Ka Oiaio, Volume VI, Number 35, 31 August 1894 — Page 1

Nupepa Ka Oiaio.

"O KA PONO KA AIALII E OLA AI KA AINA"

 

BUKE VI       HONOLULU, AUGATE 31, '94.      HELU 35

--

HE MOOLELO KAAO HAWAII

-NO-

LAUKAIEIE.

--

Ke Kino Kamahao Iloko

O KA

Punohu Ua-koko.

--

Ke Kahulilool'a  o ke

Kuluaumoe o

na Pali

-o-

Waipio Hawaii.

--

Unuhiia e Mo@e Ma@u no "KA LEO."

--

Ka @uakai hele makaikai a Laukaie-

            i@ne Kana Aliikane--Lilo o Ma-

            Kanikeoe me Hinahelelani i mau

            alakai ma ka aina a me ka moana

            Ike ia ua lua hohonu maloko o

            ke kai a me ka aina nei--Hele pu

            me na ohana ponoi--Hoonohoia o

            Laukeileula i Ihikalani--Ulu ka

            ieie ma keia mau mokupuni--Lilo

            i mea hoomanao ia e ka Lahu

            Hawaii nei.

--

            Elike me ka mea i loaa i na ka maaina, a ma ka Makanikeoe i pane aku ai i na kamaaina me kona leo akahele.

            Oiai kona manao e hai aku ana imu ao lakou.

            E na kaniaaina nona ka manao aloha me ka oluolu, nana i hoopkipa i ko'u ohana nui.

            A eia ko oukou lokomaikai imua o makou, he poe makou helemai nei mai na pali mai o ko makou aina ponoi o Waipio ae nei.

            Aole he wahi opeope ma ke kua, a he ole no hei ma ko makou mau lima.

            O na Kino wale no ia i helemai la i ka makaikai.

            Aole ma kahi mea e ae maha o loaa ia oukou kahi manao kaniuhu no makou nei.

            Nolaila, mamuli o ko makou lawe ana mai i ko oukou lokomaikai, he pono e lohe mua ia ka manao o na kamaaina.

            A no keia mau olelo a Makanikeoe, ua pane koke mai la na kamaaina me na leo o ka pihoihoi nui:

            Aole!  Aole!!

            Aole loa pela na manao i panee ia aku ai imua o oukou e na malihini.

            E oluolu oe a me kou mau hoa e lawe aku i ko makou aloha, a o ka make wale no ka mea nana e wehe wale no ka mea nana e wehe ia kakou, a mai nana i kela mea.

            I ka pau ana o kei amau olelo ma ka aoao o na kamaaina, ua loaa iho la he wa maikai no ka noho ana malaila.

            A ola hou ka lua o ka manawa a Makanikeoe i kahea aku ai i ke anaina nui e noho mai aina, e nee like mai lakou i hookahi ka ai like ana i ka lokomaiakai o na kamaaina.

            AIa nae ua hole like mai la na mea a pau loa.

            I ka manawa a na malihini e makaukau ana e hoopiha iho i ka lua o ka inaina i ka lokomaikai o na kamaaina, i panee ia mai.

            Aia hoi, oe ku ae la iluna ke keiki puahiohio o Waipio, me kona kulana pahaohao. 

            Me ka huli pono ana aku o kona alo iuka o ke kuahiwi, me ka hoopuka naa ae ma ka inoa o Hinauluohia, me kana kane, a kuhikuhi aku la kona mau lima no kekahi manawa.

            Aia hoi ka mea i ike ia aku, e kokolo mai ana he ohu ma ke alo o na pali kahawai mai ke kuahiwi mai.

            A me ka emoole loa, ua uhi pono iho la keia ohu maluna o na poe ui nohea o Waipio me na lau nahelehele o ke kuahiwi, me na owili lei lehua.

            Oia popohe no ia la a kau ana iluna o na poo pakahi o ua poe nohea nei me na a i.

            Aole i kamaaina ka puia i ke ala, a nu keia mea i hoopahaohao i na manao o ke anaina nui e noho mai ana e nana.

