Ka Oiaio, Volume VI, Number 45, 9 November 1894 — Page 3

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

 

J.E. BUSH, Lunahooponopono.

  J. K. Penikalaka, Puuku.

O KA PONO KA AIALII E OLA AI KA AINA.

 

Poalima, Novenara 9 1894

 

KELA HEWA APUKA

            Ua hoi mai no keia pae-aina loa ka mokuahi Auseteralia o B. R. Foss, ka haole a haawipioia aku e keia Aupuni i na luna hooko mana o Kaleponi no ka hewa apuka i kekahi huina dala uuku.  Ua kala ae oia iaia iho mai kela hewa ae oiai oia ma Kaleponi mamua o kona huli hoi ana mai la no ke alo o kana wahine a me kona ohana.  Ua hoomay aku o Mrs. Foss ma ke ao ana i ke kula ma Kauai, mahope ino o ke kaawale ana aku o kana kane, no ka mea he kumukula o Mr. Foss i kona wa i hopuia ai, he mea hilahila loa keia ma ka aoao o keia Aupuni, i kona makaukau ana e haawipio aku i kekahi poe i na makai o Kaleponi, oiai aole o Hawaii nei hana i kekahi kuikai na ka hoihoi ana o na lawehala mawaena o na Aupuni, a i ole ia me kekahi mokuaaina e ae paha o Amerika Huipuia.

           

            HEAHA KE KUMU.

 

            O keia ka ninau i ui ia mai mamua aku nei i ka Lahui Hawaii e kona mau hoaloha haole kakaikahi no ke aha la oia i makemake ai e kona enemi e kokua aku i ke aupuni repubalika a lakon no ka hopena o ka hoohui aina aole a nei ua like ia me ka lele ana mai kekahi pa-palai ae a kekahi, oia hoi he make no i ka mua a he make hou no i ka hope mawaena o na kanaka noonoo maikai apau, ua hiki loa keia ninau ke weheweheia ma kkona mau aoao a pau, a koe aku ka poe i ae ia lakou iho e alakai ia e kolakou mau enemi me he puaa la ka ike aku no i ka inu e a mai ana noho aku no na maka munui e hana.  Nolaila no ke aha na kanaka Hawaii i kue ikaika ai i kekahi ano kulana aupuni e ae mawaho o ke kulana aupuni i loaa mua iaia mamua aku o ka la 17 o Januari, 1893 aole a nei ua like no me ke kue a ae ole o na kanaka Amerika o hoohui aku ia lakou me Enelani a me kekahi kulana aupuni moi e ae paha mawaho ae o keia he mau kumu kupono e ae no kekahi i kue ai na Hawaee i ka hoohui aina me ka repubalika.

            O ka mua oia keia heaha ka pomaikai e loaa mai i na Hawaii ma ka hoololi aua o kona kulana aupuni mua aole loa.

            O ka hoohui aina he hooi ia aku ia no ka waiwai o ka poe waiwai a me ka ilihune o ka poe. Nolaila ma na ano a pau he poe hupo kakou ke ae i ka hoohui aina me Amerika a pela no hoi me ke apono ana i ka repubalika i kukuluia ae nei e ia poe hookahi no.

 

            KA LA KULAIA O NA PAKE

 

            Ma ka Poalua nei i malama hoomanao ae ai na kupa Pake ma keia kulauakauhale i ke 60 o na la hanau o ka makuahine o ka Emepera o Kina, a ua malamaia hoi me ka maluhia, ua kahiko pono ia ke kulanakauhale o na Pake me na hae a me na kukui poepoe i ike mua ole ia mamua.  Ma kokahi lanai uuku ma ke alanui Hotelo me maunakea i uuiia me na lau nahele malaila ka bana Hawaii haki i paani ai i ke awakeas a me ka po ana iho.  A mailuna mai no hoi o ua lanai la i hai ia mai ai ka haiolelo o ka la. Ma ka huina o na alanui Hotele me Kamika kahi i malamaia ai na hana hoolele ahi kao a he nui ka poe makaikai i hiki kino ae malaila mai na wahi like ole mai o ke kulanakauhale noi.

