Ka Oiaio, Volume VII, Number 34, 1 Nowemapa 1895 — Page 4
| This text was transcribed by: | Cyndi Defenbaugh |
| This work is dedicated to: | Kaelene Ahu-Rey |
Ka Oiaio.
NUPEPA KA OIAIO.
J. E. BUSH, Lunahooponopono.
O KA PONO KA AIALII E
OLA AI KA AINA.
POALIMA : : : NOV. 1, 1895.
ULUMAHIEHIE O KAIULANI.
Aia ke kaina’liiwahine opio Kaiulani i ka likikau o Enelani kahi i luakaha ai, a me he mea la, ia kakou e kamailio nei nona i keia la, aia paha oia ma ke alahele e hiki aku ai i Italia, no ka makaikai ana aku i ka aina o ke kanaka hemolele hookahi i olelo ia ma ka honua nei, a me he mea la, e Iululima pu ana @@ha oia me ia i kona wa e hiki aku ai i ka Vatakina o na mau la o ka hoomana.
Ua lilo oia i mea hiaai nui ia nia ke kulanakauhale o Ladana, a ua lehulehu noi na hale makamaka i pahola mai i ko lakou mau hooomaikai ana nona. Aia pu no me ia kona hapauea luaui kahi i Iuakaha pu ai.
He maikai ke ola kino o ke kama’liiwahine Kaiulani, e hihia ai no ka naau o kekahi mau Hoolina Poo Kalaunu o Europa.
Maemae i ke kai ka pua o ka hala.
E holomua kau huakai kaahele ma na aina pana a kaulana o Europa.
KOHO BALOTA KUIKAWA.
Ua kuahaua ae nei ke Kuhina Kalaiaina, e hookaawale ana i ia no ke koho balota hou ana i Senatoa no ka mokupuni o Hawaii, no ka hoopiha ana ma ka makalua o Chas. Notley i waiho mai. Nolaila, o ka Poakahi mua o Ianuari 6, 1896 e koho balota puni ai ka mokupuni holookoa o Hawaii, koe paha o Mokuola.
E alakai ia ana ke koho ana ma na apana i hookaawaleia ai, e like me ka makemake o ke kanawai.
KE KINAU.
I keia kakahiaka, hora 10, e haalele mai ai ke Kinau i kona uapo, a holo aku no kona mau awa maa mau. O keia kekahi o na huakai maina loa ana e holo aku ai, me ka hele a piha pono o kona opu i na ukana like ole, a ua hooi hou ia ae hoi kona holo, mamuli o ka hoomaemae hou ia ana iho nei o kona mau mea paahana a ku i ka milolii. Nolaila, e makaala mua ae e na makamaka i ke kakau i ka oukou mau leta, o haule auanei i ka hopewaa.
LOAA AKU UA MAKE.
Ma ke kakahiaka la pule nei, makai o Iwilei, ua loaa aku ke kino make o Christian Barnholdt, he kamaaina kahiko no ia wahi, a he Paniolo hoi ma ka hanau ana, e waiho ana maluna o kona wahi moe ua make, ia Inez Machado he hoaloha no nona.
Ua huli ia na kumu o kona make ana e Kauka Emekona, ka Hope Hamuku Hikikoki, a me kekahi poe e ae, a ua maopopo ua make no oia no ka palupalu o 78 makahiki a oi.
UA MAKE IA KAPENA.
Ua loaa mai ka lono e pili ana no ka make ana o Kapena Chas. W. Gilett, ke kapena o ka Hokuao mua, nana i halihali aku i na kumu misionari Kalavina ma na aina o Nuuhiwa a me na aina o Kilipati, ma Ojai Valley, Kaleponi, ma ka la 30 o Augate, 1895. O ke kumu o kona make ana, i haule oia ia oia mailuna aku o kona kaa bage a eha loa, a oiai hoi, ua palupalu a elemakule loa oia, nona na makahiki he 82, ua hiki ole iaia ke pakele ae mai keia mau ehaeha i kau aku maluna ona, a pela iho la i hiki mai ai kona hopena no ka wa mau loa.
