Ka Oiaio, Volume VII, Number 31, 4 October 1895 — Page 3

Ka Oiaio.

 

Ka Makai Kiu

Lau Omaomao.

 

Kkaaea o na kakai pali nihoniho o Misouri.

 

KA MEA NANA I HOOOKA KA POWA IEKE A ME KONA PUALI HOLOKOA.

-- @AI OLE --

 

Ke Aka kino wailua o ke kuluaumoe

 

       Ma keia mau olelo a ke kaeaea o kahi Kauhale o Lama, ua ike ia aku la ka ula ohelohelo e holo puni ae ana ma na papalina nohenohea o ka ui Meliaka a e ho-alii ana hoi ka hauoli ma kona mau onohi maka poniponi, a o ka pana ana o kona puuwai, aia no ia i ke aheahe malie, oiai, ua piha loa o loko i ka hauoli palena ole, ka ua mea he nui o ka olioli.

       I ka pau ana o ka lakou aukai olelo ana, ua hoi aku la lakou a launa pu aka la me na hoaloha, iloko o ka ulu mahiehie o ka hauoli, a iloko oia wa koke no, ua hoouna aku la o Pilipo i kekahi o kona mau elele me kekahi leta iloko o kekahi hale pai nupepa e hoolaha ana ma ke akea, e mare ia ana ka laua kaikamahine me ka Makai Kiu Lau Omaomao, no ka manawa he ekolu la mai keia la aku, a ua kauoha pu ia hoi iloko o ua leta ala, e pai ia i 25,000 kikiki, a e hoouna koke mai mahope iho o ka pau ana i ke pai ia, a hooko aku la ka elele lawe kauoha.

       I ka loaa ana aku o keia kauoha iloko o ka hale pai i makemake ia aia hoi, ua mahelehele ia aku la ka hana i kela a me keia, a i loko o hookahi hora wale no, aia hoi ua puka aku la na pepa i pai hakaha ka ia a me na kikiki pu.

       Ua hoi aku la ka elele, a me ka mea lawelawe o loko o ka hale pai, no ka lawe pu ana i keia ukana, a me ka bila pu o ke pai ana.

       Ia laua i hiki aku ai i ka hotele, aia hoi, ua ike aku la laua e heluhelu ia mai ana ua hoolaha mare nei, a akahi no a maopopo i na mea a pau, e mare ia ana ha Makai Kiu Lau Omaomao me ka ui Mehaka.

       Ua hele pololei aku la ka elele, a me kona hoa ma ke keena oihana o Pilipo a waiho akula ina mea a pau iaia, a oia kana i nana iho ai i ka bila, a ike iho la oia i na lilo o ke pai ana, e kau ana ua kakau inoa ia e ka ona o ua hale pai ala, a oia no ka wa i uku koke aku ai i ka huina o $900, a hoi aku la ka mea lawelawe o ka hale pai.

       I kela wa koke no, ua haawi ia aku la ke kauoha ina poe hana a pau o Pilipo ma, no ka hoomakaukau ana i na mea a pau e pili ana o ka laua kaikamahine i ke kane, e lawa ai no hookahi malama e ai ia ai.

       A ua kauoha pu ia hoi na hale humu lole, noeau loa, e humu ia i lole mare no ka ui Meliaka a me ka Makai Kui Lau Omaomao, a pela pu hoi me na ku aoao he 100 ka nui, a i waena o lakou, o ke kaikamahine kekahi a ke Kiaaina o Misisipi i make, he mea oiaio, ua hooko ia ke kauoha.

       I ka l a e kau koe ana ma kona alahele, e aneane aku ana e iho aku ma kela huli o ka ili hualala o ka honua, aia hoi, ua kani-ke hou ma la ka hele a ke kuene nui, e kono mai ana i lakou a pau e naue aku e nuu hou i na ono i ke ole i hoomakaukauia noia paina ahiahi, a naue like aku la lakou a pau, a na ka waihona ai, i hooki mai i ko lakou paina ana, a hoi nui aku la lakou hoenanea iki ma ka rumi hookipa, no ka hoohala ana i kekahi mau hora oia po.

