Ka Oiaio, Volume VI, Number 23, 8 June 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

 

J.E.BUSH. Lunahooponopono.

J.K Penikalaka, Puuku.

 

PAOLIMA IUNE 8, 1894.

 

HE MOOLELO KAAO HAWAII

NO

LAUKAIEIE.

 

Ke Kino Kamahao Hoko

O KA

Punohu Ua-koko.

 

Ke Kahulileole'a o ke Kuluamoe o na Pali

o

Waipio Hawaii.

 

Un@hiia e Mo@e Manu no "KA LEO."

 

Ka lealea hope loa a na kaikamahine o Kauai me ke kaikamhine ahi Kalehuamakanoe Haule oia    me Hiilawe. Kona naauauwa ana i ke alhoa a hiki i kona makeana. Lilo o Kaulaaihawahe        malalo o ka Laukai0ie malama ana me Makanikeoe. E like me ka manao o Laukaieie.

 

Iaia e noho ana me kona makuakane, ua olelo aku la oia iaia e ae mai iaia e iho i kai o Pakaalana a hoi mai. ua ae koke aku la kona papa e hele no hoi a pau ka makemake alaila hoi mai.

            Ua ae koke aku la kana keiki me ka hoihoi, a o ke ku ae la no ia hele ana.

            A iaia e iho awiwi nei no kai. ua loaa no ia Kaulaaihawane he manao haupu ao kana kane, aole oia ma ka hale ia wa, a oia ka kona mau waimaka i hoopulu iho ai i kona mau lihilihi me ka ike ole mai o kona makuahonowai.

            Ia Hiilawe nae i hoea aku ai i kai ua ike ia mai la oia e Pupukaioe a me na mea a pau e noho ana ma Pakaalana a me ka poe o Kauai a me ke kaikamahine alii Kalehuamakanoe.

            A nona hoi ka leo mua i pane mai ma ke kahea ana mai. a oia ka ua ui nei o uka i heno iki iho ai kana aka, oiai o kailina hoi ia o kona manao.

            A ma kona ano he keiki oia i like me kona kaikuahine Laukaieie ka helu ekahi oia mau la koliuliu.

            A iaia i hiki aku ai, ua hele aku ola a noho pu me ke kaikamahine ahi o Kauai. oia hoi o Kalehuamakanoe, ka mea nana i hoinoino i kona noonoo maikai.

            A i kona noho pono ana iho. ua nee aku la oia a pili me ka eha a ka manao. a h@ne iki iho la kana wahi aka. a ua ohohia mai la no hoi na makua a pau me na kaikuahine o lakou.

            Ua ninau mai la o Kaohaiula ia Hiilawe no kana ahi wahine.

            Aia no iuka me mama, i aloha mai nei no ia oukou a pau loa.

            Aliu wale hoi ko ia neinoho ana ua panee ia mai la na mea ai a pau malalo o na lawelawe ana a Maohelaia me Kai lohia na hueu o Maunaloa.

            Mahope iho o ka ai ana, ua onioni ae la na manao a pau o na kaikamahine la o Kauai me ko Waipio mau kaikamahine e hele i ka auau kai makai o Ahaula.

            Ma keia hoolala ana no ka auau kai, ua komo aku la o Hiilawe me Kaana. a ia lakou i hiki aku ai malaila (Ahaula), he mea mau no ka poe kahiko ka malama ana i ka papa heenalu, a ua lawa like na poe a pau i ka papaheenalu.

            I ka au ana o na mea a pau a hiki ma kulana heenalu, ua lilo ka pae ana o ka nalu mua ia Kalehuamakanoe me Kaohaiula.

            A ia laua i pae aku ai, ua nui ka uwauwa ia e ko uka mai poe, e like no hoi me ko ano o ia hana lealea o ke au kahiko.

            No Hiilawe hoi me Pupukanioe eia no laua ke lana nei ma kulana heenalu. no ke kali ana i nalu no laua e pae ai.

            A ia laua no hoi e lana ana, aia hoi. ua hoea hou mai la ka ua no hea o Kauai ma no @a@a nei wahi e lana nei.

            Iaia i hiki @ku ai malaila, ua pane aku la oia i ka huaolelo o ka maikai i ka i ana aku:

            Auhea oe e ko makou kaikamahine o Kauai, ka mea nona @a nalu o Kalehuawehe. a ilaila oe la ike iho i ka hana o nei mea he heenalu he hana hooheno waluwalu ili, no laila, eia ka papa i ko kuahine, aole ou mea nana e olelo mai; no ka mea, na makou oe a mau loa.

