Ka Oiaio, Volume VI, Number 16, 20 April 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

HONOLULU, APERILA 20, 1894.

 

HE MOOLELO HOONAUE PUUWAI

NO KA UI NOHEA KAMILIA

O KE Kulanakauhale Alii o PARISA

ME Kana Ipo Aloha

Mon M. Duvala

Iloko o na hoinaainau hooipoipo ana me na Ipo Ekolu,

MOKUNA XIV.

     Ae ua haule hou aku la maua no ka elua o ka manawa e hoohiala ai ana hoi i ka n@u ia e ka ua Kipuupu@ me ka na hone ae a ka wai malalo i ke kulai loa i ka pela nolo o Hulei, a ike hou ana au no ka manawa elua i “Ke kiowai kapu a hai,” me ka lele hou ana hoi i ka makaikoi lani maluna o ka baluna lele lani a Melewila, me ka hoopo Iuluhi mau iho hoi o ka noe o Alakai i ko’u mau kiionobi, oiai hoi ua ui nohea nei iloko o ka eloelo o ka hene iki o ka aka i ka maka o ka opua, a oia ka’u i pane iho ai me ka mino aka ana:

     Eloelo ho@ no kana la e ka hoa.

     Ae no k@i, o ko ka naulu mau iho la no paha ia he pao mai.

     Ho hou iho kaua i eloelo i ka ai kikoni a na manu.

     Alia paha oe e wiki mai a hala lea ae ka ua nui e haluku nei.

     Ua haalele aku au ia Kamilia ia kakahiaka o’ai ka uwati kau hale i hoike mai ai i kona mau manamana kuhikuhi hora i ka hora eoao A oiai au i haalele iho ai laia ua pane aku la au mau keia huolelo:

     A i keia ahiahi hou ana no kaua.

     Aole oia i pane mai no keia ninau a’u, aka, ua lele koke mai la ia a apo mai la ia’u me ka puliki ana.  A oia ua i ka hele e noho ana i ua la ‘la, ua loaa mai la ia kekahi leta mai kuu Kamilia, a e hoike ana hoi ua leta nei i keia mau huaolelo penei:

 

[Ka Leta.]

E kuu aloha Amana:

     He omaimai loa au i keia la, a na hai mai kuu kauka ia’u e noho malie loa au.  E hoi ana au e hia moe i ke ahiahi okoa no, a aole paha au e hiki ana ke ike aku ia ae.  A no ka hoopomaikai ana aku ia oe me kekahi makana, e loaa no a@ ia oe i ka hale i ka @a apo@o.  Ua eha loa ia au i ke aloha nou.  Adieu “Kamilia Gautier.”

     I ko’u wa i ike ai i keia leta, oia koke no ka wa o kekuhi hou maeele o ke anuanu i hoholo ae ai ma ko’u lae a puana ae la au iloko o ka he hena o ka huhu a me ka haikea:  Kai Ke hoopunipuni nei ka paha kuu Kamilia ia’u?

     Ua ulu koke mai na manao uluku o ka ukiuki me ko’u hooholo ana iho iloko o’u, oiai eia no me au ke ki o ka ipuka o ka rumi moe o ua ui nei a’u i makahehi nui wale ai, e hele aku au e ike iaia ia po, a ina no hoi e halawai ka’u huakai me ke pakalaki o ka hui pu ana aku me kekahi kanaka e moe ana iloko, alaila, ua makaukau loa au ma na ano a pau e hakaka me ia, a e ole, e @aawi aku hoi i kekahi pai mahanahana ma kona poo, i mea nana e hoomanao ai i ke ku’eana ole o kona komo ana e ike i kuu Kamilia.

     Ua noho iho au iloko o ka noonoo nui no ka’u mea pono e ha@a aku ai ia la, aka, aole i holopono iki o ko’u noonoo ana nolaila, ua hooholo iho la au e hele aku i ke Champs Elysees, ina paha oia hele ana a’u e halawai aku ana au me kekahi ulia o ka laki nui o kou ike ana aku iaia.  A ma kekahi ahiahi ae, ua hele aku la au iloko o na hale keaka i naa iaia i ka hele ia, aka, aole loa he mau wahi hiohiona o kona hoi mai iaia iho, a me ka nui o ka nalu ana o kou manao e luaiele ia ana i o a ianei ua, hooholo iho la au e hele aku i ka Rue de Auatina, ina paha aia oia i ka hale alaila, aole no e nele ana kou ike aku iaia.

     Ma ka hora 11 ponoi o po ala, ua hiki aku la au ilaila me ka ike pu aku no hoi o ko’u mau maka i ka a holili mai o na kukui o ua hale nei nana i hoopumehana i ko’u poli puanuanu no el@a no lea o Halalii.

