Ka Oiaio, Volume VII, Number 25, 23 August 1895 — Page 4
| This text was transcribed by: | John Reppun |
| This work is dedicated to: | La'amaikahiki Chartrand |
Ka Oiaio.
-
J. E. BUSH, Lunahooponopono
-
O KA PONO KA AIALII E
OLA AI KA AINA
-
POALIMA, AUGATE 23, 1895
-
He mau moku okahola kekahi elua i hoea mai, i ka la pule nei, a no i akumu na hoopaiwa ia ae la kekahi poe, o na moku powa keia i ke aupuni.
-
E HAALELE mai ana na pio Aloha Aina Messers. Greia a me Lui Marshall, maluna o ka mokumalu Monowai, ke ku mai. E holo apa o Mr. Greig no Kaleponi, a mailaila mai maluna o kekahi moku e holo ana no auseteralia, me kona kipa ae hoi ma kahi o kona makuakane, Farnings Band, a holo loa aku no Auseteralia.
-
He laina mokumahu kekahi e hooholo ia aha mawaena o Na Zilar i a me Vanekona, e hoohui hou ana i ka Panalaau o Auseteralia a me Kanada. He $100,000 ka uku makana kokua a Na Zilani i keia laina.
-
Eia ke noonoo ia nei ka wehi ia ana o kekahi kula no na keiki ma ka Halemai ma Kalihi, o ka poe mai alii. Ua manaoia na Thomas Treadway e ao keia kula, keiki hoi a ka Lana Malama o ka Halemai o Kalihi.
-
MA ke Kina Moi ua hiki mai la ka na hou, ua emi iho kekahi apana aina ma Hamakua, Hawaii, i ka pule i hala aku nei, a he mau haneri kapuai ka hohonu o kahi i emi iho.
-
UA PAU KA AHAOLELO.
-
Ma ka hora 12 o ke awakea Poaha nei, e like me na lono i hoikeia ae la ma na nupepa, a ma na pipa alanui, e hookuu ana ka Ahaolelo o ke Aupuni Repubalika, pela io no i hoea mai ai, iloko o ka pamalo haalele a me ka ulumahiehie ole ia e like me kona hoomaka ana i kinohi, a pela no kona hope.
Ua hala na la o ke anoano ke kapukapu ka ulumahiehie a me ka luakanaka o na pipa alanui, ke hoea mai ia mau la kamahao elua o ka aina, ka wehe ana a me hookuu ana o ka Ahaolelo.
I ahona keia i ke kani kohana mai o na leo hekili o ka mokukaua Amerika Bennington, a kahi no a hoomaopopoia ae, e hookuu ia ana ka Ahaolelo, aloha no na la kamahao o ka aian i nalo aku, aka, o ke Akua o ke Ahonui, oia no ka mea nana e hoihoi hou mai ia mau kulana ululmahiehie o ko kakou aina.
-
HE KULEANA ANEI?
-
He mea kahaha i ko makou naau ka lohe ana mai, eia ka makai kiu a ke aupuni e malama nei ke komo wale nei iloko o na pa o kekahi poe o loko o ke kulanakauhale nei me ka manao, e e hopu a hoopaa ia lakou iloko o kahi hoopaa o ke aupuni, makuli o ko lakou imi ana i pomaikai no lakou iho.
He hana hoopilikia keia i ka lehulehu, mao ke komo wale ana iloko o na pa, me ka palapala huli ole mai ke aupuni mai, a o ko lakou mau poo hana la.
A oia hoi ka m akou e ninau nei, i mea e moakaka pono ai i ka lehulehu, ke kuleana io e hiki ai i keia poe ke hana e like me ko lakou makemake, ma ha pa hono o loko nei o ke kulanakauhale, a ma ua wahi okoa aku paha.
A ina aole ,alaila, ua manoa mamkou, ua hiki no ke hoopiiia lakou ma ke kanawai, ma ke ano he poe komo hewa a wawahi maluhia i ka hiamoe o kekahi poe ohana a mau ohana paha o loko nei o ke kulanakauhale.