            I ka pau ana o keia mau olelo a ua ui nohea nei, ua au aku la o Hiilawe a kau pu ma ka papa hookahi. oiai, he makaukau loa o Hiilawe ma ia hana lealea.

            Ia laua e lana nei. ua ku palua mai la aa nalu me ka halehale nui; a oia ka ua nohea la i pane iho ai i kona hoa heenalu.

            E paa oe i ka papa me kou ikaika o hemo oe mai a'u aku a lumilumi ia oe e ka nalu a pilikia oe.

            I ka pau ana o keia mau olelo ua hoomaka laua e pae, ma ia pae ana o laua. ua haawi mua iho la o Kalehuamakanoe i ka hoolaa ana i kona iho ia Hiilawe.

            Ma ia honi ana o ua nohea nei o Kauai me Hiili. ka hoomaka ana o na iini e hookeia mahope aku, a ua kapa ia ka inoa o ia wahi nalu o Hui. e pili aka me Ahiula makai pono o Pakaalana ma Waipio.

            Ma keia pae ana o ua mau nohea nei, ua pae mai la na poe a pau mahope o laua, a ua hoomau ia ka heenalu ana a hiki wale i ka aui ana o ka la.

            Ma keia hoomau ia ana o ka heenalu, ke hele wale ala ua mau ui nei a kuhe ka ili i ke kai. a ke kuwili mau la ua mau ui nei.

            Ma keia mau hana a laua, aia ke ike wale ia mai la e na poe heenalu, a ua komo mai la na manao hoohuoi no na mea a pau.

            Oia mau hana nae a pau ua ahuwale loa laua ia Makanikeoe. oiai. aole oia malaila ia manawa, aia no oia mauka o ko Laukaalele ma wahi e noho ana.

            E like no me kona ano mau he kiu ahailono mawaena o ko lakou noho ana, aka, ua hiki no nae i kona mana ike ke kilohi ma na wahi a pau o Hawaii a me na wahi mamao a pau.

            Ma ia ike ana nae ana, aole oia i puai ae kona manao a lilo i mea nana e kamailio wale aku ai, aka ua uumi malie oia a hiki i kona ike maka ana.

            Mahope iho o ka pau ana o ka lealea henalu ana. ua hoi aku la ua mau ui hooheno nei no ka hale meko lakou poe a pau ma ia noho ana, ua papa wahi leo iho la ua mau nohea nei e like me ko laua mau manao e hakukoi ana iloko o ko laua mau puuwai. a e hookoia hoi e like me ka laua i iini nui ai.

            I ka manawa a ka la e koili aku ana i ka ili kai. ua ku ae la oia il@na a haawi aku la i kana olelo ho pe i na mea a pau o ka hale.

            Eia au ke hoi nei, o ke aloha no ko oukou a pau.

            Ae, wahi a ke kaikamahine alii o Kauai a me na poe a pau o kai aloha aku ia Kaulaaihawane.

            Pau keia mau olelo ana huli aku la ua Hiilawe nei hoi no kona home noho kuahiwi. a iaia e hoi malie nei a hiki i kahi i poeleele ai a nalowale ka ili o kanaka, ua huli hou mai la oia no kai o Pakaalana me ka awiwi nui.

            Iaia i hiki aku ai ma kai. aia no hoi he nui na kanaka e maaloalo ana me ka noho mai no o ka poe kiai mawaho o ka hale alii.

            E like me ke mea mau i na alii a ia Hiilawe nae i kokoke aku ai malaila, me kona ike ole ia mai e kekahi poe e ae, aia nae, ua haupu mua ae la no ua Kalehuamakanoe nei, me he mea la ua hiki mai no o Hiilawe i keia manawa.

            Iaia e hoouluku ia ana e keia mau nono, ua puka malu aku la oia mahope o ka puka pakaka me ka ike ole ia mai. o na kahu ponoi wale no ka mea ike, aole hoi e puai ae ko lakou leo i na he manao huna kai loko o ke alii.

            Pela no o Kalehuamakanoe i hana ai ia po. a iaia i kaawale loa mai ai, ua nana ae la oia ma o a maanei. e ake ai a e i@e i kana mea i manao ai a hoomaka aku la e hokiokio liilii me ke ano malie,

            Oiai oia e hana ana pela, aia hoi ua hoomanao iho la o Hiilawe aole na kekahi mea e ae kela leo hokiokio ana e lohe nei. na kana mea no i kau nui ai kona manao, nolaila ua pane mai la oia me ka leo nanahe loa.

