Ka Oiaio, Volume VII, Number 39, 6 December 1895 — Page 4

Ka Oiaio.

 

NUPEPA KA OIAIO.

 

J.E. BUSH, Lunahooponopono.

 

O KA PONO KA AIALII E OLA AI KA AINA.

 

POALIMA  DEC. 6, 1895.

 

HE MOOLELO HOONANEA.

 

NO KA

 

KA MAKAI KIU

 

LAU OMAOMAO.

 

Ke kaeaea o na kakai pali nihoniho o Missouri.

 

KA MEA NANA I H@OOKA KA POWA IEKE A ME KONA PUALI HOLOKOA.

 

A I OLE

 

Ke Aka kino wailua o ke kuinaumoe

 

            Auwe! o oe no ia e Lau Omaoomao, ka hoopakele o na mea a pau

            Ae, owau no ia, a o ka hooko ia ana keia o ka'u olele i @ oe, oia hoi, o na hiohiona a pau o kou kuene oia ko'u, a o ko'u hoi oia kona.

            I kela wa, ua hopu mai la ua ona hale nei i na lima o ke kiu a pane mai la he inoa ko'u i kaulana a puni ke no holookoa ma na hana a pau o kela ano a me keia ano, a akahi no au a ike make i ka mea oiaio loa.

            Oiai hoi, ua kuhihewa loa ia au o oe no la ka'u kuene nui a oia kau kuene @ oia ka'u i olelo aku nei ia oe, @ lilo kou wahi i kekahi kuene okoa, eia ka o oe no ka ke kino wailua o ke kuluamoe.

            Iloko oia wa, ua pane mai la o Lau Omaomao, e kuhikuhi mai oe i ka'u hana e hana ai a e hoike mai hoi oe i ke ano o na mea au i make make a@no keia kakahiaka.

            Pane aku la ka ona hale, e hana oe e like me ka hiki ia oe, a o ka pono au e ike ai oia kau e lawelawe ai, a o kau kauoha oia ka na kuke o hoolohe ai, a o ka'u kuene hoi, e noho ae ia ma ke ano he hoa ai no'u iluna o ka papaaina

            A eia ka'u e noi aku nei ia oe i paha e hiki i na helehelena o ka'u kuene e hoololi ia ae a like loa me kekahi o ka'u keiki kane hiapo.

            Aia oia ihea i keaia wa, wahi a Lau Omaomao i ninau aku ai?

            Aia oia i Nu Ioka 1 kaia wa, wahi a ka ona hale i pane mai ai.

            Pehea, ehia makahiki kona nui i keia wa, i noho mai la i Nu Ioka

            O ka 20 keia o kona mau makahiki wahi a ka pane, a ka haku hale,

            Pane hou aku la o Lau Omaomao, ua hiki loa ia'u ke hoololi aku i na hiohiona o kau kuene a like loa me kau keiki ke makemake oe pela.

            Pane aku la ka ona hale, ua ae au e like me ka mea au i ike ai o ka pono ia, oiai, ua weliweli loa ia wau i keia powa.

            Iloko oia wa, ua hoouna koke aku la ka ona hale i kekahi o kana mau kauwa lawelawe, e hele aku e hoike aku i ke kuene, ua makemake au e ike iaia.

            Ua hooko koke aku la ke kauwa a ku ana imua e ke alo o ke kuene, a hoike aku la i ka makemake o ko lakou haku.

            He mea oiaio ua ae koke mai la ke kuene i ka leo kauoha a hele aku la a hiki imua o ke alo o kona haku, a ninau aku la e kou haku maikai, heaha kau hana e hooko aku ai ia oe i keia wa.

            Pane aku la kona haku, ua makemake au e lilo oe i keiki ponoi na'u i keia la.

            Pane aku la ke kuene imua o kona haku pehea auanei e hiki ai i au ke ike e like me kau keiki oiai, aole au e hiki ke loli ae oiai, he mea paa keiki loa kela, a no ia kumu aole au e like ana me kau keike

            Pane aku la kona haku, aole au olelo no ia mea, aka, o kou ae mai, oia ka’u i makemake ai, aole o kau kaka olelo mai.

