Ka Oiaio, Volume VII, Number 13, 31 May 1895 — Page 1

NUPEPA KA OIAIO

"O KA PONO KA AIALII E OLA AI KA AINA"

 

BUKE VII                  HONOLULU MEI 31, '95.    HELU 13

 

Ka Makai Kiu

Lau Omaomao.

 

I kaaea o na kakai pali nihoniho o Misouri.

 

KA MEA NANA I HOOOKA KA PO WA IEKE A ME KONA PUALI HOLOKOA.

 

A I OLE:

 

Ke Aka kino wailua o ke kuluuamoe

 

KA MEA NANA I HOOPAKELE NA KAMAHELE O KA PO.

 

Ka mea nona ka Ipu kukui ka manao @@ oe.

 

 

            Pane aku la ka Makai Kiu, aole ia he mea pilikia, olal na maa wau i ala i ka po a me ke ao, me ka moe ole, i na wau e ike he hana nui ka'u e hana ana.

            Pane hou aku ia o Mr. Paka, aole anei e hiki ke hoopanee ia kou hele no kekahi kakahiaka hou aku?

            Aole, oiai, ua hoike mua aku au ia oe, i ka wa kupono au e hopu po ni i ke koena o na poe powa, a no laila, aole e hiki ia'o ke hoopa@ee hou aku.

            I kela wa, ua hele aku la o Mr. Paka i ka hale kuke no ka nana an@ i ke kuke, i na paha ua ala oia.

            Iaia i hiki aku ai i ka hale kuke ua pane mai la ke kuke, e ku'u haku, ua makaukau na mea apau.

            E lawe ma ka rumi aina, wahi a Mr. Paka.

            A ua hooku ia pela , e like me kana kauoha.

            Ia Mr. Paka iloko o ka rumi kuke, aia hoi o Lau Omaomao iloko o ka hale lio, kahi i liuli@ ai no kona lio, a i ka makaukauana, ua huli hoi mai la oia, a halawai hou ae ia laua iloko o ka rumi aina.

            Ua hoomaka ko laua inu ana i na pola kope o laua, a hiki i ka pau ana.

            I lawa no apau, o oia nei eleu koke ae la noia no kana huakai he la, no kai o ka poe powa, ua lawe ae la keia i kaia nei mau hinai a hele aku la a hiki i kahio kona lio e ku ana, a kau aela, a motio polole aku la no kona aiahele, me ke kaukau lua ole iho.

            A e like no me kona manawa mau e hiki ai i kona kahua hoolulu pela no keia huna kahilio oia nei, a hoomaka koia nei peki wawae ana, a hiki wale mawaho o ke pu ka pa.

            Kikeke aku la kei mawaho o ka puka pa, a pa mai la ka ninau, a kamaaina.

            Owai no waho, wahi a ka ninau a ke kiai?

            O ka Madame kuai pua Lau Omaoma, wahi a ka pane.

            Ia wa koke no, ua wehe ia mai la ka puka, a oa ka@ ea e komo maloko, a komo aku la keia, a haawiia ke aloha kakahiaka, mawaena olaua.

            @oko no oia wa pokele, ua pane mai la ke kiai e haele kaua, oiai, au loaa m@i ke kauoha nou, i kou wa e hiki mai ai e alakai aku au ia oe.

            Pane aku la keia, aia hoi a kuu iho ka nae, alaila, haele aku kaua, oiai, oa h@le au a paupau aho i ka loa o ke ala i hele mai nei.

            Ae mai @a ke kiai, a hoomaha iki iho la keia, iloko o kona maalea nui wale.

            A liuliu iki, ua hele aku la laua a ua kaa ka paa ana o kana mau hi@ i kahi kia@ a o ia nei hoi, ke hapakue hele ala ho@oi, me kooa aahu luahine e pee ai a iloko o ka ike.

            Ia laua nei @ hi@ i ke alapii, e ku mai ana ka Lede Kananimaeole me kona aahu hulu holoholona, a aia hoi ma kona mau aoao kona mau ukali, e hoohanohano ana i kona kulana, a pa mai la kahea a kamaaina, e komo aku maloko, a ko mo aku la keia a hookipa loa ia aku la iloko o ka rumi hookipa.

