Ka Oiaio, Volume VI, Number 38, 21 Kepakemapa 1894 — Page 3

Nupepa Ka Oiaio.

"O KA PONO KA AIALII E OLA AI KA AINA"

 

            Koena mai ko Aoao Ekahi mai

 

            I ke kuni ana o ka hora 7 oia ahiahi: ua hiki aku la lakou ma ka Hotele no ana i noho mua ai. iaia i naalele aku i i kahi kauhale o Lama.

            Ua hiki aku la lakou i na Hotele ala, a noi aku la oia e haawi ia mai i Iwakalaakumamalima rumi o ua Hotele ala no lakou, a ua ae mai la ka Luna Nui i ka ua i noi, aku ai, a ua kanoha pu ia aku la na kuene e hoomakaukau mai i mau mea ai na keia poe malihini, a ua hooko ia pela.

            I ke kani ana mai o ka be'e ake kuene Nui o ka Hotele, ua naue aku la lakou nei e hoopiha i ka lua o inaina, a, akahi no a kamau wahi olopu waina hou, a ono pono, aku la hoi ka ai ana.

            I ka pau ana o ka lakou ai ana, ua hoi nui aku la lakou nei a ma ka rumi hookipa, malaila lakou nei i hooluana iki iho ai, no kekahi mau minute me ka Luna Nui o ka Hotele.

            Aole i liuliu loa ua noi mai la kona mau nua iaia, e hoi lakou e hooluolu a ua ae aku la keia, a hoi nui aku la lakou.

            Ua ninau aku ia keia i ka Luna Hale Hotele, heaha ka mea hou ano nui o Virginia nei?

            Hookahi a u mea hou i lohe, ua paa mai nei ka i ka hopu e ka Makai Kiu Lau Omaomao o Kimo Kamoki no ka hewa aihue a ua manao ia apopo hiki mai i Virginia nei.

            Ae, ko kaua lohe like no ia, e like me kau e hoike mai la.

            Pehea ia, manao a nei oe, ua pololei kela hopu ia ana o Kimo Kamaki?

            Ae, na pololei no.

            Heaha na kumu nui au i hooia ai, ua pololei ka hopu ia ana?

            Eia e Kimo Kamaki, he malama buke Nui oia, no ka Hui Banako o Virginia nei.

            Ae, he malama buke nui oia no ua Hui Banako ala.

            A pehea, i ka wa i naloale ai kela mau tausani dala o ka Hui, e noho hana ana no a nei oia ia manawa?

            Ae, e noho hana ana no.

            A pehea, na hoohuoi ia a nei oia?

            Aole au i lohe i kona hoohuoi ia a me ka ole, aka, ua haohao nae au i ku'u lohe ana, ua haalele oia i ka noho malama buke nui ana no ka Hui Banako, a maia ana, ua manao i'o au, nana no i ainue aole nahai.

            A pehea, ina oe e lohe ana i ka la apopo aia oia i ka halepaahao pehea la kou manao?

            Hauoli loa au, i na wau e lohe ana ua paa i'o oia.

            Alaila, ke hooia mai nei kau mau olelo a pau, ooe kekahi mea kuleana iloko o ka Hui Banako o Virginia nei.

            Ae, owau no kekahi mea kuleana iloko o kela Hui.

            Alaila, ua maopopo aela ia'u, a hookahi a kaua mea kali aku o ka nupepa o ke kakahiaka o ka la popo, malia o lohe wahi mea hou ia mai.

            A ma keia manawa, ke aneane aela na manamana o ka wati e hoaikane like i ka hora 12 oia po; a oia ko laua wa i hookuu ai, a hoi aku la lava e hooluolu noia koen po.

            O ke kainaaina, ua hoi aku oia no kona rumi moe, a o ka Makai Kiu hoi, ua hoi aku la oia makahi o kona lio e ku ana, a malaila oia i hooluolu iho ai, no ekolu hora wale no, a ala aeia ola. a hele aku ia e holoholo iloko o ka malapua a hiki i ke kani ana o ka hora Eiima oia kakahiaka.

            Iaia no e hanu ana i na ea huihui o no pua, ua lohe aku la oia i ka leo o ka ole i ke kani ke ana mai mawaho o ka pa o ka Hotele, a oia kona wa i holo koke aku ai no kani o kona lio e ku ana, me kona mauao he kaua la,eia ka auanei he hoailona ia no ka Hotele, a hoike ana i na mea hou.

