela poe puuwai kupaa ma ke ano he kipi oiaio a he pepehi kanaka maopopo. A ina aole he oiaio oia mau lono, alaila nana e pale nona iho a me kona kokoolua ma na kolamu o KA LEO nei, a ma kekahi nupepa e ae o keia kulanakauhale.

            Eia malalo iho ka leta a kekahi keiki Puhiohe, a e heluhelu iho me ka ehaeha o ka naau, no na popilikia i kau aku maluna o lakou a pau, aka, aia no nae lakou a pau ke noho akoakoa la me ka lokahi o ka manao, a oia ka makou e kalokalo ae nei, e hoomau loa aku i ka lawe haaheo ana i ka inoa o ko kakou aina aloha imua, a mai pelu @ou mai ihope nei, e hele imua a lululima pu me Peresidena Kalivalana, ka mea a ka lahui Hawaii i wae ai o oukou na elele o ka hauoli e hoikeike aku ai i ko kakou ano lahui noeau imua o kela aina malihini.

 

Kent, Ohio, Jan. 5, 1896.

 

Aloha oe:

            Me ke aloha nui au e kau aku nei i keia leta nau e kuu aloha ua loaa mai ia’u kau mau leta o kela makahiki aku nei’i hala, a na ike wau i na manao a pau @loko, he ku maoli no i ka walohia ke lawe ae a noonoo pono iho i na manao ou e kuu hoa iuhi, he nui kuu aloha ia oe a me na keiki a kaua, aohe a’u mea kaumaha e ae, elike me oukou e kuu aloha e noho mai nei i ka aina hanau, ke ike nei wau i ka nui o ko oukou mau pilikia e hono mai nei, aohe mea na@a e hoole i ke@a pilikia a oukou e alo la.

            Aole hoi ia oukou wale noa i mau haawina o ka popilikia, aka o makou no hoi kekahi iloko o ka pilikia e alo ae nei i keia manawa o ka hooil@, he nui ko makou pilikia e hele nei i keia manawa.

            Ua hoi aku nei o Wile Aylett i Honolulu, ua haalele mai ia makou i keia wahi malihini; he nui kona aloha ole ia makou, kana poe keiki i hele pu mai ai he nui kana mau hana ino ia makou, e pili ana i ka makou huakai hele he nui kana mau hana apuka, ua haalele iho oia ia makou e noho iloko o ka aie a lakou i apuka ai.

            He nui ke dala a makou e hookaa nei no na aie a Wile Aylett ma i hana ai, i kona wa e noho Puuku ana, eia ka mea apiki ua pau ke dala i ka mio ia iloko o ko kakou pakeke me Wilson ma, aohe i hookaa ia ko makou mau aie a pau loa. mamu o kona hoi ana aku nei. ua hao mua iho nei oia i ke dala a pau loa, alaila hoi aku nei.

            Ua nui loa ka huhu o kamali io kamalii ia mau hana ana, ua nui ka hakaka, ua hele o Joohn Wilson e hoopii ia makou no ka uku ole i ke kaa o mako@, ua paa ia ke kaa. ua paa na wahi puolo o makou i ka hoomaluia, ua nele makou i ka ai ole ia mau la, e ole na haole o Cleveland nei. na ia poe makou i kokua i na mea ai. a hala ia mau la o ka noho ana ia wahi, me ka naau i piha i ke aloha oie ia. nanamaka mai oia ia makou iloko o ka pilikia, ua hoopaa pu oia i na ohe a makou, aohe wahi e loaa ai o ka hana ia m(sic)

            Nolaila. ua kupu ae ka manao o na keiki e haalele i ke kaa mua, a ua hele aku makou i kekahi kulanakauhale e aku. maluna o kekahi kaaahi e aku, e i@i wahi pono ai no hoi. Ua puka ae na nupepa oia mau kulanakauhale e hoolaha ana no na mea e pili ana i ka hao ia ana o ke dala.

            I ka wa i lohe ia ai o keia mau mea hou i keia kulanakauhale, ua nui ka poe i kokua mai ia makou ma keia wahi, o Massilon ka inoa, o keia kulanakauhale, ua haawi ma la ko laila Puali Puhi Ohe ia makou. i ka lakou mau ohe, ua nui ko lakou mau kokua ana ia makou, a ua lohe no hoi me ke kane a Banako o Naue i keia pilikia o makou ua kauoha mai oia i ka Meia o ia wahi a me na poe hui e malama i makou.