            Iloko oia wa, ua laiau koke mai la au @i nei i kekahi o na poke pua nona hoi na pua rose, au e kuu hoa heluhelu i ike iho ia, i na helu i hala akula, ahoni hoomau iho la.

            Pane mai la au ui nei, maemae wa'e hoi keia mau poke pua au e ka Madame i lawe mai nei, a me he ala o ka oi loa aku keia au i ike ai.

            Pane aku la keia, o ke kumu o kou ike ana i keia mau poke pua au e ka ui e mahalo nei, oia hoi, akahi no a pua ae keia mau pua au loihi ka wa i hooulu ia ai, a o na poke pua mua loa keia, aole no hui he ae iki e kuai aku i keia mau pua ia hai, oiai, ua hilinai au ia oe, no kou uku kupono mau mai ia'u.

            Ilaua no nae e kukai olelo nei, aia na nanaina o ua malala pua o au ui hohea nei ke hoo@ei pau ala ilun a o na poke pua a pau, e haawi ana hoi i na mino aka ana o ka hauoli palena ole, a he wa hoi ia o kona mau aa pauma e hapa ana i kona puuwai i luna i lalo.

            I lakou no e lua lai ana, au ninau mai la au lede nei i ka Madame kuai pua Lau Omaomao, i ka i ana mai.

            Hea kau mea hou, mawaho ae o na pokepua, e ka Madame maikai.

            Pane aku la keia, o kau nuhou i lohe ai oia keia, au paa pio ka k o mau kanaka a aia iloko o ka Halepaahao, a ua paa pu me ka ona Banako.

            Ua ninau hou mai la au ui nei, he oiaio a nei ke na au e hoike mai nei?

            Ae he oiaio loa keia, o lakou a pau ua paa pio.

            Nawai i hopu ia lakou a pau?

            Lohe au na Mahina Omaomao oia ka ka muli pokii o ka Makai Kiu Lau Omaomao, e noho maila i ka Hale paahao. I na hea kona hiki ana mai i Misisipi nei?

            Ka, lohe mai nei au, a lua no pule, a na ke nupuni i hoouna mai nei iaia, e hopu i koonei poe hainai kanawai.

            I kela wa, ua huli aelu ua ui nei a pane aku la i kekahi o kona mau ukali, e hele oe, a kanoha aku i ka mea puhi o@ e kauoha aku i na kanaka a pau e akoakoa mai, a na makemake au e hiawi aku i kau a o ana ia oukou a pau.

            Ua hele koke aku la ka elele lawe kauoha a hooko aku la i ka olelo i kauoha ia iaia, a emoole aia ka leo o ka o le ke kani ala pine ala, a i ke kuu ana iho o ka leo o ka ole ua hoea koke mai ia ua noe kanaka nei, me ka lako i na mea a pau, a ku nui ana i ko lakou kahua.

            I ka makaukau ana, au hele aku la ka elele a hoike aku ia ia Kananimaeole, ua makaukau na mea a pau.

            Iloko oia wa, ua puka koke aku ia ua ui nei, a ku aku la imua o na poe powa no lakou ka huina 219.

            E na kanaka ou, e hoolohe mai oukou i kou leo, a i ole oukou e hoolohe, alaila e poino ana kakou, a oia keia.

            Ua makemake au e hoopau loa oukou i keia hana he powa wale ana i ko hai ola, a me na hana ino e ae, oiai hoi, ua lohe mai nei au ua paa pio kel poe o oukou, a me ka ona Banako pu, a aia ke noho ala iloko o ka Halepaahao i keia wa, a oia kau e olelo aku nei ia oukou e waiho oukou a pau i keia hana, a e hoolilo hoi ia oukou a pau i poe maikai, ke h@hao nei au i kekahi poe o oukou aia lakou ihea kahi i hele ai.

            I kela w@ ua pane mai kekahi alakai o au poe ala, e ko makou Haku wahine ke mahalo aku nei makou i kou manao aka, aole e hiki ia makou ke ae aku, oiai, ua paa ka makou hoohiki o ka hana a makou e hana nei, maluna oia ha@ makou e hana ai a hiki i ka hope@a.