            Ma keia pane a kona haku ua mihi koke aku la oia imua ona, me ka olelo aku e kala mai oe ia'u, ua hewa loa ia wa'u.

            I kela wa, ua huli ae la oia a pane aku la i ke kiu, ano ko'u wa e hana ai i kau apana hana oiai eia i mua o kaua ka mea i makemake ia

            Iloko oia wa ua wehe koke ae la ke kiu i kana owiii pepa mailoko ae o ka pakeke o kona kuka, a paa ae la ma kona lima a iloko oia wa, ua hamo koke aku la oia i ua kuene nei a iloko oia wa, ua loli koke ae la oia me ka hikiwawe loa, e like kona ano me ke ano hiapo a ka ona hale.

            ma keia aole no paha i poino ia oe e ka mea heluhelu na hiona mua loa o ka makai kiu Lau Omaomao i hana ai e pili ana i kana mau hana hookalakapua, a oia ano hana no keia.

            Iloko oia wa, na haawi aku la oia i ke kauoha i na kuene malalo mai ona i ke ano o na mea ai oia kakahiaka e hana ia ai, a pela pu hoi me na wai hoopumehana.

            He mea oiaio, ua hooko ia ka ia nei kauona aka, he mea haohao loa nae ia i na kuene a me na kuke, i ka loli ano e ana ae o ka lakou mau mea ai e hana nei no ia kakahiaka, a o ka mua loa ia.

            Oiai hoi iaia nei e kuhikuhi nei i ke ano o ka hana ana i na mea ai e ai oia kakahiaka oia no ke ano mea ai a ko Rusia waiwai a aole mea hoohewahewa a, pela o hoi me na mea ino.

            Iloko oia wa, aia keia ke okomo ala i ka ianei apu laau koheoheo e hoonau ai i ka ikaika o na aahuki o kona mau hoa paio, iloko no nae o ka lakou noonoo maikai ana, me ka ike ole ia e kekahi poe e ae.

            A ma keia mahelehele ia ana, ua like ole loa na mea ai o ka papaaina a me keia papaaina, ua okoa ko Rusia ua okoa hoi ko ka poe malihini o na wahi e ae e noho ana iloko o ua hotele ala a he okoa no hoi ka ka poe kamaaina a pela ka ko i@ nei poe hoahela.

            A he mau hana hou keia i ike ia iloko o ua hotele ala aole mai mua mai, akahi wale no a ike ia.

            A aia hoi kekahi papaaina e ae e ku ana me na noho he eono haneri a oi e hoopuni ana ia papaaina a o ka mea e@a nae, aohe kanaka oia papaaina o na pa e waiho ana a o na noho e koko ana aohe nae he kanaka aia i Mana ua ho-hia e ke kai pau na mea aloha, alia nae hoi malia ei aku ke au mai la i ka loa o Waialoha.

            I ka hora ponoi oia kakahiaka, ua hoomuka na mea a pau e hoopiha i ka loa o ka inaina e nuu ai a e haupa ana e kaohi ana ka puu moniai i na ono like ole e ahu lala kukui ana aohe hoi he hoohalahala a kaua nahua.

            I na poe a pau e ai nei, a e inu ana hoi, i ko ke kiaha me ka ike ole e aia he laau hoomalule, i ke kino kekahi nona ka inoa o ka make loa.

            He hookahi hora okoa o ko lakou haupa ana aia hoi ua ike ia aku la na powa o Rusia e hai malole mai ana i ke kaha a wahine kaup, a ua kohu like me Halaki i ka nana aku, nona keia ka naenae aloha a ia poe e holo mai nei o Halaki, hai e na pua o ke kula.

            He hapalua hora i hala ae o ka hora eiwa aia hoi ua ike ia aku la kekahi holo lio e kaulona pololei mai ana no ua hotele ala.

            Ua hoike koke ia aku la ka lohe i ka ona hale ei ae he holo lio ke holopololei mai nei no ka hotele nei, a me he aia he elele paha.

            I keia wa a ke kiai e hoike nei i ka ona hale, ua loke aku la na pepeiao o ka makai kiu Lau Omaomao, a oia no kona wa i nalo aku ai ma kekahi aoao a oili mai ana he kino okoa, i like loa hoi me kekahi o kona poe ukali a ku ana iwaho.

