Ka Oiaio, Volume VII, Number 7, 19 April 1895 — Page 3

HE HUAKAI I KA LEWA.

Ua hoao ia kekahi hana hon e pili ana i na kauhele ana ona ka lewa i ka malama o Sepatemaba o ka makahiki 1894, ma Farani, kela aina a na loea ake-ike i noho ai.  Ua hana ia kekahi baluna nui i hoopiha ia i na ea (gasa) e lawa ai no kekahi mau la ma ku lewa, me ka baluna hookahi i hoopiha ia i hookahi manawa, me ke kuu ole iho i ka honna.  I ka wa i kuu ia ai o keia baluna, me kona mau ohua kanaka iluna o kekahi wahi e noho ai, a e ai a e moe ai, ua lele aku hoi oia no hookahi pule i ka lewa, me kona hiki ke hoopii a hooeini ia iluna a ilalo e like me ke kupono i makemake ia e na kanana e holo ana i ka lewa.  Ua hooholoia hoi oia me ka huila kilepalepa e like me ko na makumahu, ma ke ala a na poe hookele e kia ai i keia moku o ka lewa.  E like me ke kau o ua honua i ke lewa, na hoku a me na mea e ae e like me ko kakou poepoe honua, pela no e hiki ai ke hoolele ia na wahi-noho e ae a ke kanaka e noho ai, e like me kona manao, ke loaa iaia kekalii lihi o ka ike o ke Akua ma kana mau haua kupanaha a pau i hana ai.  O ke kumu o na mea a pau nana mai, o ka mole o ka naauao o Karisto no ia, ka Logon, a o ka mea i imi a apo aku i ko ke Akua ike, e loaa aua no iaia na mea kamahao i ke kanaka, aole mai a hai ae.  Kupaianaha ka ike e pahola nei i ko ke ao, e hooko ana i ka mea i oleloia e ke kaula ma ke alakai a ka @hane. “Aka, e hoopaa oe, e Daniela i na olelo, a e hoopili i ka buke a hiki i ka hope:  he nui ka poe e holo i o a i o, a e mahuahua ana no ka ike.”  (Dan. 12:4).  Ke ko nei keia olelo no ka mea, aole he au e ae i loaa ai ka ike i ko ke ao, e like me ko keia mau la hope nei, a o ka pakela oi loa aku hoi ko keia mau makahiki he kanalima a oi iki aku, a e like me ka pokole ana mai o ka manawa pela no hoi i pii nui ai ka ike o ke kanaka me ka haakei pu a kona naau.

 

HE LAAU KA HUA-APALA.

Penci ka wehewehe ana a Kauka Searles o Brooklyn N.Y., no ka hua apala; “No ka laulaha o keia hua-ai he apala, ua pono ai wale ia no me ke akaka ole o kona waiwai ma ke ano he hua lapaau.  He mea kupono hoi e ike na mea a pau, o kekahi mea maikai loa a lakou e hana ai mamua o ka hoi ana e hiamoe oia no ka ai ana i ka hua-apala.  E kue mai ana kekahi poe me ka manao kuhihewa he mea poino loa ka ai ana i keia mea ai mamua pono iho o ka hiamoe ana, e opil@piha mai ana, a e ano e ana paha ka moe ana i na moe uhane, a pela aku, aka aole nae me ia ka pololei, oiai ua hiki i ka mea palupalu loa o kona puu-hoowaliwali ai ke ai i ka hua-apala me ke ano e ole aku me ka loaa ana o na kokua hoopomaikai.  He bua-ai maikai loa keia e kokua ana i ka lolo o ke kanaka, no ka mea ua oi aku kona akika-posepora (phosphoric acid) ma ke ano hiki ke awili oluolu ia a lilo aku no ke ola kino mamua o na mea ai-ulu e ae i ike ia.  E hoeueu ana i ka hana a ke ake paa, e kokua ana i ka hiamoe ana maiku@ a e hoomaemae ana i ka waha.  Aole o keia wale.  Na ka apala e hoohui ae hoi i na wai-akika koana o ka puu hoowali-ai, e kokua ana i ka hoohana ana a ka puu-aila i na wai a pau e hele loa aku ana i ka waihona wai-mimi a pela aku hoi i ka ulu ana o na puu-haku ano e iloko o ke kanaka, me ka hoopakele ana hoi i na mai a no e o ka puu hoowali-ai mamuli ka hoomaemae ana ia waihona o ke kino, a o ka apala no hoi kekahi mea nana e hoopakele i ka puu mai na ma’i puu eha.  He mea kupono e loaa keia ike i na mea a pau, a e pono no hoi e hoolaha aku oukou.  Mahope koke aku keia hua-ai o ka alani a me ka lemona no ka hoona ana i ka puu o ka mea i maa i ua wai ona a i ka opiuma pahu.”

