Ka Oiaio, Volume VI, Number 33, 17 ʻAukake 1894 — Page 4

 

"O KA PONO KA AIALII E OLA AI KA AINA"

 

NUPEPA KA OIAIO.

J.E. BUSH, Lunahooponopono.       J.K. Penikalaka, Puuku.

O KA PONO KA AIALII E OLA AI KA AINA.

POALIMA AUGATE 17, 1894.

Ua hiki ole ke hookele pono.

          Ue kamaaina na kanaka i ka hookele ana i na waa na moku a me, na mea o ia ano like maluna o ka wai a me ke kai.  Ua hiki no i na kanaka naaupo ke hookele me ka makaukau loa e like me ka hiki i na poe o  na aina naauao ke hookele, he wahi mea paewa iki wale no paha ka like ole.

          O na Lahui naaupo loa i hoomaa mau ia lakou i ka au ana iloko o ka wai a me ke kai, ua oi ko lakou makaukau e malama i ko lakou ola mamua o na Lahui naauo loa i hoomaa oie ia i ka au ana, nolaila, ua poholo a make wale ka haole naauao, a pakele aku la ke kanaka hupo i ka make ke hiki laua a elua me kahi o o ka ulia poino maloko o ka wai a me ka kai.  Aia no ka loaa o ka ikaika hoolana, a hoao mau ke kanaka e au.

          Pela no hoi ke ano o ka hookele ana.  Ua hoomaopopo ia e na mea a pau loa he elua mau ano wai hehee e kokua ana i ka hookele ana i na waa a me na moku, oia keia.

          (1)  O ka wai maoli e like me ka moana.

          (2)  O ke ea hoi e lawe ana iloko o ke ao nei.

          (1)  Mamuli o ka pupu a me ka uaua o ka wai a me ka moana, ua loaa kahi e hiki ai i ka hoe uli ke hoopupu a hoololi ae i ka moku i kahi a ka hoeuli e huli ai.

          (2)  Mamuli hoi o keani ana mai o makani a pa i na pea o ka waa a o ka moku paha, ua hoonee ia oia i mua a i hope, a i ole ia ua hooholo kapakahiia oia.

          He hana ka ka makai iluna o na pea e onou ana ka makani i  ka pea e paa ana i ke kia o ka moku a ina e hoohuli aoao ia na pea, alaila, e onouia ana ka moku e holo aoao aku e hoopiipii aku ana i kahi o ka makani e pa mai ana.  Pela e hoohana mau ai ke kanaka i kona hookele ana a hiki i kahi i manaoia.

          Hookahi kumu o ka holo pono ana o keia hookele ana oia no ka hui pu ana o keia mau wai hehee elua e onou ana a e palepale ana i na ki o ka mea e hooholo ia ana.  O ka mahu, he like no kana hana me ka ka makani he hoonee i mua a i hope paha.

          O keia ka hookele ana i maopopo kona kahua paa o ka hookele ana, a o keia ka mea i maa i na lahui a pau loa.

 

KA HOOKELE POHIHIHI.

          Oia ka hookele ana ma ke ea wale no.  Oia ka hookele ana maluna o na mea e lele ana maloko o ke ea ma ka lewa, e like me ka Baluna, he opumakani, he mea ekei piha i ke (gas) ea-mama loa.

          Ua hiki ke hoopii ae i ka moku lele iluna, a ua hiki ke hoemi iho, ua laweia aku ka moku lele i kahi a ke au o ke ea e huki ana, i o a ianei maloko o ka lewa.

          O ka mea nae e hiki ai ke hookele pololei i ka holo ana aku o ka moku i mua o kahi a ka makani e puhi mai ana oia ka mea i loaa pono ole a hiki i keia wa.

          O ke kumu o keia, aole loa he wahi e hiki ai ke hoopupu iho i ke kino o ka moku iloko o ka lewa, a aole hoi mea nana e pale aku i ka pa ana mai o ka makani mamua mai.  E lele ana keia moku ma ka lewa a e poniuniu hele ana oia me ka loaa ole o kahi e hoopaa ai i kona motio ana.

