Ka Oiaio, Volume VI, Number 26, 29 June 1894 — Page 4

NUPEPA KA OIAIO

J. E. BUSH, Lunahooponopono

J. K. Penikalaka, Puuku

Poalima Iune 29, 1894

HE MOOLELO NAAO HAWAII

-NO-

LAUKAIEIE

Ke Kino Kamahao Iloko

o ka

Punohu Ua-koko

Ke Kabulileole’a o ke Kuluaumoe o na Pali

o Waipio Hawaii.

Unuhiia e Mose Manu no “KA LEO.”

 

Ka lealea hope loa a na kaikamahine o Kauai me ke kaikamahine alii Kalehuamakanoe Haule oia me Huiawe.  Kona naauauwa ana i ke aloha a hiki i kona makeana.  Lilo o Kaulanihawane malalo o ka Laukaieie malama ana me Makanikeoe. E like me ka manao o Laukaieie.

 

       Ma keia hiki ana o Lanikieleuia ma kai o Waipio, ua nalohia aku ko Makanikeoe mau helehelena mai iaia aku, a oia kana i au ae ai @ o a maanei, nolaila, ua ninau koke ae la oia i kona mau hanau mua, a me ko lakou kaikoeke Kaohaiula no kona kaikunane, Makanikeoe, a ua hai ia mai ia Laukiele, aole he mea o lakou i ike i kona wahi i hele, nolaila, ua huli hoi aku oia no kahi e kona mau Haku Alii Laukaieie.

       A ua hai aku oia i na mea apau no Hiilawe a me Kalehuamakanoe, ua noho a kane a wahi laua ma kai o Pakaalana ana lohe pu mai no hoi o Kauluaihawane i keia mau olelo ana e hahai nei i ka mea nona keia nanea.

       A oia ka ua ui nohea ala i aloha ae ai i ko lakou kaikoeke me na manao kaumaha, a ua huli ae oia a kamailio aku la i kana kane no ua mea e pili ana ia Hiilawe me kona kaikuahine Kalehuamakanoe aua pane mai o Kawelon akalailehua i kana nohea me na olelo ku io o ka maemae.  “E kuu Haku Lani wahine kiekie, aole a’u mea e hookaeneo ai no ka’u kaikuahine o o kona mau makamaka a pau, e hanai ai no ia mau mea a pau maluna ona.  Aole ia mea maluna o’u kona kuleana i hele mai ai nolaila ka manao nei au e hoouna ia aku ko kaua kiai Laukaieie e kii i kona kaikunane Makanikeoe, a na laua no e hele aku e huli ma ko laua ano mana nui i kahi mea kupono na keia kaikuahine o’u kou mau hoa aele o na ale o na kai ewale a hiki wale ai makou i Waipio nei a loaa hoi oe ia’u iloko o ka nani nui o ka eehia me ke Kamahao o na mea a pau a’u iike ai me kou mau hoa hele a oia mau no a hiki i keia la.”  I ka pau ana o keia mau olelo a Ka La Lehua ua hooholo liki aela laua no Laukaieie aua hoomaka koke aela oia e hele me kana mau hua olelo kahoahoa maua e pili ana i na kupuia ma pau o ka honua nei a me kalewanuu aua lohe ia mai kona leo kalokalo me ka mana i ike ia a pau.