            Iloko oia wa, ua ike maopopo aku la oia i ka hole lio, he elele io no oia, oia kona wa i hoike aku ai i kekahi hoailona a oia ka ka holo lio i ike koke mai ai, a hoohuli koke ae la oia i kona lio i hope a pelu hou aku la no kahi ana i hele mai ai.

            Me ka hikiwawe, ua ahai koke aku la ka pupuhi he ia no ukoa, aia ka pahu honu o kona hui aku me Robine Huka, a o Lau Omaomao hookalakupua hoi, ua hoi ae la no oia a kena kulana mua ho kuene.

            He mau minute koe a kani ae ka hora umi aia hoi ua ike ia aku la kekahi huakai nui, e nee pololei mai ana no ka hotele a ia lakou i hiki mai ai, ua kaa ko lakou hookipa ia ana e ka ona hale a naua no i hookipa loa ae no ko lakou papaaina e hoopiha iho ai i ka lua o ka @aina.

            He mau minute i aui ao la o ka hora ua hoea hou mai la he huakai hou, a oia hoi ko Lalaulaula a na ka ona hale no lakou i hookipa mai o like ma ko lakou mau mua a noho like iho la ma ia papaaina hookahi.

            I kela wa ua hele aku la ka ona hale a hui aku la me ke kuone hookalakupua Lau Omaomao a pane aku la iaia, a no i keia wa, ua manao au, ua lawa kou hana ana, oiai ua hiki mai nei kou poe kanaka, a me he mea ala ua pahaohao ia paha lakou no ka ike ole ia oe.

            Pela no, aka, ua manao au aia a kani ka hora umi kumamakahi oia kou wa e hoike aku ai imua o lakou, a pela pu hoi ka poe powa au i huli mai ai, a pela hoi e ike ai na mea a pau, eia ka imua o ko lakou alo ponoi ka mea a lakou i lohe wale ai.

            Pane hou aku la ka ona balo ina ua ike oe oia ka pono alaila, ua hiki no, aole au olelo hou ana aku.

            Pane hou aku la o Lau Omaomao ina oe e makemake e ike i ko lakou hoohuoi aua no'u, a me ka ole, eia kou wa e ike ai.

            Me ka eleu loa, ua wehe koke ae la ua Lau Omaomao nei i kona hainaka silika, a hoiko aku la imua o ua poe ala aka aole i pane ia mai ka haina o kona manao, a o ka mea i ike ia ua ninau koke mai o Robine Huka ma ka hoailona aia ihea o Liona Keokeo?

            Ua hoike aku la o Lau Omaomao olai e kuene ana no oia ma kela papaaina e huli ala i ka hikina a o lakou no ia a pau loa.

            Ua hoike hou mai la oia ua makemake au e ae mai oe, a owau kou hoa paio o keia la a i ole ia o ka la apopo paha.

            Pane aku la o Lau Omaomao ma kana hoailona, aole au e ae aku oiai i keia wa aole oia he kanaka kino ikaika aka he bepe ai waiu oia, malalo o'u i keia la.

            I ka ike ana o Robine Huka i ka hoike a Lau Omaomao, ua pii ae la ka ula olohelohe ai, oiai ua piha loa oia i ka inaina a me ka huhu no ke ko ole o ka mea a kona noonoo i iini nui ai.

            Ma keia ouli ua ike koke iho la o Lau Omaomao he hana nui loa kela ke mau kona kulana pela, no ia kumu ua huli koke ae la oia a pane aku la i ka ona o ka hotele e kii aku oe i kau keiki hookama e hoi mai i ka hana, oiai ke ike nei au, e ula mai ana ka haunaele a lilo paha auanei ke ola makamae o kekahi poe i ko'u mau kakoo oiai, ua piha loa ia kuu hoaloha i ka inaina no ka @owa Liona Keokeo.

            Ua ae koke mai la kona hoaloha a kii aku la i ua keiki hookama nei ana, a hookomo aku la lakou iloko o ka rumi o ke kuene nui.

            Ma ia wahi, ua pane aku la ka haku mea hale, ano e kuu keiki o na hora pokolei aui ae la, ke hoike aku nei au ia oe e lawelawe hou oe i kan oibana a ua pau ko ianei hookauwa ia ana.