Nolaila, ke pahola aku nei makou i keia mea hou ano nui no ke ola kino, oiai o na mai o ka puu kekahi o ua pilikia nui o ka lahui kanaka e ike ia nei i keia au.

 

KE KAHUA KAUA.

(Unuhiia no “Ka Leo.”)

Ua loaa mai ia’u kekahi leta mai Amerika Huipuia mai, ma ka moku mahu Australia mai.  O ke kulana Aapuni o Dole ua ano paakiki maoli no, a ke hoao nei lakou e lawe kaokoa ae i na mana a pau iloko o keia Paeaina, e noho mana ai lakou, a ke noonoo uni nei i na hana e hoolaulea ai i ka lahui, me ka hooikaika nui ana, me ka hoeueu ana aku ia Amerika, e kokua mai ia lakou, uo kekahi haua e hana ia ana, a e ku hoi oia mawaena, a keakea aku hoi ia Beritania Nui, i kona komo ana mai.  O keia kanaka, na makaukau oia e haalele iho, i na oia e ike ana, aole he mea nana e kokua mai iaia a me ka hana ana e hana ai, ano, o Mr. Dole a me kona mau hoaloha, o lakou no kai hoala mua i ka hoohaunaele ana, ma ke kue ana i na kanawai a me ke Kumukanawai o ka 1864 i ka 1887, a waiho aku hoi imua o ka Moi Kalakaua he Kumukanawai hou, no kona kakau inoa ana mai, a apono ia ai no; aku, iloko o 1893, ua noi aku lakou ia Kuhina Stevens, a me ka moku kaua U.S.S. Boston e kokua mai ia lakou.  O Mr. Dole a me kona mau hoaloha, o lakou no kai noi aku i ka Moiwahine Liliuokalani ma ka palapala, e waiho mai oia i kona kuleana hooponopono Aupuni ana, a e waiho pu ia aku hoi ka lahui malalo o ka Peresidena i like pu hoi me ko Amerika Huipuia.  A ke olelo nei au, o keia kokua ana a Amerika Huipuia me ka lima ikaika, aole loa ia i kupono iki keia hanu ana; no ka mea o na komite i hoo@ma ia aku ai me ka olelo o ka maluhia, ma ka la 16 o Lanaari; me ke kiai pu ana aku o Kuhina Stevens.  Ma ia kumu ka hoopii ia ana aku i Amerika Huipuia ma ke ano he hoaloha oia * * *  A ua ike kokou, aole e hiki iaia ke pale ae i ka palapala hoopii kumu a kakou i waiho ia aku ai imua ona, no kona kokua ana mai, a e pule uni hoi kakou i ka mea nana e hoomalu mai, i @@ki ai hoi ia Amerika Huipuia @@ hoopau ae i na hana lima ikaika ana i hanaai.

Ma ka la 17 o Ianuari o Sanfod B. Dole, oia ka Luna Hoomalu o ke Komite ku Waena, i kokua ia hoi e Kuhina Stevens, mahope iho hoi o ka lele ana mai o na lima ikaika i ka aina nei, o ka moku kaua Bosetona, a ukali mai la mahope.  Ua noi maoli ia aku no ka mana kaua ikaika o na Mokuama Huiia e hana me ke oolea a ua noi pu ia aku no hoi, e hoonoho ia i poo malalo o ka Mana o na Mokuaina Huiia me ka ikaika o ke kauoha malalo o ka Mana o ke Kanawai Koa me ka ikaika, a oia ke kumu i ku ai na Kahawai a me na hana a kakou e ike nei ma keia kulanakauhale.  Ano, ma keia kumuhana, ke hoike nei au i keia, o Mr. Dole a me kona mau hoaloha, he hana paakiki loa na lakou ka hookahuli ana ae me ka manao ana e lawe pio ae i ka Moiwahine a me kona la@ui, aka aole e biki ke haawi ia aku ko hai lokomaikai no ia hana i manao ia ai e hana ia ana.  Aole loa ia he hana pono a kaulike, a aole no lioi i ku i ka noouoo makai ana ka hehi ana iho ia Hawaii malalo o ka mana o na mea kaua, a na manao o Mr. Dole, oia ke Koo a me kona mau hoaloha, a me na mea e ae a pau, a ua manao ia hoi, oia ka oi loa aku ma ka hoololi ana ae i na moa a pau, e ku iho maluna o ke kahua hou, me ke kakoo ana i ke Aupuni Hi@i.  Aka @e, iloko o keia wa oolea i oi aku mi@uua o ke kupono e manao ia nei, a o ka hana i hana ia ai maluna o Hawaii holookoa, aole loa ia i kupono iki, a ua kuo maoli no hoi ia i ka noho hoaloha ana. 