UA NAUE KOLOLANI AKU:
Ma ka home noho o Mrs. Ema Nakuina, ma Kalihi, ma ka hora 1:20 A. M. o ka wanaao Poaono nei, i hookau mai ai i keia ola ana o Miss Charlotte Kapahakuiokamehameha Kahapula, (Beckley) i ka 19 a oi o kona mau makahiki o ke ola ana.
He ma i no kona i na la e kau@@ola ana ke Kolela i ke kulanakauhale nei, aole nae hoi he ma’i e pilikia ai, oia no oia e hele ana io a ia nei, aka, na hoomahuahua kokeia mahope iho o na hana manawalea a lakou i lawelawe iho nei no ko kokua ana i ka poe ilihune a mele o kona aina hanau.
He kumukula oia no ka halekula olelo Enelani ma Kalihi, a ma ia kulana oia i lawelawe opio ai a hiki i kona pauaho ana mai la i na inea o keia ao mauleule.
Ua hoonaauao ia oia ma ke kula Virgine o Roma, a malaila oia i noho haumana ai a hiki i kona hookuu maikai ia ana mai mai ke kula mai me ka inoa maemae.
He kaikuaana kona aia i Hana Maui, a he kaikunane me na pokii hoi e noho pu nei i ke alo o ko lakou makuahine. Ua nalo aku la kona kino ma kela ao, aka o kana mau hana, he kia hooomanao ia na pa opio kahai ai mahope o kona meheu.
Inehinei, (Sabati) i manele ia mai ai kona kino lepo a ka halepule Katolika o Roma, no ka haawi ana i na hoalohaloha maluna o kona kino a moe aku la no ka wa mau loa. Aloha no oia.
NO ANOAI O KA HALEWAI.
Ma ka po Poahku nei, ua hopu ia ae o John Grew a me kana wahine, o laua a i elua, he mau pohuli maia no ka uka o Nuuanu, ua hopu ia laua ma kekahi hale ma ke alo iho o ka Hale Kaawai Helu 1, no ka hakaka e na makai kau lio, a lawe ia no ka Halewai, a mahope o na hoikeike ana i na kumuhana a laua, ua hookuu ia mai laua no ka hoi ana i ko laua home, me ke ano pii no o ke kai o ua mau wahi kumu popolo la. Hoonana no hoi ke ino.
Ua nanea loa ia na makua o kekahi keiki nuku o 2 makahiki a nona hoi ka inoa o Keawe, ma ke Alanui Moi, e kokoke aku la i Kawaiahao, a ua hoike koke ia aku ka lono i ka Halewai, a mahope o ka huli ia ana o na makua, ua loaa aku la a ua palekana hoi ke kamiki auwana o ka auina la.
Ma ka po la Sabati nei, ua hopu ia o Pa Lum, Ah Wai a me Akima, e ka Makai Kin Kaapa, no ka piliwaiwai Lusiana Wa.
UA HOOKO IA.
Ina he oiaio na lono i hoikeia mai ia makou a elike hoi me ka makou i koi aku ai i ka Papa O@@@ i na la makamua o ko makou lalau ana iho i ka hoeuli o ke ku ana i hookele no KA LEO O KA LAHUI, o hookuu akea ia ke kai lawaia mai Leahi a Ahua, a e hookoe ia no hoi kahi i lu ia i ka laau, oia hoi ke awa nei a me ka muliwai o Nuuanu pela makon@e mahui mai nei, ua huikala ia aku la ke kai mai Leahi a maluna o ka nuku o ke awa, oia paha o Kakaako, a koe hoi ka aoao malalo o ke awa, oia hoi mai Iwilei a Ahua.
No ka pono o na mea a pau, ke nonoi nei makou e hookuu akea ia ia mau wahi e pono ai, no ka mea, o ke ola o kekahi poe Hawaii nele, aia no ia mailoko mai o ka oihana lawaia, a ina e mau noke kapu pela, ma ia mau wahi, aole anei ia he hookonokono ana aku i ko laila mau kini e aihue, a e powa aku paha ia hai i wahi e loaa mai ai ko lakou ola i pakele ai ko lakou noho ana mai ka pololi mai a ka ai. O ka makou leo uwalo keia ma ka aoao o ko makou mau hoa kanaka i hoohaikiia.
