Ka Oiaio, Volume VII, Number 15, 14 June 1895 — Page 4

Ka Oiaio.

NUPEPA KA OIAIO

 

J. E. BUSH. Lunahooponopono

 

O KA PONO KA AIALII E AI KA AINA.

 

Poalima, Iune 14, 1895.

 

KUHINA HOU NO KAWAII NEI.

 

                   Ua loheia mai ma ka moku kaua Bennington, e hookohu ia mai ana o Hon. James H. Blount o Georgia, ma kahi o Kuhina Albert S. Willis, e loheia nei e hoi ana.  He kanaka kupono loa o Mr. Blount no keia wahi ina io oia e ae ana. O kekahi haawina nele loa i kekahi poe, oia ka hooko i ka pono me ka nana ole i na aca@, aia hoi iloko o keia keonimana.  Ua ku kela olelo kaulana ia ia, e hana i ka pono a haule mai na lani a no kona hiki ole ke hoaui ia mai ka hana ana i ka pono, ua lilo oia he mea hoahewa a hoinoia e ka poe i ike ole ia mea he hoopono.  Pomaikai ke aupuni i na nui na kalai aupuni e like me kona ano: ua hiki loa i keia kanaka ke noho ma ke poo o ke aupuni Amerika.  a ina aole he alai ia o ka mea e like me kona ano e ka poe hoohewahewa i ka pono, he oiaio e lilo aku ana no oia ma kekahi kulana kiekie o ia aupuni.

 

MAKE O MISS HANAIA.

 

LOIHI OLE AKU KA MAKE.

 

          I keia kakahiaka nei, ua make iho la o Miss Hanaia, kekahi o na wahine opio kamakaaina o ke kulanakauhale nei.  I kona mau la opio ua malamaia oia e kona mau makuahine, oia o Hanaia makua a mahope iho me Mr. a me Mrs. Moanauli ma Aala a mahope mai ma ka pa ma ke kihi o Alanui Rikeke a me Alanui Moi.  He pule wale no a oi iki aku kona kaa ana i ka mai la grippe.  Aloha no oia a me kona ohana e noho kanikau la no kora nalo ana aku. Ua make oia ma kahi noho o kona hoaloha pumehana, Mrs. Aima Nawahi. I ko makou ike hope loa ana ia ia oia no kona ku hoike ana no ko makou hihia i hoopii ia ai me kona makua inoa kane Mr. Nawahi.

 

KA ILAMUKU HOU.

 

          Ke maopopo loa ae nei o Mr. A. M. Brown aku ana ka Ilamuku, a i na e pii ae ana o Mr. Brown ua pololei loa e hoopii like ia na mea a pau ma ia oihana he anuu ae la iluna, ina he hoi ua hiki a ua lawa na ike hana a me na ike pinana e hiki ai ke hooeuia ae maluna ao No keia ano i manao nui ia ai ka ike kumu e loaa ai ka naauao e lawa ai na anuu a pau o ka oihana.

 

KA MANAO LIKE ME KO FALB.

 

          He nui no na Porofesa a me na Akeakamai a me na Kahunapule e hooia nei i ke kokoke o ka hopena, e like e ka Prof. Falb.  I waena o na haneri inoa ua ikeia ko Prof. J. B. Dimblebey, ke Poo o ua Imi-helu Hooia Manawa o la Ahahui Hooia Helu Manawa a me Kilokilo Hoku, etc. Prof. Totten, Prof. Kelso Karter, Rev. Kinnear, Rev. Baxter, a he nui aku. Ke hoike nei keia poe a pau, ua pololei na olelo a pau o ka Buke Hemolele, a o kana hoike ua hoike ua kokoke mai la ka hopena o ka honua;a mawaho ae hoi o keia hoike hala ole, ke pakui nei na Kahunapule a me na Akeakamai i ka lakou ike ua oiaio no, ua kokoke mai la ka hopena.