He haua kauniaha loa hoi ka hoao ana e hookahuli like na aoao a elua, i like ai hoi kekahi a me kekahi, aka, aole loa he hiki iki ke hoao ia ma ia ano, o Mr. Dole a me kona mau hoaloha, ua manaolana lakou o ka hoike ana ae o Hawaii i ke kaua ana o ka wa ano iho la no, oia la’ ka mea nana e hookuikahi me ka maalahi, a ma ia ano hoi e hookuu ia ai ka poe i hoopaahao ia iloko o ka hale paahao, a i hoohana ia hoi ma na hana like ole, a oia la ka mea uana e hoopau i na hana o ka 1893, a kala ia la hoi na hana ekaeka a Kuhina Stevens i kukulu ai, a me ka moku kaua Bosetona.  A eia ka olelo kaulana a kekahi kanaka Amerika piha, nona ka inoa Thomas Jeffeson i olelo ai iloko o 1787:

  O ka ulu ana ae o kekahi kaua kuloko liilii iloko o ka aina, oia kekahi hana maikai loa, a oia hoi ka mea nana e hoopau aku i na ino i hana ia.  * * *  E ae i ka lahui e lawe i na pu, a e huikala ia hoi lakou, a e hooluolu ia hoi me ka hoolaulea ana, no ia hana ana.  *  * *

   O ka ulu ana o ka laau, ua hauoli oia, oia hoi, mai kekahi kau a i kekali kau, he maikai kona nanaina.  A oia ka’u e olelo nei, he mea pono e huikala ia, a e hoolaulea ia hoi ka poe o keia ano.                  PRO. BONO.

 

HE LONO ANO NUI.

He Hoike na kekahi o na Makai Kin.

Kakau ia maluna o ka Oneki o ka Mokumahu Kinau.

(Hoomauia).

   Ua lulu lima aloha hoi iho la au me ua poe nei, a puka aku la no waho o ke Kakela o Kuikeola, a kamoe aku la i ko’u alaheie no kahi o ko’u kamaaina, ka poe hoi e kali mai ana ia’u me ka hoomanawanui oiai au ma ko’u huakai auwana, no ka pono o ko’u mau hoaloha, e ake ana e lohe pono i ka moolelo piha o keia poe opio.

   Ua ohaoha mai la ko lakou mau eo pakahi, me ka ninau pu mai, ihea oe o ka hele ana a o ka po no keia o ka la.

   Ua pane aku la me ka hoihoi nui iloko aku nei au o ka haleuaahao, a ua ike hoi a lohe i kahi o na mo aloha aina e lawe ia aku ana e hoohana, a ke manao nei au apopo e haalele iho ana au i ka maiumalu o ko oukou hale nei e ukali aku ana au i ka lakou huakai ma ka aina, a niki i ko’u kau ana ma ka moku ma Laupahoehoe, ke ole he mau kuia e keakea mai ana ma ko’u ala hele.

   Akahi no a maopopo i ka poe o ka hale, o lawe ia ana ka ua poe aloha aina nei no Hilo Paliku, ua paina iho la i ko makou aina ahiahi, a ua ike iho la hoi i ka Omaka, ka i-a kaulana o Hiio, a he ono io no hoi ma ka’u hoao ana aku, a he nui no hoi na ono e ae e hekau ana ilona o ka papaina, e like me@ke ano mau o na kamaaina ohaoha a lokomaikai he palena ole ko lakou manawalea ia’u, keia wa malihini maikai mai o Oahu.

   I ka wehe ana mai o ke alaula o ke kakahiaka Poakolu, aia hoi na alanui kahi e hele mai ai o ua poe keiki kaeaea nei, ua hele a lehau i na kanaka o na ano a pau, a e haianiu ana hoi lakou ma kela a me keia aoao o ke alanui me na manao ohehia o ke aloha oiaio no keia poe.

   Ua liuliu mai la ko’u mau kamaaina i mau lio no maua me kuu kamaaina e hele pu ai mo ka huakai aimoku o na pio aloha aina, e liuliu ia mai la no ka hali ia ne no ka hale hookolokolo o Hilo, no ke ku ana i ko lakou mau wahi puolo lole i hoo komo ia iloko o ua pahu e like me ke kauoha a ka Hamuku Hitchcock.

