Ka Oiaio, Volume VI, Number 6, 9 February 1894 — Page 2

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA

KA OIAIO

JOHN E. BUSH, LUNAHOOPONOPONO

John K. Penikalaka

PUUKU.

O KA PONO KA AIALII E OLA AI KA AINA

 

POALIMA, FEBERUARI 9, 1894

 

Na hana hoino I ka Moiwahine

 

            He nui na hoino o na nupepa hoohoi aina i ko kakou Moiwahine e olele ana, he Maoiwahine puni koko Oia he ake e okiia ke puo o ka pie napa i hookahuli i ke Aupuni Moi a pela aku.

            I ko makou hoomaopopo ana ni@ mau  mai na keia poe kipi no lakou i hookomo iloko o ka pilikia a ina i hoopaiia lakou no ia hana, alaila aole maluna o ka Moiwahine Liliuokalani ia hewa oiai aole na ka Moiwahine i hookikina aku ia lakou e hana ia mea.

            He puni koko anei ka Moiwahine ke hookoia ke kanawai o ka aina, a ua poe kipi nei no i hana ai? Ua hoomaopopo makou i keano io maoli o ia huaolelo punikoko, oia ka luku ana a pepehi wale ana aku i na poe hewa ole. O ka hoopai ana i ae poe hana hewa maoli aole ia he hana e kapaia mai ai he punikoko.

            O ka hoopukaia ana o na huaolelo okipoo, a me ka manao ana iho na ka Moiwahine ponoi ia mau huaolele he hana ia i ku ole i Kona kulana Lede, a he mea i maa ole loa e olelo ia e na mea a pau ma Hawaii nei; no ka mea oa hoakaka, maopopo ia na hana maa mau, i lawelaweia no ka poe kipi, ke loaa ka ahewaia ma ke kana wai,. O ka @ ia, maluna o ka laau olokea, ka mea maa mau, no ka poe i ahewaia no ka make, aole o ke okipoo ana.

            Ua hapai nui na nepepa i keia mau huaolele, okipoo a me punikoko a kapilipili aku na ka Moiwahine Liliuikalani; i mea e ulu mai ai na manao inaina, a me ka ukiuki ulapuni o ka Lahio Hawaii iaia; Pehea? Ua lilo anei keia mau hana ana a ua poe kipi nei i mea e ulu io mai ai ia manao iloko o ka La hui Hawaii? Aole loa; No ka mea ua maopopo mua i ka Lahui o keia poe no na kumu hooulu  i ua ino he lehulehu wale maloko o ka aina, iwauna o ka Lahui.

            O ke kuko hookamani o na poe mamo a na wikanelo, i hui pu aki me na poe aea haukae hana karaima mai o waho, ka mea nana i kokulu iho ma ka la 17 o Januari 1893 i kia hoomanao poina ole, no ka hana kipi i hookahuli ai i ke Aupuni o ka Moiwahine Liliuokalani.

            E hoomanao ka Lahui Hawaii ma kela Alakai Aloha Aina a Wilikiko ma o ka 1891; a oiai o na poe Mamo Mikanele ke noho apa ma ka Aha Kuhina o ka Moi Kalakaua Pehea! Ua olelo ia ae he ponikoko a he okipopo o Kakina?o Damana? o Aukina hoi? a me Akipoka? no ko lahou kipaku ana ia Lumini ka haole Belegioma? Pehea? Ua puai ae nei ka leo o na Mamo Mikanele, a olelo ae he man hana @koino ka Kakina ma no Joseph M. Poepoe Esq? Ua olelo anei lakou he okipoo o Kalakaua? a he punikoko hoi oia?

            Aia a na poe Mikanele e hana a e hooko ke kanawai, e pau ai na poo i ke okiia (wahi a lakou) alaila, noho malie loa iho la; Aka, aia a o lakou ke hana I na hana kipi, e hiki ai ke hoopaiia e like me ke kanawai, alaila, nui ka leo i kekukala he okipoo a he punikoko ka Moiwahine. He mea kunaianaha loa keia! Aohe no he lua!

            Aia a hanau na keiki manuehi a na mamo mikanele, alaila, kukala mai ia o na poe Hawaii, he poe moeklobe lakou. Aia a o lakou ponoi ke kaa mai nei i ka lepo me na wahine Hawaii opio, alaila, kukaia mai la, he hau mia loa oukou e ka Lahio Hawaii! He loa ole keia mau hana hookamani.

            Aka, e hoolana kakou e na poe Hawaii, e uumi I ka hauu, a e hana lokomaikai aku i ka poe e hoino mai ana ia kakou, a e noi hoi i ke Akua, e kala mai ia lakou, no ka mea, aole no lakou i ike i ka lakou mea e hana nei.

