Ka Oiaio, Volume VII, Number 2, 15 Malaki 1895 — Page 3

 

KA  OIHANA ILAMUKU.

 

 Wahi a ka Avataisa, he manawa kupono ole keia no na moho e manao nei e lilo i Ilamuku, e hooikaika no ia mea.  He nui ana no na mahina mamua o ko ka lehulehu ae ana e hookuu ia Mr. Hitchcock e hoi hou i Hawaii.  E like me ka olelo kahiko, "ma kahi o ka uwahi, he ahi kekahi," pela makou e manao ai he wahi kumu oiaio no ko keia puka ana o ka olelo no ka poe e hooikaika nei e lilo i Ilamuku.  Ua lohe iki no makou, ua makaukau no o Mr. Hitchcock e haalele i kana oihana, a e hoi no kona home ma Hilo, a e hoomaha mai na luhi o keia noho paa ana ma kana oihana o keia mau la.  Ina io e haalele ana ka Ilamuku, he mea oiaio e haule ana ia lala makaukau o ke aupuni - oiai aole ona lua ma ka hooko ana i kana oihana mai ka wa i kukulu ia ai ka oihana Ilamuku a hiki i keia la.  E ahewa ana kekahi peo i keia mahalo aku o ka nupepa ia Mr. Hitchcock, aka ua makaukau makou e mahalo i ke kauwa o ka lehulehu oiai oia e hooko pono ana i kana hana, a haule mai na lani.  Ina o haalele io ana oia ua haule kekahi lima maloeloe o ke Aupuni Owai aku a ke kohu ma kona wahi?

 

  KE KANAWAI KOA.

 

 He hookahi pule i koe, alaila, pau ke Kanawai koa.  Mahope aku oia manawa ka wa a na kaula e wanana nei e hiki mai ai ka milenia i ka aoao aloha aina.  O na olelo pohihihi keia e hanai ia nei i ka lehulehu, e kekahi poe, aka o ke kumu o keia olelo ka mea maopopo ole.  Ua ane like keia mau olelo me kela ululaau o Kahihikolo, aole he maopopo o ke kumu i hoomaka ae ai.  Nui ko makou hilinai i na olelo i na la i hala, kekahi he oiaio, o ka hapanui nea he makani wale no, no ia mea, ua pau ko makou hilinai i na olelo mai na kanaka ae ke ole i hooiaio ia e na hooia kupono.

 

  KE HANA NEI.

 

 Ua hoomaka na paahao aloha aina i ka hana e like me ka olelo hoopai a ka Aha Hookolokolo Koa.  He hana nei kekahi ma ka Hale Hoopaahao ma Kawa, a hoomaemae hoi maloko o ka pa.  Ua lilo no ka noho ana hoopai i ka poe i ahewa ia me he mea ole la; ua ku io no i ka ole i ka poe opio, aka, no ka poe oo, ua ano like no me ka make ka loihi o ka noho paahao ana.

 

  KA MOKUMAHU KAHULUI

 

 Ua mahui mai makou ua hi ki mai la kekahi mau mea hou ano nui ma keia moku i ku aku ai ma Kahului i ka pu le i hala.  O ke ano o ua mea hou la, aole i loaa mai ia makou, oiai he okoa ka poe nona ka lono i hiki mai.

 

  HE HOOMOE UWEA TELEGARAPA.

 