   Ke lohe aku la au i ka hauwalaau ae o ua alanui oiai, na aloha aina e alakai ia ae ana no ka hale hookolokoho uo ka wae ana ae i ko lakou mau wahi puolo o ko makou wa hoi ia e helokake ana me ua makou mau puna ti, no ke kamau wahi kope ana.

   A no ka nui hauwawa ioa o na leo o ka lehulehu noluila, na awiwi iho la au e inu i ko’u wahi bola kope no ko’u akenui e lohe, a i ole e ikamaka aku no i na hana hope loa a na kiai o ke aupuni maluna o keia poe.

   I ko’u hoea ana aku, ua hiki mua iho la ka Ilamuku Nui o ke Aupuni Hawaii, i ukali ia mai e ka Ma ai Nui o ka Mokupuni o Hawaii a me ka pohai o na Luna Aupuni ma kahi i hookaawale ia uo ko lakou kulana.

   Aole no i liuliu ke kali ana o ka Iehulehu, a poha koke mai la ka leo o ka Ilamuku, e ao ana i nu luna nana e hoohana i keia poe, aole e hookikina, aole hoi e hana i kekahi hana i kekahi mau hana ino e ulu ai ka.

   Ua haalele iho la au i kauhale kamaaina, a hele pololei aku la au no ka hale hookolokolo kahi hoi e kali ia e ka lehulehu, a lohe pono i na huaolelo mai ka waha mai o ka Ilamuku, a heaha la kana mau olelo ao e haawi aku ana i keia poe.

   I ko’u hoea ana aku, ua hiki mua iho la ka Ilamuku, i ukali ia a ka haunaele mawaena o na haku a me na pio.

   E hana oluolu aku ia lokou, oia auanei ka mea nana e hoomau i ka noho kuee ole ana, e malama pono loa ia hoi keia poe ma na a no u pau, i ka ai, kahi e moe ai, a me na mea e oluolu ai o ke lakou mau manao.

   Mei hoao kekahi luna e hana ino wale aku, aole hoi e imihala wale aka, o malama pono loa o hoea mai auanei ka pilikia.

   Pela hoi me na paahao nei, aole lakou e hoao e hoohaunaele, a hana paha i kekahi mau hana e poino ai ke aupuni o ka lohe ko oukou a malame pono.

   Ina ua hewa ka hana a na luna, e hoopii koke aku oukou i ka Makai Nui, i hiki iaia ke kaana pono ia ko oukou mau pilikia malalo o ka hana hewa a na luna.  Aloha oukou.

   I ka pau ana o na olelo ao a ka Ilamuku, ua lawe hou ia aku la ua poe pio aloha aina nei no ka halepaahao e like me ke kauoha a ka Ilamuku.

   Ia lakou la hoi e hoihoi ia la no ka halepaahao, aia hoi au ke hoi hou la no kauhale, no ke kamau ana iho i ka houpo lewalewa, no ka mea, aole i maopopo ia’u ka loihi o keia alahele a’u e ukali nei mahope o kuu mau hoakanaka e lawe hele ia nei malalo o ka mana a ke aupuni.

   Ua awiwi iho la au i ka ai ana, me ka nana ole ae i ka lehulehu o na mea ai e muu mokaki ana iluna o ka papaina aia ko’u pono o ke ku aku i kula (moana).

   I loa no a pau ka’u ai ana, ua liuliu koke ae la au i ko’u wahi paiki paa lima a hooko iho la iloko o kekaeke ili, a kau aku la iluna o ko’u lio, a pela no hoi ko’u kamaaina, a kau ae la maua maluna o na lio, me ko’u haawi ana aku i ke aloha hope loa i na kamaaina o kauhale.

   I loa no ia maua a hiki aku i ke alanui Paahao, e oki ana i ke alanui Haili alanui Moi, a hookui hou aku la au me ke alanui Waianuenue hookui me kealanui Wailuku, aia hoi lohe aku la maua i na leo hauwawa o ka lehulehu mahope o ko maua kua, a ku iho la maua me ke kali ana aku o ka hoea mai o ua poe opio aloha aina nei, a ke alaalawa mau nei hoi ko maua mau maka mahope o ko maua kua.

   A no ko maua ake e ikemaka i keia mau hawauawana e walaau mai nei, na ku iho la maua a hooloho me ka hakilo pu ana aku, no ko aha la keia mau leo walaau?