 

                        KA WAINA IAPANA

 

            O ka mea o pili ana i ka pii mahuahua mau a me ka holomua o ka oihana kalepa saki iloko nei o ka aina me he mea la e kono mai ana ia ma ka Iaina polelei o ka paio ana e lanakila maluna o na waina mai Kaleponi mai, nolaila e lilo ana keia i ninau mui a koikoi ma ka aoao o ka poe e paa mei i ke Aupuni i keia wa a ke ole makou e huhihewa ina aole e loaa e he mau kuia mamua ae o ka noho ana o ka ahaolelo o keia Aupuni iloko o Dekemaba ae nei e hapai ia mai ana keia ninau no ka pono a me ka pomaikai o ko lakou mau hoaloha maa nei a pela hoi ma Kaleponi, aole o makou mahalo i ka rama Iamakou mahalo i ka rama Iapana aka he kue makou i na hana kapakahi o keia ano e manao ia nei.

 

            Kula Kaikamahine o Kamehameha.

 

            Ua hoike ia mai i a makou e kekahi mea a makou i hilinai ai, o ka la e wehe ia ai ke kula maluna ae, ua hoopanee ia a ka la 19 o keia ma hina ae.  no ka mea, oia kona la i kukulu ia ai, aole hoi e like me na mea i lohe mua ia wai iloko o keia mahina e wehe ai.  O ke kumu nui o keia hooka’ulna iki ana.  No ka loaa ole ana mai nei o na pono no na wahi hemahema i koe o ke kula.  Aole o makou manao e ae ana na makua mea keiki e hookomo i ka lakou mea aloha iloko o keia kula koe wale iho no ka hoihoi ia aku o na kaikamahine “ lomilomi a honihoni” o Kawaiahao ilaila i ka wa e wehe ai.

 

Paewa ka Pili o ka Nihoniho

           

            Ua ike ia ua kakuoha aku nei ka aha kuhina iaMr. Dole e hoi mai ma ka pule i hala ma ka noho peresidena o ke aupuni no ka manao ana e hana i kekahi mau hana pili aupuni ka mea hoi e kakali nei kona, aka nae me he mea la aia he paewa a like ole o na manao mawaena e Mr. Dole a me l@ poe e manao nei e hoho rula aku maluna ona ma kana hana pili aupuni.  No ka mea. Aole oia i hoi mai i Honolulu nei a hiki i keia la a makou e puka aku nei.  He nui no a lehulehu wale na manawa i ike ia ai ka like ole mawaena o Mr. Dole a me kakahi poe kakoo e ae o ke aupuni, e hoomaka ana mai kinohi mai.  Ioa me keia mau lakou e paonioni ai, alaila e hiki mai no auanei ko lakou la e haule ai.  “ O ke aupuni makuahana, aole ia e mau.”

 

                        Rev. O . P. Emesona.

 

            Maloko o ka nupepa Hoaloha o keia mahina, i ike iho ai makou i kekahi mauao malalo o ke poo “Na Kahunapule i lawe i ka hoohiki kakoo”  i ke aupuui e ka nei, a malolo hoi olaila ka lunahoopoonopono Rev. O. P. Emesona i noke ai i ka hailiili me ka hoahewa ikaika ana i kekaki poe kahunapule Hawaii, ka poe i hoole me ka ae ole e hana e like @ue kona makemake, i ka mea a lakou i manao ai he hana hewa loa ia ia lakou ilio a he kumakaia hoi i ko Inkou aina hanau.  O kekaho poe uno ua apuhi ia me keia mau olelo, “he aupuni keia no ka lehulehu, ma o ka lehulehu a no ka lehulehu, a pela wale aku.”