            O oe no ia e kuu aloha, ka mea hoi nana i hoauwana mai nei i kuu kino mai kela uka mai.

            Owau no hoi keia, ka mea nona ka ihu i haawi aku ai ia oe ma ka ili kai, wahi a Kalehuamakanoe a he wa maluhia hoi ia no ke kula, aohe lele Pueo.

            Ia manawa ua pane hou aku la o Kalehuamakanoe ia Hiilawe.

            Ma ko kaua ano he mau kulana aiekie e like me ke kulana o kou haku kaikuahine Laukaieie, a pela no hoi kana kane ko'u haku kaikunane. nolaila, aole kaua i kupono ma keia wahi, e hoi no kaua i ko;u home.

            Pehea auanei au e nalo ai ia Kaohaiula ma a me na mea a pau oloko o ka hale? wahi a Hiilawe i pane aku ai.

            Olelo hou aku la o Kalehuamakanoe, na'u e imi i kou wahi e nalewale ai.

            I ka pau ana o keia mau olelo ua hele aku la laua a hiki mawaho o ka hale. pane iho la ua ui nohea nei ia Hiilawe, e noho malie oe mawaho nei a puka hou mai au.

            Ua ae aku la ua keiki nei o uka o Ulu, me ka manaolana no kana mea i upu ai, o ka halawai o ke Kila me ka Paea.

            Ma keia komo ana aku la o ua ui nei. ua halawai aku la oia me kona mau kahu poni a hai aku la he malihini kana oia po. aole no lana e kamailio wale aka i ko lakou poe a pau, a ua ae na kahu ia mea

            Ia manawa koke no ua lawelawe ia kona wahi me ka maikai. a ua hookaawale ia laua na kahu ma kahi okoa e ae oloko o ka hale.

            I ke kaawale ana o na kahu ma kahi okoa, ua kii mai la ua eueu nei o Pihanakalani ia Hiilawe mawaho a komo aku la iloko o ua hale nei me ka ike ole ia mai.

            A ia laua i hiki aku ai ma kahi i hookaawale ia no laua. ua noho iho la laua a liuliu, ua hoolale aku la o Hiilawe no ka hoohana, he ae walo no hoi ka ke kaikamahine o Kauai, ia manawa ua hoo@nene poiho la ua Kalehuamakanoe nei ma kahi o "kau ka uluna o Welehu ka malama." a i ane like me kela ma no elele o ke'lii Kamohealii o Kahoolawe, oia o Hoolalekaimu, mahiki na Iao. ku na waa o ua mau eueu nei i ka lepo.

            A me he mea ala, e hoopunana iho ana ka manu i Haili, wahi a ka poe hula. a oiai ua mau nohea nei e wili ana ke au me ka Puahio hio ia laua i kela manawa, aia hoi, aole no he mau hoomanao ana'e ilo ko o laua ia mau setona, aia he mea nana e ike mai i ka laua hana ana. aia mae, ua ahu wale laua i ka ike mana o ke keiki aiwaiwa nui wale o ua awawa la o Waipio, ka eueu hoi nana i kaapuni na moku a me na kai ewalu a me na makaneha o keia Paeaina, a aole hoi oia wale no ua makaikai pu ae no oia i na paia o ka lewa nuu me he manu ala e lele ana iloko o ka lani, a oia no hoi ka hiki mua loa nana i olali aku oloko o ka hohonu lipolipo a me ka papaku o ka moana nui kai hohonu e waiho mai nei. a ua ike oe e ka mea heluhelu i kana mau hena kupanaha he nui wale mai na helu mua ae nei. a oia kakaua e nana ae ai ma keia wahi o ka kaua nanea, a i waiho iki ae hoi kaua i ua mau eueu la e iho la i Waialua.

            I keia po a Hiilawe me Kalehuamakanoe e heihei la ko laua mau kino me he mau lio ala no ke ka hua kakelekele lio, a oia paha keia mau wahi lalani mele la:

Akahi hoi au a ike la

Na lio kakele i ke kula la

Elima kahu nana i holo la

Holo aku i ka pahu heihei la

Eo i ka ahina puakea la

Ua @hu Anemau i ke kula la

Aohe kahu e laka ai la

Ua lilo i ka manu aukai la

Aia i ka lae o ke Kala la

E kala kahiko i au wale la.