 He mau makahiki ae nei i hala, ua kamailio nui ia keia mea, he uwea telegarapa moana e hoohui ana ia Hawaii me ko ua aina a pau o ke ao.  Ua loihi ka olelo ana no keia mea, aka aole he mea i hana ia a hiki i keia la, a ano akahi no a ike'a ao ke ano kokoke aku o ka hookoia o keia mea he telegarapa e hoohui ana ia Hawaii me ko na aina-e.  Ua ala mai hoi keia hana a aneane e hoohana ia i keia mau la koke e ko Enelani poe me ke kokua ana o kona aupuni e kukulu i uwea telegarapa moana mai Auseteralia a me Nu Zilani, a ma na mokupuni mai, e hoohui pu ana ia Hawaii, a hiki loa i Vanekouva, ma Kanada. Hookahi wale no kumu e nele ai o Hawaii i keia pomaikai nui, oia hoi ka hoopaa ana aku nei o ke aupuni i ka ae a me ka hoole, ma kekahi kuikahi, me ke aupuni Amerika.  Ma keia hana pupuahulu ana ua nana wale no ko kakou mau loea kalai aupuni i ke kumu hookahi, me ka hoomaopopo ole e pani ana hoi lakou i ke alanui e loaa ai kekahi mau pono nui e ae ma ia hana ana.  O Enelani kai makaukau e hoomoe i ka laina telegarapa moana, aka aia o Amerika ke kipu mai la i ka ae ana e hoopae ia ka uwea ma kekahi wahi o ka Paemoku Hawaii, a ke mau keia alai ana a Amerika mamuli o ka nana wale ana no i kona pono iho, e lilo ana hoi ia he kumu e hoohele loa ia ae ai o ka telegarapa ma ka moana loa, me ka hoalo ia ana o Hawaii nei.  O ke kumu hoi o keia o ka hoolilo ia ana o ka mana haawi i kuleana ia hai, a ma ia mea e nele ai ka lehulehu i ka pomaika nui o ka noho launa telegarapa ana me ko ke ao holookoa.

 

  HE KUDALA NUI.

 

 Ma ka hora o ka la apopo,(Poalua), o kuai kudala aku ana o J. F. Morgan i na lako hale apau o ka mea hanohano C. R. Bihopa e waiho nei ma kona home noho ma Kaakopua, oia hoi na waiwai makamae i maiau ia ena 'lii i moe aku la i ka moe kapu o Niolopua.  Oia hoi na aniani kilohi a na 'liiwahine Keolikolani@ a me Pauahi e milikaa ai, pela hoi na pahaku mabala, i kinohinohi ia i luna o na pakaukau, na pakaukau koa, na noho bulu, na noho i-e, na moe koa, a me na waiwai makamae e ae he lehulehu wale.  E pono no e hoonaue aku malaila, i leaa ona mau wahi mea kudala.

 

  HE HANA MAEMAE.

 

 He mau la i hala aku la, ua kaahele ae la kekahi wahi keiki hapaole, i hoopunana ia kona naau e ka manao maikai o ka alunu ole, a me ke ano hoopono, nona ka inoa o Kamikana ma ka Makeke o Ulakoheo i kekahi wahi eke dala, nona ka huina o $15.25.  Ua haawi aku oia i keia huina dala i kekahi makai kanaka, nona ka inoa o Kimo Kupihea, o ka ona nona kei@ waiwai aole i maopopo, ua lilo paha i ke au a ka hewahewa.  Minamina wale kela huina i luaiele ia e ka mea nona ia waiwai.  A no kela kamaiki maemae ko makou mahalo nui.  E pono i na keiki Hawaii a pau e hoohalike me keia wahi opio.

 

  NA HIHIA O KA AHA KAAPUNI O KAUAI.

 

 Ua hoohanohanoia ka Aha Kaapuni o Kauai, mamuli o ka hiki kino ana aku o ka Hope Loio Kuhina o ke Aupuni, Robikana, ka Maheleolelo o ka Aha Kiekie, Luka Wilikoki, A. Rosa, Paul Neuman, A. W. Carter, na hoa o ka Papa Loio o keia kulanakauhale i hiki aku ma ke kahua o ka hana ma Nawiliwili, a me C. A. Doyle, ka maheleolelo Kepani, i pau nui mai i ka hoi ma ka Mikahala o ka la Sabati nei.

 Eia ua hihia i hoolohe ia imua o ka Lunakanawai Kaapuni Hardy:

 He elima ka nui o na hihia karaima a na Kiure Hawaii, o ka hapanui, ua pau wale no i ka hookuu ia.