            Iaia no e ku ana makahi o kona lio. ua lohe aku la oia ike kani ke ana mai o ka bele oluna o ka Aleo, o ua Hotele ala, a oia kona wa i hoi aku ai iloko o ka Hotele, a ike aku la oia e paa ana ka Luna Nui o ka Hotele i kekahi nupepa, me kona napaina hauoli pina.

            Oia kona wa i haawi koke aku ai i kona aloha kakahiaka i ka haku hale, a ua panai ia mai e like meia.

            Me ka leo pi hoihoi ua pane koke mai la ua haku hale nei, he mea ka lele o ko'u oili, a kuu ike ana iho nei iloko o ka nupepa, aia o Kimo Kamaki iloko o ka Halepaahao ka hi i paa ai, a o na makai hoi, aia i ka Hotele helu 112, no lakou ka huina o Kanalimakumamakahi, a oia ka'u e manao nei, o ouko u noia oiai, ua kulike loa keia hoolaha me ko oukou huina, a o ka Hotele helu 112 no hoi keia.

            Ia laua nei no e kamailio ana, ua puoho mai la kona mau hoa, a haawi mai la i ko lakou aloha kakahiaka ia laua nei, a pela no hoi; i panai ia aku ai.

            Heaha ka mea hou o keia kakahiaka. wahi a na makai i ninau aku ai. i ka haku hale?

            Ua pane aku la oia, hauoli loa au, i ko'u hui ana me oukou, oiai oukou i kipa mai ai i ko'u Hotele nei, me ka nu hou hauoli.

            Heaha ia nuhou hauoli?

            O ko oukou hoihoi ana mai nei i ke kanaka nana i aihue ke dala o ka Hui Banako o Virginia nei.

            A hookahi wale no au mea haohao, o wai la o oukou ka Makai Kiu Eau Omaomao, oiai i ko'u nana aku ia oukou me he ala hookahi ro o onkou ohana o ka hanau ia ana mai, ma ia ano, aole e hiki iau ke koho aku-i waena o oukou.

            Aka, he mea, makehewa nae no'u ka ninau ana aku, oiai, aole ia o ka'u hana.

            I ke kani ana ae o ka hora 8 oia kakahiaka, ua hoi aku la lakou nei e ai, i ko lakou aina kakahiaka, a i ka pau ana o ka lakou ai ana, ua hele aku la lakou no ke Keena Oihana o ka Hui Banako, no ka waiho ana aku o ka Makai Kiu i kana hoike imua o ua Hui ala.

            I ka hora 9 ponoi, ua hiki aku la lakou i ke Keena Oihana o ka Hui; a malalo o na rula, ua ninau ia mai la lakou, o wai la ka lakou i makemake ai.

            Ma o keia ninau, ua wehe ae la ka Makai Kiu Lau Omaomao i kana buke pakeke, a wehe ae la mailoko ae o ua buke ala he pepa inoa, a haawi aku la oia i kekahi pepa i ka mea nana ka ninau.

            Ia wa, ua wehe koke aela oia i ka wahi o waho, a ike iho la oia he inoa e kau ana me na hua gula, Makai Kiu Lau Omaomao, i kona ike ana i keia inoa, oia kona

wa i hookipa koke aku ai ia lakou maloko o ka rumi hookipa o ke Keena Oihana o ka Banako.

            I kela wa, ua kani koke aku la ka hele e hoike ana he malihini ua hiki mai, a oia ka Wa o ka Luna Nui o ka Banako i hiki mai ai, a i kela wa ua haawi aku la ke kiai i ua pepa inoa ala i ua Luna Nui ala, a oia kina i nana iho ai, a ike iho la oia i kainoa o ka Makai Kiu Lau Omaomao, a oia kona wa i pane koke aku ai, ua pahaohao iau, a no ia kumu e noi aku ana au, o wai la o oukou ka Makai Kiu Lau Omaomao, e ku ae iluna, i haawi aku ai au i ko'u hoomaikai piha iaia.

            I kela wa, ua ku ae la o Lau Omaomao iluna, a oia ka wa o ua Luna Nui nei. i haawi mai ai i kona aloha iaia. ma ka halawai ana o ko laua mau lima akau, me na puili ana o ke aloha.

            A na Lau Omaomao hoi i hoolauna iaia, me na makai i hele pu mai ai me ia, mai Inia Hikina mai, mao ka lawe ana mai i ke pio.