            Oiai, ua Makanikeoe nei e noho pu ana me kona kaikuahine haku alii lani mauka o Uli ma Waika ua ike mai la oia i na mea e hana ia la e ke kaikamahine alii o Kauai me kona hoahanau me Hiilawe ma kai o Paakaalana ia po, nolaila. ua hu mai la kona manao aloha no Kaulaaihawane, ka mea hoi ana i kapa iho ai i ka inoa o kona kaiku ahine ponoi o Pupukanioe elua, a e like me kona ano mana, ua ahuwale iaia na mea a pau ma kahi ma mao. nolaila, ua hai aku oia ia Laukalele e hoi ana oia ia po. a ua ae ia mai.

            Ia Makanikeoe i haalele aku la ia uka o Uli, ua pupuu a hoolei loa hiki ana keia imua o Koaekea. a oiai no hoi oia e ala mai ana, ua kiei aku la oia mawaho o ka puka o ka hale. me ka ike ole mai o ka mea hale iaia nei [Koaekea] aia nae keia ke halo aku nei i ka nana ana ia loko, oiai no oia ua ike ma kona ano mana, aia o Kaulaaihawane me kona makuahonoai.

            A oia kaua i ninau aku ai. o oe wale no ka ia e noho nei i ka hale nei.

            Ae, wahi a Koakea.

            Auhea o Hiilawe me kana wahine?

            Ua pane aku la o Koaekea, aia i kai. a o ka wahine hoi a olua, aia iwaho me ka makuahine o oukou kahi i noho ai, oi kali aku nei, aale he hoi mai o ke aumoe no keia.

            No keia mau olelo a Koaekea, aole ua Makanikeoe nei i pane aku ua nalowale koke mai la oia ia manawa, e like no me kona ano mau ho kino papaloa.

            Ua hala aku la oia ma kai o Pakaalana i ua po nei, iaia i hiki aku ai maloko o kahi noho o ke Kaikamahine alii o Kauai, aia hoi. ua loaaa pono aku la ua mau lawaia nei. ua mau ka upena o ke koa, a me ka leo malie o Makanikeoe i pane iho ai.

            E Hiilawe, o Kaulaaiwahane no auanei keia wahine au e moe pu nei?

            No kaia leo ninau maluna pono iho o ua mau ui nei, he mea e ka puiwa me ka hikilele o Hiilawe no keia leo ninau me ka maopopo loa, aole hoi he leo ona i panee, oiai, ua piha loa ia oia i ka haalulu.

            A me he mea la e i mai ana keia mau wahi lalani mele hooheno ia oe e ka mea heluhelu e puana aku ma kela ike pono ana a Makauikeoe i ua mau o ahi ala o Kamaile, e hele uluulu ana ke ahi a me ka momoku, a oia paha keia la.

Ua noho Kapena oi ala

No na ona kalele muku

Na sela ka'u ike aku

I ka hi-o i ka oneti.

            Ua palua keia leo ninau i ua mau nohea nei, ua ala ae la o Hiilawe a oku@ iluna, aka, o ka ui eueu o Kauai. aole ona wahi ano hopohopo no keia leo ninau no Hiilawe, oiai ua lohe pono oia, o Maka nikeoe no.

            A oia paha keia mau lalani mele la e pili ana i na mau eueu ala.

Ke owe mai nei e kaua

Lihau i ka weleiau pali

Ka hikina mai a ko aloha

Hoopumehana i ko poli

Nani wale au e ike nei

I ke kiowai kapu o Hai

Moani lehua i Hiilawe

I hanua mei e ke kehau

Kaua i ka wai o ke opu

Wai hoonanea a na manu.

            He mea oiaio no, ua nanea ua mau eueu ala, aka, ua pane ae la no nae ua ui ala o Kauai me ke ano wiwo ole o ka makau a me ka hopohopo, a me he mea la e hoike mai ana kona he hoopono.

            "O ka launa ana aku i ka hewa, he mea ia e ino ai ka noho pono ana."

            A oia ka ua ui Ia i pane ae ai ia Makanikeoe.

