Ka Oiaio, Volume VI, Number 20, 18 May 1894 — Page 3

Nupepa Ka Oiaio.

"O KA PONO KA AIALII E OLA AI KA AINA"

 

AOLE HOOHULIA HAWAII

 

Ka Paio Lanakila a ke Kulanui o Georgetown Maluna o ke Kulanui o Columnbia.

 

KE KUMU PAIO

 

“E hooholeia E hooh@a ke aupuni o Amerika me na Paemoku o Hawaii”

 

O keia ke @ kalai manao hahana mawaena o na haumana leea no kanawai o ua kula Georgetoown a me Columnbia maloko o ka Hale Metzerott, ma ka po o ka la 13 o Aperila 1894.

O na poe o ke kula Columnbia, o’a o Paul T. Gadsden, o Kalolaina @ema; Harris Dickson o Misisipi; a me Fred Achenbch o Misori; ma ka ae lakou i ka hoohui aina.

O na poe kue i ka hoohui aina oi@ no o Daniel W. Kellogg, o Wa@ikonisiana; William J. Cronin, o Rode Ilana; a @e Archibald M. Willet o Alabama.

O na Lunakanawai nana i haawi mai i ka olelo hooholo; oia no o Se netos Butler. Lunamakaainan Me Creary, a me Gen. John Gibbon.

Ua hele a pihakui ka hale i na poe makaikai o na aoao paio; a ua hiki ole ia hale nai ka alapoho i ka lehulehu e ake ana o ike ku maka i na loea kalai manao; a na ka poe makai i kaohi aku i ke aluka e hokeke ana no ke komo ana aku iloko. Ua lawa ole na naho, a ua nele na poe ia kuai i na kikiki i kahi e no ho ai.

Ua lawe ae ua puali haumana o na kula a elua i ka hale o luna; ua kei huakai like mai na haumana o ko Columbia me kekahi aoao, a o ko ke Georgetown hoi ma kekahi aoao, me na bena a me na hae. He nui na hoeho ana, na leo @uro na hokiokio a me ka paipu ana, a he mea hiki ole ke lohe pono ia ka leo o ka Lunahoomalu o ka halawai.

Na Mr. Gadsden i wehe mua i ka haiolelo ma ka aoao kokua i ka apoao i ka hoohui aina. Nana no hoike mai i ke kulana o ka Paemoku o Hawaii nei, a n@e ke kulana o ka poe nana e noho mana nei, ihaawi aku ai ia Amerika Huipuia a me ke kupono ia Amerika Huipaia ke lawe. “O Hawaii,” wahi ana; oia no ke Gibralter o na Hapa Poepoe Elua.

I ka pau ana o kana mau olelo; na ku mai la o Mr. Kellogg o ke kula o Georgetwon; a ninini mai la me he waikahe la i na manao na auao loea, e kue ana i ka hoohui ana ia Hawaii nei me Amerika Huipuia. Ua hoopuka mai la oia he maau penei:

He@ha la ke ano o ke aupuni kupono a kakou e haawi aku ai no keia mau ano lahui like ole, i makemake ole mai?

Ina lakou e hookomo ia mai ana i Amerika Huipuia nei, alaila e loaa ana no ia la ou n@ pono a pau loa e like me ka leaa ana ia kakou o na pono a kekou e noho nei.

A ea hoi keia; he hana powa maoli ka h@hui ana mai i na Paemoku o Hawaii oiai, mailoko ae o ka huina o 4,000 poe kupono i ke koho balota; he aneane 4,000 wale no poe hooh@iaina, a o ke koena aku he kue loa ia mea. A o ka poe nana e ake mei e hooko aku i ke kulana o ke aupuni, aole loa lakou i aa, e waiho aku i ka ninau no ia mea, i@oua o ke koho balota onohia ana o ka lehulehu.

He nui ke ohohia ia o ka Mr. Kellogg maa olelo naauao.

Mahope o keia, ua hoike manao mai o Mr. Harris Dickson i ke ku pono loa o @ pae moku o Hawaii, i wahi hoah @anahu no @ aumoku kaua o Amerika; a ua awili pu ia kana mau @ akaka manao ana me olelo hoaleale, a @lo i mea no ke anaina e hau@awa lea ai.

