Ka Oiaio, Volume VII, Number 23, 9 August 1895 — Page 4
| This text was transcribed by: | Phyllis O'dea |
| This work is dedicated to: | Kumu Shawna Alapa'i-Mahalo a nui loa for that you have given me and continue to give me. |
Ka Oiaio.
NUPEPA KA OIAIO.
----
J.E. BUSH, Lunahoopono@
---
O KA PONO KA AIALII E OLA AI KA AINA.
----
POALIMA, AUGATE 9, 1895.
----
UA MOOPAU WALE’IA.
----
Mamuli o ka noonoo maikai ana o ka Loio Kuhina Kamika, ua noi aku oia i ka L.K. o ka Aha Kiare, e hoopaaia ka hihia o ke aupuni Repubalika Hawaii kue ia J.E. Bush, hoopii ia no ka ohumu kipi, a pela no hoi ma ka hoopii a F.J. Testa. Ua oi aku ka naauao o keia hana a ke aupuni mamua o ka nahoa wale ana me ke mumu koikoi ale, a hoopau Manawa wale.
----
UA HOLO LIKE AKU.
----
Maluna o ka mokumahu ka Warimu i kau like aku ai o Kekia Wodehouse. Hon. Ake S. Cleghorn, a me Kakela He akoakoa ana keia o na kanaka o na manao like ole, e pili ana i na mea i hana ia ma Pae Aina Hawaii, iloko o keia mau makahiki pokole i kaahope aku la.
----
UA UIHA KE KUHINA WAI-WAI
----
Ua lohe wale mai la makou ua taea ke Kuhina Damon i ke poonui ana e lawa ai ked ala e hookaa mau aku ai i na lilo o ke aupuni. E like me kana hoike, ke komo mau nei kakou iloko o na aie ana i mea e hiki ai ke lawa na uku a me na hoolilo ana o ke aupuni.
----
TUREKE ME NA AUPUNIPUNI
----
Mamuli o ke koi a na aupunipuni nui o kea o, na kaohiia o Tureke, mai kona hookuukuu ana i kona poe koa ma Armecia aole e luki hoomainoino ia lahui. Ua ae maila ke aupuni Tureke a hoomaemaeia kana mau hana no keia aina aka, me ka hoonunuha no nae a me ka hookamani no paha kekahi, Ua hookohuia aku la kekahi alii Tureke e hele e hooponopono i ka noho ana ma Armenia, e kahikiuhiia a ku e na mana nui o ke ao.
----
LAPANA A ME RUSIA
----
Mamuli o ko lapana hoomau aku e malama i kona kulana aupuni, i hoao ia e hoemi iho, mahope o kana kana ana ke Kina, ua ano kuemi hope iho o Rusia ma kana mau hana pulapu i hoao ai ia Iapana. Me he la, i ka wa o Gerema ma i haalele ai i kona hui ana aku me Rusia laua me Faran e hoopahua ana ia Iapana, ia wa o Iapana i hooikaika ai e kiai paa i na pono a pau i ao ia malalo o ke kuikahi me Kina, e hoolilo ana iaia na hooponopono a me na alakai ana ia Korea ma ka noho aupuni holomua ana, ka me hoi a@ Rusia i keakea ai. He mea maopopo, ua paa aku la ka papa konane hoonohonoho kaua a Rusia me Farani, i keaupuni o Enelani. He wawa le no nae ko keia akakuu ana o ka manao kaua o Rusia me Farani. O ka lili a me ke koko o na mana o Europa ke kumu e nui mai ai o ke kaua ma keia hope aku, me ka loihi ole aku.
---
UA KI AKU KI MAI
----
Ua kipuia aku la hoi kekahi moku ahi holoholo @alea e kekahi manuwa Sepania. Ua kipuia mai la hoi ka Manawa a ua ku kona kia hope a ua hina ilalo, a no ka holo o kona hoa paio ua loaa aole aku la hoi oia. He Amerika ka hae o keia moku holo lealea.