     Ua pii aku au a hookani i ka bele me ka puka ana mai hoi o ka mea kiai hale e ninau ia’u e hele ana la wau i@ea.

     I hele mai nei au e ike i ka Madimosele Kamilia Gautier.

     Aole oia i hoi mai nei a hiki i keia wa.

     Alaila, e kali no hei au iaia.

     Aole poe o ka hale nei.

     O ka hiki ole ian ke ku iho malaila a me ka hiki ole hoi iau ke hoi aku i ka hale, e laa keia pihoihoi nui a me he akua lapu la ka hale iau iloko oia manawa, ua hooholo iho la au e hele aku a e ku i ke alanui me he makai ala a hiki i ke ao ana oia po me ka makaala ana hoi o ka hoomanae iho i na mea a pau a’u e ike ana e hana ia ana e kuu po aloha Kamilia.

     Ae ua iho aku au a ma ke alanui e huli pono mai ana i ka Rue de Anatina, ua ku iho la au malaila me ka haka pono ana hoi o ko’u mau maka i ka hale o ua ui nei, aka, aole loa i liuliu iho, ua ike koke aku la au i kekahi kaa i ka hiki ana mai ma ke alo o ka hale a ku, a i ka wa i lele mai ai o ka mea e noho ana i oko o ua kaa nei a komo iloko o ka hale, ua hoomaopopo koke iho la au o ka Kauna de G. no ka, ua hoomau aku la no au i ke ku ana malaila me na manaolana o ka ike aku iaia e hoi mai ana mamuli o kono kipaku ia ana mai e like ia hoi me au, aka, na kali aku au a hiki wale i ka hora 4 o ka wanaao, aole loa oia i hoi ike mai, nolaila, ua ulu mai la na hoomanao ana ia’u o na la mamua o ka hoomanao ae e komo hou aku ana ka wau ilo ko o na kipona awa@na o ke aloha a me ka hehena, a ua hoi aku la au i ka hale me ka hiki pono ole ia’u ke hana i kekahi hana me ka nalohia ole aku hoi o keia ma@ helehelena ia’u.

     I ko’u wa i hiki aku ai i ka hale, aole loa e hiki ia’u ke u@mi iho a ke kaupale ae hoi i na waimaka e iho makawale mai ana mai ko’u mau maka mei a ua uwe maoli iho no au e like me kekahi keiki uuku.  Aka, aole paha ia’o wale ia mau ha@wina i hoohalawai ia mai, aka na nui a ua lehulehu wale na poe i hane ia e ka lakou mau ipo e like me kein.

     Aka, malalo o na kono ana a me na koiikoi a kou puuwai i piha me na manae nonohua o ka lili a me ke aloha pupule no Kamilia, ua hooholo koke iho la au, e hoopau ko mau noho ana ma ke ano he mau ipo iloko o ke kaunu hookahi ana, a e hiki koke inai hoi ka la a me ka hora e hiki ai iau ke luakaha pu iwaena o kou makuakane a me kou kaikuahine a he aloha hoi ia e hiki ole ai ke mawehe ia a hiki i ka wa a ke Akua o na kana e kahea mai ai i kekahi o makou e hoi ka lepo i ka lepo a o ka lehu hoi i ka lehu.

     Aka, aole nae au i makemake e halele koke iho ia Parisa me kou hoike o’e aku hoi i kuu ipo aloha Kamilia i kumu nui oia hoi ana ou a o ke kanaka i komohia ole ia e na manao aloha o kana ipo oia auanei ka mea e haalele iho i ke kulanakauhale me ka hoike mua ole aku iaia.

     Ileke o keia wa o kou’u noonoo nui no na mea e pili ana i ka’u ha na e hooko aku ai maluna o ua ipo nei au, a oia koke no kou wa hooholo iho ai e kakau aku au i kekahi leta iaia, a maloko o ia leta e hoike aku ana no ia iaia i ke kumu nui o ko’u haalele ana iho i ke kulanakauhale a me ia nu hoi ka’u mea i moeuhane a i lia mau ai o ka po.  A oia koke no ko’u wa i lalau koke aku ai i ka peni a me ka inike a hoomaka aku la e kahakaha me ka waimaka hoi o ka ehaeha e hiolo ana ma o a maanei, a penei ka’u mea i kahakaha iho ai:

 

[KA LETA]

E kuu ipo aloha Kamilia:

     “E haohao ana paha oe i ka loaa ana aku o keia leta mai kau Amana aku i hoopoinoia, aka, pehea la e hiki ai ia’u ke kaohi iho i ko’u pulinia mai ke kakau ana aku ia oe, oiai hoi oe i hoike mai ai ia’u no kou haulehia ana iloko o ka mai inehinei.