 He 22 ka nui o na hihia karaima a na Kiure haole i noonoo ai, ua pau kahi poe i ka hookuu ia a ua kopi paakai ia hoi kekahi poe, a ua hoopau wale ia no hoi kekahi mau hihia.

 He hookahi no wahi hihia a ke Kiure hui i noho ai.

 He hookahi no hoi wahi hihia kivila a na Kiure haole, a o ka lele no ia o ke aho.

 O na hihia oki a me kekahi mau hihia a na Kiure hui, aole i noonooia.

 

  KE MANAO NEI NO.

 

 Ua hoomanao ia makou i keia mea, he manaolana no ko na Hawaii, e hoihoi hou ia ana ka Moiwahine ma kona nohomoi, e like me mamua o ka hulihia ana i ka la 16 o Ianuari, 1893, ma ka ike ana iho i kekahi itamu ma ka nupepa Avataisa o keia kakahiaka nei.  He mea oiaio loa keia.  Me he la ua kunipaa ka manaolana iloko o ka puuwai o kekahi poe e hoi hou ana no ka noho moi o Hawaii, aka, aole nae he mau kumu o keia manaolana, koe wale no paha na manao kuko o ka poe ake oihana e paipai ana ia mau ano manao maopopo ole.  He lohe no makou i keia mea iwaena o kekahi poe, aka, no ka maopopo ole, ua hiki ole ia makou ke hooia ae, imua o na mea i ike maka ia i keia mau la, oia hoi, ke onipaa nei ke aupuni repubalika Hawaii.  Malia paha, e like me ka poe Asuria o ka wa kahiko loa, e anai ia aku ana ka aoao aupuni e noho mana nei me ka mana a me ka makaukau, ka makaala a me ka naauao a pau; e like me ia i hoohana ia ai maluna o ka lahui o Asuria.  Pela io paha, aka, ua kanalua nui makou e hiki mai ana ia hopena i ko na aina e, e noho nei ma ke kahua hookele aupuni Hawaii o keia mau la.

 

  O KA MEHANA O KE ALOHA.  OIA KA MANA O KA LOKAHI.

 

 E na makamaka a me na hoa ka poe hoi i mau ka pumehana o ke aloha iloko o ko lakou mau puuwai no ka aina makuahine, o ke aloha o ke Akua Mana Loa oia k@ kakou Puuhonua iloko o na moana kupikipikio o keia noho inea ana.

   Aloha oukou.

 O ke poo maluna ae, oia ka makou e hoikeike aku nei i ke akea, i kona ano io maoli, a me na kulana a oia keia:  "O ka mau ana o ka pumehana o ke aloha iloko o ko kakou mau puuwai, oia hoi ka mana o ka lokahi, a oia ka lei alii o ka lanakila mau loa, no ka wa pau ole.

 Eia ka hoike a Halelu Mokuna CXXIV, pauka II a hiki VIII, aia malaila, ua hoike ia ke ano o ka hana i hana ia mai maluna o kakou, ka Lahui nawaliwali, a e na na hou ma Solomona mokuna VIII VII, a penei e huluhelu ai.

 VII - Aole e pio ke aloha i na waikahe he nui.

 I na e haawi aku ke kanaka i na waiwai a pau o kona hale i lilo mai ke aloha.

 E hoowahawaha loa ia ia mau mea.

 Ke hoike maopopo nei o Solomona i ke ano i'o maoli o ke aloha a oia ka makou e hoike aku nei imua o oukou a pau, o ka onipaa, o ke aloha kulipolipo iloko o ka puuwai, oia ka makia oiaio o ka mea a ke kanaka e hana ai.

 

 A o ka lokahi hoi, ke hoike mai ko ka Buke Nui e i ana penei:

 "Olioli au i ka noho lokahi pu ana o na hoahanau."

 Nolaila, o kakoi a pau, he mau hoahanau kakou kekahi i kekahi, a pela@ kakou e pono ai.

 E ola o Hawaii i ke Akua Kiekie Loa.

 

  HE LAWENA OOLEA.