 

            KALAHUI HAWAII

 

Eia Hou no !

 

            He mea mau i na haole i noho a waiwai ma Hawaii nei, mahope mai o ka pae ilihune ana ma keia aina oluolu me’ka hookipa a hoopunahele ia ana e na ‘lii a me na kanaka Hawaii, e haalele ana me na olelo homoino ia Hawaii i na ‘lii, na kanaka a me ke aupuni; aohehe mea maikai e hiki ke olelo ia no keia aina, he ino, he ino, he lapuwale a pela aku. A i ko lahou huli hoi ana no ko lakou aina makua olelo iho la aole lakou, e hoi hou mai i Hawaii nei, no ka mea ua ino na mea a pau, koe, wale no ke o’ala e loaa ana mai ka lepo o Hawaii a lakou i hoino ai. Eia nae hoi mai no lakou i Hawaii nei  i kela a me keia ,Manawa e laa e Bihopa, Kamika, Gulika, Limaikaika, a pela aku.

 

NINAU O HAWAII

 

Hoike aka Hapanuio ke Komite ma ka aoao kakooike Kahua Hana a Peresidena Cleveland.

 

            Wasinetona, Januari 22 – Iwaena o ka Manawa e hoopaapaa ia ana ka ninau pili i ke kopaa; ua hoouna aku la ka Peresidena i na palapala hope loa a Kuhina Willia i loaa aku iaia, e pili ana no Hawaii nei.

            Mahope iho o ka heluhelu ia ana o keia mau palapala, na koi koke mai la o Bouleia(mai Meina mai kahi o Stivini) e ika koke aku ka Hale iaia. Ua makemake oia e hapai ia ka noonoo ana i kana olelo hooholo. Wahi ana mmuli o na palapala loaa mai i keia Hale iloko o ekolu Manawa, ua Akaka loa, aia ke Aupuni o Amerika ke hana nei i kekahi, hana e ulu mai ai ka hau@aele iloko o kekahi aina he noho maluhia ana me Amerika Huipuia.

            I keia manawa ua puka na olelo wela mawaena o Boutele (kokua hao aina o Maine) a me ka Peresidena o ka Hale Ahaolelo.

            Ua noi aku la o Hatch, e hoopaa ia na olelo a Boutela i hoopuka ai maloko o ka moolelo o ka Hale, me ke kauoha pu ana iaia e noho ilalo maluna o kona noho. Ua hoole mai la oia (Boutela) i keia ia manawa i kauoha ia ai ka Makai o ka Hale e hooko i ka mana o ka olelo a ka Peresidena o ka Hale. He pioo nui ka i ike @ ia manawa.

            Ua heluhelu ia na @ a ua hoike mai la ka Peresidena o ka Hale ehoomaka hoi ia ka noonoo ana o ka hila dute.

            Ma ka mahae ana o ka Hale, ua hoike mai la o Boutela, aole ka hapanui o ka Hale ia manawa. Ua hole na poe Repubalika i ke koho ana.

            Ua kohoia iho i poe nana e helu ma ka nana, me he ala aole e loaa io ana ka hapai o ka Hale, a o ka noonoo no ka bila dute e waihoia ana. Mahope iki iho o ke kali ana i ka hoike a ka poe helu ua loaa iho la no he hapanui o ka Hale; a ua hoomau ia aki la ka noonoo ana i ka bila dute. Haule pahu  iho la o Boutlea (Reb) ka oo palau a Stivini, iloko o ka Hale Ahaolelo o Amerika, kahi elemakule aihue aina o Meina, no ia wahi hookah like no laua. He keu ka poe kanaka pakaha a o ko ka mokuaina mai o Meina.

            Na ka Lunahoomalu McCreary o ke Komite o na Aina-E, I waiho mai he olelohooholo ma ke awakea oia la no me ke kahua hana a na hoa Komite o ka aoao Democarate maluna o ka ninau o Hawaii. O kea no nui o keia olelohooholo, o’a no ke koe loa ana i ka hoohui-aina, me ke kakoo ikaika ana i ke kahua hana  a Peresidena Cleveland i lawe ai maluna o keia kumuhana. O keia olelohooholo a ka Lunahoomalu McCreary i waiho mai ai mai ka hapanui mai no ia o ke Komite.

 

HE HOIKE HOOPONO

 

            O Jauka M. Stalker o Des Moines, o ka mokuanina o Iowa na hiki akuoia imua o ke Komite Ninaninau o ka ninau o Hawaii e hoike i kana mea i ike maka ai ma Honolulu nei oia i ka Manawa o ka hoo kahuli aupuni i hanaia ai.