----
KE KAUA KULOKO O TUREKE
----
Ua loheia main a hooauhee ia ka pualikoa aupuni o Tureke e ka poe kipi o kona apana a mahele aina o Man@donia. He kaua kuloko keia e hoike ana i ka onawaliwali o keia aupuni, a me he la, he la wale na a e lilo ana keia aina i kahuna hookahe koko no na mana kaua o Europa ma keia hope aku.
----
KE HOLOMUA NEI.
----
Ma ka hoike a na huahelu e pili ana i na lilo a me na loaa a ke Alahao Kaa Mahu o Oahu, i hoike ia ma ka nupepa Time, na ike ia , ua puka ka hui kaa mahu, aka, no ka hookaa ana i ke dala a ka poe i aie ia ma ka hoopaa hona ana aku na dala puka. Ke hanoli nei makou i keia, no ka mea, o ka puka ana o na hana e holomua ai na hana a ka lehulehu, ma ka hookokoke ana mai i ka makeke e lilo ai ka lakou mea kuai, he pomaikai hookoa ia no ka aina.
----
KA HOIKE A KAKINA.
----
Ua hoike ae la o Mr. Kakina i kona ike e pili ana i ka home ana i kekahi laina uwea telegarapa moana e pai ana ma Hawaii nei.
Ua hoike nui mai la oia I kona manao e pili ana i na mea ihanaia i na la i hala, a na pa’ipa’i mai la hoi, o keia ka wa kupono a ke aupuni Hawaii e hoomaopopo ai i kana kokua no na laina e hoomoeia aku ana paha ma keia hope aku.
----
KA AHA HIMENI.
----
Ua mahaloia ka Aha Mele kokua i na ohana a me na pio aloha aina, i haawiia ma Kaumakapili, koe aku na hana a na makamakaia ia ka mana ae e lilo ka luakini no na hana o keia ano. Ua maikai na mele a me na hookani pila ana, ua piha ka hale; a ua mahuahua na wahi dala i loaa mai. Ua loko maikai na mea a pau koe aku kekahi mau hoa o ka Aha Kamu Malam a Waiwai, nona ka hapanui i hoolilo ihu e ukuia aku, he hapaha o na loaa no ka pono o ka luakini He hana keia i kulike ole me ka mea i oleloia e ke Anua, e haawi me ke kii hou ole aku.
----
NA LONO HUIKAU.
----
He nui na lono huikau @kela a me keia ano, i puai ae ai keia mau la iho nei, me na huaolelo kohu huahua kai ka paia lewaia i o a ia anei, e i ana, * * *
I ko makou lohe ana i keia mau lohe, ua komo iloko o makou ka haohao mahea mai nei la hoi keia mau lono i loheia ai ma ke kai mai paha, ma ka mauna mai paha, mawaena ae no paha, a i ko makou hookuku ahan, ua ike makou he mea hui wale ae no.
Nolaila, e na hoaloha a me na makamaka e hoopau loa i kela mau kanikani aula ana, oiai he aka wale no ia, e hele pu aua me ke kino, he mea hiki ole ke paa i ka lima ke hopu aku, oiai he mea kino e waiwai ai ka hooikaika ana.
Nolaila, e hoolohe i keia leo, e na kini o makou, oiai o makou o oukou ia, a o oukou hoi no makou ia @ pale i keia leo o p@ ino m@ auanei ka iwi.
----
UA HULI HOI AKU
----
Ma ka Warrimoo o ke aliialii Poaha nei, ua hula hoi io aku la no o Kekina Wodehouse a me kona ohana no ko laua aina hanau a oiai hoi, ua pau kona lawelawe ana i ka hana a kona aupuni i hookauwa ai ia ia ma na kaiaulu o Hawaii nei, no na makahiki he kanakolu a oi o kona paa ana i kela kulana kiekie he Komisina no kona aupuni, ma ke aloalii o Hawaii nei.
Ua lawelawe oia i keia kulana no ka pono o kona aina hanau, i ka wa e noho alii ana o Kamehameha IV., ke ole makou e kuhihewa.
O kona hoopono a me kona makeeia ma o kana mau lawelawe ana la, oia a mea nana i hoonipaa aku i ke aloha kanaka iloko o ka puuwai o ka moiwahine o ke aupuni Liona o Enelani, ke kumu o ko ka moi kauoha ana mai ia ia e hoi e ai i ka mokaikai a kona hoomahawanui i imi ai a hiki i ka hoomaha ana ma kela ao.
