Ka Oiaio, Volume VI, Number 40, 5 October 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

 

J. E. BUSH, Lunahooponopono.  J. K. Penikalaka, Puuku.

 

O KA PONO KA AIALII E OLA AI KA AINA.

 

POALIMA, OTAKOBA 5 1894.

 

"Hookahi o Makou Pilikia."

 

            O keia ka olelo i lohe ia aku mai kekahi hoa o ka Aha Kuka o ke Aupuni Noho Manawa.  "Hookahi no o makou pilikia, oia hoi ka hoohiki ole mai o ka Lahui Hawaii."  He olelo ano nui keia, e hoike mai ana i ke kumu o ke ku omalimali o ke Aupuni Manawa @ ku nei, i kapaia ma ka inoa, he Aupuni Repubalika.  Ua hoike ia mai, ma keia olelo kahi o ka mana ole o na hana a pau e hana ia ana e kekahi poe i lawe i ka mana hooponopono aup@ni o kekahi lahui, ke ku ia lahui a apono ole aku @ ka hana a ia poe.  @a hoike mai lakou i kahi o ko lakou kumu e mana ole ai ma ka lakou hana ana a pau, a me ke kumu o ko lakou ike ole ia mai e na aupuni mana nui, i lawe i ka rula o ka ike aupuni ana ma ke kulana o ka lahui ia aupuni.  He mea no hoi keia e hoike mai ana i ka oiaio o ka mea i olelo ia e ka Aha Senate, ma ka lakou olelo hooholo, aia wale no ka mana o ke kukuluia ana o kekahi aupuni me ka lahui.  Oia ka mea a ka lahui Hawaii e aua nei, a ma keia kupaa. ua nui ko lakou mahaloia, a ma ia kumu no hoi i malili ai ke aupuni i kukulu hou ia ae nei e ka poe hoohui-aina.  Aka, aole nae keia kulana lolii wale e lilo i mea e hoonele ia ai ka aoao e kupaa nei o lakou ke aupuni, i na pono oi aku ma keia mua ke mau keia kulana ku wale iho no o ka lahui.  He mea oiaio, wahi a ko makou ike iho ma ka nupepa ua holo aku o H. A. Widemann, no Enelani a no Geremania ma kekahi ano pili i ka pono o ka Lahui Hawaii.  He mea ano nui no keia, o ka poloai ana keia i na aupuni makua o Enelani a me Farani.  i kuikahi mawaena o laua iho e hoomaikai mau i ke kuokoa o ke aupuni Moi o Hawaii nei.  Ua kuleana keia mau aupuni me Geremania e komo pu mai me America e hooponopono i ka mea a lakou e ike ai he k@pono no ka Lahui Hawaii.  No keia mau kumu, ke hopohopo honua nei ka poe hookahuli aupuni e hoopolohe ia ana ka lakou mau hana a pau mai mua loa mai a keia la, oiai ina ua pau ka Peresidena Celeveland hana ma ka @inau Hawaii, mamuli o ke akeakea ana a ka Ahaolelo, e like me ka manao koho wale aku o kekahi poe, alaila, na pololei ka huakai a Hon. Widemann i holo aku la, a e lohe ana no kakou i na mea ano nui mamuli o kana huakai i na aupuni.  He hana naanao no keia.  Aka, aole loa nae he makemake ia e na misionari.  No makou iho, aole i pio ko makou manaolana, o ka "la ai a me ka honua" e hala aku, aka, aia no makou ma ke kulana mua.  Na ke Akua Hoopono kakou a pau e kaana!

 

Ka Hae Amerika.

 

            Ua  hoouna ae kekahi haole Amerika he palapala i ka Lunahooponopono o ka nupepa Buletina, e ninau ana; ma ke kumu hea la i kau ia ai ka hae Amerika ma ke kia mua o ka mokuahi Kinau, a o ka hae Hawaii hoi ma ke kia hope, i ka holo ana aku nei o Mr. Dole.  O ke Kinau he moku Hawaii ia, aole ona kuleana e kau ai i ka ae Amerika [Old Glory.]  O kona mau ona, ina ua hanau ia ma Amerika, ua haalele lakou i ko lakou mau pono ma na ano a pau. o ka noho hoomalu ia ana e Amerika, a o Dole hoi oia ke poo o ka Rebupalika, a ua kohu ole e kau ia keia ano waihooluu i hala aku mawaho o ka palena kupono iaia.  O ke kumu o ko'u waiho ana aku i keia ninau. no keia wale no : "Ina eia kekahi mea he Kuhina Amerika maanei nei. a ua hiki mai ka manawa nona e hooholo ai, ina o ka hae Amerika [Old Glory] he apana WELU ia a he HAE paha?"