          Ua manaoio makou i na olelo wanana a pau e kuhikuhi ana i ka manawa e hiki hou mai ai o ka Hoku a me ka hopena o keia ao, ma o ka na Kaula i hoike mai ai ma ke kauoha Kahiko a ma o ka Haku ponoi no i wehewehe mai ai i kana mau haumana, a i hoopaaia a hiki mai ia kakou nei ma ke Kauoha Hou, i mea e ike mai ai ua haumana kanaka i ka manawa a lakou e nana aku ai i kona hiki hou ana mai a

me ka hopena o ke ao. Ma ka pauku 29 o Mataio 24, ua olelo mai la ka Haku, penei, "mahope iho oia mau la popilikia, e poeleele ana ka la, aole hoi e malamalama mai ana ka mahina, e haule iho hoi na hoku mai ka lani mai, e hoonaueia na mea mana o ka lani."  Ua pili ke ano o na olelo a na kaula a pau no ka hiki ana mai o ka Haku ma keia, ano kino kanaka he Mohai, oia ka mua, a me kona hiki hou ana mai, he 'lii iloko o kona nani.  He keiki na ke kanaka ka mua he keiki na ke Akua ka lua o kona hiki hou ana mai. O keia hiki hou ana mai, oia ka wa i oleloia ae la e ka haumana a ka Haku, mai ka Haku ponoi mai no, Mataio 24:29.  Ka ka wanana keia, he hoike mua, ka ke kanaka hoi he hooia io aku, a oia no na mea e ikeia nei a e wananaia nei e ke kanaka, e na Prof. a me na Levi eia ke hookokoke mai nei, aia ma ka ipuka.  Ke i mai nei o Prof. Falb o ka 1899 1/4, a pela no ka Prof. Dimblebey; ka Prof. Totten 1899; a o ka Prof. Carter i ka 1900.

E nana kakou ua kokoke loa, a keia poe loea e hoonoho mai nei ka makahiki e

kuia ai keia honua i kekahi popilikia e poino ai kona Iahui kanaka. Aole he mea hiki ole i ke Akua ke hana ke piha ka ipu o kona inaina i ka hana ino a na kanaka.

          Heaha ka ka wanana i olelo ai i hookoia i keia wa?

          1. Ua ku ke aupuni mua, a ua hala ia.

          2. Ua ku ke aupuni elua a ua hala ia.

          3. Ua ku ke aupuni ekolu a ua hala ia.

          4. Ua ku ke aupuni eha a ua maheleheleia oia, iloko o umi mahele, a he ekolu o lakou e uhukiia a he mea okoa ke ku mai ana ma kona wahi. Ua ko keia, ma ka maheleheleia ana o Roma o umi aupuni, a me ka lilo ana o ekolu o lakou i pio i ka mana aupuni o ka hoomana Pope, mai ka A. D. 538, a ka piha ana o na makahiki e hanaino ia ai o na haipule iloko o 1260 makahiki, Dan. 7:25, Hoik: 12:6, 14, i hookokoke ia ai ua la popilikia la, i ka ma-1798, i ka wa i lilo pio ai o Pio VI a hoopauia ai o kona noho aupuni ana, a make pio hoi ma Farani i ka 1799.

          5. Mahope koke o ka pio ana o ka luku o keia mana i ka hoomana i lele aku,

me ka eheu o ka manu, a noho i na kuahiwi o Europa waena, ua pouli ka la a me ka mahina i ka 80, May 1920, a i ka 1933 helelei na hoku me he la he hua oo ole o ka laau fiku i iuia e ka makani nui.  Hoik 6:13 17.

          O keia helelei o na hoku i ka 1833 oia ka mua, i ka 1866, oia ka lua, a o keia a Prof. Falb e olelo nei, e hiki mai ana i ka 1899 oia ka hope loa.  E nana aku kakou i keia mau makahiki popilikia e hoomaka liilii nei, a ina i lalau makou, alaila ua pololei ole ka wauaua.

