Ka Oiaio, Volume VI, Number 6, 9 Pepeluali 1894 — Page 1
| This text was transcribed by: | Stephanie Demello |
| This work is dedicated to: | Ke Ali'i Pauahi |
Nupepa Ka Oiaio
“O ka Pono A Aialii E Ola Ai Ka Aina”
Buke VI Honolulu, Feberuari 9, 1894 Helu 6
He MOOLELO KAAO HAWAII
NO
LAUKAIEIE.
Ke Kino Kamahao Iloko
O KA
Punohu Ua-Koko.
Ke Kahulileol@a o ke Kaluaumoe o na Pali
o
Waipio Hawaii.
Unnhiia e Muse Manu no “KA LEO.”
Loaa ia Makauikeoe ka hoi ke oiaio mai a Kaohaiula mai, e ike ai oia ia ka waiwai o kana mea i hele mai ai—Loaa o Kawelonaakalailehua.
O ke kanaka hope loa loa i lawe i kana hoe maluna o kona waa ponoi mai Kipahulu Maui mai i ka ma i ka ma lama o Iulai M.H. 1875, oia o Ka leimakalii, a na manao ia, oia ke kanaka hope loa nana i waiho aku i kana hoe, a maluna no hoi o keia wahi i kukulu ai ka Moi Kamehameha V i pahu hae Hawaii, o kala mai e ka mea heluhelu i neia mau hoakaka a ka mea kakau.
I ka kaua kamahele e noho nei ma Leinoai, ua ike oia i na ano manu a pau o ke kai, a ua uhi paa pu ia o luna o na manu, a liuliu iki kona noho ana malaila, aole he wahi ano haupu mai iloko ona no kana mea e huli nei, a oia kana hoomanao ae ai i na olelo a Kaohaiula he hoopunipuni.
Nolaila, ua haalele aku oia ia Kaula a kapio mai la oia ma ka moana a hiki maluna o ka puu o ahi o Anaki ma Miiolii, kahi nona ka huluhulu moe kehau, a mai laila aku oia no luna o ka puu o ahi o Kamaile ma Nualolo, @ona ka puu uluhua ia.
“He uluhua au i ke ahi lele o Kamaile.
I ka lele pua—o lele me kaauhau.”
Ke kilohi ala keia i ka haka lewa o Nuololo me ka lae kaulana o Iakuaiki, a huli ae la oia a nana i na pali nihoniho o Kalalau kahi hoi a Koolau e noho mai nei, ka Pikoiakaalala hoi o keia au hou e hele nei, no ka mea, aole e hala kana pua i na e pana i ka Iole, pela no o Koolau, ua ike maka ia kana mau ola kino i make ai iai ma Kalalau, ke hia moe nei me ka makuahine honua, a nona hoi keia mau lalani mele e wale waha nei i keia mau la.
“He ohohia nui,
Nou ae Koolau,
O ke aiwaiwa,
O na pali kiekie;
Kalalau kai luna,
Alahaka i Nualolo,
Ua kohu Auhau,
Kolo i Makuaiki.”
I ka wa a ka kaua kamehele o ku nei a nana maluna o ka puu o Kamaile, ua haliu pono aku kona mau nanaina no Nakaloaolaikapali, me na ko a Kaalahinnaikapali, no laila, ua hiki aku oia ma ia mau keikiena, a iaia e nana ana i na hiona oia mau pali kaulana, aia hoi ua hoopuiwa ia oia me ka lele o kona hauli, no kona ike ana iho i nei mea nui e kupaka ana iloko o ke kai, pii ka ehu o ke kai iluna aole o kana mai, me he poi ana la na ka nalu, a i ko ia nei hoomaopopo ana iho, na ike iho la keia he Mano e alualu ana i kekahi waa nu@ me na kanaka e hoi ana i Haena ma keia mea, na maopopo loa iaia nei, e pau ana kela poe i ka make i keia Mano e alualu nei, a oia ka Makanikeooe i olelo iho ai iloko ona “aole a’u hana maikai e@e e hana, aku ai ia oukou e keia p@e e hana, aku ai ia oukou e keia poe kanaka eia wale no na`u e hoowalewale ae i keia mano.”
