Ka Oiaio, Volume VII, Number 29, 20 September 1895 — Page 4

NUPEPA KA OIAIO

J.E. BUSH. Lunahooponopono.

O KA PONO KA AIALII E OLA AI KA AINA

 

POALIMA SEPT. 20, 1895

 

KE KULANA O KA MA'I.

Ka huina pau o keia la . . . 83

Ka nui o na make . . . . . . . 58

Ka poe i ola . . . . . . . . . . . 14

Ma ka Halema'i he . . . . . . 11

O William Kekipi ka ma'i hope loa inehinei, mai ke kihi mai o Alanui Moi a me Liliha, a i ka hora 1 o ka auina la.

 

KA WA E NOA AI KE KAPU

He kanakolu-kumamalima la mahope iho o ka pio ana o ka ma'i Korela, alaila, noa ke kapu, a wehe ia na halekula a me na luakini. He kanakolu la hoi, alaila noa ka lawaia ana o ka ia ma kahi i hookapu ia.

 

            KA MOKU HOU O ENELANI

He iwakalua-kumamakahi ka nui o na moku kaua i kukuluia a i paa i ka makahiki i hala, no ke aupuni Enelani. Ua kapili puia no hoi iloko o ia wa hookahi he elima mau moku topido. Ua hoomaopopoia e oi loa aku ana na moku o keia makahiki, 1895. Ua oi aku la hoi ko Enelani hooikaika e hoouna aku i kona aumoku kaua moana, mamua o na la i hala aku. Ke hoomaopopoia keia kulana hooikaika nui no ko keia haina a na aupuni. He mau makahiki ae nei i hala, ka ulu nui ana mai o keia manao uahoa kaua iwaena o na lahui ikaika o ke ao, a i paa wale no ko lakou lima mai ka lele ana aku o kekahi, mamuli o na kumu i ikeia e ka Mea Mana Loa. nana e rula mai i ka makani a e hoomalu i na mea a pau.

 

I keia la, ua hiki ke oleloia, ua paa ka ma'i, a ke ane aku la e pio loa. No keia haawina, ke hoomaikai nei makou i ke Akua. He pakele nui keia o ka lahui, oiai, he ma'i ai palena ole keia, a he nana ole hoi i ka nani a me ke kiekie, aka, e hapuku pau ana. Ua loaa no hoi ia kakou kekahi ao ana nui e ao mai ana ia kakou e akahele loa ma na ano a pau, e like me ke ao ana a ke Akua e hoomaemae ia kakou ma ke kino a ma ka naau. Ina kakou e maemae ma keia mau ano a elua o ke kanaka, he mea maopopo aole he hopo ana no ka poino i na ma'i ahulau o na ano a pau, e ikea nei i keia manawa a e hoea ae ana paha ma keia mua aku.

 

HE HOOPAI

 

Ua hamo ia o Frank Godfrey i ke ka i ka ponei. (po Poalua) e kekahi poe i huna i ko lakou ano. O ke kumu o keia, ua manaoia nana i kakau a hoolaha ae i na palapala ma na pipa alanui, e hoike ana i kekahi olelo hakuepa, ua kanu ola ia kekahi poe i make ma ka Halemai Korela. Wahi a kekahi mea i ikemaka iaia. Ua hamoia a paa i ke ta mai luna a lalo, a ua lu ia hoi me ka hulu moa, a kohu like me ka moa, kuku okalakala o ka hula, a wahi a ke Samoa, moa fulu-saweu.

 

HE PONO E HOOKAPUIA.