            Aia nae i kela wa, ua hala ka uleu oia mau la, ai aaku la me kona haku ahi Laukaieie kahi i hui pu ai ma ka ilikai me kona mau hoahele me kana huakai kamahao nui wale.

            A iaia i hui aku ai me kona kaikuahine, ua ninau pono aku oia ia Laukaieie no ko lakou wa e hoonee aku ai.

            Ua kuhikuhi aku kele ia Hinahelelani, ka mea nana ke pailaka ana ia lakou.

            A ua hai ia mai la e hiki an alakou ma ke Kaikuono o Hilo, ma ka loko o Waiakea.

            I ka lohe ana o Makanikeoe i keia olelo, ua ukali pu aku no oia i keia huakai au moana a ka mea nona keia moolelo.

            Nolaila, ua haalele na waa kamahao iwaho o Laupahoehoe i kela wa, a ua kaalo ae mawaho o Hilo paliku a hiki ma ka nuku muliwai o Wailuku, a hiki ma Punahoa.

            Malaila aku i nee malie ai ma ka lihikai a hiki i Waiolama.

            A ua nee liilii aku no ke one kaulana o Manana, a hiki ma ka nuku muliwai o Wailoa.

            Oiai ka nalu kaulana o Kawili e ha-i malie ana mo ko laila keiki kamaaina Kanukuokamanu.

            Ka mea i pii ae ai o kona wahi okaikai no Makanikeoe no keia wahine ana i heenalu pu mai ai ma kana huakai elua me Awini, no ka hele hou ana i Kauai.

            Aole paha oe i poina e ka mea heluhelu i na helu mua, a ke hoea hou aku nei ke keiki kamaeu ia o na pali a me ka uka o na kuahiwi o Waipio.

            Ma keia huakai hele a Laukaieie i hiki aku la i Holo Be

            Aole he mau mana kupua i ike mai iaia, a me kona mau hoa.

            Aole hoi kahi poe ike kilokilo, a ike e ae, ua nele ma na ano a pau loa.

            Ua alai ia e ka mana nui o kela mau Pukonakona, o ka moana, a me ko Makanikeoe, a@le e hiki i kahi mana e ae ke keakea mai.

            Aia nae ma keia hiki ana aku la o Laukaieie ma ma ia wahi i ka po, ua lele aku la lakou a pau iuka o ka aina me ka ike ole ia mai e kahi mea kino kanaka maoli.

            Ua hele pololei aku la lakou nei a hiki ma ka aoao hikina hema o ka loko o Waiakea ma kahi e pili ana i kahi ulu nui o ka laau a me ka nahelehele.

            Ua hoomaha iki malaila no ka manawa, a ma ia hope iho, ua ike ia aku la he mau oliniolino e hoholo ana maluna o ka wai me he mau olapa ana la a ka uila, me ka lalapa nui malamalama ano e.

            A mawehe ae la ka ili o ka wai, me he lua poepoe ala e hamama pono ana iluna.

            Oia no ka manawa o Makanike oe i hului aku ai ia Laukaieie me kaua alii kane.

            Hele ana lakou nei iloko o ka wai me he mea ala aia no i ka aina maloo kahi i hele ai lakou ia manawa.

            A ua hiki aku lakou nei ma kahi hohonu loa o keia loko o Waiakea, oia kahi i kapaia o Kapikoowakea a hiki i keia wa.

            O ka mea nona keia nanea me kana kane, na mea mua loa nana i ike mua loa kela wahi hohonu loa o kela loko o Waiakea, ma Hilo.

            He põe aiwaiwa ka põe nana e ike i kela wahi i kapala o Kapikoowakea.

            Aia aku ma ka aoao akau o ua loko ala, he lua nui e hamama mai ana, me na mapuna wai e huai mai ana.

            Ua koke loa ma Kapunakea kekahi lua o keia loko.

            Nolaila, o ka poe kamaaina ma Hilo, ka poe nana e kuhikuhi mai i keia mau lua i ua poe hele makaikai, e loaa no ka ike a me na kuhikuhi pololei ia lakou.

