Ka Oiaio, Volume VII, Number 27, 6 Kepakemapa 1895 — Page 4
| This text was transcribed by: | Julia Ann P Kaupu |
| This work is dedicated to: | Charles Kauhi Kaupu, Jr. |
Ka Oiaio.
J.E. Bush, Lunahooponopono
O Ka Pono Ka Aialii E Ola Ai Ka Aina.
Poalima Sept. 6, 1895.
KA LA HANAU O KA MOI WAHINE
O ka la Poakahi, Sepatemaba 2, oia ka la hanau o ko ka lahui Hawaii Moiwahine, mai kona noho ana ma ka noho moi, a hiki no i keia la iloko o ka hapanui loa o kona lahui ponoi. Ua hanauia oia i ka makahiki 1838, Sepatemaba 2, o ka 57 keia o kona mau makahiki. Ua noho ae oia malua o ka noho moi o Hawaii ma ka la 29 o Ianuari 1891 i ka la i hiki mai ai ke kino make o kona mua Kalakaua I., maluna mai o ke Kaletona, mai Kapalakiko mai. Ua kapaeia aku ka Moiwahine Liliuokalani e na kaiki a ka misionari o ka Papa Misionari ma Bosetona mai, ka poe no ana a me kona mau mua i hanai a huhu ai a maona, a nahu iho la ia ia, i ka la 17 o Ianuri 1893. Eia iho i keia la ka noho hoopaahaoia nei, he kipi, iloko o kona one hanau, a iloko o ka Hale Moi, a kona mua i noho ae, a me ia pu no hoi, a o kona loa i hookahulihiaia ai, e like me olelo o Peresidena Clevand a me kona Kuhina Nui Gresha, me ka hewa nui, i kokuaia hoi e na maua kaua o Amerika Huipuia. He maikai no kona ola kino e noho mai la, a e ike lihiia aku ana e noho mai ana ma ka ipuka aniani o ke Kala hema hikina o Hale lii. Ma kona ano ke alii hanau no ka aina, a ma kona mau-haawina alii, ua piha ke ao i ka mahalo ia ia, iloko no o na hemahema ma kekahi o kana mau hookele aupuni ana. He moolelo kona e mau ana i ka moolelo o ke ao, me ka mahaloia, oiai o ka moolelo o kona mau hoalauna a ai alo nana oia i kulai ilalo, e nalowale a e hoinoia ana. Ma kona ana he poo lahui o na Hawaii ponoi, a ma kona ano he wahine, ke pahola aku ei makou i ka papahi oke Kalaunu o ke ola loihi a e kalokalo ae nona imua oke Akua Mana Loa, nana e hookalaunu mai ia ia me ka Lei alii mau loa o ke aupuni Maul Loa! Aloha no.
UA HOOMALUIA.
Ma ka Makela ae nei Augate 29, ua loaa aku la i na kaikoo o ke aupuni kekahi keiki mai, na Makauahoa keia keiki, o ka mai he eha ka opu.
Ua olelo na kauka he korela no ia, a no ia kumu ua hoomalu ia ka hale ana i noho ai, a o kona mau pono ua puhiia i kekahi, a ka ma'i na laweia no kahi hoomalu ma'i, e like me ka ke aupuni i hookaa wale ai.
Mamuli o keia puka hou ana ae nei, me he ala aole no paha e pau ana ka hoomalu ana a ke aupuni a e paa ana no paha na mou, a lia nae hoi.
KA MA'I KOLERA
I ka hora 8:30, a.m., ua hoike mai la ke kia mua o ka moku kaua BeBenitona i ka hae melemele, he hoailona hoi o ka ma'i Kolera, aia iluna o na mokula.
Ma na lono i lohe ia mai ai i ka aina nei, he Eono ka nui o ka poe i ioaa i ka mai Kolera, a hookahi o lakou i aneane e make mamulio keia mai.