 

            Aole he poe e ae i oi aku ko lakou ike i ua mea a pau mamua o keia misionari, o keia aupuni “ aole no ka lehulehu.”  No ka mea he poe haole kakaikahi wale no ka poe hana i kkukkulu ae iaia. A ua hoike pu ae no hoi ka mea kakau o ua nupepa la, i kona makemake e hoohui ia aku na ailana i kapa ia, o ka “Paaredaiso o ka Pakipika” me kakahi aina i pilia me ka poe powa a me na aihue.  Iloko o keia mau la, aoho he hana nui ia o na mea pili i ka hoomana ma keia mau paemokkuk a me he mea la ua kikoke mai kona hopena e paki ia ai iluna o ka lepo.  No ka mea, ke ku kuilima pu nei na hana pili houmana me na hana jpili aupuni, a ua lilo ka awai o na hale pule i wahi no na manao kalai aina e kamailio mai ai, iloko o na opio a me ka puuwai o na hoahapau. O ka poe kahunapule Hawaii aloha aina, he mea pono e loaa i mau wahi kuokoa no lakou e hoo mana ai, me ka hoohuikau pu ole me na enemi o Hawaii.

 

                        KA HUAKAI A KAKINA

 

            Aole paha i poina na hoomanao ana a ka makou poe heluhelu no ka mea e pili ana i ka huakai a Kakina no ka pono o ka poe mahiko oloko nei o ka pae aina: ua maopopo ia makou oaa kela wa i malama ai na lala o ka ahahui hoolako limahana mahiko i ka lakou halawai maa amu ma ke keena kalepa i ka Poakahi nei; ua haule pahu kana huakai; eia uae ua lealea kela i ka holo ana aku nei; lilo ke dala; a o ka mea i loaa ‘mai ma ka aoao o ka mahiko he hoike no ka hele o ka mea a lakou i makemake ai.  Nolaila ke mihimihi nui nei ua poe la.  No ka mahuahua o ke dala i hoolilo ia me ka waiwai ole.  I mau limahan hou aha no la ia i kii ia aku nei; ua lawa oloko nei o ka aina me na limahana; me ke ake hou ole aku i ka waho kokua ana mai.

 

                        UA HOOLE AOLE E AUAMO.

 

            I ka Poakahi nei ua hoike ia aku ka lohe i kekahi mau keike Hawaii ili ulaula i hoohiki kue iho nei i ka Moiwahine Liliuokalani, me ka ae ana e kakoo i ke aupuni manawa, a oia iho keia:

            Ua makemake ia oukou e na keiki opiopio i lawe i ka hoohiki e kaoo ana i ke aupuni e ku nei, e lilo oukou i mau koa no ke aupuni a oukou i ae ai e kakoo, a ua makemake ia hoi e hooopuipui aku i ke kulana o na koa o ke aupuni.

            I kela ua ku kike ae la kekahi o ua poe la iluna a pane aku la No’u iho, aole loa au e ae e auamo i ka pu; aole no hoi o’u makemake e lilo i koa; aole loa no hoi ma na ano a pau.

            Ua pii ae la ke kai o ka mea hana ka olelo, a me ka leo kalakala ua pane aku ia oia: Aole anei oe i hoohiki mai imua ou e like me ka makemake o ke kumukanawai o ka aina; e hooko oe i na mea a pau e kakoo ai i ke aupuui e ku nei?

            Ae; wahi a ha opi; oa hoohiki io no au imua ou e like me kau i olelo mai la; aka aole au i lawe i ka hoohiki no ka auamo pu a ki aku i na kauaka; aka; no ke koho wale ana no i ka balota; aole loa au e ae e lawe i ka pu a aole no hoi e lilo i koa; ano, e hoi ana wau.

            Ua ku ae la kela opio iluna a hoi aku la; nona hoi ka hoi o ka puka like aku la no ia o kona mau hoa a pau nui aku la i ka hoi.

            O ka huina o keia pee he 15 a he poe opiopio wale no; a he ili ula lakou a pau.  Ea; mokkuahana e no la; aole i auamo wahi pu pau e no i ka holo; heaha no la ka mea o ka hoohiki ana; lolo; niho; a kulolo, iho la ua poe poolaa ala.