O kana mau hana makamakaia kakou ka Lahui Hawaii, oiai ko kakou mau la o ke kupilikii o ka hookahuli aupuni o ka 1893 oia kekahi uwao nana i kaolii i ka lana ana o ke koko o ke kanaka ma na alanui o ke kulanakauhale o Honololu ma o kona ku uwao ana imua o ka Moiwahine Liliuokalani ke ole nae makou e kuhihewa ma keia kamailio ana.
A pela iho la i makiaia ai kaua mau hana maikai iloko o ko makou mau puuwai a hiki i keia la Nolaila, na ke Akua e malama ia ia a me kona ohana a hiki i ka hehi ana i ka lepo o k@ lakou aina hanau. Aloha no!
----
KA PUALI PUHIOHE LAHUI.
----
Ma ke ku ana mai o ka Alameda ma ke Kakahiaka o ka Poaha nei, i loaa mai ai ia makou na lono e pili ana no ka Puali Puhiohe Lahui Hawaii, eia lakou k eke kaukoe ala maluna o ke kaaalii no na mokuaina hikina o Amerika Huipuia.
E like ne na lono i loaa mua mai ia kakou pela makou e hoike aku nei, ke hahai mau ia ala ka lakou huakai e na pomaikai ma na wahi a pau a lakou e haawi ai i ka lakou mau Aha Mele.
Ua haawi lakou i na hooikaika ana a pau e hooiaku ai i ka inoa maikai o ko lakou wahi aupuni uuku ma ka haku ana i na mele Hawaii, ka mea hoi a ko Amerika poe i lohe ole ai mamua a o ko lakou ikemaka keia.
Ua kappa nui ia ka Bana Lahui Hawaii, e ko Kaleponi poe, a me na wahi a pau a lakou i hele ai i ka loa a me ka laula oia mau aina, he “Bana Dala,” ma o ka uku ana la i ked ala e hiki ai e ike i na mea a pau e hanaia ai e na opio Hawaii.
O ka makou wale no kalokalo ae nei, e uhaiia ka lakou huakai e na pomaikai he nui, a e malama mau hoi lakou i ka inoa maemae o ko lakou wahi Paredaiso iloko o ka Moana Pakipika i ku ai no ka kakou kaena ana “o Hawaii no ka oi.”
Ke ole e halawai me lakou kekahi makapaa, alaila, e ike ana lakou i ka Hale Keokeo o ka Peresidena Kalivalana a e lulu lima pu hoi me ia, mamua o ko lakou huli hoi ana mai i na kaiaulu o Hawaii nei.
He maikai no ke ola kino o na mea a pau o ka Puali Puhiohe, a aia lakou a pau malalo o ka Libornio mau houhene ana.
----
NA NUNENUNE O KELA MAU LA.
----
Ua lilo na koi poho ana a na aupuni nui e pahola nei ma kela a ma keia wahi o ka honua, i mea hoopilikii i ka poe a paa ana i ka maua hookele aupuni iloko o ko lakou mau lima, i mea e ono ole ai o ka lakou ai, a e hiamoe ole ai hoi o ko lakou p@.
E hoomaopoia, o ke koi poho a Enelani, i kahi aupuni uuku o Nicaragua, nona ka lahui i kapa ia he poe Makika, ua hoa mai la lakou e hole i kinohi, a@, ma ka hope, aole e hiki ia lakou ke hole.
Oiai, ua lawe kapkoaia ka mana a paa iloko o ka lima o ka poe o Enelani a onouia mai la na pualikoa o luna o ka mokukaua a paa i kahi e hoohuia ana ka waiwai o ka lehulehu a o ka hope, ua hookoia ke koi a nap au i ka ukuia.