          O ua moku lele la, oia no ka Repubalika o Hawaii nei.

          Eia oia ke lele nei iloko o ka lewa me ka maopopo ole o kona wahi e pae aku ai.  Aohe i loaa ka mea e hiki ai ke hookele aku i mua o ka makani, aohe wahi e hapapa aku ai e loaa mai ai na lima kokua ia ia i kona nee ana iloko o ka lewa.  Aohe oia i ikeia mai e na aupuni o na aina e, aole hoi i makemakeia e ka Lahui e noho ana iloko iho ona, a eia oia ke puhiia nei e ka makani iloko o ka lewa a ke hele auwana aku nei i kahi maopopo ole?

          He hookahi nae mea i maopopo loa, ina e nohae ana ka opu-makani, alaila e kilepalepa ana oia, a haule mai iloko nei, me kapoino weliweli!  E pau ana na au o ka poe hoohele i ka haihai a me ka make maoli!  Oia na ulia mamuli o ka hiki ole e loaa ka mea e hookele aku ai.

 

MA KA HANA E IKE IA AI

          He mea pohihihi ka hilinai wale aku ma ka olelo ana mai a na kanaka, a pela no hoi me na hoaloha hookahi mea e pau koke ai ko kakou pohihihi a me ko kakou kanalua, oi no ma ka hana ana.

          I na e olelo kekahi he aloha au i la Lahui Hawaii e pono oe e nana aku i kana mea e hana ana, ua like paha ia me kana mea i olelo mai ai aole paha.  He mea makehewa ka hoolohe wale i ka olelo mai.

          E nana mai hoi kakou i na hana a na poe e noho mai nei ia lakou ka mana e hookele nei i ke aupuni Hawaii;  Heaha ka mea i ikeia no na poe Hawaii i noho oihana manua ua like anei ka lakou olelo me ka lakou hana i keia wa.  Ke hoole loa nei makou ke hoike aku nei, aole like o ka olelo me ka hana ana.  He like lakou nei me na manu aloha (Paroka) he olelo mai ka manu ke maalo ae ke kanaka;  Aloha, Aleha oe, Aka he leo wale no kela o ka manu e hea mai ana, aohe ona aloha io.

          Pela makou e nana aku nei i keia poe Luna Aupuni; Ua like a like loa me ka manu Paroka.

          Penei hoi kekahi aia a paa aku la ka inoa o ke kanaka Hawaii i ke kakau hoohiki alaila pane iho la;--ua pono iho la.  Aohe e liuliu na la mahope mai ua hoopauia aku la ua kanaka la@ a ua paniia mai la kona wahi e kekahi mea okoa aku.  Ua pau loa ae la kou nana ia ana mai la, oiaio ua lilo aku la kou inoa me na huaolelo e i ana; E hooleloa aku au i ke kukuluia ana o kekahi ano aupuni Moi.

          Ia wa, ua hala aku la kou pono ua lilo aku la ia lakou la.  Nana aku la oe i kou poe hoa i noho pu ai, ka poe hoi i kumakaia ole i ka ama he mau maka hoihoi ko lakou me ka nana oluolu ana o oe hoi, ua wiwo wale, ua holopee me ka hilahila nui.

          Ua puni oe i na olelo hoomalimali, aka, ma ka hana ana ua ikeia ua paa oe iloko o ka umii.  E hoomanao e ua makamaka.

 

UA MA KAU O HOOLE MAI KA LAHUI.

          I ka wa i pau ai ka hooponopono ana a ka Aha Elele hana Kumukanawai, ua manao kekahi poe haole naauao maoli, he mea oi loa aku e haawi @a ka lahui e apono mai i ke Kumukanawai, ma ke koho balota ana, a ina ua oi aku ka nui o ka poe apono mamua o ka poe hoole; alaila, ua lilo ia i kumukanawai no ka aina, a ina hoi ua oi, ae ka nui o ka poe hoole mai i ko ka poe ae e apono, alaila, ua hooleia keia kumukanawai.

          Aka heaha ka mea i ikeia?