Mahope @na, ua ku mai o Mr. Willet ma ka aoao kue i ka hoohui. Ua nui kana heakaka ana no ka mea e pili ai a i ka olelo hoooholo, no ka hoohi, a me ka hoole ana; a e ninau ana, heaha la ka pono a me ka pomaikai e loaa aku ana i ka poe Hawaii ma ia mea.

Mahope @ ia, ua ku mai o Mr. Achenback, ma ka aoao kokuo i ka hoohui, a he nui kana mau olelo hoakaka no ka pono o kona aoao, i pela aku.

Mahoe @ ua ku mai la o Mr. Cronin, me ua olelo ikaika, a hoolilo aku la i ua olelo hoakaka e pili ana i kahi loahu lanahu i mea ole; hoakaka mei la i na huahelu o ka heluna kanaka o Hawaii nei, ma ne mahele lahui a pela aku, a hoike mai la i ke ano naaupo o ka lahui, a me ke kuhihewa loa o na manao ana ina aole elawe o Amerika ia mau inokupuni, alaila e lawe aku no na mana aupuni e aku. He nui kona mau olelo e hiki ai ke paa i na pepeiao o ka poe e hoolohe ana.

O ka hope loa, a me ka panina o na olelo hoonohonoho ma ka aoao hoole i ka hoohui, ia Mr. Kellogg no ia.

I ka wa i pau ai na olelo hope ua meha loa ke anaina, e ake ana e lohe i ka olela hooholo a na Lunakanawai.

 

KA OLELO HOOHOLO

Ia wa, ua hoopuka mai la o Mr. Butler i ak olelo hooholo piha a na lunakanawai ekolu; a oia no keia;

Mamuli o ka hooholo like ana o makou, ke hai ia aku nei, ua lilo ka lanakila no ka aoao kue i ka hoohui aina;

I keia wa; O@ nui ka huro ana! Holo pupuahulu na haumana o ke kula Georgetown, puka ma na alanui kai huakai me na hoaloha, me na leo hauoli e huro ana! O kekahi poe hoi, e ke kula Columnbia puka aku lakou me ke kuouou a kai huakai no ka huli hoi ana i na home.

 

HE HOAILONA KEIA

E ka lahui Hawaii; ke olelo nei makou e like me ka hana ana a na kula o Kaleponi i paio ai no keia ninau o Hawaii, a hoole lakou mamua; mahope mai koho ka Ahaolelo Makaainapa o Amerika e apo nno ana i ko Cleveland hoole i ke kuikahi hoohui aina; pela no ke koho ana ma keia ninau ma ka Aha Senate mahope o ka apono ia ana o ka ke kula o Georgetown.

 

MAKE MANAONAO MA KA MOKUPUNI PAPAPA

 

Ma ka moku kiapa L’Avve@er. Kapena F. P. Jameson, i ku mai ma ke awakea Poakahi nei, i loaa mai ai kekahi lono e pili ana i ka make ana o Hans Hostein, he haole Kelemania, i hoonoho ia aku e Kapena Freath maluna o k aMokupuni Papapa. Ma ka la 15 o Aperila, ua kipa aku la keia moku ma keia Mokupuni i ai n@ keia moku, oiai, ua pau ka lakou mau mea ai a pau loa i ka pulu i ke kai, mamuli o ka liu ana o ka moku. I ke ku ana o keia moku malaila, ua holo aku la ke Kapena o keia moku iuka, a i kona hiki ana aku i kahi o ka hale e ku ana, he nanaian mehameha ka mea ana i ike, ua komo aku la oia iloko o ka hale o Kapena Feath i noho ia, malaila, ua honi koke aku la oia i kekahi ea pilau loa, a i kona nana pono ana aku, ike aku la oia i kekahi kino kanaka e noho ana il@ a o ka noho, me kekahi lima e kau ana iluna o ke pakaukau e paa ana i kekahi puke. O ke kino o keia haole, ua pilau a @alahe, a ua manao ke Kapena, ua elua pule a oi o kona make ana. Mahope iho o ka ike ana o ke Kapena i keia ano hana ku i ka manaonao, ua kauoha aku la ke Kapena i kena mau luiua, e el i luakupapau no keia kino palaho, na me ko ke Kapena lima ponoi i hapai a lawe aku i keia kupapau a hoolei iloko o kona luakupapau, oiai, aole he ae o na luina haole e hoopa aku i keia puaa. Mahope iho o ke kanu ia ana, ua hoi aku la oia a houluulu aela i na wahi ukana o ka mea i make; he uwaki me ke kaula uwaki, panana, a me na apana pepa, me kekahi palapala i kakau ia na Kapena Freath me ka buke i olelo mua ia. Maloko o keia buke, ua kakau ia na hana a pau o kela a me keia la. He wahi mea uuku loa kana i kakau ai e pili ana i knoa mai, aole nae oia i hoakaka i ke kumu o ka mai, nolaila, @le e hiki ke akaka pono ke kumu make ai keia haole. Ua kakau oia ma ka olelo Kelemania, a o ka manawa hope loa ana i kakau ai ma ka la 30 o Aperila, ua kakau oia e like me keia: “Aole @ki ia’u ke kakau hou aku.”