 

Ka Hui Chameleon.

 

            O ke ano o keia inoa, oia no ka Hui o na Liona oloko o ka lepo, a ma ka puana maopopo ana ae; oia no ka Hui o na moo-alualu ili loli wale, ka mea e Kapaia nei; Ka Hui Kalaiaina o na Hawaii?

            Ke ike mai ka Lahui Hawaii i ka loli mau ana o ka inoa o keia Hui moo-kiko: mai ka inoa. ka Hui Liberala Hawaii, a i ka Hui o na Keiki owi o ka Aina; alaila, haalele ia inoa, a loli hou ae nei i keia inoa Hui Kalaiaina o na Hawaii.

            Ua like loa keia me ke ano o ke la wahi holoholona ano e Le Chameleon; He loli mau kona helehelena i kela a me keia manawa, a like me ke ano o ka mea e nana aku ana ia ia; a i ole ia, i kona wa e huhu ai e loli ano e ana no kona wa hooluu.

            Ma kahi malumalu a pouliuli paha ana e noho mai ai, ua lilo oia he mea kino ano keokeo, a ano ahinahina paha.  I na nae e pa ia na kukuna malamalama maluna ona, alaila, e loli ana oia i mea makue, a ano hauli-omao-mao: a i ole ia loli ae i ano ula k@ko o na ano like ole; a pela oia e loli mau ai i na wa a pau loa.

            Pela makou e ike aku nei i ka hana a keia Hui o ka poe mookiko k@makaia i ko lakou aina.

            Ua hoao keia poe e hoowalewale aku i ko lakou poe Hawaii ponoi o ka Lahui hookahi, a no ke ino a me ka la@uwale o na hana. ua ae ole mai na Aloha Ai@a e hui pu me lakou; nolaila, hoololi hou i inoa nou no ka Hui, a oia mau no ka ae ole o ka Lahui; nolaila, hoololi hou i ka inoa o ka Hui, a aole no he loaa ana o ka Lahui e hei aku a @uni i ka lakou.

            O na inoa o keia poe i ike mai ai ka Lahui, oia no Geo. Markham; J. H. Barenaba; D. L. Naone, Chas Wilcox J. N. K. Keola; S. A. Akau; J. H. Boyd; J. M. Kea; T. E. Cooke J. U. Kawainui; Jas Cooke; G. L. Desha; S. M. Kanakanui a me S. Mahaulu.

            He lalau na wehewehe a me na hoakaka manao ana a keia poe.  Malalo o na kumu manao papau a pokole o ka noonoo ana. i ikeia malalo o na mahele eha. 1.  Oiai na kakou e hookaa nei i na auhau, a i mea e nana ia ai ko kakou mau pilikia, nolaila, e koho kakou i Lunamakaainana a i Senatoa no Kakou?  Pela mai o Pakaha ma!  Alunu me Hookahuliaupuni! E ka Hui Poohakahaka papau o ka noonoo, Pehea la?  O ka Lahui Hawaii anei kekahi i kon@ia mai e kuka no ka hoolilo ana i na dala au@au o ka Lahui Hawaii, i hoolil@a mai Ianuari 17, 1893 a hiki i Sepatemaba 30 1894?

            Aole anei na keia poe pakaha i hoolilo a i uha ai aku i ua dala he nui o ka wainona Lahui me ka ae ole o ka Lahui?  Aole anei o oukou kai kokua aku i na hana kue kanawai a keia poe?  A i mea aha ka ui ana mai i ka Lahui e kokua aku i ka aihue a me ke kolohe?  Na oukou e ka poe hoopilimeai e kokua i ka hana kolohe a na enemi o ka Lahui.

            Aole loa ka Lahui e hana iki a e ae iki i ka oukou lapuwale e ka poe kumakaia i ka Lahui.