            Eia kekahi mea hilu loa, aohe o makou lole e hele nei i keia manawa, o kahi lole wale no i ka ili, ke hoao nei makou e hooikaika e hookaa i na aie a lakou i apuka iho nei ia makou, e hookaa a pau i ke kaa, alaila manao ae e imi wahi kenikeni, e hiki aku ai i ka aina hanau, ke hiki hoi, ua manao wau, aole makou e hiki ana i ka aina a hiki paha i na mahina hope o keia makahiki.

            Nolaila, e kuu aloha, aole i pau ka’u mau wahi kenikeni i ka uhauha ia. elike me kou manao koho wale iho no. me ka hoomanawanui makou e hele nei iloko o ke anu i keia manawa, o na paiki lole o makou ua pau i ka paa ia e ke aupuni malalo o na hoopii a Wile ma, ua hele kahi lole a lepo i ka ili a makou e hele nei, aohe a makou wahi e moe ai, aia ko makou wahi e moe ai iloko o na hale keaka a makou e paani ai.

            Pau no ka paani ana ia wahi, hele aku ia wahi aku, ke hoomanawanui nei makou i ke anu huihui o keia aina malihini, i na he hale keaka, aohe kapuahi e hoopumehana ai, aole e hiki pono ke hiamo@ he nui ke anu, me ka hoomanawanui wale no e pono ai.

            Ua haalele mai e @ekia ia makou, ua huli aku oia mahope o Wile ma aia la ihea ma@ keia manawa, ua lo@e mahui wale iho no wau aia ka oia i Kikako kahi i noho ai, aohe nae he maopopo loa, oia mau lohe o kuu aloha, e kuu aloha. pehea ana la kou manao ke ike iho i keia mau hana i hanaia maluna o makou e ku iho ana paha kau mau hoonaikola ia’u ua hiki no, no ka paakiki i ka holo i na aina e.

            Aka me a’u no ia. Nolaila, e hoomanawanui ana no makou i ka hana a hiki i ko makou lanakila ana maluna o na hana apuka a keia poe a ke aloha ole ia makou, kana poe hoi ana i lawe mai ai. au hoi e kuu aloha i manao ole ai ia makou iloko o keia pilikia nui.

 

Nu Hou Kuloko

 

            He Kepani kaawe ko kapaa i ka @o Poalua nei.

            O ka Warrimoo la ku ma keia mai Vanekoua mai.

            Ua holo nui loa ka Puhi o Laumeki i keia la no laila nuha o Evalina.

            Ua unu ia ae he poe pakche fa ma ke kakahiaka o nehinei, e ka makai kiu Kaapa

            Pipii mau mai nei hoi ka wai aniani o Kepohoni, no ka hiki i ka wa hooilo. Hewa iho no o Kauluwela.

            Nana aku oe ia Lima A. hele ia a pua ka hulu o ka a-i o ua kaeaea nei o Kupaniki aohe sanana he mauu Hilo he mea eku na ka puaa.

            Hauna kanaka mai nei hoi ko kaua hale, ka huhu hookahi no paha kanaka o kahi moopuna a kaua o kahi mookaula a kaua.

            Auhea wale oe e ka hoaluhi mai hele hou oe i ka heenalu o lilo au ae nei oe i ka puhi. he pilo oe.

            Eia ma ka Halemai pupule he 86 ka nui, o na poe i l@hiao me na haawina, hehena o ka ma’i pupule, pela ka hoike a Cutter. Luna Nui oia wahi.

            Ke manaoia aku nei o Adams aku ana ke pani o Bennington, ae ku mai ana oia i ka la 15 o keia mahina ae nei.

            Ua hoole ae o Kanikela Mills, i ka oiaio o kela lono e pili ana no ko Willis haalele i kona kulana no kona mai, ma ka Advertiser onehinei.

            O ko makou la hee-pakolu keia i ka pue-one. he elua ma kela aoao mai, a he hookahi makou ma keia aoao aku. Wehe no paha o uwahi i na keiki eleu o KA LEO

            O ko makou la leleuwaki keia he nani ia

            Iuka aku nei o kapala inika o nuuanu i ke kuilei awapuhi i keia kakahiaka nui poniponi.