            Okana ike i hoike ai oia no keia u manao oia he lapuwale loa kea no o keia hookahuli aupuni i hana ia ai o kona manao maoli aole loa e holopono na hana a ka poe kipi i na aole i hoolele ia main a pualikoa o Amerika.

 

UA KAPAEIA NO KO HASTING INOA.

 

            Ma ka nupepa Nu (aka Post o Wasinetona, e hoike ana penei) Ua hiki ke olelo ia i keia manawa me ka maopopo lia, o ke kono ole ia ana mai o Hasting, ke Kakauoleo o ke Keena Kuhina o Hawaii ma Wasinetona nei ma ka paina pili aupuni i haawiia ai e ka Peresidena Cleveland; maloko o ka Hale Keokeo, ua hana ia ai mamula o ke kauoha a ka Peresidena, aole hoi ma kea no poina. Ua ka@ ia keia Keena, mamuli o ke kauoha mai ka Peresidena aku.

 

AOLE I AE IA MAI.

 

            Ua kipa aku o Kakipa ma ke Keena o ke Komite @naninau o ka ninau o Hawaii o ka Aha Senate, i ka manawa enoho ana o ua Komite ala; ua hole ia mai kona komo loa ana aku iloko o ke Keena o ke Komite. Ua huli hoi mai ia o Kakina me ke Kuhina Stivini (ka lima lepo). Wahi ana, aole no he mau olelo hou e pakui aku ai no ka ni pau o Hawaii mawaho ae o na olelo mua i hoike ia. Ua liaa ka laau kaulana a Kalani ia Kakina a me kahunapule o Mamena. Hoku.

 

KAMANAWA E HANA IA AI.

 

            Ua manao wale ia, ua hooholo loa ia ka bila dute holoekoa ma ka Poaha, Feb 1, mahope iho oia manawae hapai ia mai ai ka noonoo ana i ka ninau ano nui o Hawaii Aia maluna o ka ole lohooholo a McCreary ke kahua nui e noonoo ai ka Hale.

            Ua loaa i ka ninau o Hawaii ka manawa pono o na hora mua o  ke kakahiaka, a ma ke awakea hoi no ka hila koho ballots.

 

E NOI IA AKU ANA O DOLE E @ HOU I KANA MAU OLELO OOLEA

 

            Wasinetona, Jan 27 – Ua loaa mai he mau lone e hoike ana i ka Peresidena Cleveland manao kaumana no na olelo oolea a Mr. Dole maloko o kana lehi, ua hoohaahaa aku ia i ke noo o kekahi lahui nui o na keena oihana i keia ia oia no ka mea e pili ana i keia nau olelo a Mr. Dole.

            Ua hoike nu ia mai no hai ua hoouna aku nei o Kuhina Nui Gresham he mau no ana ia Kuhina Willia e noi aku ia Dole e hoihoi kou aku oia i kana mau palapala a pau i p@’a ai me na olelo oolea noi aku mamua o ke kupono e kue ana ia Peresidena Cleveland. Ua manaoia e loaa hou mai ana mai ia Willis mai, kekahi mau palapala hou o pili ana no keia mea.

            Me he mea la, ua pau ka hana no ka ninau o Hawaii ma Wasinetona @ o keia mau la i hala iho la a ua kaa ka lanakila kamahao ma ka aoao o ka Moiwahine a me Kona lahui kanaka “E ola o Hawaii i ke Akua”

 

HOOLELOA I KA HOOHUI AINA

 

Ua hoike mai la ke Komite o na Aina – E o na Hale Ahaolelo elua o Amerika, i ko lakou kue loa i ka hoohoi ana aku ia Hawaii nei me Amerika. O keia ke kui hope loa i kakia iho malana o ke kino kupapau o Hoohui=aina a na welo mikai manao ai e ko ana ke kuko aihue aina a lakou i moeuhane mua ai no na makahiki he 20 a oi.

 

AOLE HE HOIHOI

 

            Ua kipa aku o Kuhina Kakina e ike i ke Kuhina Nui Gresham, aole nae he ohaoha ia mai, ua like no me ka manawa mua, kea no hoihoi ole ia mai.