Mamua iho o kona make ana, ua hana iho la oia i kona palapala hooihua e hooilina ana i kona kaikamahine e noho ana ma ka mokupuni o Kauai. Aole no ona waiwai, koe wale no ua kala o @0ona uka hana ana i noho ia ma eia mokupuni. I na paha he ilio kekahi me ia, i na ua pau i ka ai ia. He elua mau Iapana eli lepo manu, i hoonoho ia aku me keia haole, aole nae laua i ike ia. He pahaonao no ke ano a keia mau mea ke hoomaopopo iho.

 

He lono ka i hoike ia mai ia makou, e waiho mai ana ka ke Kuhina Haki i kona kulana, a e pani ia ana “e ka L. A. Ka@ina o ko makou lohe keia, he eiaio a nei”

 

ROYALIST A ME LOYALIST.

 

He oke ole keia mau hopunaolelo ma na hua kumu L a me R, a pela no hoi; aole he aloha pilipaa i ka Moi maloko o Loyalist; aka, aia no ke aloha ahi iloko o Royalist

 

KE ALOHA AINA OIAIO

 

Oia ka momi makamae i ka Lahui i nohoia e ka manao makee i ke Kuokoa o ka aina. O ka lapu wale haalele loa; oia na poe i kumakaia i ko lakou-aina, ka Lahui a me ka Moi, no ka ai a me ke dala pao wale.

 

NA KEIKI KANE HAWAII

 

Ke mea oi o ka naauao ka hooikaika hana mau, a ke loaa kahi uku hana no kou luhi; e hoomanao ae oe; oia no ke kahua o ko ka wahine ola a me ko ka olua mau keiki a me na hoalaha. Mai hoopoina i kou aloha no ke Akua, aole hoi e haalele i kou mau hoaloha ma kahi o ka poino.

 

KE AO IONO ANA

 

O ke ao ia o na kaikamahine opio i na ike naauao, he mea maikai loa ia; aka, ina nae e hoomahui lakou i ke ano hookae, i na keikikane hooikaika hana o ko lakou Lahui ponoi iho, ua oi aku ke ino lapuwale loa o ia mea, a he mea e hoemi mai ai i ka hoomahuahua ana i ka Lahui.

 

UA OEHUIA

O ka Lunahoopuka maa o ka nupepa Star; G. W. Smith; na oehu ia aku oia iloko o keia mau l aihe nei. O keia haole kai olelo ae; e pono e hopuia, a hoopaahao ia o J. Nawahi, no ka mea, oia ka mea nana i ao aku i na kanaka Hawaii, aole e ae e lawe i ka hoohiki kue i ke Aupuni Moi o Hawaii nei. Eia ka hoi; oia ke kipaku e ia ana i ka aina e. Pono no ia hana ana iho la iaia.

 

UA BAPETIZOIA

 

Ma ka hora 10 a.m. o ka Poakahi nei, Mei 4, 1894; ua bapetizo ia ka bebe Royalist; oia hoi o Alohaalii, ma ka Halepule Bihopa Enelani. Ma ka hora 2 p.m. ae, he paina hoonanao, no ka piha ana o hookahi makahiki, ma ka home noho o Mr. James Campbell ma ke alanui Ema. Ua konoia na lala o ke Komite Hooko o ka Hui Aloha Aina o na Wahine, e kipa aku no ka la hanau o Alohaalii Campbell.

Ke nonoi ae nei makou, e hooloihiia na la o ko Royalist ola ana, a kau i ka pua-aneane.