       Ia Laukaieie e noho ana ma kahi manao mai ka hale mai o kona mau Haku Alii, ua ike aku la oia he wahi onahi ula me he pua rose ala e pua mai ana iloko o kekahi wahi ao Polohiwa i ka lewa, a ua kahea aela oia ma ka moa o Makauikene ka mea nona ka “Ahano a lele.”  Ma keia mea, ua loaa iaia he mana lele iloko o ka lewa, e like me kona kaikunane aike ia ma na hele mua i hala ae nei o keie moolelo, aia ia e lele aku nei a kokoke ma kahi o ke la onohi ana e hele aku nei, ua nalowale aela kona ano onohi aua lilo aela ne waipuilanie aweawe malie ana i ka lewa, aia hoi kona welelau ke haluku ala i kaili kai o ka moana, e pii ana na ehukai ma o a maanei, a me ka wililau ala o na ale iloko o ka wa ino, aka, o kano wahi kamaeu nae aia kona mau noonoo a me na aina maluna o @lia wahi kamahao ana e ike nei aua mauua’ko oia i kona wahi kino@ e komo iloko oia waipuilani, malie paha oia ke alanui e hiki aku ai oia i ko ola hana o kona kaikunane i hele ai.  Iaia nei maloko o ka la wahi kamahao, aole loa i pulu kona kino i ke la wai mai kona poo a niki i kona mau kapuai wawae, ka hana a ka pua a ka epoe aiwaiwa nolaila e hoomanao ae hoi kaua e ka mea heluhelu i ka moolelo o Saderaka mai i hoike ia ma ka Buke nui ma o Daniela ala, ua ike ia lakou e hele ana iloko o kai muahi me ka pauole i ke ahi, a pelo no o Laukieleula e hele nei iloko o ka waipuilani, aole loa i pulu ko na aahu a me kona kino holookoa a pau.  A oia paha kau e ninau i hola e ka mea heluhelu he aha la ka ua wahi kamaiki nei mea e hele nei maloko o ke la wai?  Ke hoike nei ka mea kakau, oia ke alanui pohini e laaa aku ai kona kaikunane Makanikeoe e noho ala me ke la wahine i ka papaku o ka hohonu lipolipo o ka moana ua hoike ia na wahine ala ma na helu mua ae nei ma ka lua o ka Makanikeoe huakai me Awini no Kauai. 

       Ia Laukaieie e iho nei maloko o keia waipuilani mai luna iho o ka lewa, ua ike aku la oia he mau ka pio anuenue e hipo ana maluna o ka ilikai.  A oia hoi ua hune wai a me ke kai e puehu liilii ana i o a ia nei, aia hoi ua wani onohi uei ana ike ai e popohu maika ana ilune o ka ilikai.

       Ana @ohe pu aku la no hoi keia he wahi leo e pae mai ana mai loko mai ona ia wahi onohi, e olelo mai ana me na huaolelo moakaka.

       E na kaikamahine ui nohea o na pali o Waipio ke lii wahine o na la laau, Heahakau huakai e hele nei.

       Pane o Laukieleula.

       E hele ana e huli i kuu kaikunane ia Makanikeoe.

       I ka pau ana o keia mau huaolelo a Laukieleula, ua pae loa mai la no ua leo nei no ka lua o ka manawa.  Ano e nana aku oe ma loko o keia o@, alaila e ike no oe i kou kaikunane, aia oia ke noho pu ala me ka ui nohea o ka moana kai lipolipo me kekahi anaina nui oia ohana a ka aiwaiwa.

       Aole paha i poiuo ka heluhelu ka inoa oua wahi wahine kupueu ala o ka moano, a oia ka keia Ieo e hai nei i kahi kaikamahine eueu nui e hele nei.  A oia paha kau e ninau i hala i ka inoa o ka mea nona ua leo nei e hai ala ia Laukieleula.  Ke hai nei ka mea kakau.  O Hinahele kona inoa, oia ka kuula wahine na aumakua hoi o ka poe lawaia o laua nei na meo i puhi ia ai e ke ‘lii o Hana Mauai Hikina i ke ahi me ka laua keiki aiai me Lehouia Aleawai, o ma ko laua ano mana kupua.  Ua hoi laua ma ka moana kahi i noho ai, a ua noho ka laua keiki maloko o ke awa @ ke alo o ka puu o Kaiwiopele me ka makau o Maniakalani.  A ma o keia mau aumakua o ka poe lawaia i kaulana ai o @ana.

       Eia o Hana ia he ua iki, ka ia o Kama—ka ia o Lanakila, eia o Hana la he aina aupehu.

       O keia wahine o Hina i olelo ia ae la, oia na mahele he lehulehu wale o keia poe kupua e pili ana ia Hinauluohia me Kukaohialaka, ke kumu i loaa mai ai o Laukaieie ka mea nona keia moolelo a kakou e heluhelu nei, nolaila, ua mahele ia na poe kupua ma ka aina nei, a pela no ma ka moana, nolaila, e kala mai e ka mea heluhelu i keia mau hoakaka a ka mea kakau.

       Ia Laukieleula i nana pono aku ai maloko o keia wahi onohi.  Ua o aku la kona mau ano waihooluu like ole me ka malamalama iloko o ke kai hohonu, a ukali pu aku luno hoi kona wahi kino uuku mahope o keia alanui pohihihi o ka moana.