 

 Iloko o keia mau malama ekolu e hele nei, ua oleloia, ua uahoa ka lawelawe ana a ke au puni ma ka hooko ana i ka oihana i malu ai ka aina a i pio ai kona mau enemi.  Aole makou e olelo ae ana, he mea oiaio ole keia, aka, e hooia ae ana no makou, he nahoa io no na luna aupuni i ka hooko ana i ke kanawai a hoomalu aku i ka poe e kue ana i ka mana o ke Aupuni; a ma ke ano nui, he mahalo no makou i ka lawe oolea ana o ka mana Aupuni i ka hana i paa ma ka lakou lima mamuli o ke kanawai.  O ka hooko ana o na luna aupuni me ke oolea a me ka hopo ole, he mea no ia e hoike mai ana i ko lakou makaukau, a me ko lakou makaala i ka lakou hana.  Ua ike no na mea a pau i oo pono ka noonoo, aole e mana a e ola ana ke aupuni, a e mau hoi ma kona kulana, ke ole oia e hooko pono aku i kana hana e like me ka hiki, a e like me ka ikea ia he kupono mamuli o na kumuhana i hoea mai, i mea e mau ai ke ea o ke aupuni malalo o ka lakou hookele a hooponopono ana.

 No makou iho, ua mahalo makou i ke aupuni, no kona oolea, no kona kaa ana malalo o ka lima naauao a hopohopo ole i ka hooko ana i ka lakou hana, he malama i ke kulana a me ka maluhia o ke aupuni. @ like me lakou i hana ai iloko o na manawa okaikai a me na haunaele ana pela no makou, iua@ aia ka mana Kanawai ma ke makou lima.  I na pela ke aupuni mamua o keia e ku nei, ke oolea a me ka makau ole i ka hana ana i ka mea pono e like me ka mana i lona ia lakou malalo o ke Kanawai, me nei no, eia ke aupuni Moi ke ku nei mamuli o kona mana malalo o ke Kanawai; aka no ke kamalii o na Kuhina, hololua, aleloloa, a makou wale, ua loaa ia lakou ka haawina nele i keia la.  Ua kaupaono ia lakou a ua mama, e like me ia i hoike ia ai ma ka lakou mau hana a pau i hoao ai.  Ke hoohalike ia ka poe nana i malama ka oihana hooponopono aupuni mai  a Kipikona mai a hiki i ka Aha Kuhina moi hope loa, ua hiki ke olelo hoohalike ia lakou me keia Aha Kuhina, me he poe kamalii 'la a kahi no a hemo ae ka laulau me ke kanaka makua i oo pono na lawena o na ano a pau e paa ai ka noho ana, a e hilinai a mahalo ia mai ai.

 Ma kekahi ano no hoi, aole makou i apono.  Aka, he mau mea uukuw@ale no ia, a he mau mea hiki wale no ke hooponopono ia mahope o ke ku ene pono ana iho o ka noho'na aupuni.  He huhu kekahi poe i kalawe oolea a ka Ilamuku ma ka hooko ana i kana oihana, a he oiaio, ua oi wale aku no paha ma kekahi mau wahi, aka, he mea hiki loa ia ke kala ia, ke hookuku ia ka pomaikai o kana hana ana, me ka liki wale iho no a kekahi poe i noho ma ia oihana.  I ka liki wale iho ao ke aupuni moi a haawi pio wale, me ka piha i ka mana kanawai a me ka lako kaua a me na kanaka, a no ia ano hana, i ulu mai ai na hana kuee a apuepue mana a keia la.  O ka poe maloko me ka mana eia lakou mawaho ke pinana aku nei, a o ka poe mawaho mamua o ka hu lihia ana, o lakou keia e paa nei i ka mana.  Ua loli ke au.  O ka aoao kanawai mamua ua lilo i keia la he poe hana kue kanawai; a o ka aoao kanawai ole hoi ia @a, o lakou ke nolo mana kanawai nei.  Ua mana lakou nei i ka nana aku e like me ko Kamehameha mana ana a puni ka Paeaina, a mamuli oia kuleana ke aupuni e ku nei, a e ike ia nei e na mana aupuni o ke ao.