            Aia malalo o keia lua hohonu i noho ai ka mea nona keia moolelo a hiki mai ka huakai o na ohana mauka mai e noho ala ma Laupahoehoe.

            A ua noho o Laukalele me kana alii kane mamuli o ko lakou mau mana kupua me ka maalahi ma na ano a pau loa me ka hemahema ole.

            Oia paha kau e ninau iho la e ka mea heluhelu i ke ano o keia loko o Waiakea, a me kela wahi hohonu i kapaia ma ka inoa o Kapikoowakea, maloko o ua loko la.

            E oluolu mai kou lunaikehala ma keia ma hoakaka a ka mea e kakau nei i keia moolelo kaao kahiko, a oia iho keia:

            Ua oleloia ma ka moolelo kaao kupua o Kamooinanea, aia ma kekahi o kona mau mahele lehulehu, (kinoiau) ke ano.

            E loaa no o Waka he wahine kekahi o aa kupua hapa i ke kanaka a me ka moo, a o keia Waka ka wahine nana i hooili i kekahi kana nui mawaena on a me Pele ma uka o Kilauea no ka ililo ana o kane a Pele ia Waka oia o Punaaikoeae, ma kena hooili kana ana a na mau eueu nei ua akoakoa mai na kino lau o ua mau wahine ahi kanana nei.

            A ua ike ia na poe apau ma na aoao a elua, a ua hooili ia ke kaua me ka hahaoa, aole o kana mai, a ua hee mai ko Waka aoao a hiki ma Punaluu i ke kau haa ma Kau, aua noho malaila na poe mao a pau me ka makau o pau i ka make ia Pele, no ka mea, ua pii mai ke kai a ale iluna o ka Aina, ana uhai loloaia ku o Waka e Pee a hiki makai o Waiakea ma kahi o Wakea e noho ana, aua noi aku oia ia Wakea e huna iaia, aole no nae oia i nalo ia Pele ma ia pee ana, ua holo hou aku ua Waka nei a hiki makai o Hanohano nui, a ua loaa aku oia ia Pele malaila, a make oia maloko o ka wai.

A oia ka mea i kapa ia ai oia wai o Lokoaka a hiki i keia la, oia kekahi loko makaikai la e na malihini, aia ma keia moolelo i kapa ia ai ke la inoa maloko o ka Loko o Waikea o Kapikoowakea.

A mai keia Wakea'ku i kapa ia ai ka Papa wahine. Wakea ma ka moo kuauhau o nalii.

            Oia kahi hoakaka pokole ma keia wahi o ko kakou moolelo, nolaila e kapae na rula, a e hele aku imua.

            Ma keia noho ana o ka mea nona keia nanea ma keia wahi, me ka ike ole ia mai e na mea kino kanaka maoli apau, ua huli hou aku la o Makanikioe i hope no kona ohana ma Laupahoehoe, ai aia i hoea'ku ai malaila, aia no kona ohana a pau e noho ana me na kamaaina, aia no ke anaina kanaka nui ke piha nei me ka hoomau no i ka noho ana.

--

Ka Makai Kiu

Lau Omaomao.

--

Ke Kaeaea o na kakai palai ni-

honiho o Misouri.

--

KA MEA NANA I HOOHOKA KA PO-

WA IEKE A ME KONA

PUALI HOLOKOA.

--:A I OLE:--

Ke Aka Kino wailua o

ke kuluaumoe

--

KA MEA NANA I HOOPAKELE

NA KAMAHELE O KA PO.

--

Ka mea nona ka Ipu kukui ka-

mahao lua oe.

--

MOKUNA II.

 

Ka hookolo ana o ka Makai Kiu i

            ka meheu o ka aihue--Kona loa

            ana ma ka Mokuaina o Inia

            Hikina, i loko o na la ebiku--

            Hopu pio ia ke kalohe, a hoihoi

            ia i mua o ka Hui Banako o

            Viriginia Hema.

--

            Aka, e kakau au i kekahi Leta, a nau e haawi aku i lakou, a eia na olelo o ua leta la.