            I kela wa, ua pane mai la ua Luna Nui ala, a no, e Lau Omaomao ua ko kau i hoike mai ai ma kau leta, oiai. o ka piha ana keia o na la ehiku.

            Nolaila, i keia la, ua makaukau ka Hui o kaawi aku ma kou lima ina dala he $40.000. a nolaila, i ka hora 10 o keia kakahiaka, e hele ana kakou no ka hale hookolokolo, i ike aku ai au ia Kimo Kamaki.

            A nolaila ano, e hele kakou, oiai ke kokoke ae nei e hiki i ka manawa, oiai, aia ke kahu o ka Aha ke noho ala, i ke Keena Hookolokolo i keia wa.

            Ua haalele koke iho la lakou i ke Keena Oihana o ka Banako, a motio nui aku la no ka Hale hookolokolo ka pahu hopu.

            Ia lakou i hiki aku ai, aia hoi, ua hele a iehau ke Keena Hookolokolo i na kanaka makaikai, no ke ake eike i ka Makai Kiu Lau Omaomao ka o lali o na pali nihoniho o Mesouri.

            Ua komo aku la lakou a noho iho ma na noho i hookaawale ia no na poe i loaa ke kulana keonimana, a oia no ka wa o ka wati i hoike mai ai o ka hora 10 keia.

            I kela wa ua lawe ia mai la o Kimo Kamaki e kekahi makai imua o ke kahu o ka Ahu.

            I kela wa, ua haawi aku la o Lau Omaomao i ka Palapala Hopu i ka Hamuku, a oia ka wa i waiho aku ai ka Ilamuku i ka olelo hoopii epili ana ia Kimo Kamaki, imua o ka Aha; a oia ka ke kahu o ka Aha i ninau aku ai i ka mea i hoopii ia, i a ua hawii oia, a i ole, a ole oia i hewa.

            Ua pane mai la ka mea i hoopii ia, aole au i hewa, a noho iho la ilalo.

            Ua ninau aku la ka Aha, ka mea hoopii ia. he Loio no anei kou. naole o Loio, aka, na'u no au e pale no'u.

 

UA HALA O MARY BINNING-OPIO

 

Mr. Lunahooponopono:

Aloha oe:

            Ma Naalehu, Kau, Hawaii; Poakolu Aug. 15. hora 11 a oi o ka po, ua kii mai-la na lima menemene ole o ka make ia MISS MARY BINNING a lawe aku, la i kona uliane, a waiho iho la i kona kino wailua ma keia ao, i ukana na ka ohana e hoomanao mau ai iaia i na wa a pau. He kaikamahine oia i aloha nui ia e kona mau makua, a he pulakaumaka ia mea he keiki ia lakou mai ka wa opiopio mai a hiki i kona nui ana, a hiki wale i kona lawe ia ana aku la e ka mea naua i hana na mea a pau.

            Ua hanao ia o MISS MARY BINNING ma Naalehu, Kau Haawaii, i Feb. 4, 1893. Na Mary Paahana me C. Binning; a make aku la i Aug, 15, 1894; born 11 o ka po Poakolu. A ma kekahi la ae i lawe ia aku ai kona kino kupapau i ka home puanuanu, (ka lepo,) ka ilina o na mea a pau a ke Akua i hoomakaukau ai.

            A no na inakua a me ka ohana i hooneleia i ke kaikamahine ole ka u pu ana me oukou i na wa a pau, a na ke Akua e hoomania mai i na kaumaha a me ka luuluu.

            No ko makou hoonele ia ana i ke keiki olo, ua haku iho makou i wahi kanaenae nona.

 

HE MELE KANIKAU KEIA

 

He kanikau he aloha keia

Nou e Miss Mary Binning

Ku'u kaikamahine i ke kani a ke oeoe o ke kaaali

Aloha ia wahi a u e kii ai ia oe

Ku'u kaikamahine hele iluna o ke alahao

Auwe kuu kaikamahine hoi-e

Kuu kaikamahine i ka haleaina a ka haole

Aloha ia wahi a'u e alualu ai ia oe

Auwe ku'u lei, ku'u miliili hoi- e

Ku'u kaikamahine hele i ka hale lio

Aloha ia wahi a'u e uhai a holo ai ia oe

Ku'u Kaikamahine i ka hale kuai a ka haole

Aloha ia wahi au e holoholo ai

Auwe kuu lei maeole hoi-e

Ku'u kaikamahine i ka pa pibi-e

Aloha ia wahi a olua e hele ai me Papa

Ku'u kaikamahine i ka lau holu o ka Mikana.