 Ma keia mau hoohalikelike ana, ma kuhihewa mai na hoaheluhelu e pai ana makou i ke aupuni no na hana i hanaia i ka la 16 o Ianuari 1893, he mea okoa loa ia, a ma ia wahi ua hiki ole i ko makou lunaikehala ke mahalo aku.  Aka ma ke kaupaona ana i na hookele aupuni ana a me na hoonohonoho ana i na kalai aupuni a me na luna aupuni o ke au moi a me ko keia wa, ua hiki loa ia kakou ke ike i kahi o ka hemahema o kekahi a me ka makaukau o kekahi, a he mea kupono no i ka lahui e ike i kahi o ko lakou haule ana a ma ka haawina i loaa e hoonaauao ai i ke alanui e aloha mai ai ke Akua ia lakou a hoaui ae i kona inaina no na mea i ku ole i kona makemake a ka aoao Hawaii i hana ai, aole o ke ana aku i@ ke ino me ka hanaino hou aku, aka, e naauao a e hoopono.

 

  HE HALE I PAHU IA.

 

 Ma ka hora o ke kakahiaka o ka Poakahi nei, ua pahu ia ae la kekahi Hale ma Kamoiliili i ona ia e Kahalewai, e ku ana ma ka aoao makai iho o a Halepule o Kamoiliili.  O ka mea laki loa, oia no ke kaawale ana o na mea a pau mai ua hale 'la i ka wa i pahu ia ai.  I ka loho ia ana o keia ulia, ua hoouna-koke ia aku la o Kapena Makai Scott e imi i ke kumu o ka poino, a i kona hiki ana aku ma ke kahua hale, ua launa aku la hoi oia me Papa, kupunakane o ka mea nona ka hale, a mai a ia mai i lohea ai keia moolelo, penei:

 Ua hoi aku la hoi oia (Papa) a hiamoe iho la ma ua hale la, ma ke ahiahi Kapule, ma kekahi pela moe maluna pono o ka papahele; iwaena o ka po ua puoho oia i ka huihui, a no ia kumu ua ho'a iho la oia i kekahi kapuahi kukui-mahu a hookokoke mai la ma kona mau kapuai wawae i mehana ai.  Hiamoe hou iho la ia, a puoho hou ae la i ka hora 10 o ke ahiahi i ka wela o ka auwae, a i ka haha ana ae ua ike iho la oia ua pau kona umiumi i ke ahi.  A i kona hoomaopopo pono ana iho ike iho la oia ua a ia kona kihei huluhulu i moo ai.  Hoomaka oia e kinai i ke ahi a hiki i ka wa ana i manao ai ua pio loa, ia wa hoi aku la oia ma kekahi hale makamaka he mau anana he haneri a oi ke kaawale aku mai kona hale aku, a malaila oia i hiamoe ai a hiki i kona puoho ana i ka hora ekolu o ka wanaao Poakahi nei i ka pahu ana o ka hale a lilo i mea ole.  Ua hoohikilele ia na kamaaina o Kamoiliili a me kekahi mau kauhale e kokoke aku ana i ka weliweli o ke kani poha kamahao i lohe ia ia wa.  Ua okaoka loa iho la ka hale a ma keia ano i manao ia ai, he mea hoopahu ke kumu o keia pahu ano o ana.  Ua manao ia he mau owili kiana-pauda kekahi iloko o ka hale, mai kekahi koena pauda hoopahu pohaku a-ka poe hana alanui, i waiho palaka ia iloko o ka hale, a i ole mai na poka hoopahu paha a na koa hookahuli aupuni o ka malama iho nei o Ianuari, o ka puali o na aloha aina i hoala iho nei i ka lakou hana, i like ke pahu ana a me ka pio ana me keia pahu kamahao ma Kamoiliili.  He koho wale aku no nae keia i na kumu o keia pahu a puehu liilii o keia hale ma Kamoiliili.