       I ke kani ana o ka hora 10 oia po, ua hookuu ia ko lakou nanea ana, a h@i aku la lakou hooluolu i na hora i koe oia koena po, e hooipo pu ana hoi me Kanehunamoku, i ka aina moeuhane o Niolopua.

       I ka hoea ana mai o ka La i ke kakahiaka, ua ala like ae la na mea a pau, a liuliu iho la kela me ke'a nona iho ma ka hoomaemae ana, a o ke kauwa lawelawe hoi, aia lakou ke hooko ala i ka lakou apana hana elike me ke kauoha i loaa aku ia lakou i ka la mamua iho.

       I ke kani ana e ka hora 8 oia kakahiaka, ua naue like aku la na mae a pau no ka papaaina, e haupa iho, a na ka opu e ohi mai i kauhao ana aku, oiai, ua hele mai la a le-i-Kohala i ka nuku na huapala ai ono a ka manu.

       I ka pau ana o ka lakou ai ana, ua hoi aku la na lede hoonanea a me na poe malihini, a o na kamaaina hoi, ua lima lau pu aku la lakou i ka lawelawe ana me na poe limahana, ma ke kukulu ana i kekahi hale ahaaina nui, e hiki ai ke omo ia i mau tausani kanaka i ka wa hookahi.

       Mamua o ke kani ana o ka hora 4 oia ahiahi, aia hoi, ua ike ia ua hele a lonopapa na mea i hoomakaukau ia no wa ahaaina mare aia, aohe wahi hoohewahewa a ka ua Nahua, ua unua mai na ono a makaukau; a i hakalia wale no i ka hiki mai i ka la e hoao ia ai na opua i Awalau, oiai hai, ua hele a uiha ka ui Meliaka i ke ulolohi o ka hele ana o ka la, e ake ana kona manao o kona kaalo koke aku ma kela huli o kona alahele, i hoea hoa mai ai he la hou e hauoli ai.

 

NU HOU KULOKO

 

       Eia mai KA LEO ke oili pulelo aku la me na mea hou like ole ma kona mau aoao.  E alu ka pule a Hakalau.

       Ua lawe aku na mokuahi holo piliaina i na ukana i ae ia e ke aupuni ma na awa like o keia mau Paemoku.

       Ua hele holoholo ae o Frank Grodfery ma na alanui o ke kulanakauhale nei i ka Poalua nei, me kona kino oia maikai.

       I ka Ilina Alii iuka o Maunaala, ka Moiwahine Kanemake Kapiolani a me na Keikialii elua, a me kekahi poe e ae ma ka Poalua nei.

       E ka hoaloha, ua eha no hoi ka wahine i ka leo, aole hoi ka palaku iho me kou mau lima oolea; ina ua hewa oia, e pikai aku i pau ka haumia.

       E hoololi hou ia aku ana ka wa o puka ai ka nupepa KA LEO, aole hoi elike me keia wa e hele nei ka ulolohi, i keia pule ae.  Ea! Pu-a ka uahi la o Kula.

       Ma ka Poalua nei, ua loaa ia kekahi lede ma Kawaiahao i ke mai'i opulepule, me kona hoopuka ana a@ i keia mau huaolelo, Ulala e-ho, ua lilo kuu pua milimili i ka eepa o Waolani.

       Ua lohe mai makou, o ka po Poaono ae nei, ka po hope loa e holo ai o na lio poniuniu o ka Merry-go-round, a e nee aku ana paha oia he wahi okoa.  Nolaila, e hoopiha nui ae e na ulua nepunepu, o ka oukou ike hope loa ana paha ia, a hoomaha aku.