            E ke kaikunane kane haku o'u nei. me kuu hoahanau Kaohaiula, ua pololei oe, ua loaa pono iho la au me Hiilawe ia oe, aka, aole no o ko'u waa ke nahaha ana i kooka ko ke kaikuahine wahine a olua, o ko ia neia waa no ko Hiilawe ka mea i lawe ia Kaulaaihawane i hoa kaa@ no kela uka kuahiwi kualono hoi, a he nani hoi paha ia, ooe wale iho la no ka mea i ike iho la @a maua. a oia ka'u e olelo aku nei ia oe me ka manao aloha, e like no me kou ano aole au a me ka nui o na mea a pau i hiki mai i Waipio nei me kuu haku Lani kaikunane Kawelo'naakalailehua ma o kekahi mea e ae, mamuli wale no ou makou a pau i hele mai ai mai Kauai mai. aole loa au iike ia oe ua hana makou a pau i kahi hana pono ole mai a oe mai, he hoike au me ka oiaio imua ou, a ua maopopo ia'u kou hoomanawanui ma na ano a pau, aole hoi e hiki i kahi mea ke imi a hahai aku mahope o kau mau hana kupanaha he nui wale, aole ma kou aina ma Kauai kahi mea e like me oe, aole no hoi ma na mokupuni a kakou i holo mai nei, ma Waipio wale nei no, aia hoi oe ko makou kamaaina nana e malama nei me ka lea ole, ma ia ano, e loaa ai ka noho maemae ana ma waena o'u a me Hiilawe.

            I ka pau ana o keia mau huaolelo nahenahe a ua ui nei o Kauai, ua pane koke aku la o Makanikeoe me ka leo malie.

            E kuu haku--e, e Hiilawe, aole auanei ua lawa iho la ka makemake, nolaila, e hoomanao oe, he malie a malino ke kai ke makani ole, aka, i na e ikaika ka @a ana a ka makani, alaila, e onioni no auanei ka ili lau mania o ka moana wai akea, a e hoea mai ana no auanei na ale nu@i ahiu o ke kai, me he mau pali ala ko lakou ano, me ka weliweli, me ka nui akamai wale no o ke kanaka e holo ana maluna o ka waa e pakele ai a hiki i kona pae maalahi ana. Pela no ka hopena mawaena ou a me ka wahine a kaua, aole o keia kuaua ua hala mahope, nolaila. o ka leo keia o ke maluhia e hoi kaua he mea iho ia mai no o kai nei no na hoku o ka Lani ka poe nana e ike e keia mea.

            I ka pau ana o keia mau olelo maikai a Makanikeoe, ua ku ae la ua keiki Hiilawe nei iluna me ka haawi ana aku i ka muki papalina hope loa no kana ipo aloha o ia po a iaia i eu ae ai e puka iwaho o ka hale me na manao luuluu, me he mea la e i mai ana keia mau wahi lalani mele:

Hoi luuluu i ke one o Hanakahi

I ka Pololuawahine o ka lua--e.

            Ma keia manawa i hao aku ai ka mana o ke keiki wiliwahiu o Waipio no na sekona helu wale no, ua hiki oku la laua nei no ka home noho mauka o Ulu. ka mea a Hiilawe i ike mua ole ai eia oia ke kiu ia nei ma ke alanui lewa, kahi hoi aole e hiki ole ai i kona mau kapuai ke hehi iho. e like me ka hele ana ma ka ili honua nei.

            Ma keia hiki ana aku la o ua Hiilawe nei imua o kona Papa Ko akea i ua po nei. ua waiho hou aku o Makanikeoe he wahi huaolelo pa@a iaia me ka oluolu, aia nae o Kawaha kai ae mai, aole nae pela kona manao o loko, a mahope o na kukai kamailio ana ma ia po. ua huli hoi mai la o Makanikeoe no kai o Pakaalana, a iaia i hiki ai malaila, aia hoi, ua lohe aku la ua eueu nei i ka leo olioli o ka ui o Kauai, me he ala e i mai ana.

Ahi wela mai nei loko

I ka hana a ke aloha

E lalawe nei i kuu kino Konikoni lua i ka puuwai.

 

            Ua hoolilo aku ua ui nei ia mau hora o ka wanaao i mea walaau na kona waha a hiki wale no i ke ao ana. a oia haawina like no hoi kai a Hiilawe ia po mauka o kona wahi mau. me he puhi la ka o@ iloko o kona puuwai. a he mea mau no hoi keia ua ike mau ia mawaena o ka poe e launa ana ma ia mea.

 

            E ka mea heluhelu, e kamailio kaua ma keia wahi no Kaulaaihawane me Hiilawe, no kana mau olelo imua o kana kane me ka pololei.

 

            Ia Hiilawe e noho ana me kona makuakane ma ko lakou hale ponoi, ua huli aku kona mau nanaina no kana keiki. a ua loaa hoi iaia he manao haohao hoohuoi, nolaila. ua ninau aku oia i kana keiki me ka leo malie.

 

            E kuu keiki, he waimaka aha keia e uwe mai nei i keia wa, heaha hoi ka manao maloko o kou kino?

 

Kauka Goto.