 

UA HOPE IA.

 

          Ma ka Poalua nei, ua hopu ia iho la e C. A. Brown, o Manuela ma kona hale noho ma Waiau, Ewa.  Ua kahaha oia i konaike ana mai ia Brown, a ua haawi pio mai la no hoi ia i kaua pu raifela, me ke eke poka, me kona kue ole mai.  Ua lawe loa ia aku oia no ka halepaa hao ma Ewa, a e lawe loa ia mai ana i Kalihi i ka Poaono.

          O keia Manuela, he kanaka oia i loaa i ka mai lenera, a he kaeaea hoi ma ke ki pololei, elike me Koolau, ka keiki ai manu o na Pali l Kalalau.  Mamua, ua kii ia oia e Kengsley a me na makai e hopu ia ia, a ua pakele kona ola.  Aoli I a i kii hou ia a hiki i kona paa ana mai la he pio na ke aupuni.

 

HE KIKO WAENA O HAWAII

 

          Na na oihana kalepa, he oiaio he kiko waena o Hawaii no ka moana Pakipika nei, a e lilo aku ana no oia he wahi kipa o na moku kalopa a me na moku kaua ma keia hope i oi i ko na manawa mamua aku nei, e like me ka ulu ana o ka oihana kalepa a me ke kaahele ana o na ohua ma o a maanei no ka makaikai a no ka hana, no ka imi ana i wahi e noho aku ai a i wahi e hookumu hou aku ai i ka oihana imi waiwai no lakou iho.  Eia ka maka o na aupuni ke nana nei i ka mea mamua aku o lakou ma na aina a pau i mea e pono ai ko lakou lahui kanaka, a ma o lakou e hooulu mau ia ia ka waiwai no ke aupuni.  No keia kumu eia na aupuni o Europa ke mahelehele nei i na honua no lakou iho, o na aina oi loa aku ma keia hana oia

@o o Enelani, Rusia, Geremania, Farani, Italia, Potugala, a me Denemaka. Eia hoi o Amerika ka hoeueu nei e hoohalike aku me ko Europa.  Eia hoi o Iapana ke ala mai la ke imi hou aku la e hoomohala hou aku i kona kahua hooulu lahui a hooulu waiwai,  a he mea maopopo loa, eia ke aupuni hae degona, Kina, ke ike nei ua hala ka la ona e kipu kuhihewa ai, ua hiki ia ia ke noho pale mai i ka nee ana a ka malamalama, a e hoole i ke komo pu ana e hoohalike i kana mau hookele aupuni ana me ko na aupuni e holo nei ma o a maanei o ka honua i na lahui a me na aina o hiki ana ia lakou ke lawe no lakou iho.  Ua ala mai la ka uhane kuko o ke diabolo iloko o na lahui kanaka, e hao, e powa, e pepehi a e luku aku luki mai mamuli o keia mea he imi waiwai, a i ka wa e ike ia ai o keia uhane ino iloko o ko ke ao, oia no ka hookoia ana o kela olelo eia ke diapolo ke hoowalewaleia nei i ko ke ao e like me he liona hae la.  Ua komo mai la keia uhane kuko, a ua haalele mai la hoi ka uhane maikai iloko o kanaka, ke mea e kaohi ana ia kakou mai na manao kuko wale mamuli o ka manaoio aku i ka olelo Akua.  ke haaleleia nei ka manaoio, a ke hele nei ke kanaka ma o ka gehene, a no ia mai ke kumu e pakaha waleia nei na aina o na aupuni liilii a me na aupuni Kahiko o Aigupika.  Abesinia, Morocco, Nubia, a me kekahi mau wahi uuku e ae.  Ke ike ia nei keia uhane aihue o na  aina malamalama o Hawaii nei a me na mokupuni a pau o keia moana, mai ka Akau a ka Hema, mai na aekai ma ka Hikina a me ke Komohana.  Aole wale hoi i ka Aia keia uhane, aka, ua komohia puia iloko o na haipule, a ua lilo o lakou ka poe oi loa aku, ka paionio nana e komo na aina e like me na kiu e komo ana i kanaana, a na lakou e hoike aku i ka waiwai a me ke kulaua o kanaka, a e hoolaha i na hana pakaha wale me ko lakou mau aupuni.  Ua komoia mea iloko o kaia lahui, he haole, he kuko e lawe wale ana ina e hiki i ka wa a kona maka e ike ai i kekahi aina maikai, a mea maikai e ae paha, o ke ano kino ola a me na mea ulu a me ka honua.  Koe aku la ka poe haipule manaoio maoli, a oia poe aole paha he 100,000 ko lakou nui iloko oka 1,500,000,000 iloko o ka huina nui o na kanaka o ke ao.