       E hoomanao e na makamaka ma ka Poakahi, Poalua, a me ka Poakolu o keia pule ae, e kuai aku ai au i keia mau Waiwai ma na KUMUKUAI HOOPOHO; Kasimia o na ano apau.  Na Lole Huluhulu o na ano apau. Na Lole Makalena o na ano apau a me ua Kinamu o na waihooluu like ole.  E kipa mai ma ka HEIAU o ma PAIKINI ma keia mau la i ike pono oukou i ka oiaio o ka u mea e hoolaha aku nei.

       Aia ihea na kiai o ke aupuni, e ike ole nei i kekahi poe kiki-pu o ke aumoe, he mau hana hoopuiwaiwa keia i ko ka lehulehu hiamoe ana.

       E lu hou ia aku ana no ka laau make iloko o ka muliwai o Nuuanu.  Hoonaikola no hoi na hana o eeia au pakalaki nui wale.

       E hoopuka aku ana makou ma keia mua iho i ka moolelo o Mokulehua, ka mea hoi nana i kii ia Kawelu a looa ia ka papaku o  ka honua, no ka pomaikai o ko makou mau makamaka heluhelu, ke loaa ke kowa kaawale.

       Ma keia mua aku, e hoonui ia aku ana ka moolelo hooheno o ka Makai Kiu Lau Omaomao, elike me na noi i waiho ia mai e na makamaka.

       Ua hoopahulu ia mai, o ka la apopo ka la e kuehu pau ai ke kapu o kanawai Mamalahoa a ka Papa Ola, a o ka Poakahi ae nei ka la e kuu laula ia ai na mea a pau, a koe no paha auanei ke kapu o na i'a, no ka mea, aia no ke pili la iloko o na pepekeu ke Kolela.  O ka kakou ia e kali aku ai.

       E na makamaka, a me na hoaloha e lawe nui i ka nupepa KA LEO, i ike oukou a pau i na mea hou e pili ana i ko kakou aina aloha, a pela hoi na nuhou kuwaho mai, e hoopau i ka manao nonohua o ke aloha ole, oiai, o kakou Hawaii no keia.  Ealu kapule ia Hakalau.

       Mamua o ka make ana o ke Kama'lii Poomaikelani, ua hana oia i kekahi palapala hooilina no Ieke Makainai, i kela apana aina a pau mauka o Kalihi nona ia, a no kona mau hooilina, a ua apono aku kona hanau mua, a me ka laua mau keiki i ua palapala ala, o keia ko makou lohe.

 

HE MINAMINA MAKOU.

 

       Mamuli o na lono i lawe ia mai i o makou nei, e pili ana i ka Bihopa Willis o ka Hoomana Enelani, ina nae he oiaio ia lono; no kona hoole ia ana mai aole e komo aku e ike i ka Moiwahine Liliuokalani, e ka mea iaia ke kiai ana i kona maluhia.

       Mamuli o keia hana 'ana, 'ua mina loa ia makou, oiai hoi, ua lohe no makou, ua ae aku no ua kiai ala i kekahi poe e ae, e komo e ike i ke alii, a i keia Keonimana maemae hoi, i komo ole i ka pohai a ka poe kumakaia i ke alii, oia ka ke kipaku ia mai, ke hoole ia mai, a ke ae ole ia mai hoi, e hele aku e ike i kona hoaloha kahiko loa, kona makamaka heahea kahiko loa, ka mea nana i hookipa aku iaia me ke aloha oiaio, oiai na la malihini loa o kona pae ana mai i keia aina malihini mai Enelani loa mai, malalo o ka oihana laahia o na kauwa kiekie a ke Akua Ola.

       O ka pohai no anei keia o na kiai nana i hoomaewaewa iho i ka Moiwahine, i na la e noho ana ka Aha Hookolokolo Koa, iloko o na malama mua o keia makahiki, o keia no anei kekahi olua poe la, i hoole mai la i keia kanaka akahai a piha i ka oluolu.