 

            Mahope iho o ka hoao ana o na Kauka haole ma o ka Papa Ola, e pauma mau i ka ike lapaau o Kauka Goto i na mai lepera ana i hana ai a ole, ua ae ia aku kana mau koi a pau a ua hoi hou aku oia e malama i kana hana i kukulu ai ma Molokai. Ua maopopo ia kakou, a me ka hoopili wale aku o na hana a ka Papa Ola, ua ae ia o Kauka Goto me ke kakanalua ia. aole me ka olioli maoli. a me he la o ka kumu o keia. no ka Iapana ana o Goto. He lahui lili loa na haole ke kaulana iki ae kekahi kauka o na lahui ilaila i ke akamai ma kekahi mea, e like me na keiki i hoouna ia ai e ao i na oihana kiekie. ma na aina e e laa ke ana-aina, a me ka lapaau ana. Ua ike no kakou i ke kauoha koke ia ana o na keiki Hawaii i hoouna ia ma na aina e e hoi koke mai mamua o ka loaa ana o ka ike piha ia lakou a ka mea a lakou e ao ana, no ka ike ia aku. ua hiki loa ke loaa me ka holomua o na oihana kiekie ia lakou opio Hawaii. O ka oi loa no nae o ka lili a me ka manao hu'ahu'a i na la hui e ae ke kaulana iki ae i ka ike, a me ka naauao, oia no na mamo misionari, a o keia poe kai hoao ia lakou iho ma na hana ma na aina e a me he la he hookahi wale no o lakou i puka pono, oia hoi o Kamuela Limaikaika. Aka, ua hiki ole loa i keia mau ano hana hu'ahu'a ke hoopuka loa ia ae ia Kauka Gog, no ia kumu i pio ai, oiai ua loaa na hoike lehulehu ma kona aoao e hoike ana i ke ola o na mai lepera i hoouna ia ma Molokai. a ua nui hoi ka oluolu o ka huina pau o na mai malalo o kana lapaau ana. Eia no kekahi, he mea wawa @ loa ia no hoi ke lohe ia ae i ke akea, ina e imihala wale ia o Kauka Goto. oiai ua holopono kana mau hana a ma ia mea e hoike maka ia ai na naau ekaeka o na mamo haipule hoopunipuni e waiho ana iloko o lakou e pili ana i ka lahui a lakou i kuko ai e nalo aku i ka make, i noho pono iho ai lakou ma ko na Hawaii wahi, maluna o ke one momona o keia aina, a e noho palaualelo ai ma ke ano he haku aina maluna o na lahui e ae no na mahiko a hana e ae a lakou i ike ai he waiwai ke loaa ana ia lakou. Ua pomaikai nae hoi ka lahui, ua paa hou iho la o Kauka Goto, aka, mai kuhihewa nae kakou ua loaa keia pomaikai mamuli o ka mano aloha mai n@ mamo haipule mai e noho mana nei ma na oihana aupuni. I ola kakou i ko ke Akua lokomaikai aole i ko kekahi o na kanaka o na alua e mai i noho malihini a noho olulo mai ma Hawaii nei.

 

KA POE I HOOHIKI O KA APAO WAIALUA, OAHU.

 

            O ka papainoa malalo iho nei, o lakou na kana Hawaii ma ka apana o Waialua, Oahu. i lawe i ka hoohiki e kumakaia i ko lakou aina hanau, a e kanu aku hoi i ka lepo maluna o na maka hala ole o ko lakou Moiwahine i aloha nuiia. ka mea nona ka hoomanawanui i hiki ole ke ana ia kona loa me kona laula ma ka mea ana loa, a e hunakele loa aku hoi ma na ano a pau i ke kukulu hou ana i ke aupuni Moi ma ko Hawaii Pae Aina. A o lakou auanei ke kau ana ka hoailona a ke Akua ma ko lakou mau lae, no ke kipi. ka hohe wale, ke ake oihana, a pela aku; e like me ka hoailona a ke Akua i Sila ai a paa ma ka lae o Kaina, ka pepehi kanaka mua loa. A e ili pu no auanei maluna o ka lakou mau mamo pakahi, mai ke kuakahi a ke kualua. ka hilahila. ka hoowahawahaia a me ka hoohenehene mau loa ia no ka hopena o ko lakou ola ana ma keia ao, e like me ke Kanwai a ke Akua i haawi mai ai ia Mose ma ka Mauna o Sinai, a iloko hoi o ka lapalapa o ke ahi. Eia iho ko lakou mau inoa a me ko lakou kulana pakahi:

