Ka Oiaio, Volume VII, Number 2, 15 March 1895 — Page 4

Nupepa Ka Oiaio.

 

J.E. BUSH, Lunahooponopono.

 

O KA PONO KA AIALII E OLA AI KA AINA.

 

POA@MA, MAKARI, 15, 1895

 

HE MOOLELO KAAO HAWAII

NO

LAUKAIEIE.

 

KE Kino Kamahao Hoko

o ka

Punohu Ua-koko.

 

Ke Kuluaumoe e na Pali

o

Waipio Hawaii.

 

@@@ Mo@@ Manu no “KA LEO

 

Ka haukai hele makaikai a Laukaie ie me kana Aliikane—Lilo o Makanikeoe me Hinahelelani i mau alakai ma ka aina a me ka moana Ike ia ua lua hohonu maloko o ke kai a me ka aina nei—Hele pu me na ohana ponoi—Hoonohoia o Laukieleula i Ihikalani—Ulu ka ieie ma keia mau mokupuni—Lilo i mea hoomanao ia e ka Lahu Hawaii nei.

 

            I ka manawa i waiho a aku ai o keia mau olelo i mua oua ui nohea la o ka moana, ua huli aku la ua wahine nei a nana ihola iloko o ke kai, a ike iho la oia i ke alanui hele a makanikeoe i hele ai i ka mokupuni o Maui a oia kana i ninau mai ai ia makanikeoe.

            Aole auanei nau i hoola keia kaikamahine make iloko o ke kahi lua huna?

            Nau no wahi a makanikeoe, ua moe pu au me ia wahine, aole nae oe i hanai ka hewa, me ia @a honi nae olua, ae wahi a makanikeoe.

            Ma keia ae ana o makanikeoe, ua ike ia aku la na ula ohelohelo ma ko Kaohaiula mau papalina e puapuai mai ana, me he ua koko ala, @ini ka inaina wela o ke aloha iloko @ kona puuwai e paila ana, a mahope iho o keia ninau mua ua hai kou ae la oia i ka lua o kona ike kilokilo.

            Owai kainoa o keia kaikamahine ka mea nona kahale iluna o ka puu kiekie e ku nei ina ke alo huli i ke makani.

            Pane aku la o makanikeoe o Kahaleomapua@a kainoa o ua kai kamahine ui nohea la ka mea nohea la ka mea nona ka hale iluna o ka pou la.

            He mea pili loa ia kakou ma ka mana o na kapua nana mai kakou a pau.

            Pane hou ka ui nohea aole auanei nona mai a me kona kaikuana na lei hala i haawi mai ai ia oe mahope iho o kou baalele ana aku ia laua ma ka kela ki`o wai? No laua mai no wahi a Makanikeoe.

            Pane hou o Hinahelelani o ua mau leihala ala i haawi ia mai ai oe, nolaila mai ka pili mau loa ana o ke ala o ka hala i kou kino a hiki wale mai la oe i mua o makou.

            Aole nae he mau hana pilikino i hanaia mawaena ou a me laua he mau mea laua i pili ma ko makou ano mana mai ua kupua mai.

            Nolaila, aole he mea e aku a`u e hoike hou aku ai i mua o kakou, aole hoi he mea ma waho aku o ka`u hoakaaka ana me ka oiaio ma oli me ka pololei.

            Noiaila, aia au me au me ko kaikoeke haku lani alii ma muli ou a hiki i keia la.

            Ma keia mau olelo a ka Punohu u@-okamaeana, e like me koni ike ua pane hou mai la o Kaohaiula me na olelo imua o Lau kaieie.

            E ou mau haku lani alii, ua mai ka na olelo a pau i hai ia a`e nei i mua o kakou, aka, no`u iho ua oia aku no ka maikai aole e hookuu hou i ka`u kane e hele hookahi oia mai keia aina aku o kakou e noho nei o kakou pu no i na manawa a pau loa a hiki i ka palena hope loa o ka kakou nuakai e hele nei.

            A he ike pu iho noia i ke a`unui ke au iki, aoia kau manao hoakaka hope i mua ou e kou haku alii.

