Ka Oiaio, Volume I, Number 15, 22 January 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

John E. Bush, @ @ @ @ @

 

Honolulu , Ianuari 22, 1896

 

KE ALANUI E LOAA AI KE AUPUNI MAIKAI.

 

            E like me ka makou i kamailioai, ma ka manao pepa onehinei, aole he aupuni maikai e ku nei a puni ke ao, e like me ke ano oia huaolelo, he maikai, a aole no hoi he alanui e loaa ai ia aupuni ke ole kakou o malama i ke kanawai o ke Akua, oia ke alakai no ka noho ana kino a me ka noho ana uhane.

 

            Aka o ka hoomaka ana e imi i ke ano o ke aupuni maikai ma na ana a ke kanaka, a ma ia ana e loaa ai ke aupuni maikai, he mau hana waiwai ole ia.  O ke ao a ke Keiki a ke Akua, oia wale no ke alanui e loaa ai ke aupuni maikai, a o kana i ao mai ai, e imi mua kakou i ke aupuni o ka lani a he loaa wale no ko ke ao nei.  He oiaio keia olelo a hiki wale i keia la.  Ina kakou e haalele ana i na alakai a kanaka a hiliuai i ka ke Akua mau alakai ana, he mea oiaio loa e loaa ana ia kakou kekahi aupuni maikai.  E i mai ana paha kekahi poe aole loa e loaa ana ia kulana aupuni i ko ke ao nei, ma ia kuhikuhi ana, oiai aia ma ka lani ke aupuni o ke Akua.  He oiaio aia ke aupuni kumu o ka Makua Lani ma ka Lani, aka, aole i kaupalenaia ia wahi; aia keia aupuni o ke Akua ma na wahi a pau; aia hoi iloko o ka naau o ke kanaka ina oia e ae e lilo i kupa no ke Akua.  Nolaila, ma ka ke Akua mau ao ana wale no kakou e  ike ai i ke ano aupuni maikai, a hemolele hoi.  I mea e loaa ai ke aupuni maikai, e pono e loaa na kupa maikai; i mea e loaa ai na kupa maikai, e pono e ao ia ke kupa no ke aupuni maikai me na ai maikai a me na hana maikai mai ka wa a na makuahine e nonoi ana e hoohuaia mai ke kupa opio ma ona la, e like me ka makuahine o Samuela i uwe ai i kona nele keiki.  Iloko o ka pule imua o ke Akua i noi ia ai o Samuela mamua o kona ike ia ana: ua hoolaa mua ia oia ma ka uhane, mamua o kona hookumuia ana.  A heaha ka hua o keia hana a ka makuahine maikai, ua hanau mai he keiki maikai, nona ka moolelo maikai mai kona wa iloko o ka puhaka o kona luani-makuahine a hiki wale i kona hoi ana i ka poli o kona makuahine honua.  Ua hoao mau keia kanaka maikai e ao aku i na kanaka i ka ke Akua kuhikuhi ana e loaa ai ke aupuni maikai no ka lahui.  Aka, ua haakei a ua hookiekie ka naau o ka mea i hoopomaikai ia, a o ka hopena kona haule ana mai kona pomaikai i loaa wale mai iaia.  Aia mai ka puhaku mai o na makua haipule oiaio e loaa ai na kupa maikai e ku ai ke aupuni maikai, ka mea anoai ia e na mea manao maikai a pau i keia la.  Nolaila o ke alanui o ke ko o ko kakou kuko o loaa ai ke aupuni maikai aia no ia ma ko kakou lima aole @ na @ @, na hana koko a @ @ @ na @ @.  E hoomaka ana na makua e kukulu i ke ano o ke kupa e ku ai ke aupuni maikai ma ko laua hoomaemae ana i ka hana a ko laua kino a me ko laua @.  A i na ua hookumuia ke kulana o ke keiki mai ka uhane ae o na makua ma na hana maikai o ko laua noho ana, i ka wa o ike ai na makua malalo o na launa ana o ka uhane maikai e hua mai no anei he kupa maikai, a he kaula i aloha ia e ke Akua e like me Samuela ma, a pela na makua a pau o ka lahui e hana ai, e ko ana no anei ka olelo, “he poe oukou i hoolaa ia no Iehova no ko oukou Akua, @ na Iehova oukou i wae mai i kananka ponoi nona mamua o na lahui-kanaka a pau maluna o ka honua.”  O ka lahui-kanaka e loaa ai ke aupuni maikai, aole o ka noho iloko o na hana hookamaui a me na hana hewa.

