Ka Oiaio, Volume I, Number 22, 31 January 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE 1.         HONOLULU, IANUARI 31, 1896.             HELU. 22

 

KA OIAIO PUKA LA

NA PILIKIA O KA PAKA.

            I kekahi manawa mamua aku nei, ua loohia iho la hoi kekahi kanaka i ka poino a aneane e lilo he kumu ona e make ai. He kanaka kino ikaika ka mea i loohia i ka pilikia; a o ke kumu o kona pilikia, mai ka wai-koana iho no ia o ka paka, maloko o kona ipu paka, ka mea i kapaia e kakou he paʻupaka. I kekahi la ua hoomaemae iho la oia i kona ipu-baker me kana pahipelu, a mamua o kona holoi ana i ka paʻu ma ka maka o@ o ka pahi, ua moku a komo iho la koana paʻu ma kahi i moku. Aole nae o ia i hoomanao he mea nui keia moku a e lilo ana ia he kumu hoopilikia loa iaia. He mau hora elima hoi mahope iho, ua pehu loa ae la kona lima a hiki ole iaia ke hoomanawanui; nolaila, ua hoi oia ma kona wahi moe, kauoha koke aku ia i kekahi Kauka e hele mai e nana i kona maʻi, a ua pahua noi ke ola mai na mea i kamaaina no na ma@ ola a@. I ka ninaninau ia ana o ka mea maʻi, ua ike ia ae la ke kumu o ka pehu ano @ o ka lima i pii loa aku hoi a ka poohiwi. Ua hooholo koke iho la na Kauka, o ke oki wale no i ka lima a maamaa oia ka mea e pakele ai ke ola, a ua oki ia iho la me ke ku@ ole. Ua pakele lihilihi mai hoi kona ola. Ma keia e ike ai kakou o ka paka kekahi kumu nui o ka eha o ka waha a me ka loaa hoi o ka puu @a me ka lehelehe i na maʻi kuna a me na maʻi e ae. No laila, o ka haalele wale no ka pono i keia mau mea e hoolaha nei i na anoai kumu ole a waiwai ole o kakou.

           

KA PULE OHANA ANA

            He mea hiki ole ia kakou ke hooi aku i ka nui pomaikai e loaa ana ma ka malama ana i ka pule ohana mau. Ua olelo ke Akua e hoopomaikaiia no ka @ o ka mea ana ma kona inoa a ka @ an@ o k@a pomaikai hoowaiwai nui no ia. Mawa@ ae o keia pomaikai nui he mau haaawina i ae ao kekahi e loaa ana i ka ohana e akokoa ana i na la a pau e hoo@ @ aku i ke Ak@ pau o ka ohana like me ka hiki ole ma kekahi au e ae, a o na hoomanao ana mahope aku no na hui ana o ka ohana ma ka pule oia kekahi o na mea waiwai nui e pili haule ole ana e like me ke oiaʻana o ke kanaka.

            Aia ma keia launa ana ua hoookomoia mai iloko o ka noonoo na mea e pili ana i na mea mau loa a me ke Akua mau loa ka mea hiki ai ke noho me ka pilikia ole. Ua hapaiia ae hoi ke kulana o kakou ma ka pule ohana maluna o na mea o keia ao, a pela e pomaikai ai ka ohana. Ua hoouluia hoi ka uhane hoolohe me ka lokahi i loaa ole, i na aole no keia akoakoa ana. Aole hoi he mau mea e keakea ana i ka mana no ka pono i komo pu mai me ka pule ohana mau.

            O ke kii kalike loa hoi ka akoakoa ana o ka ohana e hoomanao aku i ke Akua e like me ko ka lani ohana e hana mau ana e lohe i kona makemake; ka hapai ana ae i ka leo o ka hoomaikai a me ka mele o ka hoonani i kona inoa hanohano, a e launa pu hoi me ia ma ka pule ana. Ua hiki hoi i na ohana a pau ma keia launa ana ke hanu i na ea me he la mai ka lamai. Chritiano Puke Pule.

