Ka Oiaio, Volume I, Number 5, 8 Ianuali 1896 — Page 3
| This text was transcribed by: | Kenneth Sato |
| This work is dedicated to: | Awaiaulu |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
KO IESU EKALESIA MA KE AO NEI, AUHER
LA IA? HAINA – OIA NO KA ELALESIA O
KA HOOMANA KARISTIANO NAAUAO.
__________
MOKONA III.
Ka wehewehe ana i ke ano-maoli o ka Ekalesia Puuahele. Mahele I.
2 Eia ke ano: - He hewa ole, e hoomana.ana i ke Akua, a ua pili wale no ia i na anele Hemolele, a me na Serapima, e noho ana imua o ke Akua, Manaloa, e noho hoopuni ana i kona noho’lii ma ka Lani; Peuei: Hoano, Hoano, Hoano, Ka Haku ke Akua Manaloa, Ka Mea Mamua Ka Mea Mahope, Ka Mea e noho la, Ka Mea Mau loa: Hoik 4:8.
A e hea ana no hoi kekahi i kekahi; Ihiihi, Ihiihi, Ihiihi, O Iehova o na Kaua Ua piha ka Lani a me ka Honua i kona nani; Isa 4:3
2 – Aole o lakou pule maoli aki i ke Akua, “e ka makua” ma ke ano e noi ana e kokua iho ia lakou, no ka pilikia, poino, ka make, a pela aku. Aka, he hoonani maoli no, he hoomana aku, he pailani, he hiilani aku, a pela wale no, ma ke ano hoomau no ka wamau-loa.
No ka mea, aole o lakou hana hewa, a i ole, hana hewa kapekepeke paha, a hana pono kapekepeke paha; a, aole no hoi he hana ma ia wahi, aole pilikia, aole make, e noi ai lakou no ia mea, Hoik 21:27. Rom 11:36.
MAHELE II.
Ka pili ana o ke Ekalesia Punahele i ka Honua a i ole i ke Ao Nei.
1 – Ua hanaia o Adamu me Eva, a hoonoho ia ma ke kihapai o Edena. Ia laua i pili ai, oiai, he mau punahele iaua na ke Akuu. Aole o laua hewa, aka he mau kino maemae, kina-ole; hemolele, hiwahiwa, no ka mea he mau Caletiela ia, a pela i hoonohoia ai ma Edena, no ka mea he kihapai Celetiela no ia, oia hoi, he kihapai Punahele a Hiwahiwa.
2 – Ua mau no keia Punahele me laua a hiki i ka wa i ai i ka hua-kapu, alaila pau iho la; i olelo ai ka baibala “ua oloheloha a lalau i ka lau-tigu i mau papalu no laua.” Ma keia wa i maalo aku ai keia Ekalesia Punahele mai waena aku o kanaka, a mai luna aku o ka Honua, alaiala ku iho, ala ka Honua me ka nele i ka Ekalesia Punahele Hiwahiwa, me ka Nani-oia-mau.
MAHELE III.
O lohelohe iho la ka Honua aohe Ekalesia Punahele a Hiwahiwa.
1 – Aole Ekalesia i koe maluna o ka Honua, ua hoi loa @o ka Lani me ka puali o na anela Hemolele ma ka poli nani hoano o ka Makua me ka Logou.
Alaila, uwe nui iho la ko ka Lani i ka haole na o na Kumu-hoolahao (Adamu me Eva). A nele ka Honua i ka Ekalesia Punahele, alaila puili iho la me ke Ao Nei ka Ekalesia Hookama (oia hoi, ka hipa, bipi me ke kao, ka nunu, na mohai a me na alana, na kanawai hoailona hookapukapu, na ahaaina hooluhiluhi, na kanawai ohaua; na holoholona kapu, na i’a kapu, na manu kapu, a me na mea he nui) e imi-apa wale ana i ola no ke kanaka hewa imua o ke Akua.
Aole i pau.
Hape Nuia! Hape Nui!