       Iaia nei i hiki aku ‘ai ma ka hapalua like o ka moana nui kai hohonu, ua halawai mai la kona mau maka me kekahi ponahu nui poepoe hohonu i hoopuni ia e ka pali, a e ulu ana na lau limu kupanaha he nui wale, a e kau mai ana na pupu nani o na ano a pau me na leho o na ano a pau.  A e hulii ma ana ko lakou malamalama me he ahi ala aia malaila he nui wale o na auwaalalua o na ano a pau.  Aia hoi malaila e hamema mai ana he mau ana nui me na kulana hiehie malalo pono o ke kumu o ua lua poepoe nei ma ka papaku ponoi o lalo o ka honua.

       A oia ko Laukieleula manawa i nana pono aku ai i ke ano o keia lua poepoe a ka nani nui wale, a ua halawai mai la kona ike ana aku me kekahi mea kino wahine ano e i hoopuni ia kona kino me na ako’ako’a, a koe wale ae no kona mau maka, aia nae i kona ike ana mai i ka ui nohea opio, ua pae mai la kona leo aloha me ka hookipa maikai aku i ka kakou opio maloko o kona ana nui nani, a oia paha kau e ninau iho la e ka mea heluhelu i ka inoa o na wahine ala, ae, o Hinahulikoa ia, nona paha keia la e-a.

       A o Hina ko ka moana la.

       Noho pono i ke ko’a ia la.

       Ma ka ike ana mai o ua wahine nei i ka ui opio, ua ike mua oia i ka manao o Laukieleula ma kona ano mana kupua, oiai, aia ke kumu o ka Hina ma ka moana.  A mai iaia aku i laha uku ai na Hina a pau, a oia kaua i hai mua mai ai i ka ui opio.  Eia no ke kaikunane ou me na kaikuahine e walea mai nei i ke konane, e hele aku kaua a hai aku kaua a hai aku i na kiai o ke ana oia hoi o Hinakeka me Kaulaponi, he Hilu keia.  He i’a naenae, a no keia ia ka olelo ana, i na he noho malie ke keiki kane, a me ke kaikamahine mai ka wa uuku mai a nui, ua kapa ia ia he Hilu.

       A ia laua nei i hiki aku ai ma kahi o ua mau kiai nei, ua olelo aku la o Hinakeka e kii aku ia Makanikeoe, a e hele pu me na kaikuahine ona, a i ninau mai ia olua alaila, e hai aku i ka huaolelo ia lakou, eia, na hiki mai ka muli pokii o oukou oia o Laukieleula.

       I ka pau ana o keia mau olelo, ua nalo aku la ua mau kiai nei, no ka manawa pokole, ua hoea aku la imua o na nohea o ka moana me ke aiwaiwa o Waipio, a ua hai aku na kiai, i na olelo a pau me ka pololei nolaila, ua puka mai ua mau nohea nei me he anuenue la e pipio ana iloko o ka lewa.  A no ko laua nani lua ole, ua haka pono aku la ka ui opio i ka nana ana i ko laua mau kiionohi a pau a me ko laua kulana kino me kona haku alii lani Laukaieie, a oia kana i aloha ae ai, a ua haawi ia ino la na kukai aloha ana mawaena o lakou me na manao hauoli nui, a ua ninau mai la o Makanikeoe i kona wahi pokii kaikuahine, ua hai aku la keia i na olelo a ko laua mau haku la@, a me Kaulaaihawane, a me ko Hiilawe noho pu ana me ka ui nohea o Kauai.

       Mahope iho o keia manawa e kamaiho nei.  Aia hoi, ua hoonee ia mai la ka lokomaikai o na kaikamahine  puukani o ka moana me na mea ai hihiu kupanaha o na ano a pau, aia ma keia papaaina, ua hoea mai la na kupua a pau o ke kai me na hiona like ole o kekahi poe wahine maloko o kela @ nui poepoe hohonu maloko o ke kai, aia hoi, ua hookaawale ia he wahi okoa me ke ano pahaohao ke nana aku ka ui opio malihini, a he like ole no hoi na kulana me ka nani hihiu o ka Hoone o kona kaikunane, kahi hoi a kona mau haku alii lani e nohe ala iloko o Ihikalani hale.