 

NA IUDA O WAIALUA OAHU

 

S@l. Hili Kalamakee, A. S.. Mahaulu (keiki a P. mahaulu), John Kapua, Anaru Cox (hapahaole), A. Kaili, Mokumaia, D. Kawaikumuole, E. Kawaikumuole, Kealoha Kanakaole, Mahelona, John Mamaki. Sam Mamaki, Poe, Hanale Wharton [hapahaole], H. W. Luka, Moeloa, Kalani Keiki (keiki a F. S. Keiki o Waikiki), Kanahi, o keia na Hawaii o Waialua i hooliloia lakou a like me Iuda, i kumakaia ai i ka Haku Iosu Karisto; no na wahi apana dala he kanakolu; pela iho la ke kulana o keia poe i kumakaia ai i ka lahui Hawaii holookoa a me ke aupuni Moi o Hawaii, a ka Moiwahine Liliuokalani, a me ka lahui e koi nei e hoihoi hou ia mai ke Aupuni Moi Kmukanawai.

 

KO LAHAINA HAMBUG LOA!!

 

He mea kupanaha, a pahaohae loa ia’u, ko’u ike ana aku, he wahi kanaka poapou kuapuu e pai ana i kona ki@, ma ka aoao mauka o ka Hale Hookolokolo o Lahaina nei. He malihini au, aka, i kou ninau ana aku i kamaama o laila; owai oia? Ua pane mai lakou, o D. Kahaulelio ia, ka Lunakanawai o Lahaina nei. Hoomaopopo loa aku la au iaia; a me kona paiia ana e kekahi haele kokua kumu o Lahainaluna. Aia he wahi kanaka no hoi, e paa ana he Karauna maluna ae o ka Lunakanawai. Haiia mai la, o Kamanu-Hilo kona inoa.

O ka mea kupaianaha wahi @ ka haole; He don’t like to take a side view! Aohe ona [Kahaulelio] makemake i ke kii aoao.

Akaaka loa au ia hawanawana ana maia ka haole, no ka mea, mamuli paa ke kuapuu o ua wahi Lunakanawai nei iloko o ke @ii, a nui loa ka akaaka ia o ko Lahaina poe! Oh humbug! humbug!! Humbug ko Lahaina nau hiona ke ike aku.

Lohe au o ua o D. Kahaulelio a me kahi Mauu-Hilo, he mau kumakaia Moi laua. Eia nae o Kamauu ke kauwa paa Karaunu; a o Kahaulelio [Horsefall] ka mea i hoonohoia malalo o ke Karaunu ana i kamakaia ai. Lanakila ke Aupuni Moi, a kau kelakela loa ae la maluna o ke poo o Humbug Horsefall, a e lilo auanei ia kii ona i paiia ai ka la 12 nei o Mei, @ mea nau e poina ole ai.

Owau no me ka anoi mau.

NAHONOAPIILANI

Mei, 12, 1894

 

PAPAINOA O NA KAHUNAPULE I LAWE OLE I KA HOOKI KUE I KA MOIWAHINE

 

KO HAWAII

 

Rev, Ed. Kekoa Hilo Haw.

Rev, J S. Kalana Hilo Haw.

Rev, J. Kalino Waimea Haw.

Huina ekolu wale no lakou pani o Hawaii, ka moku nui.

 

KO MAUI.

Rev. O. Nawahine, oia hookahi ko ka moku o Kama.

 

KO MOLOKAI

Rev. Kaalauahi, oia hookahi ko Molokai Nui a Hina.

 

KO OAHU

Rev. Kauakahi Koolaupoko

Rev. S. Kaili

Alua wale no laua nei, puni o Oahu nei.

 

KO KAUAI

Rev. S. A. Kaoili Kauai

Rev. Haleole Kauai

O mawaho ae o keia poe, ke ninau nei makou, he poe kahunapule e ae no anei kekahi i ko, aole i lawe i ka hoohiki? Ina pela, e oluolu e hoike mai, a ua makaukau makou e pahola aku i ko oukou mau inoa i ke akea, me ka hanohano nui.