            Ae, wahi ana i pane mai ai, a i loko o ka imo ana o kona maka, na loli koke ae la oia a kona ano mua no a pela no hoi o Lau Omaomao ma kona hona mua.

            I kela wa ua hoopuiwa ia ae la na mea a pau i ka ike ana mai ia Lau Omaomao e ku aku ana imua o lakou a pau oiai kona pibi gula e alohi ana i kinohinohi ia hoi me na pohaku makemae he nui.

            Iloko oia wa, ua hele pololei aku ia oia a hiki imua o Liona Keokeo a me kona mau hoaloha a pane aku la.

            Ano i keia wa he pio oukou a pau loa na Lau Omaomao ka mea hoi e ku aku nei imua o ko oukou ai o.

 

            I kela wa ua hoao ae la kela a me keia o ua poe powa nei i hoonioni ae ai i ko lakou mau aahuki, aka aole e hiki oiai, aia ka ikaika o kela laau kupanaha ke hoopalupalu ala i ko lakou mau aahuki a pela pu hoi ko lakou mau io uala.

 

            Iloko oia wa ua poha koke mai la ka leo o Liona Keokeo i ka pane ana mai e kahi keiki o ka hohe wale e hiki mai aua kou ia e mibi ai, no kau hana ino i na sekona i hala iho nei.

 

            Aole i pau pono kana olelo ana, ua pane koke mai la o Rubine Huka, imua o ke alo o Lau Omaomao e ae mai oe na'u e pahu ae i ko ia nei ola i ole ai oia e kaena hou.

 

            Pane aku la o Lau Omaomao e ku'u hoaloha oiaio mai wikiwiki oe i ka huhu oiai aole ia he hana e puka ai o ka inoa o ka hana e hana ai me ka maikai i ku hoi i ke aloha hoakanaka oia ka hana e hana ai aole hoi o ka lawe i ke ola makamae a ke akua i hana mai ai.

 

            I kela wa, ua pane hou aku la o Lau Omaomao e kapae ae oukou e ou mau hoa'loha i ka inaina, a e hoolohe mai oukou i ka'u olelo a oia keia.

 

            He ekolu la mai keia la aku, e la we aku ai kakou i ka kakou mau pio no Misouri a malaila aku no Nu Ioka, a hala loa aku kakou no Rusia, a ke kauoha aku nei au ia oukou a pau e kiai me ka makaala i ka kakou mau pio oiai ua pau ka luhi ua kau ke poo i kauluna, a o welehu ka malama.

 

            I ke kuu ana iho o ka leo o Lau Omaomao, ua hooho like mai la na mea a pau he leo huro o ka hauoli i ke kuu ana iho oia leo ua haawi aku la o Lau Omaomao i na hoomaikai ana he nui ia lakou a pau.

 

HE MOOLELO KAAO HAWAII

 

NO KA

 

PUHI O LAUMEKI.

 

KA MEA I LIKE ME KA ILIO

 

Puaapualenalena

 

Ka imi ana i kona kahu - Pela

no keia Puhi kaulana i oleloia

He Puhi ka i'a He @ ka

Lala.

 

            A oia ka mea nana i hoala ae i ka hiamoe me ka puiwa nui aka, o kona nanau mua aole oia i puiwa a makau ae hoi.

            Oiai ua maopopo iaia o Laumeki no keia, nolaila, na hoala aku la oia i Pueo me ka olelo ana aku, e ala e paa eia ko koiki puhi ke kii mai nei ia oe e hele olua.

            Noloila e makaukau oe i keia wa e ai kakou a ua hoala ia ae la na mea o ka hele a ua hoonee koke ia mai la na mea ai a pau me na kanaka no ka hele ana.

            O keia manawa a lakou e makaukau nei e ai oia no ka pili o ke ae, oiai aia o Ae'a a me Kapea ma iluna o na hoku i olelo ia e ka poe kahiko o ka hoku hookele waa a me ka hoku Kan@pae.

 

            Aia ma ke kiekie loa ana ae o keia mau hoku iluna ma ko kakou alahele lani, nolaila e moku ma ana Kapawa a o ke alaula mai ka hope.

            Aia no hoi ua Laumeki nei ke haupa ala i kana mau mea ai i hoolako ia nana.