 

Ka Lokahi o ka Poe Hoopono

 

            Hoko o keia mau la ma Amerika ua huli aui ae ka manao o ka poe hoopono i alakai kuhinewa ia e ka poe i holo aku mai Hawaii o ka aoao hapa-uuku o ka hoohoi-aina; oia ka poe aia a me ke poe haipole a me misionari. He mea oiaio no ua nui ka hana a ke diabole I hana ai, ma o keia poe; ka poe oi loa aku o ka welawela a me ke kuaki, oia no na kahunapale a me na parisaio malalo o ka lakou ao ana. Aka ua lilo keia mau mea a pau, a me na hoopunipuni he mea ole imua o ke Akua hoopono. Ua huli mai ka lahoi Amerika e uoho la ma ka Ahaolelo o Amerika, e apono ia Peresidena Cleveland a me Kuhina Gresham, mahope o ka ike ia ana o na hoike a pau a Mr. Blounta waiho aku ai i ke Aupuni Amerika. Ua like keai hoike me ka leo o ka hekili mai ka lani mai e hoala ana i ka poe i alakai hewa ia e ala ae mai ko lakou paa ana malalo o na hana hoopunipuni a ka poe kuko hewa e aahu ana i ka uhi hookamani o ka hoonama; a ua like no hoi ua hoike la me ka malamalama o na hana hoopau ana i ka uhi eleele o ka pouli i pahola ia aku e na alakai a me na hoahanau e kapa ana ia lakou he poe Karistiano. Ua hoolaha ia mai i ka Poalima aku nei i hala oia ka la e hooholo loa ia ai ka hoike a McCreary, ka Luna Hoomalu o ke Komite o ko na Aina E o ka Hale Lalo o ka Ahaolelo o Amerika, e apono aku ana i na ha na a pau a ka Peresidena o ke Aupuni Amerika i kauoha ai e hana ia ma ka “ninau o Hawaii” Ua ike iho no hoi makou i ka hiki ana aku imua o ke Komite o ko na Aina-E o ka Senate. E na :hoahanau” nani ka hoohaahaa ia ana o ka poe hookiekie. O Stivini a me Kakina na alakai ma keia hana hookahuli kumu ole i hana ia oia Hawaii nei. Ke hoike ia ae la ka mua o ka hoohilahila ia o ka poe hana hewa o ka oi loa nae hoi o ka hilahila o keai hana ia ana mai i keia mau kanaka, oia keia, he mau misionari Iaua a elua, he kahunapule o Stivini i Levi ia a he wew hoi o Kakina no ka papa Kahuna o Levi. Aole nae malaila eia ke huli kua maila ka halu i pae aku i ke kumu pali paa o ke Aupuni o Cleveland a oia ke kau nei e ale i na alakai misionari a me na kokua o ke aupuni P.G. ma ke kahuoha i hiki mai e ai hoi ka Peresidena Dole i ka mana olelo haakei a Kakina ma i pua aku ai ia a puai aku i ke Kuhina Willis o ke Aupuni Amerika.

            Auwe ka haule ana o ka poe kiekie o kea o nei. Ina he poe keonimana Beritania kai hoohilahila ia e like me keia poe e noho nei ma na wahi kiekie o ka oihana aupuni aole lakou e kakali aka lawe koke lakou i ko lakou oia mamua o ka ehaeha mau o ka naau i ka hoohilahila ia e ka hopena o kalakou mau hana. E hana ia Baramaceda o Kili, a me ka poe he lehulehu wale oia poe i nohoia e ka ma nao hanohano; aka, he okoa ia poe he okoa hoi heia poe; he kanaka keonimana kekahi a he hookamani kanaka kekah

 

He Hana Hoohilahila

 

            No na hana hilahila ole aole no he poe i ai aku mamua o ka poe ma ke poo o ka oihana aupuni Hawaii. Mamua o ka holo ana aku nei o Mr. Makina no Amerika i kela mau pule i hala, ma he ‘a ua hookikina iho nei oia @ na hoa paana na ona e kokua aku ‘i ka hoikeike ma Kapalakiko. No keia kumu ua lawe ia aku nei ka noho kalauno o na moi, na hoailena @ o ka Moi Kalakaua, ka moe o ka Moiwahine a me na mea e ae i kuleana ole i kekahi mea e lawe. He mau ipu kekhi a ke ole makou e lohe hewa o na inu hoopaa pilikia @ kahi o na ‘lii kahiko lia. I ko makou manao ina e mau ka hoohoka ia o Kakina i holo aku nei no ke aupuni Amerika kokoke loa oia e alakai a e lawe maoli no i ka poe hula-kui e hoikeike i waena o ka Iahui Amerika i nele loa ole ai oia a me kona mau kea oiai ua kanu loa ia ka hoohui aina @ hoa misionari i hoao iho nei.

