Ka Oiaio, Volume VII, Number 47, 17 January 1896 Edition 03 — Page 4
| This text was transcribed by: | John Reppun |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
NUPEPA KA OIAIO.
-
J. E. BUSH Lunahooponopono
-
O KE PONO KA AIALII E
OLA AI KA AINA.
-
POALIMA JANUARI 17, 189@
-
O KE ALOHA AINA KA HIKIMUA.
-
Ma ko makou puka ana aku, ma ko kakou pepa o ka Poalima nahooponopono o ka nupepa Ke Aloha Aina, ma o ke ana manawa laa ko makou makamaka i waiho mai na makou e hoolaha aku, a i hooko ia hoi e makou malalo o ka manao maikai, e haalawa aku i ka luhi o ka mea nana i kakau mai.
Mamuli nae oia hoolaha ia ana, ua ala mai nei na hulu okala o ka Lunahooponopono o Ke Aloha Aina a kapa mai nei “He Lalau Ka Leo,” oia ka makou e hoihoi aku nei malun aiho o kona poo, e auamo i na hoino ana a pau ana i manawalea mai ai na makou e hooko.
O ka nupepa, he elele mana ia e anapu ana iloko o ka manawa pokole, elike me ke telegarapa olelo e holo ana mao a maanei o kona alahele iloko o ka imo ana o ka maka, o na kuia mahope iho o kona holo mama ana, ua hiki no ia ke hooponopono ia mahope o ka hala ana kau o kona mua.
Ua kali anei ka Lunahooponopono o Ke Aloha Aina, i ka makou mau hooponopono ana, ma kahi i hemahema o ka ka mea kakau kope i waiho mai ai na makou e hoopuka aku?
Na ka mea heluhelu ia a pane, aole na makou, no ka mea, ua ike kela a me keia i ka oiaio o ka makou mea e olelo nei, a o na hooponopono i waiho ia mai ma ko makou lima, hemea makehewa ia, oiai, ua loaa mua mai na pane ana, mamua o ka hookomo ana aku.
He nui ko makou mahalo i ka Lunahooponopono o Ke Aloha Aina ma kona mikiala ma na mea liilii ano ole, a hoopiha i kana nupepa me na manao nuku o ke ano i piha mau kona naau i ka uilani, oia ka oioi o Maui Hikina, ma keia mea o ka hoolaha nupepa, a ina e nana maoli ia iho ke ka-ona o ka manao, me he mea la, e hapai ana ia Limunui i kaupoku o Hanalei.
No makou iho, o na hoino ana mai a ko makou hoaloha o ka makapeni, aole ia he mea e ehaeha ai ko makou noonoo, aka, he mea ia e hooi mau ia aku ai ko makou ikaika hana i na wa a pau.
Aloha no oe e Nawahi.
-
UA HOLO AKU.
-
Ma ka hora 4 o ke ahiahi Poalima nei, i haalele mai ai ka mokukaua Baltimore i ke awa lai o Kou, a niau aku la no ke kai hohonu, ma ke alahele e hiki aku ai i Kapalakiko, mahope iho hoi o ka hala ana o na pule elua a oi o kona ku ana ia nei. Ua haiamu ae ka Uapo i na hoaloha o ke Kapena Day, a me kona mau Aliimoku, no ka haawi ana aku i ko lakou aloha hope loa o lakou. o na koa oluna o ka moku Italia a me ka Bennington, ua haawi mai la lakou i ko lakou aloha iaia, oiai hoi ka nene keokeo e nee aku ana mai ko lakou pili aku.
Ua kowelowelo ae hoi oia i kona haa lipino silika e kowelo ana iluna o ka ilikai, a he ku o hoi i ka nani ke ike aku.
Ua manao kona mau Aliimoku e ku ana la ou i Kapalakiko iloko o umi la holo.
-
HE ULIA LAKI.