            I ke kuu ana iho o keia mau olelo a Kaohaiula, ua pane koke maiia o Laukaleie me keia mau olelo ua ae koke au i kou manao a pau mai ka mua aka hope oiai, oia no ka mea nana oukou i lawe mai a hiki ma ko makou aina hanau pononoi ma Waipio.

            A maia ana ua lilo kakou a pau i ohana hookahi me ka noho oluolu ana me ke aloha, aole hoi e hiki ia`u a me ka`u alii kane nei a me oukou a pau ke lawe mai i na hana a ko`u hanau mua Hiilawe i make ka i haole i ka hewa me koia nei kai kuahine alii Kalehuamakanoe ka mea i noho aku la i hope me na makua o kakou a me ko kakou nokii Laukieleula.

            I ka pau ana o keia mau olelo a Lau kaieie me ka lohe pono o na mea a pau.

            Aia hoi a kahi no a hoi iho a kualiilii na manao lalapa o ke aliikane a hoi pono iho hoi na hakukoi ana a ka puuwai.

            A oia ka ka mea kakau moolelo i ka mau ae nei, aole no paha ia e pakele aku ia Kaohaiula wale no ia mau mea mawaena o ka noho ana o ke kane a me ka wahine.

            Ma hope iho o ka papa olelo ana a ka mea i oi aku o ka mana kuleana maluna o Makanikeoe oiai na na iho la no ka inaina lili a ke k@a wahine.

            Akahi no a haawi aku ke kamaen@o Waipio a haawi aku i kona alona me na hoomaikai i ke alii lomaika nui wale nona ka mokupuni o Kahoolawe.

            A me kona mau ele`e kaulana i na la o kena hiki mau ana malaila me Kawelonaakalailehua a me ke kahi o na kaikamahine ana i lawe mua mai ai me kona kaikoeke Kaana ua ike oe e ka mea heluhelu ma na helu mua o keia moolelo kaao o Laukaieie-

            I ka hala ana o kekahi mau la elua mahope iho o ko makanikeoe hiki ana ma Kahoolawe mai Maui mai.

            A hui ua liuliu ae la ka huakai e hoonee i ko lakou ala hele, nolaila, ua hai ia aku ka lohe i ke alii kahi a lakou i noho aku ai, a ua ae mai oia me ka oluolu a ua olelo aku oia ia makanikeoe ia mea.

Oiai e ukali pu mai ana kona mau elele ma keia huakai alii a ua aku no o makanikeoe ia mea a oia kana i hai aku ai i kona kaik@hine a ua holo like ae la ia mea i@laua elike me ka manao o ke alii.

            Mamua @e o ka makaukau ana o ka huakai e haalele aku ia Kahoolawe aia hoi na hoopuiwa loa ia ke kahi poe o lakou ma keia huakai i ka ike ana aku i ke kuahiwi o Uakumehame a me Olowalu ua hoopuni ia e na ano ao like ole ke naua aku ka home noho kuahiwi hoi o ke kaikamahine oikelakela o Maui Komohana.

            Ke kua hiwi hoi nona na lehua e lele anoano maila ko lakou ula me he kapu paiula ala iluna o kailikai ana kupono no kona haku ia ana e Mrs. E@na Makini i ke mele i ka maemae oia mau lehua.

            Aia ma keia ano ua haule iho na ku`uwaimaka o ka ui nohea lihau e hele pu nei me ka mea nona keia nanea.

            A`a io no kona aina ke huli pono maila mamua o ko lakou mau alo a me ko lakou mau nanaina a ke puapuai mai la n@hoomanao ana i loko o ka ui nohea la ko ke one oiwi me ka moma ole.

            A oia kana i olelo aku ai imua o Laukaieie me kana alii kane a me kona mau hoa a pau, a ua lokahi like ae la ko lakou mau manao a  pau e hookuu mua iaia e hoi no Maui a mamua o kona huli hoi ana aku, ua olelo aku o Makanikeoe ia Lihau, e hele mai maalalua, Auwe! wehe o Uwahi i ke la mau olele a Makanikeoe ia Lihau.

            A ia Lihau i hele mai ai a hiki ma kahi a ka eueu i olelo aku ai, ano e huli pono aku kou alo no Maui.