            2.  O ka poe e ao hewa nei ia kakou e kue i ke aupuni e ku nei ma na ano a pau.  A e haalele loa i ko kakou mau pono kivila, ke kakoo mau nei lakou i ke Aupuni Repubalika ma ke ano oi loa ae, ma ka @ku ana aku i ko lakou mau auhau no ka hoopuipui ana ne ika waihona Aupuni Repubalika, nolaila, he wahahee ka lakou mau kue me na olelo hoino.

            Mahea la ka wahahee o ka na Alakai o ka Lahui e ao nei i ka Lahui Hawaii?  Ke olelo nei na Poo Alakai o ka Lahui, he kalohe na hana a ke Kuhina J. L. Stevens @ hana ai ma kona kauoha ana i ka mana kaua o Amerika e lele mai iluna o ka Aina o ka Lahui Hawaii me ke kuleana ole, a e kokua i na poe mikanele aihue aina a oukou e na poe poohakahaka hoopilimeai e wahakou mai nei.  A ke olelo akea aku nei na Alakai o ka Lahui.

            Ua kokua @i o Peresidena Cleveland @ keia manao o makou mamuli o kona kukala akea ana ae a ouni ke ao holookoa i ka lohe koe aku oukou ka hoopilimeia ua hana hewa o Amerika mao kona Kuhina ia! Aole paha o oukou pepeiao ea?

            Ke olelo nei oukou, o ko makou uku ana i na auhau he kokua ana aku ia i ka Repubalike?

            O ka mea a makou i ike ai ai hoomaopopo ai, mamuli o ke ano defeketo ua hooomauia na hana ku loko a na Luna Hooko, e noho mana ana.

            Aka, aole loa ma ke ano ua a@ makou me ka oluolu a me ka makemake maoli.

            Aole loa pela! i lohe mai na poo o ka pakaha a me ka hao wale!  Ua uumi ke aloha o ka aina @ na eha na m@ a me na inea i hanaia mai e oukou maluna iho o makou a me ka Lahui.

            O na kanaka a pa@ i makemake e malama i ka noho maluhia e pono lakou e kakoo i ke aupuni.  @i mau ai ka nono maluhia, a pela aku a i ole, e ulu mai a@a nei na haunaele oia ke ana i makemakeia e na Anake a lima koko o Farani.

            Nohea ae la ia noonoo o oukou?  Aole anei o ka Lahui Hawaii ka noho mal@nia a hiki i ka la 17 o Ianuari 1893: alaila, na keia poe ma@o a na mikanele kipi pakaha. hookahuli aupuni a oukou e kokua nei, i hoala ae i na hana kue maluhia a hooulu hoohaunaele?

            Poina koke iho la no oukou?  Owai ka poe hoouluku i ka noho maluhia ana o Hawaii nei?  Owai i 1887?  O keia poe no!  Owai i 1893?  O lakou no!  Owai ka poe Anake?

            O na poe haole no mai Amerika mai a mai Farani ae a i Amerika aole o na Hawaii.

            4  Ke uwe mai nei me ka helu mai i na pomaikai i hookele ia e keia aupuni @ Auhea na pomaikai?  Nui na dala lilo no na hana ano ole.  Aohe hana ia o na hana o ka lehulehu a pela aku.  No ko oukou palu i ka lauai o ka waho o ka poe aihue aina, nolaila pai ae nei@e pii ia.  Ke koi mai nei e makaala e kiai i ka pono o kauia na kanawai hoopilikia maluna o kakou Ae!  ke ike ala ka oukou!  Kai no e pii ae ana ko oukou mana i ka Lani?  eia ka e hoi iho ana i ka honua nei.

            Ke olelo aku nei na alakai o ka Lahui; Aole loa e loaa hou ia pono i ka Lahui Hawaii aia wale no a hui hou ke Aupuni Moi o Hawaii.

 

E NA'I WALE NO OUKOU I KUU PONO, AOLE E PAU.