Aloha ia wahi a kaua e walea ai

Ku'u kaikamahine i ka hale wili-e

Auwe ku'u lei kaimana hoi-e

Ku'u kaikamahine i ka hale laina

Aloha ia wahi a kaua e pii mai ai

Ku'u kaikamahine i ka pali o Kaniumalu

Aloha ia wahi a'u e hii ai ia oe

Ku'u kaikamahine i Haleola nei

Aloha ia wahi a kaua e hoho ai

Auwe kuu minamina pau ole ia oe e

Haina ka puana nona ka lei

O Miss Mary Binning ua hele loa.

Hakuia E. Puuheana.

 

He kanikau he aloha keia

Nou no e Miss Mary Binning

Kuu kaikamahine i ka makani kuehu lepo o Naalehu

Aloha kahi a kaua e noho ai,

Auwe kuu kaikamahine hoi-e

Kuu kaikamahine i ka pali o Lauhu

E hue pau mai ana ko aloha i kuu waimaka,

Auwe kuu kaikamahine kuu aloha-e

Kuu kaikamahine i ka waihui o Kapuna,

Aloha ia wahi a kaua e hele ai

Kuu kaikamahine i ka ua nihi pali o Haao,

Aloha ia wahi a kaua e pili ai

Pii aku kaua o ke alaloa

O ke alanui makihini makamaka ole

Auwe ku'u aloha, ku'u minamina-e

Ua hele i ke ala hoi ole mai

Auwe kuu lei kuu milimili e

Ku'u hoa pili o ua aina nei

Eia au ko noho ae nei

Me ka ukana nui he aloha

Auwe ku'u lei momi o

Ku'u kaikamahine i ka la wela o Waikapuna

Aloha ia wahi a kaua e hele ai

Ku'u kaikamahine i ke ala o na pua

Auwe kuu lei gula e

Aloha no-a.

Hakula e Mrs. Paahana.

 

Kanikau la he aloha

Nou no e Mary Binning

Ku'u kaikamahine nui-e

Ku'u kaikamahine i ka piha haole a

Auwe kuu kaikamahine-e

Ku'u kaikamahine i ka la wela o ka aiua

Me he la e kono mai ana ko aloha ia'u e uwe

E uwe no au- -e

Auwe ku'u aloha- -a

Hakuia e George K. Kanakaole

 

Kanikau la he aloha

Nou no la e Mary Binning

Ku'u luhi o ka wa opiopio

O na la heuole

Ku'u lei o ka aina makua ole

Hookahi no makua o na kaikuaana

Noho iho makou me ke kaumaha

Me ka ukana luulu he aloha

He aloha ku'u pua Meria.

Hoapili o ka "Pono Moi"

Huli ae au aole oe

Auwe kuu aloha-e

Haina ia mai ana ka puana

Nou no e Mary Binning.

H'akuia e Miss Rose Kanakaile

 

Kanikau he alona keia

Nou no e Miss Mary Binning

Ku'u hoapili o ka'aina malihini

Ke kuleana hoi o ka hiki ana mai

I au ia mai ai na kailoa

Na ale hulilua o ka moana

E i aku nei paha oe me Hiku

Me ka wahine kui pua o uka

Noho iho makou me ke aloha

Me ka minamina pau ole ia oe

Haina ka mea nona ka lei

No Miss Mary Binning ua hele loa.

Hakulae Akoni Haaheo

 

He kanikau he aloha keia Ia

Nou no e Miss Mary Binning

Ua hala i ke ao hoi ole mai

Uwe helu mai o Puuheana

Auwe ku'u lei ku'u milimili

Alo aku kaua o ke kula loa

O ke kula mehameha o Haena

Uwe helu mai o Paahana

Auwe ku'u lei mae ole a he keiki

Na wai e ole ko'u aloha

Ua pili ia pa kula loa

Alo aku kaua o ka pahoehoe wela a ka la

O ke one laula o Waikapuna

E mapu mai ana ko aloha

E uwe no au-a

He aloha ke kai o Kanoa

I ka hone mai i na pali

Uwe helu mai o Puuheana

Auwe ku'u minamina pauole ia oe-a

Aloha ka uka o Paliwaiole

Kahi a kaua e pili ai

Pili aku kaua o ka makani kuehu wai o Haao

Auwe ku'u hoapili he keiki-e

Uwe helu mai o Kuaana

Auwe ku'u hoapili mau a he keiki

Aloha ka uka la e Mauolioli

Ia uka iu noho a na manu

Aloha ia wahi a kaua e pili ai

Auwe ku'u hoapili a he kaikamahine

Haina ia mai ana ka inoa

Nou no e Mary Binning.