     “Ua manao loa ia au i keia ma@awa, eia oe ma ke alanui o ke apuka a me ka hoopunipuni mai ia’u, a o kou mai hoi inehinei, he pohele wale iho no ia ia’u i kumu no’u e hiki ole aku ai I kou hale, a i hala ae hoi ia kualau makani nui no kou komo ana aku iloko o ka hauoli piha ana me ka mea au i makemake ai e hooluolu ma kou man poli iloko o ia po ia.

     Ua he aku au ma kou home i ka hora 11 o ka po nei e ninau ai ia oe, aka, ua hai ia mai au aole oe i hoi mai a hiki ia maliawa.  Ua kali iho au mawaho    ke alanui mahope iho, a ua ike ak   hoi i ke Kauna de G. i ke komo ana aku iloko, a aole noi i puka mai iwaho a hiki i kou haalele ana aku i ka hora 4 o ia wanaao.  Aka, ua haili wale mai no nae au ua oi aku no paha kona kulana o ka laki mamua o kou a oia no ke kumu o kou halawai ana me ke makapaa i ua po nei.

     E kala mai oe iau i na hora pua nuanu o ka kuluaumoe au i a@o hookahi ai me ka hoomanawanui, a mai hoopoina hoi i na minute o ko kaua hauoli au e noho aie nei ia oe.

     Ua ulu mai hoi na manaolana iloko ou e hele aku au e ike ia oe i keia la, aka, ua keakea ia mai au e kou manao maoli o ka huli hoi aku no kou makuakane a me koou home.

     Adieu, e kuu Kamilia!  Aole paha i lawa kou wa wai no ka malama ana aku ia oe e like me kau i makemake ai, a aole hoi i ilihune pupono e hiki ai iau ke ike ia oe e like me kou makemake.  Nolaila, e hoopoina oe i ka mea i hauoli aku ia oe, he hauoli hoi e hiki ole ai ke loaa ia oe ma keia mua aku me ka oluolu.  Ke hoihoi aku nei au i ke ki o ko ru@@ au i hoohana ole ai, a malia paha, e hiki mai ana ka manawa e hoohana ia aku ai o keia ki e oe me ka holopono ian ia he wa e pinapinai mai ai o na hana hooluolu ia oe e like me ko ka po nei.

“Amana M Duwala.”

     I ka pau ana o keia leta, ua heluhelu iho la au no elua a ekolu manawa me ka hooholo ana iho, o ka ehaeha e loaa ana iaia, he oluolu ia nou.  A i ka wa o kuu kauwa i hoi mai ai, ua kauoha koke aku la au e lawe aku a haawi ia Kamilia i keia leta.

     E kali anei au a loaa mai ka pane?  wahi ana i ninau mai ai.

     Ina e ninau ia mai oe no ka makemake ia ona pane, e hai aku oe aole i maopopo ia oe, aka, kali aku no nae.

     O ko’u hoouna ana aku i kela leta, aole loa ia i lilo i hana uuku na’u, aka, ua nalu iho la au iloko o’u me ka hakoko ana o ko’u mau manao iloko o ko’u puuwai a hiki wale i ka hoi ana mai o ka’u kauwa.

     Pehea?  wahi a’u i ninau aku ai oini oia i komo mai ai.

     Ua hiam@e ia ka Madimosele, a ina ia e ala mai ana e hoouna ia mai ana no ka pane ina e pane ia mai ana.

     Ae, ua hiamoe oia, wahi a’u i na lu iho ai iloko o’u.

     Ua noho iho a’u me ka noonoo nui ana e hoouna hou i kuu kauwa e kii hou i ka leta, aka, ua ulu hou ae ka noonoo iloko o u he makehewa paha ka hoouna hou ana aku iaia ilaila, malia paha ua ala mai la oia, a ua haawi ia aku la ka leta.

     Aka, oiai no keia mau noonoo ano e e hoholo nei iloko o ko’u nuuwai, ua hoomau aku la no au i ke kakali ana a hiki i ka pau ana o ka hora 1 o ua la la, nolaila, ua hooholo iho al au e hele aku i ka hale aina e ai ai i ko’u aina kekahiaka, e laa hoi ke aneane o loko o ka opu i ka ua mea o ka pololi.

     I a’u i hele aku ai,  ua kaalo ae la no au malalo o ka ipuka ponoi o ua ui nei a’u i aloha nui ai, me ka halawai ole nae o ko’u mau kiionohi me kona mau helehelena nohea a waipahe maopopo.

     Ua hiki aku au i ka haleaina, a mahope iho o ko’u kahea ana aku i ka’u mau mea ai, ua noho iho no au e nana me ka ai ole aku i ua mau mea ai nei, a ku ae la iluna nie ka uku ana aku no i ua mau mea ai nei o ka hoi iho la no ia i ka hale, me na manaolana nae ua lawe ae paha o Nanie i ka pane a aia la ke waiho la i kauhale e kakali ana o ko’u hoi aku.