 

Ua manao makou, mahope o ka mea i ike ia e pili ana i ka ma'i Korela, i pae mai ma o na ohua Iapana mai Iapana mai ma ka mokumahu Belgie, he kupono loa e hoomaluia na na moku mahu lawe ohua a me ukana mai na awa mai o ia aina. Ina na hiki i ke Kapena o na moku mahu ke hele mai a hoohiki aole he ma'i ahulau i hu ae maluna o kona moku, a hoike pu mai hoi he okoa ke ano o na ma'i i make ai o na ohua o kona moku, me ka hoohiki pu ana i ka oiaio oia olelo, a ua hoopunipuni maopopo oia, a ua puni wale aku hoi ka manao o ke aupuni iaia ke kiai ana ia mea, alaila, he kupono loa e hoomalu ia na moku mahu a pau a me na moku pea, e holo mai ana mai ke awa i noho ia e ka ma'i Koreal a ma'i ahulau lele e ae paha.

 

KUPONO E HOOPII IA.

 

Mahope o na mea i ikeia no kahi i hiki mai ai o ka ma'i korela ua kupono loa i ke aupuni e hoopii i na ona, a me na agena o luna paha malalo oia mau ona, o ka moku nana i lawe mai ka ma'i korela a laha ae ma Hawaii nei. Ua ku ka hana pepehi kanaka ahulau i ke Kapena o ka mokumahu Belgie, nana i lawe mai ka ma'i korela a laha ae la ma Hawaii nei, a luku iho nei hoi he mau ola he lehulehu o ka lahui Hawaii. Ina ua hiki ole i ke aupuni Repubalika Hawaii ke malama i kona mau pono a me ke ola o ka lahui kanaka, ana i lawe mana nui ae nei nana e hoomalu a e malama i ko lakou mau pono, mai na hana karaima nui i kueia e ke kanawai o ka aina, ke kanawai o na aupuni malamalama, a me ke kanawai o ka hoopono, alaila, ua maopopo loa, ua hekau ae la keia mana aupuni e ku nei ma kahi o ka mana o ka lahui me ka hiki ole iaia ke malama pono i na pono, na kuleana, na pomaikai, a me ke ola maoli no o ka lahui ana i kaili ai i ka mana e hoomalu a e hooponopono no lakou. Aka malia paha aia no ia manao me na luna kiekie e hoopunana nei a hiki mai ka wa kupono, alaila, hoohana aku. E kali malie kakou, a e nana aku i ka hooko ana o ke aupuni, a Manase i pule ai, i ka pono o ka lahui kanaka malalo oia mana, i ka poe o na aupuni e i hele mai, ma ka lama Kalepa ana a kue mai la i ka pono o na kanaka o Hawaii nei.

 

HE MOEUHANE.

 

Mr. Lunahooponopono

Aloha oe : —

"E oluolu mai kou ahonui i ka'u wahi kaawale kukulumanao o kau nupepe wiwo ole e hookomo iho i keia hunahuna makalia Hoopahaohao i ike mai ai na loea na kilo na Kuhikuhi puuone a pela ak. A oia keia mahalo iho.

Ka nane ke kanaka loihi Eiwa kapuai iloko o ka Halepoepoe i ka lewa. He moe uhane

1. He lani iluna he Kahua i lalo.

2. Ke hoi ae la Kepua aku la awa ka ia a ke lau ae la.

3. He ia kau he Ulua aia i ka puka.

4. He maile aia i ka wao.

5. Ke pii ae la a holo aku la.

6. He hale kou ai a iloko ona ka malamalama.

7. Anu 1 aole au i au Anu 2. aole au i anu Anu. 3 aole au i anu 4 Anu iho la au.

8. He lei kou hoolonoia aku.

A o keia ae la ka palena pau o na mea a ua kanaka ala i hoike mai ai ia'u ma ka moeuhane.

Nolaila, ke waiho aku nei au i ke ake a na oukou e hoike mai i na haina a me na wehewehe ana pehea la oukou e na olohe kilo ouli lani. Nolaila, nou e kilokilo Dimerat au e poino ole ai ka mea i kapaia ka makani puahiohio o ke kuluaumoe aole paha e nele kou puoho mai ke honi lihi aku oe i kau wahi hohono Uwahi.

Pehea hoi oe e Muhiana ka haule loa mai nei oe i Muliwaa la kaa no a'u anei paha ke kahua no ke Dimerata la.