 

E Mr. Lunahooponopono e.  Aloha oe;

 

            Mamuli o ka hoopuka mau ia o keia hua olelo, kaulana a ka nai aupuni Puuwai Liona Kamehameha I, maloko o na Nupepa, nona hoi na hua olelo e kau ae la maluna "E nai wale no oukou i kuu pono aole e'pau."  M@a ua maopoopo ke ano o keia huaolele al@ i kahi poe o ka Lahui Hawaii Ponoi e noho mai nei, ai kekahi poe paha aole i maopoopo ke ano ku io maoli o keia huaolelo ke hoakaaka ia ae hiki ai hoi ke koho iho ka lunaikehala o ka mea heluhelu i ka mea oiaio, a e loaa no ka mole a me ka waiwai o keia huaolelo alii a Kamehameha ekahi me ka pololei [a oia hoi keia.]

            I ka manawa o Kamehameha e noho ana ma Kailua Kona Hawaii oiai oia e noho ana me ka mai, a e noho pu ana no hoi na'lii a pau, malalo o na, aia no hoi na kahuna na kilokilo kuhikuhipuuone a me na kakaolelo, a he poe ike hoi i ka nana ana i ka pilikia ma'i o ke alii Kamehameha, elike me na ke i ao ia ia lakou a he mea mau no hoi ia Kamehameha ka ninau aku i ua poe nei no kona mai, ua hoole mai la na kahuna, a i ka poe kilokilo hoi, ua pane mai lakou, aole oe e make ana i keia mai ou e ke alii, o ka makou ia e nana nei i ka papa lani, he maikai na kanaka o luna e hele nei; a oia olelo houkahi no i ka poe kuhikuhi puuone.

            Oia mau no na iliili o ka papa huli honua, a pela no me ka poe kakaololo.  Mahope iho o ko Kamehameha ninau ana, ua hoomanao ae la oia ia Popolo, he kanaka kilokilo e noho ana ma Wailamoa, Kipahulu, Maui, nolaila ua hoo@na mai la oia i ke ahi Hoapili Ulumaheihei me na kanaka maluna o na waa kaulua, e kii ia Popolo i Maui a lawe mai.

            Nolaila ua hooko ia keia leo alii. I ka hiki ana o ke alii me na kanaka he 25 ma Wailamoa, aole nae i pae iuka, ua ninau aku o Hoapili i na wahine e hele ana ma kahakai opihi o Walaohia.:          

            Auhea o Popolo?

            Ei ae no, wahi a na wahine; aia kona hale la ke ku mai la.

            Ma keia olelo a na wahine hele kahakai, ua hoopili aku la na waa ma kahi kupono a lele aku la o Hoapili iuka o ka aina me na kamaka elua; me na makaua ma ko lakou lima mai ke alii Kamehameha mai.

            Ia Hoapili me kona mau kanaka i kau aku la iuka o ka aina, ua alakai ia aku la iuka o ka aina e kekahi wahine a hiki i ko Popolo hale ponoi.

            Aole i loaa aku ilaila, a ua hele loa aku la lakou a loaa aku la i waena o ka mala uala e mahia@ ana no, ia wa o Hoapili i waiho aku ai i na mohai imua o Popolo, a oia kana i ninau mai ai i ke 'lii Hoapili.

            Heaha ka hana a ka @uaa?

            I h@a ia mai nei au e ke alii Kamehameha e k@ mai a@ ia oe e holo kana i Hawaii. he@ mai ke alii.

            @ ka pa@ ana o keia mau olelo a Hoapili. ua pane aku la o Popolo e huki ae i keia mau pu e nala elua a ho a aku i ke ahi ma keia wahi. a ua lawelawe ia @na mea a pau ma kela wahi a hiki i ka pau ana. a ua hoi aku la o Popolo me Hoapili a me kona mau kanaka a hiki i ka hale.

Aole i pau.

 

I Komisina Aha?

 

            Ke nui mai nei ka waha o Limaikaika i ke kahea, e pono e koho ia i Komisina hoopilimeaai, he mau kanaka a he mau haole p. g. e hu@ i ka oiaio o na mea pili i na hana a na mikanele i hana ai e pili ana i na Hawaii, a pela aku.

            Ua hiki mai he kanaka hoopono iloko o Maraki 27, 1893, ua hoouna ia mai oia ma ke kulana komisina huli pono i na mea a pau loa e pili ana mawaena o ka lahui o Hawaii nei.