O ko ia nei miki koke iho la no ia mai luna mai o kela pali kiekie a noho ana keia mahope o ka waa o ua poe nei, kahi a ka waha o ua mano nei e hamama ae a@e.
Iaia mahope o ka waa i kela wa, ua pane ae la oia me ka leo nui, mai hopohopo oukou i keia mano, na`u e paani ae iaia nei i mea lealea na oukou, a e nana mai no ho oukou la, pau keia mau olelo o ko ia nei lele koke aku la no ia iloko o ke kai, i hu@i ae ka hana o ua Mano nei e nahu, e alakei ae ana keia iluna o ke kua kahi i kau ai a ke paa ia la ka lalaku o ua Mano nei, ua loihi ka manawa aia nei i hoohoka ai i keia kup@ino o ke kai o Kalalau a hiki i kona paupauaho ana, a ike mai la o Makanikeo, ua kokoke ua poe nei e pae me ko lakou waa ma Haena, ua haalele aku la keia i kona hoa mokomoko ma ke kahua o kaili o ke kai o Kalalau., ke ninau iho la paha oe e ka me@ heluhelu i ka ino o keia Mano e holapu ia nei ka ma lihini a kaua, owai la ia? o Koama no kona inoa, aia kona kino pohaku e waiho la iloko o ke kai a hiki i keia manawa, he pohaku makai nai ia e ka poe hele kaapuni ia Kauai.
Aole i pae aku ua poe nei iuka o Haena, na hiki mua aku ia keia malaila, a ke nana ala keia i ka puu o ahi o Makana, ka mea hoi nona ka pali lauae, me ko laila ma@ kiowai kaulana.
Iaia nei no o ku aku nei mauka me kona kino a-ka, ua ike ole mai la ua poe nei nona ka waa a pau la lakou i ka amu ia, a hoi uhane a@u la lakou no ko lakou hale, a ke wa nui la nae lakou i ko lakou mea nana i hoopakele, auhuea la ia@ ua hiu ae la @a keiki la aia iluna o Ko`uko`u; ke nana iho la ka au o na hala o Naue i ke kai, nona hoi ka lae i uhi ia e ka noe, a ke huli iho la oia e nana i ka holoholo a ke kaikamahine o Wai@ha, oia o Nalehuaoluluupali laua me Hoohila ka wahine nona ka hula ana me ka mole ulu, wahi a ka mea nona ka mole ulu, wahi a ka poe kahiko, a ke waiho kahelahela mai la ke one o Mahamoku me kona limu kau lana o Manu`akepa, a ke puaiki mai la ka wai o Namakokama iluna o ka welelau pali, a no keia mau hiohiona nani o Hanalei aina ua nui, na lawa ae la ko ia nei nana ana, a ua aui hou ae la, oia mahope o kahi ana i hele mai ai, no ka mea aole he wa@i ano halia iaia ia wa no kana mea e huli nei, nolaila, ua huli hou oia i hope, a iaia nei nae e kokoke aku nei e hiki ma Polihale ka home noho hoi oia nohea Kaohaiula, ua ike aku la keia he mau lau manu Iwa e kikaha mai ana iluna lilo loa me ka hoolailai malie malie ana i ka lewa, a o na manu e ae he nui wale, aole lakou i helu ia.