-
Ma ke aumoe o ka po Poalima nei, a oiai hoi kekahi Makai ku Luina e ku kiai ana ma ke Alanui Papu, ua ike aku la oia i ka hamama o ka puka o ka haha @@ o Schnaoks, ma Alanui Papu, na hoike koke ia aku la ka lohe ia Kapena Scott, ke Kapena Makai e ku ana i a wa. Ua hiki koke mai oia malaila me elua mau hoohele pu me ia, a komo aku la iloko o ka hale, kahi hoi e waiho hemahema ana, a iloko o ka ume o ke pakaukau kakau, ua loaa aku la he eke dala nona ka huina o $394.70 ma ke dala pepa, a me ke dala maoli. Nani ka laki o ka Ona nona keia waiwai, a heaha kana nana maikai e hana aku ai i ka mea nana i hoopakele i kona waiwai? Aole anei e pono e hamama ae kona puuwai, a e haawi iho i ka manawalea o ke aloha, maluna o ka mea kiai hoopono? Oia ka pono, a e hooko aku oia pela.
-
KA ULIA POINO MA WALUKU
-
Ua huli hoi mai ka Ilamuku mai Wailuku mai, mamuli o kona hele ana aku nei e noii pono no ke kumu i make ai o kela paoahi ma ke alahao o ka mahiko o Wailuku. Ua hoike ae oia mamuli o ka pau pono ole o na hemahema o ka mahiko o Wailuku. Ua hoike ae oia mamuli o ka pau pono ole o na hemahema o ke alahui i hanaia ai, a oiai hoi e waiho pau pono ole ana na hemahema, me ka lawa kupono ole o ka ikaika e hoohana aku ai i na kaa ma ko lakou alahele, aka, mamuli o ko ka Wiliki hookina ana i na kaa he 15 ko lakou nui, maluna o keia alahele nawaliwali, ua hoea mai la keia poino o ka make ana o kekahi ola uhane ma keia alahele.
Ina he oiaio keia mau lohe i lawe ia mai i o makou nei, alaila, ua oi loa aku ka pono e hopu ia kela Wiliki no ka lawe ola, malalo o kauna hana hemahema ana.
-
KA HEIHEI O KA LA 17
-
O ka Poalima ae nei, oia ka la 17, he la hauoli ia no ke aupuni e ku nei, a o na lealea heihei lio a me kaa i hoopanee ia mai ka Hapanuia mai, ua manaoia, o keia ka la e hooko ia ai no ia mau hana.
Ua manaoia no hoi, e hooi ia aku ana na lealea e malama ia ana ma keia la, no ka lehulehu, aole i hiki ia makou ke kamailio aku, e huliamahi ma na haua o keia ano, oiai, ua ike no kela a me keia, aia he hopena e kau mai ana maluna oia mau hana hope loa, aka, o ka poe e komo kuhohonu iloko o na ake ana o keia ano, aole e hiki ke hookuemi hope ia mai ko lakou mau iini, no ka mea, o ka lakou kawa ia i lele ai a o-pu.
-
HE KEU KA POE PILIWAIWAI.
-
O ka lahui Pake, e noho pu nei iwaena o kakou, oia kekahi o na lahui puni nui ma keia hana o ka piliwaiwai, a ma ke kakahiaka la Sabati nei, i hopu ia mai ai he 26 ko lakou nui, ma kahi hana poi o Wilikoki ma Kalihi.
Mamuli o na lono i loaa mai ia David Kaapa, ka Makai Kiu Hawaii, ua liuliu kok@ @@e la oia no ke kahua o kahi o @@ piliwaiwai e malama ia ana, me 7 Makai a me kona mau hope, a kau awiwi aku la lakou maluna o kekahi kaa “bus,” a kamoe aku la no kahi hana poi o Wilikoki ma Kalihi:
Ua hanaia keia me ka puali nui, a ua hoopuni koke ia ae la ke kahua e hanaia ana na lealea, a me ka waha o ka lakou mau pu e hamama ana ko lakou mau waha, i ulu ole mai ai kekahi ulia poino, a hiki i ka pau loa ana o na mea a pau i ka hopu ia a lawe ia mai no ka Halewai.
-
HOPU IA NO KA WAWAHI HALE.