 

            O ua kanaka kamahao la a luaole o ka hoopono, oia no ka mea Hanohana James H. Blount.  O keia kanaka ka mea nana i kuekaa aku i na hana ino a na poe hoopuanipuni o Hawaii nei; a i kuupau ae hoi ma ke akea i ke ano o na aoao a elua e aumeume ana maluna o Hawaii nei.  O ua Mr. J. H. Blount la ka na mikanele i hoino loa ai a hiki i keia la.  No ka mea, ua like kana hoike me ka Baibala Hemolele @

 

            Owai keia Limaikaika?  Oia ka mea i ao aku ia Kalakaua e hoolilo i kona aupuni no kela akualapu a Loio Kuhina Pilipo i olelo ai O ke Kuikahi Panailike, oia ke keehina mua loa o ka hoohui aina.  Ua hoea mai oia i keia la, a ke kali nei no ka manawa e hooko piha ia ai. 

 

            Nolaila ke olelo aku nei makou, he mea waiwai ole keia mau olelo a ka poe hookamani; no ka mea, ina hui pu ka poe aihue aina me ka poe aihue aupuni, like no ko lakou ano, he poe hookahuli aupuni.

 

He Mahalo ia Kualoa.

 

            O makou o na lala o ka hui kinipopo Royalist, (Aloha Aina) ke haawi aku nei i na hoomaikai piha ia Mr. a me, Mrs B. Judd, a me Mr. a me Mrs Moses Konaaihele, o Kualoa, Koolau, Oahu.

 

            Oiai makou na hoa o keia hui i hoea aku ai ma ia aoao o na pali hauliuli, ua pa mai la kahea a kamaaina e kipa kauhale.  a ua hookipa ia aku makou me ka hanoha no piha, a me he mea la no makou ponoi ka noho ana.

 

            Nui ka ai a me ka i'a i hoomakaukau ia e na kamaaina, ua ai a lawa i na mea ai ono kuhima i panee ia ma@mua o kamahele; ka puaa hoolua, puaa kalua paa pipi hoolua, a me na mea ai Hawaii e ae o kela a me keia ano; a i oi loa aku hoi i ka hiu ia ana mai o na ula momona o ka Lae o ka Oio, e ko makou makamaka puuwai ha@ama, Moses Konaaihele, a ua pili pono keia mau wahi lalani mele a ka poe haku mele:

                        "He puuwai hamama oe

                        He heahea me ka lakomaikai

                        Ma kou ipuka e ola ai

                        Kamahele o ke ala loa."

            O makou no o na lala o ka hui kinipopo Royalist, (Aloha Aina) o Iwilei, ma o ko makou Kakauolelo @la, Mr. L. K. Sheldon. 

Iwilei, Sept. 28, 1894.

 

            Ei aku nei i na Honoopiilani ka@ Peresidena o ka Hui Aloha Ainao Ko Hawaii Pae Aina ka Hon.J@ Nawahi, a ke lua lai puala me nakeiki papa o ka malu he ku awa ona wai eha.

 

            E heluhelu @me ke akahele e na makamaka, ik@ makou mau manao e puka aku nei ma ka pepa o keia la aole o ka heluhelu ka molamola, aka, e nee papa ka La i ke kula o Punahoa, i loaa pono iaoe ka puana a ka Moae, alaila ko'u kapuu ikawai a Kanaulu.

 

OLA HAWAII I KE AKUA.

 

Lehua e, Lehua hoi

Pehea o Kaula au i ke kai

Hookoloia a i Niihau

Ke kupua Kilioe noho i ka pali

E Hina e. e Hina hoi

Pehea na ko'a a o ka moana

Ninau ia i ka Waikea

Me ke kauila holu Puukapele

E walea ana me Nohili

Me ka lei pahapaha a o Polinale

            E ola ea, e ola hoi

            A e ola Hawaii a i ke Akua

 

Kaala e, Kaala hoi

Pehea ka noho'na Oahu nui

E walea ana me Waola

Me ka uluwehiwehi a o Halemano

Leahi e, Leahi hoi

Kaimana kaulana o ka aina

Pehea hoi a o Makapuu

Ihiihilauakea kau mai iluna

A ka luna hoi o Keaniani

Maikai na haka a Olopana

            E ola ea, e ola hoi

            A e ola Hawaii a i ke Akua.