 

  KE KULA KINDERGARTEN.

 

 O keia kekahi o na kula maikai loa o na ano kula e ao ia ai na keiki opiopio loa i ka ike ma ke ao pala pala a ma ka hoonaauao ana i kaike ma na mea hana.  Ma ke kukuluia ana o keia kula no na keiki opiopio, ua hoolawa ia kakou me kekahi o na hemahema nui i ike ia i keia manawa o ke au holomua o ke ao nei.  Ua ike ia ka noho wale ana o na keiki i ka wa opiopio me ka malama pono ole ia o ko lakou noho ana, oia kekahi kumu e ulu ai o lakou e like me na hua kakalaioa a lilo he poe maikai ole, palaualelo@, a he poe hana hewa i ko lakou wa e kanaka makua ae ai.  Ua ike kakou i na keiki e helo wale ana ma na alanui, e paani ana, e olelo ino ana. a pela aku a lilo he poe opio aihue, hakaka, pakike, a mahope aku he poe noho paa ma na Hale paahao.  Ao le nae pela na keiki i hoomaamaa ia ma na kula Kindergarten.  Mai ka opuu ana a ke oo ana e like me ka laau i malama pono ia, pela ilo la na keiki opiopio e ao ia ana ma na kula Kindergarten.  Ua ike ia o keia ano kela kekahi o na hana aloha e malama ia nei o ka poe i komohia ke aloha Akua a me ke aloha kanaka.  Ma keia hana kakou e hoomaopopo ai, ua hahau ia ka enemi o ka hewa a palupalu oia, oiai o ke ao ana i ka ike a me ka naanao i ka opio, mai kona wa palupalu a aapo oia ka wa e lilo ai oia he haumana uo ka pono, a e lilo ai he lala ola no kona lahui i kona wa e oo ai Nolaila, o ka poe mea keiki i hemahema ma ka noho aua, ua kupono loa ia lakoo e houna i keia ano kula oiai o ka noho palaualelo o na keiki Hawaii kekahi kumu make o ka la hui.  E hoouna koke kakoa i na keiki opio e ao i ka naauao hana a me ka ike, i ka hoopono a me ke aloha Akua ke ole keia mau ano iloko o na keiki a kakou, he mea maopopo loa, e lilo ana ka lahui o mea ole, a e ko ana ka wanana a na kaula e lilo ana ka aina i ka malihini, mamuli o ka hoohemahema o kakou i na loina e pona ai na hanauna o keia mua aku.

 

   PIHA PONO NA KUINEKI.

 

 O na Heahanau Luka, na mea oi loa aku o ka piha pono o ko laua manawa ma na hana kamana a ka pili pohaku o keia mau la, e like me keia:

 Eia malalo o ka lakou lawelawe ana ka hale pohaku hou o ka Hui Y. M. C. A e hahau ia nei, a he mau la helu wale no koe, a kilakila mai kona maa@ kaupoku iluna, e like me ka aoao ma Waikiki e ku nei;

 Eia no hoi ka hale waapa o ka Hui Healani malalo o ka Iakou mililima ana, pela hoi me ka hale noho no Jas. F. Morgan ma ke Alanui Ema.  Eia no hoi he aelike me ia no ka hana ana i home noho no J. M. McCheaney ma Waikiki, a me kekahi mau wahi e ae.

 Nui ka pomaikai o ko laua mau keiki hana, paa mau ka manawa aole e haule, a nui no hoi@ ka laki o na hana, ma ka hikiwawe o na hana.

 

   NA LIMAHANA.

 

  Ma ka nupepa Avataisa, ua ike iho makou i kekahi pauku manao o ke K@ikahi i hooholoia mawaena o Amerika Huipuia a me Iapana, e pili ana i ke alanui e hiki ai i ka lahui o kekahi aupuni ke komo iloko o ka aina o kekahi.  Ma ua pauku la ua papa ia ke komo ana o ka poe i kepa ia ma ke ano hoopae limahana e like me ia e hana ia nei me Hawaii.  Ma keia no hoi ua olelo ia, ua hike i na kanaka o na aina a elua ke komo iloko o kela a me keia aina kuikahi, e hele ma ona iho, me kona makaukau me ke dala e noho aku ai, me ke kepa ole ia, a hoopaa ia paha malalo o kekahi olelo aelike.

