Ka Oiaio, Volume VI, Number 5, 2 Pepeluali 1894 — Page 1

Nupepa Ka Oiaio.

"O KA PONO KA AIALII E OLA AI KA AINA"

 

BUKE VI

HONOLULU , FEBERUARI 2, 1894.   

HELU 5

 

HE MOOLELO HOONAUE PUUWAI

-: NO :-

KU UI NOHEA

KAMAILIA

O KE

Kulanakauhale Alii

- : O : -

PRISA

ME

Kana Ipo Aloha

Mon M. Duvala 

Iloko o na hoinainau hooipoipo ana me na

Ipo Ekolu,

 

MOKUNA V.

  Ua nana loihi aku au i ke kanaka e kamailio nei, a he mea makehewa paha ia u ka wehewehe ana aku, oiai pu pou loa ae la no ia kaua i ka maopopo ke au nui a me ke au iki, aka u i ike no oia ia ka kaua mea e kamailio nei, a ua hoomau mai la no oia i ke kamailio ana:

  Ua hai pu ia mai no hoi au, he nui a lehulehu wale ka poe i makahehi nui ia, a i kaulana hoi mamuli ona, a ua hoopoino pu ia hoi lakou aka he mau ipo no hoi kanaka i aloha io laia.

  Ae, aka, he mea ano e a he mea, kaumaha no hoi he noonoo ae i ka noi hewahewa o keia poe, aole nae he hookahi o lakou e hiki ke kuai i wahi pua hoonani no kona wahi i waiho ai.  He mea oiaio no nae, i ka wa e make ai o kekahi mea, o kona wa iho la no ia e poina ia ai e kona poo hoaloha a pau.

  Aole no nae au hele mai nei me oe ma keia wahi e kualehelehe wale ai no, aka i hele mai nei au malalo o ke kauoha o ke kuhikuhi aku ia oe i kona wahi i waiho ai.  A eia oia la, he mea hiki anei kekahi ia'u e kokua oku ai ia oe e pili ana no kau huakai?

  Ua ike no anei oe i kahi e noho nei o M. Amana Duwala?

  Ae, aia ma ke alanui - - kahi hoi a'u e kii mau nei i ka pua.

  Mahalo.

  He makemake anei ko ka monasiua e ike iaia?  wahi a ka mea malama pue.

  Ae.

  He hoomaopopo wale no ko'u aole paha oia i hoi mai, e laa hoi ko'u ike ole ana iaia i keia mau la i aui aku la.

  Alaila ua maopopo lea paha ia oe aole oia i poipu i ka nohea Kamilia.

  Ae, a oiai ua makemake loa oia e hoonee hou aku i kahi e waiho nei o kona kino, he mau kahoaka no ia o ka hoike mai i kona makemake hou e ike iaia.

  A pehea oia i manao ai e ike hou iaia?

  A penei:  I ka hiki mua ana mai ona ianei, ua ninau mai oia ia'u, pehea la au e ike hou aku ai i kona mau helehelena? oa pane aku au, he hiki no ke ike hou, oiai i ka wa e lawe ia ai o kekahi kino mai ke kahi wahi aku, he mea maa mau e wehe ia ana ke kino iwaho e hiki ai ke hooiaio ia mamua o ka lawe ia ana aku ma kahi e.  I ka wa e wehe ia ai o ke kono, o ka ohana wale no o ka mea i make ka poe i ae ia e nana me ka ike pu hoi o ka luna makai ma ko ke aupuni aoao.  A i mea e holopono ai o kana hana ua hookolo aku nei oia i ke kaikaina o ka lede Madimosele, a ua manao au o kana huakai mua ke huli hoi mai, aole e mele ana kona kipa ana mai ianei e ike ai ia'u mamua mua o kona hoi loa ana aku no kona wahi e noho nei.

  Haalele iho la au i ka ilina a hoi awiwi aku la i kahi o Amana i noho ai.

  O ko'u hiki ana aku ua halawai iho la au me ka makapaa o ka ike ole aku iaia.  Ua waiho aku au he leta, e nonoi aku i kona oluolu o ka hele ana mai e halawai pu me aua i ole, e kuhikuhi mai paha ia'u i kona wahi e loaa aku ai oia ia'u.

  Mamua o ka puka ana o ka la o kekahi la ae, na loaa mai la ia'u he leta mai ia Amana mai, a e hoike ana hoi ua leta nei i na huaolelo penei -.