       Na ka Moiwahine no anei keia kauoha, ina e hele aku ka Bihopa Willis e ike iaia me ke aloha oiaio iloko o kona puuwai, e kipaku mai iaia e ku a hele loa pela mailoko aku o kona home noho ma Wasinetona Hale?  A ina io hoi nana, alaila, ua pahele ia oia e ka mana o ka mea akamai i ka alunu olelo, i wahi e poina ai i na hoomanao aua i kona hoaloha kahiko.  Me he mea la, o ke kiai o ke alii, ua aahu ia i ka aahu holoholona o Esau.

      

KO MAUA KULANA

 

       Mamuli o ka waiho ana mai o ka Hookele mua o keia pepa, i kona kulana kalai manao ana ma na ano a pau, iloko o ko maua lima, nolaila, ua lawe ae nei maua i ke koikoi a me na luuluu o keia hana nui a kaumaha no ka pono o ka lahui Hawaii i hoopilikia wale ia, e ku ana hoi e kiai ma kona mau maka-ha a pau, kahi oi e hiki ai ia ka i-a ke pii mai ma na auwai, a hoopiha iho i ka loko me na anae nui nepunepu, a me na Awa momona lihaliha, i pakele ai lakou mai na nuku loloa mai o na Akuu lawaia, e kiei ana, a e halo ana me kona mau maka ooi, me ka manao, e poipo iho maluna o na i-a liilii e maaloalo iho ana mamua o kona alo.

       He mea oiaio, ina aohe he mau kiai oia loko, e pau loa ana na i'a oloko oia lokoia, a e olohelohe ana oloko, i wahi na na lohelohe e paani ai, a me na limu like ole e hoopunana ai me ka waiwai ole, a e lilo auanei ia mau wahi i mea hoihoi ole i ko ka maka mau nanaina.

       Pela hoi, o ka lahui Hawaii, oia ka makou lokoia e ku a e kiai ai, a o ka nupepa KA LEO oia kona kiai loko, e noho mau ana me ka makaha, a i ole, ma kapa paha o ka loko, o hiki mai auanei na Aukuu nuku loloa a kiko iho me ko lakou mau waha hauna, i kekahi mau Hawaii ponoi manao kapekepeke, a komo iloko o ke eke talena a ka poe pakaha a piha i ka lokoino.

       Nolaila, o na manao kekue a piha i ka nuku i wahi e pii ai ka inaina, aole maua e kaunu pu ma ia auna, o na manao e hoomauia ai ko kakou noho aloha ana o kekahi me kekahi, oia auanei ka maua mea e ae ai, e hookomoia ma na kolamu o ka nupepa KA LEO nei, na nuhou like ole mai ua wahi mai a pau o keia mokupuni, e hookomoia no ia me ka hoohakalia ole.

       O na olelo hoolaha, na kanikau na mele, a me na mea hou kuloko a pau, e kakauia mai ia ma ka inoa o ka Luanhooponopono o KA LEO, a o ua hooponopono ana no na mea pili i ke dala o ka pepa, ma ka inoa wale no ia o ka Puuku, aole i kahi mea okoa, o ka auhau o ka pepa, e like no me kona ano mau.  E hoopiha pu aku ana hoi maua i na kaao nanea hou e like me ko ka Makai Kiu Lau Omaomao, Evalina, Laukaieie, a me kekahi moolelo Hawaii hou loa, e hoopukaia aku ana ma keia mua koke iho.

       Nolaila, ke kono aku nei maua i ko maua mau makamaka a hoaloha, e noho aua ma kela a me keia mauwahi o na mokupuni e lawe nui i ka nupepa KA LEO, i kukui ehoomalamalama ai i ko kakou mau home, mai nana i na kinaunau o na la i hala, malalo o ka noho Kapena ana o ka hookele mua, ua hala ia me kana mau pono, a he mau mea hou wale no a kahi o ka mea mua i waiho mai, mai nanamaka mai ia kakou hoakanaka, o kipa hewa auanei ke aloha i ka huelo o ka ilio.  E lokahi kakou, oia ko kakou ikaika, mokuahana kakou, oia ko kakou nawaliwali.   Nolaila, e ala e huliamahi, a e hookomo iho i ka manao aloha, e hapai like kakou i keia hana nui, i ole ai e ku na olelo hooiloilo a na kahuna o Baala, me ka manao maikai, ke pahola aku nei maua i ko maua aloha nui i na makamaka heluhelu kahiko a me na poe hou o KA LEO.