Hakuia e Kulkuena.

 

HE UHANE KEIA

 

He uhane la he aloha

Nou no e Mary Binning

Aia paha ka uhane

I ke ala hoi ole mai

Au iho nei makou

Aole o Mary Binning

Ei aku nei paha ka uhane

Me ka pua o kahikina

Hiki mai ana ko aloha

E uwe no au-a

He aloha pua Mary Binning

I lohia e ka-ua Haao

No Haao ka ohu kalo mauka

Mauka wale o Auaulele

Me la e i maiana

Eia ka uhane me Lia i ka uka

E walea ana paha ka uhane

I ke kui pua Lalana

E i aku nei paha ka uhane

Me ke kahikolu o na lani

Ka mea nana i hana mai

O ke kino me ka uhane

He uhane he aloha keia la

Nou no e Mary Binning.

Haku ia e Puuheana Makua

J.M.Akoni Haaheo

J.M. Naiwielua

Naalehu, Kau,Aug. 20, 1984.

 

KAUA O KINA ME IAPANA

 

Ma na lono hope loa i loaa mai, mai Kapalakiko mai e hoike ana, ua hoauhee aku o Kenelala Oshi-

mana, ia Kenelala Ohe o Kina. ma ke kaua i hooukaia ma kekahi wahi puu e paa ia ana e Kenelala Ohe.

            He kulana maikai keia a ikaika no hoi. Mamuli nae o ka wiwo ole o na lapana, ua auhee aku o Kenelala Ohe, me kona mau puali-koa, ka mea i oleloia oia ka lima akau o Lee Hang Chang, ka Alihikaua nu o Kina. Ua poino kekahi mokukaua Pake, i ka moku-kaua Takachiho. Ua hilinai nui ia o Kenelala Ohe, no kona akamai. a ma keia auhee ana ona, me kona wehe ana i kona aahu Kenelala, ua paa ke kuhihewa o Lee Hang Ching iaia, a me ke aupuni o Kina.

 

Ua @ ia ka Moku Kiapa G.

W. Wilcox ma ka leo o Kailio

ma Molokai

 

            I ka hora 5 a.m. o ke kakahiaka Paokolu nei na hoea maila i ke awa nei he waapa me na olulo o luua, a o keia poe oia ke kapena ka Malama moku ka Hulipahu a me na sela.

            A i ko lakou pae ana mai ua hele pololei aela lakou i kahi o ka Agna oua moku ala oia hoi ka Hui o Hakafila ma, ana hoike ia aka ua ili ia ka Moku G. N. Wilcox ma ka lae o Kailio i ka auiua la o uehinei hora, 1 a oi.

            Mai Liwapulu mai nei keia moku i holo mai nei oia he huina waiwai nui iluna o keia moku no na poe kalepa o loko nei o ka aina.

 

NU HOU KULOKO

 

            Ua hanau mai he keiki kane nui mai ka wahine mai a Kaopu, maka Poakolu nei.

 

            Aia ke Keikialii Kalanianaole i Molokai ma ka Mokolii o ka Poakahi nei.

 

            O ka, Iwalani ka i holo aku ma ke kakahiaka onehinei me na kana ka hana. no kahi o ka moku ili ma Molokai.            Iwaho makou o Kawehewehi i ka la inehinei, i ka ohi hua limukala

he elua ohuku i ka haukeke. i koku i ke ala lipoa.

 

            Ma na moku kalepa i ku mai i keia mau la iho la, aole he mea hou e pili ana i ke kaua ma Korea.

 

            O ka elua iho la keia o ka manawai hooneieia ai ke awa o Honolulu nei me ka mokukana ole

mai Ianuari 17,1893 mai.

 

            He pili waiwai ka hana a na ioie uwapo i keia mau la. O ka mabala ka ani olalo, a he hapaumi ko kela a me keia kemu.

 

            Aole e liuliu na la mai keia la aku, a pau loa ka ike ia ana o ka Hale Keaka Pake, e like me Roma i ka wa kahiko.

 

            Pakele mai puiwa kekahi kaahoki ma ke alanui Moi i ke kakahiaka o nehinei e ole wale no e paa e i ka hopuia.