  E ka Monasina - Ua hoi mai au i ka po nei, a ua ike iho hoi i na wahi lalae au i kahakaha iho ai na'u.  Aole paha e iuki ia'u ke hele aku e ike ia ae e hae me kou mamake, oiai, na maluhiluhi loa ia au i keia mau minute ano, a oia ka'u e nonoi aku nei i kou oluolu e hele mai e ike ia'u ma kahi no au i haalele iho ai i ka leta, a e lo ia no au ia oe malaila.  Me ke aloha e ka monasiua.

M. Amana Duwala.

  Ua loaa aku no ia ia'u e moe ana ma kahi moe.  A i kona wa i ike mai ai ia'u, ua haawi koke mai la ia i kona mau lima e paila ana ka wela o ke ano mai fiva.

  Auwe!  Ua hoolua ia paha oe me ka mai fiva?  i pane aku ai au.

  Pela ka hoomaopopo aku, aka, aua manao au no keia huakai awiwi loa paha a'u.

  Ua hoi mai oe mai kau huakai o ka ike ana i ke kaikaina o Kamilia?

  Ae, a nawai oe i hai aku?

  Ka! ua ike no au.  Ua holopono anei kau mae i makemake ai?

  Ae, aka, nawai oe i hai aku i ko'u hele ana a me ke kumu o ko'u makemake e ike i kona kaikaina?

  Na ka mea malama pa o ka ilina.

  Ua ike aku la oe i kona wahi e waiho la?

  O na haawina o ka hiki ole ia'u ke pane koke aku no keia ninau a Amana, oia ka'u i kulou iki iho ai ilalo, oiai hoi, ua hoike koke mai la no kona mau helehelena, eia no oia malalo o na uumii paa ana o ke aloha o ka mea nona ka hie a'u i hele aku ai e makaikai.  Ua hono iki iho au a liuliu, pane aku la.

  Ae.

  He malama pono no anei oia i kau hoomaopopo aku.

  Ae.

  O ka iho makawalu ana mai o na waimaka, oia ka'u i hoomaopopo aku ai, a huli ino aku la kona mau maka ma kahi e.  Ua pane koke aku la, me ha la, aole au i ike aku i kela mau waimaka.

  Ua hala na pule ekolu o kou hele ana ma keia huakai au.

  Ae, ua piha pono ia mau pule ekolu.

  He loihi anei kela hele ana au?

  Aole au i kaahele iki, oiai, ua loohia koke ia au me kakani mai fiva, a oia ke kumu o ko'u loihi loa, penei la ua hoi koke mai au.

  Alaila, ua hoi mai nei oe mamua o kou ola pono ana.

  I na paha wau i moe aku ma kahi moe no ewalu la aku i koe, e laa keia mai, penei la, ua make au.

  Ka! e pono oe e malama pono loa ia oe.  A o kou mau hoa'loha hoi, e pono ia lakou ke hele mai e ike ia oe.

  Ua manao au, iloko paha o elua hora mai keia wa aku, e ala ana wau ilina a hele aku.

  Hikiwawe maoli.

  Aole e hiki ia'u ke pale ae, o ko'u wahi ia o ka hana o ke ala koke.

  Heaha kau mea nui au i makemake loa ai e ala koke a hele?

  Ua makemake loa au e ike koke i ka luna nui o na makai.

  No ke aha?  He hana hiki kela ia'u ke hana oiai, i na paha oe e hele ana, aole anei ia he hoonui loa ana aku i ka mai?

  Aole, he hoola loa ana mai no ia ia'u, oiai hoi, ma na ano a pau, he mea pono loa ia'u e ike koke aku iaia.  E hoomaopopo oe, mai ko'u la i lohe ai i kona make ana, a mai ko'u wa hoi i ike ai i kona lu, aole loa i loaa ia'u he wahi minute e hiamoe ai a hiki i keia wa.

  E pono au e ike koke i na hana kupaianaha a ke Akua i hana aku ai maluna o ka mea a'u i aloha ai.  O oe pu kekahi me a'u ma ia la.

  A heaha ka pane a kona kaikaina no ka huakai?

  Aohe aua pane, koe wale no paha kona hauoli no ka loaa ana o ka manao aloha i kekahi kanaka malihini e kuai i wahi no Kamilia e waiho ai.

  Aole anei e hiki ia oe ke hookaulua iki iho i ka hue ana i kona kino a hiki i ka wa e maikai loa ae ai kou ola kina?

  Eia hoi au ke maikai loa ae nei, aole wale oia, aka, ua manao pu an e hooko koke aku i ka iini a ko'u puuwai, a aole hoi au e kuemi hope a hiki i ko'u wa e ike ai i kuu Kamilia.