Ke hoomaopopo nei makou, me he mea la, he hana keia ua kulana iloko o ka ohana makai, @@@@@@@ maa ka lakou nei mau hana imi dala a hiki i keia manawa.
Nolaila, e akahele e na makamaka e nanahu auanei ke kanawai malun ao ko oukou mau hana hewa ana.
-
HOONUI OLELO.
-
Tocoma Wasinetona July 26 – He eono pu wili kanialapino ka mea hoi i hoopailua no ka hoohana ana aku a ka poe Aloha ‘lii o Hawaii nei, a na oleloia, he mea e hoohaunaele ai i ka noho maluhia ana o kahi o keia mau mea kaua e loaa mai ai, mai ka mokuaina mai o ka Eastern.
O e aupuni Hawaii, ua haawi aku la oia i ke kauoha mao ka hoouna ana aku i kekahi kiu no ke kiai ana i keia mau lako kaua e manaoia nei e hoounaia mai elua.
O keia Agena, ua hiki aku la oia i kela pule aku nei, a nana i hoike mai i ka inoa o H. H. Alani, ua hele aku la oia no ka Pakipika Akau mai au, ma ke ano he luna mailaila mai, he mea pono ole ka hoohanaia o na mea kaua ma keia alahao aka, na paneia mai la au o keia alanui, na noa ia ia ka lawe ana i na ukana o na ano a pau.
Ina o keia mau pu, e hiki ana iluna o Alanui, me ke kakala ole ia, ma o ka hoike ana aku i ka Hale Dute, alaila, he oi aku ka pono e paa kokeia ua mau ukana ala.
A ua manaoio ia, ina o kekahi moku kona lawe papa, a moku e ae paha e holo ana no Hawaii, ua manaoia e kau ana maluna o kekahi oia mau moku ua mau lako kaua ala i loheia.
Ua haawiia aku la ke kauoha i na Makai Kia oia wahi, e ku kiai lakou me ka makaala loa, ma ke kiai ana ma ke Great Northern.
Ua olelo ae la ka mea kiai ala hao, aole loa he mea kaua i ikeia ma ia alanui.
O na mea a pau o ka poe aloha lii, e makaukau ana ia i ka malama o Sepatemaba ae nei, - P. C. Advertiser.
O keia maluna ae, ua manao makou hemau hooanuinui olelo wale no keia, a he mea hoi e kau hihi mai ai malun ao ka poe aloha alii i wahi no lakou e ahewa waleia ai me ke kumu kupono ole.
Nolaila, mai puiwa oukou e ka lahui i keia nuhou ano nui a makou e hoike aku noi, oiai o ka makou hanaia o ke kiai i na wa a pau, aka, e noho malie, e hamau mai waha-a wale aku.
A na ke au o @@ manawa e hoike mai ka mea oiaio, aka, e lana ka manao ma o Iesa Karisto ala i ola ai kakou a pau.
-
HE OLA LOHII.
-
Eia ke ola mai nei ma ke kulanakauhale o Pitabuga, Penesilevania, kekahi paele nona ka inoa o Richard Reddicks, he 130 ka nui o kona mau makahiki.
Ua olelo oia ua ike oia ia Kenerala Wasinetona, ka Peresidena Nui o Amerika Huipuia. Kanikoo no ke ola o kela paele, o ke ola pahaia a ke Akua, ke hele la a kanikoo ka hele ana.
-
O na poe a pau e kaalo aku ana ma kela huli o ka poepoe honua, a haalele iho ikeia ao mauieule, e kipa ae ka poe ola i kahi o Uilama ma, ilaila e loaa ai na holowaa maikai, a makepono hoi.
KAWAIWAI O KAMIKA.
