Ka Oiaio, Volume I, Number 10, 15 Ianuali 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

KA OIAIO PUKA LA

O KARISTO KO KAKOU HAKU

 

            O ke Keiki a ke Akua ka mea mahope ponoi aku hoi o ka Mea kelakela nana i haawi mai ke Kanawai.  Ua like ka oi aku o kona kiekie mamua o ko ke kanaka, e like me ke kiekie kina ole o kona ano, a me ka hanohano o kona kulana he alihikaua o na puali a pau o ka Lani, mamua o ka ke kanaka hana.  Ua like loa kona kii me ko kona Makua, aole wale ma na helehelena, aka ma ka hemolele o kona ano. 

            Aole hoi e hiki i ke koko o na holoholona ke hoolawa aku i ke koi a ke Akua no ka ukuhoopai panai no ka hahakiia ana o kona kanawai.  Ua emi iho ke kumuwiwai o ka holoholona i ko ke kanaka hana hewa, no ia kumu ua hiki ole ke lilo he panai no ka hewa i hana ia. 

            Ua hiki wale no ke aponoia e ke Akua ma ke ano he aka no ka mohai ana o kana Keiki. 

            Aole hoi e hiki i kekahi kanaka ke ku he panai no kekahi kanaka.  Ua lilo ana he mohai lawa ole, he panai i emi iho ka waiwai i ko Adamu mamua o kona haule ana.  Ua hana ke Akua i ke kanaka he mea piha ma na ano a pau, a mahope iho o kona haule ana i ka hewa, aole loa e hiki ka maikai kekahi mohai imua o ke Akua ke ole oia he mea i oi ae ka waiwai mamua o ko Adamu hemolele mamua o kona haule ana i ka hewa.  O ke Keiki-akua wale no a ke Akua ka mea i lawa ka waiwai e hooko piha ai i ke koi a ko ke Akua kanawai hemolele. 

            He poe hewa ole no na anela, aka, aole i like aku ko lakou kumu waiwai me ko ke kanawai o ke Akua.  Ua ku no lakou malalo o ke kanawai.  He poe no lakou i hanaia, a he poe hoao ia.  Maluna ae o Karisto aole loa he mea i kau ia maluna ona.  He mana hoi kona e haawi i kona ola a e lawe hou ae.  He mohai kona ola i hoohana ai iaia i haawi ai e make no ke kanaka.  Ua lawa loa hoi i kona ola ke hoopakele i ke kanaka mai kona lulana i haule ai.  Ua like hoi ke Keiki a ke Akua me ke Akua, aole nae ia i manao o koha like ana he mea lawe wale ia. (Pilipo 2:6.) 

            Ua huipu oia me ka Makua ma na hana hookumu ana i ke kanaka, a he Mana no hoi kona mamuli o kona hemolele piha ano-akua, e hoopiha ai i ka panai e pakele ai ke kanaka, a e hapai ae ai i ke kanaka a hoi hou i kona kulana mua.  Eoluolu kakou a pau e lawe aku i keia Hoola, Mana-akua, i ola ai. 

 

HAAWINA HELUHELU BAIBALA.

IESU KARISTO.

 

            1. He ola ana mua no anei ko Karisto mamua o kona hanau ana ma keia kino, ma o Maria Viriini? Ioane 17:5.

"A no hoi o'e,  e ka Makua, e hoonani mai oe ia'u me oe iho me ka nani o'u i nani ai me oe mamua o ka hookuma ana o ke ao nei." 

            2. Pehea ka loihi o kona ola ana? Mika 5:3. 

"No ia hoi, e hoolilo aku oia ia lakou, a hiki i ka manawa e hanau ai ka mea e hanau ana." 

3. Me ka Makua no anei oia mai kinohi mai o ka honua? "Me ke Akua ka Logou." Na Sol.8:22, 23, hapa hope 29, 30. Ua kamailio ia o Karisto malalo o ka inoa Akamai (pauku 12). Ma 1 Kor. 1:24, na kapaia oia "ke Akamai o ke Akua."  "Na lehova no wau i kinohou o kona noho ana.  Mamua o kana hana ana i ka wa kahiko. Mai ka po mai ua hoonohoia au, Mai kinohi inai, mamua hoi o ka honua.  1 kona kau ana i ke kanawai no ka moana, i ole e hu wale aku ai kai mluna ona; i kona hookumu pa ana i ka honua Alaila, o wau pu kekahi me ia me he keiki hiwahiwa la; O kona oliol no au i kela la i keia la, E hauoli mau ana hoi imua o kona alo." 

            4 Ua kuka pu anai ka Makua me ke Keiki e pili ana iua hana hookumu mua? Kin. 1;26. "E hana hoi kana i ke kanaka." Aole hoi e hiki i na anela ke komo pu iloko o ka ke Akua man kuka ana, a nolaila he olelo keia e pili ana i kana Kuiki Hiapo. 