Kahi au e hele aku ai a e kau ko ke aku oe maluna o keia waa i kamaaina ia oe oia no hoi kela mau waa pupu aiaia i kau iho ai me ka eleu nui aia hoi ua oni malie ae ka elele Puakawiliwili o Maui a niau pu aku la me ka ui o Maui maluna o ka ilikai aole no hoi i liuliu iho ua hiki aku la keia ma ka lae o He kili ma Olowa`u.

A oiai no hoi na poe kamaaina o ia wahi e noho mai ana me na ike hoohewahewa ole ia Lihau ko lakou kaikamahine ui oikelakela oia au kahiko.

            A mamuli o kona ano kaikamahine kupa no ka aina na apo ia mai oia me na puili ana a ke aloha me na kuluwaimaka aua pahola koke ae la ka lohe mai ka pali o Manawaipueo ma Ukumehame a hiki ma ka puu o Kekaa ma Kapea komohana Akau ma Lahaina.

            A ua huliamahi na mea a pau a ohe ku, aohe moe i ka hele mai e ike i ke kaikamahine kaulana o Maui ka mea i nalo aku he mau la liu wale a ike hou ana i ke onehanau ona.

            A mamuli o ko Liahu ano  he kulana huki-kaulua kona i ohahia nui ia e na kana @a a pau o kona aina.

            Nolaila, ua hele mai na mea a pau me na mea ai o na ano a pau e ike no me ke ano mau aia au kahike i au wale ka la.

            He hookupu a Palala paha ke ano oia mea ma ke ano he kaikamahine puuahele no ka aina.

            Ma keia wahi o ko kakou nanea e waiho i ka olelo ana no Lihau, me kana aina-nui-palahalaha, a e huli ae huli ae oe e ka mea heluhelu a nana ae ae i ka mea nona keia moolelo kaao.

            A o keia mau mea ai a pau i lawe ia mai la ua pane aku la o Lihau o ka lehulehu e waiho iki na mea ai a pau aia he mau malihini kiekie kana a hiki mai, ka mea i helu ia malalo iho o ka malamalama nui o ka a me ka ilihonua.

            Ke kaikamahine lani alii o na pali o Waipio, a ma keia mau olelo a Lihau ua lohe ia maila kona leo e na mea a pau.

            I ka manawa i hala maila o Lihau me kona ukali, aia hoi ua makaukau ae la o makanikeoe e hoonae, i ka huakai a kona kaikuahine alii, a maemae o ko lakou hele ana na haawi ia ke aloha hope loa me ke alii nona ka aina a lakou i noho ai no kekahi mau la.

            A ia Makanikeoe e liuliu ana no ka hele ana, aia na ao opua ke okuku mai la ma na paia o ka lewa nuu me na hiohiona o na ao kaalelewa e like no me na haawina mau o ka mea nona keia moolelo i ike ia mai kinahi mai, a he mea pono hoi i kamaaina i ka mua heluhelu.

            He mea oiaio ia mau mea a pau e hoopuaana iho la maluna o ka ilikai.

            Aia no hoi ia manawa, i hoohakui iho ai he mau leo hekili nakolokolo me na olapa uila.

            A i ka mao ana ae, aia ka huakai ke hele ae la ma ka Lae o Kealaikahiki.

            Aia ma keia wahi i huli iho ai na maka o ke Kilo honua ia lalo o ka moana kai uliuli, ua ike iho la oia he ana nui a maikai kona mau ano a pau loa.

            Aia ma kona mau aoao, e ku ana  he mau kia pohaku maikai i hoopuni ia me na mea nani o ka moana, e hulili mai ana me he mau ihoiho kukui ala ke nana aku.

            A ma keia mea, ua noi aku ola i ka oluolu o kana wahine Kaohaiula, e ae mai iaia, a ua holo ia mea.

            Nolaila, ua mio koke aku la ke kamaeu no ka hohonu o ka moana, me ka hoolei pau ana aku o kona mau nanaina i ke ano o keia ana me na hiona o ka nani nui, elike no me kana mea i ike iho ai mai luna iho o ka ilikai.

            A eia pu no hoi na elele elua o ke @’lii ke ukaili pu nei me ia, a ua ike pu ia aku no hoi ke kamaaina nona keia ana a ka maikai e noho mai ana me ka oluolu, oia hoi kekahi o na kiai o ke alii nona ka moku a ka mea nona keia nanea me ka ohana i haalele aku ia.