 

                        NA INO O KE AUPUNI REPUBALIKA

 

            Ua hoike ae kekahi haole kakou moolelo he mau manao waiwai nui e pili ana i na oihana aupuni o Amerika a me ke ano o na hui e hoomalu ana.  O ke kii ana i kaha ai o ka mikini kalaiaina a me kona hoohanaia ana ma Amerika Huipuia, ua like no ia me ke ano o na hana a na pakaha aina o Hawaii nei i hoolilo ae nei ia lakou he poe repubalika e hoao nei e hookaa i ka mikini kalaiaina maluna o ka umauma o keia wahi aupuni uuku.  Ua lawe mai makou i keia malalo iho ma ke ano he kii peni kina ole o na ahahui kalaiaina i kukuluia maanei o ka lahui kanaka o Amerika no ka hoonee mua ana i na hana a ma kanaka o keia mau paemoku, me ka hanaina hope loa e kaohi ana ia lakou e apono ma o ka poe la e hilinai ana i ka hoohui aina me na moku aina huiia o Amerika.

            “O kekahi mau ahahui,kivila lalaiaina a haipule paha ua pii mahuahua ae ma ka lilo o ke kuokoa me ka holomua, a i ka ikaika pono ana e hehi no oia i kekahi mau hui e ae malalo o kona mau kapuai.  Alaila, hoomaka oia e kukulu e noonoo i kana mea e hana ai i mea e hiki ai iaia ke kakoo iaia iho no ke kue ana i ke kipi aupuni a me ka hoopai.  E pakaha ana lakou hookaumaha wale mai a me na hana ino a hiki i ka wa o na kanak e ehaeha ai. Luuluu me ka nawaliwali malalo o ka koikoi o na hewa i hanaia i ka lanakila a me ka manaolana o ke kanaka. Heaha aku ka mea i koe? Eia i kona ike ana ua hanaia ka ino, alaila huli mai no ka hoomalimali ana me ka maalea nui a no ia mea ua aahu ke kanaka ino iaia iho e like me ke kahunapule e ake ana hoi i na kanaka maikai e kokua aku iaia.”

            Ina kakau e lawe mai i ka manao o keia haku moolelo, a hoohalikelike iho me na mea i hanaia mai maluna o kakou e keia poe e paa mei i ke aupuni hookahi wai o ka like.  O keia maoli no ke kulana o ke aupuni lima nui o Hawaii nei, oia hoi e hoao ana oia e pale iaia iho i na wa a pau ma ka olelo ana he halawai na ka lehulehu no ka pono like o na mea a pau.  O ka oiaio mae he halawai ohumu a kakahu poe kakikahi o ka lahui e kue ana i ke koena.

 

                        KE KULANAKAUHALE O BOSETONA

 

            O kekahi o na awa nui loa no ka hoolako ana i ka makapehu waiona o ka poe pegana oia no ke kulanakauhale kahiko maikai o Bosetona a o ka oi ma ia ano oihana oia kela poe kanaka i hanauia ma Bosetona, a e ike ia no ia ma ka hoomaopopo ana i keia hoike malalo iho i laweia mai e makou mailoko mai o kekahi mupepa o Amerika.

            WAISEKE A ME NA MIKANELE,  Ma kekahi wahi iloko o Aferika hookahi mikanele a me 50,000 Barela waiseke i hooleleia ma ka mamawa hookahi mai Ianuari 1, 1890 a hiki i Ianuari 1, 1891 ua hiki aku makahi o 1,081,591 galani rama i hooumaia ma ka moku mai Bosetona no  Aferika.  Iloko o ka 1891, ua aneane e jpapaluaia iho ka nui o ka mea i kalepaia.  Ua loaa i ka lehulehu ma keia hoike he manao akea o ke ano o na hana a na makanele Bosetona e hana ai i ka poo pegana.  Oia hoi ma ka wa hookahi e hoouna ia ai ka mea haiolelo i ka euanelio o ke ola ma kekahi lima me na meahuli waiwai e poino ai ma kakahi lima o keia oihana waiona i Aferika mai na mikanele aku o Bosetona ua like loa ia me ka hookomo ana o na kauwa kuapaa mai Aferika no ka Hema e ka poe Bosetona ka mea hoi mahope iho o ka hooopiha ana i ka Hema a me na paemoku o Inia Komohana me ka lakou waiwai kanaka no ke kalepa ana ua lilo ua oihaua la i mea waiwai ole mamuli o ke komo ana mai o ke aupuni o Beritania e kue i keia hana kalepa kanaka.  Ua like pu keia me ke kalepa waiona mai Bosetona na Aferika e lawelaweia nei e ua poe mikanele nei.