"I iho la ke Akua, E hana kakou i ke kanaka e ku ia kakou, ma ka like ana me kakou iho : a e hoalii ia ia maluna o na i a o ke kai, maluna hoi o na manu o ka lewa, maluna hoi o na holoholona laka, a maluna hoi o ka honua a pau, a maluna no hoi o na mea kolo a lau e kolo ana ma ka honua" 

            5 Na Karisto anei kulu na kumu o ka honua? Heb. 1:10 Ua hoike ae hoi na Pauku 8 a me 9 o Karisto ka mea i kamailio, ma ka Pauku 10. 

"Eia hoi, i ka wa kahiko, ua hookumu oe, e ka Haku, i ka honua; a o na lani hoi ka hana a kou mau lima."

            6. Na Karisto anei i hana na honua e ae? Heb. 1:2. (Kolosa 1:16, 17).

 "Oia ka i olelo hou mai ia kakou i keia mau la muli iho nei ma ke Keiki, ka mea i hooliloia e ia i haku no na mea a pau, ma ona la hoi ia i haua'i i ka lani a me ka honua." 

            7. Ua hiki anei i ko Karisto mana nui ke hoolilo ia ia iho he mea e hiki ai ke haawi aku i ikaika i ka poe palupalu? Isa. 40:28, 29, (p. 30, 31). 

"Aole anei oe i ike, aole anei oe i lohe? O ke Akua mau loa o Iehova, O ka mea nana i hana i na kukulu o ka honua; Aole ia e  maule, aole hoi e luhi; Aohe mea e hiki ke hoomaopopo i hona ike.  Nana no i haawi i ka ikaika i ka mea i maule; A o ka mea ika ika ole, hoomahuahua no ia i ka ikaika." 

            8. Ua hele pu anei o Karisto me ka lahui Iseraela ma ka wao-akua? Puk. 23:20. 

"Aia hoi, e hoouna aku ana au i ko'u Anela mamua ou, e malama ia oe ma ke ala, a e hookomo ia oe i kahi a u i hoomakaukau ai." 

            9. Heaha ka hoike o Karisto keia anela? Heb. 1:4, 10; e hookuku me pauku 5.

"A ua hookiekiieia e maluna loa o na anela, e like me ka oi ana o ka maikai o kona inoa i loaa ia ia, mamua o ko lakou. Eia hoi, i ka wa kahiko, ua hookumu oe, e ka Haku, i ka honua; a o na lani hoi ka hana a kou mau lima." 

            10. Heaha ka Paulo i olelo ai no Karisto a me ka poe Iseraela? I Kor 10:4. 

            "A ina hoi lakou i kela wai lani: no ka mea, inu no lakou i ko ia pohaku lani i hahai mahope o lakou, a i ko ia pohaku lani i hanai mahope o lakou, a o ua pohaku la, oia o Karisto."

            11. He anela anei, o Karisto paha, ka Mose i ike ai? Puk. 3:2. Ma ka Pauku 5, o ka mea iloko o ka ululaau e lapalapa ana kai oleloia oia ke Akua, a oia io no ke Akua ka olele. Ma ka Puaku 12, olelo aku la oia ia Mose, "Owau no kekahi me oe." (1Kor. 10:4). 

"Ikea mai la e ia ka anela o lehova maloko o ka lapalapa o ke ahi mawaenakonu o ka laalaau: nana aku la ia aia hoi, e aa ana ka lalaau i ke ahi, aole nae i pau ka laau." 

            12. Ua ae anei o Mose e lawe i na hoinoia no Karisto? Heb. 11:25.  "E koho ana ma ka pilikia pu me ko ke Akua poe kanaka, aole ma ka lealea pau koke o ka hewa."

 

            O KA haipule ana, oia hoi ka haipule ana i aloha i na hana o ka noho ana haahaa, i hiki ke hoolilo i ke kanaka i kanaka hopono, e hooulu ana i ka ike a me ka naauao ma na mea pili haipule, e hana ana i na wa a pau, e hoowaiwai ana i na pomaikai a pau i loaa mai,-oia ka haipule ana maikai nana e hoholomua a hooulu aku i ka ekalesia a me ka mana o ka euanelio.

 

            I ka Poakahi nei i lawe ia mai a i ka hihia o Klemme, imua o ka Aha hoomalu, a ua ae oia i kona hewa.  Ma ke noi a ka Loio Kuhina, ua hoopaneeia ka haawi ana mai o ka Aha i kana olelo hoopai, a nolaila, ua ae ia o Klemme e hele lanakila, a e malama nae i na kanawai o ke aupuni Repubalika.