Ka Oiaio, Volume I, Number 9, 14 Ianuali 1896 — Na Itamu Kuloko. [ARTICLE]

Na Itamu Kuloko.

Ma Emma Kuea ka Bana ma ka po nei. Ua loaa kekahi iole monogasi i na limahana o ka Bulesini Hale Pai. He kuai hoemi i na koena lole ko ka halekuai o Egan i keia pule. Eia ke wili mai nei ke ko o ka hale wiliko o Ewa ae nei i keia mau la. Aole he mau mea hou a ke Calaudina i lawe mai nei e pili ana i ka luaopele. O makai Cordes ka i hookohu ia i kiai no na haumana haalele kula po. Ua hookohu ia o H.A. Balauwina i luna nui no ka mahiko o Hamakuapoko. Ua huli hoi mai na limahana telepona mai Waianae mai, oiai hoi ua holo pono ka lakou apana hana. Nui na kamaaina o ka mokupuni o Kauai i hiki mai i ke taona nei, i ka la pule iho la. Ua hele ke ke Keikialii Italia i ke Kapule ma ka halepule Kakolika i ke kakahiaka la pule nei. Ua hookohu ia aela o Ernest Ranken i Kapena no na makai kaulio, ma kahi o Kapena Cook i hoopau ia.

Ua loaa ae he mau sela holo malu mai ka make. @@-@@@@@, a eia ke hoomalu ia mai nei e ke aupuni. O ke omaimai o Miss Eva Paker ua oluolu ae la, a me mea no hoi e hoohauoli ai i ka naau o kona ohana me na hoaaloha. Eia ke kau mau nei ma ka puka aniani o ka Pakipika Hardware kekahi kii nani o ka luaopele, mai kahulu pena mai a H. Hikikoki. Ua nui na hoahanau i akoakoa ae ma ka halepule o Mr. Garvin, a pau ka haiolelo ana ua bapetiso ia he ewalu mau hoahanau hou no ia hoomana. I na e loaa ana ka manawa kaawale i ka puali keaka lio a Wirth alaila, e haawi a na lakou i paani manawalea no ka pomaikai o ka Bana Lahui i pilikia mai nei ma na aina e. Ua ae ae o Professor Zamlock e hoikeike ma ka hale keaka o na Iapana, ma Alanui Kalepa ae nei: He 50 keneta ka uku alaila ike i na hana akamai a keia kaeaea. E kukulu ia aku ana e kekahi poe kuonoono, kekahi hokele ma Waianae, he wahi hoi no ka poe makaikai e kipa ai, a malu hoi mai na kipona welawela a ka la. He hale auau-kai kekahi e pakui ia mai ana, no ka poe makemake e auau me Kaahupahau ma. Ua uku aku o Shnack he elima dala i ka makai nana i hoike ae i ka waiho hamama o ka ipuka o kona keena hana, a ua hoahewa loa nae oia i ke komo ana o na makai iloko a imi ia loko o ka pahu ume. Kai no o ka mahalo ae i ka loaa ana i na makai, ina paha ua pau i ka piko pau iole.