-
I ka la iho la onehinei i waihoia mai ai imua o ka aha, ka palapala hooilina waiwai a Kauka Mott Smith i make. O ka wahine iho la no , me na kaikamahine elua na Lunahooponopono o ka waiwai, na hiki aku la ka huina nui o ka waiwai i ka $339,750, maanei nei a ma Bosetona.
-
UA HOOKUIA.
-
Ua hookuuia ae la o John Lane mai kona noho hoopaahaoia ana ma Kawa he pio, aloha aina, ma ka Poaono nei, mahope iho o kona hoopau ana i kona manawa i hoopauia ai, a me ka uku ana he hookahi haneri dala. O ka mua keia i himo mai o ka ohana kaulana a ke kamaaina o na Koolau. Mr. Lane, i mauna ai i ke kino no ke aloha aina. He pio keia i hoohie nui ia ana e na wahine u’i a kuonoono ma na aina e aka, aole nae pela ma Hawaii, aia wale no ka Hawaii mau kaikamahine e hakalau nei i ke kuewa paehewa o na aina e.
-
E HELE A MAI HANA HOU
-
O ka mea kiekie e hoohaahaa ia no oia. He olelo oiaio keia e pili ana i ke kanaka, aka, he olelo hoomaopopo ole ia nae, a hoonaauao iho ia kakou, me he la o ka mea a ke kanaka Hawaii e hana ai, o kona hookiekie i kona wa e kau ai ma oihana, a pela no me ka haole. Aka, aole o ka haole o hewaia e like me ke kanaka. Pela na Hawaii e haule mai nei, mai na oihana kiekie o ke kino a me ka uhane. Aloha no ko kakou hoakanaka o ka noho ana kiekie ma ka oihana ma Maui. Ua haule no oia ia ia iho aole ia hai.
-
UA KOHO IA.
-
Ua manao kekahi poe, o ka hoihoi hou ana ae i ka Moiwahine Liliuokalani maluna o ke kalaunu, oia ka mea e noho maluhia ai, a pau hoi ke kuee ana.
• - P. C. Avataisa.
O keia ae la maluna mai loko mai no ia o ka nupepa P. C. A. a ua olelo hou iho la ua pepa
nei, ma kona manao ponoi iho, o ka Moiwahien ka ko poo o ka hui o kela kaua kuloko i ike ia ia i ka malama o Ianuari i hala, aole pololei o keia olelo.
E-a pau lakou nei i ka lapu ia e ke Akua Pehu, o ka mauna.
-
MAI NA AINA E MAI.
-
Ke mau mai nei no ka hiki mai o na lono ma na nupepa o na aina e, e i ana he mau hana kipi kekahi i keia aupuni e hoolalaia la Amerika, e ka poe filabusta e kue aku i na haole e noho nei ma ke poo o ke aupuni Hawaii. He nui na olelo o keia ano a iea ke hooialo nei, ko laila poe a me ko nei pu hoi kekahi, he kumu no ko keia puka mau ana o na olelo e like me ia e lohe ia nei, oiai aia kekahi mau kiu e ukuia nei e ke aupuni e kiai la ma an awa a me na wahi o na alanui hao e ku ai mai ka hikina mai.
-
UA PAA I KE KIAI IA.
-
Ma ke kua ana mai o ka mokukuua Robroy, a me Heeia, ma ke ahiahi Hoomalolo nei
Aukake 17, mai Wailau Molokai mai, ua eleu koke aku la ke aupuni e hoomalu i ka hoolelo ia
ana mai o na ukana i ka aina nei, a hiki i keia kakahiaka Aukake 19.
O ke kumu o keia kiai ia ana, oia no ka loke ,ua ia, eia keia mau mokukuna ke lawe mau nei i ka Okolehao i Honolulu nei, malalo o ka inoa huna “Ipoleimanu”, a oia ke kumu i kiai paa ia ai.