  Ae, ke ike aku la au ia mau mea a pau, wahi a'u ia Amana.

  Ua ike no anei oe ia Kulia Dupona?

  Ae, i ka la mua no a'u i hoi mai ai.

  Ua loaa anei ia oe na pepa a Kamilia i waiho ai maluna o ka pahu ume?

  Eia ua mau pepa nei.

  Lalau aku la o Amana i ka pu-a pepa a hoike mai la ia'u me ka i ana mai.

  O na mea a pau loa maloko o keia pu-a pepa, ua paanaau wale no ia'u.  No na makahiki ae nei ekolu i hala ko'u heluhelu mau ana, a na piha paha ka umi manawa a'u e heluhelu ai.

  Aia a kekani manawa kaawale ou e heluhelu no oe, a e ike no auanei oe i ka nui o na hoike oiaio o ko maua aloha kekahi no kekahi.

  E oluolu anei oe i ka'u noi?

  Heaha?

  He kaa no anei kekani ou i hele mai nei?

  Ae.

  Aole anei oe e ae e lawe i ko'u palapala pasapota, a e kii aku hoi i ka'u mau leta i ka hale leta.

  He elua leta, ami kuu kaikuahine mai, a mai ko'u luaui makuakane mai hoi kekahi.

  No ka awiwi loa o ka'u huakai; nolaila, ua poina au i ke kii aku.

  Ua haawi ia o Amana i ka palapala pasapota ona, a o ko'u holo aku la no ia no ka Rne Roson helu 99.

  He oiaio, ua loaa aku la ia'u he elua io no leta, a i ko'u wa i hoi mai ai a haawi aku iaia, ua ike koke aku la au, na makaukau oia no ka hele.

  Ae, oia me ka mahalo, i wehe ae ai oia i ua mau palapala nei, a koi mai la ia'u e hele maua.  Apopo au e pane aku ai i keia mau leta.

  O kahi o ke poo o na makai, oia ka mana wahi i hele ai, me ka haawi pu ana aku hoi o Amana i ka palapala ae mai ke kaikaina mai o Kamilia.

  A ma ka hora 9 ae o kekahi la ae, ua halawai hou iho la maua.

  O ka haikea o na helehelena, oia ka mea mua i halawai mai ne ko'u mau maka i ko'u wa i ike aku ai ia Amana.

  Ua haawi mai la oia i kekahi minoaka ana ia'u, a onou mai la hoi i kona lima akau o ke aloha kakahiaka.

  Mamua ae o ko maua haalele ana iho i ka hale, ua kakau iho la oia i leta na kona makuakane.

  O ka hapalua ia o ka hora 9, oia ko maua wa i hiki aku ai ma Monte Martre, a e kakali mai ana no hoi ke poo o na makai o ko maua hiki aku, a o ko makou hele loa aku la no hoi ia no ka he, kahi e waiho  ana o ke kino lepo o Kamilia.

  I ko makou wa i hiki aku ai ma kahi o ka he, e hoomakaukau ana ka mea malama na e eli aku, ku iho la o Amana malaila me ka haka pono ana hoi o kona mau maka i kahi o kana mea i aloha ai e waiho ana.

  Ua halawai koke aku la ke kipikua a ka mea eli me ka pahu kahi e uhi a e huna ana i ke kino puanuanu o Kamilia, a oia pu hoi ka wa a ka luna o na makai i kauoha aku ai i ka mea eli e wehe ae i ke pani o ka pahu.

  Ae, e ka mea heluhelu, ua hiki mai kaua i kahi o ka manaonao o ko kaua moolelo, a ua kolu iho hoi na waimaka eloelo o ka mea kakau i ka hoomanao ae, eia ke kino wailua o keia lede ui nohea ke welu hou ia nei e hoike ae i kona mau helehelena i ka mea a kona puuwai i aloha ai, a i ka mea hoi nana i haawi aku iaia i ka moe kau moe hooilo, a huna hou aku iaia no ka wa mau loa, a hiki i ka wa a ke Keiki a ke Akua, e hele mai ai me Kona nani nui e hookolokolo i ka poe ola a me ka poe make, a oia auanei ka wa e ku aku ai o keia lede imua Ona, a kakali aku i kona uku, he uku hoi e hiki ole ai i kekahi mea ke hoohalahala hou aku.

  Na ke kawau o ka lepo i hoopopopo iho ke ami o ka pahu e wahi ana i ke kino o Kamilia, a na ia mea hoi i haawi ole aku i ka hana nui o ka wehe ana ae i ke pani o ka pahu.