Wahi a ke Kapena o ka moku i olelo ae ai, ua makaukau oia e haalele iho i na kai o Hawaii nei a hulil aku no ka mokupuni Lio-wahine, a malaila e hoomalu ai. Ma keia, ke hoike ia aku nei ka lohe i ua kanaka apau e lawelawe ana i ka ohana lawaia ana, mai hele a hookokoke aku oukou ma ka aoao a ma kahie ku nei ka moku kaua, ua kapu loa ia wahi, a o ke kauoha a ke Kauka a me ke Kapena o ka moiku kaua e ku nei.
Ua lohe pu mai nei no hoi akou eia ke hooikaikanui nei ke Kauka o ka moke e pale aku i na ma'ila, a e kaohi i kona pahola loa ana.
(O ka leo keia o ke ola, e pono e hooolohe mai).
HE AU HULIHIA ANEI KEIA.
I keia mau la e nee nei, o ke ana o ke aupuni repubalika o Hawaii a hiki i keia la, ua ikeia ke kulana ano kupilikii o ka aina ma na ano a pau, a oia ka makou e olelo nei he au hilihia a nei keia?
Oia hoi, he mau haneri tausani na koi poho nui pu me na lilo i manaoia he ma'i korela, a ma na lilo e ae, pakeu pali wale aku ua puu nui la a ka lahui e auamo.
Ina pela io ka hopena o ke aupuni e hiki mai ana alaia, ua like loa me ke aupuni o Babulona i ke au o Benehazara ke alii uha ai me na hua palapala i kakauia o kekahi hapa pulima ma ka paia o ka hale, e hoike ana me ka paia o ka hale, e hoike ana me ka moakaka penei: Mene! Mene! Setera, U-palesina, ua kaupaonaia oe maluna o ka mea kaupaona, a ua ikeia kou mama.
Ua ike kakou ina hoike moakaka a ka Buke Nui, e pili ana i na ano aupuni o ke ano e like me keia, aole he kulana aupuni paa, aka, he mae wale, a pau hoi kona nani.
Nolaila, he pono e huli kokeia na hana e hoo@aupai ai i ka aina, i ole hoi ka lahui, a me ke aupuni, a i mau ai hoi ko kakou kulana holomua ma na ano a pau. E ola o Hawaii i ke Akuma.
HEAHA KEIA E NA HOAHANAU?
O ka elua pule keia o ka noka ana o ke Aloha Aina, me ka Makaainana i ka hee-pallua iluna o ka ohuku ale, me ke oki ana i na iewe o laua i hoopaaia ai, mai ko laua mau piko mai, (oia hoi ke aloha aina a me ke alii), e helu ana kekahi i ke kupono ole o ka hoopukaia ana o na mea p@li i ka haalele noho'lii, a ke kupono ole o ka oi, no keia wa mai.
Na keia hanau ua ka pohak i olokaaia mai ka pali mai, a na ka muli pokii e kaikai hou ae nei e kau hou i kona wahi i olokaaia mai ai, a like me kona wa i konohi. He mau aloha aina a elua no na Ona a me na Kapena o na mau moku lahui nei, (nupepa), a eia nae ka mea kupauaha, ke nema aku nei kahi i ka hemahema o kahi, ma kona hoani mageneti ana i ke kuau o kana panana holo moku.
E pono e hoopauia mau manao nohohua o olua, a hookuu aku i na kolomu a ka olua mau pepa no ka pomaikai o ka poe heluhelu ma na mea e hauoli ai ka manao. Aloha Ea!
E KAANA PONO IA.
Ua noonoo mnui makou iloko o keia mau la kupilikii o ka aina, i ka hoao ana o na hui kalepa o keia kulanakauhale, e hoopii ae i ka auhau o ka pahu puna hookahi a hiki i ka elima dala, ina nae he oiaio na hoike a me na kuhikuhi i waihoia mai ia makou e ko makou mau hoalaha.