          Mamuli o keia manao hapuku o ka hapa hope o keia keneturia, ua lilo ko kakou kulana kiko waena he mea i manao nui ia e na lahui ikaika o ke ao, a no ia mea oia hoi no ia pomaikai nui i loaa ia kakou ua lilo hoi he mea e hoopilikia ai i ka Lahui Hawaii Ponoi.  Ua ane like kakou me Aberehama, ua lilo ka ui o kana wahine, he mea popilikia ia ia iwaena o ko laua noho ana iwaena o ka poe uhane ole.  Pela o Hawaii i keia la, a pela no na wahi e ae, a na lahui nunuia ikaika e ike ai he nani, a he mea e pomaikai lakou.

          Ua loli ke au o ka noho ana, ua piha ke ao i ke ino, a no ia kumu eia ke hookokoke mai nei kona palena e hiki ai ke hoomanawanuiia, a nona ka hopena e  ike wakeia nei e hiki mai ana iloko o keia mau makahiki pokole e wananaia nei.

 

Na Kaua

 

          Ua hoomakahou ke kaua ma Fomosa, a me he la, ka hoomau iho la no ia o ke kaua o na lahui, a hiki i ka ulupuni ana o ke kaua ma ka poepoe honua, e like me ka olelo a ke Akua (Dan., 12.1.), a iloko o keia kaua ana e ulu mai ana na poino a me a popilikia maluna o na lahui kanaka ma na ano lehulehu e like me ia i ike ia ma Aigupita, ma Sodoma a me Domorah, a i ka wa o Noa, ke kanaka hoopono. Wahi o Iehova. "Aohe e noho loa ana kuu Uhane me kanaka, no kamea he kino no ia: aka o kona mau la ma keia hope aku, he haneri makahi ia a me iwakalua." He oiaio loa, ke nana ia ke hana a ka lahui kanaka o ke ao nei, ua aneane maoli non ua haalele mai ka Uhane Hemolele i ko kanaka a eia oia ke hilinai nei i kona ike a me kona ikaika kanaka malalo o na alakai hewa a me na kokua ana a ka Uhane Haukae. Ma ka Baibala haole, penei ka olelo "Aole e hooikaika mau ana kuu Uhane me kanaka." ma keia e hoomaopopo iho, ua ao ia aku ka lahui e Noa, he 120 makahiki, aka aole lakou i hoolohe mai, a no ia kumu ua hoopai ia lakou oia wa, pela no hoi kakou o keia wa, ua ao mai o Karisto, ka mea i oi ae la. Noa, ma Mataio 24:29, Luka 21:25,26, e kiai kakou i na hoailona o kona hiki hou ana mai a me ka hopena, aka aole ko ke ao i hoomaopopo i na hoailona i hiki mai e hoike ana aia oia ua koke aia ma na ipuka, oia hoi keia.