            Pane hou aku la ka ui Kananimaeole, i na o ko oukou noonoo ia, alaila, e kala e mai oukou iau, mai, ke halialia e mai nei au, e poino aku ana kakou ma keia hope aku.

            Pane hou mai la ke alakai o au poe powa nei, e ku ana makou maluna o ka makou oleleo hoohiki a hiki i ka lanakila ana, a ole makou e haawi pio wale aku, ua a@ makou e hakaka no ka hanohano o ka inoa o Robine Huka a aole nohi makou he poe ike i ka hohe wale.

            Pane hou aku ka ui Kananimaeole na pau a@la, aole au ikoe a ke hook@u aku nei au ia oukou e hana elik@ me ko oukou makemake.

            Ua hoi aku ia ua poe powa nei no ko lakou kahua hoolulu a o ua lede nei, ua hoi ae ia oia iloko o fumi hookipa o kona hale, a loaa aku la ka Madame kuai pua, a kono aku la iaia e hele e ai, a haele like aku la lakou, e hoopiha i ka lua o ka inaina.

            I ka pau ana o ka lakou ai ana au hoi nui aku la lakou a noho iloko o ka rumi hookipa, a malaila oia i haawi aku ai i ke kumkuai o na poke pua, a me na hua ai.

            A he may minute mahope iho o ko lakou luana ana, au hoi aku la ka Madame kuai pua me ka manao lana hauoli, no ke ko o kona iini.

            I ka hora 2 oia auina la, ua hiki pono aku la kei @ kauhale a hui aku la me kona poe kamaaina, a hoike aku la keia i ka nuhou i loaa iaia iloko o kona huakai hele, a ua lilo hoi ia i mea hauoli no lakou a pau.

            I ke kuu ana iho o knoa nae, au liuliu koke ae la oia no ka hele ana e @ko pua, no ka hana i kana mau poke pua, a lawe maila oia i keia mau pua like ole, no lakou na inoa pakahi.

            Hybride Perpetual Rose - "Ke aloha pili paa no ka wa mau loa."

            Moss Rose - "E malama i ka'u kauoha."

            Cresled Moss Rose - "O ka hohonu o ko,u aloha, no na mea ia apau."

            Banksia Rose - "Owau kou hoopakele" Climbing Roses - "E hiki mai ana wa'u." Standark or Free Roses - "E ku ana wau e kiai." While La Erance Roses - "O ke aiai o ko'u pua o kou @la ana."

            Rhododendron - "E hauoli ee i ka wa e hiki mai ana," Stanley - "E kii mai ana wau e lawe i ka hora 12 o keia po."

            Gailey - "Ua like au me oe, Venus - He hoku hele au. Gathering Blooms - "He hopakele a hiki mai." Evergreen - Ke aloha pau.

            Petunia Fringed Double - "E hooko ana wai i ka'u oleleo."

            O keia ae la na pua anao nui loa iloko o kana hinai, a hoihoi aku la kauhale.

            Iiaia i hoi ai a hiki i ka hale, ua hoomakaukau koke oia e hana i kana apana hana, a aia hoi na maka noii o Mrs. Paka, ke haka pono maila i kaia nei hana ana i ka poke pua, a ike mai la oia i koia nei hookomo ana iho i ka pua nona kainoa Gaiety - i hooheno ia hoi, "Ua like au me oe," oia kona wa i pane mai ai auwe, elilo ana ka oe i wahine ui.

            Ke aha la hoi, wahi a ka ninau a ka Makai Kiu?

            Ke ike aku la wau i ke la pua Gaiety, a o ka'u e haohao nei pehea la e hiki ai ia oe ke hoolilo ia oe iho i whine.

            Pane aku la keia, he hana hiki wale no ke hana ia, ina @ makemake oe.

            Ua hana iho la keia i kaia nei mau poke pua, au kani koke maila ka hele a ke kuene e kahea mai ana ia lakou e hele aku e ai, a hele nui aku la lakou o paina.

            I ka pau ana o ka lakou ai ana au kono aku ia keia ia Mr. Paka e hele laua e ike i ka poe pio ana i hopu mua ai, a haele aku la laua.