 

                        Ahonui Wale e Hawaii

 

            Mai kinohi mai o ka hookumuia ana o ka moolelo o keia lahui kanaka, aole paha he manawa e ae i ike ia kona ahonui palena ole e like me keia wa mahope mai nei o ka hookahuli ia ana o ko lakou kulana aupuni moi.  Iloko o kou kuamuamu ia, hoinoino ia me ke kumakaia ia e kou mau ememi, e kapa ana i ka lahui kanaka Hawaii he hupo, hookamakama a me na ino e ae he nui. E hailuku ana hoi i ka lepo lmai ke aliiaimoku a hiki i ke kanaka haahaa loa e pii ai ke kai o ka puuwai o ke kanaka, aloha iaia iho, kona aina a me kona ahiaimo ku. Aka nae me ke kahaha piha makou e olelo ae nei; aole oe i hapai ae i kou lima o ka inaina a hoomoe aku maluna o kou mau enemi, iloko o keia kowa loihi mamuli wale no o kela @eo kakuoha ‘Lii; e hoi e O’u mau makaainana me ka malama i ka maluhia, ma ko oukou mau home a me na wahi a pau a oukou e hele ai.”  Oia ka makou e olelo ae nei; ahonui wale oe e Hawaii iloko o keia mau ino a paum aole i kaniuhu aole o haawi pio, aka ke paa nei no i ka manaolana mau a make ole ma ka aoao o ka luhui, i awaiauluia iloko o ka maluhia a me ka noho malie.  O keia wale no ke kumu o @o kakou paa a hiki i keia la. Aole he mea e ae; no ka mea, ina kakou i malama mua ole i keia leo o ke Aliiaimoku, ina la aole kakou i keia @

 

                        EIA MAI NA ILIOHAE

 

            Ma kekahi wa i hala ae nei ua huaipau aku makou imua o ke akea no ke kauoha ana o ka poe e paa nei i keia aupuni i mau makaihiu i Amerika Huipuia, me na uku mahina kiekie no ka hoomakakio a me ka hoohalua ana i na Hawaii aloha aina ma na alanui a ma ke lakou mau home; ma ua hora o ka po a me ke ao.  Ano, i keia mamawa ua loaa hou he mamawa no makou ma ko makou aoao e hoike hou aku ai imua o ke akea; eia mai ua poe iliohae nei malalo o ke koloka hoopunipuni o ka @@@ kalewa mea liilii, e komo ana hoi ma na @@ a me na hale o ka poe Hawaii oie ka maalea nui, noaila ke ao aku nei makou ia oukou, e hookaawale ia oukou mai keia ano poe mai, no ka mea he moo mai kena mo ka waha o ka ihohae e pakaawili aku ai ia oukou a hihia.  O ka @he a malama, oia ke ola; mai noho a pane i kekahi ninau pili ohana a aupuni paha mai a lakou mai.

 

                        HE LEO MAHALO

 

            Ke haawi aku nei ka nea nona ka inoa malaio iho i kona mahale piha me kona puuwai a pau i na makamaka a me na hoaloha i komo pu mai ma ka aialo ana i ke kino make o kuu makuahine mai Kawa mai no ka pailina ma Kawaiahao, ma ka Lapule nei, Nov, 4 1894.

            Me ka naau luuluu Mrs. A. Kaolukou Honolulu, Nov 8, 1894.

 

                        PAKELE I KA BIPI

 

                        Ma ka la iho la inehinei, oiai hoi e lawelawe ia ana na hana hooihbipi ma ka pa bipi e ku nei iloko o kei, ua kou kekahi mau bipi iluma o ke kao me ka maikai a o ke kolu hoi, oiai oia e kupee ia ana. Aole nae i paa pono, ua hoomaka aku la ua holoholona kiwi mananiana ala e holo me ka puahi nui no luna o ke kao; ia wa hookahi no hoi i ike ia aku ai na keiki nui nepunepu o luna o ke kao e holo ana me ka mama nui a lele koheoheo ana iloko o  ke kai, a i ko’u elawa ana iho ma ka palekai o ke kao, aohe o laua ike ia iho; o na papale o laua ke lana ana, aole nae na poo.  He mau sekona paha mahope iho, ua puoho ae laua a aa ana na maka iluna o ka ilikai; a o ka hua mua loa i puka mai ka waha mai o Fatty Lapuwale maoli, pulu ana ka hoi o’u mau kamaa hele pule.  A ma ia wahi hookahi no hoi, aohe no he wa a poino ka waapa o ke kamaeu o Ulakoheo mai uala liilii i ka bipi, aohe la he nao ai i ka papaa.  Napula “ next time.”