            I ka pali o Nuuanu na keiki lalawai o Queensland a hoi mai a kahi o Kanikela Shaefer hooluane malaila, ma ka Poakolu nei.

            Ke kuu pau mai nei ke malamalama o ka mahina i ka poe e hookonane ana i na alahele pouli o ke kulanakauhale nei a o na kukuna wela hoi a k@ la i ke ao, i ahona i ke aheahe lau makani.

            Ua waiho aku o D.W. Corbett i kona noho kakauoleo ana no ka Y.M.C.A., a ua pani ia kona hakahaka e L.C. Ables ka Luna Hoohana Nui o ka hui kalewa hau People’s Ice Work.

            Ua waiho aku o Keoni Kolopano he noi e kuai ia ka i’a i na hoa o ka Papa Ola, a ua komikomi ia, mamuli o ka manao ia, o poho wale na pakaukau o loko o ka Hale Makeke hou.

            O ka Malulani ko keia auina a mai Hawaii a me Maui ma i

            Ma keia hope aku, ua pau loa ka lohe hou ia ana o kela inoa Blue Gate ka home aloha hoi o ko makou makamaka aloha i kii ia mai e ka make a ke kolela, Mr. Haawinaaupo a o kona noa ma keia hope aku Grand House, malalo o ka hooponopono ana a J.L. Osmer.

            Ua komo ae ka uhane pupule iloko o kekahi elemakule e noho ana ma Kalia nona hoi ka inoa o Lulana, ma o kana mau hana hooweliweli la, ma ke oki ana i ke kino o kekahi mau ilio elua me kana koi a make loa, a mahope o ka waiho ana o kela mau moepuneana i pepehi ai, ua alualu ia aku la oia i kekahi mau wahine me ka nou ana aku i kana koi mahope o lakou. Ua paa ka elemakule hooweliweli i ka halewai, a i keia la e hookolokolo ai.

 

            E hoololi aku ana ka laina mokuahi Canadian Australian i ko lakou manawa holo. O ka laina nui e haalele ana lakou i na awa o Vanekoua a me Sidane hookahi pule ka lohi iloko o kela a me keia mahina. O ko Sidane manawa e holo ai, ma na la 25 a pau o kela a me keia mahina, ma kahi o ka 18, a o ko Vanekoua hoi, ma ka la 23, ma kahi o ka 16.

 

            He keaka ko ka po nei i na pakaua e haluku ana.

 

            He 26 ohua makaikai Pele a ke Kinau i hoihoi mai nei.

 

            Ua hoopai ia o Ah Pung he $50. no ka malama opiuma.

 

            Ua olelo ia ae, e hoonui ia aku ana ke kino o ko Hilo Tribune i ewalu aoao. Holomua no o Hilo.

 

            Ua huli hoi mai ka Bihopa o Panopolis a me ka Makua Matia ma ke Kinau o ka Poalua nei.

 

            I keia pule ae, e huli hoi mai ai ka Bana Pi Gi mai Maui mai, ma ke Claudine o ka la pule aku.

 

            Eia ke Kakauolelo nui o ke Keena Kalaiaina ke waiho nei i ka nawaliwali mai ma kona home hono ma ke Kulanakauhale Momi.

 

            Ina aole e halawai o Dole a me kona mau ukali me ka makapaa, alaila, o@ka Poalua ae nei kona la e hoea hou mai ai i ke Kapitala nei.

 

            O ka mare mawaena o L.C. Au@gst a me miss Emma Schoen, aia aku la, laua i Hilo e hipuu ia ai iloko ka berita o ka mare. Uwese la le oe.

 

            Eia i Honolulu nei o John Hering he mea hana gula no Hawaii, oia nei ka mea nana i hana i ke Kalaunu o ka Moi Kalakaua, aia kona hale hana i Hilo.

            E holo ana ke keaka i Kauai, e nele ana oukou.

 

            Aohe hoihoi ia o ka Bana Puhiohe Aupuni ma Hilo, pela mai nei ka makou mau leta i loaa mai nei. Ea, kananuha no ka hoi, no ke kulike ole no paha hoi kahi o ke pino me ke o.

 

            O na kauoha nupepa a pau, e pili ana i KA LEO, e hoouna pololei mai no ia ma ka inoa o ko makou Puuku, a pela hoi na hookaa dala ana, ma kona inoa wale no e mana ai, aole ma kekahi inoa e ae.