Ma keia ike ana k@ o Makanikeoe i ka nui hewaliewa launa ole o na manu e pohai malie ana i ka lewa, ua lele koke aela kona hauli me ka noonoo ana no kekahi manawa ana manao iho oia e hele hou aku ma kahi ana poe a@na manu nei o kokoke i hola i luna o Lehua a noia mea ua hoohahana aku keia ma ia wahi me kona kino ano pahaohao me ka ike ole ia mai oia nei, a iaia i launa aku ai ma Lehua, he mea oiaio, na haluwai koke aku la ko ia nei mau k@ionohi me kekahi mea kino kanaka e noho mai ana iluna o ka eheu o na manu I wa me kona mau aahu pina o ka hulu o na manu me kona mau papahi lei lehua o luna o Pihanaakalani, kahi hoi o Kauakahialii me kana alii wahine Kaililauokekoa—e ua moe oe, kekahi mau mea nana i hoonanea ia kakou ma ka moolelo kaao o Laie ikawai, a o na onohi maka o ua mea nei a ia nei e nana aku nei i ke kau mai iluna o ka e heu o na manu, ua like ia me ka onohi maka o ka manu Mohoe`a o ke kuahiwi ka pohai puni aweawe ula i ka ono hi, aka, hookani no ona pohai ula, a o ko keia mea kino kanaka hoi a ia nei e nana aku nei, he ekolu pohai puni o ka onohi maka “auwe! makemake wale.” @ o kona ili, ua like no ia me ka wena o ka la i ke kakahiaka nui a me ke ahiahi, ma keia mea i manao iho ai o Makanikeoe, o ka mea keia a Laukaieie i ike ai ma ka moeuhane, a o ka mea hoi ana i hele mai ai e huli me kona kaikuahine.
I kona ike ana i keia keiki oi, a oia kana i hoomanao ae ai, ea pololei na olelo a Kaohaiula, nolaila, e ka mea heluhelu, ano, ua ike ae nei oe i na hoakaka ana a ka mea kakau no ka moeuhane a ka mea nona keia moolelo hoonanea mamaua ae nei e pili ana no na makua a me ka laua kamaiei aloha a hiwahiwa hoi a Kawaihoa me Halalu, nolaila, e hoomanao iho kaua e ka mea heluhelu, oia no keia a ke pukonakona o Hawaii e ike nei, aole he mea e ae; a no ia mea, e nana hou ae kaua i ka hopena o kana mau haoa mamua aku o keia moolelo.
Loaa o Kawelo`naakalailehua ia Makanikeoe—Kana mau hana maalea—Hanaio ke aloha i na keiki kaili la ala o Lehua, --Ka ike o ke kahuna o Ku kaalamanu.
I ka manawa a na manu e hoolai malie nei i ka lewa me ka lakou milimili, me ke kali ana i ka la o ke kowelowelo aku i ka ilikai, a aia hoi kona mau kahu lianai ke liuliu nei i na pono a pau o kona hale noho mau, oia ka moku o Lehua, a nona mai hoi ka inoa o keia mokuahi e halo nei i keia mau makahiki e o nei o Lehua.
I ke kokoke ana aku o ka la e nalo i ka ili kai, ua hookuu malie mai la na manu i wa i ua keiki nei iluna o kona mokupuni o Lehue a hoomaka aku la ua noe manu nei e hoi no ko la kou mokupuni o Kaula.
Ia Kawelo`naakalailehua i komo aku ai iloko o kona wahi mau me kona mau kahu hanai e noho mai ana, ua makaukau i na mea ai a pau no ko lakou paina ahiahi.
I keia wa a lakou e ai nei ua puiwa ia ko kakou elele hoomanawanui i keia wahi ia he Pao`o, i ka lekei ana ne mai loko ae o ke kai me ka wai iloko o ke omo, (he ipu wai ke ano), a waiho ana iluna o kahi e ai ai a o ka hoi aku la no ia o ua wahi Pao`o nei a kona wahi mau, a o ka pani iho la no ia i ka wai, a oia ka mea e olelo ia nei, o ka wai a ka Pao`o.
O keia wa a lakou e ai nei, ua leaa ia Makanikeoe he manawa maikai ana e hoohana ai e like me kona ano mau, ua hookuu pau aku la oia i kana mau apu puhipuhi makani hoinele o ke aloha i ua ui ia o Lehua ma ka inoa o Laukaieie, o ka hoomaka ana iho no ia o lakou e ai, aia nae ua komo pono aku la ke aloha iloko o ka houpo o ua keiki kaili la nei o Lehua, a ke hana mao ole ala ke aloha iloko me he puhi la ka oni, a o ke oki honua ae la no ia o ka ai ana, a o ka hina aku la no ia hiamoe.