          (1) Ua pouli ka la a me ka mahina, May 19-20, 1870, nona ka piha ana o namakahiki i ka 1900 e hiki mai ana, ka makahiki a Porofesa Falb, a me kekahi poe e ae, e olelo nei e hookui ana keia honua me kekahi hoku welowelo e ike ia nei iloko o na poai helu makahiki he 33, a i ike mua ia hoi i ka 1866 e ko ke ao nei, e hookokoke ana i keia honua.

          (2) Ua helelei na hoku i ka 1833, oia ka helelei nui, i ku e like me ka olelo wanana, me he la, e like ma ka lu ia ana o na hua piko ma ka laau piku, e kekahi makani nui; ua ike ia hoi keia hoailona i ka 1866, a e ike hou ia aku ana no i ka 1899, wahi a kekahi o na Kilokilo hoku. Ma ka pauku 33 a me 34 o Mataio 24, ua olelo ao ia mai kakou penei: "Pela hoi, a i ike oukou i keia mau mea a pau, alaila, e ike oukou , ua kokoke mai oia, aia ma ka ipuka. He oiaio ka'u e olelo aku nei ia oukou, Aole e hala aku keia hanauna, a hookoia no keia mau mea a pau." Mai ka ike mua ia ana o ka hoailona ma ka lewa lani i ka 1833, ahiki i keia la he kanaono-kumamalua makahiki ia, a he kanahiku aku hoi ke ana o ke ola kanaka i haawiia mai ia kakou.  Nolaila, aole io i pau ka hanauna i ike i ka helelei ana o na hoku i ka 1833, akaua koe iki nae, ma ke ana o ko ka hanauna ola ana, i ka hookuikui ia ana o na mea a pau, ua hewa anei ka ike o na kilokilo a me ko na akeakamai, a me na haipule e kuhikuhi nei, ua kokoke mai ua la 'la, a ke Keiki a ke  Akua e hele hou mai ai i keia honua iluna o na ao kaalelewa o ka lani, e lawe ola aku i ka 144,000 i noho hemolele me ka hoino ia nona no ka hooia ana e hiki io mai ana oia?  E hoohenehene ana ka aia, a ua ike lihi iho makou ia ano iloko o kekahi mau nupepa Hawaii a me Haole o keia wahi, aka aole ia he mea hou i ka poe e imi ana me ka iini a pau a e manaoio ana i ka ke Akua olelo hemolele.  Ua hoino ia ke Keiki a ke Akua i kona wa, pela no hoi na Kaula, a ua oleloia o Noa, he elemakule pupule a he hoopunipuni, he 120 makahiki, aka,a oia nae a me kona ohana kai pakele, a ua lukuia ko ke ao a pau e ka wai, pela no hoi ka poe hoowahawaha ma keia hope aku, he ahi ka mea nana e holoi aku ia lakou e like me ia i holoi ia ai ko Sodoma a me Domorah. E koho kela a me keia nona iho, e kiai a e makaala!

 

KA LA HANAU O KE KAMA

 

          Ma ka la inehinei Poaha Iune la 6 ua haawi ae o Mr a me Mrs. K Puahi he paina la hanau no ka laua makahiapo, ka hua mua hoi o ke kihapai pua o Elenale, a ke Akua i hoopomaikai maiai ialaa, ma ka olu kohai o ka malu lau niu o waikiki, kahi hoi o ko laua Kakela iu ano iku ai.  he makalapua nahiohiona oke kama nona ka la, Ua kipa aku ka Makai Kiu Lau Omaomao e ike kumaka i na kokohi kelekele a ka puukolu, aua ike oia ua hele ahihimanu na ono apau, aohe mea hoohewahewa a Kauanahua ua ohi ia mai a akoakoa na on olike ole oke la ano, a me keia ano,

          A ke kalokalo a e nei makou eu hai ia na la o ke Kama ena pomaikai henui.