O ka poe no lakou na inoa maluna ae, ke pahola aku nei KA LEO a me KA OIAIO i n ahoomaikai kiekie ana ia oukou a pau; oiai, o oukou kai hooko i ka ke Akui olelo, e hoike ana; mai lawe i na haku elua, o aloha ananei i kekahi, a hoowanawana hoi i kekahi. Na ke Akua e kokua mai.

 

NA LETA

Aole o makou makemake e lawe i ke koikoi o na hala no manao i hoopuka ia malalo o keia poo e ko makou poe kakau manao.

 

KA REV. J. WAIAMAU

Ma ka la Sapule nei; i lohe aku ai kou mea helepule mau, i keia mau olelo mai ke Kahunapule hoohui aina mai, a kipi aupuni Moi o Hawaii, i keia mau olelo hookamani mai kona mau lehelehe mai, e like me keia: “E pule oukou no ka pono o ko oukou aina.” I ko’u lohe ana i keia, ua hookahaha ia mai au, po keia mau olelo, oiai o ka mea maa mau e lohe ia ai, oia no ka lilo ka aina i na keiki mikanele a ua o Rev. Waiamau, ka la ko o ke aupuni noho manawa o lakou i na mea kaua, @ pela aku.

Ma keia nae hoi ke nahu hou nei ua o Rev. pukalua nei i kona alelo, a noi mai la i ke anaina e pule no ka aina a pela.

Ma ka hoomaopopo ana o kou mea kakau, ua lohe o Waiamau, i ka nu hou o ka hoihoi ia ana mai o ke Aupuni i ka Moiwahine Liliuokalani, mai hanaiahulu mikanele mai ana; ma ka mokuahi Monowai mai o ka Poaha i hala, a i ike ia hoi maloko o ka milimili a ka la hui, ka Ipu Uwila nana e hoomalamalama nei ka lahui (KA LEO O KA LAHUI), i ke kulana o ko lakou noho ana a me na mea e hana ia ana maluna o lakou a me ko lakou Moiwahine a lakou i aloha ai me ka hilinai nui ana.

He mau olelo hoomalimali wale no keia au e Waiamau ia makou n ahoahanau, aole nae makou e puni aku i keia mau hoopalai@aka mai a’u, oiai ke kali nei makou no ka manawa kupono o puhi aku ai ia oe e kena kikania i ke ahi pio ole.

Ike pono ihe @ oe o ke Kahuna pule kumakaia i kou makuahine aina, i ka hua awaawa oia hana, e like me luda i kumakaia ai i ka Haku; au hoi i heluhelu ai a walewaha maloko o ka Buke Nui, ke koloka au i lawe ai a hui iho i nalo ai kou kino moonihoawa, e oni hele nei me ka ehaeha nui iloko o keia mau la. “E hale pela oe e Satana me kau mau hana ino a piu.”

HELEPULE

Honolulu, Mei 14, 1894

 

Hakalu, Hilo Mei 7, 1894

 

MR. LUNAHOOPONOPONO,

Aloha oe:

Eia ka huina o ka poe hoohiki oki-puu o ko makou pahu balo@a nei, mei ka wai o Kawainui a ka wai o Hakalua, he 72 ka huina a pau, penei He 11 Hawaii ponoi, 4 Hapahaole a he 57 Haole a me Pukiki, aole au i kope i ka inoa o na Haole a me na Pukii, o na Hawaii ponoi a me na Hapahaole ka’u i kope iho:

Eia ka inoa o na Hawaii ponoi:

Kelekolio; Kolomoku; Keliinei; Mauae; Nakanaka; Noa; Anania; Alakia-Hopu; Kaahai; Kapukana; Kamuela.

Eia ka ino i e na Hapahaole: Loland Higgins; no Pepeekeo, Henvry Vessels; no Hono@u, W. @iam Reinhardt no Pepeekeo, Frank Hoolulu, Kaapa no Hukalua

O na kanaka maoli a pau.

Ekolu wahi koho o ko makou Apana, Haaheo, Papaikou a me Honomu, no ko Honomu pahu balota keia.

 

Own u me ka oiaio

H. W. UNEA

 

KE KAMEHAMEHA ANEI KOE E OLA NEI?