Pela hoi kakou e lohe a e ike nei i keia mau la, ke kokoke aku nei ko kakou mau kapuai wawai e like me ko Nicaragua a ke hoao kakou e hoopaakiki iho, ma o ko kakou poe la kana e hookele nei i ke kaulawaha o ka mana aupuni, alila, aohe hana nui e ae a ka mea nana i koi mai o ka hoolele wale mai no i kona mau pualikoa, a papani iho la i ka makaha o ko ka@ mau loaa a o ka pau no ia.
O ko makou manao koho wale no keia na ke au o ka Manawa e hoike mai i ka mea pololei.
----
HE OPUU MAKAMAE.
----
Ma Aala ae nei, Augate 1, 95, ua hanau mai la mailoko mai o ka puhaka o Rose A-Ku, he kaikamahine nui nepunepu, nena ke kaumala o 15 paona. He mea nani keia i haawi manawaleaia mai e ka lokomaikai o ke Akua, oiai hoi na olelo ai a ka poe hooiloilo e nalo loa ana keia lahui. Aka, aole nae pela ko ke Akua makemake. O ka hooulu kana, aole o ke kinai. He maikai a mohaha ke ola o ke kama hou, a ke kalokalo ae nei makou e hooli@ia aku na la o ke kama hou i puka mai la i ke au malamalama. Pomaikai kakou, ina pela na wahine Hawaii a pau e hoohua nui mai ai i ke kihapai ohana.
----
HE HOOKUKU PUHI OHE.
----
I KA LA 20 O July i hala akula, oia ka la e hookuu ai ka Bana Lahui Hawaii, me ka Bana helu ekahi o Cigago, ka Bana hoi nana i lawe ae i ka hanohano o ka puhi ana i kekahi mele kaulana loa o ka Repubalika o Amerika Huipuia, a oia keia, “Linekona Paka.”
Oiai, he nui na loea puhi ohe o kela wahi, keia wahi o kea o nei, i ake e lilo keia mele, aka, aole loa i lilo iki a hiki i ka la 20 o July, ka la hoi a na kanaka Amerika i olelo ai, e lilo ana ka la i ka Bana Lahui Hawaii.
Oiai hoi, ua hoohilolo aku lakou i na Bana e ae a pau, o ua Ripubalika Nui ala, a lilo i mea ole loa, a koe wale no ua Bana helu ekahi ala, ke pookela hoi o ke ao holookoa, nona ka huina o ka pie puhi ohe he 350.
O ka rula o keia leo mele, i na i ka wa e hookuku ai, a i lilo i ka mea e lilo ai, alaila, nana wale no e puhi no eono malama, aole e hiki i kekahi man Bana ea eke puhi, a e loaa no ka uku makana o $15,000, mawaho ae o ke mele.
Oiai, o keia mele, na ka Peresidena Aberahama Linekona ponoi no i haku mahope iho o ka lanakila ana ma ka puu kaua o Banaka Hila, iloko o kela kaua huli amahi o ka Akau a me ka Hema.
A o ka makou e puana ae nei, e lilo ana ka hanohano o ka la ia oe e Hawaii iliulaula, a me he mea ala, aia ke haahea ala, na oiwi ponoi on e Hawaii i keia la, a e mau ana ke o ana o kela olelo kaulana a Kalakaua I i hala, e i ana “O Hawaii no ka oi.”
Ke manao io nei makau pela, a me he mea ala no ua hiu ia mai la e na keiki Hawaii a wela, lawe no a lilo, oia ka mau.
He hookahi makahiki a @ e hele ai, alaila, huli hoi mai i ka @pana o ke kino.
E Hawaii iliulaula e, e @ aku i ko oukou eleu, a me ko oukou makaala ma na mea a pau, a e malama pono hei i ka inoa laahia o ke kakou aina kalaiwi.
E ola Hawaii i ke Akua.
He iwakalua ka nui o na kukawahine kula e noho ma ke kula o Kawaiahae.
NU HOU KULOKO
----
Ua hooholo ka Ahaolelo na kupono no Y.M.C.A. e @ ka au@.
Aia o Wm. G. Irwin me ka@ wahia i Parisi i keia Manawa.
E kudala ia aku ana na pono hale o Mrs. Makale Higgins, a e hoi loa aku ana pana oia i Amerika.