 

KA LEO O NA MAKAMAKA

 

          Mamli o ka nui o na leo iku-a o na makamaka heluhelu, o KA LEO a me KA OIAIO, e noi mai ana i ka Moolelo o ka Makai Kiu kaulana Lau Omaomao o Misouri, e hoopuka hou ia aku ma na kolam o KA LEO a me KA OIAIO, e like hoi me na la i aui aku nei. Nolaila, mamuli oia mau leo Poloai, ua oluolu makou e hoopuka hou aku no ka pomaikai o na mea apau, ke loaa ke ko a kupono nona e haulani hou ai. A, nolaila e uumi iho ka ono oe na makamaka i ka poi u'ou'o kaohi puu a ka eueu o na kakai pali nihoniho o MIsouri, a oili pulelo hou aku ke ahi lel a ka Maile.

          A ma ko oukou aoao hoi e na hoa'loha, e eleu mai hoi oukou i na poke pua, imau ai hoi kona eleu.

          Me ke aloha nui

          D,M, PANINI. Jr.

 

K Hoike a ke Kiu

Aia i ka Ehuehu

Huliamahi Kaleponi

I NA PUUKANI HAWAII

 

          Ua lilo no hoi ke puhi a me ka hoau mua ana ih o la o na kileo kani o na opio Hawaii ma ka home noho o ka Ona Miliona o ke Kulaokamaomaa i ka mea keaka nui ia ma na wahi a pau o ke kulanakauhale o Kapalakiko A ua hiki no ia oe ke lohe aku i ka lakou mau kamailio ana, ma kahi akea a malu paha e akena ana, i ka nani a me ka mikioi o na lawelawe ana a keia poe i ka lakou mau mea kani.

          AHe mea hoi i ike mau ole ia ma na anaina puhiohe oia aina, ka hookomoia o na leo mele, i ka wa e pau ai ke kani kapalulu o na ohe.

          O na mea hiaai nui o ko onei poe ma ka'u hoomaopopo aku i ko lakou helehelena, oia no na mele Hawaii hookapalili uuwai e like no me ka hiaai o ko kakou poe malaila, he oi loa aku hoi ko keia wahi, aole e hiki ia lakou ke noho i kahi hookahi me he mea la, e nahuia ana ko lakou mau papakole e ka ukulele.

          E like no me ko oukou kamaaina hana a a keiki puiohe ma ka aina hanau.  ma ke mele ana i na leo mele, pela no hoi ma Kapalakiko, he hookahi no mea nana e puana i ke mele ma ka pauku, a hiki i kahi o ka Hui, oia ko lakou wa a pau e kuupau ai i ke kani o ko lakou mau kileo me ka ulumahiehie, e hiki ole ai i ka mea makaikai ke hoohalahala aku.

          Ua hookuu ia ae la na hana o keia po, me ka nui o ka hauoli o ka poe i hiki kino ae malaila, a e olelo ana hoi kekahi poe he oki loa io no ko Kapalakiko mau wahi Bana Puhi ohe, aole lakou i komo iloko o o ka helu kiekie he pololei kela pane.

          Ua hui aku la ka lehulehu a pau i akoakoa mai i keia po, a na lakou hoi i hoike aku i ka poe i hiki ole mai i ka po o ka la apopo oia na po mua loa a lakou e wehe ai i aniana puhiohe no kolakou mau pono iho.

          Ua hiaa na maka o kekahi poe, mamuli o ka haanuiia ana aku, he poe akamai loa lakou a pau, aole he hookahi mea hemahema o lakou, he poe lae ula wale no, a ua makepono hoi ke dala ke lilo ia lakou, mamuli o ka maikai o na hana.

          Ma keia wahi, ua haalele aku la au i na poe keiki ai pohaku la o Hawaii, e liuliu ana e hoi no ko lakou Hotele, a eia hoi au ke kamoe nei i ko'u alahele no ka Baldwin Hotele, a he nui loa hoi ka poe e huli hoi nei no na HOtele like ole.