     I ko’u hiki ana aku, aole loa he hookahi wahi laina i hiki mai mai a Kamilia mai, a oia ko’u wa i mi hi iho ai no ko’u kakau ana i kela ieta me ka hoholo ana ae hoi o na manao pihoihoi iloko o ko’u @uuwai a he kulana haikea maopopo ko’u o ke ano hehena.

     Ua noho hou iho au me ka nalu ana iho iloko o’u i ka mea pono au e hana aku ai, me ko’u hoomanao ana ae hoi ua nele au i ka pane ole ma ka leta, malia paha o hele kino mai no huu Kamilia e ike ia’u a he nui wale aku hoi o ua ano manao uluahewa i komo mai iloko o k’ou pahukani o ka noonoo.

     Ua kali aku au me ka hoomanawanui a hiki wale i ka hora 5 o ko ahiahi, a oia ko’u wa i hooholo iho ai e iho aku au i ke Champs Elysees, a ina au e halawai aku ana me ia, alaila, e hoike aku ana au ma ko’u mau helehelena, ua hoopoina loa au iaia.

     Ia’u i iho aku ai a kaalo ae ma ke alanui Roiala, ua halawai koke aku la ko’u mau kuonohi me ia oiai oia i kaalo ae ai me kono hiwahiwa nui maluna o ke kaa.  O ko’u ike ana aku iaia iloko o ko’u wa o ka pihoihoi nui, ua like loa ia me kekahi uwila i anapu mai i ka wa pokole a nalowale aku, e laa ko’u kunahihi maopopo o ke ano haikea a ua hiki pono ole hoi ia’u ke ike aku i ka niniu poahi o ka hoila o kona kaa.

     Oiai au i halawai aku ai me ua ui nei o ka ike lihi wale ana aku no iaia, a me ke kulana hoi o ko’u hookui ia ana mai me he uwila la i anapu mai, oia koke no ko’u wa i hooholo iho ai e hoopau ko’u hele loa ana aku i ke Champs Elysees, a huli koke ae la au e nana i ka pa@akuhikuhi porogarama o ka hale keaka ia po.

     Ua hiki aku au i ka hale keaka Palaisa Roiala i ka hora 7 ponoi o ua @o nei, me na haawina hoi o ke ohohia o ka halawai aku me ka mea nana e hoehaeha nei ko’u puuwai, aka, oiai au i hiki aku ai me ko’u ike aku hoi i ka piha pono o ua hale keaka nei, aole loa nae he mau wahi hiohiona iki o ko’u ike aku i ka me a’u e huli nei.

     A oiai oia aole i loaa ia’u iloko o keia hale keaka, ua hele huli hou aku la au i kahi ono e loaa ai ia’u me ko’u komo hele ana hoi iloko o na hale keaka a pau, aka, aole no i hoopomaikai ia mai ka’u mau huakai huli iaia e laa kou uhai mau ia e ka makapaa o ke pakalaki mao popo, a oia kou wa i kuewa hele iho ai no i ke alanui me ka nalaea o ka naau i ka hoomanao ae i kau mau hana hehena o ke kakau ana i kela leta.

     A oiai au e kuewa hele wale ana no ke alanui, ua halawai iho la au me Gasatona, a oia kana i huki mai ai a ninau iau i ka i ana mai:

     Mahea ae nei hoi oe?

     Mai ka Palaisa R@iala mai nei au.

     A ami ka Odeona mai nei no hoi au, he wahi hoi au i manao ai o kou ike aku ia oe iloko o laila.

     No ke aha hoi kou mea i manao ai pela?

     Ilaila ae nei hoi o Kamilia.

     Oia wale no anei?

     Aole, aka, me kekahi hoaloha wahine no hoi ona.  O ke Kauna de G. ae nei no hoi kekahi ilaila, aka, aole i liuliu iho, ua haalele koke no me ke Duke.  Ua manaolana, wale no au i na minute a pau e ike aku, ana la wau ia oe iloko me Kamilia, a aole wale hoi oia, aka, he noho no hoi kekahi e ku wale ana no ma kou aoao me ka loaa ole o ka mea e hiki ai ke noho mai malaila.

     Aeaha aunei kou kuleana e hele aku ai e ike ia Kamilia?

     No ka mea no hoi paha o oe hoi kana ipo lauae a keia mau la.

     Pela mai hoi owai ia oe?

     Pela mai o Perudena iau i nehinei oiai au i haiawai aku ai me ia.  Ke haawi aku nei au i kou mahalo a nui ia oe, oiai, aole paha e hiki e loaa ia oe kekahi ipo i oi ae kona waiwai o ka hoo@poipo ana me ia.  He ui nohea ia e hiki ai @ na pua o kanahele ka kulou aku imua ona.