-
Ma ka ponei i hopu hou ia ai o Jim Loy, kekahi o na auna paohao hana karaima i puka mai iwaho nei, mamuli o ka pau pono ana, o kona manawa hana ma ia wahi. Ua hopu ia ae oia mamuli o kona komo kuleana ole ana iloko o ka hale hui Kope o Sing Wo Ma, ma ke Alanui Nuuanu, i ka wanaao poniponi onehinei, me ka manao ino o ka mea i maa kona mau lima me na hana aihue, a pela aku.
O na mea a ka powa i loaa aku i kona wa i hopu ia ai, he hapalua eke kope a me kekahi mau mea liilii e ae, a me ka raiki. Ue hopu pu ia o Tu Yan ia manawa hookahi, ina paha ua komo pu oia ma ia hana no ka hoike ana mai i ka mea oiaio, no na mea i aihue ia. Ua makemakeia oia e ka Hui Kope o Sing Wo Ma i kekahi la, a ua olelo aku oia ina e haawi mai ka Luna Nui iaia ia $10, e hiki no iaia ke hopu i ka poe aihue. Ua hoike aku ka Luna Nui o ka Hui Kope o Sing Wo Ma i ke poo o ka Oihana Makai no keia mea. A i keia la, eia hou oia he pio na ke kanawai. Manene ole no hoi ka lima o ka poe haihai kanawai.
-
E PELE – E, UA ALA KO HIAMOE.
-
Hookahi nuhou a Kinau moku
I lawe mai nei mai Hilo mai
Aia Hawaiinuiokeawe
Ua hoolale ke ahi a Lonomakua
Ua huai Pele i kona kino
Ua hele ululu ke paoahi
Ua haalulu Kilauea
I ka wiliki nui helu ekahi
O Hiiakaikapoliopele
Ua pii ka ena o ka wahine
Ua moana au Halemaumau
I ke ahi hoi a ka wahine
Ke huila mai la i ka mauua
Ko kapu ihilani auhea
Hoike ia ko Kinolau
Me ko aahu keokeo
Poai ia na moku
Na poe aloha aina e o mai
Ola ia kiui ke a mai la ke ahi
HAKUIA E MOSE MANU.
-
KA UKU O KA MEA HANA PONO
-
I keia mau po aku nei o ka pule i hala, ua loaa aku la kekahi hale hana e waiho hemahema ana, i kekahi makai hoopono, a ua hoike koke aku oia i ka lohe i kona poo maluna ae, a nana i hele mai e huli pono na mea a pau o loko a ua loaa iho la he eke opihi (dala) ua waiho hemahema ia, a ua hoihoi ia aku ua waiwai la iloko o ka lima o ka mea nona ua waiwai la.
Mahope mai, ua uku ia mai la ka makai nana i malama ka pono o uamea la nana ke eke opihi he elima wahi dala, a i kona Kapena ae hoi, he wa@ gula. Ua kupono kela makana hoe no ke kini makaala, aole no kona poo maluna ae ona.
-
EL AENO PAHA IWAHO KAHI K POKAA AI.
-
I ka Poakahi nei, ua holo aku ka mokukaua Italia, e kamoe ana i kona alahele no ke ala e hiki aku ai i Vanekoua, eia no ia mawaho ae nei kahi i pokaa hele ai. I ka hora 8:45 p.m. o ke ahiahi Poakahi nei, ua ike ia ka anapu o ke kukui uila ma ke komo@aua mai, a iloko oia wa hookahi no i hoolele aku ai ka mokukaua Amerika e ku nei iloko nei o ke awa i kona kukui uila, hookui ae la ko laua malamalama i kahi hookahi, ua hoomau ia pela hiki i ka hora 9, akahi no a pau.
I ka hora 4 a oi o keia wanaao, ua ike ia oia mawaho pono, aku o Leahi, o keia lohe ia ana mai mai ka poe lawaia ku kaula mai no ia.
Ua lohe no hoi makou, e holo ana oia i Hilo, a o kekahi lohe o makou e kali ana no elua moku a pela aku. Aole e hiki ia ma kon ko manaoio ma kekahi mea.
-
Nui loa ke keha o ka Lunahooponopono o ke Aloha Aina laia iho, oia ka oi.