O keia kekahi o na hana hoopilikia a keia poe i ke aupuni, ma ka hoao ana e hooiaku i ka pomaikai o ko lakou mau pakeke ponoi, mamua o ka mea kaulike e hana ai. No keia wahi mai i pahola ae ma o kakou nei, i hoowaiwai koke aku i keia poe kalepa iloko wale no o hookahi minute, he mau tausani ka loaa.
A ina he elua a ekolu malama e paa ai oloko nei o ke kulanakauhale i ka hoomalu ia, alaila, e hiki ana ke kumukuai o ka pahu puna hookahi i ka umi dala. He mea hoehaeha keia i ko kakou mau manao, ko ka poe nana e uku keia mau dala nunui, a keia poe imi loaa a ke aupuni. E pono i ke aupuni e kaana pono i ka auhau o keia mau waiwai popopo a keia poe.
HE KAUOHA I LOAA AKU.
Ma ke ku ana mai o ka mokuahi Mariposa i ka Poaha nei, Augate 29, ua loaa aku la he mau leta mai ko makou Makai Kiumai, e kiai ala i na keiki o ka Bana lahui Hawaii iloko o ka repbalike Nui o Amerika Huipuia, a ea no olelo.
Ua hiki mai la he kauoha i ko makou Luna Hoonana Nui, Mr Woodford - mai Honolulu mai, e kauoha mai ana ia makou e hoi aku na Hawaii, no ka hoau ana i ke alahao, mai Honolulu a hiki i Waialua.
O keia leta, na ka poe Kalepa ko ia o ke kulanakauhale o Honolulu, a ma keia kauoha, aole makou i ae aku, oiai ua paa ko makou manao e holo loa no Wasinetona i hoau ai makou i ka makana imua o Peresidena Cleveland, o keia ko makou manao paa a koa aku nae no ke aloha i ka aina.
Ina makou e hoi aku ana, alaila, e hai e aku ana wauia oukou. E haawi i ke aloha piha i na poe aloha aina a pau, a papahi wale aku hoi ma na wawae o ka Lani a kakou.
O keia ae la maluna ka hoike a ke Kiu o KA LEO i hoouna ai, malalo o kona mau lilo ponoi, a ma ko makou aoao hoi, ke olelo nei makou, aole pono ke hoi mai koheoheo la e kani ai ka lakou nei aka, a ku hoi ka hoonaaikola ai poe ia kakou.
KA HOOMALU ANA.
He ahi ka ma'i korela, a he lele, a o ka maemae wale no kekum e pakele ai. Nolaila, he kupono i ka lehulehu e hoomaemae like, aole o ka hoomaemae o kekahi poe a hana hookamai hoi kekahi poe. No ka mea, aia kahi e hooko ai o keia mai ma nalua-lepo a me na mea pelapela. Ma keia kumu, ua kuleana like kela a me keia mea, e kono aku i kona hoanoho e makaala like a e hoomaemae like. Ua lokomaikai ka Papa Ola e hoolaka mai i na mea e hoopau ai i na ea ino, a ka poe nele, ua hiki loa ke hele aku e noi i kokua no lakou ma keia me.
Ua kupono loa hoi i ka Papa Ola e hoomalu like i na mea a pau, aole e ae ia ka Pake e holo mao a maanei a puni ka aina, no ka pono imi waiwai o kekahi poe kakaikahi, oiai ke ola o ka lehulehu e hooweliweli ia nei e kia mai.
UA PAU KE KANALUA.