Na Itamu Kuloko

 

   He paikau ka ka puali kau lio i keia kakahiaka.

   E lawe nui i KA OIAIO i ike ai i na ao ana a ke Akua.

   Ua hopuia e Lutanela Needham he elua Pake no ke puhi opiuma ma Pawaa.

   Me ke ahiahi nei i hookahakaha ai ke Company G. a me ka B; ma ka Union Square.

   Ke hoomaamaa nei ka puali kiki pololei o ka puali elua e kiki like me ke Company B.

   Ma ka auina la onehinei, ua hanau mai la o Mrs. Aiwohi Kahookano, he keiki kane nui nepunepu.

   No ka haalele ana o Maria Barate i kana kane mare nolaila ua hoouna ia aku oia no elima la e noho ai ma Kawa.

   Ma ka @ umi o keia kakahiaka i wehe ae ai o Mogana i na lako hale i hoomakaukauia no ke kudala a me na mea e ae no a pau.

   Ua haule iho la mailuna iho o ka oneki o ka mokuahi Waialeale o Mr. Atwater, kekahi aliimoku o ia moku, a ua loaa hoi iaia kekahi mau palapu.

   Ua hala aku ma ke Kinau ka Bana P. G. no Hawaii, aole e lohe hou ia ana kona leo ma ka Ema Kuea a hiki i ka malama o Feberuari.

   Ua holo pono na hana keaka lio i hanaia ma Ewa i ka Poakahi nei, a i keia po e haawi hou ia ai ka paani @, a holo loa aku no Iapaha.

   He 32 ohua i hala aku no ka Luapele, iwaena o na ohua makaikai o J. D. Hayne me kana wahine me Geo. Wilikoki o Kauai, J. J. Williams a me C. A. Brown.

   Eia ke hoomaemae hou mai nei o Mr. Brown i kona pa e ku nei ma ke kihi o Alanui Hotele me Alakea.  O ka hale keia o ke Kuhina Amerika R. M. Dagetto i noho ai iloko o 1881-1885.

   Mamuli o ka @ @ @ @ @ @ la ia @ @ McVey [unreadable].  O ka haole @ i  @ @ i ke aupuni a hoopuka ae hoi @ @ maloko o ka  nupepa “Kuakoa” e pili ana i ka Hamuku.

   No ka nui o na @ kolohe ma ka po @ ohe, e walaau a e hoohaumaele ai hoi @ @ @ ole, malaila lakou i pulumi ia ae ai no @ @ o Kawa a ao ae kakahiaka Poakahi.  Mai hana hou aku o kau auanei ka hoopai a ke @ maluna o oukou e na opio Hawaii.

 

MAKANANI

MA KE KIHI MAUKA O ALANUI PAPU AMEKALEPA.

 

            Aole o makou malama i na kamaa i hiki ole ia makou ke hoolaio aku i kona paa a i hiki ole ke kuai no ke kumukuai makepono a i kupono hoi no keia mau la mamake o ka aina.  I mea e hiki ai ia makou ke malama i na kamae maikai wale no o na ano a pau, a e kuai aku hoi no na kumukuai haahaa loa ua kuai pololei aku hoi makou i ko makou mau kanaa mai na hale hana kamae nui a kaulana no ka maikai, ka paa a me ka nani.

           

            NO KEIA KUMU UA LAKO MAU MAKOU

            I NA MEA MAIKAI WALE NO

            NO NA KUMUKUAI EMI LOA

            E HIKI AI KE KUAI HAAHAA AKU

            I NA MAKAMAKA A PAU

            MAI HAWAII A NIIHAU

 

            Eia ma keia kii kamaa aulii e ike ia iho ai na ano o na kamaa NANI ma kahi o MAKANANI.

           

            HE EKUA WALE NO DALA ME HAPALUA KO KEIA KAMAA!

 

            Peia iho la ke ana o ke kuai ana o na ano kamaa o ko makou hale.  Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Pua, Na Kamaa Emi,

Na Kamaa helu Ekahi o ka hiehie.

 

            E LOAA NO MA KA

 

            Ka Hale Kuai Kamaa o M A K A N A N I.

Honolulu , Ja. 2, 1896.