 Ma keia kakou e ike iho ai i ke ko'a e alai ana i ka manao lokahi no ka hoohui aina, me Amerika, oiai he aupuni kue loa keia i na ano limahana kepa ia a @hoopae auna ia mai e kue i kona lahui ponoi iho.  Ua nui ke kue ia o na aoao kalaiaina e ka lehulehu ke hoomaka lakou e hoohamama i ka ipuka e hiki ai ke komo aku na kanaka i kepa mua ia ma k@ lakou aina mamua o ka hoopae ia ana aku i Amerika.

 Aia ma keia wahi no hoi na manao e kakoo nei i ke aupuni e mahae ai.  E koi ana kekahi i ka hoohui-aina a e kue ana hoi kekahi me ka manao no e hoomau ia ke aupuni repubalika kuokoa no ka mea, e nele ana ka poe mua i @a limahana emi o Asia mai, a e nele ana hoi na luna aupuni i ka pono mai na oihana ae a lakou a noho nei.

 O keia ke kumu e like ole ai o ka manao o ka lehulehu ma keia ninau, ke ala mai.  O ka poe waiwai ma kekahi aoao, a o ka poe hooikaika hana ma kekahi aoao.  Eia no keia kumuhana ke nowelo nei i ka noonoo maikai a me ka lunaikehala o ka hapanui e noho mai nei i ke poo, o ka aina.  Ke kalai nei hoi kekahi ma ka hoohui-aina, a o kekahi hoi ma ka hoomau aku i ke aupuni e like me ia e ku nei.

 

   NU HOU KULOKO

 

 He wahi uuku wale no koe, pa@ ke alahao a hiki i Waianae.

 He eono ka nui o na malihini makaikai luaopele ma ke Kunau.

 Ma ka mokuahi Auseteralia ka wahine a Adimarala Beardslee e hoi ai no America.

 Ke hoonee ia nei na lako Halepule Kawaiahao i keia wa, no ke hoomakaukau ana hoi i ka hana hoomaemae hou aku i na luakini la.

 Ua loaa aku he 2 pu Winiseta a me hookahi pahu dainamita i lalo ae nei o Nakuli, Ewa, i ka auina la Sabati nei i na makai kuikawa o ke aupuni.

 He  nui no na mea hou ma ka Mariposa mai nei aka ua haiki makou, a no keia pule ae huai pau aku.

 Ua hoonoho ia o Henry Kuahi i Luna Pa Aupuni no na holoholona komohewa ma Kona nei, ma-kahi o W. Kaapa i waiho mai.

 I ka Poakolu nei, i noho iho ai o Lunakanawai Perry o ka Aha Hoomalu o Honolulu nei, e hoolohe i ka hoopii a W. Smithies i ke keikialii Albert K. Kunuiakea.

 Ma kekahi hihia Civila, a ka Hui Kuai Mauu California kue ia Carl Klemme, ua hoopukaia ka olelo hooholo nona, e haalele iho oia i keia Paeaina.

 Ma ke ahiahi o ka Poalua nei, i haki ai ka pauma wai o ka lua wai o Makiki, a na Mr. Balaunu i hooponopono hou, a hiki ai ke pauma i ka wai i ke kakahiaka Poakolu nei.

 He komo daimana haule kai loaa a hoihoi ia aku ma ka Halewai.  E loaa no i ka mea nona ua waiwai ia, ke kii aku a hooiaio aku nona ka waiwai.

 Ma ka huakai, a ka mokumahu Likelike, ua nui ka pilikia i loohia iaia: he mau waapa kai nahaha, a he hookahi waapa i hulihi@ a poho na ukana iloko o ke kai.