Peha hoi oe e Wilehamedia ka imi mea pohihihi ke kolu hoi o na Makai Kiu kaulana loa ke ao nei. Maanei e hookuu mai ia'u, ua pau ka'u a o ka oukou wale no koe o ka okiokio mai a waiho ae imua o ke akea a na ka makemake e nana a ka pauku ono lawe ae.

 

Me ka mahalo,

S. O. W. Ohaialaii.

Honolulu. Sept. 7th, 1895.

 

NA LETA

 

(Aole makou e lawe i ke koikoi o na mea i hoopukaia o ka poe kakau mai i ko lakou mau manao. O na hala a me na hewa e hoolahaia ana malalo o keia poo maluna no ia o ka poe nona mai ka manao.)

 

NA KINO PAHAOHAO ELUA.

 

Mai ka la i hoolahaia ai kela mau palapala i paiia ai ma na pipa alanui o ke kulanakauhale nei a hiki i keia la, ua lilo he mea hoonakulu i ka noonoo o na mea a pau, a ua komo pu mai la no hoi na manao anoinoi o ka makee ana i ke ola o na kino kanaka e lumaiia ana e like pela ke ano i loko o ka poe noonoo maikai, a no ia kumu, ua manao au, o ka nupepa, oia ka wahaolelo o na mea a pau, e hiki ai ke hoike i kou manao kuokoa me ke keakea ole ia.

Ina he oiaio, o ka loaa ana o kela mau kino ola elua iloko o ka pahu kupapau ma ka ilina o Makiki a ua hoopipili io ia ko laua mau waha e ka uwepa, e like me ka hoike a ke keiki o Kina, oiai no nae laua e ola ana, alaila ke manao nei au he pepehi kanaka maopopo ka poe nana i lawelawe kela mau hana, a e lili aku no ke koikoi oia hana hewa ana maluna o na kauka nana e lapaau nei na ma'i ma ka Halema'e Hoomalu o ka Papa Ola ma Kakaako ae nei, a me ko lakou mau kokua ma keia hana.

A o ko lakou uku hoopai kupono wale no, e mouoia lakou i loko o ka opua hohonu o ka moana, kahi a ka lehulehu e ike ole aku ai i ko lakou mau kino heana, ka poe nana ia mau hana ino.

O ko'u makemake nui, o ka hele kino maoli ae o keia mau mea i hoopakeleia mailoko mai o ka waha o ka luakupapau, a hoikeikeia laua iho imua o na Luna Aupuni Kiekie o na Aina E, me ka hoike pu aku i ko laua mau inoa pakahi, a me ka la o laua i kanu ia ai iloko o ka luakupapau, no ko laua ae ole e inu i ka laau a ke kauka o ka Papa Ola, a i ole, e hele kino maoli ae no laua e hoike imua o ka Peresidena o ka Papa Ola, o laua na mea kino kanaka i hoomainoinoia pela.

A ina ua pololei ka laua hoike ana me ka oiaio, mai ka mua a ka pau ana, alaila, ua kupono ke keiki o Kina e uku manawaleaia no kona hoike ana i kekahi hana weliweli lua ole ana kauka o ka Papa Ola e malama nei i ka poe ma'i makai o Kakaako.

A e kupono hoi oia e hookohu ia i Makai Kiu nana e noii na poe haihai kanawai o keia ano, i mea e hoopakeleia ai ke ola o ka poe i hoopilikia waleia ma na ano a pau, a he puuhonua auanei kana mau hana, no ka poe pepehi kanaka i pakaha waleia e na manao haakei o ka poe ino.

A ina hoi he mea imi epa wale iho no keia, mamuli o na manao kolohe a houpuupu paha, i wahi e hoohikilele ai i na manao o ka poe nana e lawelawe nei ina hana e pono ai ke ola o ka lehulehu, alaila, ua kupono i ke aupuni e huli ikaika i keia kolohe kiekie, nana e hoonaluea nei i ka manao o na mea a pau, e hopu i kona kino a hoopaa ma kahi paa, no ke kali ana i ka haawina e kau mai ana maluna ona.