   A oiai no hoi maua e ku aua ma ka aoao maluna o ke alanui, aua hoi na kane a me na wahine e alualu loloa mai ana mahope o ua poe hilalo aloha aina nei a ka lohulehu, a aia no hoi ko lakou mau wahi paiki e hekau ana no maluna o ko lakou mau poohiwi e like me ko lakou wa i haalele ai ia Honolulu.

   I keia wa a lakou e nee mai nei, na like ka hoolei ana o ko lakou meu kapuai wawae me he poe la e hoe ana i na nalu kaulana o Huia, a hoomanao ae la kahi Makai Kiu i keia mau wahi lalani mele a oia iho la keia.

Maluakiiwai ke aloha,

Hoopulu i ka loko Mamane,

Ke uleuleu nei na manu,

Inuwai lehua o Panaewa,

E walea ana i ke onaona

I ke one wali o Ohele,

Hele mai nei ko’u aloha,

A lalawe i ko’u nui kino,

I mea iho au e hihio

Hiki mai ana kou aloha

Huli ae au ma ka paia,

Hoonana i ka manao

He manao no ko’u e pili

Me ka nalu ha-i mai o Huia

Hui puuwai olu ke aloha

Na mi nei no ia pua

O ka iwa oe o ka hikina

E paihi manu o Waiola

E ola oe e ka Pahukapu

Milimili a ka pua Komela

No lihauanu ke aloha

Noenoe mai la i Olaa

A loaa wale no ka hoi

Ko huli pono mai ia nei

Pono oe pono pu kaua

Me na puuwai palupalu

Milimili a ka pua Komela.

   O ke kumu o ko ka Makai Kiu hoo komo ana i keia lalani mele, oia no kona lohe mau ana i na leo mele like ole e mele ia ana e ka poe  pa@@nele, a o keia hoi kekahi o na mele, i hoo, nanea loa ia ai ka pepeiao o ke kamehele a koe wale no keia, aole he ike pono ia aku o ka mea nana e mele ana.

   I ka meha ana iho o na leo mele, aia hoi ua poe keiki nei ke kaukoe la imua a eia no hoi au a me ko’u kokoolua ke hele aku nei mahope e ukali aku ana no hoi i ko lakou meheu ke kumu hoi o ko’u hiki malihini ana i ka ua kanilehua o Hilo.

   Aole no hoi i hoopau manawa wale au i ko’u nana ana ma o a maanei no ka mea he ake ko’u e ike pono i ka inoa o kela a me keia wahi o Hilo oiai au e haalele ana i ka uapo o Wailuku ka palena o Hilo taona a kamoe aku la makou no Peueo, he wahi hoohenoia ia e ka poe haku mele.

“Puueo e aia iluna.  O Kapahiokeolo aia ilalo.”

 

NA KAUHALE KAHIKO I LOAA HOU!

KA IMI HOU ANA MANA AINA I

KAMAILIO IA MA KA BAIBALA.

MOKUNA II.

ALEKANEDERO KAHIKO – KAHI I

HOOKAHUA AI KA NAAUAO O

IIELENE A ME KAIKE HOO MANA KARISTIAN.

Ke Kulanakauhale Kelakela o Alekanedere ka Nui – Kona nani o na au kahiko – Ka Paros – Kukulu ia aua o ka Hoomana Karistiano i na la kinohi—Malaila ke kia hoomanao i kapaua ai ke Kui a Kaleopata – Ke Kia a Pomepe – Ke Kulanakauhale Hou – Ke ano o na Kanaka a me ia naho ana, a pela aku – Ka haulepio e ke kaua a ke Khediveia Abesinia – ua Iosepa i hoolala mua ko oki o Suez.

   Aka hoi, aole ka moi o Abesinia pela i lilo pio wale ai me @@uluole i manaoia, a i koua wa i kauoha ia aku ai e waiho i kana mau iako kaua ilalo, ua paoe mai la eia, me ka leo kuokoa hoaana.  “Aole loa a hiki i ka hoihoi hou ia ana mai ia @ o kela a me keia kapuai a pau e kou aina e waiho ia mawaeoa o Iirusalema a me  Abesinia.”  Mai la manawa niai ua hana kuikani laua a maluhia ka noho a ia a hiki i ko ia wa me ka uku ana hei o ae @@ Khedive o Aigupika ia moi I @ne no kona lilo kaua.

   O kekahi o na hana nui o keia keuo@uria ma aole oia ka oi loa, oia no ka hana ia ana a paa ke a awai oki o Suez, e nouhui ana i ke kui Ula me ke kai Waenakonuhouua no na hoolilo ana he $130,000,000!