            S. H. Kalamakee. he lunakanawai mamua a hoopauia, he lolo a he luna hooko mare i keia wa. o ia nei ka huelo loa o ka poe i hoohiki i ka wa e kokoke ana e napoo ka la, (i ka wa e paniia ai ka pahu balota), a pela i hiki ole ai iaia ke koho balota: aka no ke ake oihana nolaila, wikiwiki e hoohiki. no ke manao aku i kekahi mau makalua oihana e hakahaka aku ana. a pela oia i naku hele ai. a nui ana ka hana kiki ka hou imua o kekahi o na haole wiliko. me kona ukali no ia e uhaele pu ala. a nonoi aku la i ka haole wiliko e palapala i ke Kuhina Kalaiaina. e haawi mai iaia i ua mau oihana ala ana i kau nui ai. Oia nei no kai haiolelo imua o ka Hui Aloha Aina o Waialua nei. maloko o ka luakini Liliuokalani. ma ka la hanau o ka Moiwahine @kalani, Sept. 2, 1898; mahope iho o kona hoopau ia ana mai ka oihana lunakanawai ae, a me ka haule pahu ana o kana palapala noi e hoonoho hou iaia i lunakanawai. a penei kana mau olelo: "Ke haalele nei au i ko'u aoao mua (hoohui aina), a e hoi hou ana au i Aigupita." oia hoi, ma ka aoao aloha aina, a i keia la 2 hio la hoi o Mei. ua hoi hou aku la oia i ke ehu he Moi la. Ua i-ke-a na like me ka Ilio e hoi hou ana i kona lua a me ka ohe luli wale i ka makani. Na ke Aupuni Moi a me keia mau Moi no i hoohanohano a hookiekie ae iaia, a pela oia i ike ia ai o Sol. H. Kalamakee Esq. A i na aole na 'Lii. aole oia e ike ia. O ka uku iho la paha ia o ka hanohano a na alii i haawi mai ai iaia o ke kuha aku i na maka o ke alii. Heaha hoi kona lua e like ai?

            Ake S. Mahaulu: he Hope Luna Helu a Luna Auhau no Waialua nei, he ukali pilikino no ke Keikialii Kalanianaole, he hoa ai pu, ho ahele a hoa moe pu no na alii. a ua kamaaina oia imua o ke alo o ka Moiwahine Liliuokalani; aka o ka ia nei uku iho la paha keia la ia oukou na 'LIii, o ka hoohiki. i mea e pau ai ko oukou nohoalii ana maluna o ka Nohoalii o Hawaii nei. aloha ole no hoi. lokoino wale.

            Andrew Cox; he napahaole keia, he Hope Makai Nui no Waialua nei i keia wa. He paniola, he kumeka noho Italia, a he laikini @i@i kana mau hana mamua.

            John Kapua; he makai kiai halepaahao, he kuamakahiki mamua, ua kaku mua hoi i kona inoa ma ka aoao Aloha Aina, a i keia wa hoi. ua pii ae paha ka hanohano, nolaila haalele ke aloha i ka aina hanau, oia nei kai like me ka "Muhee."

            Kalani Keiki; he makai hou keia he pani no kekahi makai i hoopau ia. O ke keiki keia a S. F. Keiki o Waikiki-kai he poe kahu ponoi no keia no ka Moiwahine Liliuokalani. oia iho la paha ke ano o ka make i ka i'o ponoi, e like me Pamano. aloha ole no hoi i ka imo mai o ka maka o ke alii.

            Alfred Kaili; he kokua kumu ekahi keia no ke kula olelo Beritania o Waialua nei. he Kekauolelo no ka Ekalesia Hoole Pope o Waialua nei. he kaikoeke no ka Lunakanawai. a he hoahanau no John M. Kea, Hope Kakuolelo o ke Keena Loio Kuhina, i komopoo i ke puhi a me ka nau.

            Mokumaia; he makuahonowai keia no ka Lunkanawai, a makuakane hoi o Alfred Kaili a me John M. Kea, ua elemakule a ua makapo. O ka oihana heoa la k aianei i makemake ai, i kupono ai hoi ka hoohiki ana o ka wa elemakule? I luna nana paha no na ululaau Pitinolia o ke kahawai o Kawailoa? Ina pela, maikai no.

            Henry Wharton; he Luna Pa Aupuni, a ne Luna Alanui no Waialua nei, he kanaka kuonoono @keia; na kekahi mea e ae paha i alakai hewa iaia, e like me ka hipi kau-o e alakai ia ana e kona kahu i kana wahi i makemake ai.