            J.K. Beehibe (Sake.)

Boat Landing Nov 8, 1894.

 

                        NU HOU KULOKO

 

            Apopo ko makou la ia, ia la aku ko oukou; pehea ia e salii’a.

 

            Ei hou ae no ia poe limahaua a hoea mai i keia mau la iho.

 

            Pulu au i ka wai ia ae pehea la oe i ike ai ua wela kuu umaumia Tata iu daisy bell.

 

            He auau kai ka hana a kekahi mau keiki momona makai ae nei o ka uapo bipi i ka la inebinei.

 

            Ma ka Oo hulu melemele mai ka la apopo e lohe ai kakou ino mea hou o na Kona.

 

            Mai hoonuu hou oe i ka ipu-haole ua ike no paha oe he ono ka hana a ka haole, a laa ka nalulu o ka opu la.

 

            I hauwalaau wale ia no e na poohina o ke kai a ao wale ae nei no; heaha la keia e hueu mai nei? He hana paha ina aku a hoea mai.

            E maiama ia ana he mau heihei ho ma Waialua, ke hiki aku i ka la Karisimasa, e ko laila mau kaea, ea. A e komo pu mai ana ke keiki Pane oe o na kakaipah o Kualoa ma ia lealea ana.

            Ma ka la inehinei, ua kuhihewa kekahi poe ika punohu uahi e kauana i ka lewa me kakahi huelo loi hi, he Ouli kanahao; aoleia he Oul. Aka, heahi kao-leleia no ka moku kaua Hainkina, haawi aloha ana i ka mokukaua Farani. I puehua i ka auinala ana iho, oiai he Kamedoa kona alii moku kiekie.

            Ua haalele o Mr W G Irwin i ko ua kulana Peresidena, nokahui hoo pae lima hana; a ua pani ia kona wahi e Mr A F Schaefer.

            Mea mai hoi ka Avalataisa i noho iho nei ka ka mokukaua Haissina e hoopiha hanahu; kapanaha maoli keia. Pelaka-u.  Ua piha mua n ia kaaka i ka hanahu; o oe kau e hana iho, oiai, ua kokoke loa kou mau eke hanahu e mahuka aku mai a oe aku.

            Ma ka Poalua nei ua kipa aela ka anela o ka make a lawe aku i ka hanu ola o ke kamaike ako makou hoaloha Mr a me Mrs Kamakaehm o Kakaako a’e nei; a ma ka auinala Poakolu nei, ua manelel ia aku konakino wailua no ka ilina o Koula, e na makua hana ka opio omoe ku, oiai oka ka Haku ia i aloha ai.

 

                        HOOLAHA HOOKO O KA MORAKI A ME KUAI

 

            Ke hoolaha ia aku ka lohe ma keia, mamui o ka hana kuai i haiwiia ma kakahi Moraki i hana ia ma ka la 1 o Sepatemaba M. H. 1892 e George Nakiaua a me Maraea George kana wahine mare, no Honolulu, Mokupuni o Oahu, ia Mahe Kahai, o Honolulu i oleloia i make i kope ia ma ka Buke 138 aiai 221-2-3; ke makemake nei o J.A. Cummins, ka Lunahooponopono Waiwai me ka Palapala Kauoha i Pakuiia o ka Palapala Kpuoha a Malie Kahai i olelo ia i make e hooko i ua Moraki la. No ka hakiia o ka aelike, oia keia: O ka hookaa ole ia mai o ke kumupaa a me ka uku-panee pu i ka manawa i oleloia.

