Ka Oiaio, Volume I, Number 13, 20 January 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

 

JOHN E. BUSH, Luna Hooponopono a me P@ka.

 

HONOLULU. IANUARI 20. 1896.

 

ONEONE KAUA HOU.

 

            Aole i pio iho kekahi lono kaua pae hou n@ nei no ka lono kaua, i lawe ia mai e ka mokumahu Alameda.  Ma keia lono ua ulu ae la ke okaikai mawaena o Geremania a me Beritania, no ka hana a kekahi kupa Beritania i hookaua aku ai i ka Repubalika Transvaal, ma Aferika.  Ua kipi aku nei kekahi haole Beritania.  Dr. Jameison, me ehiku haneri poe malalo ona mai ka Panalaau o Beritania o Cape Good Hope aku, ia Peresidena Krueger o ke aupuni Repubalika o na Boers.

            Ua haule ke kipi a ua haawi pio aku hoi o Kauka Jameison me kona mau koa.  Ua koi aku ke aupuni Beritania e hoihoi ia mai o Jameison na ke aupuni Beritania e hookolokolo.  Mamuli o ka hookaulua ana o ke Aupuni Transvaal, ua aneane o Beritania e lele kaua aku ia aupuni.  Aka ua haawi ia mai ke kipi pio ma ka lima o Beritania.  Oiai ke Aupuni Repubalika Transvaal, he aupuni i kukuluia e na kanaka Oleloe, a me ka lakou mau mamo mai, na ano komo mai ia hoi ke aupuni Geremania e kakoo i ka Peresidena Krueger hana, a hooi loa aku la hoi i kana olelo a me kana mau hana, ma o ka Emepera Uilama, a me ka Reichstag, me ke kumu ole o keia mau hana.

            Eia hou no keia hoailona e hoike ana i ka uhana kana o ka mea i oleloia e Ioela (3:9-12) ka mea e noho ana iloko o kanaka i na la hope, oia keia.  He mea maopopo loa, aole e hala keia makahiki, a i ole i ka 1897 paha, e hu ae ana no kekahi kana nana e hooulupuni ana i ka hopua a pau iloko o ke kana weliweli.  Ua hoike mai na kaula i ka hiki mai o keia mea, a ua hoomaopopo loa ia keia ma ka ke Keiki a ke Akua mau hoakaka ana no kona wa e hiki hou mai ai.  Pomaikai ka poe i make i ka pono e make nei, a e mihi nei hoi me ka oiaio no ka mea e hoopaa ia no ko lakou inoa iloko o ka buke o ke ola a o ka poe sila, hoi o lakou, ke kupaa ana no na hooia ana i ka oiaio o ka ke Akua olelo, a no la hoino ia mai no ia mea.

            Aka, e hauoli ka poe hoomanawanui, no ka mea, wahi a ka Moi Davida, e hina no he tausani ma kekahi aoao a he umi tausani ma kekahi aoao, aka aole e pa mai oukou i kekahi na poipo kaua a me na mai ahalau a po@ ae e ua iho ana mai na ipuhue o ko ke Akua inaina maluna o ka poe i hoowahwaha i kana olelo a i hookae i kona aloha, aka, maluna o ka poe hoopono o pa iho no ke ola a me ka malamalama o ko ke AKua mau hana pono.

 

HOOHUI AINA.

 

            Ua waiho ia aku hoi ka olelo hooholo a Luna Be@te Spalding e hoolilo ia aku o Hawaii i Mokuaina no America Huipuia, ma ka lima o ke Komite o ko na Aina e o ka Aha Senate.  E hoomaopopo kakou, he hoohui aina o Senate Mogana, ka Luna Hoomalu o keia komite; a oia ka mea hooikaika loa e ae ia ke noi e hoohui.

            Aia nae i ka makahiki 1898 e hookoia ia keia hana, ke ole hoololi ia ka olelo hooholo e hoohana ia ka hoohui aina mamua oia manawa.  O ka ke kanaka mau hoolala keia, he okoa nae ka ke Akua, ke hoomaopopo pono ia aku na ouli o ka noho ana o ke ao holookoa.  Ua akaka ka ka Huke Hemolele mau wanana no keia mau la, a ua hooia mai hoi kekahi mau loea kilokilo akeakamai, ua kokoke ka honua i ka hopena o keia au, a e ku aku ana he au hou a noho ana hou.