          Eia; ua makau maoli no na Poo o ke aupuni, a ua manao no e hana aku e like me ka mea i hooholoia e ka Aha Elele.  A heaha hoi ka hopena?  Eia; Ua hoole ke kiure o ka Lahui Hawaii i mua ponoi o ke alo o ka Aha Kiekie o ka Paeaina o Hawaii:  Aole o lakou wale no, aka, o ko lakou mau hoa halole pu no kekahi.

          O keia ka makou e olelo nei, ua makau no lakou, o hoole mai ka Lahui!  Oia no keia e hoole mai nei.

 

KA NUHOU O NA AINA E.

          Ma ke ku ana mai o ka mokuahi Australia mai Kapalakiko mai, ma ke kakahiaka o ka Poaono nei, Augate 11 1894 ua loaa mai na mea hou mai na Aina E mai a hiki i ka la 4 o Augate nei, a oia keia malalo iho nei.

 

Na Mea Pili ia Hawaii.

Ke Komisina Alii ma Wasinetona.

          Ua hiki maalahi aku ke Komisina Alii no ke kulanakauhale o Wasinetona ma ka la 1 nei o Augate me na ola maikai aia lakou ma ka Hotele Arlingtona kahi i noho ai; ua liio ka hapa nui o ka la i ka hoomakaukau ana i ka lakou hana i hiki aku ai.

          I ka wa i ninauia mai ai o Mr. Widemam no ka manao i hiki mai ai ka lakou huakai no Wasinetona ua pane aku oia:--Aole e hiki ia'u ke hoike aku i keia manawa.  Ua hooholo like makou aole e hahai wale aku i ke ano o ka makou huakai, aia a ike makou ia Kuhina Nui Gresham, a pela hoi i ka Peresidena.

          Ua manao makou e ike aku ia Kuhina Gresham i ka la apopo alaila mahope aku hele i ke Keena Oihana o ke Aupuni, aole hoi e imi i kokua, me he mea la he hana kau i hiki mai malaila.

          Ua loaa maia ka Peresidena ke noi no ka hoihoi hou ana i ka Moiwahine; a o makou hoi ka poe i hele mai nei nona ano ua loaa ke kuleana pono o ke kipa ana mai e ike i ke Kuhina o na Mokuaina.

 

KA PANEMA KE TELEAGARAPA MAI NEI A KE KOMISINA.

Wasinetona Augate 3rd; 1894.

IA******Esq

Honolulu

Holopono ka hana

          Ua ike ia Gresham, apopo ike ia Peresidena.

Owau no ******

          O keia mau hopuna olelo maluna ae ua kakauia no e ke Teleagarapa ma Wasinetona ma ka olelo Hawaii ponoi.  Nolaila, ike ole kau haole i ka manao okeia ano olelo o Hawaii imi loa.

 

Ka Nupepa Epa Star.

          Ke hoike aku nei  makou i ka hana epa a ka nupepa aihue aina ke Star, e like me kana i hoopuka ae nei ma ka la 11 nei, e pili ana no na olelo telegarapa mai ke Komisina mai i kekahi mau makamaka o kakou, oiai nae, ua ano e loa ae keia mau hana oiaio ole mai ka mea pololei ae, a penei:

 

HE NUHOU HOOHOIHOI MAI

KE KOMISINA MAI.

          O keia malalo iho he hoike oiaio i ka Hui Huaniu o ke kope o ka elele uwea telegarapa i hiki mai maloko o ka eke leta o ka Australia.

WASHINGTON, D.C. AUG. 4, 1894.

          I ke Kahuna Nui a me na hoopono a pau:

          Ua hoio pono loa.  Hoouna hou mai i kal@.

PAMUEL SARKER,

H.A. NARROROMAN,

JOHN A. GOING.        

          E ike mai auanei ka Lahui Hawaii i ka epa a me ka lapuwale o na hana hoopunipuni a ka poe haole aihue aina e noho nei ma Hawaii nei, ka poe e keha mau nei, he poe naauao, he Karistiano!  Aole ka Lahui i hana e like me ka keia poe hilahila ole e hana nei.