 

E MR. LUNAHOOPONOPONO;

Aloha oe: Na keia mau huaolelo iho “ka hope loa o na Kamehameha” i koi mai ia’u e kamailio maluna o na papa kuauhau alii o Hawaii nei i ka mea oiaio maoli. Oiai aole keia he wa e ae wale ia ai o na kumakaia, e lawe waleia ka inoa o na Kamehameha i mea piepiele na kekahi kanaka lapuwale e hele nei me ka moa hoohenehene iaia iho “Prince.” He inoa kilakila ka Prince; aka koe nae i ka poe o na Hale Keaka.

Ina kakou e hoopololei ma ke ano he lahui karistiano kakou, alaila o ka haina oiaio o ka @oau maluna ae, aohe Kamehameha i koe, ua pau loa a ua nalo aku. Aka, ina e ae kakou e mana ka noho ana o ke au o Keaweke@ hialiiokamoku, a i ole o ko Keoua Kalanikupuapaikalaninui au, a i ole o ko kana keiki Kamehameha I au, alaila, na loaa he hookahi Kamehameha i koe e ola nei, oia ke aliiwahine Keano e noho mai nei ma Kauai; he pua ponoi na Kamehameha V, i knoa mau la opio me ke kama’liiwahine Maheha, he kama na na alii Liliha (w) me Kamaile (k), he pua hoi no ka papa o Kalaniulumoku (k) keiki a Kamehamehanuio Maui me Manuhaaipo (w).

O Kamehameha IV me Kamehameha V kona kaikaina, aole no la ua i kiekie loa ma ke koko alii, e like ala me na Kamehameha II me @, na keiki ponoi a ke aliiwahine kapu Keopuolani me Kamehameha I. He mea oiaio, na Kamehameha I no o Kamehameha IV me V; aka he Wohi wale no ke Kamehameha I kapu, a he Naha ko Keopuolani ma, ke kapu o kona mau kupuna, na ‘lii o Maui, Kamehamehanui (k). Kalola (w) me Kahekili (k); he mau aliiaimoku.

Ina hoi kakou e hoihoi aku ana a i ke au o Umi a-Liloa hooiho mai alaila he poe Umi-a=Liloa waie no mai na Kamehameha a na mamo a Keaweaheula e noho nei i ka moku, ka papa alii o Kalakaua no ia kou ke Kalaunu a mau loa aku A ma hoi mai ia Keawekekahialiio kamoku (k) me Kalanikauleleiaini (2) a me Lonomaaikanaka (w) ma mai e hoomaka ai, alaila he poe Keawekekahialiiekamoku. Kalanikauleleiaiwi me Lonomaaikanaka no na Kamehameha, ke aliiaimoku Liliuokalani a me na ahi e iho e nohe nei o kaiaina. A pela no ina mai a Kalaninuiamamao [k], Kaianikeeaumoku [k] me Kalaniopuu [k] ma mai e hoomaka ai.

Aka hoi, ina mai a Keoua Kalanikupuapaikalaninui e hoomaka aku ai, alaila e loaa ananei; Me Kahikikala [w] (he aliiwahine no ka wa heu ole) loaa o Kalokuokaniaile [k], a o kana mau pua aku, hookahi no e ola nei, ola ke @ Elizabeth Kekaaniau; me Kekuiapoiwa @ loaa o Kamehameha I me Kalanimaloku loku, oia hoi o Kelumaikai; aohe a laua pua i koe (koe nae o Keano [w]). Me Kamakaeheikuli [w] loaa o Klaimamahu (k). O ka Moi Lunalilo ka hope o keia lalani Me Kalola (w), kaikuahine o Kahekili a wahine no hoi a Kalaniopuu loaa o Kekuiapoiwa Liliha (w) a o Kauikeaouli Kamehameha III no ka hopena o keia lalani.

Maka aoao 316 o ka W. D. Alexander’s Brief History, ua hoopilipili ae oia, na Keliimaikai ka mo kekani wahine o Kiilaweau kona inoa o Kakuaokalani (k) me Kaonaeha (w). He papa kuauhau alii olalau loa keia a Alekanedero, a he hoopunipuni hoi. O Kekuaokalani ka Keliimaikai keiki o Kaonaena (w) he makuakane e loa kona a o Kaliko no kona makuahine, aole o Kiilaweau (w).

O Emma Kaleleonalani me Albert K. Kunuiakea na moopuna kealua a Kaliko (w) a he mau mo opuna hoi na Kaonaeha.