            Ua hooholo ka ike o kekahi poe ike, he kana a e haunaele nui aku ana ma Amerika i keia makahiki.  He loli nui ko keia honua a he poino hoi e loohia ana i kanaka i ka 1898, wahi a kekahi, a i ka 1899 a me 1900 hoi ke kekahi poe.  He kana nui weliweli hoi ka Daniela i hoike ae ai e hiki mai ana maluna o ka honua, a mahope aku o keia kaua, a me na ma'i a me na poino, e ku mai o Mikaela, ka Anela nui o ka Lani.  Ua hooia makou i keia mau hoike i hoike ia mai ma ka waha o ka aia, e oiaio aku ana no, aka o ka manawa aole i maopopo.  Ua kokoke mai aia ma ka ipuka, oia ka mea maopopo; nolaila, o na apuepue ana a na lima kakauha no Hawaii, e lilo no ia he mea mama i ko kakou naau, mamua o ka mea i oi aku, ka hiki hou ana mai o ka Haku, a me ka la nui e puhiia ai ko ke ao nei me he opala la.  Mai kaumaha oukou no na mea o keia ao.

 

Na Itamu Kuloko

            Ua huli hoi aku o H. L. Holstein no Hawaii.

            E holo aku ai a o Za@loch me keia mau hoa no Hilo, i ka la apopo ma ke Kinau.

            Ua hoopuka @ @ p@ @ August me Miss Scho@

            Ho@ono han@ me k@aha kua @ @a ka nui o na Iapana o h@a ma@ana, keia mau la ih@

            Ua loheia ae ua make a na kan@ o W McGurn eia ka auanei eia no ke @ la mai nei, a aole hoi he oiaio o m@ a olelo.

            M @ Poaha nei, ua pauaho mai la o Malie Wai@ Ua loihi na la o kona kaa mai ana a kuu aku kona luhi.

            Ua lawe aku o Comisina Hawes na Kuhina o Queensland mai nei e hoolauna aku me na Kuhina o keia aupuni, ma ke kakahiaka o ka Poaono nei.

            Ua launa o Makapolem@ me ke kamahiwahine Kaiulani oiai oia ma Lulana a pela pa no hoi me A. S. Cleghorn he maikai no ko@ana mau ola kino.

 

            Ua lohe aku @ unii poe kanaka Hawaii a p@ @ifa ana i ke kakahiaka Poaono nei me na @ me $11, 65, na @ii ia ae no ke halewai.

            He huli hoi mai nei o Kuhina W. H. Kake@ me kana wahine, mai kana huakai aku nei i Wa@inato aa, ma ka aoao o ke aupuni.

            Ua nui ka oe hoahewa i ke Kuhina Cooper, no kona ae ole ana i ka hana o paani ma ka heihei i ka la 17 nei.  No lakou no hoi ka la, heaha la hoi ka mea o ka ana ana.

 

MAKANANI

MA KE KIHI MAUKA O ALANUI PAPU AMEKALEPA.

 

AOLE O MAKOU MALAMA I NA KAMAA

i hiki ole ia makou ke hoolaio aku i kona paa, a i hiki ole ke kuai no ke kumukuai makepono a i kupono hoi no keia mau la mamake o ka aina.  I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa, ua kuai pololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.

NO KEIA KUMU UA LAKO MAU MAKOU

I NA MEA MAIKAI WALE NO

NO NA KUMUKUAI EMI LOA

E HIKI AI KE KUAI HAAHAA AKU

I NA MAKAMAKA A PAU

MAI HAWAII A NIHAU

 

Eia ma keia kii kamaa aulii e ike ia iho ai na ano o na kamaa NANI ma kahi o MAKANANI

HE EKUA WALE NO DALA ME HAPALUA KO KEIA KAMAA!

Pela iho la ke ana o ke kuai ana o na ano kamaa o ko makou hale.  Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Paa.  Na Kamaa Emi, Na Kamaa helu Ekahi o ka hiehie.

E LOAA NO MA KA

Ka Hale Kuai Kamaa o

MAKANANI

Honolulu, Jan 2, 1896.