                     Aloha Nui,

S. P. KANOA, Lunahooponopono.

D. M. PUNINI JR, Puuku.

       Honoluu, Okatoba. 9th, 1895

 

KA LEO O KA LAHUI.

 

       Oiai, mamuli o ka waiho ana mai o ka Oua mua o ka nupepa KA LEO O KA LAHUI, i kona kulana hookele a hooponopono ana hoi i ka nupepa aua i paio ai me ka ikaika, ma ka oi o kaua makapeni, no ka pono o ka nohoalii o Hawaii i hoohiolo ia e ka poe e noho mana nei i keia la ma ke alakai ana i na manao pipili a kupaa luli ole no ke aloha i ka aina hanau.  Ua lilo ia i kia hoomanao e hoomanao mau ia ai kona inoa, oiai hoi na la kupilikii loa o ke aumeume ana mawaena o ka poe ikaika a lako i na mea kaua, me ka poe nawaliwali a hemahema i na lako e pale aku ai i ko lakou mau enemi, mai ke kaihi ana ae i ke kuokoa a me ka noho lanakila ana o ka lahui Hawaii, malalo o na alii i hanauia mai ka po mai, aole hoi malalo o ka noho ana o kekahi moi makaainana, elike me ko na aupuni nui i kuluma ma ia lalani o ko ke ao nei noho ana.

       O kona hoike ana i kona mau manao a pau, maloko o na kolamu o KA LEO, me kona ikaika a pau, e olelo ana, "aia no he manaolana e hoihoi hou ia mai ana no ke aupuni moi, malalo o ka Moiwahine Liliuokalani, ina e kaana ia ka kono a me ke kaulike mawaena o ko ka lahui Hawaii a me ko lakou moiwahine i aloha nui ia aoao, a me ka poe e noho mana ana mai ia wa mai i hiki i keia la."

       Ua ike ia, na hoapono ia mai la ia paio ana o kana makapeni, ma o ko ka Peresidena Kalivalana apono ana mai i na koi a kekahi Moiwahine akauai a oluolu, i huli a hooloke i ka leo o kona mau makaainana i hoopilikia wale ia e ka poe waiwai manao alunu no ko lakou mau pono pilikino iho.

       Aka, elike me ke ano mau o na paewaewa o ko keia ao noho ana, pela i hooko ole ia ai ia man iini o ka lahui Hawaii a hiki i keia la, e alo ana iloko o na hailuku ana a ko lakou mau enemi, me ka manao e pephi a e hoonalowale loa aku i ko kakou mau manao kupaa a hoomanao mau, e loaa ana no ia kakou ka lanakila mainna o ko kakou mau enemi.

       Oiai, oia mau manao awahua a pau, e hoao ana e hoonalowale loa i ko kakou aloha i ko kakou aina hanau, a me ko kakou mau alii hanau i hoolilo ia i moi, aole loa ia e hiki ke wawahi ia mailoko aku o na umauma o na Hawaiii kupaa a luli ole.  He mea ole ka nui o na waiwai kipe e waiho ia mai ana imua o ko lakou mau maka, no ka mea, ua ike no lakou he mau waiwai ia i piha i ka pelapela a me ka haumia, e hiki ole ai ke hele pu me ko lakou mau uhane maemae me ka Paredaiso o ka maluhia o ko keia noho kino palaho ana.

       A ma ia ano, e hoomau aku ana makou i ka hoike ana aku i ko makou lahni aloha, e kiai mau ana makou ma ia ano, me ka hoonipaa loa ana i ka manao aloha i ko kakou aiana kulaiwi, kona mau pono oia mau, e hoihoi hou ia mai elike me ia i kinohi, malalo o na leo nonoi a na haipule oiaio a na kauwa a ke Akua Kiekie Loa.