Ma ka aoao 204 o ka Buke II a A. Fornander ua hoike ae oia o Kaleipaihala, keiki a Kalaniopuu me Kalaiwahineuli (w) [ma kana] ke kane o Kaliko (w) a makuakane hoi o Kaonaeha (w). Aka @a hoike ae na kakaolelo kaulana o Hawaii uei i hala aku, he keiki o Kaaeipaihala na keawemauhili. Ma na aoao a pau he alii kiekie o Kaleipaihala. Aka, ua kue ia no keia, a ua oleloia e na kakaolelo Hawaii o Keaka (k) ka makuakane ponoi o Kaonaeha, he kanaka alii no, no na mokupuni mai o ka Hema.

Ma ko’u manao maoli o keia ka mea oiaio, a ua ike no o A. Fornander i kona wa i huli noii ai i ka moolelo kuauhau o na alii. Mamuli o ke aloha nuiia o Emma Kaleleonalani, i kaohiia ai kona manao i ke pai ana o Keaka ke kane a Kaliko i loaa mai ai o Kaonaeha [w]. Ua hoaoia n o e hoopili o Keliimaikai kona makuaikane, aka, ua hoole loa ia alii. He alii kuewa mai ka makuakane, a eia ke puka ae nei ma o A. K. Kunuiakea ka hua awaawa he kumakaia aina hanau.

Kamakaia anei i na he Kaleipaihala, Kalaniopuu, Kalaninunama mao? Kumakaia anei i na he ko ko mai a Keliimaikai mai, ia Keoua Kalanikupuapaikalaninui mai, Kalanikeemoku mai, Keawekekahialiiokamoku mai? Kumakaia anei ina he oiaio ka olelo he kamehai na Kauikeaouli a he Kamehameha hoi? Aole, aole loa! Malalo iho nei e ike iho ai ka lehulehu i ko A. K. Kunuiakea papa kuauhau i nele maoh no i “ka hope loa o na Kamehameha.” Aole au e hoike i ko Olohana [John Young Sir.] papa, oiai, ua olelo ka rula o na Alii o Hawaii nei: “I na he kiekie ke kulana o ke koko o ka aoao o ka makuahine a haahaa ko ka makuakane, ua kiekie no ko ke keiki.” O ke koko o ka makuahine ka i nana nui ia ma ko Hawaii nei mai kahike loa mai.

1. Kaleikoa (k), noho ia Paaluanui (w), Ioaa o Kaeo (k), Kaeo (k) noho ia Jane Lahilahi Young loaa o Peter K. Kaeo me Albert K. Kunuiakea.

2. Kaliko (w) noho ia Keaka [k] loaa o Kaonaeha [w], Kaoneha [w] noho ia John Young Sr., ioaa o Fanny Kekela, Grace Kamaikui, John Kaleipaihala a me Jane Lahilahi. Fanny Kekala mare ia Naea (he alii kiekie no), loaa o Ema Kaleleonalani, Grace Kamaikui mare ia Dr. Rooke, aole pua. John K Young jr., mare ia Alapai [w] aole pua. Jane Lahilahi mare ia Kaeo [k] loaa o P. K. Kaeo me A. K. Kunuiakea.

Ke hooki nei au i keia kamailio ana maanei, a malia e hiki ana no paha ia A. K. Kunuiakea ke hoike ae i kona pili ana i na Kamehameha mamua o ko’u haawi ana aku i ka’u olelo hooholo hope loa no ka “Hope loa o na Kamehameha.”

O@ao ihe no R.W. Wilcox,

Honolulu, May 18, 1894.

 

Ua hooliiki o Bob Par@enter malalo o ke aupuni u bi di, a ua peku ia mai la koua lemu me ka oioi o ke kamaa o ka Luna Date Awa Sanders. Kai no paha a hoohiki paa la hoi i ka oihana eia ka e paa ana no. Lolo.

 

HE INOA NO ROYALIST KEALOHA ALII LAAKAPU CAMPBELL

 

Imua e Kealohaalii Laakapu

A lei i ka lei o ka Lanakila

A he milimili oe na makou

He pua lei nani Aloha Aina

Ke kilohana oe nana i o@i

Hoihoi ia mai ke Kuokoa

Eia Hawaii na lokahi

Hookahi puuwai me ke aloha

Nana i nai a puni Hawaii

Ke Aloha o ka Aina hanau

O ka hana hanohano a ka Lahui

I lanakila mau oe’ Hawaii

O ka onohi hiwahiwa i ka puuwai

O Kealohaaina a e o mai.