            Ke hoike hou ia aku nei ka lohe, o na aina apau  i hoopaaia maloko o ua Moraki la. a i hoikeia malalo ae nei. e kuki ia aku ana ma ke kuai kudais akea, ma ka rum i kudala o Lewia J. Levey ma ke alanui Moiwahine, Honolulu ke hiki aku i ka Poakulu la 14 o Novemaba M.H. 1894 ma ka hora 12 awakea o ia la.

            Ua hoike ia malalo ae nei na aina i hoopaaia maloko o ua Moraki ia, penei:

            O kela apana iana e waiho la maPauoa Honolulu i oleloia, a mo ke la Apana Aina e waiho la ma Auwaiohmum Honolulu i oleloia i hoikeia ma ka Palapala Sila Nui Helu 1789, kuleana Helu 3155 ia Makaioulu., i hoolilo ia mai ia Umauma opio e Umauma, kona makuakane ma kekahi Palapal kuai i kopeia ma ka Buke 30, aoao 296-7, a i hoolilo ia mai e Umauma opio i olelo ia ia George Nakiaua ma kekahi Palapala kuai i kope la ma ka Buke 136 aiai 307-8.

            Kuike ke dala ma ke dala gula o Amerika.  Na ka mea kuai mai e uku na kili Palapala.

No na mea i koe e ninau ia Jas. K. Kaulia a me Enoch Johnson, na Loio o ka Lunahhponopono Waiwai me ka Palapala Kauoha a Malie Kahai i Pakuiia o ka Palapala Kauoha a Malie Kahai i make, Mea Moraki.

                        J.A.Cummins

Lunahooponopono Waiwai ma ka Palapala Kauoha i pakuiia o ka Palapala Kauoha a Malie Kahahai i meake. Mea Moraki.  Hanaia Honolulu, Oct. 24, 1894    1- month dly.

 

                        B.F.Ehlers &Co. (Painapa

 

 

                        :KO

 

            Na Lede Kolamu.

 

            Ua hooponoponia ko makou ma u pakaukau kuai i keia pule, me na Lole Keokeo Ano Hou  a ke ma nao nei makou e pau loa aku ana keia mau ana i ka lilo mamua o ka pau ana o keia pule.  Ajole keia mau waiwai malalo o ko makou kahua hana, oia hoi ke huai ana me ka hi kiwawe me kahi puka uuku, aka e kuai ia aku ana  ma na kumulili aole hoi e oi aku e emi iho mamua o hookahi keneta.  Ua makemake makou e loaa i wahi kaawale no ka makou mau waiwai hou e hiki mai ana, oiai na kuai aku makou i kekahi heluna waiwai nui o ke kaumakalii a me hooilo.  Nolaila e panee ia aku ana na waiwai hou loa i ka manawa e lilo aku ai o keia mau Lole Keokeo ma na kumulilo ma ka olelo ana ae e kuai aku me @a hikiwawe me kahi puka uuku, ke hoike hou aku nei makou i keia NA KAKINI ELELE o na Wahine o keia ka makou e kkua mau uei no @  $3.00 o kakia a i keia manawa he $2.25, o ka mea $5.00 ua hoemi ia iho a he $4.00 o ke kakini.

            Ua like pu no ke kuai ana me ko na Kane, o ka kakini o $3.00 ua hoemi ia iho a i ka  $2.25 o ke kakini o ke kumu o ka hoikeia ana aku o keia i wahi e ikeia ai ka emi io o ka makou maiu waiwai e panee ia aku ana ua na pakaukau kuai, a maloko nei o ko makou halekkuai holookoa ma na waiwai a pau.

            Mai poina i ka maiama ana i na rikiki a makou e hiawi aku ana ia oe, malia o nio io ia oe ka holuna nui, a o oe ka inakou e hooana ai no kaluaopele.

            Ua hooke mua aku makou mamua aku nei, e kaupaa mai ana ka Wahine o kalua i kona hani, a na hooko io mai oia i keia.  I kou manawa e makoukou mua ana oia e hookipa aku ia oe ma ka hoike ana mai i na hani a pau.

            B.F. RHLKKS & CO

                        ( Maioapu: Ma)

 

Alanui Papu