Ke pau ae nei ke kaualua ana o ka poe i hoole aole keia mai ahulau he korela. Mai mua o ko makou ike pono ana i ke kahua i hu mai ai o keia mai a me hoike kanalua a Kanaka Day, a me hoike maopopo kanalua ole a ka Luna McVeigh o ka Papa Ola, imua o ka Papa, e pili i ka ike o ka mua, a me ka mea a ka hope i lohe ponoi mai ai mai na ohua pake o ka mokumahu Belgic, i hoomalua ma Kahakaulana, no na mea i make o na ohua ma ka aina nei, a ua manao loa makou he ma'i korel keia, a ua laha mai no hoi mai ua moku ala. Aka, aole nae keia he kumu no kakou e holehole ai i ka iwe o na luna aupuni, a hoahewa ai i kekahi mea. He poino lke keia, a e alu like kakou e kinai i keia mea i hiki mai i Hawaii nei, oia hoi ka ma'i korela a makou i kanalua ole ai mai ko makou lohe mua ana ua hiki. Hookahi hana he hoomaemae, a he hoike koko ae i ka ma'i i kinohi loa.
HE HOOHUOI.
He mea maopopo loa eia ke alakai hewaia nei kekahi poe i ka lehulehu e hana i ka poe e loaa ana i na hiohio o ka ma'i korela.
Ua hanaia keia mamuli o na manao kuhihewa o kekai poe, ma o ka manao maikai ole o kekeahi poe i ke aupuni, a ma o ka manao naaupo kekahi eia hanaiia nei na kanaka Hawaii i ka laau e make koke ai, oia hoi e luku aku i ka lahui. He mea oiaio, aole no kakou a pau i like me ka manao o na luna aupuni ma ke kalaiaina ana, a ma kekahi ano e ae paha, aka, o ka manao ana eia ke hanaiia nei ka poe i loaa i ka ma'i o, na Hawaii me na laau e hoomake koke ai ia lakau, he manao kuko hoino wale kela, a he ku po i ke ana o ka mea e ao ana me ia, a he mea hoi i hoonahoa a i alakai hewaia e ka uhane ino. He anao inoino loa kela. Eia na kauka, na luna aupuni, a me na kanaka o kela a me ano, ke apuepue nei e kinai aku i ka poino, e ka ninau ole i ke kuma o ka pilikia, a me ka hoohuoi ole i kahi i hiki mai ai, a me ka poe i hemahema paha a pa'e mai ai ka ma'i, a o ka noonoo ana aku, a me ke ao ana paha o na kanaka Hawaii, i ko lakou mau hoakanaka, mamuli o ko lakou mau manao uahoa a kua i na luna aupuni, me na olelo oia ano, he hoike aua mai no ia, ina ia poe ma kahi o ka mana o ke aupuni, e hana ana lakou i na hana lapuwale a pau a lakou e ao a e alakai malu nei paha i ka manao o na kanaka Hawaii. He minamina loa makou i ka hoea mai o keia manao lili i keia wa, ke kahi manao hoi e hoike ana i ke kuono ole o ka poe e paholaana ia manao a hookuukuuia e hoolana, oiai he karaima no ia ia kulike me ka pepehi kanaka mai ka lima mai o kekahi powa i ike ole ia mea he aloha kanaka, a i hiki ole ke kapaia he mana Karistiano.
KE KULANA OLA O KE KULANAKAUHALE.
(Mai ka P. C. Avataisa mai).
Makawaena o ka hora eono me ke aumoe a ka ponei, he hookahi ma'i hokeia ae, oia o Waianehea. Ma Kakaako keia kanaka kahi i noho ai, e kokoke ana i ka Halema'i Kolera, Ua lawe ia mai ka lono e kekahi Kawaiwa Kaa e noho kokoke nei ia wahi. Ua lawe ia aku ka mea ma'i aneane i ka hora 7:30 me kulana make a lua kamau aku hoi a ka hora 9:30.
Kakahiaka Poakahi, hora 2 a.m. he ma'i hou keia i hoike ia mai, he kanaka i loaa aku maloko o kekahi hale e kokoke ana i ka Uwapa Haaliliamanu.
KULANA I KA NAPOO ANA A KA LA
Ka huina o na ma i i hoike ia - 20
Ka huina o na make - 17.