 

Ke Iho ala Kona Ohohina I ka Loa me ke Kaumana

 

            He mea kaumaha ia niakou ke hoomapopo iho i ka hiona o na hopena e hiki ana @ o Mr. Stivini ka makoa o ka pakaha aina i ike maka ia. Ke hoomaopopo iho kakou me he la mahope o ka huaipau ana aku nei a ka Peresidena Cleveland a me kona Aha Kuhina i ka hoike a Mr Blount ka pukaua hooko i ka oiaio ua like o Stivini a me Kakina a me Alekandedero a me ia poe me na kanaka e hele lewalewa ana aohe aahu ma ia hope mai. Hoole ia mai la o Hastins aole e ai pu me ka Peresidena me na luna aupuni o kea lo o ke poo aupuni Amerika; hole ua mai la hoi o Kakina a me Stivini aole e @ aku i ka wa o ke Komite o na Aina e noho ana kuka, heaha hou aku koe, aole anei o ka hooko ia ana ia o kea no o na huaolelo ma ke poo o keia hoike mamao.

 

KA OLELO A ADIMARA LA IRWIN

 

I mai la Oia ua Mau no ka Pihoihoi

 

                Wasinetona, Jan 20 – Ua loaa mai ia Sec. Herbert keia hoike pili aupuni mai a Adimarala Irwin mai ka mea i hoonohoia i poo no ka oihana kana ma Honolulu:

                Honolulu, Jan 2, 1893.

                Aloha oe: Ua liaa ia’u ka hanohano e waiho aku i keia hoike imua ou e pili ana i ke kulana aupuni mai ka holo ana aku o ka moku elele Korwina ma ka ia 24 o ka mahina i haia; ke hoomau nei no ka hoomakaukau o na puali kana o ke aupuni kuikawa, a aole hoi he @ iho o ko lakou pihoihoi.

                Ke olwlo nein a pupepa, he alii au no ka puali kaua o Amerika Huipuia a ke manao nei ka a’u e hoihoi i ka Moiwahine me ka lima ikaika. Ia wa hookah no ke olelo nei lakou ua hoike aku au aoie ana au e hooko ana i kekahi kanoha a’u i manao ai ne kuo i ke kakanawai. Ke olelo pu nei no hoi ia kou o nalii a me na kanaka malalo o ko’u manao aia lakou ma ia kulana hookah. Ke kumu nui o keia e hoololi i ka noonoo o ka lehulehu o Merica Huipuia, aole loa he kahua o keia mau olelo i oleloia. Mai kou hiki ana mai a hiki i keia ma nawa ua akahele loa a’u ma ka hoopuka ana i kekahi manao, koe wale no ma ke kuka ana me ke Kuhina o Amerika @ a ua kauoha aku no hoi i na mea a pau malalo ou e hana pu e like me kau. Ko pakui hou aku nei a’u aole loa o Mr. Willis i hoike iki mai ia’u i kekahi mea e pili ana i ko ke aupuni o Amerika manao ana e hoohanaia ka mana kaua o Amerika manao ana e hoohanaia ka mana kaua o Amerika, I wahi e hiki ai ke hoihoi ia ka Moiwahine. Ua hooko no au i na kauoha i haawai ia mai ia’u, o malama i ka noho kuikawa ana me ke @ loa. Ua olelo pinepine ia no nae; ua makaukau makou e lle iuka pela io no aka o ke kumu o ko ni a kou hana ana pela ua like no me ka Kuhina Willis i hai akea ai ua hoolahaia keia olelo e hoolele mai ana oia I na pualikoa no ka hoopio ana aku i na hana hoohaunaele me ka hoopakele ana i ke ole a me ka waiwai o ka poe i hiki ole ia lakou ke pale no lakou iho.

                Ina aole no keia mau hana a na hupepa me ko lakou mau hoao ana e hoohuli i ka mauao o ka lehulehu ma Amerika H@, aole no he pihoihoi ana e ike ia a i na ao ua mau kea no o ka hana kaepa ana e hae no me ka mea mau mau.

                Me ka haahaa lia

                John Irwin

                @ Adimarala

Aumoku Kaua o Amerika Huipuia.

 

HE MANAOLO MAOLI A NEI

 

AOLE I KONO IA KE POO O KA OLOANA PILI AUPUNI HAWAII MA WASINETONA

 

                Wasinetona, Jan 20 – Ua hoopahaohao ia ka manao o ka poai o na Luna Aupuni apau, no kekahi mea uuku i ikeia ma ka @ a na Luna Aupuni i haawiia ma ka Hale Keokeo ma ke ahiahi Poaha nei. Mawaena o ka moa o na hoa i konoia, i hoolahaia ma ka nupepa, aole i ike ia ka inoa o ke Kakauolelo Hastings, ka mea e malama nei i ka Oinana Kuhina o Hawaii @ nei i ka mauawa aole kona mua ma Wasinetona nei. Aole no hoi o Hastings kekahi i noho pu me na hoa ma ka papa aina a i keia wa ua Akaka loa aole i loaa aku iaia kekahi palapala @

                O keia haka@, i hana ia paha me ka manao @ paha aole paha, ua lilo ia he @ kamailio noiia, no ka mea aia no na Kakaaolelo o Korea a me @ na Mea Malama Oihana oia mau aupuni i ka wa i kaawa@ ai ko lakou mau mua aia ma ia kulana hookahio Mr. Hastings ua ike ia no mawae@ o na hoa i hookipaia a ua kou ia no hoi na poe o na Keana Oihana o na aupuni a pau ma Wasinetona @ hookah hoi ka Hawaii.