       O keia wahi i hookaawale ia ai maloko o ua lua ala.  Oia no kahi o na kaikamahine ‘Pukolu’ oi kelakela o ka moana, he poe aiwaiwa hoi lakou a pau ma ka maua kupua, a ua lewa ia lakou na ike ma na ano a pau o ke kai, aole he mau wahi i koe ia lakou ma ka moana, ua huli ia e lakou na wahi poliuliu a me na kuono a pau o ka papaku olelo o ke kai, a he poe ahikanana hoi ma kekahi mau aue a pau a lakou e makemoke ai e hoohana aku, ua hanau mai keia poe kaikamahine i olelo ia he poe hanau ‘Pukolu’ mai loko mai o kela wahine i loaa mua ai ia Makanikeoe ma ka lua o kana huakai no kaua oia hoi, kela wahine nana i hoomalamalama o loko o ke kai o Hinalaulimukala me kana kane o Kanepililoa.  O laua nei na kupuna aumakua o na ia kupono i ka oihana lapaau a ka poe kahuna o ke au kahiko, a ke mau no ia wahi aweawea ia kakou a hiki i keia la, e kala iho o ka mea heluhelu, ke manao nei ka mea kakau, i na no paha e mau na alii a me ka lahui me ia ano.  I na no ke pii mahuahua nei ka lahui me ka loaa ole i na mai ino he nui wale a na haole i lawe mai ai.

       Ua ike ia ia mea ma ka moolelo o Kapena Kuke [Lono] a mailaila ka omaka ana mai o keia mai weliweli Lepera, nana e omo nei i ka lahui iloko o ka make e noho mai nei ma Kalawao a me Kalaupapa, oiai, o ka Maialii e hookae ia nei e na lahui a pau, ua nele na ike akamai o na kauka haole, a ua nele pu no hoi me kakou.

       I na paha i loaa mua keia mai i ka wa kahiko, i na ua komo iloko o ka papa kuhikuhi mai, a me ka papa laau a Kuauau: no ka mea, he oi aku ko lakou ike a me ka noeau, a ua kapae aku nae ka lahui ia mau mea, mamuli o ka huli ana o ko lahui i ka hoomana Kristiano a na haole i lawe mai ai, o keia mau lapaau ana a ka poe kahiko me ko lakou mau laau, i na aole e kaomi ia e ka mana o ke kanawai me ke ano hoopunipuni ole i na ua palekana.

       Nolaila, ua kapa ia keia mau Aumakua e ka poe lawaia o ke au kahiko, “Kahaleokaia.”  A ua hanau mai hoi ka laua hiapo o Hinalau leo, he kaikamahine.  A o Hinahelelani kona hope aku a o Hinakaunaoa, ko laua muli mail.  A oia ko lakou mea i olelo ia ai.  He poe haha ‘Pikolu.’  He poe mahae keia o ko lakou mau kino ano lau, he poe kaikamahine oi aku no hoi keia o ka ui a me ka nani nui wale a kai no la hoi.  Ua pau loa ka ui i ka mea nona keia nanea.  Eia no ka hoi ua mau nani i ka moana kahi i noho mai ai.

       A ma he mea la no loko mai no paha o keia ohana kupua kela wa Hiuia e olelo ia nei e ka poe holo maluna o na moku.  O ka mua o Hinalaulea, ua olelo ia oia o ke ‘lii wahine nui o ka moana, he ‘lii wahine oluolu keia i na mea a pau ana e ike ai, a o Hinahelelani, ua kapaia oia, o ke ‘lii wahine o na lani ekolu o ka lewa.  Ua hiki iaia ke ike i na mea a pau ma ka lewa a i na oia e manao e pani i ka malamalama olinolino o ka la, ua poleele ka Honua nei a pau, a i manao oia e hoano e i na ao opua o ka lewa, ua ko no e like me kona manao.

       A he wahine oi aku no hoi keia o ka mana ma na ano a pau loa, a oia no ka helu ekahi oia ohana o ka ui nohea, a o ka mea e hookaha aku ana i kona ui me ka lihi kokoke ole aku, e lilo ana ia he mai nui nonaa a hiki i kona hopena, a e Hinakaunaoa hoi ko laua muli aku, ua olelo ia oia, o ke ‘lii wahine Kailiponi, a oia nei ke kumu o ka muemue a me ka awaawa a me ka mulea ma na ano a pau, o ka make emoole ana o kahi mea me ka leo ole, ua olelo ia he make Kailiponi, a he Kauikuokeahoaleleloa, a mai loko mai o keia kaikamahine na kino ano limu make ke ai maoli i kona kino, aohe mea e pakele iaia a he oi aku hoi kona huhu, aole he mea e maalihi ai, a no kona huhu i kona mau hanau mua, ua haalele aku oia i ko lakou home noho moana, a ua hahai mai oia ia Manewanewa, kekahi kaikunane o Kapo a noho ana ka lae o Pa-a, ma Moolea Hana Mauai, a o ka nalu.  A me ka wai o Kanewai, ka mea nana e hoonanea iaia i ka wanaao o na po i na ka mua eha e auau ai, a pau kaina auau ana alaila. Hoi aku oia e moe pu me kanakane ma ke kahua o ka Heiau o Kaukahaku, oia hoi kahi o na hale o ka Moi Kalakaua i make ia Auwae e noho nei.