          Ua like no keia hoi ana a makou i kauhale me ka puka ana ae o ka la a kupono i ka lolo, ka malamalama a ka launa ole, e kuia ole ai kou mau kapuai wawae.

          Hoi aku la au a paina iho la i ko'u aina ahiahi, a o ka hora ekahi hoi ia o ke aumoe, mamli o ke ao houpo lewalewa.

          A aole hoi o wau wale kai komo pu iloko oia haawina hookahi aka, o na kamaaina pu no kekahi.  O ka lakou mea nui wale no a'u e hoolohe nei, o ka mahalo a me ke akenui hou hoi e loaa hou ia lakou ka ike akea ana iho la i na mea e hiki mai ana ia ahiahi o ia la.

          Haalele aku la no au ia lakou e kualehelehe ana no iloko o ka rumi aina, a hoi pokole aku la no ko'u rumi moe.

          Aole au i ala koke ae, a hiki i ka hora ewalu o ke kakahiaka, akahi no a pau ka Niolopua apo ana mai ia'u e kuoe hookahi hou aku, no kahi o kuu mau pilikana o ka aina hanau.

          Ua hiki hou aku la au ma kahi o na puukani Hawaii, a he oia mau no ko lakou mau ulumahiehie, am ko lakou mau helehelena.

          Aole hana nui e ae o keia la, o ka liuliu wale no no na hana oia ahiahi, e haawiia aku ana ma ka Metropolitan Temple.

 

HOOMANAO LA HANAU.

 

          Ma ka la Sabati nei June 9, ua malaia he paina la hanau no ke Kama Kapua i poniia e Mr. a me Mrs. Bush ma ko laua home ma Wehekaolu ma Alanui Paipalapala no ka piha ana o na makahiki elua, o ka hanu ana o ke Kama i na ea huihui o keia ao mauleule.

          Ua hoomakaukauia ka papa aina me na ono like ole o kela ano, a me keia ao; oia hoi, ka poi Ailehua o Kona kaiopua i ka lai, ka puaa momona o Kona Kailua na opihi kaupali o ka lae o Kalaau, na kuikui inamona, o ka malu kukui o Kahoiwai, na limu eleele o ka wai hui o Keawewai, na Amaama momona kaohi puu o Kaihikapu na poke hee kaula o ka huli makahi o Kaalawai, a me na limu, lipoa paoa aala o Kalehuowehe, a me na ono e ae he nui wale.

          Aole hoi he mea a ka maka e hoohewahewa ai, oiai, ua unuia mai la ua ono la a akoakoa aohe mea hoohewahewa a ka ua nahua he like wale no mai Kaena a Waialua.

          Nolaila, ke haawi ae nei makou i na hoomaikai ana i na Mana Lani, oiai oia i kiai mai a i me ka makaaka i ke Kama no ka la.  A o makou wale no a e ualo ae nei i ka Mea Kiekie Loa, e kau mai ka uhae hoopomaikai maluna o ka opio, a e uhaiia hoi kona mau la e na pomaikai he nui.

          Na ka Haku e kiai mai la oe o ke Kama Kapua i poniia a nana no e hoomaikai mai ia oe.

 

          O ka poe a pau e makemake ana i ke kii nani o Liliu-o-Lolokuikekapu, e loaa no ma ke Keena o Ka Leo no ka Hapalua Dala wale no.  E wiki mai, o pau e auanei.  No ka oioi mua no ka loaa.

 

HOOHENO NO KA INUWAI.