HE AKE HOOKELAKELA.
-
I hakalia no ke kani o ka pu kanapi a ke Aloha Aina i ko makou puka ole aku, i loa no ia makou a oili aku ma ka la inehinei, o kona wa no ia i knehu koke mai, ai i ua ai a Hiaakahua, ke hele la ke aa uala o na lima o ke keiki o Puna, a kokolo i ka mole o ke aa hala. He mea maikai ka pane ana aku i ka amakamaka malalo o na hike olalo @@@ ana aole hoi maka haanui olelo ana , i wahe e ike ia mai ai oia, oia ka oi aku o ka pololei ma na mea a pau ana e hamailio ai, aohe kekee iloko o kana mau kalai manao ana, aole hoi hemea nana e hookui aku ma kona alahele, no ka mea, “he kanaka piha makaala loa ka Lunahooponopono o ke Aloha Aina ma na mea liilii ano ole, “ aole oia i kupono no ka au ana kau i ke kai hohonu o na kalai manao kaulike ana.
He kamaaina makou i ka Lunahooponopono o ke Aloha Aina, a he hoa hana pu no hoi oia me makou, ma na kolamu o ka nupepa KA LEO nei, oiai oia e ku ana ma kahi o ke Kapena no ka hoonee ana i ka moku imua (KA LEO) ua ike a ua kamaaina makou i kona mau kinaunau, aka, aole nae ia hemea na makou e makawelawela ai a hoomaka-e aku iaia.
Ke i mai nei oia, i ko makou hoihoi ole ana malalo o ke poo o “na manao palapala a leta paha no kekahi mea mai.” Oia ka makou i makemake ai e hookaakaa pono iho na maka o ka Lunahooponopono o Ke Aloha Aina iaia iho, iloko o ke poiwai aniani o kona kuhihewa, mamuli o kona olelo ana mai i ka hoihoi ole ia malalo o ke poo o na palapala i keia manao a ko makou mea kakau, a i haawi koke ia mai hoi na hooponopono ana mahope o ko makou puka ana aku i ke kakahiaka Poalima nei.
Aole i loihi ka manawa i hala ae nei, ua hoopuka aku la makou i kekahi manao pane maloko nei o na holamu o KA LEO malalo o ke poo “Na Palapala,” i ka Lunahooponopono o ke Aloha Aina, nona hoi ka inoa e poina ole nei ai makou ke puana aku, Homelani, a ka Lunahooponopono no hoi o ke Aloha Aina i kapa mai ai, o “S.P. Kanoa no ia, ka Lunahooponopono o KA LEO.”
Aole anei i hookomo ia ia manao pane ma kahi ana e noke mai nei i ka hoopololei? Malaila no hoi. A heaha ka hoi ke kumu o ke kuhikuhi ana na S. P. Kanoa, oiai hoi, ua hoi hoi ia kau la no a mamua pono o ke alo, aole anei elike me ka makou e olelo nei, he ake oia e ike ia mai oia ka oi ma keia mea o ke kalai manao ana?
Oia maoli no ke kaona o kona manao, he like a like wale no keia mau mea elua iaia, ina no makou e hoihoi anai keia manao i puka iho la ma kahi o “Na Palapala,” elike me ka makemake o ko makou hoaloha, e panemai ana no oia ia makou oiai hoi makou e hana ana no ka pono o na mea a pau.
Ina he kanaka noonoo kaulike o Nawahi, ina ua ike koke iho oia i ka makou pane no ua mea e pili ana i na hooponopono a ka mea kakau, i waiho ia mai mahope iho o ka puka ana aku o ka pepa, a heaha he kumu o ka lawe hou ana mai i keia mau olelo malalo iho a paloa a pakolu komo ana iloko o ka pepa; oia hoi:
“He 30 minue wale no ka like ole o ka manawa manaeua o Ainaomaomao a @ue Hawaii nei.