OLELO HOOHOLO HOALOHALOHA A KA AHAHUI NAUA
---NO KA---
MEA KIEKIE KE KAMALIIWAHINE VIRGINIA POOMAIKELANI
I ka Moiwahine Kanemake Kapiolani, a me na Mea Kiekie na Keikialii David Kawananakoa,
a me Jonah Kuhio Kalanianaole.
Aloha oukou a pau e na ‘Lii, me ka malu mai ke Akua mai, ka Ikuhai Nui ma ka lani.
Akua Kiekie Loa, iloko o Kona mana piha, a me Kona Lokomaikai lua ole, ke komo ana mai iloko o kou pohai, a lawe aku la i ke aho hope loa o kou pokii aloha o ka Mea Kiekie ke Kama’liiwahine.
VIRGINIA POOMAIKELANI ma ke anoano liula o ke ahiahi Poakolu, Okatoba 2, 1895.
A no ka mea: Mamuli o ka Olelo Hooholo piha a na Mamo o ka Hale Naua, a me na Ikialealea, a me na ‘Lii o ka Nuupule, ke lawe nei ke Komite a hookuene pono iho i na pohaku o na iliilili konane o ke aloha piha kuhohonu, a me ke kaumaha luuluu nona, ko kakou hoa paahana kahiko a hoaluhi hoomanawanui pu me ka Haku Lani i hala mua loa aku, i na hana o ka Hale Naua, no ka pomaikai holomua o na Mamo, a me na ‘Lii o ka Nuupule, oiai o.
VIRGINIA POOMAIKELANI e paa ana i ka noho Peresidena ma ka Noho Ikuhai Nui no kekahi meu makahiki i hala.
A o keia ka Hoku hope loa, a na Mamo a pau, iloko o na hoomanao piha walohia ana nona. Nolaila, ke waiho aku nei i keia Olelo Hooholo Hoalohaloha nona malalo iho:
E hooholoia: Ke komo pu aku nei makou a pau, na Mamo o ka Hale Naua, na Ikialealea, a me
‘Lii o ka Nuupule, me Oe e ka Moiwahine Kanemake, a me na Keikialii i hooneleia i ka
makua ole; e kaana pu me na hoomanao walohia ana nona, iloko o ke kanikau nui, ka luuluu
paumako, a me ke kaumaha piha kuhohonu, o ka ehaeha i hoonele ia mai i ka pokii ole ka
hoapili e noho mehameha a me na Keikialii i ka makua ole.
E Hooholoia: A ke pule nei makou i na manao a pau i ke Akua Kiekie Loa ka Ikuhai Nui ma
ka Lani, e hoomama mai i na luulua, a me na haawe koikoi o ke kaumaha kuhohonu e halii
nei maluna o ka ohana alii i hoonele ia.
A e haawi aku kakou Iaia a pau me ka hilinai piha ma o na ‘la e loaa ai ia kakou ka maha.
E Hooholoia: I hookahi kope o keia Olelo Hooholo i ka Moiwahine Kanemake, a me na
Keikialii, a i hookahi kope e hoolaha ia ma na Nupepa o keia kulanakauhale.
Me ka mahalo, Na ke Komite,
MRS. AUHEA
MRS. AMILE K. ULUKOU
MRS. MAKANOE KAAEPA
MRS. MAKANIU LUMAHEIHEI
MRS. KAEHUWAHANUI KUIHELANI
Hanaia ma Honuakaha, Honolulu, i keia la 15 o Okatoba, M. H. 1895.
Kau o Hawaii i ka Hano
Haweo.
Huliamahi o Amerika Huipuia i
na Pupu Kanioe o Hawaii.
LILO O HAWAII UUKU MA
KA PANEPOO O NA MEA
KANI.