Na make inehinei - 3.
Ua make o Kahana i ka hora 3 a.m, (me he la o ka hanu keia.) He hookahi hora walel no ka ma'i ana; aole i hoike ia mai keia ma'i i ke keena o ka Papa Ola a ka hora 4:30.
jack-he Hawaii: ma'i ia i ka Poalima, 8 p.m., make i ka 12:20 p.m.
Annie, he wahine make i ka 4:45.
He ma'i hou kai hoikeia ae ma ka 5:05 p.m. he kanaka o Kainoa, a ua laweia i ka halema'i. E noho ana oia ma Kekaulia e kokoke ana i ka Mamu Hotele, ma kahi kokoe mai i ka Uapo Kamika. He i'a maka ke kumu o keia pilikia. He ekolu mai i hoikeia ae i ka Halemai.
LUULUU WALE.
Me ka ehaeha makou e hoike aku nei imua o oukou e na hoaloha, na makamaka a me na hea makaainana no a pau, e noho ana mai Hawaii a Niiihau. Oiai hoi, i keia mau la, eia ke omoia nei kakou lahui iloko o ka nenelu o ka ma'i i manaoia he korela, a eia na heana o keia poe ma ka huli hikina o ka Nina o Makiki.
Iwaena o @ poe i kuu mai i keia ola ana, he poe kekahi i kamaaina ia oukou a pau, e like me Mrs. Alex Smith.
O ka mea haohao i ke makou mana ana, oia hoi keia, o ka hikiwawe o ka make ana, ke komo no ka laau a ke Kauka, o ka moe aku la no ia, no ka wa mau loa a aole e alal hou mai, a hiki i kona komo ana iloko o ka holowaa.
Ma ka Poaono i hala Augate 31, ma hala wai makou me kekahi kamaaina o Puukolo, nona ka ina o Kapaku, a ua ninau aka la makou ia ia, no kona ma'i, ua hai mai la oia he eha iloko o ke poo, he ma'i e make ole ai, aka, he umi minula mahope iho, ua loaa mai la ka loheia makou, ua make mai la o Kapaku, me ka emoole no hoi ku ana ke kaa me ka holowaa.
Ma keia i ike ai makou, o ka hana e hanaia nei, he hanaia e kinai ana i keia lahui, aole no ka hoopakele ae, mai ka make mai. Oiai hoi, eia kekahi poe kauka e ae o Honolulu nei, ke lapaau mai nei no i kekahi poe, a pela pu me na kauka Pake, a ua ikeia ka holopono o ka lakou lawelawe lapaau ana a o kahi kauka hoi o ka Hale ma'i o Kakaako he kinai make kana hana ike, aole he hoola.
Nolaila, he mea ponoia kakou Hawaii, e malama pono i ke ola i ke ola kono, me ka ai ana i ka laau naha, oia hoi ka aila, a laau naha e ae paha, e hiki ai ke hoomaemaeia loko o ka opu, a e inu in laau kupono, e like me na laau hoomaemae koko, e kiai me ka makaala oa, aole me ka hoopalaleha. A ma keia ke komo nei makou iloko o ka ehaeha no ko kakou mau hoa kanaka i hala aku la, aka, no ka lep mai ke kanaka, a e hoi aku no i ka lepo, me ka ohana o ka poe i moe aku la ko makou aloha pau ole.
E PUHI IA ANAIKE AHI.
Ma ka noho ana o ka Papa Ola i ka Poaono nei, ua hoohelo lakou e puhi ia na hale apau o Kapuukolo, oia hoi na hale e ku ana iloko o ke kai, (wahi opilopilo,) a o ka poe no lakou ia mau hale, ua hoihoi ia aku lakou apau i Kakaako e hoomalu ai.
A ma ia halawai ana no, ua hooholo lakou e pani na luakini aole pule i ka la Kapule, a oia ke kumu o ka paa ana o na hale pule apau.