Aole ano no ke@@ke hookelakela mai kela mau hana? Pela no maka hoomaopopo iho ina oia e kaana pono iho i ko makou pale ana no ia mea, ua hiki koke @@ iaia ke holoi i na ke kohukohu o kaua makahiki maluna o kana makapeni, a oiai hoi aole makou hemea akamai loa ma ke ana manawa, nolaila ke waiho loa nei mamkou i ke kamailio ana no keia mea, aole malalo o na manao hoino pilikiuo i ka hoaloha, aka, malalo o na hooponopono ana a ko makou lunaikehaia.
O ko makou la@hiwha ia o ka nui o na hoino ia mai, a pela makou e hooi aku ai i na kalaima nao kaulike ana, a oia ka makou e hooheno ae nei i keia kanaonao a kahiko.
Ha ka iwi oho o ke Koolau
I ke ala pua mai i ka maka o ka nahele
I hali hoomau i ka pua lana i Wailua
Pa kahea a ke Koolauwahine o Puakei-e
A he pua Laukona ka ka Moae
Oia moe ‘la e hoi hou iho oe, e kaulele iho no ka po
I hala ae nei-e
E kaua iho ke kanaka i komo i ka moe-e
Aloha no-e-a
Aloha no oe e ka hoaloha.
-
HE MEA HOOPAU MANAWA.
-
O ka la i hala iho la inehinei, oia ka la a keia aupuni i kukala ae nei, e hooponoponoia na manawa hele o na wati a pau, ma o ke kauoha, la a ke Kuhina Kalaiaina. He mea hou no keia, aole mai kinohi mai, elike me ka loki ana o ka manawa, pela no ka loli mau ana o na hana i kela a me keia la a kakou e ike nei.
Aka, o ka makou wale no e kamailio ae ai, he mau hana hoopau manawa wale no keia a ke aupuni, me ka waiwai ole, a he imi ana paha i makalua no kekahi mau loaloha hou o lakou e komo mai ai iloko o ka poai o na hana, a kaa hou no na kakou e auamo hou ia mau dala-a kakou e hoomaunauna wale ia nei ina e hoomaopopo maoli ia iho ke ano nui o keia hooponopono manawa ana, ua maopopo loa, aia he mea ma ke kua aku o keia hana kahi i pee ai, hiki i ka wa kupono, alaila hoea mai kona poo iwaho, a mahope mai ke kino me na wawae.
O ka makou keia e haupu wale nei, mamuli o ka hoomaopopo maoli ana iho, aole i hoopilikia ia ka lehulehu mai ke ana manawa, mai o Greenwich, oiai ko nee mau nei no ka manawa imua, aole mea nana i hoopilikia, he mau hana hoopau manawa wale no keia, aohe he mau mea e hooholomua aku ai i na pomaikai o ka aina, e laa ka hooi ana aku i na hana mikiala iloko nei o ka aina, a pela hoi me na hana kuwaho, e hiki ai ke loaa mai ka pomaikai e hoopau ia ae ai kekahi mau pilihua o ka lahui e noke mau nei i ka uwe, no ka nui o ka aie, a me ka nele dala maoli iloko nei o ka aina, ina oia na hana a ke aupuni i hoolala ae nei, ina ua oi loa aku ko makou apono i nei mau hana hoopau manawa.
-
KA HOOKALAKUPUA O KE AO.
-
Mamuli o na manao maikai, ua manao o Prof. Zamloch, kela kanaka hana kupua noopahaohao manao e haawi i mau anaina hoikeike maloko o ka Hale Keaka Kepani e ku nei ma Kukuluaeo ae nei, mamuli o ka hiki ole i ka poe uuku mai i kahi kakai ke hele iloko o ka Y.M.C.A., oiai hoi na ka poe nui wale no o ka a la, na lakou e hele ia wahi.
Nolaila, i keia ahiahi e hoau mua loa ai oia maloko o keia halau hou ana i imi aku la, a ua ako nui ia hoi na mea a pau, mai ke kulana iluna lilo, a hiki aku i ka pale halii o lalo, e hiki kino ae ma keia wahi, a e ikemaka hoi i kaua mau hana mana imua o na mea a pau, he ole hoi ka lohe pepeiao mai ia hai.
He oluolu loa ka auhau, he 75 keneta ka auhau o na noho o mua a he 50 keneta kona noho o hope, a he @5 keneta o na keiki malalo o 12 makahiki.