 

Ke Kuikahi Panailike

Receprocity Treaty

 

                He nui na hoao ana iloko o na kau e noho moi ana o Kamehameha V a me Lunalilo e oaa o na Kuikahi Panailike waiwai mawaena o ke aupuni Hawaii a me Amerika Hiupuia; aka, aole no nae i loaa mai.

                O na poe haole huli waiwai a pau, ua hoike mai lakou i ko lakou ake nui, e loaa ona Kuikahi Panailike; i mea e hookoia ai ke kahua o na pono imi waiwai nui o lakou ma keia Pae Aina.

 

                He kumu ano nui loa, la lakou mea i ake ai e hooholoia ke Kuikahi Panailike; a o ua kumu ano nui la, aole loa ia i iko pono ia e na hoa Hawaii iloko o ka Hale Ahaolelo. He mea huna keia a na poe haole malea i hana ai, a i makemake ole ai e hoike aku i na Hawaii; koe wale no, o ka hooholoia o ke Kuikahi Panailike, pau ae la. Ua ulanaia ke kahua o keia hana maalea, e na poe loea kalai aupuni o Amerika; mamuli o na kuka pu ana me ko Hawaii nei poe haole maalea, i komo like iloko o na kuko ana e hookoia ua kumu ano nui la.

 

KA MEA HUNA ANO NUI

 

                O ka Hoohuiaina, oia ka kea huna ano nui i hookomo maluia iloko o ke Kuihaki Panailike. O ka Hoohui aina oia no ka uhane maoli o ke Kuikahi Panailike; nolaila, i ka wa e nahaha ai o ka hale Kuikahi Panailike, alaila, ua waiho wale ae la ka uhano o ka Hoohui aina, a oia keia e hele holapu mai nei iwaena o ka Lahui Hawaii, e koi ana ia kakou e ae aku i ka hoohoi aina.

 

HOOKOKONOIA KA MOI KALAKAUA E HOLO I LOAA KE KUI KAHIPANAILIKE

 

                Ma ka A.D. 1874, i ko ka Moi Kalakaua noho luluni aku la keia poai o na poe haole huli waiwai, na poe mahiai ko, a me na poe kalepa waiwai nui o keia Pac Moku, a koi aki lakou i ko kakou Moi, e holo oia i Amerika Huipuia, i loaa mai ona Kuikahi Panailike waiwai. O ke Poo keia o ka Lahui awaii e hele nei a o ka Moi hoi o ke Uapuni Moi o Hawaii. Ua hiki aku Oia ma Ameriak i ka 1874, a ua kuka pu me ka Peresidena o Amerika Huipuia, a ua loaa main a hooia ana, no ka hana ana i Kuikahi Panailike me ke Aupuni Hawaii.

                Ma ka A. D. 1875 mai ua hoolalaia ke kuikahi; a ma ke kau Ahaolelo ae o ka 1876; ua waiho ia main a kuikahi la no ka apono ana aku o ka Hale Ahaolelo o Hawaii nei.

 

NA KALAI-MANAO ANA

 

                O ka Hale Ahaolelo holookoa o ka 1876, na ‘Lii a me na hoa Lunamakaainana Hawaii a pau hoa, (koe wale no au, a me ko’u kokoolua kupaa, ka Hon. G.W. Pilip) ua uhi pu ia lakou e ka mana o ka uhane o ke Knikahi Panailike a ua hiki ole ia lakou ke ike me ka noonoo akahele, i ka hopena e  hoea mai ana maluna o Hawaii nei, e like me ia i keia wa. Aole au I noonoo no na hoa haole ia wa, no ka mea ua ike no au, ua ike mua lakou i keia mea huna; aka aia maluna o ko’u mau hoa Hawaii ko’u kahaha mui, no ka hiki ole ia lakou ke hooloho iki mai, i ko maua wa e kamailio ana me Mr. Pilipe no ke kue ikaika ana aku i ka hoholo ana i ke Kuikahi Panailike, ka mea a maua i hoopaa ai i ko maua manao, he mea ia e hoopoino mai ai i ko Kuokoa o Hawaii nei, a e hoonalo aku ai hoi i ke kulana Aupuni Moi o Hawaii.