 

Hakuia e na koikamahine o ke Aloha Aina.

 

May 14, 1894.

 

ALOHA I KUU AINA

No Book is like the Bible. Page 82

1  Aloha i kuu aina

Aloha no a mau

Kuu aina hanau hoi

Ka momi o na kai

Nou mai hoi na ‘lii

Na pua e ewe nei Nou no kuu mele ana

A me ka oli pu

 

CHOR:  Nou hoi na leo pule

I poha ma na lani

I hoi hou mai ke ea

O kuu aina hauau

 

2  Ko Hawaii Pae Aina

Ka home aloha e

Na mauna kilakila

Ka onohi o na kai

Na puu na Kualono

Na awawa uli e

Na ka aawai kakahe

Nou au e oli nei

 

CHOR: Nou hoi na leo pule, @e, @e

 

3   E ka lahui aloha

Nana i kou Moi

Liliuokalani

I hilinai nui ia

Nona ka ieo alii

I kao mai ia kakou

E hoi oukou, malama

I ka maluhia e.

 

CHOR: Nou hoi na leo pule, @e, @e

 

B.N. – E nana ma ka aoao 82 “Gospel Praise Book.”

 

NU HOU KULOKO

 

O ko makou ia kuehu pau keia.

 

Nui na Halealii e ku nei ma ke kula nakauhale o Parisa, i kukule ia e na Moi like ole iloko o na au i hala o Farani.

 

Ua ike ia aku ka moku manuwa Iapana Konoko mai Iapana mai ma ka hora 4 a oi o ke awakea Poaha nei; o ka lua keia o na moku kaua Iapana ma Hawaii nei.

 

Aia ka wahine a Kulua ke haawi ala i na hoikeike ana i kona nani apua; a na pina hauoli no hoi na malihini i ka ike ana i na kupanaha o na kupanaha a la kou i ike ole ai mamua.

 

Ua komo ka hoopu kue a Henry Klemme ia Kunniakea no ke kohe balota o ka Aha Elele hana laau kauwila o Puukapele. O na lilo a pau o keia hookolokolo ana ma ko Henry Klemme na ko lakou Hui Kelemanie e uku.

 

Oili pulelo ke ahi o Makuaiki i Ka Leo o ka Lahui, a me Ka Oiaio ua hele nohoi a pihaku ineki ko laua mau kolamu i na mea hou apo nui, a me na kalaiaina akea ana, no ka pono kau like o Hawaii nei.

 

Eia ke ala hou mai nei na Pake no ka lua ka manawa, e koi ana i ke Aupuni P.G. e haawi ie aku ka mana k@ho balota e like me ka ka Japana e koi mau nei, auwe oe e Babalona-e e hiki mai ana ka hora ou e hiolo ai, aloha no.

 

Ka lauahea ia mai nei, ua kueha mai ei ka papa Amerika o Bosetona i na poe mikanele kipi o Hawaii nei, aole hiki ia papa ke kokua hou mai, aloha ino na kahunapule kipi, i ka ohi i ka uku kupono o ka hua a lakou i ka@ ai, aloha ao.

 

Aia maloko o ke kulanakauhale o Parise kekehi kia hoomanao hao, i hoohee ia mai loke mai o na pu@n@ahi he 1200 a oi o Aus@talia, i lilo pie i ka @mepera Napoliona, ma na kahua kana ana i la@e haaheo ia i ka lanikila.

 

O kela haole waha hope o ka @up@ Hoku hoalani aina, ua haa@ mai oia i kona nohe @aheepaa @pono no @a @ba pepa aia, a e hali hoiana @ no Amerika me ka paa ana i ka laau a ke @lii, o keia kekahi o na haole naha lepe loa i hiki mai ma Hawaii nei.

 

Ha hookoh@ia aku nei o Galade i Luna Aupuni Kiekie no Hawaii nei ma ke Aloalii o Geremania e ke aupuni u bi di. Ola nei ka i kau@ha ia mai nei e ke Aupuni Geremania e hoi aku, ma@ii o kona komo p@ ana nie na welo @ @eie @ lep@ aihue ia Hawaii nei.