Ua pae maalahi aku la o Prof. Berger i Nu loka, a e holo loa ana no Geremania.
Oiai kekahi mau taata e hakoko paani ana, ua kahuli iho la ke kuekue wawae o kahi o laua, a i ano@ ia ka mea i kiki ai i kauhale.
Ua paa na mea a pau o ka Y.M.C.A. hou, a pau aku la na bake a me na mea heluhelu i ka hoihoi ia aku ilaila.
Ua hoike mai la o Kanka Russell o Waianae i loaa pono ole o ka ai a me ka aahu i na kanaka o ka hema oia paha ka poe Lelewa.
@ mai nei hoi keia, a ua olelo mai nei ka o Nalimaapa no ke kau o ka weli i na kupueu o ke kai.
Ua huli pu iho la ke kaa hehihehi wawae o kekahi opio ma Alanui Papa inehin@, ma o ka haki ana o kahi e paa ai o ka lima.
Ua hio mai la ia Arundell ke pailaka ana o ka Warimu o@ o Kapena Bird ua noho no ka m@ o ka wahine.
Ua hoike mai o Kauka L. Aki na i kona manao oluolu ma ka hooemiana i ka uku o ka nana ana me ka lapaau ana i na mai a me ka uku o na laau lapaau.
E haalele iho ana no Amerika o Fred Peterson ma ka Monowai o ka la 22 o keia mahina no ne komo ana i ke kula ao uanawai o Yale.
I ka la apopo e hiki mai ai o H.R. Hikikoki mai Molakai mai, no kona lawelawe ana i kana hana Hope Ilamuku.
He nui ka poe e upu ia aku nei e hiki mai ana ma ke Kinau o keia la, no ka mare o Miss Numann me Mr. Focke, ma ka la 7 ae nei.
Pehea ana la o mama ma, e hiki ana paha i ka mele go round i ke ahiahi? makau nae au o lepo kuu palekoki mahope ike o mama ia’u huhuia au.
Mai hoohala i ka Hale Kuai emi o na lole Kane, o A.L. Timmons, Alanui Beritania, Barrington Block. He kohu haawi wale ka lole.
Ke makemake nei o Kauka Wahie e hoopau loa ia ka loaa ana o ka laikini lapaau ma Kauka Pake, o poino auanei lakou, i ka pau loa o ka poe ma’i ina Kauka Pake.
Ua hole ae la o W.R. Kakela aole he oiaio o na oleloia he kuleana kona iloko o ka nupepa Avataisa a aole no hoi ona kakau i na manao e puka nei ma ia nupepa.
Ua hole ae la o Kanikela Waila, aole ona hilimai i na olelo e hoolaha ia ala no ka holoana mai o 2000 kanaka i keia mau mahina ae nei, e kaua ai ia Hawaii nei.
Iloko no ka ua me ka makani aole no nae ia he mea nana i hookuemi hope ihop ai@ ke kani aha o ka leo o ka Pahu a me ka ole a na koa o keia @ la.
Ua loaa mai ke kahi lela ia nei e hoike mai ana aia ka Bana Lahui i Kikako kani i paani ai i keia Manawa, a mai laila aku e holo ana lakou no Nu Ioka. O Prof. Libornio no ko lakou alakai, a he @ no hoi ko lakou ohohie ia.
Ua nui ke kuee o na hoa o ka pu ali kikipololei, a ua olelo ae la kekahi o lakou, ke hooko oleia ka lakou mea i makemake ai, alaila, e haalele ana lakou. Na lakou no ka lakou e hoomokuana iho. Heaha la ka hoi, make no ka hei o Mamane i ka i’o ponoi.
O na poe apau e kaaloaku ana ma kela huli o ka poepoe honua, a haalele iho ikeia ae mauleule, e kipa ae ka poe ola i kahi e Uilama ma, ilaila e loaa ai na holowaa maikai, a makepono hoi.
E awiwi mai ka poe e make make ana e loaa ko lakou ku pa@ e hana ia nei e Messrs. Westfall Requa. He ku keia i hana me na wai hooluu e like ai ka helehelna a me ka ili me ko kino maoli. E haalele ana laua no ka huli kaahele ana ma kahi oukou aku, ma ka la 15 o Augate. Nolaila, o ka poe mea Kii e eleu mai lakou i hiki ke hoonui a ke pai a pe@ ia iho a like loa me ke kino maoli.