            A mahope iho o ka lakou ai ana ua liuliu ae la na kanaka a me Pueo no ka hoi ana, no ka mea ua pau mua na ukana iluna o na waa kaulua. a no ia mau minute huihui o ka wanaao, ua kaukoo pu aku la na mea a pau no kahi o na waa e kau ana a o na aloha hope loa kai kaana ia manawa o lakou a panee aku la na waa.

 

            Aia no ka puhi Laumeki i ka hale no kahi i hoonanea ai, a no ka mana@ ona waa i kaa peno ai ma ka Lae o Kahuka.  Aia hoi ua puhi Laumeki nei ke hia la mamua o ka ihu o na waa, ai ka haia ana ae o Kapakule mahope kahi o na mano e komo ai i ke au kahiko a lilo i mea paani wale ia no e ko Puuloa mau kamaaina.

            A i ka hiki pono aku o na aa a me na kanaka maluna o ke awa o ka poi nanalu o Keaalii o ka malamalama loa ae la no ia.  Aia keia wahi maluna ae o ka nuku o ke awa o Puuloa.

            I na kukuna o ka la e halaoa ae la i ka ilikai aia hoi na ike pono aku la o Pueo i ka ula o ka ilikai a me na kanaka e noe nei i na waa kaulua.

            Aia hoi ua ike ia aku la kekahi mea ula mawaho o ke kuau a ma loko kekahi, ua pani paa ia ka ili o ka kai

            Ai ka Pueo hoomaopopo ana, aole ia he mea e ae o ka i'a uo keia o ka anae.  Aia ka puhi Laumeki ke hele ala me ka i'a iwaho ae o Kumumauu a ke a e aku la iluna o ke Ahua a me ke awa o Kalihi ma Kahakaaulana a ke hoopuni mai la na kanaka o Kalaekao a me Puuloa i ka anae mahope.

            Aia no nae o Laumeki ke hele la no imua me ka anae a hiki na waa mawaho o ke kai o Mamala, aia ka anae ke hele ala i Kalia a me Waikiki, a ke @kaalo ae la me Kauahui a me Kaluahole ua nee aku la ka i'a me ka pubi Laumeki no Waialae a me Moanalua me ka nana ole o Pueo i ka anae e hoopuni ia nei na kanaka, no ka mea eia no oia ke malama nei ia na olelo kauoha a ka mea mai nana ka i'a i haawi ia mai iaia.

            I ka hookokoke ana o na waa ma ka lae o Kawaihoa, ua ike ia aku ia ka puhi Laumeki e lana malie mai ana iluna o ka ilikai me he kualapa pohaku ia, oiai na ale e malino ana, aole hiki ke poi iho maluna ona, aia ka anae ke hele aku la e hiki i Makapuu.

            A no i keia manawa na hiki aku ia ka waa ma kahi o ka puhi o lana nei.

            Ua lawe ae la o Pueo i na mea ai a pau a haawi aku la ia Laumeki, i ka maona ana ae o ua puhi nei, ua hoomaka koke aku la oia o ohi me kona ikaika nui a ke hukia pu ia la na waa mahope o kona @ me he moku ala e kolo ia ana.

            A no ka wa pokole loa, ua hala hope ae la e Makapuu a ke @heleaku la ka puhi me ka anae no, Koolaupoko me ka awiwi nui oiai eia no ka la i ke kakahiaka.

            A niki ka huekai nui a ka i'a ma Kualoa ma ka lae o Kaoio ka palena o Koolaupoko ke aui ae la ka ia ma kona alahele lani.

            A ua nee aku la ka i'a no Kaaawa me Makaua a me Kahana me a hoepuni mau ia no e na kanaka o keia mau wahi pela no ma Punaluu Haleaha, papaakoko, Kaluanni Kapaka, Hauala. Kaipapau.

 

            A ke aneane aku la ka la e kaoli i ka ilikai, ai ke ano ahiahi ana 'ku aia ka i'a ke noolulu nei mawaho o Laiemaloo a hiki i ka lae o Laniloa.