            Ke ninau iho la paha oe e ka mea heluhelu i ka inoa o ka mea nona keia ana.

            Ae, ke hoike nei ka mea kakau, oia o Kamaloula, he kiai no ia lae kaulana.

            He mano pauku keia o kona kino he like me ke ano o ka malo pua kai o ke alii Kamohoali@.

            He mano noho nialie keia no ia makalae, a he mau launa oluolu kai kukai ia mawaena o na malihini me ua kamaaina la nona ia ana.

            Mahone iho o ko lakou launa ana, ua malele aku la ka eueu ia wahi me kona mau hoa ukali, a ua hoea ae oia ma kahi a kona kaikuahine e hoolai ana ma ka ilikai.

            A ua nee ae lakou mawaena o ke kowa o Lanai me Maui, a ke lawe malie ia la e na aheahe makani Maaa o ka welau hema a ke huli pono aku la ke alo no ka Malu Ulu o Lele.

            A i ka huakai e kokoke aku nei uo na aekai o Olowalu, kahi h@i o ka ui o na kakai pali o Lihau.

            Aia hoi, ua eleu koke mai la ka ui Lihau i ka hookina ana aku i ko lakou haku alii malalo o na liuliu aloha ana a na kamaaina a pau o kona aina hanau me ke ohohia nui loa ia,.

            A he mea hoi i ike ole ia ma na papaaina ma kahi a lakou i hookipa ia ai, mai ko lakou haalele ana ia Waipio, a hiki ilaila.

            Aia nae i keia manawa a ka huakai i aneane aku ai e hiki ma ko Lihau hale i noho ai, oiai ka huakai e haalele iho ana i ka ilikai.

            Aia hoi, ua mawehe ae la na ao polohiwa o ka lewa, a ua ike ia aku la keia poe a ka ui nui wale e noho mai ana iloko o ka Puuohu Uakoko, me ka nani nui.

            A ua hiki ole i na leo o ka lehulehu o ka aina, ke hooho leo nui ae, oiai aia ua eehia me ka pioo ke hekau iho la maluna o ka lehulehu holookoa a pau.

            A i ka hiki pono ana iho o ka mea nona keia nanea ma kahi o ka home o ke kaikamahine kaulana o Maui.

            Aia hoi, na like pu na wai hooluu like ole o ka Punohu Uakoko, me na lehua o Lihau, ka mea mai nona kona inoa.

            Mahope iho o ke kipa ana aku o ke kaikamahine kaulana o Waipio me ka ohana, a me kona kaikunane aiwaiwa, ua haawi ia aku ke aloha o na malihini imua o na kamaaina.

            A oia ka lakou i panai mai ai, a oiai ke anaina e ninau ana me ka nune nai, oia no ka manawa i Loonee ia mai ai o na mea ai o na ano a pau, malalo o ka Lihau me kona ohana ponoi lawelawe ana me na kaikamahine kaulana o ka Malu Ulu o Lele, a me ko lakou mau kaikunane, ka poe hoi no lakou ka Ua Paupili.

            Aia no hoi i keia wa i olelo malu aku ai o Liha@ i na ui nohea o Lahaina, he mea pono e haawi aku i mau wahi leo kanaenae  lealea imua o na poe malihini, i ike ai lakou i na leo kahuli o na pali o Waipio, a me na mahoe eueu o Maunaloa, Molokai, a me na Pupukanioe o Kauai.

            A mamuli o keia olelo a Lihau, ua pane mai la kekahi mau ui nohea o Lahaina:

            Aole paha he ano o ka makou lealea imua o na malihini.

            No ka mea, ke hoike mua mai nei no kau olelo a me ko lakou mau helehelena i ka noeau ike hula.

            A ina paha e ku ole ana i ka le`a ka makou, kou mau hoa nei i ka lealea i ka poe malihini ke hoolohe mai.

            Auwe! He mea o ka hilahila ma ko kakou aoao kona kamaaina.

            Pane mai la o Lihau imua o kona mau hoa, e ka@ae loa i ka hilahila a me ka akaaka aole he hookupu no ia mea. COLUMN 5

            O ka paa o ke mele ia oukou, oia ka mea e hiki ai a he hiki loa ia`u nei ke alakai la oukou.