Ia pili ana iho no o kona mau maka, o ka halawai koke aku la no ia o kona ike ma ke kahoaka ano hihio i ke kino o keia kaikamahine ui e noho ana iloko o ka Punohu ua koo me kona nani oi kelakela maluna aku o kekahi awaawa nui i haiamu ia ke kona mau hoa noho oia wahi, oia kana i muki akuai ma kona papalina akau, me ka hooheno ana o ko laua mau kino wailua me kona hoomaopopo i na helehena a pau o keia wahine ui ana e kuwili nei, ma keia hiamoe honua ana o na ui nei me ka liuliu ole o ka ai ana, ua lilo ia he mea haohao i na makua hanai ona, oiai, aole ia he mea niaa mau i ka laua hanai.
E ka mea heluhelu, ua like no keia me ka haawina i loaa i ka mea nona keia nanea, e like me na mea i ike ia mamua ae nei o keia moolelo.
Aka, aole nae i loaa ia Kawelo naakalailehua he haawina oia ano like me ia i ike ia ai e Laukaieie ma kaua m@euhane, pela no keia. Nolaila, ke awaiaulu mua ia nei laua ma ke aka kino wailua, hanehane paha auanei a hui kino aku laua ma ka ike maka ana i ko laua mau helehelena nani, a oia ananei ka mea nana e hoomaalili i ko laua mau puuwai me na iini o ka manao hauoli.
I keia oki-pu ana ae la o ka ai ana a ua keiki nei o ka la komo, ua haule hou aku la oia iloko o na hoinainau ana a ka moeuhane, aia hoi kona wahi oiwi kino ke lupea ia ala iloko o na hooipoipo ana a ka hihio, me he la eia no i ke ao.
Ua hia moe ua keiki nei iloko o na po a me na ao ekolu, e like no hoi me ko Laukaieie hooluhi ia ana, a ua lilo keia mau haawina i hekau iho maluna o ua opio nei, i mea e hoanoe ai i ka noonoo o kona mau makua.
No ka mea, he haawina maa mau i ua opio nei, i na kakahiaka nui a pau, oia kona manawa e ala ai i ka leo o kona poe kahu (manu), i kii mai iaia, e like me ka mea maa ia lakou, no ka lawe ana aku iaia maluna o ko lakou hokua no Kaula, kahi hoi a ua hanai nei, a lakou e hoohala ai i na hora o ke ao; aka, me keia mau kakahiaka, ua hoonele ia lakou me ia mau haawina i kuluma ie lakou mai na la opio mai ka lakou hanai.
HE MOOLELO HOONAUE PUUWAI
NO
KA UI NOHEA KAMILIA
O KE
Kulanakauhale Alii
O
PARISA
ME
Kana Ipo Aloha
Mon. M. Duvala
Iloko o na hoinainau hooipoipo ana me na Ipo Ekolu
MOKUNA VI,
KA MOOLELO:
Ae, e ka mea heluhelu, he hiki no ia`u ke ike aku i kela mau papalina ula oheloholo o ka waianu@en a`u i ike a i kamaaina mau ai mamua, aka, @ keia wa, aole ona minoaka mai, a aohe ne hoi he puai mai o kekahi leo mai kona waha mai, koe wale iho no ka moe ae me he mea la e hiolani ana iloko o ke kulipo o ka moe me Niolopua, a oia kau i huli ae ai a nana aku ia Amana.
He ku i ka eenia a me ke aloha ko`u ike ana aku ia Amana, oiai hoi oia e nanahu ana i kona hainaka me ka hauhau ana o kona waha oiai na kuluwaimaka o hiolo ana ma o a maanei e hoopulu ana hoi i kona papalina ma na ano a apu, no ka hoi hou ana mai paha o ka hoomanao o na la pumehana i hala aku-a i keia wa, ua anuanu, ua hala ka uhane ke kukui a o ke kino o keia ola ana.
Ua lohe koke aku la no hoi aui ka leo o ka luna makai i ka n@nau ana aku ia Amana penei:
Ua ike no anei oe iaia?
Ae, wahi a ke kanaka opio me ka nawaliwali o kona leo.