       Aia kela limu make malaila, kahi hulu nui ai a hiki i keia manawa.  He kapu ka poe malihini akahi a hele ma kahi o kela limu i ulu ai a ke kiai ia nei no e ko laila poe kamaaina.

 

He Mau Palapala Kue

 

       Ua laha ae ua komo aku he mau palapala hoopii mai ka Moiwahine aku a me ka Hui Hawaii Aloha Aina i na Luna Aupuni Kiekie o Enelani, Amerika, Farani, Iapana a me Potugala, e kue ana i ke Kumukanawai Repubalika a ka poe i kioi ai i ke aupuni moi, no ke hoohui aina ana.  E kue ana keia mau palapala i ka hana a ke aupuni noho manawa, i hanaia mawaho aku o ka mana i loaa ia ano noho ana aupuni, a mahope aku o kona hoonele ia ana i kona manao hoohui aina me Amerika.  I ko makou manao iho he mau hana naauao no keia, oiai he kuleana no ko ka Moiwahine a me ka lahui Hawaii e waiho nei imua o ka Aha Hooponopono no na mea i hana ia ma Hawaii, oia hoi i ka Peresidena o Amerika Huipuia, a oia kulana hoopii ua hooia ia no e na luna hoomalu o ko kakou noho aupuni ana no ka manawa; eia keia hoopii ke waiho nei imua oia Aha Kiekie, me ka ae o na aoao a elua ma keia hihia aupuni, a ma ka nana aku ua aneane e puka mai ka olelo hooholo hope loa a ka Peresidena Cleveland, ka mana ma ia Aha, oiai ua puka aku ka manao o ka Ahaolelo o Amerika iaia, a o ka hooko wale mai no koe ma kona aoao.  O ke ano o na olelo hooholo, ua ike kakou, ua ae aku i ka manao o ka Peresidena, oia hoi.  Ua hoohole ka Aha Lunamakaainana e kakoo i ka ka Peresidena i hooholo ai oia ka mea e hana ia, a i keia manawa mai nei, ua hooholo ka Aha Senate e apono ana no i ko ka lahui kuleana e kukulu, malama a hookele aku i ko lakou aupuni e like me ko lakou makemake me ko Amerika kuleana ole e akeakea mai.  Nolaila, malalo o keia mau kumu, ua ku ole keia mau ha na a ke Aupuni P. G., e hana nei, ma ke kanawai a ma na rula maa mau o na lahui a me na kanawai mawaena o na aupuni, i ka pono a me ka mana i lawe ia e lakou ma o ka mana kaua mai o Amerika Huipuia, a no ia kumu ua kupono loa ko ka Moiwahine, oiai Kona kulana moi aole opio, a me ka Hui Hawaii Aleha Aina, ma ka aoao o ka hapanui o ka poe koho balota o ka aina nei, e waihe aku i keia mau hoopii imua o na aupuni nui o ke ao i kuleana ma ke kuikahi me kakou, e kaua i ko lakou ike ana i keia mau hana kukulu aupuni mau no Hawaii, a hoike mai ka Peresidena o Amerika Huipuia i kaua olelo hooholo hope loa ma ka maa i waiho aelike ia aku imua ona.

       Ua hauoli makou i ka olelo ae, e like me ka makou i ke mua ai, malalo o na noonoo maikai ana, aole e hiki ia lakou a pau ke ike i na hana a ke aupuni P. G. ma ka lakou e manao nei e hana ma keia mua aku, ma na ano a pau e hooi aku ana mawaho o ka mana noho ana hooponopono a hoomalu wale iho no i ke aupuni o Hawaii nei.  A hiki i ka loaa ana mai o ua olelo hooholo ‘la a Peresidena Cleveland.