   He kaniwilu-ku@@na@ mile ka loihi o keia eki a he elua haneri me ka@@ lima kapuai ke akea me ka hohonu kupono no na moku nunui loa ke komo ma keia ala oki me ke pilikia @ie; a ma keia hanaana e hoonokole ana i ka loa o ke alamoina a na moku e holo ai mai Europa ae  me Amerika a hiki i leia a me Kina, he ekina a he ehiku tausani mile, a he hookahi malama okoi hoi ina ka helu inanawa.

   O keia hana kaulana aole no ia he hana kou na ka Farani, aka he hoopau wale ana no ia i kekahi hana nui i noonoo ia iloko o ekolu tausani makahiki i hala.

   Ua hoopaa moolelo ia hoi e Strabo, a me kekahi poe kakau mooleio e ae, ua oki no o Ramese II. A. M. 1340, i kekahi alawai mawaena o ke Kai Ula’a me ka muliwai Nile.  Ua olelo hoi kekahi poe e aku, na Sethi I, he keneturia mamua aku, i haua ia ua hana la, ke ‘lii i nono kiaana aku ai o Iosepa no Aigupika.  Na Iosepa i hookumu ka hana ia ana o ia mea he alawai-eli a puni ia aina, a ke mau nei no ke kapaia ana o kekahio na alawai hookahekahe wai ino kona inoa a ma ia mau alawai hoi e mahelehele ia ai ka wai o ka muliwai Nile maluna o ka waoakua e pili kokoke mai ana, a ma ia ano i hoopemaikai hou ia ai na apana e waiho kuanea ana.  He ewalu keneturia mahope iho, e like me ka Heroditus, ua hoonui hou aku la hoi o Ne@ho II. i keia alawa, oki. e hoolilo ana hoi i ke ola o 20,000 o ua kanaka ma keia hana, a ua hoouna aku la oia i kekahi aumoku ma ia ala e kaahele ia Aferika. I ka wa o ka poe Peresia i hoolilo-pio ai i ka aina.  A. M. 525, malalo o Cambyses, ua lona aku la hoi ke alawai oki ua hiki kupono ole ke hooholo moku ia:  aka ua hoomaemae ia iho la e Dariu, ke keiki a Hystaspes, a hauama hou i na hookele moku ana.

   Iloko o ke au o na keneturia ua piha hou mai la i ke one i hiki ole ke holo moku ia a na hana hou ia aku la no hoi e ka Emepera Trajan i ka hookumu ana mai o ko kakou nei au, a mai ia @anawa mai ua ike ia ua malama pono ia a luki wale i ka piha hope loa ana a hana ino ia ai e na ‘ai Kalipa Arabia.

   Ua waiho ia na Napoleona III. e hoopau i keia hana nui o na au ma ke ano kelakela, ma ke oki ia ana o ke alawai ma Menzaleha a me ua Lokowai Awahia mai kekahi kai a hiki i kekahi kai, a ua lilo hoi he hana holomua mai kona hoomaka ia ana e like hoi me ka holopono o kona kukuluia ana.  Iloko o ka makahiki 1881 he 1494 ka nui o na moku i holo aku ma ia alanui o ka moana, e lawe ana i na ohua he 80,805; o ka loaa mai o na uku ukana a me na uku ohua ua hiki aku i ka $5,755,205, a eia no ke pii mau nei kona kaahele ia i kela a me keia makahiki.

   O Enelani ka mea hoopahenehene i ka hiki o keia hana ke hana ia, oia nae ka mua i pomaikai nui i kona wa i pau ai; a no kona ike i ka wa waiwai nui o keia Alawai Oki o Suez no ka launa hikiwawe ana me kona Panalaau ma Inia Hikina, ua kuai aku la oia i ko ke Khedive kuleana iloko o keia hana nui; a me ka Mokupuni o Cyrus ma kona lima, e lilo ana iaia, aole wale o keia alawai oki, aka, e pau pu ana ka mana o Aigupika a me ko na Aina Hikina a pau.

 

MOKUNA III.

O HELIOPOLIS A ME NA PIREMIDA

Ka Ona o ka Palapala Hemolele –ka Luakini Nani Nui o ka La – ke kahua Kahiko o ka Hoonaauao – ka moolelo kaao o ka Phoenix – Hookahi no Kia Pohaku e ku nei i koe – Na Piremida o Ghizeh – Ko lakou kumu ua hoopuni ia e ka Pohihihi – Manao wale ia he Hale Ilina no na akua a me na ‘lii – Na Manao Kohokoho Hope loa – Ua like o Cheops me Iosepa, ka Hebera – Ka Piazzi Kamika wehewele ana – Ke Kiikalai poo kanaka mi Na Moolelo Kahiko – Na Manao noonoo iho.