            A oia moana kai, ua paa pono i ka anae mai lalo ae a hoa iluna o ka ilikai, ua like ka mahiki ana a ka anae iluna o ka ilikai me na pakaua a no keia wa a ka i'a e oi ne i o a ianeii ua hookokoke aku la ka puhi Laumeki no kahi o ka i'a e pili aku ai a ka pili iuka o ke one a me na waa.

            Nolaila, e waiho iki kaua e ka mea heluhelu no ka puhi Laumeki a me Pueo ma keia wahi a e olelo ae kaua uo Mokumeha me ka ma kuahine i mea e maopopo ai keia kela wahi aku mamua o keia moolelo a ke kupanaha nui wale ma ka ike a me ka heluhelu ana i kela nanea, a oia hoi keia.

 

NA PIO ALOHA AINA.

 

            He nui na lono e hauwawa mai nei, me he leo ala no ke Kolohala i ha po lai, e i mai ana, eia ke hoopunana ae la ka, uhaue o ke aloha iloko o na umauma o na enemi ou e Hawaii, a ke pu-a mai la ke ao malamalama o ka manaolana mai na wahaolelo mai o ka aoao aupuni, ma ke kakahiaka Poalima nei, e koi ana i ka Mana Hooko, e hookuu koke ae i na pio aloha aina i koe aku, aohe he wa e kali hou aku ai; no ka mea, ua pau mai la no ka hapanui i ka hemo, heaha hoi ka mea e kali hou aku ai i manawa hou?  Aole e kali hou aku a ka la Karisimaka, ka Hapennia a me ka la 4 o Iulai ae nei.  O ka oi loa aku no o ka pono, o ka hookuu koke ia mai i keia la 2 o Dekemaba, a i ole i kekahi mau la paha o keia pule.

            He mau heakaka maikai ana keia a ko makou makamaka o ka makapeni, a ke manaoio nei makou, he hana oi loa io aku no ia o ka pono a me ka mahalo pu ia o ka inoa o Peresidena Dole, a me kona mau lima lawelawe hana, a ina aole pela, a aole hoi e hooko ia ana keia mau leo nonoi o ke aloha, alaila, e hoomanaoia aia no ka anoano o ka hoomauhala ke paa la iloko o ko lakou mau lunaikehala, a he mea hoi na kakou e ikemaka ai, oia ke kumu o ka ana ia o kela poe kakaikahi aku la i koe.  Aole anei hoi ua lawa aku la na la o ka lili a me ka inaina i keia mau mahina i kaahope aku la, ua manao makou ua lawa na koikoi o ke kanawai maluna o ko lakou mau hokua pakahi.  Nolaila, ke kokua ikaika loa nei makou i kela manao, a e ka hooko@a@ana oia ka makou e upu aku nei e hoea koke mai me ka hakalia ole, a he mea auanei ia e palekana ai ka noho hoaloha ana o na aoao elua.

 

KA HUAKAINO KALAUPAPA

 

            Ma ka hora 9 o ka po Poalimu nei, i haalele mai ai ka mokuahi Keauhou no Kalaupapa, Molokai, me ka Peresidena a me kekahi mau lala o ka Papa Ola; na makaikai a me na kakau nupepa o kekahi mau nupepa haole o keia kulanakauhale, a me hookahi wahine haole kakau nupepa o na aina e, oia hoi e Miss Kattie Field, o ke Chicago Times, a mawaena o na poe makahanohano i holo pu aku, oia ko Kuhina o ko na Aina E, ka Bihopa o Ponopoli a me Father Pamphile, ka hoahanau o Damiana i make, a oia paha ke noho aku ana i Kalawao, ma kahi o Conrardy i hoopau ia aku nei e ka Papa Ola, a me 4 mau kokua.

            Ma ka la Sabati nei i huli hoi mai ai ka huakai makaikai me ko lakou mau helehelena ohohia no ka ikemaka ana aku la i ka aina o ka ehaeha i noho ai.

 

HOOKAPU KAI LA WAIA

 

            Oiai, ua lilo mai ia'u ma ka hoolimalima na kai lawaia o ka Moiwahine Liliuokalani e waiho la ma Waikikikai, oia hoi ke kai lawaia o Hamohamo ma ka aoao makai o ka halepule Kalawina e ku nei, holo hikina ana a hiki i ka palena o Kaneloa, ma ke kai hoi i kapa ia o Niau, ke hookapu nei ao i ka Hee, a o na i'a e ae, ua noa i na mea a pau.  Nolaila, e malama i keia o pilikia auanei.