 

Auhea wale oe e ka Inuwai

Hoa hooino hoi o ke kehau

Me he a la o kuu aloha kekahi

Pulu ana i ka ua Lihauanu

Ua anu hoi au a e noho nei

I mehana i ka wai wela o ke kini

Me neia oe noonoo mai

Ai hookoia ko makemake

E i ae ka makani a hiki mai

Aole hopo iho ko'u manao

Manao paa ko'u a hiki aku

A kau kaua i ka hanohano

O ke kau ae a ke ao i ka ipo lia

He halia he manao kai hiki mai

I alawa iho wau no Holaia

Alo ana o Kalanipuu i kekai

O ka noho nani mai a Niumalu

Hanohano i ke kai Nawiliwili

Ka hone a ke kai i ka pueone

Me he leo ala no kuu aloha

Haina ia mai ana ka puana

I mehana i ka wai o ke kini

Hakuia e

S.M. a me PANSY

 

POLIAHU

 

Auhea wale oe ae Poliahu

Ka wahine noho anu o ke kuahiwi

Hoike mai ana i kona nani

Ke kapa uakea i ka mamane

Manene hoi au i ko leo

I ka alapahi mai a ka nui manu

He malihini paha keia

Hooheno ana i ka lio Kaleponi

Poniia ke ala me ke onaona

A i hoapili mau no kuu aloha

Aloha ko leo i ka pane mai

Pela iho oe e makani kona

Ke huli hoi nei o ka Malu

Ma na aekai la o ka Hiki

Hiki mai hoi o Keaniniula

Me ka ua liilii anuenue

Ka wai Puilani ko ka moana

Ka ua Kokoula ko ka aina

Haina ia mai ana ka puana

Me ke leo ala no Malu i ke ao

Hakuia e

S.M. ame PANSY

 

KA PUA I PONIIA

 

Auhea wale oe e ka nani

O ka wehi Kapu o ko'u inoa

Ohainia Papiohuli

Popohe i ke ano ahiahi

Ilaila ka pua i poniia

Kahiko mau no ka wahine

Hiwahiwa oe no Hawaii

Ka pua i mohala i ka Hikina

Hiki mai ka lono io'u nei

Laha mau nei o ke Kama

Milimili oe na ka Makua

Hiialo oe na Marie

Kahiko mau oe no ke aniani

O Laakahele ko'u papa

E o e ka pua ko'u inoa

Pua nani Moi i kauluwehi

Hea aku makou o mai oe

Ka pua i poniia o ko'u inoa ia

Hakuia e

PUUWAIALOHA

 

          Ua kaa ka eo o ke kinipopo o ka Poaono nei ia Ike ole ia.  A ne auanei paha e lilo ole ka makana ia Kamehameha i keia kau, e like la hoi me ka mea maa mau iaia.

          Nui na ohua mai kuaaina mai e hiki mai nei i ke taona nei, ma na moku holo pili aina o kakou nei, no ka heihei kekahi poe, a no ka wehe Ahaolelo hoi kekahi.

          He nui ka poe e mahele mai nei i ka maikai o na mea kuai o ka hale kuai o Egan ma, a he makepono loa no hoi ke kuai ana o na kalakoa na lihilihi a me na mea nani hoohiwahiwa kino. Mai poina e na hoaloha i ke kipa ana ae e ike maka.

          Ua huli hoi mai ka Loio Kuhina, a me kekahi mau Loio e iho o ke taona nei ma ka Calaudina o ka la onehinei.  E hala ana he elua pula okoa i koa alaila pau ke kau hookolokolo o Maui, he hookahi wale no hihia i pau i ka hookolokoloia.

          Ua hopu ia kekahi mau kanaka malama hanoho @ ma Wahiawa.  @ ua loaa mai hai he leta ia makou e hoohalahala mai ana no ka hopu ole ia o ka poe hale i ke kamokoi oopu, ma ka lapule a honu ia hoi kaa mau kanaka maluna ae la.  Malia paha ua loaa ka laikini no ka poe eifa

          Ua nui no hoi ka poe a mahalo mai nei i ka maikai a loaa no ka hoi o ka oluolu ia lakou mai ka laau hoomaemae koko mai a kauka Scribner, a mai poina e na makamaka i ke kipa ana aku ma ka halekuai @ a e ninau aku no ka laau hoomaemae koko a Scribner.