 

C.E. Williams & Son

Helu 611 : : : Al. Mo

Mauka ma@ o ka pa Kuai Papa o Lui me Kuke.

Na mea kuai @@ na

LAKO HALE a me na MOE

O na ano a pau ma na

KUMUKUAI HAAHAA LOA.

Na Mea Hana Pahu Kupapau a me @aloa.

Na Pahu Kupapau hookomo ia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pi aku iluna.

            Kaa Kupapau no ka hoolimalima a o ka oi aku o ka nani ma keia kuni ma keia kulanakauhale no ka $5.

 

            Na He Kupapau a me na Kia Hoomanao.

Telepone 179

jnu12tfd.

 

No Keahai Hanaia ai?

 

            Maloko o kekahi mau Halekuai aole hoi he haawiia i na kanaka maoli na hookipa ana elike me na hoa kuoi haole. He hewa loa keia. Ua hooikaika loa makou e hookipa i na hoa kuai Hawaii ma na ano a pau e like me ia i hoohanaia i na haole. Oia ka mea pono. Ua like no ka maikai o kau kala. Ua kuluma keia manao iwaena o na kanaka aole hoi he loaa ia lakou na mea kuai elike me ia i na haole. Malia paha he oiaio keia. He hapakue no ka ike o kekahi poe kalepa i hana ai i keia moe. Aole o makou manao a aole loa no hoi mamua i manao he mea pomaikai ka hahai ana i kekahi ano hana elike me ia. Ua kaena iho makou, i ke ano o ka makou mau mea kuai, O keia ho. kekahi o na mea koikoi loa e pili ana i ka oihana kalepa laaa laaaau, E hoopaakiki ana makou e loaa ka mea maikai i na manawa a pau. mahope mai na mea e ae.

 

OKA UKU ANA I KE KUMUKUAI

 

 

            I kakau ia ma ka omole a ope paha he mea mau ia no na makahiki i hala a hiki wale i ko makou komo ana mai i ke kahua kalepa. O ko makou makemake e lilo i oihana kalepa nui ka makou. Ua hiki wale no ia makou ke hooko i keia, aole ma kekahi alanui e ae, mawaho o ke kuai emi ana mamua e na halekuai e ae. O keia ka makou e hana nei. Oia ka makou mau kumukuai e kuai nei e kamoe ana mai ka 10 pa haneri e ke 30 pa haneri ka emi iho malalo o ka @@ halekuai e ae. E haawi ana makou i na hoakuai dala kuike e 10 pa haneri o ka lakou mau kua ana i hiki i ke 50 keneta a pii akui He hoomakauliii nui keia. Aole makou i manao ua ike ka nui kanaka Hawaii i keia hoemi a makou, oiai aole makou i hoike akea aku i keia mea mamua ma ka olelo Hawaii.

 

MA HAAWINA LAAU LAPAAU

 

            E ma’i ana i kekahi manawa? A e hele ana hoi i ke Kauka. E haawi mai mai ana ke Kauka i kekahi palapala o ke ano o na laau. E lawe mai i ua palapala ‘la ia makou e hoopiha aku. E pomaikai ana oe a e kuhikuhi aku ana makou ia oe i ke kumu. Ma na kulanakauhale e ae he hana maa mau ka haawi ana i ke kauka i kekahi uku komisina. He mea oiaio, o oe ana ka mea nana e uku keia uku kaulele. Aole o makou ae e uku i kekahi kauka i keia uku kaulele. E kaki ana makou i ka uku kupono, e hoohana ana i na laau lapaau maikai loa, i hoomakaukau ia e ka poe akamai loa i ka hana ana i na laau lapaau. He mea ole ke Kauka a oukou i hele ai. e lawe ma i ka palapala o ka laau ia makou, a na makou e hana aku. Ina e hoopaakiki mai ana e hele oe i kekahi halekuai laau e ae e hilinai iho o keia kekahi o na “Kauka uku pa haneri” a e uku kaulelel hou iho ana oe he 50 keneta a pela aku.

 

            Ua ao aku la makou ia oe. E kuohana ma ia ao ana. No kou pomaikai ia mau hoaka ana a no makou pu iho hoi.

 

HUI KUA LAAU LAPAAU HOBRON.

KA HUI HANA IAAU HOEMI KUMUKUAI.

@@@ 6@@@