I ka wa o ka huaoielo “ae” i puka mai ai mai ko Amana mau iehelehu mai, oia koke no ka wa i lalau ae ai o ka mea eli lua i ka uhia uhi hou ia iho la na maka o ua ui nohea nei no ka huna ana aku iaia no ka wa mau loa, a lalau ia ae la ka pahu a hapai ia aku la no kahi hou i hoomakaukau ia nona.
Aole no hoi i neeu mai o Amana no hookahi kapuai, oiai eia no ke haka pono nei kona mau maka i ka lua kahiko e hamama ae ana imua ona.
Ua uhi paapu mai la ka haikea maluna o kona mau helehelena, a hoomaopopo iho la au, he hopena ano ino paha auanei ke uhi mai ana maluna o kona kino, a oia ka`u i hokokoke aku ai ma kahi o ka makai me ka hoopuka ana aku hoi i keia mau huaolelo
Ua makemake hou ia no anei o Amana ma keia wahi?
Aole i wahi a ka makai. E pono oe e kii aku iaia a lawe aku ma kahi-e, oiai, he mau helehelena o ke ano mai ke halia mai la maluna ona i keia wa.
E hoi kaua, wahi a`u ia Amana, oiai hoi au i lalau aku ai i kona lima a p@@li iho la.
Heaha? i pane mai ai oia ia`u me he mea la akahi no oia a ike ia`u.
Ua pau loa ae la no ka hana. E hoi kaua, oiai, ke hoike mai nei kou mau helehelena i ka haikea a me ke puanuanu, mahope auanei ili mai he hpoena poino maluna ou.
Ae, na pololei oe, wahi ana, e hoi kaua ano.
Aole no i neeu iki mai o Amana, lalau hou aku la au i kona mau lima a huki mai la, a hahai mai la hoi ia`u me he keiki la, me ka niniau ana mai i keia mau huaolelo o ka hoomanaoo ae paha i kana ui nohea i nalohia aku ma kela aoao mau o ka honua.
Ua hoomaopo aku nei no anei oe i kona mau maka?
Ua huli hou aku la oia i hope e nana ai, me he la, aia oia iloko o ka moeuhane pahaohao.
Ua hiki pono ole iaia ke hele mai e laa ka haalula nui i loaa aku iaia a o kona mau kaina wawae, e hi-ka wale ana no i o a ianei.
A ua kamailio pinepine aku au iaia, aka, aole nae oia i nane koke mai.
O ka ulia lak@ o ka halawai ana aku o maua me k@hahi kaa mawa ho o ka ipuka pa, oia hookahi ka mea nana i haawi mai ia`u i ka maalahi o ka nui ole o ka`u hana i ka huli ana aku i wahi no maua e hiki koke ai i ka hale.
Aole i liuliu iho ko maua noho ana iluna o ke kaa, ua halawai iho la o Amana me kekahi ulia o ka loaa hou ana i ka mai.
A i ko maua hiki ana aku i ka hale, aole no oia i pohala iki ae.
Ua kahea aku au i ka mea lawelawe o ka hale e hele mai e kokua ia`u, a pela iho la i hiki ai ia`u ke hoomoe iaia maluna o kona wahi moe.
Aole no au i hookaulua iki iho no ke kii ana aku i kekahi Kauka, me ko`u hoike aku hoi i na mea a pau i hana ia ia la, a oia ka ua ka uka la i hele mai ai e ike ia Amana.
Ua haalele aku hoi au iaia iloko o ka uluahewa o ka olelo, a aole no e nele ana kou lohe aku i ka puka pineppine ae o ka moa o Kamilia, a o ka nui aku, aohe maopopo ia makou.
We-le, i pane aku ai au i ke Kauka, ua manao au, he fiva kona aia iloko o ka lolo, a i na e hahai ia ana oia e ka ulia o ka laki, alaila, e oluolu ana paha oia iloko o hoo kahi mahina mai keia manawa aku.
Ua hala he mau pule elua, akahi no oluolu mai o Amana.
Ua noho mau aku au e kiai iaia oiai oia e waiho ana iloko o kona mai nui ma kahi moe.
O ko maua lilo ana i mau hoalo ha maikai oia ka me i ike ia mahope koke mai.