 

            Akelekele mai pau ka hale lio kahiko ma ke kua o ka hale inu kope o Akamu ina ka huina o Moi ame Puowaina inehinei. i kekahi wahi keiki uuku. Kunama e ia a pio.

 

            Ina hora a pau o keia la e awahaia mai ai ka Monowai mai ka He ma mai, a i ka Poakahi aku hoi ka Warimu mai Vanekoua mai.

 

            A hiki wale mai i ko makou hoi ana i ke ahiahi nei. aole i lohe ia mai ua loaa o Hulupohaku (Teatherstone) kela haole mahuka.

 

            Eia Mr. S. Kuwaika ke hana nei i punawai auau o Pilemona, ma i hala, kau kahi waa Bone Danedi iluna Waikiki, ma ka pa e honikane ana me ko Mr. A. Rosa. Aia ka nanii luu aku ia a oa mai, ua poohina.

 

            O ka holoholo moku kiakahi, he puni ia na Dole. I ka Poaono nae o ke ako'ako'a. a e ole na kokua ana a ka Haisina, hemo ai ka paahao.

 

            Ma Hana, Maui, ma kekahi o na la o ka pule i hala, ua houia kekahi makai kanaka e ka Pake i ka pahi o, aole nae makou i lohe mai ua make paha aole paha. I hele aku ka makai e huli i ka opiuma

iloko o ka halekuai, a oia ka wa i houia ai. He elua Pake i hopuia no keia karaima.

 

            Ma ka noho ana o ka Aha Kiekie i ke kakahiaka Poakahi nei, ua hoopanee mai a keia la. O ka noho ano maa mau ana o ia Aha, aole e malamaia a hiki i ka hoi ana mai o Kokua Lunakanawai Biketona mai Kapalakiko mai.

 

            Aole e malamaia ana ka Fea a na Katolika ma Ariona Hale, ma la Hale Paikau ma Manamana e malamaia ai. Ua hooholo na luna nui e hoololi pela, mamuli o ka nui loa o na rikiki i pau i ke kuai

ia.

 

            Ua ukuia aku e Mahuka opio ka huina 2. 500, i ke kakanolelo o ka Aha Kiekie, no ke koi poho a Alice Ea iaia, no kona hoopau wale ana i ka mare me keia kaikamahine he ao ana mai keia i na opio mai hoopau wale i ka mare i hooholo likeia, o pa ka lae i ka pohaku.

 

            He heihei waapa ko loko nei o ke awa i kela ahiahi aku nei, mawaena o Kalanianaole (Cupid) me G. Macy ma kekahi waapa, a o J. Spencer a me Louis Singer ma kekahi. Mai ka mokukaua Haisina mai a hiki i ka hale waapa aloha ka pahu holo. Ua eo i na inoa mua elua.

 

            Oiai na ano pila like ole e konekopeia ana, ma ka Ahaaina ma Waipio, Ewa, na hiki aku la kekahi makai o Ewa, a papa aku la i keia poe, sole e hookani hou i ka lakou mau mea kani, me kona hoike pu aku, na ka Hope Namuku Baraunu; keia kauoha. Ua oki puia ka leales o ka poe i holo aku mai Honolulu aku nei no keia ahaaina. Ua nui ka inaina o kekahi poe, no ka papaia ana o ka poe hookani pila.

            O ka hewa aihue i Hopuia ai o hulipahu Ioane Ioanekona o ka Mikahala, ua hoopau wale ia; no ka lawa ole o ka hoike ma ka aoao o ka Pake nana i hoopii. ua lawe o Ioane i kekahi o kona mau pono aahu aine ke dala.

            Ma ka Maiulani o ka Pualua nei i lawela mai ai ka Iapana i hoehaia o kela haunaele ohi-kope o Konano Honolulu nei, no ka wehe ana i ka poka. He 11 ka nui o na Iapana i hopuia. a ua hookuu hou ia 4, a o ke koena aku, e hookolokoloia aku ana no ka hoeha a me ke kua i ka nana a ka makai.

 

            He ulia poino ka i halawai aku me Mr. A. W. Kaaka ma ka po Poalua nei. Iaia e holo ana ma ka lio, ua hooku'i mai la oia me kekahi kaa, a eha loa ka wawae. Ua laweia oia no ka Halemai Moiwahine no ka lapaau ana, mailaila ae no kona home.