            Kauhale o Lama Mei, 15 1889.

            I ka Hui Banako o Viriginia Hema  Aloha oukou.

            Ua loaa pono mai ia'u ka oukou Leta ma o ko oukou Elele ala.

            Ke hoike aku nei a'u ia oukou elua pule mai keia la aku, e paa pio no ia'u ka mea nana i lawe aihue i ko oukou waiwai.

            Me Ka Oiaio

                        Lau Omaomao

            I ka paa ana o keia Leta, ua haawi aku la oia ma ka lima o ka Elele, a i wa koke no oia i liuliu ae ai no kona hoi aku i mua o kona mau haku; a puili hope ae la laua iloko o ke aloha, a i ka ma o ana ae, ua hoi aku la ke kamahele, a noho ihola ka mea hale.

            Ua hoi ka Elele lawe kauoha ia po, a hiki i ke ao ana, a ma ia la a po, a mai ia po a ao, a po hou, a a hiki i ka hora 12, ua hiki pono aku la oia no kona hale, me ka pilikia ole, a ua hooluolu oia ia koena p@, a hiki i ke ao ana.

            A i ka hora 8:40 a. m., na hui aku la oia me kona mau haku a haawi aku la i ka Leta a ka Makai Kiu @u Omaomao.

            Ua nana iho la laku i na olelo oloko o ua leta ala, mai ka mua a a ka hope, a i ka pau ana, ua pane aela ka Luna Nui oua Hui Banako noi, hele a loaa ia Lau Omaomao o ka aihue i loko o elua pule wale no, alaila, aole oia he kanaka, aka, he anela maeli no.

            A ka, ua pane aku kona mauhoa, e hilinai aku kakou maluna on a, a me kana hana e hana ai.

            Ua ike ae la kaua e ka mea heluhelu ua hiki pono ka Elele i mua o kona mau haku a e ani ae hoi kaua a nana aku i ka hana ia ka Makai Kiu, e hana ai, a hiki i ke ko ana o kona manao.

            I ka po i hal aaku ai ka Elele lawe kauoha, a noho iho la ka Makai Kiu, ua hoolala koke iho la oia i kaua hana e hana ai, maluna o kana papa konane, o ka wiwo ole ana akaka iaia na mea apau.

            I ka puka ana mai o ka la i ke kakahiaka, ua ala aela oia a liuliu iho la no kona paina kakahiaka, a i ka makaukau ana, ua hoopiha iho la oia i kalua o ka inaina, hiki i kona maona ana.

            I ka pau ana o kana ai ana, na hele aku la oia hoomakaukau i kona lio, a kau ae la e hele aku la no kana huakai e imi ana i ke kalohe.

            I ka hala ana o na la elua.  ua hiki pono aku la oia i loko o ke Kulanakauhale o Viriginia Hema

            Ua hoomaha iki oiamalaila, no ia po iho, a hiki i ke ao ana, maloko o kekahi Hotele.

            I ke ao ana ae. ua hele maila ka on a Hotele ma ko ia nei Lumi, a haawi iaia nei i ka nupepa oia kakahiaka, a heluhelu iho la keia i na mea hou oloko, a ike iho la keia i ka inoa o Kimo Kamaki, e hoike ana aia oia i ka Mokuaina o Inia Hikina, he kalepa hua ai kana hana.

            I ko ia nei @ke ana i keia inoa ua ninau koke aku la keia i ka on a hale Hotele.

            Heaha na mea hou ano nui o Virginia nei?

            O ka mea hou, ua lawe aihue ia aku kekahi puu dala nui, maloko aku o kekahi banako o kekahi poe kalepa o keia Kulanakauhale.

            A pehea, ua loaa anei ka mea nana i aihue?

            Aole i loaa, a hiki i keia la.

            Pehea, he poe kalepa hua ai no anei kekahi o Viriginia Hema nei?

            Ae, i kela mau la aku nei, ike pinepine au i kekahi kanaka elemakule e hele mau mai ana i ko'u Hotele e kuai ai i na hua ai, a hookahi pule ae nei ko'u ike ole ana, manao au ua make paha

            Owai kona inoa?