 

AOLE I IKEIA MAI KE AUPUNI REPUBARIKA O HAWAII NEI.

          A hiki mai i keia la, aole loa i ike ia mai nei ke aupuni  Repubalika o Hawaii nei e ke Aupuni o Amerika Huipuia:  aole no hoi kekahi mau aupuni e ae o na Aina E mai.

          Ua lawe mai hoi o Boutell he olelo hooholo e hoahewa ana i ka Aha Kuhina o Cleveland no ka houlolohi i ka ae e ike mai i ke, aupuni Repubalika o Hawaii, a mamuli o na rula, ua waihoia aku ike Komite Aina E.

          O ka moku kaua Charleston hoi i upuia ai e holo mai ana no Honolulu nei, aia oia ke liuliu la e holo pololei aku no Corea ma Kina, no ka malama ana i na poe kupa Amerika malaila nolaila, aole oia e ku mai ana no onei nei.

          O ka moku kaua Piladelepia hoi, ua huli hoi aku la oia me Adimarala Walker no Kapalakiko i nehinei mamuli o kona kauoha ia ana mai nei.

          Nolaila, ua hoomaha ko Amerika au moku kaua mai na ae kai aku o Hawaii nei i keia wa.

          Ke houluulu ae kakou i keia mau hiohiona a pau loa, ua hiki ia ka kou ke ike aku, he hoonee ana keia o ka papa-konane a Celeveland i mea e ike ia iho ai ka poe P.G. pane-pakike hookano, eia lakou ke anai ia mai nei a pili loa i ka@paia.  Ke lawe aku nei o Celeveland i ka puuhonua a lakou i paulele kuhihewa loa ai a nalowale loa mai ko lakou mau maka aku.

          Auhea ia hoi na kaena ana a ua poe nei e olelo ana, e ike koke ia mai ana ka Repubalika e Amerika?  Ua pololei ka Nawahi i olelo ai ma ke Kuea Pa Alii: "I na aole o Amerika e ike mai ana i keia aupuni Repubalika, alaila, maluna no o lakou ka ahewa."  Aole maluna o kakou.

          Ua lohe wale ia ae n ua oluolu ole @oa o Adimarala Walker i keia noho loihi ana me ka hookaulua loihi ana me ka hookaulua loihi wale ana mamuli o na kaohi a ka poe kaili aina.  Ua hoopuka ae oia i na huaolelo pahaohao penei:  Auhea ka hoi ka 3000 o na poe kokua o keia aupuni?  A me na 500 o na poe koa e malama i ka maluhia?  Aole ka lakou i makaukau iki?

          O ka makou mea e ike nei, ke pau nei kekahi poe i ka holo ma na wahi mawaho aku nei okuaaina e pee ai, a e moe ai o ka poino ka makau loa.  Eia hoi o Emualuka ua paa kona hale i ka pale ia i ka papu one!

          Ua makau honuai a uo kau e no ka we'i.

 

HE HOOPUNIPUNI NUI!!!

          Eia kekahi poe haole ke hele nei e hoopunipuni i na kanaka Hawaii me ka olelo aku:  Aohe i ikeia mai nei na poe Komiaina Hawaii e Amerika:  Ke hoolaha mai nei hoi ma ka Nupepa i na olelo hoopunipuni loa, i mea e huli aku ai na poe Hawaii.  Aole loa kakou e puni i keia mau hana hoopunipuni a ka poe aihue aina, a kaili aupuni.  Oia ko lakou ano mau.

 

KE KAUA O KINA ME IAPANA, KA LANAKILA O NA AUMOKU KAUA, O IAPANA MALUNA O KO KINA, KA LANAKILA ANA O KO KINA PUALI KAUA AINA MALUNA O KO IAPANA.

          Tien Tsin Iulai 31.  He hoouka kaua moku mawaena o na Kina a me na Iapana.  Ua hoopihoia ka mokukaua Chen Yuen o na poe pake.  Aia he elua mau moku hou i kuku luia e Limaikaika no Kina ua manaoia ua lilo pio, a i ole ua hoopoino ia.