                He nui na wehewehe ana e na poe kokua i ke kuikahi, me ka hoike akea ana mai ma ka lakou mau kamailio ana, i ka nui launa ole mai o na pomaikai e loaa mai ana, ina e hooholoia ana ke kuikahi “E hao ana kakou i ke@ me ke Kopala, a e piha ana ko ka kou mau pakeke i ke gula, a e mahuahua loa ana ka waiwai o na kanaka Hawaii, a pela aku.” O keia na olelo wanan a ka poe kokua i ke Kuikahi Panailike.

 

                A pehea la ia ke nana iho oikou e ka lahui i keia la? Ke hao Kopala ia nei anei ked ala? Ua hanini anei ke gula mawaho o na pakeke olo o kakou? He mahuahua anei o na poe Hawaii i waiwai nui? Ke ike maka nei kakou, aohe wa i oi aku ka nele, ka hune, ka holo ole o na hana o k aina, e like me ko keia wa!

 

                Hoko o ia Ahaolelo o 1876; ua hoike maua i keia manao (wanana) penei: O ka hooholoia ana o ke Kuikahi Panailike; o ke keehina mua ia no ka Hoohuiaina; O ka hoohui aina, oia no ka hoopau ana i ke Kuokoa o ke Aupuni Moi o Hawaii: He aneane 18 makahiki mai ia kamailio ana a hiki i keia la; a i keia wa no, ke hoao nei ka lahui Hawaii ponoi e hakoko ikaika, me ke kue loa i ka hoohui aina, ka uhane i komo malu mai maloko o ke Kuikahi Panailiko, a ka poe Lunamakaainana Hawaii noonoo papau, i hooholo pupuahulu aima ke kau Ahaolelo o ka A.D. 1876! Ua ko keia olelo ana; no ka mea, na hiki io mai no keia mea huna, ka hoohoiaina a na haole I lolii ai nona makahiki loihi. Ua maopopo ia maua, ina lakou i hoike pono mai i na hoa Lunamakaainana Hawaii ia wa (1876) e hoohui aina ka manao nui o keia kuikahi panailike, ina paha, ua hoolo na hoa Hawaii; aka ua huna loa ia keia kumu, a ua lawe ia main a olelo hoakaka, e olelo ana: he mea keia kuikahi e nui ai ka pomaikai no Hawaii; a oia ka mea nana i uhi pu iho I ka noonoo akahele ana ae, no @ hopena oi, e hoea mai ana maluna o Hawaii nei.

 

NA OLELO HOOIAIO.

 

                O ka mea kupaianaha, oia no ka hooiaio ia ana mai o keia manao o maua, i hoike ai no keia Kuikahi Panailike, ekekahi poe e oa; a e Mr. W.N. Armstrong(Limaikaika) no hoi:

                Ina ua oiaio na mea a Limaikaika e olelo nei, ia ia i hiki aku ai ma Europa, ma ka huakai kaapuni me ka Moi Kalakaua i ka A.D 1881;oia hoi he elima makahiki mahope iho o ka hooholoia ana o ke Kuikahi Panailike, alaila, he kokua ana ia i ka pololei o ka mana mea i wanana, ai, a penei ka Limaikaika olelo ana:

 

                “Ua kamailio pinepine au me ka Moi (Kalakaua) no ke kumu manao o keia mua aku o keia aina, me ke komo pu hoi o ka mea pili i ka hoohui aina ana.

                Ua hoike mau aku au i ka Moi no ka’u mau kuka ana me Mr. Phelps, a me kekahi maa kamailio ana no ka hoohaui pili lia ana, no ka mea oia ko’u manaoio ma ke kuka pili aupuni ana.

                Ma ko’u kuku pu ana me Mr. Phelps a me Mr. Blaine, aole loa he mau kuhikuhi no ka hooko koke ia o ia manao; a ua manaoia, me ke aka hele loa, e liko ka Moi i alakai, ma ke alanui e hiki aku ai, i ka hoohui pili loa ana.

                Ua nonoi mai ka Moi ia’u e hui kuka pu aku me Mr. Eugene Sehuyler, ma ke kumuhana o ka launa-maa-mau; a oia ke kumu e hiki aku ai na kukai olelo ana no ka hoohaiaina.

                Ua m@ aku la o Mr. Sehuyler i ka Moi: Aole anei o ka manaoio maoli o ke Kuikahi Panailike; oia no ka hoohui aina hope loa ana? Ua pane mai la ka Moi; aole oia i hoomaopopo ia mea. Pane hou aku la o Mr. Sehuyler; Ona poo loaa kalaiaina o Aerika Huipuia nana i hana i ke kuikahi na hoomaopopo lia lakou ia mea; aka, ua manao au (Sehuyler), o ka launa moo mau , he mea kupono no ia no kekahi mau makahiki wale no. Ua haoaho nui loa hoi o Mr. Sehuyler, I ko ka Moi Haawi ana i kona ae ana e apono Ii ke Kuikehi Panailike; ka mea I moakaku lia nana o kaualako aku iluna o ka Hoohui aina; a i ke kulana hope loa hoi o ka Ohana Moi.