Ua nui na manawa a mua i nanea ai i ka hookaau kamailio ana, aka, ua malama pono nae au i ka`u kamailio ana, aole loa e puka ka inoa o ka ui nohea Kamilia.
A ua nui a lehulehu wale hoi na manawa a Amana i hoopuka ae ai i ka inoa o Kamilia, me ka haloiloi @u ana mai hoi o na waimaka.
Ae, he oiaio e ka mea heluhelu, oiai maua e hookaau ana i ke ka mailio ana, me ka lawe pu ana mai hoi o ka makani koani o ke awakea ike ala o na pua o ke kupulau, a e ne hone ana h@i ka leo o na manu, he hookahi wale no mea nana e oki pu ae i ka ma@a kamailio ana, oia no ka halulu o na kaa e kaalo ae ana i ka hale o ko`u hoaloha.
“Ua like iho la no me keia wa,” wahi a Amana i pane mai ai ia`u, o ka la, ka mahina, a me ka hora o ko`u halawai mau ana me ka ui nohea ka lede Madimosele Kamilia.
Aole au i pane iki aku iaia no keia mea ana i kamailio mai ai, a pane hou mai la oia ia`u i ka i ana mai:
He mea pono ia`u e @ai aku ia oe i kekahi moolelo, a i na oe e manao ana e kakau aku i buke, alaila, ne manao au o kekahi ia o na buke moolelo ohohia nui ia a puni ke ao nei.
Ua noi aku au i kona oluolu o ka haalele ana ia manao ona, olai, aole loa i loaa iki iaia kekahi haawina oolea kupono e hiki ai iaia ke kamailio pono mai ia`u.
Aia a kekahi ahiahipumehana kupono, mahope iho hoi o ka paina ahiahi, a`u hoi e ike ai, aohe o`u fiva, e hai pau ai aku ia au ia oe.
I na oe e paakiki loa mai ana alaila, e hoolohe aku no au.
O ka moolelo malalo iho nei, oia ka mea ponoi mai ka waha mai o Amana, me ko`@ hoao ole ana hoi e hoololi i kekahi huaolelo ana i kamailio mai ai.
He ahiahi ia o ke ano wailiula e holopuni ana i a Parisa, oiai au hoi mai ai mai ke kuaaina mai no ke kulanakauhale nei me ko`u hoa loha Gasatona, a oiai maua i hoomai ai, ua hiki ole ke hoomaopopo i ka ma@a hana kupono iloko oia manawa, nolaila, ua hooliolo iho la mana @ hele aku no ka hale keaka e hoohala ai i kekahi mau minute ioloa o ka po.
Ae, ua hiki aku maua ilaila, a i waenakonu hoi o na hoomak@aka ana o ke ano hana keaka, ua ukali aku la mana ma ka rumi hooluolu o na mea a pau, a ma ia wahi i ike aku ai au i ko`u hoaloha Gasatona i ke kamailio pu ana aku me kekahi lede.
Owai hoi kela lede an@ e kamailio pu nei?
O kamailia Gautire, wahi ana e pane mai ai.
Hikiwawe hoi ha kona aho e, wahi hou a`u.
He omaimai ko@a, a ua manao wale no au, aole paha e hala na la loihi iaia. O keia mau huaolelo i puai mai kona waha mai, aole loa i hiki ia`u, ke poina, a me he mea la i nehinei iho la no ko`u lo@e ana.
E hoomaopopo iho ae, ua loaa e mai la no ia`u na kahoaka hikimua o ka hoike mai e haule aku ana au iloko o na maawe hihipea o ka hooipoipo a me ke aloha me ua ui nohea Kamilia nei.
He oiai, ua ike mua no au iaia, oiai oia i komo ae ai iloko o kekahi halehuai, aka, aole nae au i maopopo iaia, koe wale iho no ko`u lohe ana i na kanaka e ku ana malaila i ka hooho ana ae oiai oia e p@i aku ana i komo iloko o kekahi kaa Madimosele Kamilia ka!