O ka hora 6:30 p.m. ku wa e hemo ai o ka puka. E hale nui ae e ka oe puni mea hou.
-
O na moku ahi holo o keia la, oia o Calandine no Maui, Mikahala no Kauai, Coptic no Kaleponi.
(Title)
-
Ma ke ku ana mai o ka Iwalani mai Hawaii mai, na loaa mai la ka lono e pili ana i ke koko balota Sesate no ia makapuni, ma ke kaulike ana o ko H. L. Holstein me A. Young he 1@@ o kekahi a me kekahi, mamuli o ka helu elua ia ana o na balota o kekahi apana ma ka helu elua ana, a ia wa i ike ia ai ua pa-i, a pa-i ko laua mau balota. I keia la, aole laua he mau moho i apono la a ke lonolono wale ia mai nei o J. D. Parisa ana ke holo ana no keia koho hou ana aku.
-
Nu Hou Kuloko
-
He heihei ko ka la 17 th .
-
He Puhiohe ko ka Ema Kuea i keia ahiahi
-
Na ka Bana Pi Gi ana e hoonanea na heihei o ka la 17 ae nei. Hooheno no.
-
I keia la paha e holo aku ai ka moku makaikai honua o ke Duke Degli Abruzzi:
-
O ka Poakolu o keia pule, ka la ku mai o ke Coptic mai Kina a me Iapana mai.
-
O keia ka la e hoau ai ka Mahiko o Ewa i kona kikina oo ko o keia kau o ka makahiki.
-
I keia kakahiaka e lawelawe ai na Lunakanawai Kaapuni hou Carter, a me Perry ma ko laua noho
-
Ua hiki i ke Kapena Bertolini o ka manuwa Italia ke olelo ma ka olelo Enelani me ka hemahema ole.
-
Ua lilo ae nei o Lutanela Ernest Reneken o ka puali makai kau lio, i kapena no ia puali, ma kahi o Kapena Kuke i olepe ia aku.
-
He ekolu Bihopa i kau aku maluna o ke Kinau i kela huakai aku nei i Hawaii, oia hoi he elua Bihopa o auano ana ma ko laua poohiwi ka olelo a ke Keikihipa, a he hookahi Bihopa e pua ana ma kona lima ke eke dala a Kaisara. Hooheno no ka hoi k o Hawii nei mau Bihopa, aole e loaa ma na wahi e ae a ke ao nei i Hawaii nei wale no. he ole hooheno hoi ia la e ka mea heluhelu.
Hilo keia po, ma ka helu Hawaii.
Ia makou e oili aku nei, oia ka wa iike ia ai o ka mokuahi Malulani, nona ka mamao he 15 mile.
E lope ana kakou i na nu hou onone kaua o Amerika me Beritania i ka mokuahi Alamepa o ka Poaha ao nei.
Kekahiaka nui hoi ka mokuahi Coptic o ka hoea ana mai i o kakou nei, a i ka hora 3 p.m. o keia auina la, puehu oia no ke ala moana e hiki aku ai i ka ipuka gula.
Eia iloko nei ka mokuahi Coptic mai Kina a me Iapana mai.
O ka Poaha ka la ku mai o ka Alameda mai Kapalakiko mai, a me ona la e loaa, mai ai na mea hou ano nui e pili ana i ke kaua.
AINA @@@
-
He aina @@@@@ ma ke Kaena @@@
Ke poloai ia aku @@ ka @@@ kemako i ai @@@ hale no @@@@ makaukau ka @@@ nei ia @@@@ malalo e kuai aku i kekahi @@ apana pa hale ma Alanui Liliha ke kumukuai makepono. Aia @@ wahi ma ka aoao @@ e Alanui Liliha, oia kela na hale i aohe iho nei e J. Simonsina i make iho nei, mauka ponoi e kahi o Ka@@@ Tripp. Ua mahele ia he elima @ o keia wahi i hiki ai i ka poe @@@ o ka loaa ke kuai i aina no lakou .