 

E HOONA IA KA PA.

 

       Mamuli o ko makou manao ana, ua pau ae mei ke kapu o na mea inu, oia hoi na mea e hoopoino ai i ke ola kina ke oi aku mamua o ka palena kupono; a ua pau hoi ke kapu o ka noho puuluulu ana iloko o na anaina halawai haipule, a me na aha Puhiohe lealea, a pela hoi me ka niniu poahi o na lio laau o ka merry-go-round, kahi hoi nana e ume aku i na loaa liilii mailoko aku o ko kakou mau pakeke ponoi, me ka hookaulua ole, a ua pau hoi ka hopohopo ana no ka pahola hou ae o ka ma'i Kolela, alaila, e mau no anei ke kapu o ua Ua o ke kai, ka poe hoi, aohe o lakou haumia ma na ano a pau?

       Ina ua manao ia e na Iuna malama ola, o na i'e ke kumu a me ka hope o ka laha aua o ka ma'i Kolela, alaila, ua pono loa ke hookapu ia na i'a o Kina a me Iapaua, kahi mai o ke Kolela i laha ai, a ina hoi, ua ae ia no ko laila mau i'a e pae mai i ka aina nei, a o hookio ae iloko o na halekuai pelapele o na Pake a me na Iapana, a e kuai akea ia imua o ko lakou mau hoa kanaka, alaila, ke manao nei makou, ua oi aku ka pono e hookuu akea ia na i'a Hawaii ma na wahi a pau o ka mokupuni o Oahu.

       Ina ua manao ia, ua pili na i'a o Oahu nei ma ka epaepa o ka huli o ka mokuahi Belgic, mai na i'a o ke kuahiwi a komo aku i ko ka moana kai hononu, alaila, pehea hoi ko Molokai, Hawaii a me Maui, ua komo no anei ke Kolela iloko o ko lakou mau pihapiha, na opu a me ko lakou mau naau, oiai, ua kaawale hoi lakou, mai ka huikau pu ana me na i'a o ke awa o Honolulu?

       Ke manao nei makou elike me ka hoopau ia ana o kekahi mau rula e hoohaiki ana i ka pono o ka lehulehu, pela hoi makou e koi nei, e hoopau loa ia ka hookapu ana ina i'a o ke kai, ka poe aohe o lakou haumaia ma na ano a pau, a i hiki ai hoi ke loaa mai he mau hua ohaha o ka pomaikai iloko o ko ke kanaka mikiala poholima.  Aole no ko makou ono i ka ia ke kumu o ko makou koi ana e hoopau ia ke kapu, aka no ko makou lehe ana, e pau ana ke kokua ana o ka Hui Manawalea o na Wohine Puuwai aloha a piha lokomaikai i na Hawaii popilikia, o ka hoonoa ia o ke kapu o na ia o ke kai a me na kahawai, i wahi e loaa ai ke ola o kahi poe Hawaii.

 

OLELO HOALOHALOHA.

 

       E ke Alii ka Moiwahine Kanemake Kapiolani a me na Mea Kiekie na Kama'liikane David Kawananakoa a me Cupid Kalanianaole.

Welina:

       OIAI, ua oluolu i ke Akua Kiekie Loa ma Kona mana ike ole ia, e lawe aku mai keia ola ana a i ke Aupuni uhane, ma ke ahiahi o ka Poakolu i hala, Okatoba 2, 1895, ma Kalihi, Honolulu, Mokupuni o Oahu, ia Ka Mea Kiekie ke Alii ke Kama'liiwahine

VIRGINIA POOMAIKELANI,

ka Peresidena o ka Ahahui Hoonaauao Liliuokalani Mahele II, no na makahiki moau he ewalu a oi i hala, o ka hoomanawanui pu ana i ka pulama e hooholo i na hana o ka Ahahui; nolaila, o makou o na luna a me na lala o keia Ahahui, ma o ko makou komite la, me ka luuluu a me ka paumako nui ke hooholo nei.