            Ma keia mau olele pololei a Lihau, ua pau ae la ua manao ohilahila o kona mau hoa.

                        Aia ma keia mea, ua hai mua aku la o Lihau i ka mea nona keia nanea, a me na ohana a pau i hele mai ai, a ua holo ae la ia manao.

            Ma keia wahi o keia moolelo, e ike ai oe e ka mea heluhelu, ua ike no ka ka ui nohea o Maui i ka hula.

            Oiai, o Lihau a me Koiahi na ku i na lealea a pau i hana ia ma Waipio, elike me na mea i ikeia ma na helu mua o keia moolelo.

            A oia hoi kau e ka mea heluhelu e nana ae ai ia Lihau me kona mau hoa.

            A oiai no hoi lakou e kuene pono ana, ua puana koke ae la o Lihau i keia mele me ka wiwo ole a me ka elu:

Ke kau mai nei ka haili.

Ke oni ae nei me he ao opua la,

Ka noe o ka pali o Waipio,

Aia me Laukieleula,

Me na wahine i ka welelau pali,

Noho ana i ka uka o Uli,

E huli e Laukaieie,

I ka uwalo a`u a Lihau,

E kuu haku lani e,

E maliu mai—e.

 

            I ke kuu ana iho o keia mele oli a Lihau, ua hoomaka koke na puukani o Maui e kuupau i ko lakou ike hula, e haa ana i o, a e lewa ana ia nei, a poina ai ka ike o ka maka o ka mea o hoonuu ana i na lealea a na eueu o Maui.

Aole i pau.

 

HOO PII I KE KUNA WAHLBERG.

 

            Iloko o ka pule i hala ua noho paahana ke aupuni e hoomakaukau i na kumu hoopii ma kona aoao ma ka hihia o ke kuna Wahlberg i hoopii ia aku nei ma ka mokuaina o Kaleponi, no ka hooae ana mai ma Hawaii nei i na lako kaua i ka hebedoma mua o ka malama o Ianuari i hala. Ua holo aku hoi o Mr. Kinney e malama i ka hihia hoopii ma ka aoao o ke aupuni, maluna o ka mokuahi. Arawa, a holo loa aku hoi mai Kapalakiko aku no San Diego kahi e noho ai o ka Aha Hookolokolo. Ua lawe aku oia ia Mr. Townsend a me Charles Warren i mau hoike ma ka aoao o ke aupuni Hawaii.

            Ua lawe aku no hoi o Mr. Kinney i na olelo hoike e pili ana i ka hoopii a Crarstoun, Mueller, a me Johnston, a waiho akuhoi i na luna aupuni o America. Na haole keia i hoopii mai nei i ka moku Warimoo.

 

KA HOOILINA ALII O SAMOA

 

            O Ta`amu, oia ka hooilina alii o ke Aupuni o Samoa, a o ke keiki hookahi wale iho no hoi a ka Moi Malietoa oia aina i noho mana ia malalo o ka lawelawe ana a ka Moi i hookohu ia mai ka po mai.

            Ua hoonaauao ia oia ma Levuka, ma na mea pili i ke ano o ka noho ana, a me kekahi mau ike e ae i ao ia aku iaia no ke ano o kona noho ana ma keia mua aku.

            Ua hoouna ia aku ke kauoha iaia no ka huli hoi ana mai i ka aina hanau, a ua hooko o ia ke kauoha mao kona hiki kino ana ae i ke alo o kona makuakane ma ka mokuahi Upolu o ka la 8 nei e Dekemaba.

            O ka nui o na makahiki o keia kaikamahine alii he 16 no ie, a i ka nana aku, ua piha pono kona pauku kino i ka uila hooni, e hiki ai ke hoolawa i ko ke kanaka mae make ma na ano apau.

            Ua ulu mai la keia kauoha awiwi ia ana o ke kaikamahine alii mamali o ka noonoo noeau o kona makuakane, e hoohio i kana kaikamahine i Moiwahine maluna o ko na lahu ponoi, i wahi e hoopau ia ai na ao polului o ke kaua e hekau wahine, mau nei maluna o ke la lahui a hiki i keia la, a ua heluhelu hoi na ala ianei ia e na hana weliweli a ke kaua, mamuli o ka luku wale ia o na ola, a me ka hao wale ia o na waiwai.