     Ae e ka mea heluhelu, o keia mau huaolelo a Gasatona iau, ua like no ia me kekahi poiwai i ninihi ia iho maluna o kou poo a pulu elo au i ka huihui o ka maha ana ae o kou mau noonoo auwana o ka hehena, a e hoomanao ana ae hoi i kau leta pupuahulu o ke ano hupo ua like ia me kekahi pahi e houhou ana iloko o k@@ puuwai.

     Ua haalele aku au ia Gasatona me kou hoi pololei ana i kauhale, me na noonoo nae o ka hoomanawanui a hiki i kekahi la ae, malia paha o pane mai kuu Kamikia i kau leta i hoouna aku ai iaia.

     Ua hoi aku au i ka hale me ka hiki pono ole iau ke hiamoe a ao ia po-a me he mea la i kou wa e nana aku ai ma na wahi a pau o kou rumi moe, aole loa e hiki ke nalowale aku mai kou mau kiionohi aku ua helehele waianuhea o Madimosele Kamilia ina no e pili iho kou mau maka-me he mea la e ku okoa mai ana no imua ou a oia kau i nalu iho ai me ka ninau ana iho iloko ou iho ke lapu ia nei anei au e keia hale au e moe nei a i ole eia paha au malaio o ka lapu ponoi ia e na mea o kou pulima i kahakaha ai a hoo una aku i ka mea nana e haawi ole mai nei @au i ka hiamoe ana i keia po a ao.

     A ma ka hora 9 ponoi o ke kakahiaka o @a la nei, ua hooholo iho la au e hele aku e ike ia Perudena me ka hoike ana aku hoi iaia e haalele iho ana au i ke kulanakauhale nani o Parisa no ka huli hoi ana aku i ka home o ko,u makuakane.

     Ua hiki aku au i ka hale o Perudena, a ua hai aku au i ka mea a ko’u manao i hooholo ai, oia hoi ka naaiele ana iho ia Parisa no ka home o ko’u luaui makuakane.

     He mau haawina kena o kou laki, wahi a Perudena i ka haalele koke aua ia Parisa nei oiai no iloko o na la omaka mua o ke ano wailiula o ka hooipoipo.

     I keia wa a Perudena e kamailio mai nei, ua nana koke aku la au iaia me ko’u manao e mino aka mai ana la hoi oia ia’u oiai oia i kamailio mai ai aka, ua ike koke iho la au ua kuhihewa ia au ma ia mea nolaila, ua noho malie iho la au me me ka pane leo ole aku.

     Aole anei oe e haawi mai i hou aloha hope loa ia Kamilia?  wahi hou a Perudena.

     Aole

     Alaila, ua pololei no oe ma ia mea.

     Ua manao anei oe pela?

     O ko’u manao ia-oiai ua hakaka olua, heaha auanei ke kuleana e ike hou aku ai iaia.

     Ua ike i@ oe i ko maua hakaka ana ea?

     Ae, ua ike hoi au i ka leta.

     A heaha kana i pane mai ai?

     Ua huli mai oia a pane mai ia’u penei-e Perudena, o ko hoaloha, aole loa i loaa iaia na haawina o ka paa rula keonimana he hiki no paha i kekahi mea ke noanoo i keia ano leta, aka, aole nae e hiki iaia ke kakau.

     A pehea kona ano i kona wa i kamailio mai ai?

     Ua mino aka mai oia, a pane hou mai la ia @, he elua ona manawa i hanai ia ai i ka ai ianei, a he elua hoi manawa i hookena ia ai ka makewai o ka puu ono wai ona, a oia iho ‘a anei ka uku oia mau hana ana a’u iaia?

     A heaha kana hana i ka la i nehinei?

     Ua hele aku oia i ka nana keaka.

     Ae, ua ike no hoi au; a heaha hou ae?

     Ua hoi mai no i ka hale i ka aina ahiahi.

     Oia wale no anei?

     Aole, me Kauna de G. paha la, oia ko’u hoomaopopo.

     Alaila o ko maua hakaka ana he mea ole ia i ka ano o kana mau hana?

     Ae, he mea ole ia i kona manao a he pulelehua wale no hoi.

     Ua hauoli loa ia au no kona hoopoina koke ana ia’u.

     A heaha hoi ke kumu o kona pane ole ana mai i ka’u leta?

     No ka mea, ua ike oia i kona hewa nui i ke aloha ana ia oe.  Aka, o ke kulana iho la no nae ia o na wahine a pau o ka ae mai no i ko lakou aloha, koe nae ka ae laelae ana mai i kekahi kanaka e hoolapuwale aku ia lakou mahope koke iho o elua wale no la.  Ua kamaaina loa au ia Kamilia, a ua ike no hoi an he mea nono iaia e make e mamu o ka pane ana mai ia oe.