 

Auwae

 

Waikiki, Oct. 28, 1895.

 

og 1t29wdly*

 

Olelo Hoolaha

 

NA MAKAMAKA HAWAII

 

            Mamuli o ka pomaikai nui i loaa mai ia'u ma ko'u hanau hou ana i ke keiki, mahope o iwakalua makahiki o ka noho pa ana, ua ulu ae ko'u manao e hoike aku i ke kumu o keia pomaikai o keia mau la, penei: He iwakaluakumamalua ko'u mau makahiki hanau iho la ka'u hiapo, aole nae i oia ke keiki.  Mai ia wa mai, no ewalu makahiki, e noho mau ana ka ehaeha o ko'u kino, e nanahu ana ka opu, e aaki aua ke kikala, a e loli ano e ana ka wa mai o na wahine, me ka heleiki ana mai o ka wai.  No keia kumu ua hele au ia

 

Kauka Akina Alanui

Hotele Helu 317.

 

a ua lapaau ia au e ia, a ua hoi hou mai ko'u ola kino maikai, me ka like o ka manawa mai wahine a me ke ku pono hoi.  Mahope o kaua lapaau ana ua hoowaiwai ia mai la ko'u puhaka a ua loaa ia'u kekahi keiki kane maikai me ka'u kane mare.  Nolaila, ua nui ko'u mahalo ia Kauka Akina, a ke paipai aku nei au i na wahine a pau i poino e like me ko'u noho ana mua, e hele ia KAUKA AKINA, ma ALANUI HOTELE e pili la me Kepahoni, HELU 317, a e hoopa@ ia no ko lakou pilikia me ka lohiolea e pomaiai koke no hoi lakou i ka hua hooulu e like me ke kauoha ma ka Buke Hemolele, e hoolaupai i ka honua me ke kanaka, wai no, ko oukou makamaka aloha,

 

MARY KAM CHUNG,

Alanui Maunakea, Honolulu Mar. 19

march 19-3m

 

WAIU MAIKAI

 

            Ina oukou i makemake i ka waiu maemae, waiu momona, waiu hou, a waiu ono, a i waiu i oi aku i ko ka nui haohao, e lawe oukou i ka waiu mai ke kua waiu o

 

KPAHULU DAIRY

 

o ka apana o Waikiki.  E hoolawa ana hoi keia wahi Uwi-Waiu ia Honolulu a me Waikiki me ka waiu aku o ka maikai a me ka pa'ipa'i ole ia me ka wai elike me kekahi poe lawe waiu e aku.

            Ua hanai ia na kumulau bipi laha ole, uwi waiu ia, iloko o ka hale me na mea ai kuhikuinnia a ono hoi, elike me ka mauu SORGHUM a me HUA-PALAOA a e inu ana hoi i ka wai maemae lua ole o ka punawai wai aniani.  ma keia ua alo ia na kumu a pau o ka ma'i e ino ai ka waiu mai na ai ha@u o ke kula a me na wai inu olepolepo kumau.  Aole he pilikia e hopohopo ia ai ma o Kipahulu Dairy, o ke Korela a ma'i e ae paha.

            Eia ke hanaia nei ka WAIU BATA, ke hanaia nei ka moa, ka palehu, ka hua moa, a o keia mau mea a pau e loaa ana me ka maemae a me ka hou loa.  A he wa pokole e loaa aku no he puaa liilii o na ano maikai loa.

            Na na opio Hawaii Ponoi e hookele a e malama nei keia wa@ hanai holoholonai kapaia ke "Kipahulu Farm," a ke nonoi aku nei lakou i na kuai ana o ke lakou mau hoakanaka o ke ono oiwi hookahi, e kuai mai me lakou, o "Kipa hewa anei ke aloha i ka ilio."

            Na Joe Richards e kalaiwa nei ke kaa lawe waiu, e kiai oukou iaia e kiai i kana waiu, a e lilo ana no ia he mea e ola maikai ai o na opio, a e ikaika ai hoi ko oukou mau kino me ka holo pono o ko lakou mau noonoo ana.