 

Piilani e, Piilani hoi

Pehea na Hono i ka malie

Ua la'i pono Kapapawai

Ua wehi i na lehua a o Lihau

Haleakala, Haleakala e

Pehea e ka wai hu'i o Kalena

Kahiko ana a i Piiholo

Me ka ua ulalena a i Awalau

Lauahi Iao ke pani wai

I ka pela kapu hoi a o Kakae

            E ola ea, e ola hoi

            A e ola Hawaii a i ke Akua.

 

Lilinoe e, Lilinoe hoi

Pehea e ka hau o Maunakea

Kuu ia mai, kuu ia mai

Ko kapa hau anu a e Poliahu

Hulihee e, Hulihee hoi

Paa ia ko kapu ihi lani kapu

Ahuena e, Ahuena hoi

Pehea e ka nalu ha'i o Kamoa

Hiilawe e, Hiilawe hoi

Makaala pono ia i ka lewa nuu

            E ola ea, e ola hoi

            A e ola Hawaii a i ke Akua.

                        IWILEI, SEPT. 29th, 1894.

 

$10.  MAKANA

 

            Ua nalowale@ahe @manu Nene eleele, (Australian Swan) mai kahi noho aku o Mr. Makapolena, ma Waikiki, ma kekahi la o ka pule i hala.

 

            E loaa no ka uku makana maluna ae i ka mea a mau mea e hoike a kuhikuhi pololei mai i kahi e noho nei o keia manu.

 

            E hele ae ka mea a mau mea i ike i keia manu, e hoike ia Kalalena Makapolena; hele kuai @ama alanui Kaahumanu, a i ole ma ke Keena o Ka Leo ma ke Alanui Paipalapla.

                        Mrs. Makapolena.

Waikiki Sept. 21, th, 1894.

 

Elia Kaululaau

 

KAUKA HANA NIHO

 

            Ke hoike hou aku nei au imua o ko'u mau hoa makaainana a pun ko kakou nei Paeaina, eia no au ke hoomau nei ma ka'u

Oihana Hana Niho:  ma ko'u Keena, ma ke kihi o Alanui Betela a me Moi, ma ke Alanui Moi ka puka e komo mai ai.

            Ke kono aku nei au i ka poe a pau, l loaa ko lakou mau niho i ka eha; a na'u no e hoopau aku i na haawina ehaeha iloko o ka manawa pokole loa, me ka'u mau laau i kauana iwaena o ka poe a pau i hele mai i o'u nei.

            He wai auau no'u ka huki ana na niho, a iloko e ka imo ana a ka maka, me ka palanehe launa ole, ua hemo ia niho eha, a ua hiki hoi ke hoopiha i na niho me ke@iula; Kala a iwi paha, me na uku haahaa, a i oi loa aku hoi ka makai o ka hana a ana me ka maiau nui.

            E kipa e o'u mau makamaka, a e loaa no au ma ko'u Keena hana, me ka makaukau mau e haawi aku i na ao ana i ka mea kupono e hana ai i ko oukou mau niho, me ka auhau ole aku ia oukou no ia ao ana

                        Elia Kaululaau.  Kauka Hana Niho.

Keena Kihi o Alanui Betela me Moi               Augate 1, 1894           aug3 tfd.

 

OLELO HOOLAHA PAPA.

 

            E ike ananei na mea a pau ma keia. ke papa a hookapu loa ia aku nei ua ano kanaka a pau loa, aole e malama a hookipa hoi i ka'u wahine i haalele kumu ole mai ia'u, nona ka moa o Mrs. Kaimiola George Pooloa.  O ka mea a mau paha e malama ana i ka'u wahine e hoopii ia no ma ke kanawai.  E mala ma i keia o hahai ananei ka poino i ka mea hookuli

 

            Ua papa pu ia hoi na hoaie ana ma ko'u inoa, ke hoao kuu wahine e hana pela, maluna no o ka poe nana i hoaie mai ko lakou poho.

 

                        Owau n@,       GEORGE POOLOA.

            Kapuukolo, Sept. 11 1894.  3wk--dy.

 

B.F. Ehlers&Co.(Painapa Ma.)

 

:KO:

 

Na Lede Kolamu.

