Ka Oiaio, Volume VI, Number 44, 2 Nowemapa 1894 — UA HALA. [ARTICLE]

UA HALA.

E Mr. Luna Hooponoponu. E oluolu oe e hookomo iho ma kahi kaawale o kau Nupepa uila Ka Oiaio, i kahi moolelo walohia o ka mea nona ka inoa maluna, i ike mai ai na ohana a pau o ka mea i hala aku la. Me ke kaumaha au e kakau nei i keia moolelo walohia o ka mea nona ka inoa maluna ae. Ma ka wanao o ka po o ka la 23 o Oct. 1894 ua hele kohana aku la ka uhane, ka hoa pili o ke kino o Mre. Olelia, a ua haalele i ke kane na makua a me ka ohana a pau, na lakou e auamo aku i ke koikoi o kana huakai. Ua hanauia o Mrs. Olelia maluna o kekahi moku kuna M. H. 1857—i ka malama paha o Malaki, i ka wa e nahunahu ana kona makuahine, oia hoi o Iosepine Ha mea, ua miki aku la ka wahine a ke kapena o ua moku la, a awe ae la nana ka malama ana, a nana no i hea i kela inoa o Olelia, a mai kona hanau ana a hiki i kona make ana ua piha iaia na makahiki 378 malama; oia ka nui o kona mau la o ka hanu ana i na ea oluolu o keia ao. I ka la 5 o Apelila 1874 ua mare ia laua me C. K. Kaloi he wahine noho pono, a malama i ka maluhia, a mai ko laua mare ana a hiki i kona make ana, aole i loaa ia laua he noho kue ana. Ua hoonaauaoia ma na ike hana lima. He wahine oluolu a aloha ohana a he puuwai hamama, aole oia e pani i kona waha he kipa kekahi mea ma kona hale. Malaila no ka makua ka Rev. Boneface a ikw nono i kona hele ana. Ua hele oia me ka maluhia; he wahine haipule oia, he alakai oia no ka papa himeni o ka hale-pule o S. Petero ma Puuuki, a me na oihana pule a pau. A ua lana ka manao o ka mea kakau, aia oia me kona haku Akua ke Kariato ka Hoola.

Ua hoolewaia kona kino me ka hanohano, a ku ka pule Meka nona, a me na pule hoomaikai no ka poe i make. Ma kona make ana, ua haalele iho oia i kona hoa pili he kane, a me na makua a me na ohana a pau, a ua nui kona minamina ia e na mea a pau, a na lakou e auamo aku i ke koikoi o kana huakai hele, a he kaikamahine kupa oia no kaua lani haahaa nei. A he fiva kona mai i make ai. A ke puana ae nei ka mea kakau. Aloha, aloha aloha nui oe e Olelia iloko o na puuwai: ka puuwai hemolele loa o Iesu, a me ka puuwai maemae o Maria. Nana no i haawi mai, a nana no i lawe aku; E hoomaikaia oia. A ma keia ke haawi aku nei au i ko'u aloha a nui i ka Luna Hooponopono a me na keiki ulele hua kepau aloha oukou. P. K. Momoa Hana, Maui. Oct. 28,th. 1894.