O ko`u mau hoomanao ana nona, aole no ia i nalohia aku e like me ka ike mua ana o kekahi poe, oiai, ua lilo ia i mea hoopupule i ko`u noonoo, a ua huli nui ma na ano a pau, e hiki ai ia`u ke halawai a kuka kamailio pu hoi me ua ui nohea nei@
O ka`u mau kuko ana nona, aole no ia hoohalawai ia mai me kakakahi makapaa o ka pakalaki, aole aka, he mau la mahope iho, na he le hou aku la au me ko`u hoaloha i ka hale keaka Opera Cmique, a ua halawai hou mai la me ko`u mau kiionohi, na ui nohea Kamilia nei, oiai oia e huli pono mai ana kona alo me ka nana ana mai i ko maua wahi e noho aku ana.
Ke ike aku la anaei oe i kela lede ui nui wale?
O ka pau ana iho no ia o ko`u kamailio ana, ua halawai koke mai la ko`u hoaloha me na minoaka ana mai a Kamailia mai.
Alia, e hele ae au e haawi aku i ko@@ aioha ahiahi iaia, a hoi koke mai no.
Ua ninau koke mai la ko`u hoaloha ia`u i na paha ua komo mai na nanap@o o ka makemake a me ka hoohai no ua lede nei, aka, i ko`u wa i hoike aku ai “aole,” oia no koua wa i noi mai ai ia`u me ka huao ka hooko aku i ko`u iini o ha halawai a kamailio pu hoi me ia i ka i ana mai.
Ehele pu hoi ha kaua, a na`u oe e hookamaaina aku ia oe me ia me ka maikai.
Aole, e hele aku oe e noi i kona oluolu e puka ae iwaho.
Ua puka aku la maua ma ka rumi hoomaha, ku iho la au malaila a holoholo me ke kakali ana aku hoi i ka hopena o ka huakai a ko`u hoaloha.
Aole i liuliu hoea mai la ko`u hoaloha a pane mai la ia`u i ka i ana mai:
Ke kali mai la o Kamilia ia oe,
Oia wale no anei?
Aole, he wahine no kekahi.
Aole anei he kane kakahi?
Aole.
Ua hele koke aku la maua no ka ipuka o ka hale keaka.
Aohe ano o keia hale ana a kaua, wahi a`u.
Ua manao au, e hele kaua e kuai i mau hua hoaala hanu ana, malia paha aole e nele kona nonoi mai ia mea alaila, ua makaukau mua ia kaua.
Ae, a o ko maua hele koke aku la no ia i ka hale kuai ko e kokoke mai ana malaila.
Wahi a ko`u hoa i pane mai ai e hoomaopopo oe, o ka mea a`u e hoolauua aku ana ia oe, aole loa ia he wahine o ke ano kanakaualii, nolaila, mai makau oe i ke kamailio ana iaia, e kamailio oe e like me ka hiki ia oe.
Ae ke nani wale la no.
I ko mana komo ana aku iloko o ka rumi hoomaha, ua lohe koke aku la au i ka aka halo`ulo`u mai o ua ui nohea nei, me he mea la, ua pehi ia e ka naulu a pulupe i ka huna kai.
Aole no i hoohala ia he manawa i ko` u hoolauna ia ana aku me ia, a ua haikau koke ae la na makau a ka lawaia i Waialua, a hene iki iho la hoi ka`u wahi aka i ka pae opua.
Huli ae nei ua ui a me na mapula leo o ka wainahe a me ka waianuhea, pane mai la me ka minoaka ana ma kona mau papalina.
Auhea hoi kuu mau hoa ai hoaala hanu?
I keia mau mapuna leo no haule koke iho la ko’u mau maka ilalo a kulou e nana i ka papahele, a haawi aku la hoi i kaua puni i noi mai ai.
Lalau mai la ua ui Kamilia nei a huli aku la e hawanawana me kona mau hoa e noho pu ana, a oia ko laaua wa i aka ae ae me nui.
Nalu iho nei au iloko o`u i ke kumu o ko laua aka ana me ko`u i ana iho ia`u iho:
Heaha ia hoi ka`u ha@a i hana aku nei i aka ia mai nei.