            E kuu makamaka heluhelu, ua pahaohao ia paha oe no ke kino palu-u-u-pala@ o Mr. Paka, oiai laua e u hoi ana no kauhale.

            Ae, ua pahaoha i'o no, o ka wa i hoololi ia ai, oia no ko laua wa i hiki ai i kauhale, a oia ka wa a ka Makai Kiu Lau Omaomao i hoopau ae ai i kona kino elekule, a hoi ae la kona mau.

            Ia laua i hiki aku ai i kauhale o ka poe pio, ua kikeke aku la keia i ka puka pa, a wehe maila ke kiai o loko, a komo akula laua nei, a ike aku la i na pio, e noho mai ana no.

            Aloha oukou, wahi a ka Makai Kiu i pane aku ai.

            Aloha, wahi a ua pio.

            I kela wa ua ninau aku la keia pehea ko oukou malama ia ana?

            Maikai no, wahi a n pio.

            Pehea makemake a nei oukou e hoopau i ko oukou hana i keia ha na he powa, wahi hou a ka Makai Kiu i ninau hou aku ai?

            Aka, aole loa hookahi o kela poe elima i pane mai i ka ninau a ka Makai Kiu, a haia wale na minute he 15.

            I kela wa, pane hou aku ia ka Makai Kiu, aole anei oukou e pane mai ana i ka'u ninau, oiai, o ka wa kupono kela no oukou e pane mai ai, oiai, oukou e noho ana i Misisipi nei, mamua o ku'u lawe ana aku ia oukou apau no Nu Ioka. @oko o ekolu la mai ka la apopo aku.

            I kela wa, me ka leo haalulu o ka makau, ua pane mai la kekahi o lakou, mamua o ko'u pane ana aku ma ko makou aoao, ko na pio, e kela mai oe ia'u, oiai, he hemahema wau ma ka olelo ana.

            Ae, wahi a ka Makai Kiu, o ko'u makemake ia o ko oukou pane mai.

            E ke kanaka koa o ka wiwo ole ka mea nana i hoohaahaa ia makou apau, ke mihi aku nei wau me ka oiaio loa imua ou, au hewa loa ia au a ke hoike aku nei au imua ou ke ae @mi oe e lilo no wau i lala no ka hui Makai Kiu, malalo o kou inoa, no ka wa mau loa, mai keia la aku.

            Pane aku la ka Makai Kiu, ua pono, a ke hoomaikai aku nei au ia oe.

            A no oukou hoi, pehea kou oukou manao, oiai o ka wa pono wale no keia no oukou e pane mai ai, oi naa ole oukou a pau malalo o ka mana o ke aupuni, a kaiahuluhulu ia aku no Nu Ioka, wahi a ka Makai Kiu.

            Pane mai la lakou apau, o ke ala a ko makou mua i hoike aku nei, oia ko makou apau.

            Pane aku la ka Makai Kiu, e ae ana anei oukou apau e hoohiki malalo o ka Makai Kiu Lau Omaomao.

            Ae, wahi a na pio, i pane like mai ai i ka wa hookahi.

            I kela wa ua wehe koke ae la ka Makai Kiu Lau Omaomao i kana ipukukui a ho-a aela, a wehe ae la oia i kana mau pupanapana eha, a me na pahi hou puuwai eha, a kau iho maluna o ka ipu kukui, a wehe pu ao la oia i na mea o kona kuka a ike ia aku la ua poe nei i kainoa o ka Makai Kiu Lau Omaomao, e kau ana maluna o kekahi pihi gula i kinohinohi ia me ka pohaku daimaka. Oia ka wa i naka naalulu ae ai ua poe nei.

            I kela wa, na pane aku la ka Makai Kiu, a no e kau mai i ko oukou mau lima akau iluna o ka mana o keia mau mea kaua, a me ke ahi, a e lawe i ka hookihi ma kainoa o Lau Omaomao.

            Ae, wahi a na pio.

            I kela wa, oleleo aku la ka Makai Kiu Lau Omaomao, o ka oleleo au e olelo ai, oia ka oukou e nane like mai ai.