       Hookahi mea maopopo ia kakou ma na mea a pau a Cleveland i hana ai a i kamailio oihana ai, ua hooholo oia e hoihoi i ka Moiwahine a me kona aupuni e like me mamua, a ua apono ia no hoi kona manao pela e ka Hale Makaainana me ke keakea ole ia e ka Hale Senate.  Nolaila he mau kupaka wale no ikeia a ke aupuni P. G. mamua o kona lele loa ana.  Ua maopopo aia ka pono ma ka aoao o ka lahui Hawaii.

 

He Puu Dala Nui

 

       Ua hoike ae kekahi nupepa o Chicago he $50,000,000 ka nui o na dala i hookupu ia i dala kipe i na Luna o ka Ahaolelo o Amerika Huipuia.  O keia puu dala nui na na hui hoomaemae ko, a mawaiho aku o keia huina he chiku a ewalu miliona ka nui o ka kala haawi mau o ka makahiki e hoolilo ia aua no keia hana.  Ua olelo ia o ka hana kipe kekahi o na hana nui i oi aku ma Amerika mamua o na aupuni e ae, a oia no ka mea e ike ia nei he hana kuluma a hiki ma Hawaii i ka lahui Amerika.  Ua hele keia mea a komo iloko o ka hana a ka hoomana a ka Papa Misiona o Amerika o ka Hoomana Hoole Pope.  Ma na kahu o ia hoomana ma Hawaii nei.  Ua hoolako ia keia puu dala nui a ua lioolilo ia i na Luna Kau Kanawai o na Hale elua o ka Ahaolelo o Amerika.  O keia ka hana nana e alailai ia Peresidena Cleveland a me kona Aha Kuhina e hana i ka pono, i ka wa a lakou e ike ai he kupono ke hanaia.

       He hana kuluma keia i ka eiwa hapaumi o na Amerika, a pela no lakou ma Hawaii nei.  Ua hana ia mai keia aina ma na ano lehulehu, ma na hana kokua ana, manawalea ana, hoahaaina ana, kokua ana i na ohana, a pela aku.  Ua hooliloia ka ekalesia i ipuka e onoonou ia ai ke kanaka e pili wale.  Nui na kanaka i komo i ka hoahanau o na hoomana Kalawina, a ua Amerika, e like me ko Kaukeano a me ko Kawaiahao ma ano, i komo no ka waiho ia mai o ka loaa hana e loaa ai ka ai a me ka ia e lilo he hoahanau.  Ma ka hana kanawai hoi, he ukuia kahi e ai ai, a e moe ai, a me ka manawa o ka poe i koho ia, e laa ka Eagle House, a pela aku, a me ke kipe ia ana mai i ka oihana loio no na mahiko, ua makana eke kopaa i na lu nakanawai, he nui wale aku.

       Aka, o keia heluna nae a me ka hana i hana ia ai ma Farani no ke alanui oki o Panama, na puu waiwai nui i hoolilo ia ma keia ano hana.  Aole nae keia, he mea ike nui ia ma ua ano aupuni moi, aia wale no ma na ano aupuni repubalika.  A no ia kumu ke ike mai la no kakou i ka popopo o ka hana a kekahi lahui, mamuli o ke ano o ke kalai aupuni repubalika ana.  Aole e lohe ia kekahi hana kipe e like me ia e hana ia nei ma Amerika.  A aole no he mea kamaaina ia hana i ka poe Beritania.  He inoa lahui ko lakou no ka hoopono a me ka hana kaulike.  Nolaila, ike ia ka mokuahana a me ka ulu o na uluaoa a me na anake ma Amerika.  A me na aupuni e ae o ia ano, aole nae ma na aupuni Moi.  Pela aku ana no ma Hawaii nei ma keia mua aku i na e ko ka hana a ka poe hana i keia mau ano hana.

 

He Nupepa Wahahee!!

 

       O ka Holomua ka wahahee a me ka hoopunipuni loa, ke ao hewa a me ke alakai lalau nei i ka Lahui.

       Ua hoike ae ia nupepa ma ka pule i hala aku nei:  “Ua hoolei ia ka Palapala Hoopii a ka Hui Aloha Aina e Kuhina Willis.”

       E hiki anei i ka Lunahoopuka o ka Holomua ke hooiaio mai i ka oiaio o ia olelo?  Ke kai aku nei ka Hui Aloha Aina ia oe e hoolaha ae i na hoike no ia kiola la ana imua o ka Lahui.  A i ole, he hoopunipuni opu lokoino kou.