 

HAAWINA HELUHELU BAIBALA.

 ABERAMA MA KANAANA

1. I ka aina hea la o Aberama i hele ai? Kin. 12:5 i hala hope@.

"A hiki mai ia lakou i ka aina o Kanaana."

2. Heahaa na hewa o na kanaka o ia aina? Oik. 18:27

Ua hana hoomanakii lakou na pepehi a mohai ia ke kino kanaka a na noho launa huikau lakou. E heluhelu i ka mokuna a pau.

3. Pehea ke Akua e hoohoihoi aku ai ia Aberama, oiai na anoe oia i ka ike ana aku i keia mau hana hewa weliweli? Kin. 12:7.

I ke ae la o Iehova ia Aberama, i mai la ia, E haawi aku no wau i keia aina no kau poe mano; malaila oia i hana ai i kuahu no Iehova; ka mea i ike oia."

4. Pehea o Aberama i hoike ai i ko lakou manaoia i ke Akua oiaio? Kin 12:7.

Ma na wahi ana @ ai na kukulu oia i kuahu mohai @

5. Mamua o kekahi k@uwi i hea oia i hele ai? Kin. 12:@

He w@ aina, a hele aku la o Aberama ilalo i Aigupita e noho malihini malaila no ka mea, ua @ ka aina.

6. Pehea la oia i manao ai e hoohunahuna i kuhihewa ai ke ʻlii, ka mea i manao ai-e lawe i kana wahine? Kin 12:11,13.

"A kokoke aku la ia e komo i Aigupita, i aku la ia, i kana wahine ia Sarai, Eia hoi ke ike nei au he wahine maikai oe ke nana aku: Ke nonoi e aku nei au ia oe, he kaikuahine oe noʻu i pomaikai ai au ia oe, a e malamaia kuu ola nou.

7. No keia mea, heaha ka poino nui i kau hoowelo iho maluna ona? KIin 12:14,15.

"A hiki aku la o Aberama i Aigupita, ike mai la ko Aigupita i ka wahine he maikai loa. A ike mai ia na luna o Parao iaia, hoomaikai lakou iaia imua o Parao, a  ua laweia aku la ua wahine la ma ka hale o Parao."

8. Pehea ke Akua i hoopakele ai i ka wahine a Aberama, mai ka lilo ana i ka ʻlii? Kin. 12:!7.

"Ua hoike ae la o Aberama i ka hoi hope o kona manoio, maluna o kona Akua. Ua hookuu aku ka Haku e hoaoia oia, i kumu e ike pono ai oia i kona nawaliwali. E hoao ana ke Akua i na kanaka a pau i mea no lakou e ike ai i na kuhihewa a ko lakou mau naau. (Ier. 17:9,10). Aole hoi he mau hana apuka a ke kanaka i mea e hoopakele ai i kona ola, he hana e aponoia ana e ke Akua.

9. Heaha hoi ka Davida i olelo ai no ko ke Akua hoomalu maluna o Aberama a me kona ohana? Hal. 105:14,15.

"Aole ia i kuu mai i kekahi kanaka e hana ino ia lakou: Papa no oia i na ʻlii no lakou: Mai hoopa oukou i koʻu poe i poniia, a mai hana ino hoi i koʻu poe kaula

10. Ma kahi hea o Aberama i hele hou aku ai mahape o ko Parao hookuu ana aku iaia? Kin. 12:20; 13:3

"Kauoha aku la o Parao i kona poe kanaka nona a hoihoi mai la lakou iaia, me kana wahine, a me kaua mau mea a pau. Hele ae la ia i kona hele ana mai ke kukuluhema mai a Betela, kahi i kuai o kona hale lewa mamua mawaena o Betele a me Hai."

11. Ua alana hou aku no anei oia i kana mohai i ke Akua mahope mai, e kahea ana i kona inoa? Kin. 13:4.

"Kahi o ke kuahu ana i hana ai mamua, ilaila o Aberama i kahea aku ai i ka inoa o Iehova.