     Alaila, heaha la ka mea kupono ia’u e hana aku @ai?

     Ua manao au aohe au mea e hana aku ai, koe wale iho no kou noho malie a hiki i ko olua wa e p@@na ai kekahi i kekahi.

     A ina hoi au e kakau hou aku ana iaia e kala mai oia ia’u, pehea ia?

     E hana hoi ha oe me ka naanoa, aole no-e nele kona huikala mai ia oe ina oe e hana aku ana pela.

     I keia wa, ua kokoke loa au e hele aku e pu@ki i ka a-i o Perudena A o ko’u hoi iho la no ia i ka hale e noonoo ai i ka’u hana kupeno e ha na aku ai ia Kamilia, a oiai au ma ka hale, ua kakau hou aku la au i kekahi leta iaia penei:

[Ka Leta.]

E kuu aloha Kamilia:---

     O ka mea nona keia pulima au e ike iho ai, ua halawai mai me ua kuia o ka nihi no kana leta i kakau aku ai ia oe i nehinei, a e haalele iho ana hoi i ke kulanakauhale o Parisa nei i ka la apopo, iua aole oe e lawe ae ana i ka mana o ke kala ana mai iaia. ke nonoi haahaa aku nei e waiho iho oe i kana leta o ka mihi malalo o kou mau kanuai wawae.  O ka wa hea la ka wa kupono e hiki ai iaia ke halawai pu me oe oiai o oe wale no?  Ua ike no hoi oe, o kana mihi ana aku imua ou, aole loa e hiki iaia ke kii aku i ka nulima o kekahi mea a kau mai ma ke ano he hoike nona.

     I loko o ka ehaeha.

          Amana M. Duwala.

     Ua hoouna aku an i keia leta o ka mihi nia ka lima no o ka’u kauwa, a ua lawe aki, oia a haawi i u ui nohea nei, me kona hai ana mai hoi e hoouna mai ana oia i ka pane e like me ka hiwahiwa iaia ke hana.

     Ua noho iho au a hala ka hora 11 no ke kali ana aku o ka loaa mai o ka pane-aka, aole loa a hiki mai ia hora, nolaila, ua h@@holo iho la au ua makehewa loa ko’u kali hou ana aku a he mea pono hoi e hoomakaukau kahi paiki no ka’u huakai huli hoi i ka la apopo.

MOKUNA XV.

     Ua hala ae he hookaki hora o ko maua hoomakaukau ana i ko maua wahi oneope o ka h@li hoi aku i ka la apopo, oia koke no kou wa i hoopuiwa ia mai ai i ke kani kapalulu ana mai o ka @ele hoailona o waho loa o ka ipuka ao.

     E wehe ae anei au i ka pu ka o ka rumi e ka Monasiua?

     Ae.

     Ua noonoo iki iho @a au owai ana la keia e hele mai nei me ka loaa ole hoi o kokahi wahi noonoo iki no Kamilia.

     E ka Monasiua wahi a kau kauwa i pane mai ai, he kino o elua lede kau e ike nei.

     Owau no keia e Amana, wahi a kekahi leo i pa-e mai ai me ko’u hoomaopopo aku no hoi i ka leo o Perudena.

     Ua haalele koke iho la au i ko’u wahi e hana ana iloko o la manawa, a hele koke aku la oiai o Perudena e nana ana i ko’u mau opeope me ka mino aka ana.  Ua hele aku la eu a ike aku la i kuu Kamilia e noho ana iluna o ke koki, a oia koke no ko’u wa i kukuli iho ai ilalo me ka lalau pu ana aku hoi i kona lima a nonoi aku la i ka oluolu o ua Madimosele nei me ka i ana aku:

     E oluolu e ka Madimosele e kala mai ia’u

     Ua ho@i koke mai la o@a ia’u a pane mai la:

     O ka ekolu iho la keia o ko’u ma nawa o ka noho lunakanawai ana nou e kuikala aku ia oe.

     Ua manao au e haalele iho i keia wahi i ka la apopo

     A o ka aha ana la hoi?  Heaha ka hoi kou mea o ka hoololi ana i kau mea i hooholo ai?  Aole paha o kou hiki ana mai nei, he kumu ia nou e hoololi ai i kou manao?  Aole au i hele mai nei ianei e kaua aku ia oe mai kou haalele ana nia@ ia Pasisa nei, aka, mamuli wale no o ka loaa ole o ka manawa kupono ia’u e pane mai ai oia ke kumu nui nana au i kono mai e hele kino mai e ike oe, mamua hoi o ko’u noho wale ana aku no a hoi ia i mea nou e huhu ai ia’u.

 

PIHA MAHALO I KA NUPEPA KA LEO A ME KE ALOHA AINA.