            O Iakekona Ladana, wahi a ka pane.

            A pehea, o kana hana wale no anei ia, aole he hana e ae, ana e hana ai?

            Ua hele pololei aku la ka Makai Kiu, a hiki i ka hale o kekahi kanaka mahiai, ua noi aku oia, e ae mai iaia e noho ilaila no ia po iho.

            Ua ae mai la ke kanaka mahiai, a ua hookipa, ia aku la oia me ka maikai, a ua panee ia malimua on a na ono he nui, no kona paina ana iho.

            Ua ai iho la oia i ka lokamaikai o na kamaaina, e hoopiha i ka lua o kona inaina, a hiki i kona maona ana.

            Ua haule ae la lakou hoouanea, ma na kukai olelo ana.

            Ua ninau aku la ke kamaaina i kamalihini.

            Mai hea mai nei oe?

            A e hele ana i hea kau huakai?

            Ua pane ka malihini, mai Misouri mai au a no keia Mokuaina no ka'u huakai.

            Alaila he hana nui ka paha kau o ka hiki an amai i Inia nei?

            Ae he hana nui io no.

            Pehea oe i pakele ai i na powa o ke alahele?

            He powa no ka hoi ko keia wahi aku nei a'u i hele mai nei?

            He nui na powa, a o ka poe powa ino, oia ka @m o Ieke.

            Auwe! he hui powa no kekahi ma ka inoa o Ioke o Inia nei?

            Ae, alua pule o ko lakou noho ana i Inia nei.

            A pehea, ke hele oe e kalepa i kau mau hua ai, aole ou halawai me ua poe powa ala, a i ole ia me kekahi paha o lakou?

            Aole o'u halawai, aka, ua kau e no nae ko'u weli ia lakou, i ko'u lohe ana mai, aia ma kekahi aoao aku nei o keia kulanakauhale kela poe powa e holapu mai nei, a ua poino kekahi poe kalepa hua ai o ko makou hui.

            Auwe! he hui ka oukou ma keia hana?

            Ae, he hui ko makou e ku nei.

            Ehia lala o keia hui mahiai?

            Elima haneri, oia ko makou nui.

            I kela wa, i unuhi ae ai ka Makai Kiu i ka nupepa, a hoike aku la i ke kamaaina i ka inoa o Kimo Kamaki a ninau aku la oia, i na paha, aia iloko o ko lakou hui ka mea nona kela inoa.

            Ua nana pono iho la oia, a ae mai la, me ka olelo pu ana mai, e hiki mai ana oia ia nei i keia po, hora 8.

            Pehea, oia wale no nae paha, ke hele mai ana i ou nei?

            Aole, eono lakou e hele mai ai io'u nei i na po apau.

            A pehea, heaha ka lakou bana nui e hele mau mai ai i ou nei o na pu apau, e hooluhi ai ia oe, oiai, he wa hana kou?

            O ka lakou hana oia no ko lakou hele mai i o'u nei @ kuka ai, no ka hana pono e hana ai, i holo pono ai ka hana o ka Hui, oiai, ua manao ia, e kukulu ka hui i banako ma keia mua iho.

            A pehea, ia oukou wale iho la no e noonoo ai la, a holo ia hana nui me ka lohe ole o ka hui holookoa, i keia hana a oukou e ake nei e kukulu aku?

            Oia ko lakou manao, aka, ua hoike aku au ia lakou aole e hiki ia'u ke ae aku, aia wale no a ae na lala apau o ka hu@, alaila hiki

            Auwe, ooe ka paha ka Luna Nui o ka hui mahiai?

            Ae, owau no, aka, aole nae o'u apono iki i ka lakou hana, e koi mau mai nei ia'u.

            Pehea, he põe lala kahiko anei lakou no ka oukou hui a i ole, he poe komo hou paha lakou?

            He põe hou loa lakou o ka ekolu no keia o ka pule, o ko lakou komo ana mai iloko nei o ka Hui mahiai.

            A pehea, ke hoahu nei paha ko oukou nui in a dala, e loaa ana ia oukou, ma ko oukou hooikaika ana?