No na mea e pili ana, e ninau ia
TERESA OWANA CARTWRIGHT.
Honolulu, Augate 7, 189@
Aug7t fd.
MAU AINA KUAI.
-
Aia he 75 apana aina ma Kalihi, no ke kuai aku he 50 kupuai ka laula a he 100 ka@uai ka loa makahi; na maemae maoli, a e lilo ana i mau. Home maikai mahope aku; ke pi awiwi loa nei ke kulana o na aina ma Kalili; a e lilo ana ia wahi i he pa no ke kulanakauhale.
He $250 no ka apana emi mai; a e ae ia no e hookaa pau loa; e hookaa hapalua a hookaa hapaha paha i kinohi; a i ole ma ka hookaa i kela a me keia malama.
Ua hoomai la ke paipu wai Aupuni ma na wahi e pili ana i keia mu apana aina.
He mau alanui maikai.
E wiki mai i loaa ona mau Home no oukou @@ e ka oluolu.
Aohe @@@@ ka hana ana o na palapala; no na mea i koe e ninau ae ia William Charles Aohi (Kale Aki)
Boroka o na Waiwai Paa.
Honolulu, Augate 8, 1895
mei24 tfd.
KAUKA
WONG NIN CHING
( A KINI)
Alanui Hotele. Helu 30
KAUKA LOEA O KA AINA PUA
Ua hiki ke hoolaia kela a me keia ano mai, mai ko na kana. Wahine a me na keiki liilii. O na ano mai kano ua hiki oa ke hoolaia, a pela pu hoi me na mai puuwai a me na ano mai eia no a pao pela ou hoi namai lele, Kolapa Hebera, Fiva Lenalena, Lepera (Maialii). Ua hiki ke oki a hoola ina palapa o ke kino me ka oluolu loa me ka hoi wa@@@ pu ana i na koko ino. Ua hiki i ka’u laau ke hoohemo i ka lepo paa e o ka hoohemo ana ina keiki e ka wa e nahunahu ana me ka poino ole. He laau i e kekahi no ka hooponopono hou ana i ka waihena keiki, a i ka wa e inu ai i keia laau; e malama loa ia na rula o ka inu ana e loaa no ke keiki i ka poe i loaa ole he keiki mamua aku.
E naue mai i ike maka @@ pomaika nui meia no na makamaka i @@ poneloai me ia haawina makamae.
E hauoli no au ke ike uku i na makamaka e kina mai ana e kuka pa me a’u ma na ano a paa e pili ana ka’u oihana. E kipa mai e kapoe i hoolualuuia me na haawina piliaua a ka @@@ a @@@ oukou e hoo@@@ aku.
KAUKA WAONG NII CHING
Alanui Hotele. Oct 19 @@@
KAUKA YONG
Kam Pung
(APANA)
-
Helu 306 Alanui Hotele
KAUKA LOEA O KAA NA PUA
-
Ua hiki k@ hoala ia kela a me keia a@ ma’i, mai ke na kana, @@ kino a me na keiki liilii. O na ma’i ka-ao @@ hiki loa ia ke hoola ia, na mai Akemama a @@@ mai Puuwai a ma@@@ mai no a @@@ Pela @@ oi na ma’i lele, @@@. He@@@ ana @@@ @@@ Na@@@ je @@@ a ne ja gi ika abam @@@ oy ne ba jije uba. Ua hiki i ka’i laau ke @@@ @@@ @@@ki i ka wa nahunahu me @@@ poino ole. He laau no kekahi no @@ i m@ponopono hou ana i ka waihana keiki a i ka wa e iau ai i keia laau me ka malama loa i ka @@@@@ he keiki i ka poe loaa @@@@@@@
E NAUE MAI I @@ MAKA
He pomakai @@@ keia no a @ makamaka @@@ ia me @@@@ haawina makemae. E hauoli no au ke ko aku i na makemake e kipa @@@ @@ e kuka @@ me a’u @@ na ano a pa@ @@ ana @@ oihana.
E KIPA mai e ka @@@ me na laau na pili@@@ ka @@, a na’u oukou @@@ uku.
KAUKA YONG KAI PONO.
@@@