            Ae, wahi hou a na pio i pane like aku ai.

            Hoko o keia manawa, ua ninau aku la ka Makai Kiu Lau Omaomao i ko lakou mau inoa pakahi, a pane maila kekahi o lakou.

            O Keoki Lapela, wau, o Ioane Iakekona keia, o Uilama Buruka kela, Henele Kulika oiala, a oia nei hui o Kale Habada, a oia ko makou inoa ponoi.

 

HE LEO KAHEA

            Ke hoike ia aku nei ka lohe i nu Lnna lawe pepa a pau o KA NUPEPEA KA OIAIO, ina he mau helu koe o ka Helu 1, 3, 4, me 5, ma ko oukou lima, e hoouna koke mai oukou i keia Keena, me ke kakau ana penei:

 

            NUPEPA KA OIAIO

           

            Alanui Pai Palapala

 

            Honolulu Oahu,

 

            Oiai, na nui na kauoha nupepa i hiki mai i o makou nei, a no ia kumu keia e kauoha ia aku nei ia oukou.

 

MA KE KAUOHA.

 

K Papa Kuhikuhi Paani Kiuipopo.

 

NO KEIA KIKINA.

 

            Ma ka halawai ana o na Kapena o na Hui Kinipopo i ka la @ iho nei o Aperila, ua hooholoia o keia iho na hoonohonoho ana o na hookuku ana a na hui.

Star vs. Unknown       May 4

Kamehameha vs. Star May 11

Unknown vs. Kamehameha    May 18

Star vs. Unknown       May 25

Kamehameha vs. Star June 1

Unknown vs. Kamehameha    June 8

Star vs. Unknown       June 15

Kamehameha vs. Star June 22

Unknown vs. Kamehameha    June 29

Star vs. Unknown       July 4

Kamehameha vs. Star July 18

Star vs. Unknown       July 20

Kamehameha vs. Star July 27

Unknown vs. Kamehameha    Aug. 8

Star vs. Unknown       Aug. 10

Kamehameha vs. Star Aug. 17

Unknown vs. Kamehameha Aug. 24

 

            Ua omaimai kuono@no loa ia o Frank Vida, a Mrs. Kouuwela o Waikapu.

 

HE MOOLELO KAAO HAWAII

 

No

 

LAUKAIEIE.

 

Ke Kino Kamahao Hoko

            O KA

Punohu Ua-koko.

 

Ke Kahulileol'a oke Kuluaumoe o n Pali

o

Wapio Hawaii.

 

Onahi oi e Mose Manu no "KA LEO"

 

Ka huakai hele makaikai a Laukaieie me kana Aliikane - Lilo o Makanikeoe me Hinahelelani i mau alakai ma ka aina a me ka moana Ike ia na lua hohonu maloko o ke kai a me ka aina nei - Hele pu me na ohana ponoi - Hoonohoia o Laukieleula i Ihikalani - Ulu ka ieie ma keia mau mokupuni - Lilo i mea hoomanao ia e ka Lahu Hawaii nei.

 

            A he puhili hoi na mea a pau ilo ko o keia wa e liuliu nei, ua ike ia aku la ka mokokulehua me na lau nahelehele e ku mai ana iloko o ka hale me ua poe nei e makaukau nei no ka puka ana aku e hoi i ko lakou kulana hula i mua o na malihini.

            A ia lakou no e hi-o ana, aia hoi ua komo mai la keia wahi laau iike mua ole ia e ko Kauai poe, oia hoi ka lau o Kaieie a ku like ana me ka mokulehua i luna o ke kahua.

            A ola ka hoomaka ana o Kaieie e ulu ma na kuahiwi o Kauai apuni, a oia ka u@u ana o keia laau ma keia pae moku, a lilo i mea e pomai kai ai ka lahui i ka wa kahiko.

            A ua hoea loa mai noia i keia au hou. A no keia wahi lau nahelehele keia mau lalani mele e paa nei a hiki i keia wa i ka poe hula i ae kumu ia.