A iloko no oia halawai ana, i hookapu ia ai ka poe lawaia a e kekahi poe pake hana poi, a he nui aku na mea apau a ka Papa Ola i hooholo ai, e like hoi me ka lakou i ike ai he pono ke hanaia.
Oia hoi, i mau hope Kauka wahina, a he mea oiaio, ua komo aku o Miss Waikulani, me Marie Kaleikoa, olua na hope Kauka o ka Hale ma'i o Kakaako, a eia ke lawelawe nei i ka hana.
Me keia mau h ana a ke Aupuni, e ike ana no kakou i ka nui hewahewa o na hoolilo e ike aku ana ma keia hope aku, a lia nae hoi apau ae ka anai ana ka a'i Kolera a lakou e olelo nei, alila ike pono ia ke a-u nui me ke a-u iki.
HALAWAI KA PAPA OLA.
Ua halawai ae ka Papa ola ke ahiahi o nehi nei no kekahi mau mea e pili ana me ke kulana ola o ke kulanakauhale.
Ua olelo ae o Peresidena Kamika, na olelo ia mai oia, ua ao aku hoi kekahi nupipa Hawaii, a oia ke ALOHA AINA, i kona poe heluhelu aole e hoike ae i na ma'i kolela. Ua kauoha ia kekahi mau helu o na nupepa la, aka, aole hoi i loaa kekahi mea o ke ano i oleloia a na waihoia ia mea no ka manawa.
Ua olelo hou mai o Mr. Smith na hoomaemae pau pono loa ia na hale i loaa ia i ka ma'i ma Alanui Moiwahine i hoomaluia ai no hookahi pule, a oiai, aole he ma'i i hu hou ae nei, ma ia apana iloko o keia pule i hala, ua manao oia he kupoono e hapai ia ka hoomalu anan ma ia wahi i na e apono ana na Kauka o ka Papa ia mea. Ua apono mai o Kauka Howard a me Wahie, nolaila ua wehe ia ka hoomalu.
Aina no ke Kuai.
O na poe a p@ e makemake ana e kuai i aina no lakou, e ninau ae ia.
S. K. Kila.
Leleo, Honolulu, Augate 27, 1895
aug28 3mnsd.
HELEHEWA A AIHUEIA PAHA,
He elua mau ilio opiopio keokeo i kikokiko ia ma ka @ a m ka huelo, mai ko'u Hale Manna aku "Maluhi"]," mauna Ohia. E uau ia no ka makana kupono ke loaa a ho@hoi ia mai lana ia.
W. H. Schmidt.
aug28 1wd.
HE LEO ALOHA.
Ke noi ia aku nei kou oluolu e hoihoi i kela lei Pikake i loaa ai ia oe ma e awake. @aono nai ma Alanui Moiwahine kokoke i Alanui Puowaina i ka ona nona na lei la Honuakaha, i amrs. Keawehaku, a i ole i ko makou nei Keena nupepa a e loaa no ka makana kupono. jul 18 tfd.
HOOLAHA! HOOLAHA!!
Owau o ka mea nona ka ino malalo iho nei, ke hoike aku nei au i na kanaka a pau loa, na makaukau wau i na wa a pau loa, no ka haa ana i na piola a me na paipu wai a pau loa ke loaa mai na kauoha ia'u, he oluolu ka @ku a he mau ka paa o ka'u mea e hana ai. E loaa no au ma Leleo, kokoke i ke alahui @aaahi o Dilinahema.
S. K. Kila,
aug 28 3mnsd.
MAI POINA! MAI POINA!
I KE
KUAI HOEMI
KUAI HOEMI
KUAI HOEMI
NO KANALIMA - KUMAMAKAHI
LA, MAI IULAI 13 AKU
Ma kahi o
J. J. EGAN,
Alanui Papu.
jul13 tfd
AINA KUAI
He aina kuai kupono no na Hale Noho ma ke Kaona nei.