Ua @eheia ae ua kahea ia na puali koa a e koakoa ae niu ka Pa alii ma ka po Po@ no, hele he oiaio.
Eia ke Kuai hoemi nei ka Hale Kuai lole o Egh@a ma Alanui Pap@. Ua lilo ka nani he mea ole I ka me o ke kumukuai. Ke kaheawai iho la no ia a na Pukuku kane, wahine a me na keiki.
Ua waiho ia aku ka olelo hooholo hoohui aina imua o Peresidena Dole.
Ma Hamakua, Hawaii ua loaa aku ke kino make o kekahi Pake, ua pepehiia, ke imi ia ala ka mea nana pepehi.
H.R. Hitchcok o Molokai ka Hope Kamaku o A.W. Carter ka hope loio Kunina, a o E.G. Hitchcock ka Makai Nui o Hawaii.
Mai Waimea mai ua hiki mai la ka lono ua lilo aku la he Hawaii a he haole i ka wai kahe ma kekahi kahawai i ike oleia mea he wai kahe mamua, e ko laila poe kamaaina. O Kanuha ka Hawaii a o Filzsimmons ka haole.
He palapala kekahi I hiki mai I keia keena e noi mai ana e hoolaha ae, e hoopau ia ka Lunakanawai o Puna, Lupe Laimana ma kona wahi. Piai he hana keia na ke Aupuni na oi aku ke kupono ilaila e hoopu ae ai.
E kipa nui a e ena makamaka. e kua i na kamaa aulii ma kahi o Makanani, alanui Papu, he oluolu ke ku kumukuai.
----
He Leo Kahea.
----
Ke hoike ia aku nei ka lohe nu Luna lawe pepa a pau o KA NUPEPA KA OIAIO, ina he mau helu koe o ka Helu 1, 3, 4, me 5 ma ko oukou lima, e hoouna koke mai oukou I keia Keena, me ke kakau ana penei:
NUPEPA KA OIAIO Alanui Pai Palapala Honolulu Oahu,
Oiai, ua nui na kauoha nupepa i hiki mai i o makou nei, a no ia kumu keia e kauoha ia aku nei ia oukou.
MA KE KAUOHA
----
HE LEO POLOAI.
----
He leo kanaenae aloha ia oukou e o’u mau hoa i ka ua pee papohaku o’u mau hoa i ka ua pee papohaku o Kaupo a me ke kai nehe i ka iliili o Nuu. Nolaila, ma keia ke nonoi ia aku nei ko oukou oluolu e ka poe i hookaa mua mai, hookahi dala, e hookaa mai i ke koena i koe, i lawa ai na dala elua o ka oukou mau nupepa KA OIAIO. Mai kakali no keia leo aloha, iloko o keia mahina kakou a pau, e alu mai ai e hookaa i loaa ai ia oukou ke kii makana o ko kakou Moiwahine aloha Liliuokalani.
Ke hoi nei ke keiki o ke kai nehe i ka iliili o Nuu.
Owau iho no me ka haahaa, ka oukou kauwa hoolohe.
J.W. KAWAIONAPUA.
Kaupo Iulai 3, ’95.
Chas P. Colburn Carlos A. Long
----
KA @UI HAWAII HOOPUKAPUKA WAIWAI PAA NA HOAIE
----
E hoolilo nui ana i ke laua Manawa i ka malama ana I NA WAIWAI O KA POE MEA WAIWAI NA MALAMA KAUOHA NA HOOPONOPONO NOHO KAHU WAIWAI. A me na hooponopono ana ma na hana a pau o kea no hooko i waihoia i kekahi mea i hiliuaiia.
E ohi i na uku hoolimalima, ina ukupane a me na mahele loaa.
E hoolimalima a e kuai ana i na waiwai no ka uku komisina haahaa.
E hoopukapuka aku hoi na dala me ke akahai loa.