O ko'u iini nui, o ka hoea maoli ae o ka mea oiaio mawaena o keia mau mea elua, alaila, o ka wa ia e pau ai ke kuhihewa o na mea a pau, a hoapono aku la kakou i ka pololei o keia hoolahaia ana.

No ka oiaio o keia, ke kau nei au i ko'u inoa.

Me ka haahaa,

Kapapoko.

Honolulu. Sept. 17th, 1895.

 

HE MINAMINA MAKOU.

 

Ua minamina hoi makou i ke komo pu ana o kekahi mau lala o ke Komite Malama Ola o ka lehulehu e kokua nei i ka Papa Ola. Ua maikai iho nei na hoolala a me na hoohana ana a ke Komite ku waena, me na Luna Nana a me ko lakou mau hope: a mamuli o keia mau hana maikai ua maliu mai na mea a pau, a ua lokahi e hoohana pu ma na ano a pau i na rula a ka Papa Ola i hoonoho ai e Malamaia e ka lehulehu o na kue iwaena o ka Lahui Hawaii, i na la mua mamuli o ka lakou pohihihi, ua pau aku. Ua loaa keia lokahi mamuli o ka hui ana e na ano lahui a pau iloko o keia hana a lawelawe pu ana. Aka, mamuli o ke kauoha ana a kekahi mau hoa o ke Komite ia Godfrey, me ka mana ole mai ke Komite aku e hookolokolo a e ao aku paha ia ia, a mahope iho o kona hele ana ae i keia halawai, a hoowalewale ia oia a loaa kona po'a ia, ana, ua lilo ia hana he mea e hookui ai i ka manao o ka poe Hawaii i komo pu aku e hana pu a e kokua i ke aupuni iloko o keia pilikia o ka lehulehu o keia mau la. Me ka manao maikai a me ke aloha i ka lahui, makou i ae e komo i keia hana, i kupono i na mea a pau e lawelawe like aka, ua hookuia mai hoi ko makou naau i keia mau hana e awaiaulu ana i ka inoa o na mea a pau i paa ma keia komite.

 

KA HANA INO KANAWAI OLE.

 

I ka wa o makou i lohe ai i ka hoolahaia o na olelo e hoike ano o na mea i hanaia i ka poe ma'i korela a me ka poe i make, a kanu ola ia paha, a pela aku, ua hoopuka koke makou, he mau olelo hoopunipuni ua mau olelo la, a he kupono e hopuia, ina he mea hiki, ka mea nana i kapili i ua olelo la ma na alanui o ke kulanakauhale, me ka huna i kona inoa, a e hoopaiia ia me no kana mau hoolaha na me ia ke kuio aole he oiaio.

No ka mea, o na olelo oia ano, he mea no ia e hoamoe ai i na hana kupono ole e hoopilikia ai ia hai a hoopoino ia ia iho. He kue loa makou i na mea oia ano. Ina he kanaka kekahi, Hawaii a  lahui e ae paha, i loaa iaia na kumu kupono, mamuli o kona ike pono ana, e ahewaia ai kekahi hana a na luna aupuni, a kanaka paha mawaho ae, e kue ana i ka pono a me ka pomaikai o ka lehulehu, ua hiki loa ia mea ke hopo ole i ka hele akea mai me kona kino, a ma kona inoa paha, e kukala akea i kana mea i ike ai, a ana i hoike ai paha i na mana aupuni i mea e hooponoponoia ai ia mea e hooweli ana i ka pono o ka lehulehu.

Aka, aole nae makou apono i ka lawe ana o kekahi kanaka a mau kanka paha i ke kanawai ma ko lakou lima, a hoolilo iho la ia lakou i poe lunakanawai a i poe luna hooko i ka lakou mea e hooholo ai e ahewa ana i kekahi mea, mamuli o ko lakou manao wale iho. O ke kanaka a mau kanaka e hana ana me ia, he enemi ia a o lakou paha ke aupuni.