O ka ukana mua i nuli ia, he pahu poi, aole nae he mea i loaa iloko, a hookuu ia aku ia ukana e Kapena Aiwohi, o ka nui aku, ua kali ia i ka poe nana ka ukana, a ila huli aku, a i na e loaa ana kekahi o keia mau wai ona iluna o kekahi o keia mau moku, he mea maopopo e lilo ana i ke aupuni, a pau hoi i ke kudala ia, aka manao makou aohe “Ipoleimanu” o luna o keia mau mokukuna, oiai, aohe haupu ae, oia moe male no ia a ke au ke ko nei i Halaea.
-
NA LONO I LOHEIA.
-
Ma ka Poaono nei Augate 17, ua holopuui ae la ka lohe ma ua pipa alanui o ke kulanakauhale nei, e hoke ana, ua hooholo ka Aha Kuka a me hooko o ka Repubalika o Hawaii, e hookuu i na pio aloha aina e paa mai nei ma ka Heiau o Kawa, a pela hoi e hookuu puia ai ko kakou moiwahine aloha, mai kona hoopaa pio ia ana, i kekahi la o keia pule.
Ua lohe hou no hoi makou, ua hoikeia aku ka lohe i ka moiwahine, ua hookolo ka Aha Kuka a me hooko o ka repubalika o Hawaii, e hookuu ia ia, a e h oi oia no Wasinetona Hale, aka, aole oia i pane mai i ka wa i hoikeia aku ai ia ia a hiki wale i ka wa i hoi ai ka elele, no kahi ana i hele mai ai, he oiaio anei keia mau lono e pahola nei?
Ua lono hou no hoi makou, i ka wa e hookuuia ai na pio aloha aina i koe e paa mai nei, alaila, e kala pihaia lakou, me ka hoihoi hou ia o ko lakou pono kivila a pau, a o ko lakou kala pihaia ana e loaa no ia pono like i ka poe i hookuu mua ia iho nei, ma o na palapala kuu kino ala, na ia la e hoike mai i ka oiaio.
Eia hou no keia lohe o makou, ua ui ia aku la ka ninau i ua puali koa no ka pono ke hookuuia na pio aloha aina, a me ka ole, o ka pane a na puali loa, he pono ke hookuuia, me ke kala pu ana ia lakou me na palapala kuu kino, i loaa ai ko lakou pono kivila e like me mamua, a lia hoi, a maopopo ae, alaila ike pono ia.
Ua lohe hou no makou, e hookuuia aku ana he ekolu poe pio no na aina e, me ka loaa pu o na kala piha ana ia lakou a pau o ka oiaio o keia, aia a hiki mai ka mokuahi, alaila, ikeia ka pololei a me ka ole, alaila, pau ko kakou kuhihewa, oiai o Honolulu o ko'a no keia, he nui na olelo waiwai ole.
Eia keia lono, na halawai ae la kekahi mau opua ekolu, me ka opua ku kamahao, a eia ka pane a kekahi o keia mau opua ekolu na pomaikai oe o kakou, a o makou kai poino, ua naauao oe a o makou kai hupo, ua puka oe, a o makou kai poho, o ka pane a ka opua ku kamahoa, auhea hoi, oia iho la no la.
Eia hou, ua lohe hou makou, ua haalele aku la kekahi poe koa o ka Repubalika o Hawaii i ka Poaono nei Augate 17, a oia ka makou e hoomanao ae ai i ka olelo kaulana a ka poe kahiko o Hawaii nei, o ke au i hala aku la. a'o no ke koa, a'o no ka holo aole hoi he malama i poia e ka Pueo nui o Kona.
-
KE KIAI IA LA O HAWAII
Tacoma Augate 3 - He mau pule i hala ae nei, ua hiki mai la kekahi agena o ke aupuni Hawaii i anei, a noho ae la ma na hale hoolulu kaa'hi, aka, i keia wa aole oia maanei, ua kou wale aku la oia mai ke toaua aku nei.