          He elua mau alii moku Kelemania maluna o ka moku pake Chen Yuen i hoikeia ae, ua make pu me na poe pake kolu o ka moku.

          O keia moku Chen Yuen ua kapiliia oia no ke aupuni o Kina ma kahi hana moku, he kokoolua keia no ka mokukaua Ting Yuen, a oia kekahi o na mokukaua ikaika loa o ke aumoku o Kina, malalo iho nae o Ting Yuen. 

          Ua loaa mai keia mea hou o ke kaua ana ma ke telegarapa malu mai Ten Tsin mai, I na he oiaio neia mau lohe alaila aohe kanalua iki, ua hiki mai ka hopena o ka Kina hakaka ana maluna o na kai.  O na moku e ae i manaoia ua poino ma ia hoouka kaua ana oia o Chinh Yuan a me Foo Ching.  O ka moku Chenh Yuan ua kapiliia oia ma Emswick ma Enelani he 2300 tona kona nui, aia maluna ona he ekolu mau pu Krupps he pa 8 1/4 iniha ke anawaena a he elua pu a Limakaika he 6 iniha ke anawaena i hoomaluia e na pu kani pinapina a Hotchkiss o 8 paona eono pu wili a me eha mau mea hoopahu.  O ka mokukaua Foo Ching hoi he moku ia no Enelani mamua, ano like aku no me ko ke China Yuan.  He 2500 tona koua nui ua kukuluia me ke kila ma ka makahiki 1890 e lawe ana he umi pu nui o ke ano like me ko ke Chanh Yuan.

          Ua hoikeia ae hoi i keia la, ua lele kaua aku na Iapana maluna o ua pake ma ka poalima a i ole ia ma ka poaono ae i hala ma Yashan a ua oleloia mai he nui ka poino o na poe Iapana ma ia kaua ana, a he malani wale no ko na pake.

          Shanghai, Iulai 31:  He mea hou kai loheia mai nei i anei, e pili ana no ka hoouka kaua ana o na aumoku o KIna a me Iapana, a ua pio ia na poe Pake a ua hoopihoia ka mokukaua Chen Yuen a elua mau mokukaua e ae ua lohe ia ua lawe pio ia, a i ole ua hoopihoia e na Iapana, he hahana loa ke kaua ana a  o na Iapana nae ka oi aku o ka eleu ma ka lawelawe ana i na moku a me na mea hoopahu mamua o na pake.

          Ua aneane 1000 ka nui o na pake maluna o ia mau mokukaua o Kina a ua oleloia ae he hapa nui loa o lakou i make a i hoehaia a piholo iloko o ke kai.

          A o kekahi loko hoi he uuku no mamuli o ka mahuka o na pake i hookomoia i ke kaua.

 

WAE IA NA PUALI HOOMOE

          Yokohama Iapana Iulai 29.  Ua hoopuka ia ae he kauoha Alii e kauoha ana i na pualikoa aina a me moana e koi ana la iakou e hoike koke aku no ke komo ana i ke kaua a e hoike ae i ko lakou mau luua ma kahi poo oihana.

          Ua hoopuiwa loa ia na pake e noho ana ma Iapana no keia kulana weliweli o ka aina a he nui loa o lakou i pau aku i ke auhee mai ka aina aku.

          Ma Tokio ua mahuahua ae ka weli iloko o na poai luna aupuni, o kela kukai pili pake he mau mea hoopunipuni wale no ia i mea e loaa ai ka maua i na pake e hoopiha mai i kona puali kaua i mea e huipu ai a lele mai e kaua maluna o na Iapana.

          He lono hooiaio ia kai loaa mai ma Tokio aia ka pualikaua maoli o Kina ua ae aku la ma loko o na palena o Corea ma ka la 25 o Iulai.

          Ua hoikeia ae hoi, he mau kipa ana aku maluna o ke aumoku Iapana ma na ae kai o Corea.

          He hoike loihi hoi kekahi i hoouna ia aku iwaho mai kekahi luna mana mai e hoike ana i ko Iapana kulana.