Malalo o keia mau  kumu, ua likeole i ko makou manao, a ua ku no hoi i ka aheawaia na mea i hanaia iho nei maluna o Frank Godfrey, i kekahi poe kanaka i hana hoeha aku ai maluna ona, ma ka hoowalewale ana iaia, i ka wa e hookokoke aku ana i ke aumoe, a ma kahi neoneo, hopu lima nui iho i kona kino, a lawe aku la ma kahi kanaka ole, a palukuluku iaia a olohe kona ike am e kona noonoo, liia ia me kekahi kaula lole, wehe ia kona aahu a hamo hoi i kona kino holookoa i ke ta a lu iho la me ka hulu manu, i mea e maewaewa ai hoi ia la.

Ina ua olelo o Frank Godfrey i like a i ane like me na  mea i oleloia ma kela mau palapala i kapiliia ma na pipa alanui ia Kamika, ia Kakina, a me kekahi poe e ae, aole ia he kumu e manaoia ai nana ia mea i hana, a hiki ke hoiaioia imua o kekahi aha kanawai nana io, oiai, ua pee ka mea nana ka hoolaha ma ka palapala i kapili ia ma na alanui, a ua hoike maka hoi keia i kona ike.

Ma ka olelo no a na kauka, he oiaio no he oni io no ke kino o ka mea i ma'i a make i ke korela. A o keia wehewehe a na kauka no ka mea i oleloia no ke kanu ola ia ana o kekahi mea, a mau mea paha, i make paha ma ka hale ma'i korela, i mea e hoopauia ai na manao kuhihewa o kekahi poe i ike maka i keia mau hiona ano e o kekahi poe i make, i like ole me ka mea i maa mau i ka ike ia, he kumu no e hopuia ai o ka mea e hoolaha wale ana i kona manao kuhihewa paha, e hoopuiwa i ka manao o ka lehulehu, a ina  mahope o ka ninaninauia ana a ua pololei ole kana mea i manao ai he oiaio, i olelo ai, ua hoomau oia i ka hoolaha ana i kana mau olelo, alaila, he kupono no oia e oopaiia, a ina e ahewaia, alaila, e hoopaiia me ke oolea o ke kanawai, oiai he hana inoino loa kana i hana ai.

Ua ahewaia hoi makou i ke ao ana a hoao ana o kekahi poe e lawe i ka mana o ke aupuni a hoohana aku la maluna o kekahi hoa kanaka, mamuli wale iho no o ko lakou manao. He alanui keia e kupu mai ai o ka noho ana uluaoa kanawai ole , e noa ai ke kapu a me ka maluhia o ka hale, ke kanaka, a me kona ohana, mai keia mau hana, a me ka hoopaipai ana a kekahi i kekahi.

 

Ke Korela

ALUA HOOPUNIPUNI ANA.

 

I ke ku ana aku o ka moku malu Belgie, i Kapalakiko, ua hoolaha koke ae la na nupepa o ke kulanakauhale, ua hoopae aku la ka Belgie i kona mau ohua ma Kapalakiko, me ekolu pake make ma ke Keeleiki, i make a ekolu i ka m a'i korela. E like no me ke ano mau o na luna aupuni Amerika, he hunahuna a he hoolalau i na mea e pilikia ana i ka pono o ka poe waiwai, e like me ka huna o ke kauka o ua Belgie la i Honolulu nei, pela no ke kauka i kauohaia aie nana i ka oiaio o ka hoike o na nupepa, ua hoole aee la oia aole he oiaio, aka, o ka mea e kue ana i keia olelo hoopunipuni ana kauka aupuni o ke awa o Kapalakiko, oia no ka awiwi koke ona mana aupuni e imi aku a hoakoakoa koke i na ohua eepakeke Keeleiki pake i pae aku. Wahi a ka hoike a kauka Godfrey no ka loaa ole ana aku o na hoike he ma'i korela ko  ka mokumahu Belgie, mai kona haalele ana ia Kina a me Iapana a hiki i kona ku ana i Kapalakiko, no laila, olelo koke ae la keia kauka he oiaio na olelo hoouhiuhi a ke kauka o ka moku a me ke Kapena, aka, ua akaka he hoopunipuni ia kakou keia mau olelo, no ka ike o ke kauka o ka Belgie i kona hewa maoli, ua haalele oia i kona noho kauka no ka moku.