            Kawaikumuole, Eperaima, Kauahi, Kealoha, Mahelona. John Mamaki. Sam Mamaki, Moe i a Pue a me Kenry Wharton L@e @ he poe kuamakahiki keia a ua paa malalo o na @ oolea ana a ko lakou mau haku. no ke kuikoa ole uo. ae wale puni wale; nolaila haule pu ana lakou a pau iloko o ka lua a lakou i eli ai no lakou iho. O ka mea nona ka inoa hope @ e he haole maoli ala oia ma kona inoa. a e koho iho ana no oe e ka mea heluhelu pela; aka, aole oia ka pololei. he kanaka Hawaii maoli no oia. a o kona makuakane ponoi o J. Luka, a o kona inoa pololei o Henry Wharton Luka. he hilahila paha i ka hoike ae i ka inoa pololei, aia a i inoa haole. alaila paha hanohano.

            Mawaho ae o ka huina i hoikeia maluna ae, aia he iwakalua kumamahiku Pukiki, no lakou ka huina huikau o ka ike ole i ka heluhelu a me ke kakau, a me ehiku mau haole o na lahui like ole i hoohiki. pela i hiki ai ka huina o ka poe i hoohiki i ke kanalima kumamalua. Elua mau makai i hoopauia no ka ae ole e hoohiki. oia o Daniel Kukea a me David Kauwalu. Mahalo nui ia olua e na makai kupaa. Pela i kapaia ai olua: "Na kiai naue ole o Elenale." Ola ka inoa o ko olua makuakane i hala mua ma kela aoao o ka make.

            Elua mau makai kiu i hoihoi aku i ko laua mau hookohu no ka makemake ole e hoohiki, oia o H. W. Kaumaha a me Solomona. Mahalo nui, mahalo piha no ko olua aloha aina oiaio.

            Ekolu poe i makaukau loa no ka hoopauia aku mai na oihana ae a lakou e paa nei, no ko lakou ae ole e lawe i ka hoohiki kumakaia, oia o S. K. Mahoe, Jesse Amara a me Levi Kauwalu. Ola no na alii kei kupaa o na kanaka makua mahope o ke alii a me ka aina hanau.

            No Levi Kauwalu hoi, oia ka oi o ke kanaka opiopio kupaa, no ka mea oia ke kokua kumu elua o ke kula olelo Beritania o Waialua nei aole oia i hoohiki oihana malalo o keia aupuni P. G., aole hoohui aina aole hoohiki, aka, he aloha alii a aloha aina oiaio, ola ka inoa o J@. P. Kauwalu ko olua makuakane no ko olua kupaa mahope o ke Lii a me ka aina.

            I ke kokoke ana e hoopau ae i keia hoike ana no ka oiaio, ke ao aku nei i ka poe i hoohiki ole o ka apana o Waialua nei a me na wahi e ae o ka Paeaina holookoa, e noho malie, aole e hoohiki, e like no me ia e hoolaha mau ia nei ma na nupepa, no ka mea, ei aku he nalu nui mai Kahiki mai. "O ke kuli ka make, o ka hoolohe ke ola." E wiki e "Ka Oiaio." e ahai awiwi aku ma na wahi a pau o ka Paredaiso o ka Pakipika.

                        MAKEE ALII A ALOHA AINA.

            Waialua May, 16, 1894.

 

Hale Kuai Lako Hale Nui!

 

E Hanaia no na Lako Hale o na ano a pau

 

Na Lako Hale i Makaukau mua mai na Aina e mai.

 

Na Bela Moe o na ano o pau.

 

Na Moe Oka a me na pono Lumi Moe e ae o ke ano hou loa o ka

HOIKEIKE NUI O KIKAKO.

 

Na Uluna Hulumanu i uhiia me na pale Silika o na ano like ole a me na Uluna Manu

 

O Kela a me Keia Ano,

 

Na Pela Moe Lauoha, Lumi Huluhopa, a me na Bela Moe Manu i makaukaa mua i na manawa a pau.

Na Noho o na Ano a pau.

 

 

He mau noho hoolimalima no kekahi no ua auaina hoolaulea a ahaaina paha, he oluolu loa ka uku hoolimalima.

 

He oluolu loa na kumukuai o na pono lako hale o na ano a pau e waihe nei maloko nei o ko maua HALE KUAI.

ORDWAY @ PORTER.

Alanui Hotele ma ka Hale Pohaku o Kuhikana mauka mai o ka Mele Ko@unu Hou

Telepona Bele 525                                                                                          Telepona Miutala @

@.