     Mamuli o ko olua noho kiai makaala me ka naue ole no ka aina, ka Mo@wahine a me ka lahui, ua hoolohe io no ka lahui i ka olua mau olelo ao e noho i kauhale, aole e hele mai i kela palawai poh@laio a ka @oai o ka hae eleele, (Civil Right) i kapa ia lakou iho; he loyalist, he poe kupaa naue ole, aole hoi he royalist, he poe mahope o ke aupuni Moi.

     Ma ka aoao o ka lahui Hawaii oiaio; ke kamailio aku nei au, o kela halawi makaaman’a i malama ia ma ka po Poakahi nei, he elua no ona kino:  no ka lahui, ka aina a me ka Mo@wahine kekahi, no ke Aupuni Repubalica kekahi hapai Oiai, ua lono ia’@ mamua ae o ka halawai ana i ka po i olelo ia, ua ulu ae ka hoopaapaa mawaena o kekahi l@@@ haole a me kekahi elemakule haole mahi ko no ka olelo hooholo i apono mua ia e lakou Komite, aka; mahope koke mai, ike iho la ka el@makule, ua an@ e ka olelo hooholo, aole i kulike me mamua, nolaila, ua ulu ae la ka hoopapaa mawaena o ka loio a me ka elemakule a hiki i ka wa a ka elemakule i kapa aku ai i ka loio i ka hoopunipuni, a hoopuka ae la ua elemakule ala i na olelo kuio o ke aloha aina, aloha Moi, aloha lahui; ke wehe nei wau i ko’u inoa mai keia hui mai, a ke holoi nei wau i ko’u mau lima a maemae.  I ka lohe ana o ka lua o na elemakule i ke ano poholalo o na loio haole nei, ua wehe aku ka elemakule iaia iho mai ua hui eleele la, a kaawale ka moi i ke ehu o ke kai.  Ua lohe wale ia ae ae, i kekahi mau halawai hoolala ana a ua poe nei mamua aku nei, ua kauoha pu ia o J.E. Bush e hui pu aku me lakou no ka noonoo ana i ke kumuhana halawai makaainana, ua hele kino io no oia ma kekahi mau halawai i malama ia ma kahi o Wilimana a ma ke kau wahi okoa aku kekahi; a ma ia mau halawai ana i ulu mai ai na hoopaapaa hahana no ko J.E. Bush kupaa mamuli o kona aina makuahine, kona Moiwahine, a me kona lahui, a kapa mai la no haole hookamani o ka manao poholalo iaia he kekake, oi i hoi, he hoololohe auwai.  O keia mau mea i lohe mai kekahi haole oiaio a’u i hilinai nui loa ai.  A oia ke kumu nui o ko J.E. Bush ae ole ana e hui nu me lakou a hoala i ka halawai me ka manao lokahi.

     Ke keke mai nei hoi ka niho o kekahi peo kanaka maoli, hewa maoli o J.E. Bush a me Kaunamano i ka papa ana i ka lahui Hawaii aole e hele i kela ha’awai makaa inana, @ he mau olelo no pelapela loa kekahi i hailuku pu la no laua nolaile, e ka lahui Hawaii oiaio, kupaa, naue ole, a hoomanawanui ka olelo nei wau, he mea hiki n@ ka malama ana i ka halawai o keia ano a puni ka Paeaina me ka manao oiaio o ke aloha aina, aloha Moi, aloha i ka lahui me ka awiliwili ole me ka manao hookamani awahia o ka maalea.  He manao oiaio no ko’u, o na hoa Hawaii i hui pu me keia poe haole manao pahele o ua hui ala, aole lakou i lokahi me na hana poholalo o ka maalea a ua peo ala  I na no i ike iki a mahui iki paha kekahi o lakou no ia mau mea huna, i na no aole lakou e ae e hui pu me na haole mamua ae o ka wehe ia ana o kela halawai makaainana i wehe ia ma ka po Poakahi nei.