O ka mea e kue ana i keia mau hana hoike hoopunipuni a na kauka o ka moku a me ke awa o Kapalakiko, e like loa me ka ua kauka la a me na kauka aupuni i uhiuhi ai i na ma'i o ka moku a me ko na pake i make ai ma Kahakaaulana i na la mua o ka hua ana o ka ma'i korela ma Honolulu nei, u aike ia nae ka io ole a me ka hilinai ole ia o na hoike hoopunipuni a lakou, no ka mea ua puka mai la ke kauoha mai na luna o ke aupuni ma Wasinetona e hookoia na rula hoomalu i na ohua a me na ukana mai na moku a pau mai Kina, Iapana a me Honolulu aku.

I mea e keakea ole ia ai kona moku a hoomalu ia paha, a i mea e makau ole ia ai e na ohua, ua hoolaha ae la o Kapena Hayward, o ka Mariposa, he puiwa makau Korela wale no ko Honolulu, a ua pau wale. O na make i olelo ia no ke Korela , wahi ana, no ka ai ana o kanaka i ka i-a i ai i ka mea make. No ka hupo loa o keia Kapena, ua ike ole oia i ka mea make i ai ia e ka i-a a i laha ma ke kai a ma na wai o Honolulu, ua laha mai no ia mai ka lipo a meka luahi o ka poe i ma'i ia a make i ke Korela maluna o ka Belgie, a mai na ohua Pake ona i hoomaluia ma Kahakaaulana.

 

MA OLELO HOOPUNIPUNI

 

Aole he oiaio o na olelo e hoolaha ia nei no ka haalele o kekahi poe hawaii i ka lakou hana, a na ka hui manawalea e hanai nei i ko lakou mau ohana, oiai ua hooiaio ia mai keia, ma o ke hele kino maoli ana o kekahi mau komite wahine e ninau i na haku hana o ua poe la e olelo ia nei ua haalele i ka hana. Ua hele aku lakou a ua hoike mai la na haku hana, aole kekahi limahana i haalele mai i ka hana, mai ka puka ana o ke kolela a hiki o i keia la.

Ke imi inei ka mea nana keia mau olelo palaualelo e hoolaha hele nei, ua manao wale ia na kekahi wahine opio, i kamaaina i ka holoholo olelo.

 

HE LEO KEAKEA

 

Ua ike iho makou i kekahi mea o ka mokupuni o Mano, e hoapono ana no i na hana i hana ia e ka poe o kona mokupuni, ma ka hoole ana i na mea a pau, aole e pae aku ke ole e hoomaluia a hala na la he umikumamawalu. He nui no na kumu maikai i waihoia ae e ia mae apono ana i ko Kauai kuapaa ana; a e hoahewa ana i ko Oahu nei poe i ka onoonou wale aku no i na ohua a me na ukana maluna o ko laila poe, me ko lakou makemake ole, a mamuli hoi o ka makemake o ka poe imi waiwai wale iho no. Ina, wahi ana, ua hoohemahema ke aupuni a me ka poe e noho ana ma Oahu, a ua komo mai ka poino ma ka aina, ua manao oia, aole ia he hoike e hiki ai ke koi ia ko na kuaainae hilinai mai i na olelo ao ia lakou, aka, he mau hoike ia e ao ana ia lakou e makaala loa, aole hoi e hoopalaleha a hoohemahema no ka hoopakele ana i ko lakou ola, elike me ka mea i ike ia ua hana ia e ka poe e koi wale aku nei no i ko Kauai e ae mai e onoonouia aku kela e me keia me, no ka mea, malia paha oia ke kumu e puka ae ai ka ma'i Korela. Ane pono no, ka Kuaaina e uahoa mai la, oiai o ka puni kalepa no ke kumu i laha ai i Oahu nei.