          Ma ia hoike ua olelo ia, aole loa o Iapana i hala aku mawaho o na palena o kona mau pono o ke kuikahi o ka 1885, oia hoike e koi ana i ko Iapana mau pono, ua hoounaia aku mai ke aupuni o Kina ma ke kulana kauhale o Pekina a ua hoikeia ae i na i makemake o Kina e kaua alaila e pane ia aku no ia e Iapana ua ae oia.

          Wahi a na olelo, he moa kupono ole no Kina keia mau hana ana ma ka mea pili ia Iapana no kona mau pono iloko o ke kuikahi.

          Shanghai, Iulai 29.  Ua ahiahi loa loaa hou mai la he mau hoike uuku e pili ana i ke aumokukaua moana.  O ka hakaka ana, iloko o ka wa pokole loa ia eia nae ua oi loa ka poino, mamuli koke no ia o ka hoopahuia ana o ke topido mai kekahi mokukaua Iapana mai oiai ke la ua kaheiia me na lako kaua a o na puali koa pake no hoi maluna o na moku aloalo koa, he nui ka hakaka ana me na lele kaua ana mai a na enemi.  He nui wale o na koa i kipuia a make no maluna o ka oneki o ka moku.

          I ka wa i hoomaka ai ka moku e piholo, ua nui loa ka uluaoa ana maluna o ka moku.

          I ka wa i hookuuia ai na waapa aole mau hoopoino hou ana mai aka no@ ka uuku loa o na waapaa, a no keia uluaoa ua loaa he wahi hapa uuku loa o lakou i pakele ae.  O na haole maluna o ka moku, ua make no mamuli paha o ka haka ka ana a i ole ua iho pu no me ka moku i ka wa i piholo ai.  He nui loa na ola i make aku, oiai mailoko ae o 2000 poe pake iluna o ka moku, he 40 wale no i pakele mai.

          Na kekahi mokukaua o Farani i kokua ia lakou, ia ia e noho ana ma ia wahi.

          He wahi wa pokole loa i hala ae mamua o ke pahu ana o ka mea pa hu a iho aku la ka moku poino iloko o ka opu o ka moana me na ola he lehulehu ma kahi kokoke loa i ka mokupuni Shopcent kahi a ke kapena i manao ai e hoopae koke aku i uka.

          O ka hoike a ko Kina no na ulia i loaa ia mawaena o na aumokukaua o Kina a me Iapana, e hoike ana, o ka mokukaua chen Yuen oia ka oi o ka nui o na moku a pau loa o Kina ma ka mahele aumoku Akau, e hoo lulu ana oia ma Kotze, a holo malu aku la a hopu pio ia e na Iapana.  Ua hopu ia he moku lawe palapala a ua hoopiho ia he moku lawe koa He 6 mau maku lawe koa i pakele aku.

          He mau mea hou kekahi i loaa mai ia la no e pili ana i na koa marina Iapana, ua lele lakou iuka o ka aina a lele hakaka aku la maluna o na poe pake ma Asana, aka, aole mau hoike e pili ana no ia lono i loaa mai.

          O ka moku kaua huila palua Beritania Porpoise ua hala koke aku @a no ka pale ana aku i na pono o kona mau kupa Beritania ma Che Foo maluna o kekahi kualapa o Shan Toong, kekahi wahi hooluolu no na malihini.  O ka puali kaua ikaika loa o na pake, ua hiki palekana aku la ma Taku.

 

KINA ME IAPANA.

          Ma ka la 25 o Iulai, ua kiai aku la ka Adimarala Iapana maluna o ka moku kaua Matau@hing Kan, a me elua mau moku kaua e ae, malalo o kona moku i ka moku halihali koa Pake Kow Shung me 2000 poe koa Pake e holo ana no Corea ma na kai o Corea, he 40 mile ka mamao mawah@ ae e Chemulpo.  Ua kau hae hoailona aku la oia i ke Kow Shung e ku iho a i ole "Aole paha".

         E kau ana no ka hae Beritania maluna o ka moku lawe koa, me ka maopopo no e holo mai ana a kuu i ka heleuma.  O ka manuwa Pake nae e kakaliana no ka hookau ana mai i na Pake, ua kuupau ae la oia i kona mahu a holo loa aku la.