Aia la kuu ipo lei ua kokoula

Lei ua noe ula lei Ouli

Ulia 'ku ana i ka maka o ka ipo

Aia la o kuu ipo lei lehui-

Le lehua pua hinano

Ki-ka hala o Maui

I lu i ke ala a waiho malie

 

E haupu e li'a i ka moe

Emoe ka pono aloha e Haiwahine

I ka pali o Waipio-

He hoa no Laukaieie

He hoa hoouluulu lei nou e Laka-

E Laka- e Laka e ae mai oe

E Laka i ka mauna i k kualono

E iho e Lakaieie- e lau kapalai

Na wahine i ka hikina a ka la o

            Haehae la -e-

            O keia ke mele ponoi o keia wahi  Lauieie e pili ana i ka mea non@ keia moolelo kaao.

            A o keia no hoi ke mele mua a Kaohaiula i hoao mua mai ai i kokua ia mai ai e Hoohila ke ui nohea nona ka olelo ia ana e ka poe kahiko.

O ka mole olu ia la

O Lumahai la

            A na ke kaikamahine o ke one pua Rose o Mahamoku, i panai hope loa mai na mele nei oia no hoi o-

Hanohano Hanalei i ka ua nui

E pahee i ka limu o Manuakepa

            I ke kuu ana iho o keia mele ua puana koke mai la o Kaohaiula i ke mele o ko lakou puka ana mai i waeo o ke kahua o kahi o na malihini e noho nei a me ke anaina nui.

            Aia i na poe nei i puka mai ai, na hoike mai la lakou i na lealea like ole he nui wale e hiki ai e hoohihia i na noonoo maikai ana o ke anaina e noho aku nei.

            Oiai ua like kahua o ko l@kou pa-u me ka naiu e hai @ ana a o ke ka ana o ko lakou mau kapuai wawae, na like n@ia me ka opae mahikihiki o Niu@i.

            Aole hoi he mea hiki i kahi mea ke kilo aku i ke lakou puu maia hana.

            Aia hoi na malihini a me ka mea nona keia nanea ke haawi aku nei i na mahalo piha me na mino aka ana me ka hauoli nui, a he wa hoi keia no na manao e keia ana i o a ia nei, @ like me ka ike ana a ka maka.

            A oiai na mea apau e hoolohe ana i na lealea, aia hoi ua lohe ia aku la he halulu a me ka hu ana a ka makani ma ke kuahiwi a Kauai a me he mea la, he ekolu manawa o keia mea i lohe ia aku a aia hoi, me he kapalili ana no ka lau o ko niu i ka makani ua hele uluulu mai la keia poe kanaka kino ano pahohoa me he aka kinowailua ala e maalo ana imua o ka mea e nana aku ana a nalo aku, aka aia nae he mau leo aheahe kupinai e wawalo ana me he kai hawanawana la na Kawaihae ka hone mai i ka pueone.

            A oia paha kau e naniu iho la e ka mea heluhelu. Owai keia poe kino kupanaha e ike ia nei imua o ke kahua lealea oia la? "Ae" ke hai aku nei ka mea kakau. O ka "Pae mahu" ua poe ala o na pali o Koolau oia hoi ka poe Olohe.

            A oia ua poe ala e ulele pu nei me na ui kaulana oia Mokupuni kaili la'a na keia poe i h@o@ loa 'ku i na poe lealea oia wa imua o na malihini e hiki ai ke haawi aku ina mahalo ana no lakou.

            A na hoomauia keia mau hana hoohauoli me ka ilihia a hiki wale i ka pau ana o ka ai ana a na malihini, a mahope iho ola wa, ua kuene pono iho la ka noho ana o ke anaina me na manao e ninau ana i kela a me keia mea nona iho, heaha la auanei na manao a me na hana maia houe iho?

            A oia no paha ka lilo ana o na lealea hope i na malihini e like me ka mea mau ma ka hele ana o keia huakai mai Hawaii mai a hiki i Kauai.

            A nolaila, ua hooholo ia na manao e hoomaka ana na kahuli leo lea ia po ino me ka eleu nui elike no me ko lakou ano mau.

            I ka hiki ana aku i ka manawa i hookaawaleia no lakou, oiai ka poe. Olohe o na kuahiwi e haka pono mai ana ko lakou ma nanaina imua o n malihini.