UHAI LOLOAIA NA MILIMILI O NA
MEA KANI, E KEKAHI LOEA MA
IA HANA.
O Liliuokani Bana ka Helu
Ekahi.
(Hoopau ana.)
O ka la 19 o keia mahina ko makou la e haalele ai i keia kulanakauhale, a holo aku la makou no ka mokuaina o Texasa, a e noho ana makou malaila no elua pula, no k@@ uku a ko laila poe i haawi ai ia makou, he $1,000 no ka pule, a na like me $2,000 no na pule elua wale no a makou e hana ai.
Ma pa wahi a pau a makou e hele ai maluna o na kaahi, aohe o makou uku, no ka mea, eia makou ma ka Iaiea kau ‘hi@ o ka Hui o ka Ona Miliona Spreckels e hele nei ma keia wahi o Amerika nei, me ka piha ma@@@ a makaikai, ma na wahi a pau a makou e ulele ai me ka makou mau hoke o kani.
Ua lilo ko makou uku oleia ana, i mea e hopi aku ai i ka pomaikai o ka laina kaa’hi, mamuli o ka piha mau o na kaa i kela a me keia manawa, nolaila, ua haawiia he elua minute ke kowa no kela a me keia kaa e holo ai a pela iho la e loaa ole ai ua ulia poino i ka wa o na kaa e holo ai ma na wahi a makou e pahi ai.
O kekahi mea hou ano nui a @ e hoike aku nei ia oe, ua halawai iho nei makou me kekalii kanaka loea a kaulana loa o Amerika nei, ma keia hana o ke puhiohe, o kona inoa o Liberati.
I kona lohe mua ana ia makou ma ke kulanakauhale o Milwaukee, ua hoomaka oia e alualu hele mai ia makou mailaila mai a hiki i Kikako, a no ka loaa ole he wa kupono nona e kamailio pu ai me makou ilaila, ua alualu loloa hou mai la no oia mahope o makou, a hiki iho la i keia kulanakauhale o Kanaas City nei.
A no ka nui loa o kona makahehi a me ka hoohiki puia makou, ua pii okoa mai la no oia iluna o kahi Puhiohe oia hoi ko makou “Stand Baad” a hoike mai la oia i kona mahalo nui no makou me kona hai pu mai, i kona lohe ana mai i kahi poe i ka hai aku iaia “he maikai.”
A i kona hiki kino ana iho ia a halawai pu me makou, ua hoike mai la oia, o keia iho la ka helu ekahi ana i lohe ai a i ikemaka ai hoi, me kona kaena pu ae hoi, o oukou kekahi Bana i komo iloko o ka papa ekahi ma na mea kani.
Nolaila, ua loaa hou ia makou kekahi kulana hou, ma ka lehelhe o na kanaka pookela o keia aina nui a palahalaha, i mamao mai na kualono aloha mai o ko makou aina hanau, he hanohano hou, oiai ea, he mahalo na ke kanaka kaulana, aohe mea e nele ai, nolaila, ua eo hou no ia Hawaii.
A no kona hoohihi loa ia makou, ua nonoi maoli mai la no oia i ko makou oluolu e hele pu ma na wahi a pau a makou e hele ai, me kona nana ole i na kuia mamua ona, a e lawelawe pu me makou ma na wahi a pau a makou e hele ai ma keia mua aku, ma ke ano, oia kekahi o na haumana na Libornio, a na ae aku la makou iaia, a ma keia huakai aku a makou i Texasa, oia ke kahi e hele pu ana ma ia huakai.
He oluolu maikai no ko makou mau ola e noho nei, a he ulumahiehie mau no ko makou noho ana i na manawa a pau, aohe mau kuee, aole hoi he mau hana e hoowahawahaia ko makou mau inoa maikai, e like me na la i ka aina hanau. Aole no hoi he ona o na keiki a pau, no ka mea, ua kapae loa aku la lakou ia mau mea a pau, a o ka inoa maikai oia ka lakou e hiipoi nei a hiki i keia la a’u e kakau aku nei i keia leta ia oe, nolaila, ua ola no ka inoa o ko kakou aina.