 

Ua kukala ae ke aupuni o Rusia ua laha ke Korela ma ka mokuaina Pokolia, a ua hookapuia ia wahi.

 

Hookahi ma'i kolela hou inehinei, oia o Louisa Fisher; huina 85. Ua make oia, no ka hu@a ia.

 

Ua noi ae kekahi mau ohua o ka Coptic, i ku mai i ka po nei, e hookama aku lakou mailaila aku a ka Alameda ke ku mai hoi.

 

Mai Puuhale o Maka i nee mai ma Alanui Paipalapalai nihimalu aku la a ia la i hea, me kue i ke kauoha a ka Papa Ola. Kupono no e hopu a e hoopai ia.

 

Ua pai na heihei ana a na moku hookahakaha kai, ka Defender a me ka Valgrie, aka, ua hooholo iho la no ke Komite Hooko, ua eo i ka waa Defender. Nui nae ka ahewa ana o ka olelo hooholo a na Amerika.

 

Ua pue ia kekahi kaikamahine o elima makahiki, e kekahi diabelo kanaka, o ka aina Pake. Ua pilikia keia keiki, a ua hoopii na makua a Pake. Ke ku ka hewa, aole i piha o Ka@a.

 

Eia kekahi poe ke uwe mai nei i ka ono loa i ka ia, a i ka pakui i ka ai mau i ka io pipi. Auhea oukou e ai aku ana kakou i ka ia, ke kali hoomanawanui iho apau ae na la o ke kupilikii.

Ua hakahaka iho la kekahi mau lede ma kai ae nei o ke alanui Moiwahine e kokoke la i na ilina o Kawaiahao, ma ka auwina la o nehinei. O ke kumu i ulu mai ai o keia hakaka, no ke komo ana noia o ka wai hoomalule kino iloko o laua. Uwese lale oe.

I keia kakahiaka ke hookamani mai nei ka Avataisa,  e ahewa loa ana i ka oe nana i hana ino o Godfrey. O ka oiaio o keia manao ahewa e hilinai ia ai, oia no ka hoike ae o ka Avataisa ka poe nana i hana, oiai, ua manao makou, ua ik  no oia i ko lakou mau inoa, aua ano hoihhoi no oia i ka hana ia ana ka la i nehinei.

 

Halekuai Kamaa

o

MAKANANI,

Alanui Papu.

 

O keia iho ke Kamaa haahaa hila Kiani nani loa o na wahine i kapaia "Oxford Tie."

 

O ke ano kuea a me ke ano uuku oioi o mua no $2.50 wale no.

O keia iho hoi ke kamaa ili Kao Farani o na Lede e pihi ana ma ka aoao.

A he $3.00 wale no kona kumukuai.

 

He $4.50 ke kumukuai o keia kamaa mamua.

Ma kahi keia e loaa ai o ka jun12 tfd.

 

C. E. Williams & Son

 

Helu 611 Al. Moi

 

Mauka mai o ka pa Kuai Papa o Lui

 

me Kuke.

 

Na mea kuai ma na

Lako Hale a me na M oe

o na ano a pau ma na

Kumukuai Haahaa loa.

            Na Mea Hana Pahu Kupapau a me Ialoa.

            Na Pahu Kupapau hookomo ia mai iloko nei o ka aina, i oi ae ka nani mamua o na pahu kupapau hanaia maanei no ka $3.000 a pii aku iluna.

            Kaa Kupapau no ka hoolimalima a o ka oi aku o ka nani ma keia kuni ma keia kulanakauhale no ka $5.

            Na he kupapau a me na Kia Hoomanao.

Telepone 179.

jnu12 tfd.