 Ua hiki hou mai ka Hope Loio Kuhina Robertson, Paulo Numana, a me Luka Wilikoki, mai Kauai mai, mahope o ka pau ana o ka Aha Kaapuni ma Nawiliwili.

 Na Mrs. Enger i alakai ka halawai a ka Hui Hooikaika Saristiano a na Wahine, ma ka Luakini a ka Hoomana Hui Waena ma kihi Alanui Beritania a me Likeke.

 Wili ka puahiohio o na alanui i keia awakea, ke hele la a me he ehukai la no Puaena ke kopi i na maka.  E ole nae hoi ia, umii na maka ke lena mai malalo o na kuemaka.

 Ua loaa ae he komo daimana wahine, a ke makemake ia nei ka Ona nona ia waiwai e kii koke ae ma ka Halewai me na hooia kupono.

 He huina nui o na lede opio kai ukali aku maluna o ka Eleu i ka Poaono nei no ka haawi ana aku i ko lakou aloha hope ia Mr. a me Mrs. Geo. L. Ritman, kekahi o na ohua kapena a ke kalepa Planter i ahai aku la no Kapalakiko. Aloha no ia mau makamaka.

 He mau olelo kalai hoohui aina ka Joane Kelekona, i pai ia ma ke ano buke liilii o ewalu aoao.  E kamailio ana keia loea kakau manao e pili ana i ka hoohui ana ia Hawaii ia Amerika.  Aole nae i hoike mai he kakaiapola paha o Amerika, a o Hawaii paha, no kekahi.

 Ua hoolaha ia aku ma na mokupuni a pau, kekahi mau olelo i pa ia, e pili ana i ko ka Moiwahine Liliuokalani haalele ana i kona noho poo aupuni ana no Hawaii.  Ua manaoio mai kekahi poe, a he hoole mai no hoi kekahi, aole he oiaio.

 Mamuli o ka ona a ka rama, ua haule iho la kekahi Pukiki mai ka lio iho, oiai oia e huli hoi ana no kona home ma Kapalama.  Ua loohia iho la oia i na ehaeha kukonukonu ma kona poo.  Ka hopena iho ia no keia o ka poe ona rama.

 Aia ke waiho nei ka wahine a Henry, kekahi haole pena o keia kulanakauhale iloko o ka nawaliwali loa, me ka akaka ole o kona oia, mamuli o kona hau'e ana mailuna iho o ke alapii laau.

 

 Ua paa i ka hopu ia o Kahale, he kalaiwa kaapio, no ka hoomaino ino holoholona.  Ua kalaiwa oia i kona lio me elua eha ma kona umaunia, e pili pu ana me ka lei ai.  O ka mea nona ka lio, oia o John Andrade.

 Ua kuai kudala ia aku na manu osetalika o ka pa hanai manu, a kauka Trousseau i hookumu ai.  Ua lilo aku na manu a pau loa he 30 no $22.50 o ka manu hookahi.  Emi keia.  O Kale Kuke ka mea koho.

 Ia Wm Waterhouse ka halawai ma Kawaiahao, ma ke poo manao, Mai Uiuhua i ka Hana Maikai.  Ua ukali aku kona kaikuaana Henry Waterhouse ma na olelo kamalio paio i e pili ana no ko laua luani makuakane.

 Ma Hookena, Kona, Hawaii, ua po'i ia e ka nalu o Miss Kuikahi Oneha a hele pu aku la i ka neuelu o ka moana, a pau kona ike ana i na ea huihui o keia ao mauleule, no ka wa mau loa.  Ua hanauia oia mai a Mr. a me Mrs. Oneha, ma Honuakaha, Honolulu, Oahu nei, a he opio oia i ike ole i na ou@ o ko keia no.

 

  William C. Achi.

 

 Loio a Notari no ka Lehulehu.

 

BOROKA O NA WAIWAI PAA.

 

A he Boroka o na Waiwai Lewa.

 

K@kuai mai a keai aku no hoi i na aina a me na waiwai o na ano a pau ma na wahi a pau, o ka Pae Aina.

 mar 14d mar15@