 

            Aole ka Mikahala i holo i ka Poalua iho nei, no ke kulu o ka ipuhao mahu, a ma ka la mehinei oia i holo ai, mahope o ka umokiia ana o kahi i poino. Kani ka aka a na

kaikamahine kui lei o Kanekina, no ka pomaikai o na lei a lakou i kela ahiahi aku a me nehinei.

 

            He eha poe pupule o ka Halemai Pupule, e hela lanakila ana ma na alanui i ka la inehinei, ma ka hoomaopoopo aku, me he mea la aole i hooko pono na luna kiai i ka lakou wahi o ka hana, ma keia hookuukuu wale ana ia lakou, no ka mea he ano inoino loa no kekahi o lakou a kupono ole no ka hoohemahe ma ana, o poino auanei ka lehulehu.

 

            Ma ka hora 8 a oi o ka po Poalua nei, ua holina mai la ka hele aia he pauahi ma ka hale noho o Josepa Tinika ma ke awawa o Pauoa. O ka poino i hanaia, oia ka pau ana o kekahi pa'e paku lihilihi i ke ahi o ona ka ipukukui. I ka hukiia ana no o ka pale paku ilalo, o ka pio koke

no ia me ka nui ole o ka pilikia.

 

OLELO HOOLAHA

 

            E ike auanei na ano kanaka a pau loa, e nana mai ana i keia, owau o L. Kahiko no Waiehu, apana o Wailuku, Mokupuni o Maui. Ke papa a ke hookapu loa aku nei i na poe mea waiwai a pau loa, a me kekahi poe e ae, aole e hooaie mai i kuu wahine mare ia Mrs. Mary K@aua Kahiko. Oiai ua haalele kumu ole mai oia ia'u. A ke hoike aku nei au me ka oiaio, aole au e uku i kona mau aie a pau a ke papa pu aku nei hoi au, aole e malama a hookipa kekahi poe iaia, a o ka poe hoolohe ole i keia e hoopii ia no ma ke kauawai. Oiai ua hiki no ia'u ke malama iaia ma na ano a pau make o Honolulu, a ma keia ke hoike ia aku nei na kanaka a pau a ka mea make i aie aku ai, e waiho mai i ka lakou mau koi aie a pau, me ua hila i hooiaie kupono ia, e kue ana i ka waiwai o ka mea a

make i oleloia, i na paha ma ka moraki aku no.

            A o na poe a paa i aie ia Petelo Kakoi i oieluia, e uku koko mai lakou ma ka lima

o Jas. K. Kaulia ka loio o ka waiwai i oleloia, ma ke keena i olelo ia.

 

.

L. Kahiko

Waiehu, Sept. 8th 1894

sept. 14 1m--wkly.

 

HOOLAHA A KA LUNAHOO

 

PONOPONO WAIWAI

 

            Ma ka hana e pili ana i ka waiwai o Petelo Kakoi o Honolulu, i make.

            Oiai ua hookoha ia mai ka mea nona ka inoa malalo iho i Luuahooponopono

waiwai no ka waiwai o Petelo Kakoi i Kaui Petelo Kakoi.

 

Lunahooponopono waiwai o ka waiwai o Petelo Kakoi i make kauoha ole. ma i keia o hahai auanei ka poino i ka a ano e ae paha; iloko o eono malama mai aeia la aku, e waiho ia ae ma ke ke ena loio o Jas. K. Kaulia ma ke kihi o Alanui Nuuanu me Moiwahine ka Hale

maluna, ai ole pela, e hoole ma loa ia mea hookuli.

            Ua papa pu ia hoi na Loaie ana ma ko'u inoa, ke hoao kuu wahine e hana pela, maluna no o ka poe nana i hoaie mai ko lakou poho. Owau no.

George Pooloa.

Kapuukolo, Sept. 11 1894 3 wk-dy.

 

OLELO HOOLAHA KOMO-hoi ia aku no keia holoholona

Hanaia ma Honolulu Sept. 11th 1894

sept 11 Im-dly.

 

OLELO HOOLAHA PAPA

 

            E ike auanei na mea @ ke papa a hookapu loa ia aku nei na

ano kanaka, a pau loa, aole e malama a hookipa hoi i ka'u wahine i Haalele kumu

ele mai ia'u, nona ka inoa o Mrs.Kaimiola George Pooloa. O ka mea a mau paha e malama ana i ka'u wahine e hoo-pii ia no ma ke kanawai. E mai ma i keia o hahai auanei ka poino i ka mea hookuli.