 

HENRY F. POOR,

W.M. BUSH

Kipahulu Farm, Sept. 30, 1895

sept. 30 6mdly.

 

O ka Scribner

Saseparila.

 

            Oia wale no ka laau hoomaemae koko e kay moakaka nei imua o ka maka o ka lehulehu i keia la.  Aole he mea oiaio e ae e ku nei maluna o kekahi kahua paa e ae mamua o keia.  Aole wale na kuai ana o ka Scribner Saseparila i mau kona ku ana oiai na laau e ae i hoea mai i ka makeke a nalo lea aku, aka, ua mau aku ka pili o na kuai ia ana o keia laau i kela a me keia makahiki, e hoike ana o ka Scribner Saseparila

 

Ka Mea e Hoolilo Nei

 

i na hoaloha he lehulehu wale ma na wahi a pau.  O ke kumu o keia no ko mea, na ike ka lehulehu he laau oiaio maoli keia Scribner Saseparila.  Ua ike lakou na hoomaemae io ia ke koko, hoomaikai ae a hooikaika hou ae i ke koko.  Ua ike lakou o ke koko maemae.

 

A uhua

 

oia ka mea i kupono i ke ola kino maikai, a o ke kumu hoi o na mai he lehulehu wale mailoko ae no ia o ke koko maikai ole.

            Ua ike pono hoi lakou ma ka ho@o maoli ana a ma o na hoike, i hiki ole ke hoole ia ka maikai, ua hiki i ka Scribner Saseparila ke hoola i na mai i ka wa e ola ole ai i na laau e ae.  Aia hoi iloko o ka Scribner Saseparila na mea like loa e hiki ai ke loaa ke koko.

 

Ulaula a Ola Maikai

 

a e haawi ana hoi i ka ikaika e lawe ke ola i na wahi a pau o loko o ke kino kanaka.  E pale ana i na mea ino a e hoouou ana a e hoonui aku ana i nahu'a koko, ka mea hoi e hoike ana na wa a pau i ke ano o ke koko, a e hoolilo maoli ana hoi he wai hoola io ke koko.  Ma ka hoomaemae ana o ka Scribner Saseparilla i

 

Ke Koko

 

ua hooluuia mai ka ono ai, hoopii hou ia ao ua ikaika e emi mau ana o ko kakou kino, e hoopau ana i ka nawaliwali wale mai, ka molohai a me ka molewa mai, e hoola ana i ka mai maeele wale mai, i ka mai o ka puuhoowali ai, a me na mai a pau e ae o ke koko, a e hoola hou ae ana i ke ano o ke kanaka holookoa.

            No ka oiaio o keia mau mea e olelo ia nei, aole makou e hooiaio ana ma ka makou e olelo nei, aka, ma o na olelo hoike hoi a na tausani i hilinai e olelo ana no ka laau Scribner Saseparila.

 

            heluhelu oukou i na hooiaio au ma na kolamu e aku o keia nupepa.  Ua hooia mai lakou i ka maikai o keia Scribner Saseparila a he ola hoi ka mai i keia Scribner Saseparila

 

E koi aku oukou i ka

Scribner Saseparia,

 

ke kuai i laau hoomaemae koko, no ka mea, no ola na mai o kekahi poe e aku a e ola ana no hoi kou ma'i  E noao ae; a e emoole loa ana kou ike ka loaa koke o ka oluolu a me ke ola aku,

 

E kuai ia nei ma kahi

 

Kuai Laau Lapaau o

 

HOBRON COMPANY.

 

Kihi o Alanui Moi a me Papu.

 

Honolulu, Iune 8, 1895   jun1@

 

Aina no ke Kuai.

 

O na poe a pau e makemake ana e kuai i aina no lakou e ninau ae ia

 

S.K. Kila.

Leleo, Honolulu, Augate 27, 1895

aug 2S @nsd.

 

Laau Bama Kunu

 

A

LOGAN,

 

No na Mai Kunu.

No na Ma'i Hano.

Na Mai Punia'

etc. etc.

 

            He laau hopo ole keia no na Kaiki opio a me na kanaka makua.

            I hoomakaukau wale ia no e

 

BENSON, SMITH & CO.

 

jun 10 tfd