 

            A o keia no hoi ka manawa like ia aku ai ko Hawaii mau puu kani e hele ae ana a pela no hoi ko Ma ui ui nohea kaulana.

            A o na eue@ hoi kekahi o Maunaloa a me Kaulaailehua o Kalaupapa, a nui pau loa aku la hoi me ko Oahu nei inau helu ekahi.

            A na ko Kauai mau kamaaina i pauai mai, a oiai lakou e ku ana i mua o ka mea nona keia moolelo me na kulana hiehie nui.

            Me ka emoole loa, aia hoi, ua nalowale ae la lakou ma na maka ae o ka lehulehu a uhi iho la ka noe, a o keia kamanawa i lohe ia aku ai ka leo oliolio o Pupukanioe e po-ha mai ana iloko o ka lewa, a maia hope iho, ua ikuwa like mai la na leo oua poe O-'u pani wai nei o na kuahiwi me he manu Iiwi ai pua lehua la e kikiko, u  ana i ka lihilihi o ka lehua.

            A i ka mao ana ae o ka noe, aia ka ua poe nei i ka lewa nuu kahi i kikaha like mai ai me he Iwa kau aheahe la i ka makani, a me he manu kaupu ala e hehi ana i na ohuku a'e o ka moana a he poe hihiu maoli no ma ka ike aku a ke anaina.

            A o keia ka wanawa a ke anaina i hooho aku ai me na leo ikuwa me na manao mahalo, aole hoi he mea kawai o lakou ma ka ike aku a na mea apau, no ka mea, na like lakou me na lupe e onioni ana iloko o ka lewa.

            A na keia mau lealea hula like ole i hoanoe aku i ka manao o ko Kauai woe a hiki wale i ke ao ana, a mahope aku oia wa, au hoomau ia no ia hana i na po apau a hiki wale i nee hou ana aku o ka huakai no Niihau a me Nihoa kapale na o na mokupuni he 12 o keia Pae Aina.

            A nolaila, e pono o waiho i ka olelo aua no ka mea no keia nanea a mahope aku, a e kamailio kakoou no Makanikeoe.

            I ka wa i kokoke ak u ai kahuaoai aumoaua mawaho ae o Kapaa ma Puna, ua nala mua a@ola ua ka'eae'a nei @oko o ke kai me ka hakilo pono ana aku o kona mau kii onohi i na mea malalo o ka papaku o ka moana.

            Aole he may mea ago nui ana i ike ai he manelo wale no a na ho okolo aku oia a hiki ma ka nuku o ka muliwai halau o Wailu a ua ike aku oia i ka Pae kii e waiho like ana, me he mau mea kino kana la ke ano o ke ano o keia mea he mau pohaku maoli no kela e waih@ ana ilalo o ka honoapoa o ka niuliwai i kipukaia e ke one keokeo a he eleele hoi ka pohaku.

            A ina he malihini ke au ana@a maluna paha o ka waa kahi i kau ai ma ka nuku o keia muliwai.

            A iaia e naua iho ai ia lalo, he ku maoli no i ka makau a me k@ weii@@ii ke nana iho i na pae pohaku e waiho ana me he kanaka @ a o ka ikaika o ke ka@e a ka wai oi@ ka mea o man@ ai o ka malihini e holo ana ka Pohaku me he ia la ke ano.

            A no keia ka mea i olelo ia he Paekii, ana hookolo hele aku oia a hiki ma kahi i kapaia o Mal@aka, a no keia wahi mau lalani mele a na alii i hanaia.

            Aia la o ka laula o Kapaa ka'u niinamina.

            O ka nu a o ke kalukalu i ka puukolu.

Ke paa ia ela e ke Koolauwahine

Ke nana iho i ka piko wai o Wailua

E nawe malie ana ka wai i ka puahau

Ua lunelune ka pauhau hoolana i Hauola

I ke aka lawe ka ai eleia e Maluaka

Oiaia - oia paha e -

 

            O keia ka muliwai nui hookuhi o Kauai, a ua hanu hele hou aku oia a puka aku la ma Kewalowai ke kau wahi kiowai kaulana keia a makaikai nui ia o na malihini a no na hoi keia mau wahi hooheno. O ka lahui a Kawelowai i Waiehu

E aho no oe e ae mai e Waiehu

Aia ka'u kiekie la o Kalalea

            A ua alakei ae la keia no luna o o ka puu o Nounou, a ke nana la keia i ka nani o Puna.