 

   O Heliopolis, ka Ona ma ka Baibala Kin. 41:45, a o kekahi hoi o na kulanakauhale kahiko loa o Aigupika, ua ku iho oia ma ke poo o na mana lehulehu o ka nuku o ka muliwai Nile; he mau mile ma ku Akau aku o Kairo, ke kapitala o keia wa, a o ku ana hoi ma ke kae o ka aina i kapuia i ka wa kahiko o @o@ena.  Okeia hoi ke kulanakauhale kelakela o ka Luakini o ka @@ kahi e he@una ia ai o ke akua Apisi@ @ula, a oiu no ke kahua i noho ai o ka hoonaauao iwaena o na Aigupika.   o Asenaia, ka wahine a Iosepa, he kaikamahi@ia na kekahuna o ka kiukini nui@o@ Omi Kia 11:15; m@anei o Mose i hoou@@@@@ ia ai no kana ha@@ i @@@@ ia aia maaneio  Plato a me na kanaka @@@@ o Helona i au ia ei ka hapa nui o ke lakou ike i na mau ike-ki@@@, a @@@@@ no hoi, e like @me ka mool@l@ kahiko, ka manu Phoenixoi ka mookaoa e puhi ia a lehu, a n@i ka ieha oia e ola hou ae ai he kino opiopio@@   O keiakahi o na m@@@ kiekie o ka nani i ane like kona nui me ko ka @oku me ua hulu i hok@li @ie @ula ki n@ kona ai ke poni nui ke kine a o ua hulu nu kona puapua he @@le a @i@ ka ula o ka pua @@@.

   He nani ka lepelepe ioa kona poe a me na uleule malahi ilio o kona auwae.  Ua @@@@oia keia manu e ola eua he elima hawaii makahiki akila pulu ia iho ai i ka uhi a lehu a mai ka lehu oia e @hi l@ii ae ai me he na@@ opio la, me ka ikaika, a me ka oia mau o kona nai – he hoailoua hoi o ka hoola hou ia ana o ke kino o ke kanaka.  O ka hoola hou ia ana o keia manu ma Heliopolis wale no e hookoia ai.  Ua ho’a iho la na kahuna o ka luakini i kekahi ahi o na mea aala maluna o ka lele, a o ka manu kahiko i luhi i ke olaana, lele poai iho la oia, iloko o kekahi manawa pokole maluna pono iho hoi ka mahu uahi e aala ae ana a hookuu iho la iaia iloko o ke ahi a pau i ke ahi a kua lehu.  Ma ka lua o ka la ike ia aku la he wahi moo hoku enuhe e hoea ae ana mai ka lehu ae nia ka lele, a i ke kolu o ka la ua ala hou mai la ka Phoenix, i oi aku ka naui i kona ano mua me kona ikaika e ola mau ai no elima ha nerimakahiki loihi hou aku E ku ana keia luakini ma kekahi palena o kekahi pa ekolu mile kona anapuni, nona na paia i hiki no ke ke hookoloia i keia wa.  Ma na wahi a pau o keia anapuni i pa ia, e waiho kamoe ana hoi kekahi alanui akea i kukulu lalani ia ma na aoao me na kii kalai pohaku kino kanaka a me ke kia pohaku o na mabala e lalani ana a hiki ka palena ma kahi komo ana ponoi o ka luakini a o lakou a pau hoi ua hoohiolo ia a lawe ia paha, koe wale iho la no hookahi e ku mehameha la – ke kia kahiko loa hookahi ma Aigupika, -- me kona pololei e like me ia i kukulu mua ia ai maluna o kona kahua he eha tausani makahiki i hala, e kiai ana me he koa kiai la no ka ilina o keia kulana kauhale o ka wa i uhi ia a nalo loa.

   Ua ku hoi keia kia pohaku mabala ulaula, me ka hoaano ana i na ulia a na ino a me na olai no na keneturia lehulehu, he aneane kanahiku kapuai ke kiekie, he eono kapuai ekolu iuiha ka huinaha ma kona kumu.  Ua anai ia hoi kona mau aoao eha a pahee a maikai, a ua uhi ia hoi me na hoailona olelo a me na kii ano i kalai ia iloko o ka pohaku paakiki, o hoike ana i ka nui akamai, a e hoike ana no hoi ua kukuluia ma ke ano he kia hoomanao moolelo o Osirtasen I., me he la paha i ka A. M. 2080. ina aole mamua iki aku paha.