O ka`u hoomaopopo iho iloko o`u aohe au i mailiu ia mai iloko oia wa oiai ua lilo loa o Kamilia i ka hoonuu i ua puni nei ana.
Hoolaha.
I na Luna a me ka poe lawe pepa pakahi, a me na makamaka eae o ka NUPEPA KA OIAIO a me KA LEO O KA LAHUI ma keia ke hoike ia aku nei ia oukou apau, e palapala pololei mai ma ko`u inoa no na kauoha nupepa, na hoolaha a me na hoouna-kala ana mai a pau. Aole e mana kekahi palapala hookaa ke ole e kakauinoa ia e a`u ma ko`u inoa ponoi elike me ia malalo iho, i na ua hiki ole ke kakau mai ma ko`u inoa haole, alaila, e kakau mai ma kou ino Hawaii alike me ia e puka aku nei; a i ole ma ka ino o na “NUPEPA KA OIAIO a me KA LEO O KA LAHUI:
JOHN K. PRENDERGAST.
KAPAMAWAHO.
Puuku o ka NUPEPA KA OIAIO a me KA LEO O KA LAHUI.
Honolulu Jan 12 th , 1894.
NUPEPA
KA
OIAIO.
E HOOPUKAIA ANA E
KEKAHI HUI HAWAII PONOI
I kela a me keia Poalima.
Ka uku o ka nupepa hookahi; Noeono malama, $1.00, no hookahi makahiki $2.00
KUIKE KO MAKOU KULA.
He uku emi mai no hoi ko na hoolana oihana, na hana kalepa, na h@@@ kuai o kela a me keia ano. O na hoolana mai na apana mawaho aku o ke kulanakaua hale nei, e hoouna pu ai mai ka uku.
E hoouna ia mai na manao ma ka inoa o John E. Bush (Ailuene Buki), o na kauoha nupepa a me na hookaa dala a pau ma ka inoa o ka Puuku John Kapamawaho Prendergast.
JOHN E. BUSH,
LUNAHOOPONOPONO.
JOHN. K. PREDERGAST.
Olelo Hoolaha.
Aole loa au e hookaa ana i kekahi Aie ma Ko`u Inoa, ke ole e loaa aku kekahi hooiaio ana mai A`u aku.
DAVID KUA.
Kekaha, Kauai, Jan. 30, 1894.
no 2me dly.
Olelo Hoolaha.
Mamuli o na kumu kupono ua hoopa@ aku wau ia J.W. Kaikainahaole mai kona noho ana he Agena No`u, a ma keia ua koho aku wau ia THOS. K. NAKANAELA, oia Ko`u Agena no Ko`u mau waiwai mai keia la aku. O na hookaa ana o na dala hoolimalima a pau o Ko`u mau aina iaia wale no aole i kekahi mea e ae.
MRS. KALAENUI KAILIPAHEE.
Kalawao, Jan. 22 nd , 1894.
n6 8@ms.w
Hoolaha Waiwai Nui
NO KA
Laau hoohapai Keiki kaulana loa a Kauka Apana.
I na makamaka a me na hoaloha i hooneieia i ke keiki ole, ka waiwai makamae loa hoi o keia ola ana. He eha makahiki o ko`u noho ana me ka`u kane, aole nae i loaa ka maua keiki. Ma ko`u ike ana i ka hoolaha a Kauka Apana, no kana LAAU HOOHAPAI KEIKI, ua hele a`u a hoike aku la i kou makemake ia Kauka Apana no kana LAAU HOOHAPAI KEIKI, ua haawi mai la oia ia`u i ua laau ala, ua hook@la kou makemake mamuli o kou hapai ana a hanau, a eia oia ke ola nei i keia manawa. He nui a lehulehu loa ka poe i ai i keia laau, a ua loaa ka lakou mau keiki.
Ke kono aku nei au ia oukou o ou mau hoa o ka aina kulaiwi e hele ia KAUKA APANA ma ALANUI MAUNAKEA no kana LAAU HOOHAPAI KEIKI KAULANA LOA.
MRS. KAUHANE
Alanui Puowaina Dec. 18 th , 1898,
1m@@@@