HAUOLI MAKAHIKI HOU
__________
Oiai ke Onene kaua mai la na aupuni Mana Nui o ke ao, i maopopo ole ai ka wa e hu mai ai o ke kaua maoli ana, a ma ia kumu hoi, e pii ino ai ke kumu kuai o na mea kuai, i keia makahiki hou, ma ke ano hoolaha, ke poloai aku nei au ina MAKAMAKA HAWAII e hele koke mai ano, ma ko’u hale
E hoalawa koke i ko oukou makemake,
-----:MA KA HALEKUAI O:-----
L. B. KERR,
---ma---
NAE O KA HALEKUAI O MOGAN
Alanui Moiwahine, : : : : : Honolulu, H., I.
_____
E hoopiha mau ana a’u i ko’u halekuai mai na Hale Hana Lole pololei mai o Enelani, Geremania, Amerika, a me na Aina o Europa a mai Kina’e me Lapana. a mai au aku a ko’u hoa kuai kuka’a a me kuai liilii.
_____
E loaa, no na Lole Huluhulu nanai o na ano a pau, na Lole Halua na Makalena a me na lihilihiLole.
Na Lipine ano hou loa. Papale Wahine, Kane a me na Kamalii o ke ano paikini hou o na ano a pua. Na Kihei haili moe-laula, na Kawele Auau, no Pua Papal a me na Hulu. Na Lole Kane i humuhumu oleia, he oluolu loa ke Kumukuai.
E hele mai e nana i ka makou mau WAIWAI o na ano a pua a e ninau hoi i na kumukuai nana e hookahaha i kou noonoo i ka emi maoli o na ano waiwai like ole.
He mau WAIWAI HOU LOA ma ne KUMUKUAI HAAHAA.
E hemo ana ka puka o ko’u Halekuai ma na Ahiahi Poaoho.
L. B. KERR,
ALANUI MOIWAHINE
Ma Waikiki iho o ka Hale Kudala o Mogan.
Na Lole Kohukohu!
Oia hoi ka mea a na lede a pau e ake anae loaa a he mea hiki wale no ke hookoia.
E HELE MAI OUKOU ILOKO O KOU
HALEKUAI A E HANA AKU AU I
KA MEA KUPONO I KO OU.
KOU MAKEMAKE.
Ua loaa mai nei ia’u kekahi ano piha o na
LOLE AAHU HOU LOA.
Crepon, (he like me kanikau)
Na Lole Farani.
Na lole Ulana Waihooluu Like Ole
Na Lole Awiliwili Lopi Silika me Huluhulu,
Na Lole Alabatosa.
Na Lole Casamia a me Huluhulu
Na Lole Hulu Kao Lama
Na Makalena.
Na Lole Diminite
Na Lole Pongi
Na Lole Satina
Na Peersucker,
Na Rliss,
Na Lole Anuunuu Crepe
Na Keokeo Manoanoa o na ano a pau., etc., etc., etc.
Aia no hoi ma ko’u Halekuai ka.
LOLE FIBRE FABRICA.
He mea oi i kau ka mai kai i ko ka LOLE NAAU HUL@
_____
Aole no oe i kahiko piha ke ole i hoiloaa ia oe kekahi o kuu
PALEKOKI KOHU MAMALU
A e halo iho hoi i’ke Kaliki (Trilby) ano hou, i kupo
no i kau e iiui nui nei.
Aia hoi ma ko’u halekuai na Lole Moepoli i kahiko noeau ia, a kupono o ka hana ana iho me Adamu.
Na Pale ili o na kane i kupono hoi i ko Eva makemake, i huki ai ka Ulua i Malamanui. Uwese oe!
Na kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe paunananuu o na a-u, na mikinalima. na hainaka, a pela aku.
E hauoli loa au e hoomakaikai aku i keia mau mea na ni i na Lede O Honolul.
J. J. Egan.
Alanui Papu, Mei 21, 1895; mei21 tfd