     Wahi a kekahi mau Hawaii i haanui mai ai imua o’u.  Ke olelo mai nei o Iesu Karisto, e malama ia oukou i na kaula hoopunipuni, aka, maloko o lakou, he poe ilio hihiu hae alkoa.  Aole @aha kakou e poina ana i na hana puuwai eleele o ka hookahuli aupuni o ka 1887.  O C.W. Ashford no kekahi alakai o kala hana, e like ne kana i hoike piha ai iloko o ka A@aolelo o ka 1890.  I ka manawa i ike ai o Kamehameha I aohe he kipi i koe o kona aupuni mawaho mai, ua ninau koke oia i kona Kuhina Nui i keia ninau koikoi o ke kalai aina naauao ia Kaleimoku;  “Aole anei ho kipi i koe o ka aina?”  Ua pane ae la kona Kuhina, he kipi no.  “Nawai hoi ia kipi i koe?”  wahi a Kamehameha.  O k@ wahine no o Kaahumanu, wahi a Kaleimoku.  Auwe! o ka’u wahine no hoi ia, kipi no ka hoi oia ia’o.  Ae, wahi a Kaleimoku.  Pehea hoi oia e kipi ai ia’u?  Aia a moe aku oia me kekahi alii a aloha aku oia la alii, alaila e kipi ana kela ia oe, o kou poino no ia, no ka mea, no iala ke kanaka, a he pono ikaika wale iho no kou. Ike koke o Kamehameha i ka haina oiaio o kana ninau i hoomakaulii ai iloko ona, a ninau aku al i kona o ka lua ia.  “A pehea auauei e pono ai?”  Eia ka pane naauao a kona Kuhiina:  I na he alii haahaa ke moe i ke alii, e lawe mai oe i kona haawina aina, a i na he alii kiekie ke moe iaia, e make oia.  Ae, ua pono iho la, wahi a Kamehameha.  Aole no i loihi mahope o kela mau kamailio ana, loaa io iho la o Kanihonui e moe ana me Kaahumanu ia Luheluhe, a hai aku la o Luheluhe ia Kamehameha.

     I ka lohe ana o Kamehameha’ kulou kona poo ilalo, a na ka waimaka no e hiolo ilalo o ka le@o, no ka minamina i ke keiki, ke aloha, a me ka hoopuka ana ae i kekahi mau huaolelo anoano eehia, aia i kuu kakaolelo ka olelo hooholo hope loa no kou make a me kou ola e kuu keiki.  Nolaila, haawi aku la o Kamehameha i ke dala kini ulaula ia Luheluhe e lawe imua o Kameeiamoku.  Lawe io no o Luhelehu i ua dala kini ala a haawi aku la iaia me ka olelo pu ana aku, mai ia Kamehameha mai nei keia mea ulaula.  Lawe ae la o Kameeiamoku i ua dala nei a nana, a mamuli o kona kilo aupuni ike kuhohonu, honi ae la oia i ua dala ala, a hiolo makawalu mai la na waimaka mai kona mau lihilihi mai, a me ka leo eehia o ke anoano aloha, pane mai la oia ia Luheluhe, e hoihoi hou aku oe i keia dala ulaula o ka iwi koko ia Kamehameha.  I ka hiki ana o Luheluhe imua o Kamehameha, e ninau koke aku ana o Kamehameha, ua naa ia aku nei anei ke dala e kuu kaka olelo, e hoike koke aku ana o Luhel@ha, eia no la, ua hoihoi hou mai nei no.  E uwe and o Kamehameha, auwe kuu haku e---kuu ha---ku.  I ka aku nei hoi ke aho o ke ola o kuu haku ia o---e, eia ka he make no---e.  Pela iho la i make ai o Kanihonui, a nele loa ka aina i ke kipi a hiki i ka make ana o Kamehameha.

     Nolaila, e ka lahui Hawaii, iloko o keia mau la kupilikii o ka aina, ke ninau nei wau, ua, nele loa anei kakou i na kakaolelo kalai aupuni naauao?  Aole!  aole Ioa, eia no o J.E. Bush a me Joseph Nawahi na alakai o ka lahui a me kekahi poe aloha aina e ae.  Mamuli o ko laua koho ia ana mai e ka Mea Kiekie Loa i waha olelo no ka lahui, oia ke kumu o ko kakou pakele.  Auhea hoi na kipi, eia ka’u @aina, o na Kuhina hupo o ka Moiwahine, i ae e kakau i ko lakou mau inoa ma kela papa inoe o ka poholaio.

     HAWAII PONOI.

 

Hale Kuai Lako Hale Nui

E Hanaia no na Lako Hale o na ano a pau

Na Lako Hale i Makaukau mua mai na Ama e mai.

Na Bela Moe o na ano a pau.

Na Moe Oka a me na pono Lumi Moe e ae o ke ano hou loa o ka

HOIKEIKE NUI O KIKAKO.

Na Uluna Hulumanu i uhiia me na pale Silika o na ano like ole a me na Uluna Mauu

O Kela a me Keia Ano.

Na Pela Moe Lauoha, Lumi, Huluhipa, a me na Bela Moe Mauu i makaukaa moa i na manawa a pau.

Na Noho o na Ano a pau.

He mau noho hoolimalima no kekahi no na anaina hoolaulea a ahaaina paha, he oluolu loa ka uku hoolimalima.

     He’oluolu loa na kumukuai o na pono lako hale e na ano a @au e waiho nei maloko nei o ko maua HALE KUAI.

ORDWAY PORTER.

@lanni Hotele ma ka Hale Pohaku o Kohikana mauka mai o ka Mele Koiannu Hou

Telepona Bele 525     ia@ 12---iv dly.     Telepona Miutala 645.