            A i kumu e pau ai o keia mau ehaeha, ua manao o Malietoa o ka hoohui ana ona i kana kaikamahine me kekahi keikialii o ka aoao ku`e pela e hiki ai ke hoolaulea ia keia mau aoao a elua e apuepue mau nei e lilo ka mana hoomalu holookoa o ka aina malalo o kekahi.

            He hana naauao loa keia a Malietoa i hana ai, kona imi e ana i wahi e hoopakele holookoa ia ai ka aina mailoko mai o na hookahe koko weliweli a me na puhiahi lehulehu elike me ka hana aia lahui, he mau makahiki ae nei i kaahope, a o ka imi ana i ka hana maikai e like iho la me keia ke ano, he hoike ana mai i ko ka Moi ano Karistiano oiaio, a he hana hoi e hiki ole ai i ke ao malamalama ke hoopoina ma keia mua aku.

            Ua hiki io ae no ua wahine opio la, ma ke kulanakauhale Poo Aupuni o kona makuakane, oia hoi o Apia a ke hooko io la no oia i ka makemake o kona makua, ma ka hele ana i waena o ko laua makaai nana e hoohulihuli ai pu ana mai i ka naau o kona lahui nonoi e hilinai maluna ona ma ke ano e lilo aku ana i makuahine no lakou, a i loaa ai hoi he noho ma luhia a i Aupuni iakika.

            Me he mea la iloko paha o keia mau la, ua poni ia aku la paha oia i Moiwahine no ia Aina a i ole ua hoohui ia aku la paha oia me  kekahi keikialii o kona aina hanau ka ka me@ hoi a kona makuakane i a noi nui ai e hooko koke ia.

 

O PEKINA ILOKO O KE KUPILIKII.

 

KO KINA KULANAKAUHALE POO AUPUNI.

 

            Ua hoolaha ae ka nupepa Gazette o Kina, o ka la elima e hoike ana penei:

            Eia ke aupuni o Kina ke hoomakaukau nei i na pale, e pakele ai na kulanakauhale poo aupuni, mai na poino e kau mai ana oiai oia ponoi i mua o kona ola i keia wa.

            Ua makemake ia e hoou@a aku ia Kuhina Tsung-li Yamen i Beritania Nui, Farani Rusia Amerika Huipua me Kelemania ma kekahi kauoha pili aupuni e noi aku ia lakou e kokua mai mao kekahi aha no ka hoopau ia ana o ke kaua mawaena o Kina a me Iapana.

            O keia Kuhina o Kina oia ke poo alakai o ka hooponopono aupuni ana o K@rea a oia no kai hoike mua ae i kona manao he mea pono e uku koke ia aku ko Iapana poino mamua o ka pilikia ana o ke aupuni holooko`a.

            O ke keiki alii Kung oia ka mea oi aku o ka hooikaika e hoopau ia keia kaua i ole ai e poino ke kulanakauhale poo aupuni o Kina oiai o ko Kina kahiko iho la no ia.

            A ke hiolo o Pekina, ua hulihia kina holookoa, oiai hoi, ua kukulu ia ke kaulanakauhale o Pekina me kona pa e hoopuni ana iaia, i hiki ole hoi ke hoohiolo ia ka hanohano o ka palii, o ke Kuhina o na panalauu, ua hoomakaukau lakou i ko lakou mau ukana ka ohana, no ka haalele ana iho la ia Pekina a hele aku.

            O keia nuhou, an maopopo loa e komo aku ana na puali koa o Iapana iloko o Pekina, aole loa he mea hiki ke keakea ia mai kona komo ana aku, oiai aia lakou ma ka ipuka ponoi o ka palii i keia wa.

            A ua makaukau pu no hoi ka Emepera, a me kona ohana, e haalele iho i na paia o Pekina a hookaawale aku la, ma kahi mamao loa mai Pekina aku, a e noho ana lakou, ma ke kulanak@@hale o Tartar.

            O ka Emepera ua haawi ae la oia i kana k@@oha no ka liuliu ana i kehahi mau pahu e hookahi tausani, i hoopiha ia me na nani o ke gura a me na mea makamae e ae a e hooma--

 

Eia i Honolulu nei ka Malawaina o Kahuiui me kana Eva, (Ganiner Waila), ma ke Kinau mai ke kane a ma ka Claudine mai hoi ka wahine. Eleu no ka hoi na kukiui o Maui.