Ua like makou i na kulanakauhale a pau o Amerika nei, me he mau hanaiahuhu ala, no ka mea e aumeume mau ana lakou ia makou, ke koi hou mai nei ko Kikako poe e hoi hou mai makou ilaila a ke hoahu hou iho la lakou i puu dala nui no makou, a ke koi mai hoi kekahi mau kulanakauhale e ae e hiki aku makou ilaila, a ua like ke ano me he lalo @@ maoli aku ana no i ko lakou naau, nolaila, aole i maopopo ko makou wahi e hele houaku ai ma hope iho o ka pau ana o ua hana ma Texasa.
E haawi i ke aloha i na mea a pau.
Owau iho no,
WILLIAM J. AYLETT.
Kansas City, Okatoba 3, 1895.
HaleKuai Lako Lole Kane
L. D. TIMMONS
ALE HOU KII@ ALANUI
PAPU A ME BERITANIA
Ua wehe ae la oia i kekahi Lako Lole o na Kane piha a i wae ia ana e pahola aku noi imua o ka lehulehu no na kumukuai haahaa loa e loaa na
Aahu piha o na kane,
Na Palale emi loa,
Na Pale ili emi loa,
Na Leiai o na ano lehu, lehu,
He mau Paa Lole Piha no $10.00
kekahi i kupono e ma--
kaikai mua ia mamua o
ke kuai ana i kau wahi e aku
Kakini Maikai, emi loa.
July 15, 1895 1mdly
Chas. P. Colburn Carlos A. Long
KA HUI HAWAII HOOPUKAPUKA
WAIWAI PAA, NA HOAIE !
E hoolilo nui ana i ko laua manawa i ka malama ana i NA WAIWAI O KA POE MEA WAIWAI NA MALAMA KAUOHA NA HOOPONOPONO NOHO KAHU WAIWAI. A me na hooponopono ana ma na hana a pau o ke ano hooko i waihoia kekahi mea i hilinaiia.
E ohi i na uku hoolimalima, ina ukupane a me na mahele loaa.
E hoolimalima a e kuai ana i na waiwai no ka uku komisina haahaa.
E hoopukapuka aku hoi i na dala me ke akahai loa.
A e hoike akea aku ana hoi i na moolelo waiwai o kela a me keia hana i waiho ia mai ma ko laua lima me ka oluolu i na wa a pau e makemakeia ai.
July 15. 1895 1mdly
PUNA ! PUNA !
O ka poe a pau e makemake ana e loaa ka puna keokeo maikai loa, no ke kumukuai, mai ka hapaha aku pii aku iluna, no hiki ke hoolawai ma ka Hale @@ puna ma ka aoao Hema o Alanui Maunakea, e kokoke ana i ka Makeke I’a kahiko.
He puna keia i hanaia mai ka pohaku-pana maikai loa, e ka Hui Puhi Puna Hawaii, malalo o ka hooponopono ana a B. F. Dillingham, a ua ikeia he like a ke oi aku no naha kona maikai i ko waho mai. Nolaila, e ike mai oukou e ka lehulehu i keia hana hooulu hana o ka aina nei a e kipa ke kuai ana i ko hui wahi kuai puna, he oki loa hoi ke kipa wale ana o ke aloha i ko waho.
B. F. DILLINGHAM.
Lunahooponopono.
Oct.8 1mdly.
Mau Aina Kuai
Aia he 75 apana aina ma Kalihi no ke kuai aku, he 50 kapuai ka laula a he 100 kapuai ka loa pakahi; ua maemae maoli, a o lilo ana i mau Home maikai mahope aku: ke pi awiwi loa nei ke kulana o na aina ma Kalihi; a e lilo ana ia wahi i hapa no ke kulanakauhale.
He $250 no ka apana emi mai; a e ae ia no e hookaa paa loa; e hookaa hapalua a hookaa hapaha paha i kinohi, a i ole ma ka hookaa i kela a me keia malama.