   O ka inoa o Aigupika no keia mau kia pohaku ua nalowale aku hoi i keia wa.  Ua kapa ia aku ko lakou ano he “obelisk” a kuikele paha, e ka poe Helene, a o na kia elua i hoonee ia mai keia aina a Alekanedero e ka poe Roma, ua ike ia ma ka inoa o na “Kuikele a Kaleopata,” ala aole nae i lihi launa aku ia alii wahine kaulana me ia mau kia pahaohao.  Ua lawe ia aku la i keia wa koke mai nei kekahi no Enelani; o kona lua au lawe ia aku la i Amerika, a he hiki hoi ke ike ia aku i keia wa ma ke kihi hikina o ke koma ana o Paka Waena o Nu Ioka, e hoohui ana ma ia mea i ka malamalama o ke au kahiko me ko kakou malamalama e noho nei.

   Ua ku ka luakini ma kahi kiekie i kinohi, aka i keia wa aia kona kahua i kukuluia ai aole i emi iho he eono kapuai malalo o ka ili aina kula o keia Ia, e hoike ana i ke ano o ka piha mau ana o ke Awawa holookoa o ka Nile.  Iloko o umi minute o ka hele ana akua mai keia luakini, ua loaa aku la hoi kela wahi @oailona aina kaulana, “Ke Kiowaipuna o ka La,” ka mea e hoolako mau ana i ka luakini me ka wai hou a ono hoi, ke wai mapuna hookahi ma Aigupika; a e hoomalu ana i keia kiowai kekahi laau sikamoa kabiko loa, ua hele a wikani na io laau i kona kahiko, nona na lala laula nana hoi i hoomalu, wahi a ka oleloia, ka ohana laahia, i ko lakou wa i holo aku ai i Aigupika mai ka inaina o Herode.  Ua haalele mai la hoi ka nani o keia kulanakauhale i ka wa hookahi i lilo pio ai o Aigupika i na Peresia.  Me ke ala ana ae o ke kulana o ke kulanakauhale o Alekanedero pela i nalo aku ai kona kaulana; a i ka hookumuia ana ae hoi o ka Hoomana Karistiano pela iho la i pio loa ai o Heliopolis!

   O ka mea pohihi kiekie hoi a me ka moolelo hoailona manawa kahiko loa ma Aigupika, oia no na piremida, aneane paha he kanahiku o lakou e ku nei no i keia wa ma ke Awawa o Nile.  No ka wa lakou mamua aku hoi aku o ke au paa-moolelo, a o lakou no na kia hoailona kahiko loa no ke kanaka.  Ua kamailio o Herodotus kekahi haku moolelo kahiko loa, A. M. 443, no keia mau piremida e olelo ana he mau hana kahiko loa, aka ua like no nae kona maopopo ole i ku lakou kumu mai ko kakou.

   O ua piremida oi aku o ke kaulaua o lakou, oia no ua mea o ku kokoke ana ia Ghizeh, mawaena kona o Ka@@ a me Memepe (Memphis).  E ku ana lakou he hookalu laueri kapuai mahina ae o ke kiekie na hahe na wainui o ka Nile, maluna ae o ke kualapa pohaku e hoai@@@ ana i na palena hikina o ke kae o ka waoakua nui o Aferika: a na haule pu hoi ka hoonanene ana a ka oki e hoonee aku ia lakou mai ko iakou kakou pau i kukula ia ai.

   O ka mea nui loa @@a keia mau kia ho@manao; oia no ka peremida o Cheops;  he ohiku haneri a me kau@onakumamala, kapuai k@@a o k@@a ku@@@, a na pii ae la kona kiekie @@ ke anahio o ka@@@hu@ k@@@@@@@ ilo@@@@ i hiki i ke kiekie e ehu ha@@@@ @@ kauna@@ kapuai, i kinohi he inaka@@@ kap@@@ @@@@ ae k@@@@ kiekie mo@@@  @@@ ka kuiu@ o kanai@a @@lie@@ kuhika kapuai, a e ulii @@@ ana @@@ he @@@@@@@@kola eki a oi aku e ka ili aina he ilina i oi aku n@uuna o ka Madison Kuea ma Nu Ioka a i pahu aku hoi kona kiekie i ko ka pau’a o ka Luakini Taria@@ @@ @@.  He pakolu paha kona nai i ka pa o Hale Alii.  Aole i pau.