Aia hoi o Seattle he makai kiu o ke kiai nei me ka makaala loa, ma ka Pakipika Akau a me ka Akau o Great kahi o ke alaheo e moe ana, e lawe @uai ana hoi i ua ukana, a me na haneri pu raifara a me eono @ou kanialapine, ua manaoia, na @@ poe i aloha i ka poe aloha alii o Hawaii, i haawi aku i na kauoha i Eastern no ka hoouua ana i keia mau ukana. O ke aupuni Hawaii, ua makaukau oia no ka hana, no ke kue ana aku i na hana e hanaia mai ana i poe waiwai ma ka hakaka ana.
Ua haawi puia aku no hoi he kauoha i na agena ma Olegona a me Kaleponi, e kiai lakou me ka makaala loa ma na wahi hoolulu @@@ hi.
O kekahi o keia poe agena e noho ana ma Sound ua hoike mai la oia he 500 a hiki i ka 600 pu laifera poka i hookauia aku maluna o kekahi moku mai ke komohana Akau mai o Great, iloho o Ocatoba i hala, a holo aku no Hawaii maluna o ka moku kuna Ballard.
Ua manaoia, e pae ana ma Hawaii, a i ole ma ka mokupuni paha o Maui.
Aka, o kekahi oia mau pu, ua loaa ma ke kaua kuloko ma ka malama o Ianuari i hala, a o ke koena aku, aole i loaa a hiki i ke ia la, eia no iluna o keia mokupuni kahi i waiho ai.
O keia agena, ua loaa aku kokona hookohu i kakau inoa ia e Ilamuku E. G. Hikikoki, o ka Repubalika o Hawaii, a ua loaa iaia ka uku mai ke Aupuni aku, mai Honolulu mai.
P.C. Advertiser.
-
ILUNA NO KA UA WEHE E NO KE PULU.
-
O keia kekahi olelo kaulana o ko kakou aina kula iwi, i hele a wale waha wale i na kini a pau, ou e Hawaii Kuauli.
Ma ka nana ana i ka loina o ka olelo ma kona ano i'o maoli, he ano nui no, aole keia i pili no ka mahakea, aka, ua pili keia no ka pilikia i manao ia hoi e hiki mai ana, oia ke ano i'o maoli o keia hopuua elelo, ma kona ano iho.
Ma keia ua hoomaopopo iho la makou i ka lono a makou i lohe ai, oia loi keia, e kukulu hou ia aku ana ke Aupuni kumu o Hawaii nei ma kona kulana i'o maoli, elike hoi me ka la i aui aku la, oia hoi, he Aupuni Moiwahine, a o ka mea nana e kuku lu eia iho no i ke alo kahi i kaalo ai, he kupu, he eu, no kekahi poepoe o ka honua nei.
A oia ka makou e lohe nei, eia la ke hoonanana nei ke keiki a ka manu elele, a haalele iho i ka puuana a lakou i hoomoe ai i ka hua-elo, o ka aie kuapapa nui o $6,320,000, na ka Lahui e leho aku.
He mea ha'oha'o nae keia, ia makou oiai aole he maopopo o ke kumu o keia wehe honua ana, aka, o ke Akua ka mea i ike i na mea a pau, a oia ka mea hiki ke hoomaopopo mai.
He lohe wale no keia o makou, a o ka oiaio, na ia la no ia e hoike mai i ka puana a ka moe, alaila pau kuhihewa ia Hilo paliku.
Ua manao no makou, he wahi ano oiaio iki no, oiai hoi, ma kahi'o ka uahi e puai ae ai, aia no he ahi malalo, a ke puka ae hele i ka loa a me ka laula.
O ka makou wehwehe ana keia, i ke ano o keia hopuna olelo, a koe aku ka noeau i ka wehewehe olelo o kekahi poe, i na ua like ole, me makou noia, aka, o ka Keopilo nae keia.
-
He Leo Kahea -
Ke hoike ia aku nei ka lohe uu Luna lawe pepa a pau o KA NUPEPA KA OIAIO, ina he mau helu koe o ka Helu 1, 3, 4, me 5, ma ko oukou lima e hoouna koke mai oukou i keia Keena, me ke kakau ana penei:
NUPEPA KA OIAIO
Alanui Pai Palapala
Honolulu Oahu,
Oiai, ua nui ai kauoha nupepa i hiki mai i o makou nei, a no ia kumu keia e kauoha ia aku nei ia oukou.