Ke poloai ia aku nei ka poe makemake i aina na hale lakou, ua makaukau ka mea nona ka inoa malalo e kuai aku i kekahi mau apana pa hale ma Alanui Liliha no ke kumukuai makepono. Aia keia wahi ma ka aoao hema o Alanui Liliha, oia kela pa hale i nohoia iho nei e J. Simonson i make iho nei, mauka ponoi a kahi o Kapena Tripp. Ua mahele ia he elima pa o keia wahi i hiki @ i ka poe uuku o ka loaa ke kuai i aina no lakou.
No na mea e pili ana, e ninau ia.
Teresa Owan Cartwright,
Honolulu, Augate 7, 1895
aug 7 tfd.
Chas P. Colburn Carlos A Long
KA HUI HAWAII HOOPUKAPUKA WAIWAI PAA, NA ROAIE!
E hoolilo nui ana i ke lana manawa i ka malama ana i NA WAIWAI O KA POE MEA WAIWAI NA MALAMA KAUOHA NA HOOPONOPONO NOHO KAHU WAIWAI. A me na hooponopono ana ma na, hana a pau o ke ano hooko i waihoia i kekahi mea i hilinaiia.
E ohi i na uku hoolimalima, ina ukupane a me na mahele loaa.
E hoolimalima a e kuai aua i na waiwai na ka uku komisina haahaa.
E hoopukapuka aku hoi i na dala me ke akahai loa.
A e hoike akea aku ana hoi i na moolelo waiwai o kela a me keia hana i waiho ia mai ma ko laua lima me ka oluolu, i na wa a pau e makemakeia ai.
July 15, 1895 @
Hlekuai Kamaa
o
MAKANANI,
Alanui Papu.
(I keia iho ke Kamaa haahaa hila Kiani nani loa o na Wahine i kapaia "Oxford Tie."
O ke auo kuea a me ke ano nuku oioi o mua no $2,50 wale no.
O Keia iho hoi ke kamaa ili Kao Farani o na Lede e pihi ana ma ka aoao.
A he $3.00 wale no kona kumukuai.
He $4.50 e kumukuai o keia kamaa mamua.
Ma kahi keia e loaa ai o ka.
jun 13 tfd.
C. E. Williams & Son
Helu 611:::A. Moi
Mauka mal@ o ka pa Kuai Papa o Lui
me Kuke.
Na mea kuai ma na Lako Hale a me na Moe o na ano a pau ma na Kumukuai Haahaa Loa.
Na Mea Hana Pahu Kupapau a me laloa.
Na pahu Kupapau hookomo i a ma@ iloko nei o ka aina, i @ ae ka nani mamua o na pahu kupapau hanaia maanei no ka $3.00 a pii aku iluna.
Kaa Kupapau ao ka hoolimalima a o ka oi aku o ka nani ma keia kuni ma keia kulanakauhale no ka $5.
Na he @ a me na Kia Hoomanao.
Telepone 179.
j@u 12 tfd.
MAU HALE HOOLIMALIMA.
Kihi o Alanui Moiwahine a me Kawaiahao.
NO MR J.W. KAIKAINAHAOLE.
Ke kono ia kau nei na hoaloa a me na makamaka ka @ hoi e ake ana o loaa na Home ol@ oia no ke ole kino ma ka noho ana. E k@ a mai ma kahi o Mr. J. W. Kaikainahaole, Kihi o alanui Moiwahine a me Kawaiahao.
He oluolu ka uku ma ke kuka ana, he waipahe hoi na hoanielo ku i ke aloha. E kipa mai e ike pono i na hale e ku nei, ua hamama ka puka i na la a pau.
E ike ia kakou hoa kanaka, mai kipa hewa ke aloha i ka mea leo ole.
Ko oukou hoaloha,
J. W. Kaikainahaole,
Kawaiahao, Augate 21, 1895
aug 21 @