            Ae, ke hoahu nei no, i kela a me keia Poakani o kela pule keia pule.

            Ma ke aha ka hookomo ana a ka lala hookahi?

            Hookahi dala, a kela a me keia lala hookahi e hookomo ai.

            Ae, ua nui ko'u pomaikai i ko'u lohe ana ma olelo waiwai loa, mai a oe mai e kuu hoaloha, ka meau i manao ole ai, e loaa ana, a e hoopokole ia ana hoi ka'u hana, aka, ke ike nei au, ua pau ko'u luhi, aka, hookahi au mea e ao aku ia oe, ke ae mai nae hoi oe.

            Ua makaukau au e lawe mai i kau ao ana, oiai, ua hauoli loa ia a'u, no kau mau olelo wahi a ke kanaka mahiai i pane mai ai.

            E, auhea oe, e hoolohe mai, i na e hiki mai ua poe ala i ou nei i keia ahiahi, alaila, eia kau e olelo aku ai ia lakou, ua ae oe e kukulu i Banako, a o ke dala o ka hui mahiai, oia ke kumu waiwai, ke ae mai nae lakou e hookomo mai iloko oua hui Banako ala i $500 dala pakahi a kela a me keia pakahi o lakou eono alaila, ua niha na dala he $3,000 tausani.

            A i na lakou e ae ana alaila, e hele ae lakou ma ko oukou hale hui i ka hora 11 a. m. o ka la apopo.

            A mai hopohopo oe, i ka olelo aku me ka leo huoo imua o lakou, oiai, o kau hana ia, ma kou ano he Luna Nui no ka Hui, a owau kou pale kaua, i na lakou e hoao ana e kue mai ia oe, ma ke ano lima koko, a ano eae paha.

            Nolaila, e ae mai oe ia'u e hoike mai, auhea la kahi kupono no'u e pee ai o loko o keia Keena i nalo ai au mai na maka mai oua poe ala?

            Ua kuhikuhi koke aela ke kanaka mahiai, i kekahi rumi huna iloko oua keeaa la, aia ponoi no ia ma ke kua aku o kona noho e noho ai.

            I kela manawa, o ka hora 6 la o ke ahiahi, a oia ko laua wa i hoomaha ai o na kukai olelo ana.

--

            Elike no me ko ka Holomua ano ka hapuku pela no oia i lawe-hewa ae ai i na manao o ka leta a Willis ia Dole, mamua o ka ike ana o ka mea nana ka leta.  Pehea la i hiki ai keia, ma ka aihue paha?

 

HE MOOLELO HOONANEA

--NO--

Don. Maseka.

--

Ka Opio Iloko o na wi-

liau ana a ka Pahi-

kaua,

--

Ka Omole Laau Hamo

Kupaianaha.

--

A O NA MAKANA HIWAHIWA

EKOLU.

--

Ke Kavalia Maluna o ka Lio

            PUAKEA me na hao kila Ma-

            geneti

ME KA

KIAI PUKAUA EKOU.

--

MOKUNA XI.

            Ua huli ae la ua wahine nei a me na mamala olelo o ka hookaau o ka hoonaue puuwai oia i pane ae aii ka ka kakou opio:

            "Ano e ke Keonimana,--o ko'u wahi keia o ka hana, nana e koi mai nei ia'u.  Ke haawi aku nei au ia o@i na hoomaikai ana he mau tausani, no kau mau hana maikai o ka malama nono ana ia'u mai ka halawai ana aku me na ulia popiukia o ke alahele a'u i hauli mua ole ai.  A ma keia wahi iho la au i manaoai ia oe e hookuu laelae mai ia'u me kou malama pono nae hoi kau i hoopaa mua mai ai ia'u."

            Aole anei oe i manao e halawai ana oe me ua mau ulia popilikia la au i haupu mua ole ai mamua, oiai, oe ma kou alahele o ka hoi hou ana mai?

            Aole a'u mea makau malalo iho o na kukuna malamalama o ka la a me na eheu o ka mahina, koe wale iho no ka poe powa.