 

       Akahi. -- Ke komo pu aku nei ka Ahahui Hoonaauao Liliuokalani Mahele II, me oe e ke Alii ka Moiwahine Kanemake a me na Mea Kiekie na Keikialii iloko o na kumakena ana no kou pokii alii i aloha nui ia a makuahine o na Kama'lii, a ke kulou haahaa nei imua o ka Haku nona ke ola ana o na kino a me na uhane me ke noi e hoomama mai i ko oukou mau naau kaumaha a pau.

       Alua. -- E hoouna ia i kope o keia olelo hooholo i na nupepa a pau o keia kulanakauhale.

       O makou iho no o ke Komite o ka Ahahui Hoonauao Liliuokalani Mahele II, me ka luuluu no ka lawe ia ana aku o ko mokou Peresidena.

       KAHANUULANI MEEK,

       CARRIE SHERRATT,

       KAHAKUWAIAOAO CLARK,

       KELIIKAAPUNI KAWAINUI,

       KAUMEALANI KAPONO,

       Hana ia ma Honolulu i ka la 5 o Okatoba.

 

NA LUNA MALAMA OLA.

 

       Ma ka halawai ana o ka Papa Ola, ma ka Poakahi nei, ua hookohu ia mai o G. W. R. King, Geo. E. Smithies a me Jacobsen, i mau Komite Malama Ola no ka Apana a Honolulu nei, no ka uku mahina o $75 pakahi.

 

C. E. Williams & Son

Helu 611 : : : Al. Moi

Makua mai o ka pa Kuai Papa o Lui

me Kuke.

[picture]

Na mea kuai ma na

       Lako Hale a me na Moe

              o na ano a pau ma na

                     KUMUKUAI HAAHAA LOA.

       Na Mea Hana Pahu Kupapau a me Ialoa.

       Na Pahu Kupapau hookomo ia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pii aku iluna.

       Kaa Kupapau no ka hoolimalima a o ka oi aku o ka nani ma keia kuni ma keia kulanakauhale no ka $5.

       Na He Kupapau a me na Kia Hoemanao.

Telepone 179.

       jnu12tfd.

 

Chas P. Colburn                     Carlos A Long

 

KA HUI HAWAII HOOPUKAPUKA WAIWAI PAA, NA HOAIE!

 

       E hoolilo nui ana i ko laua manawa i ka malama ana i NA WAIWAI O KA POE MEA WAIWAI NA MALAMA KAUOHA NA HOOPONOPONO NOHO KAHU WAIWAI.  A me na hooponopono ana ma na hana a pau o ke ano hooko i waihoia i kekahi mea i hilinaiia.

       E ohi i na uku hoolimalima, ina ukupane a me na mahele loaa.

       E hoolimalima a e kuai ana i na waiwai no ka uku komisina haahaa.

       E hoopukapuka aku hoi i na dala me ke akahai loa.

       A e hoike akea aku ana hoi i na moolelo waiwai o kela a me keia hana i waiho ia mai ma ko Iaua Iin @ me ko oluolu, i na wa a pau e makemakeia ai.

       July 15 1895.                                lmdly.

 

Halekuai Kamaa

o

MAKANANI.

 

Alanui Papu.

 

       O keia iho ke Kamaa haahaa hila Kiani nani loa o na Wahine i kapaia "Oxford Tie."

 

       O ke auo kuea a me ke ano uuku oioi o mua no $2.50 wale no.

       O keia iho hoi ke kamaa ili Kae Farani o na Lede e pihi ana ma ka aoao.

       A he $3.00 wale no kona kumukua.

 

       He $4.50 ke kumukuai o keia ka maa mamua.

       Ma kahi keia e loaa ai o ka

       jun13tfd.

 

MAI POINA! MAI POINA!

 

I KE

 

KUAI HOEMI

       KUAI HOEMI

              KUAI HOEMI

NO KANALIMA - KUMAMAKAHI

       LA MAI IULAI 13 AKU

Ma kahi o

       J. J. EGAN,

       Alanui Papu.

jul13 tfd