 

            Ua hoike mai o Mr Chase ka Lunanui o ka hale ma Kaluopele, e hoike ana i kekahi mea e kau aku ana maluna o ka Madame Pele.

            Ua manao o Chase, ua ohe o Pele no ke kuai ho@mi me kahi puka uuku, nolaila ua hooholo iho la oia e hana i kekahi hana oi ae.

            Ua paa loa ko makou manawa me ka hana, nolaila, aole e hiki ia makou ke holo ilaila e nana ai i na mea e hanaia ana, nolaila eia ka manawa maikai no oukou e hele ai ma ko makou aoao.  E hoomanao oukou e ka poe i kuai ana me makou i kela a me keia manawa e loaa aku ana he kikiki ia oukou.  E malama i na kikiki A pau.  Aole i kaupalena ia ka luina au e kuai ai, Ma ka la 26 o Dekemaka, ma ke kakahiaka mahope iho o ke Karitimaka o ke kane, wahine a keiki paha e lawe mai ana maloko o keia Halekuai i keia mau kikiki, i oi ae ka heluna mamua o ka na poe eae. a hiki i ka hora 12 oia la e loaa no KIKIKI no ka Holo a Hoi ana mai mai KALUOPELE mai, me kekahi palapala hoolauna ia Madame Pele ma ke ano, oia ko B. F. EHLERS & Co, kanaka ma kona aoao.  O keia kikiki, ua hiki ia oe ke koho i ke ala au e makemake ai e holo a me ka manawa pu e haalele ai.

            E hoomanao i na manawa a pau au e kuai ai, nui a uuku papa e loaa ana ia oe he kikiki he hana kupono e hoikaika ia e kela a me keia.

            Oiai ka manawa e nee ana e hoohauoli aku no makou i ko makou pae kuai mai me na kumukuai haahaa me kahi puka uuku.          

            Ua ku mai nei ka Mariposa i ka manawa kupono.  Ua kau aku ko makou manao nui no keia Lole BALU ULIULI a me ka ELEELE o ke ano hou loa; pela pu no hoi me na GINAMU KEKOKIA, a me ka lole Danimete o na ano waihooluu like ole.  Ua loaa pu mai he mau lole Botika hou o na ano a pau, a pela me ke Karitona ma ka laula pakahi a papalua hoi, i kupono no ka hana paku ana, a me ka uhi ana i na Lako Hale.

            E makemake ana anei oe e holo i Kaluaopele?

 

                        B. F. EHLERS & Co.  (Painapa Ma.)

            Alanuii Papu 1w--dly

 

HOOLAHA KUAI A KA LUNAHOOPONONO WAIWAI.

 

Oiai na loaa ia'u ka mana ma ke a no he Lunahooponopono waiwai no ka waiwai o Petero Kakoi (k) i make, nolaila ke hoolaha aku nei au, @ kuai ia aku ana na waiwai lewa i i hokeia malalo iho nei, ke hiki aku i ka hora 12 m o ka Poakolu la 26 o Sept.1,894 e malama ia ana kahie kuai ia ai ua mau waiwai la ma Pukaomaomao Manoa Oahu.

            Eia na waiwai e kuai ia aku ana 43 Poopipi 2 Miula, 15 Lie, 2 Kekake, 2 Puaa, a me @ Moa, a me na Holoholona ahiu e holo ana maluna o ka aina hoolimalima.

 

                        K@ Petero Kakoi.

 

            Lunahooponopono o ka waiawai o Petero Kakoi i make.  Honolulu Sept. 21 1894

                        3 tma. dly.

 

OLELO HOOLAHA.

 