       O ka Hui Aloha Aina ke hana mau nei i na mea e pono ai ka Lahui ma ka mea pili i ka ninau o Hawaii nei, auhea ka ka Holomua?  O ka hoomokuahana oia ka hana a ka Holomua a me kona Lunahooponopono; Oiai ma keia pule aku nei, ua hoopuka ae ia nupepa i na manao kukala akea, e hoopio ana i na manao o ka Lahui ma ka olelo ana, ua haelele loa mai ke Aupuni o Amerika na kakou e hana no kakou iho; a e hoike ana i na manao hoinoino i na hana a ke Senate, a pela aku; a mahope mai nei, ua lauwili iho la a pelukua hou ka Holomua, a olelo hou ae la, ina e noonoo pono ia ka olelo hooholo, alaila, aia no ka pono ma ka aoao o ka Lahui Hawaii!

       O ka Holomua ka nupepa i hoike ae i kona waihooluu, he Holohope, a he holo muhee, e lauwili mau ana imua a i hope, i o a i anei me ka nana ole i ke kumu e hoopaa ai i ka manaolana o ka Lahui Hawaii, aka he hookuee mau kana hana.

 

Ua Nee Ae

 

       Ua hoonee ae ka mokukaua Amerika mai kona wahi i ku mua ai a ma kahi i haalele iho ai o ka mokukaua Iapaua, i holo aku nei, ma ka aoao ma Ewa o ke awa.  Mamua o ka nee ana, oiai ua ano o keia mau hana, ka hana ia me ka pa leo ole ia aku o na hoa mokukaua, e like me ka rula maa mau, nolaila ua ui aku la ka Beritania.  Ua hoike ia mai e hoonaue wale aku ana no e like me ka mea i ike ia.  Ma ka hoomaopopo aku, he mau hana houpuupu keia i hope e wale aku hoi keia poe naau kuke hewa e noho mai nei i ko kakou awa, e like me ka lele ana mai e paikau ma na alanui o ke kulanakaule nei, me he la he kaaua kaua a he kula paika@ na alanui piha kanaka o Honolulu nei.  Aka, ua pahua ka manaoio e noho pee poli ana iloko o na Amerika e ku nei ina ko kakou awa, oiai ua kuleana like na aupuni nui a pau malalo o ke kuikahi, a hiki ole hoi i ko uka nei poe Amerika poolua ke ae i kekahi a hoole i kekahi, me ka loaa ole o ke kumu kupono.  Ua maopopo loa ke lele mai kekahi o lakou, e lele like mai ana na kanaka o na mokukaua a pau, me ka nana ole i ka papa kolohe a manao hoopunahele paha i hekahi mamua o kekahi.

 

HOPU IA ME KEKANAWAIOLE KUE I KA PAUKU VI MOKUNA XXXXIX K. KARAIMA

 

       Honolulu June 23 hora 4:40 p.m. ua hopu ia ka mea nona kainoa malalo iho e Nohunohu makai, me ka maopopo ole o ka hewa i hopu ia ai, eua makai ala; a eia kahi moolelo pokole.

       Hora 4:30 p.m., ua ulu ae he hoopaapaa mawaena o kekahi mau mea i mare ia, no kekahi kaikamahine uuku, nona na makahiki 5 a oi.

       O ke kumu o keia hoopaapaa ana oia no ka olelo ana o ke kane e hoihoi i ke keiki me ia, a e hoole ana hoi ka wahine, a e olele ana oia (wahine) oia ke mea kuleana oiai nana i hanai a nui, a pela aku.

       I ke la wa nae a laua e hoopaapaa ana, ua hele aku au e hookaa wale ae ia laua, a mahope oia manawa ua ulu ae he hakakamawaena o ke kane mare a keia wahine, me Paakiki k. a ua kii koke aku la au e hoopau i ke la hakaka, a i ka hemo ana, ua lele mai la o Paakiki a hoao mai la e hoaha ia’u, iloko o elima kui ana, aka ua pale se la au no’u iho, me kou hoao ole e iniki aku iaia, a hiki wale i ka wa a Nohunohu makai, i hopu ai ia’u.

       Ua ninau aku la au ia Nohunohu makai, Heaha kou hewa?  He hakaka lua wahi ana i pane mai ai.

       Heaha ke ano o ka hakaka lua? 

       O! hele ma ka halewai, wahi ana.