            Ahe mea ole anei ia poe o kou manao?

            Ae no hoi paha, oiai, heaha auanei ka lakou wahi pala e loaa aku ana ia'u in a lakou e hooko mai ana i ko lakou mau iini maluna o'u, no ka mea, o ko'u wahi kinoi wale iho la no, a aole mea e ae.

            Ua poina paha oe e kuu wahine maikai i kela hainaka me na kahakahana o ke kalaunu maluna iho.

            Ka hainaka hea la?

            Ka hainaka no hoi i loaa ai ia'u malalo o ko mau kapuai wawae, a hookomo ia ai e a'u iloko o ko pakeke.

            E pani oe i kou waha!  E pani koke oe i kou alelo pakalaki!  O lilo auanei ia i mea e hoopoino mai ai ia'u.

            Aia hoi paha la--ke hoomaopopo aku la au he mau popilikia no kekeahi e ukali nei ia oe.  I ka wa a'u i kamailio aku la ia oe no keia hainaka, ua lilo ia i mea nou e haalulu ai, a me kou hoike maopopo lea ana mai la no he kumu ia nou e hoopoino ia ai, a oia no ka wa a ka kakou opio i lalau aku ai ma kona lima a pane hou aku la:

            E oluolu mai ia'u e ka Madame, ae haawi mai hoi i kou hilinai ana maluna o'u, aole anei he hiki ia oe ke ike mai ma na kahoaka hikina o ko'u mau kiionohi i ka piha hakukoi o ko'u puuwai me na kipona a ka ehaeha a me ke aloha?

            He mea oiaio ia, wahi a ua Madame nei.  E pono nae oe e ninau mai ia'u ma na mea huna pilikino ia'u ma na mea huna pilikino ia'u, a aole no e nele ko'u hoike aku ia oe, aka, o ko hai mau mea huna, aole loa paha e hiki ia'u ke hoike aku ia mau mea ia oe.

            He oiaio ia, wahi a Don Maseka, aka, oiai, o keia mau mea huna a pau au e hunakele nei, ua hiki loa ia'u ke hoomaopopo koke aku i ke koikoi o ka umii ana maluna o kou kino, a no ia kumu, na'u no ia e huli kino aku, a oiai hoi, e kou kaana ana i na haawe o ka auamo ana i ke koikoi o keia mau mea huna ua manao au owau kekahi e komohia aku iloko o ke kaana like pu ana me oe.

            Lapuwale o na lapuwale!  Wahi a ua wahine nei i hoopuoho ae ai me ka leo nui.  Mai hoao oe ma na ano a pau e huli aku no keia mau mea, e hookuu mai no oe ia'u pela, a e hoopoina hoi ia'u me he mea ala aole loa oe i ike a i hala wai pu me a'u mamua.

            Na keia mau huaolelo a ua wahine nei i hoopii ae i ke kai o ka kakou opio, a me ka naau i paila ia me ka huhu nui oia i pane aku ai i keia mau huaolelo:       

            E ae ana no anei oe ia Aramisa e hana aku e like me kau @ olelo mai nei ia'u?

            O ka elua a ekolu iho la keia o ko'u lohe ana ia oe e hoopuka ana i kela inoa, me kuu hai aku no nae ia oe aole loa au i ike iaia.

            Aole oe i ike i ke kanaka nona ka inoa a'u i hoopuka ae la, ka mea nona ka hale o kela ipukaniani au i hele aku nei e kikeke mawaho.

            Mai manao paha oe ia'u e ka madame he holona au o ka maopopo ole ia'u o ka'u mea i kamailio aku la ia oe.

            Aole au @oe e hiki ke hoike maopopo lea mai ia'u mamuli wale iho no o kou makemake e au'a ia'u e kamailio pu me oe ma keia wahi ke kumu nui nana oe i alako e huli aku i mea nau e kamailio ai.

            Aole loa keia he mau mea na'u i huli i loaa ai he mea na'u e kamailio aku ai ia oe e ka Madame, aka, ke hoike aku nei au ia oe i ka mea oiaio loa.