          Ua manao ke Kapena o ke Kow Shung, e pakele ana oia malalo o ka hae Beritania, nolaila, ua hoole aku la oia i ka olelo ao a ke Kapena o ka moku manuwa Pake, e olelo mai ana o oki aku i kona heleuma a holo aku.

          Ia wa, ua kau hae--hailona aku la na aliimoku o ka Kow Shung i ka moku kaua Iapana Naniwa Kan (kela moku i ku iho nei i Honolulu nei) e ae ia mai e hoouna mai i waapa me kekahi alii.

          I ka wa i hiki mai ai o ka waapa ua hoike aku la o Konela Von Hannekey i ko lakou kulana i na alii Iapana.

          Ua hai aku oia, ua haalele ke Kow Shung ia Kina iloko o ka wa maluhia, aole loa he mau kukala kaua ana, a o ka moku he moku Beritania oia e holo ana malalo o ka hae Beritania.  Alaila, hoomaka aku la oia e wehewehe i na kumu e hiki ole ai iaia ke ae aku, a ke hooko i na kauoha a ka moku kaua Naniwa Ken, a koi aku la e pono e malama ia ka hanohano o ka hae, a e ae ia mai ka moku e hoi hou i na kapakai o Kina.

          Ia manawa, haalele aku la na alii Iapana i ka moku, a hoi aku la ilua o ka Naniwa Ken.  Ia wa pokole no, ua kau hae hailona mai la ka moku kaua holo mama Pake; e holo mai me ka awiwi loa e like ana me ka hiki iaia.

          Ia wa, pane aku la ke Kow Shung he mea hiki ole loa ke holo aku.

          Ia wa, huki ae la ka moku Naniwa Ken i ka hae huipa, a helo awiwi mai la, a hoohuli ae la ma ka loa o ka moku he kowa aneane 200 metre ka mamao mai ka moku Kow Shung mai; a ia wa ua hookuu mai la oia i ke topido pahu malalo ae o ka moku Pake, ia wa pu no hoi, ua ki mai la oia i na pu nui ma kona aoao, he elua pu, he 25 tona, a he eha pu o 10 tona.  Ua nui loa ka pioloke o a poe o luna o ke Kow Shung.

          Ua hoao na poe koa e pale aku me na pu liilii i ka wa a ka Naniwa i hookuu mai ai i ka mea hoopahu.

          Ua loaa ae la ka poino ma kahe hoahu lanahu a pahu ae la kekahi o na ipuhao mahu.  He mea weliweli loa keia mea pahu; aka, aole nae i pihoio ka moku ia mea wale no.  Ua hoomaka aku la na kea Pake e kipu aku maluna o ka Naniwa me na p@ raifela, a me na pu liilii, a ua hoike ae lakou i ko lakou ano koa loa.

          Ua hoomau aku la ka moku kaua Naniwa i ke kipu ana me na pu he 10 tona, a hiki i ka wa i lilo ai o Kow Shung i mea poino loa.

          He nui o na pee koa Pake i lele iloko o ke kai, a oia poe, ua pau i ka lukuia me na poka o na pu wili Ia wa, ua hoomaka ke Kow Shung e piholo; a mahope iho o 15 kipu ana mai o na pu nui, ua poho iho la oia iloko o ka hohonu o 8 anana iloko o ke kai.

 

UA HALA O PAMAHOA.

          Me ka naau luuluu, a me ka puuwai i hoomokumokuahuaia e ke aloha, i haalele mai ai i keia o@a ana o Mrs. Pamahoa Napoleona, ma kona home noho ma Apua, i ka hora 1:40 A.M. o ka la Sabati noi.  Ua hanau ia mai mai kona puhaka mai he eiwa keiki mai kona puhaka mai, a eia lakou ke ola nei a pau.  Ua hanau ia oia ma Napoopoo, i ke kai molino a Ehu i ka 1830, nolaila, he 64 ona mau makahiki i kona wa i make ai.  I keia auina la (Poakahi) oia e hoolewa ia ai.  Aloha wale ola.