A e hoike akea aku ana hoi i ua moolelo waiwai o kela a me keia hana i waiho ia mai ma ko laua lima me ka oluolu i na wa a pau a makemakuia ai.
July7 15, 1895. lmdly.
--KE—
Kii Makana
----
A ka Nupepa Ka Oiaio.
I ka poe uku mua i ka uku makahik, o ka Buke VII e hele nei, e hiki mai ana ma ka Auseteralia o ka ka la 27 o keia mahina.
He Kii keia o ka Moiwahine e noho aua me kona kahiko ala piha maluna o kekahi noho me Kalaunu.
E loaa no keia kii maikai o ka Moiwahine i ka poe aloha io iaia, e ake ana e malama i Kona mau helehelena ma ko lakou mau home, ma ka uku mua ana i ka uku makahiki o ka nupepa i @ pau ana o ka la 30 o Iune, 1895.
JOHN E. BUSH,
Luna Nui ka La me KO
----
HE LEO ALOHA.
----
Ke noi ia aku nei kou oluolu e hoihoi i kela lei Pikake i loaa ai ia oe ma ke awake. P@ono nei ma Alanui Moiwahine kokoke i Alanui Puowaina i ka ona nona ua lei la ma Honuakaha, ia Mrs. Keawehaku, a i ole i ko makou nei Keena nupepa a e loaa no ka makana kupono.
Ju18 tfd.
MAI POINA! MAI POINA!
----
--I KE—
KUAI HOEMI
KUAI HOEMI
KUAI HOEMI
NO KANALIMA-KUMAMAKAHI LA MAI IULAI 13 AKU
Ma kahi o
J.J. Egan, Alanui Papu.
Jul13 tfd.
----
Olelo Hoolaha.
I ka Manawa e hiki mai ai o na mokumahu o ka Hui Mokumahu Waila (I kaupalei@aia) aole e ae ia kekahi mea e pii aku iluna o ka moku a pau mua na ohua iuka o ka aina, me ka loaa ole o ka palapala ae mai ke Keena aku: ke ole hoi ua loaa ka ae ia e na luna moku.
C.L. WIGHT.
Peresidena o ka Hui Moku Waila.
June 12 tfd.
----
HOOLAHA ANO @UI
--A—
Kauka L. Akina.
----
E na hoalona a me na makamaka Hawaii main a kane a na wahine, Ke poloai aku nei au ia oukou a pau e ka poe i loaa i na mai o kela a me keia ano e noho pilihua ana no kekahi Manawa loihi, a hele mai ma KO’U KEENA KAUKA ma ke ALANUI KAMIKA a me HOTELE, HELU @, a na’u e hoopau aku i ua mau kaumaha ala, ma ka ai ana i ka’u mau LAAU LAPAAU HOOLA KUPANAHA, i l@ mai ia’u mai @ mai.
Eia me a’u ka LAAU no ka hoola ana i ka MAI HOOKAAWALE OHANA, a he nei ka poe i hooia mamuli o ka ai ana keia LAAU.
Ua hiki no ia’u ke hoola i na mai @iva na mai lele a me na mai o kela ano keia ano, na mai koko ino, Akep@ i me ka hoomaemai ana i ke kino h@ookoa me keia mau laau.
He LAAU HOOHAPAI KEIKI no kana, a na loaa ke keiki a kekahi poo i mele ia haawiwa makamae no kekahi mau makahiki kahi @hope iho o ko lakou ai ana i keia laau.
He LAAU hoohemo koko ino kekahi ala a ua mahalo nui ka poe i ai i keia mau, no ka maikai a me @oluolu o kea no o ka hana e keia laau.
Ke kono aku nei au ia oe e na makamaka e kipa mai, i pau ai ko oukou ku hihewa no ka hiki oie ia’u ke hoopau aku i ko oukou mau pilikia. He al@ ko’u uku lapaa i ke oukou mau pilikia.
E loaa no au i na hoea oukou mau pilikia.
E loaa no au i na hoea a pau @ ko’u KEENA KAUKA ma Alanui Kawika a ula Hotele.
Kauka L. Akina,
Kihi o Alanui Kawika @ Hotele, @
jul@ @