MA KE KAUOHA
-
Mai hoohala i ka Ha'e Kuai emi o na lole Kane, a A. L. Timmous, Alanui Beritania, Barrington Block. He kohu haawi i wale ka lole.
KE KULA NA O KA AINA.
-
O ke kulaua o ko kakou aina i keia wa e ikeia nei oia keia, hekulaua iloko o ke kupilikii, a oe ka hune, a me a ae kuapapanui oiai hoi mai ka huli ana o ke aupuni a hiki i keia la, aole loa i ikeia ka holomua ana o ka aina ma na hana ano hou e hapai ai i ka aina iluna, aka, o ka ka lahui e ike nei, oia keia ke emi hope nei ka aina, oiai ua nui ka aie o ka lahui i keia wa. Oiai hoi, ua nui na hoohiolo ana no ka puali koa ka puali makai kiu ka moku kaua hoopau a pela aku, a me na lilo e ae e lu waleia nei i ka makani, me ka maopopo ole o kahi e hoi mai ai o kela puu dala nui hewahewa a ka launa ole.
Aka, ua lohe nae makou i ka olelo a kekahi kakoo o ke aupuni repubalika o Hawaii nei e i ana nui loa ke dala ia makou i na e makemakeia ai e $5,000,000 e uku aku ai i ua aie o kela a me keia ona, alaila, ua hiki ia lakou ke uku i ka wa pokole loa, pela i'o paha oole paha, a ke kanalua nei makou i ka oiaio o keia lohe o makou.
Ke kanailio nei makou i keia ma ko ka Lahui aoao, oiai hoi he waha olelo makou no ka Lahui holookoa, mai o a o ka aina, e ku ana hoi e paio no ka pono kaulike o na mea a pau, me ka manao kaulike, a ku hoi i ka pono, me ke kue ole i na kanawai o ka aina a me ka noho maluhia ana.
E apono ana no makou i ka mea ku i ka pono, a pololei hoi, a e haawi aku ana no makou i na hoomaikai ana he nui noia hana maikai, aka, e ahewa aku ana no makou i ua hana hewa e hana ia ana, oiai hoi he hewa noia.
Ma ia ano, ko ku nei Ka Leo o ka Lahui e kiai me ka makaala loa i na wa apau, elike me kona ano mai kona hookumu ia ana mai, a hiki i keia la.
-
Ua pau ka hana ia ana o Kawaiahao i keia mau la.
E hiki mai ana ke Komisina Farani hou mai Kapalakiko mai.
Ua hoike ae o Dr. Maunakea imua o ka Papa Ola eia ka na pipi keiki o 8 la wale no ke luku ia nei.
Ua hui malihini aku la oia me kana sia, ma ka hora umi o ka po Poaono nei.
Ua hala aku no Hawaii o W O Crowell i ke ao huia, oia kekahi mea Kinipopo o Kamehameha.
He $100 ka loaa a ka Leilani Kala@@, ke lawe ia na lilo a pau, ma ka ana hula o ka po Poakolu iho nei.
Eia na keiki hoehoe waapa ke hoomakaukau mai nei i keia mau la, no ko lakou manawa heihei i keia mahina ae.
Ua hoopai ia o Mr. a me Mrs. Kivini he hookahi haneri dala pakahi no ka hewa kuai waiona, a e hookolokolo ia kau ana no ke kuai opiuma.
No ko Miss Eva Parker huli hoi aku i Mana, Hawaii i keia la , nolaila ua haawi ae kona mau hoaaloha ne hooluana ana maluna o ka ilikai maluno hoi o na waapa, me ka ia kou mau Pila Gita i ka po nei.