            Kai no hoi ua hai mai nei oe o kekahi o kou mau hoaloha ke noho nei iloko o kela halo?

            Ae, ua hai aku nei au ia oe ia mea--a ke hooia hou aku nei no hoi au no ka ekolu o ka manawa o kela hale la e ku mai la ma o, he hale no ia i hoopumehana ia kona mau paia e kekahi o ko'u mau hoaloha--a o ua hoaloha la o'u o Aramisa no ia.

            Ae, e ike ana kaua i ke k@pana oiaio maoli o keia mau mea ma keia hope iho, @hi a na wahine nei @ namunamu iho ai, a no ia mea, e noho malie oe, a e hamau hoi kou waha e ke Keonimana.

            Ina paha he mea hiki ia oe ke ike i na keena a pau o loko o ko'u puuwai, aole loa e nele ana kou ike i ka piha pono o keia mau keena me na k@pena like ole o kela a me keia ano, a iloko o ia mau mea ano e loaa ai ia oe kekahi ike no ko'u hoohihi o ke aloha maoli no ia oe, he mea hoi a h@ki ole ia'u ke kaupale aku, koe wale iho no ka loaa ana mai o na hooluolu mai a oe mai.  U amanao au, aole loa he hana kupono nau ka haawi ole ana i kou hilinai maluna o ka poe i aloha paulele aku maluna ou, wahi a Don Maseka i pane aku ai.

            Ua hikiwawe loa oe ma ka hoike ana mai i kou aloha, wahi a ua Madame nei me ka luliluli ana o kona poo.

            Ae, no ka mea, ua poipu ia au e keia aloha me ko'u ike ole mamau e komohia aku ana au, a ua hiki ole hoi ia'u ke pale ae ma na ano a pau.

            Oiai ka kakou opio i hooki iho ai i kana kamailio ana, ua ike koke aku la ia i ka nana iki ana mai o ua Madame nei iaia, a no ia nana iki ana mai ua hoomau hou aku la oia i ka pane hou ana aku:

            I na kau makaliu a  pau, he maa maa mau ka hakaka ana o na Pake, no ka aumeume ana i na pono wai.

--

NUPEPA KA OIAIO.

--o--

E HOOPUKAIA ANA E

KKAHI HUI HAWAII PONOI

I kela a me keia Poalima.

--

Ka uku o ka nupepa hookahi: No eono

malama, $1.00, no hookahi

makahiki $2.00

KUIKE KO MAKOU RULA.

            He uku emi mai no hoi ko na hoolana oihana, na hana kalepa, na hale kuai o kela a me keia ano.  O na hoolaha mai na apana mawaho aku o ke kulanakaua hale nei, e hoouna pu ia mai ka uku.

            E hoouna ia mai na manao ma ka inoa o John E. Bush Ailuene Buki, o na kauoha nupepa a me na hookaa dala a pau ma ka moa o ka Puuku John Kapamawaho Prendergast.

            JOHN E. BUSH,

                        LUNAHOOPONOPON.

            JOHN K. PRENDERGAST.

--

Hoolaha.

            I na Luna a me ka poe lawe pepa pakahi, a me na makamaka eae o ka NUPEPA KA OIAIO a me KA LEO O KA LAHUI ma keia ke hoike ia aku nei ia oukou apau, e palapala pololei mai ma ko'u inoa no na kauoha nupepa, na hoolaha a me na hoouna kala ana mai a pau.  Aole e mana kekahi palapala hookaa ke ele e kakauinoa ia e a'u ma ko'u inoa ponoi elike me ia malalo iho, i na ua hiki ole ke kakau mai ma ko'u inoa haole, alaila, e kakau mai ma kou inoa Hawaii elike me ia e puka aku nei: a i ole ma ka inoa o na "NUPEPA KA OIAIO a me KA LEO O KA LAHUI"

            JOHN K. PRENDERGAST.

                        KAPAMAWAHO.

            Puuku o ka NUPEPA KA

OIAIO a me KA LEO O KA LAHUI.

            Honolulu Jan. 12th, 1894