Ua papa pu ia hoi na Loaie ana ma ko’u inoa, ke hoao kuu wahine e hana pela, maluna no o ka poe nana i hoaie mai ko lakou poho.

Owau no,

GEORGE POOLOA

Kapuukolo, Sept. 11 1894, 3wk-dy.

 

OLELO HOOLAHA KOMOHEWA

Ke kauoha ia aku nei na mea a pau e kii mai, me ka hooia ana mai i kekahi puaa hele hewa e waiho nei ma ko’u lima, ma Huehue, ma ke kihi ma kai o ka papa hana papa. kihi alanui Likelike Honolulu. E kii koke mai, iloko o hookahi pule, mai ka la 10 a hiki i ka la umikumamalima o keia mahina, (Sept.) e hoihoi ia aku no keia holoholona komohewa, ke uku mua ia mai na lilo a pau o ka luhi a me na lilo e ae.

Mele Kauhi

Honolulu, Sept. 10. 1894 sep.1i tf

 

B. F. EHLERS & CO. (PAINAPA MA.)

 

KO

NA LEDE KOLAMU

            "Ia'u i hele ai i ka hoohala ma nawa ma na Aina-E, ehia la ka nui o ka poe ilihune au i ike ai."

            O Kauka waka, kekahi o na haku mele he lehulehu wale, a o keia kanaka naauao a akamai, ua

oi loa aku kona pololei i ke kakau ana i kekahi mau laina e like me ka makou e hoike aku nei. Ua

ike oia i ka poe ana i hoakaka ai e like me ia e ike ia nei i keia manawa, a he lehulehu wale na kumu

i hoikeia ia mau la, e ike ia nei i keia mau la ma ia ano hookahi no --o ke kumu nui hookahi i hiki

ole ai ke kanaluaia, oia no ke kuai ana aku i na waiwai me na kumu kuai kiekie. he hoomaunauna dala ana keia a he kue ana i ka makemake o ka poe kuai mai, a e hiki ole ana ke kuai aku i na waiwai me ka hikiwawe ma na kumukuai emi loa me kahi puka uuku.

            O na waiwai i kuai ia ma na kumukuai haahaa loa, he kahua hana ia e koe ai kekahi wabe dala iloko o kou pakeke. Aoie e hiki e hooleia keia, mamuli o ka hoomakaulii ana e ilihune ole ae.

            No ka nui hewahewa o ke waiwai hou, aole i maopopo pono ia makou ka waiwai kupono loa e hiki ai ke hoike aku i keia manawa. O ka makou mau Lole Lilina Keokeo, a me ua Lilina o na waihoolua like oie, oia kekahi o na waiwai kupono loa ke hoikeia aku.

            Eia ma ko makou nei halekuai, kekahi mau ano Loie hou loa, me na waihooluu i kupono no ua lole hele kakahiaka a ahiahi.

He heluna nui o na Lole uhi pono lako hale, a ke makemake nei

makou e hele mai oe e nana ia mau waiwai. He mau kahiko hale e ae no kekahi, i h@na ia me ke Silika a me ka Veleveta, a i na hoi no na moena Veleveta, ua hiki ia makou ke hoolawa aku i na ano a pau a i makemake ai.

            I keia pule ae, e hoike aku ana makou no na LOLE HULUHULU o na ano a pau.

B. F EULERS & CO.

(PAINAPA, MA)

Alanui Papa 1 w ---dly.

 

OLELO HOOLAHA

 

            Owau o ka mea nona ka inoa malalo iho nei ke papa a hookapu loa aku nei au i na kanaka ona ano apau pela me na holoholona hale hewa i kuleana ole malama o kuu aina ma Papaaea Nui. Hamakualoa, Maui, aole e komo a lawe wale ina mea ulu o kela a me keia ano me ka ae ole aku o na luna i hookohuia oia o A, Range ame Makee.

            O ka mea kue ike ia o'ole a loaa ia a ai kou mau luna paha o hoouku ia no oia me na dala kupono ai ole imua o ke kanawai.

            O ka lohe ke oia, o ke kuii ka make.  

            Pela no hoi me kolu mau kai lawaia mai ka haina wai o Nai@ilihae me Kailua a hiki i ka wai o Makaiwa.

            Owau no me ka oia oi.

Henry N. B@RCK

Papaea, Hamakualoa, Maui

gate 25, 1894

aug. 29 5 tswkly.