E kipa nui ae e na makamaka, e kuai i na kamaa aulii ma kahi o Makanani, alanui Papu, he oluolu ke ku kumukuai.
Ua hoike mai o Kauka L. Aki na i kona manao oluolu ma ka hooemiana i ka uku o ka nana ana me ka lapaau ana i na mai a me ka uku o na laau lapaau.
E awiwi mai ka poe e makemake ana e loaa ko lakou kii pastel e hana ia nei e Mossrs, Westfall Requa. He ku keia i hana ia me na wai hooluu e like ai ka helehelena a me ka ili me ko ke kino maoli. E haalele ana laua no ka huli kaahele ana ma kahi okoa aku, ma ka la 15 o Augate. Nolaila, o ka poe mea Kii e eleu mai lakou i hiki ke hoonui a ke pai a pona ia iho a like loa me ke kino maoli.
Eia ke Kuai hoenui nei ka Hale Kuai lole o Egana n@@ Alanui Papu. Ua iho ka nani he @@@e i ka emi o ke kumukuai. Ke ka@@@ awai iho la no ia a na Pukiki kane, wahine a me na keiki.
-
Kii Makana
-
A ka Nupepa
Ka Oiaio.
I ka poe uku mua i ka uku makahiki o ka Buke VII e hele nei, e hiki mai ana ma ka Auseteralia o ka ka la 27 o keia mahina.
He Kii keia o ka Moiwahine e noho ana me kona kahiko alii piha maluna o kekahi noho me ke Kalaunu.
E loaa no keia kii maikai o ka Moiwahine i ka poe aloha io iaia, e ake ana e malama i Kona mau helehelena ma ko lakou mau home, ma ka uku mua ana i ka uku makahiki o ka nupepa i ka pau ana o ka la 30 o Iune, 1895.
John E. Bush.
Luna Nui ka La Me KO
-
MAI POINA! MAI POINA!
-
-I KE-
-
KUAI HOEMI
KUAI HOEMI
KUAI HOEMI
NO KANALIMA-KUMAMAKAHI
LA, MAI IULAI 13 AKU
Ma kahi o
J. J. EGAN,
Alanui Papu.
Jul 13 tfd
-
HE LEO ALOHA.
-
Ke noi ia aku nei kou oluolu e hoihoi i kela lei Pikake i loaa ai ia oe ma ke awakea Poaono nei ma Alanui Moiwahine kokoke i Alanui Puowaina i ka ona nona ua lei la ma Honuakaha ia Mrs. Keawehaku, a i ole i @@ makou nei Keena nupepa a e loaa no ka makana kupono.
juis tfd.
AINA KUAI
-
He aina kuai kupono no ua Hale Noho ma ke Kaona nei.
-
Ke poloai ia aku nei ka poe makemake i aina pa hale no lakou, ua, makaukau ka mea nona ka inoa malalo e kuai aku i kekahi mau apana pa hale ma Alanui Liliha no ke kumukuai makepono. Aia keia wahima ka aoao hema o Alanui Liliha, oia kela pa hale i nohoia iho nei e J. Simonson i make iho nei, mauka ponoi o kahi o Kapena Tripp. Ua mahele ia he elima pa o keia wahi i hiki ai i ka poe uuku o ka loaa ke kuai i aina no lakou.
No ua mea e pili ana, e ninau ia
TERESA OWANA CARTWRIGHT.
Honolulu, Augate 7, 1895.
aug7 tfd.
-
OLELO HOOLAHA.
-
Owau o Kapea Mu, hemeia i loohia i na poino a ka mai, he mau puu elua ma ko'o mau uha, aohe manaolana no ke ola, a@@ mamuli o ka Dr. L. Akina lawelawe ana, ua loaa ia'u ke ola. Nolaila, ke hoike aku nei au i kuu lahui aloha, e naue mai e ike iaia, i pau kuhihewa.
E loaa no ia ma ke Alanui Hotele Helu 317.
Kou oiaio
KAPEA MU
Iulai 24, 1895
jul24 Journal.