Ua hoomeo ia ke paipu wai Aupaui ma na wahi e pili ana i keia mau apana nina.
He mau alanui maikai.
E wiki mai i loaa ona mau Home no oukea me ka oluolu.
Aohe uku no ka hana ana e na palapala; no na mea i koe e ninau ae ia William Charles Aohi (Kale Aki).
Boroka o na Waiwai Paa.
Honolulu, Augate 8, 1895.
mei 24 tfd.
C. E. Williams & Son
Helu 611 : : : AL MOI
Mauka mai o ka pa Kuai Papa o Lui
me Kuke@
Na mea kuai ma na
LAKO HALE a me na M@@
o na ana a pau ma na
KUMUKAUAI HAAHAA LOA
Na Mea Hana Pahu Kupapau ame Ialoa.
Na Pahu Kupapau hookomo ia mai iloko nei o ka aina, i oi ae ka nani mamua e na pahu kupapau hanaia maanei no ka $3.00 a pii aku iluna.
Kaa Kupapau no ka hoolimalima a o ka oi aka o ka nani ma keia kuni ma keia kulanakauhale no ka $5.
Na he Kupapau a me na Kia Hoomanao.
Telepone 179.
iau12tfd.
Buke Lapaau Hawai
No ka manawa mua loa ma ka moolelo Lahui Hawaii, e hoopuka ia aku ana i ka pule hope o kela mahina, ka
BUKE OIHANA LAPAAU HAWAII A ME NA APULAAU
i hoomakaukauia e kekahi hoaloha kiekie o Hawaii nei, a e hoike pau ana hoi i na hana kaulana o ka hoola me ka hooolaupai ana ka aina, nona ka huina helu kanaka i aneane haneri tausani kino ola iloko o ke au kahiko i hala.
Ua lawe piha ia mai ka papahana a na Kahuna Hawaii oiaio. oia o Hewahewa ma Holo, Kua a’u, Lonomakaihonua, Keliiaumoana, Wailuakii, Kahopukauna, Kahikimua, Keohohina. Keo, Mokuhiwa, Nawahine, Kaoaka, Kehikaluapuaa, na houluulu lapaau a D. Malo a me S. M. Kamakau.
E hoike pa ia aku ana na Apu Lanu me ka hana ana, mai na ano mai i kaulana nui ai na Kahuna Hawaii i ka Hoola mai na ma’i ma ma a hiki aku i na ma’i kaumaha e pili ai ka hau o ke kahuna.
Aole keia he Buke e ao aku ana i ka Lahui Hawaii e hoi hou iloko o na hana hupo o ke au kahiko, aka, i kumu e hiki ai ke uala ia na ano lapaau wahahee a kekahi poe e hana nei malalo o ka mana hoonohonoho uhane o ke diabolo; nolaila, eia ka papahana o ka lapaau oiaio a na Kahuna Hawaii pololei i hala aku i ka make, a kakou e loia nei ka pomaikai o ka hanauna hou i ka ikemaka i ke ano o ka lakou mau lapaau ana i ka ma’i maluna o ke kino kanaka.
Ua pakui pu ia aku ma keia Buke ka Moolelo Kuauhau o na Lalani Ahi o Hawaii nei, a me ke Kuhiuhi Manawa o na Hana Kaulana, e hoomaka ana mai a Papa ka Nui hanau mai na Mokupuni a hiki i keia makahiki o ka Ma’i Koleia e pahola nei.
O na Buke Moolelo Hawaii namu haole i hoopuka mua ia e pili ana ia kakou, he ha@a naku wale no ia mau hoakaka, a he ono el@ kona waia ke moni aku. Maloko o keia Buke Lapaau nina loa e ike ai ke kauaka Hawaii i kona moolelo ponoi a me na hana kaulana i kukuia mua ia e ko kakou mau kupuna.
He $1.00 no ka buke hookahi. O na kauoha e hoouna pololei mai i ka Lunahooponopono me ka uku pu mai, a e hoouna koke ia aku no ka Buke me ka eleu.