       Ua ninau aku au iaia, ma ko wai inoa oe e hoako nei e hopu ia’u, me ka maopopo ole o ko’u hewa.  O! hele ma ka Halewai, oiai, ua hakaka lua olua.

       I ka hiki ana i ka Halewai, ua hoike ia aku ka lohe ia Lutanela Holi ia Paakiki, auhea kou papale?

       Eia, a kau ae la i ke poo.

       Ua ona anei oe?  Wahi hou a ka ninau.

       Aole au i ona.

 

Hale Kuai Lako Hale Nui!

 

E Hanaia no na Lako Hale o na ano a pau

Na Lako Hale i Makaukau mua mai na Aina e mai.

Na Bela Moe o na ano a pau.

Na Moe Oka a me na pono Lumi Moe e ae o ke ano hou loa o ka

HOIKEIKE NUI O KIKAKO.

Na Uluna Hulumauu i uhila me na pale Silika o na ano like ole a me na Ulula Mauu

O Kela a me Keia Ano

Na Pela Moe Lauoha, Lumi, Huluhipa, a me na Bela Moe Mauu i makaukau mua i na manawa a pau

Na Noho o na Ano a pau

He mau noho hoolimalima me kekahi no na anaina hoolauloa a ahaaina paha, he oluolu loa ka uku hoolimalima

He oluolu loa na @ o na pono lako @ o na ano a pau e @ nei maloko nei o ka maua Hale Kuai.

Ordway &  Porter

Alanui Hotels ma ka Hale Pohaku e @ @@ o la Mele @@

Telepona Bele @                               Telepona M@ @

@@@

 

       E holoholo iho ana oe maanei a puka aku waho?

       Ua hook@ aku a Paakiki i ke kauoha, a puka aku la a hoi loa; a no’u iho aole he hua ninau; aka ua puka mai no au a hoi loa.  O ko’u manawa maloko ua keeaa la he 2 minute me 25 sekora.

       Ma keia ke haawi aku nei au i ko’u mahalo ia Lutanela Holi, oiai aole oia i pupuahulu i ka hoopaa ana me ka minau mua ole; a o ka makai nana au i hopu ua hemahema loa oia i ka hooko ana i ke kanawai.

       E nana i ka Mokuna 49 Kanawai Karaima, Pauku 6, a a mua ia pauku, ua hoakaka pololei ia ke ano hana a ka makai e hana ai; aka, i ko’u hopu ia ana, aole au i lohe, aole i mahui.  He leo la hoi kekahi o keia makai e hoike ae ana e like me ka makemake o ke kanawai, aole, aole loa no.

       A nolaila, he mea pono e ao i ke kanawai, i ole ai e hubewa ka hopu ana.

 

Kou Oiaio

D. M. Punini.

Honolulu , Iune 23, 1894.

 

Nui na ohua kamaaina i hela aku no Kaleponi ma ka Poaono o ka pule i hale.

Eia mai Ka Leo ke oili akula me na nuhou ano nui e, pili ana i ke kakou aina, a na oukou ia e kaana aku e na hoa’loha.

Ua lohe mai makou, e mauliawa aku ana ka, ka Hawaii Holomua puka la, a pela aku ana no ka ka Hawaii Holomua puka pule, o ko makou lohe keia.

Ua nonoi mai o D. H. Hikikoki o Hilo, i ka Aha hana kumukanawai, e hookuu loa ia aku oia mai ka noho ana he hoa no ua Aha ia, mamuli o ke omaimai.  ‘Ao no ke koa, ao no ka holo.

Ma kekahi Leta mai Hilo mai, e hoike ana, ua kipaku ia kekahi makai o Hilo, i keia mau ia mai nei, ua hoohiki, ua kono, ua P. G., a kipaku ia no nae, aloha ino no ka hoi oe.

Hauoli mau ka manao o ka Hui Aloha Aina, a he mea maopopo, aia ka lanakila ma ka aoao o ka Lahui Hawaii oiaio, a o ka poe kumakaia hoi, aia ma ia aoao ka hapakue, a me ka poino e hiki mai ana.

He poe Amerika no anei koe o Hawaii nei, ko manao nei makou, aole, oiai ua lawe lakou i ka hoohiki kue i ke Aupuni Hawaii, mamua o ka puka ana mai o ka olelo hooholo a Amerika Huipuia, no ka ninau Hawaii, a ma ia ano, aole Amerika i koe?