 

--kaukau ia no ka lawe ana mai loko mai o ka palii.

            Ua lawe ia aku la he mau mahele koa no ke kiai ana o ke kulanakauhale a ka Emepera e koho ai, a me na mea apau, a aole hoi i makemake ia e hooloihi hou aku.

            Oiai, o ka wa kupono wale no keia eike ia ai, a o na mea apau ua makau lakou apau, no ka nee ana aku i kahi i makemake ia.

            Aole hokahi mea iike ia o lakou ua hoopaa ia a ua lawe pu ia aku la hookahi haneri noho melemele no ka wahine o ke alo alii o ka Emepera aka ua ike ia he hana naakiki loa ka hiki ana ke hoonee koke aku iloko o elua la a oi, mamua ae o ka wa kupono.

            Aka nae he loihi kahi e hiki ai ke ike ia aku kahi o ka palekaua, oiai hoi e lohe mau ia aku ana ka leo himeni o ka puali koa o Iapana mawaho o na paia pohaku o ka palii e kokoke ana, aua makau loa ka poe a pau e noho ana iloko o ke kulanakahale, aua lilo hoi i mea hooweliweli nui loa ka leo o ka puali koa o Iapana oiai lakou e himeni mau ana i ka mele lahui o ko lakou aina a me he mea ala ua pau i ka wawahi ia na pani puka o ka palii.

            Aua waiho ia ae la he hoike a me ke kauoha pu e haawi ana na Generala e hana e like me ka mea a lakou iike ai he pono ke hana ia, oiai ua uuku loa ka manawa i koe a kiolo aku oia ka mea oiaio loa aole he mea hou aku i koe a o kekahi o na Generola ua makou  no a ane hiki ole ke ku a pale aku oiai aole kaikaika o kona mau i`o hoohana, Aole i pau.

 

UA HOLO AKU.

 

            Ua holo aku la ka loea Kanawai C.W. Asford, no ka aina i noho ia e ka nui waiwai a me ka nani i awili ia me ka nui noho ilihune ana o na kanaka a me na haumia o na hana. Nui ke ohohie ia o ke kamahele e na wahine Hawaiii maka palupalu, ka poe hoi nana i papahi iho iaia me na lei nani a me na pua-ala; kanaka ui no nae ua olali la o ke Kanawai.

           

KA AUSETERALIA.

 

            Ma ke kakahiaka nui o keia Poaha ae kakou e hoolauna ia aku ai me na mea hou mai na aina e mai, ma na leta a me na nupepa maluna mai o keia mokumahu lawe leta. Oiai kakou e noho nanea nei, no ka nele i ka laina telegarapa, aia paha na aupuni ke onene kaua la, kekahi me kekahi, o na aupuni nui a mana ikaika o ke ao. Malia paha e hiki mai ana na lono ua kuikahi ae la na mana aupuni nui e mahelehele i na aupuni liilii o ke ao e like me kakou nei, Samoa. Madegaseka, a pela aku. Me he la oia maoli aku ana no ka hopena o na aupuni liilii, ke omo ia e na aupuni nunui, e like me ke alepahi ana a ka muhi i na ia liilii o ka moana. Ua pu`a wale ae no ka hoomanao ia makou, ke oiaio keia haupu, owai la auanei, ke aupuni niuhi nana e alapahi o Hawaii nei—o Amerika paha, he mea eaku paha? O ka hopena loa, e hookokoke mai nei, ke pau ka na aupuni o ko ko ao, oia no ko lakou lilo ana he oka i paluku ia a lilo he mea ole e kekahi aupuni lima ole ka makou e ka nui aku nei o ka hiki koke mai, i kuu ai ka luhi mai na hana kukauha a ko ke ao e haunaku poele nei.

           Eia makou ke hoea hou @ka nei imua o ko makou mau makamaka heluhelu me na manao ohohia o ka hau@li, e kina hou aku ma na ipuka hale a makou i noho aloha pu ai i na la i nui aku la. E hookipa aku me ke aloha oiaio iloko @lo o ka puuwai. Aloha nui.