THOMAS. P. SPENCER.
Lunahooponopono.
Honolulu, Okatoba 9, 1895.
oct22 tfd.
Aina no ke Kuai.
O na poe a pau e makemake ana e kuai i aina no lakou, e ninau ae ia
S. K. KILA
Leleo, Honolulu, Augate 27, 1895
aug28 3n.nsd.
KAUKA E. C. SURMANN
Kaaunalapaau Germania
Keena a me Wahi Noho: 137 Al. Papu
9 A.M. A 11 P.M.
Na hora hana: 2 P.M. A 4 P. M.
7 P.M. A 8 P.M.
Telepona 181,
aaril21. 1m, ---diy
Halekuai Kamaa
--o--
MAKANANI;
Alanui Papu.
O keia iho ke Kamaa haahaa hila Kiani nani loa o na Wahine i kapaia “Oxford Tie.”
O ke auo kuea a me ka ano uuku oioi o mua no $2.50 wale no.
O keia iho hoi ke kamaa ili Kae Farani o na Lede e pihe ana ma ka aoao.
A he $3.00 wale no kona kumukuai
He $4.50 ke kumukuai o keia ka maa mamua.
Ma kahi keia e loaa ai o ka
jun 13 tfd.
OLELO HOOLAHA.
Owau o Kapea Mu, he mea i loohia i na poino a ka mai, he mau puu elua ma ko’u mau uha, aohe manaolana no ke ola, aka, mamuli o ka Dr. L. Akina lawelawe ana, ua loaa ia’u ke ola. Nolaila, ke hoike aku nei au i kuu lahui aloha, e naue mai e ike iaia, i pau kuhihewa
E loaa no ia ma ke Alanui Hotele Helu 317.
Kou oiaio,
KAPEA MU
Iulai 24, 1895.
jul243mnsd.
WAIU MAIKAI
Ina oukou i makemake i ka waiu maemae, waiu momona, waiu hou, a waiu ono, a i waiu i oi aku i ko ka niu haohao, e lawe oukou i ka waiu mai ke kaa waiu o
-----“KIPAHULU DAIRY:----
o ka apana o Waikiki. E hoolawa ana hoi keia wahi Uwi-Waiu ia Honolulu a me Waikiki me ka waiu oi aku o ka maikai a me ka pa’ipa’i ole ia me ka wai elike me kekahi poe lawe waiu e aku.
Ua hanai ia na kumulau @io@ laha ole, uwi waiu ia, iloko o ka hale me na mea ai kuhikuhinia a ono hoi, elike me ka mauu SORGHUM a me HUA-PALAOA a e inu ana hoi i ka wai maemae lua ole o ka punawai wai aniani. Ma keia ua alo ia ua kumu a pau o ka ma’i e ino ai ka waiu mai na ai hamu o ke kula a me na wai inu olepolepo kumau. Aole he pilikia e hopohopo ia ai ma o Kipahulu Dairy, o ke Korela a ma’i e ae paha.
Eia ke hanaia nei ka WAIU BATA, ke hanaia nei ka moa, ka palehu, ka hua moa, a o keia mau mea a pau e loaa ana me ka maemae a me ka hou loa. a he wa pokole e loaa aku no he puaa liilii o na ano maikai loa.
Na na opio Hawaii Ponoi e hookele a e malama nei keia wahi hanai holoholona i kapaia ke “Kipahulu Farani” a ke nonoi aku nei lakou i na kuai ana o ko lakou mau hoakanaka o ke one oiwi hookahi, e kuai mai me lakou, o “Kipa hewa anei ke aloha i ka ilio.”
Na Joe Richards e kalaiwa nei ke kaa lawe waiu, e kiai oukou iaia e kia i kana waiu, a e lilo ana no ia he mea e ola maikai ai o na opio, a e ikaika ai hoi ko oukou mau kino, me ka holo pono o ko lakou, mau noonoo ana.
HENRY F. POOR.
W. M. BUSH
Kipahulu Farm. Sept. 30, 1895.
sept. 30 6mdly.