            A ke kilohi ihola keia e nana i ka pohaku kaulana o Kauai nona kainoa.

Waiho i Kaea na iwi o Kamahele.

            A mai luna aku oia o keia puu i hele ai a hiki mauka o Kahoaea, au loaa aku la iaia he wahi ana e nuli mai ana ma kekau wahi p@li, a au huli aku @ia i kona mau kuono a ua loaa iaia he alahele maloko o ka honua, o keia alahele ana e hu@ nei.

            Ua hiki aku oia ma ka huli o ka Pae puu o Haupu e nana la ia Koloa, mahi i kapa ia o Keauaakaualehua ma kahi e hoomakaia ke alanui e pii ai iluna o Maona ma ka pae puu o Haupu.

            A ua hele hou aku oia ma kekahi mana a puka ma kahi nona kainoa hoa kanaka i kipu.

            Oia hoi kahi a ke kamaeu o Oahu nei i pae aku ai me kona mau kino kamahao ke kae'ae'a nana i pulumi in a kupka o ka Tahiti a me na lae wakawaka o Lonokaeho, a@a ma Kepu-kai keia wahi, a ua huli hou aku oia a hoea ma kekahi lua ma Mahaa'epu, aia maloko o keia lua kahi i oleloia o ka Huihui a Makalii, a mai laila aku oia i huli hou ai i hope a hiki @ Kawaiokemamo. A o keia kekahi o na wai kaulana loa.

            A ua hookolo hou mai la oia a hiki ma Alakoko ma ka muliwai o Hulaia o keia ka loko a ka poe meneh@ne i hana ia me Pi e waiho ia a hiki i keia wa.

            Aia ma keia wahi i loaa aku ai ia Ma@anikeee keia kumu lehua no e ulu ana iloko o kawai i kapaia kona inoa o Kalalalehua, he kupua ke@a no ia muliwai.

            A ma@ope iho o keia wa, ua kamoe ioa aku la oia no ke kuahiwi o Waialeale.

            A ua hiki aku oia ma ke kahua hale pono@ o na alii kiekie a kaulana o Kauai, oia o Pihanaakalani, kahi hoi o kela nanai Kail@lauokekoa i noho ai i kona mau la. Aia ma keia hiki ana ona malaila na haupu ae ia oia me na halialia hoomanao ana ae no ke kaikamahine alii e noho la i Waipio me Koaekea ma oai hoi o Kalehuamakanoe, ua ike oe e ka mea heluhelu.

            Ma keia wahi a ka eueu e nana nei, ua olelo iho la oia i keia mea me ka puana ana ae eia no ka hoi keia wahi oi aku o ka maikai, oia no ke kumu makemake o na lii i keia wahi.

            He mea oiaio, ua hoopuni ia ia e na kumu lehua like ole ke pua mai. A he wahi hoi e ha@am@ mau ai na aoe manua apau maluna o ko akou mau pua oia na lala i ka po a me ke ao @e ko lakou @ e hone mal ana i na @a apau a @aia mea a hoonanea i ka hiamoe e na lii, a a hoi he mau kipa@ pohaku. Aia i hoonohoia a puni, a he ki@wai nei poepoe @i waenak@n@ he wahi@e hoi e luana ai na aili elike me ko lakou manao.

 

Ua @ @ @ N@ @ W@ @ e @ ma na aha hookolokolo o ka Repubalika @amuli o ka @iua@iuau ana a Ka-ne a me Carter na Komito o ka papa Loio.

            O Halaweia a me Kakina na loio ma ka aoao o ke aupuni na ka hoopii a hook@ kino a ke @ Kalanianaole a o Nu@ana hoi @ ka @ o ke @. I keia pule ae e hoaoia ai keia hana imua o ka @ H@ kolokolo.