 

                Ke hoomaopopo nei au i ke kulike loa o ka manao o Mr. Eugene Schuyler, me ko maua manao me ko’u hoa Mr Pilipo. O ka hopena o ke Kuikahi Panailike, oia no ka hoohui aina. Ua hiki mai ia i keia wa, a ke ike maka nei kakou, aole e hiki ke hole iho.

 

KA W.N. LIMAIKAIKA MAU OLELO.

 

                Oiai makou e kaahele ana me ka Moi ma Europa; ua olelo aku @ I ka Moi; Ua moraki aku oe I kou Aupuni ia Amerika Huipuia, ma keia Kuikahi Panailike, i mea e nui ai na dala iloko o kou pakeke, aka, oiano nae ka hopena o kou Ohana Moi; a e like auanei oe me ka Moi o Dahomey, ke ‘Lii uhaai wale.

                Mahope o ka hoolohe ana i kekahi mau moolelo, ua olelo hou o Limaikaika penei:  Ua olelo ka Moi Kalakaua, he hiki no iaia ke hana a eo ma o Amerika Huipuia, mamulo na kukai pili aupuni ana Ua pane aku au (Limaikaika Aole loa e hiki kekahi kuka pili aupuni ana, ke kaihi ma I kou hooko ana, I ke komo ana aku iloko o ka hoohui aina mamula o kou kakauinoa ana i kekKuikahi. I ka hana ana i ke Kuikahi Panailike, ua hapala aku oia i ka Hoohui aina, maluna o na ) a, na mauna, a me na pali pohaku apau o Hawaii.

 

                Maanei nei, ke hooia mai nei o Limaikaika i ka pololei o ko maua manao koho mua, no ka hopena o ke Kuikahi Panailike; a ke hooia nei oia no ka umiiia a paaloa, a me ka hapala-puna ia, a a-ai ke keokeo o ka Hoohui aina maluna o ka Pae Moku holookoa o Hawaii nei, mamuli o ka hooholoia ana o ke Kuikahi Panailike.

 

KO MAUA (MAXIM) MANAO KOHO MUA.

 

                O Ko maua manao koho mua, kupaa mau, luli ole; oia no keia:

                O ka hooholo ia ana o ke Kuikahi Panailike, ke keehina mua loa ia o ka Hoohui aina. Ua maopopo keia manao, a na ike ponoia kona oiaio i keia la; aole e hiki ke hole ia mai:

                Ua ike ihe kakou, ua hoowalea ia kakou me na hoonanea hauoli ana no ke Kuikahi Panailike, iloko o na makahiki aneane 18, aka, iloko o na ulia o ke au o ka manawa, a i ka wa i hiki mai ai ka hune a me ka nele, na hiolo iho ka ka hale kino wailua o ke Kuikahi Panailike, a hoea ae la ka uhane lokoino o ka Hoohui aina, e hookikina ana i na makua a me na keiki, i na kane a me na wahine; e haalele lakou i ke aloha o ko lakou aina hanau, na home aloha, ka Lahui a me ko lakou Moiwahine:

                Pehea la e hiki ai ia’u ke hoopoina i ke aloha o ka aina makamae mai ko’u mau kupuna mai? He mea ole na mea a pau ke paa ko’u aloha aina, ko’u aloha no Hawaii nei, a me kona koikoa mau.

 

KAPAKEKANA NO HAWAII

 

                O Lehova, ka Puuhonua a mo ka ikaika o kakou; he kokua kokoke loa i ka wa popilikia.

                Ua olelo o Bihopa Willis:”He hiki loa ia lehova ke hoomau i ke kuokea o koia nina Oia wale ne” Nani ka pololei a me ka oiaio o keia manao. He mea ole ka ikaika a we ka mana o na kauaka a pau loa o keia homua. He opala wale no lakou, ke haha mai ke lehova lima ma ka @ nei.

                E ka lahui Hawaii, ke hakoko nei kakou aina; e hoomau i ke kakou manaolana, a e waiho aku i ko kakou mau luuluu a pau imua o ko kakou. Akua aloha, a nana no e hooko i ko kakou makemake, i ka manawa ana i ike ai, oia ka wa kupono.

                Owau iho no me ka haahaa, ke kauwa hooke na ka Lahui.

                JOSEPH NAWAHI

                Honolulu, Feberuari 8, 1893