            E IKE AUANEI NA KANAKA A pau ma keia:  Owau, o Hulu (k) no Kawaiahao, Honolulu, Oahu, Ko Hawaii Pae Aina.  Oiai, au e ola maikai aua, a @ ka mea, ma ka makahiki 1886, a mahope mai paha oia manawa, ua hana au (ma o M@makea Loio la) he palapala kauoha, e hooili ana ia Keoki Naihe (k) ma oia wahi hookahi no, he wahi mahele apana aina o 21 kapuai loa me 21 kapuai laula Hoko o kekahi apana aina o'u ma Kawaiahao, Honolulu, Oahu.  A no ka mea, o ke kumu ano nui o ko'u hooili ana aku ia Keoki Naihe ma i olelo ia ma@a 'e; oia no ko laua malama ana mai i ola no'u a me ko'u pono hoi, a pau pono ka manawa o ko'u ola ana, a no ka mea hoi o Keoki Naihe ma i olelo ia maluna'e nei, ua hooko ole laua i ka malama ana mai i ola no'u iloko o keia mau makahiki eha o ko'u ola ana, nolaila, ke kukala aku nei au.  a ke hoike aku nei hoi au imua o na kanaka a pau loa, a ma keia ke hoopau loa aku nei i ua palapala kauoha la; a ua lilo ia i mea ole loa, mai keia la aku.  Hanaia a haa wi ia malalo o ka'u kauoha a me ko'u  Sila, i keia la 10 o Sepatemaba, 1894.

HULU [k.].

            Ma o JOSEPH NAWAHI la kona Loio.

                                                                                                sept 10 lm--wkly.

 

HOOLAHA HOOKAPU AINA

 

            Ke papa a hookapu loa aku nei an i ka poe a pau e hele kuleana ole ana e lawe i na mea o luna o kuu mau aina a pau e waiho la ma Koolau, Maui, oia hoi o Kapaakea, Puakea, he mau Ahupuaa laua, a o Ka@iae, he aina kula ia e hoomaka ana kona palena ma ke kihi hikina ma ka pali kahakai o Kekuapaa wela, a ma ke kihi hema ma ka li@ mu@wai o Wailuaiki.  A ke papa pu ia aku nei na poe a pau e hele ana e lawaia ma kahakai a me kahawai o keia mau aina.  O ka poe a pau e kue ana i keia hoolaha ana na ke kanawai e ao ia lakou.

 

                                    MRS. MALAEA AKIONA.

            Wailuanui, Koolau, Maui, Iun 29, 1894.                     jul13 2ms skly.

 

PONOPONO WAIWAI.

 

            Ma ka hana o pili ana i ka waiwai o Petelo Kakoi o Honolulu, i make.

            Oiai ua hookohu ia mai ka mea nona ka inoa malalo iho i Lunahooponopono waiwai no ka waiwai o Petelo Kakoi i make o Honolulu, a ma keia ke hoike ia aku nei na kanaka a pau a ka mea make i aie aku ai, e waihe mai i ka lakou mau koi aie a pau, me na bila i hooiaio kupono ia, e kue ana i ka waiwai o ka mea a make i oleloia, i na paha ma ka moraki a ano e ae paha; iloko @ eono ma l@ mai keia la aku, e waihe ia ae ma ke ke ena loio o Jas. K. Kaulia ma ke kihi o Alanui Nuuanu me Moiwahine ka Hale maluna, ai ole pela, e haole mau loa ia aku no.

            A o na poe a pau i aie ia Petelo Kakoi oleloia, e uku koke mai lakou ma ka lima o Jas. K. Kaulia ka loio o ka waiwai i oleloia, ma ke keena i olelo ia.

 

                        KAILI PETELO KAKOI.

Lunahooponopono waiawai o ka waiawai o Petelo Kakoi i make kauoha ole.  Hanaia ma Honolulu Sept. 11th, 1894.                                                sept 12 lm--dly.

 

OLELO HOOLAHA.

 

            Owau o ka mea nona ka inoa malalo iho nei, ke papa a hookapu loa aku nei au i na kanaka ona ano apau pela me na holoholona hele hewa i kuleana ole maluna o kuu aina ma Papaaea Nui, Hamakualoa, Maui, aole e komo a lawe wale ina mea ulu o kela a me keia ano me ka ae ole aku e na luna i hookohuia oia o A. Range ame Makee.

            O ka mea kue ike ia olelo a loaa ia'u ai kou mau luna paha e hoouku ia no oia me na dala kupono ai ole imua e ke kanawai.

            O ka lohe ke oia, o ke kuli ka make.

            Pela no hoi me ko'u mau kai lawaia mai ka huina wai o Na@ me Kailua a hiki i ka wai o Makaiwa.

            Owau no me ka oiaio.

 

                        HENRY N. BIRCH.

Papaaea, Hamakualoa, Maui.  Augate 25, 1894.       aug29 @wkly.