  Hilinai aku nei o Amana i kekahi kumu laau me ka hoomau ana hoi i ka nana pono i na mea e hana ia ana.  A i ka a hemo ae ai o ke pani, oia ka wa i iho makawalu mai ai o na waimaka, me ka hooho ana ae hoi i keia mau huaolelo o ke kaumaha.

  Auwe! Auwe!!  E na Lani, kuu Kamilia!  Kau Kamilia!!

  E awiwi, wahi a ka makai i pane aku ai i ka mea eli lua.

  Lalau ino aku la ka lima o ka mea eli lua i ka uhi keokeo nana e uhi ana i na maka o na ui nohea nei, a waiho wale ae la me ko makou ike aku.

  O ka wa o ka hauoli no ka ike aku i kona mau helehelena waianuhea, ua hala ia a ua pau hoi.  O ke, kaniuhu, ka luuluu, ke kaumaha, a me ka pilihua o ka naau, oia ke halii paa ana maluna o maua iloko o keia minute a ka ehaeha a me ke aloha.  A he mea makehewa paha ka wehewehe ana aku ia oe e ka mea heluhelu, oiai, ua nalowale na helehelena o ua ui nohea nei, koe nae la ula ohelohelo maikai wai o na papalina, me kona mau maka hoi i nalohia aku ka naui a me ka hiehie mamuli o ka emi ana aku iloko a poopoo.

 

HE MOOLELO HOONANEA

- NO -

Don M. Maseka.

Ka Opio Iloko o na wiliau ana a ka

Pahikaua,

Ka Omole Laau Hamo

Kupaianaha.

A O NA MAKANA HIWAHIWA EKOLU.

Ke Kavalia Maluna o ka Lio PUAKEA me na hao

kila Mageneti

ME NA

KIAI PUKAUA EKOLU.

 

MOKUNA I.

Na makana hiwahiwa ekolu a ka Makuakane,

M. Moseka i kana Keiki.

  O ke aloha fea wela a kona makuahine iaia, ua oi aku ka eehia a me ke kulipolipo mamua o ke aloha hope loa a kona makuakane, aole wale no ke aloha ole ona i kana keiki, oiai oia hookahi wale iho no, aka, no ka mea, he kane oia, a aole ona makemake e hoike aku oia i kana keiki i kekahi monao hoaloha iaia, aka o Madame Moseka hoi, he kulana kona o ka wahine, a he mea mau no ia i na makuahine a pau ka ili o ka haawe kaumaha o ke aloha lipolipo no ke keiki.  Ua uwe haalo'ulo'u iho kona makuahine nona, oiai oia e kaawale aku ana mai ka poli aku o ka makua, a ua haawe aku ia haawina o ke kaumaha maluna o Don M. Moseka, a ua hiki koke no ke ike ia aku ka hakoko o kona mau manao iloko ona aka, aole nae he hookahi leo i puai mai mai kona waha mai.

  Ia la hookohi no ua haalele aku la ka kakou kamahele i ka poli aloha o ka makua no ka hele ana aku i kana huakai hele me kana mau makana hiwahiwa ekolu mai kona makuakane mai, oia hoi: ka lio, na dala Pelekane he 15 a me ka leta ia M. Terevile.

  O ka hiki ana aku o ka kakou opio ma ka hotele Jole Mila, a oiai oia i hookokoke aku ai ilaila, ua halawai aku la me ka ike a kona mau maka kekahi kanaka loihi o ke kulana kilakila e kamailio ana me kekahi mau kanaka okoa iho, a i ko lakou ike pono loa ana mai ia ianei, ua hoomau loa aku la ne lakou i ke kamailio ana me ka akaaka ana ae a nui ka leo e hiki ai i na tausani kanaka ke lohe ina lakou malaila kahi i ku ai e hoolohe.

  A o keia mau leo akaaka o ke ano pahenehene, ua poha pono mai la ia a loaa ko ia nei pahu kani o ka lohe, a oia ka wa i hulili pono aku ai kona mau maka me ka haka pono ana aku hoi i ua poe nei e hehe nei ka aka.

  Iloko o keia manawa, ua hookokoke aku la ka kakou opio ma kahi a keia poe e kamailio nei, a oiai oia he umi kapuai ka mamao mai a lakou mai, ua puoho hou ae la no lakou iloko o kekahi aka haalo'ulo'u ana, a na ia mea i kono mai i ka kakou opio e hoomakaukau iaia no ka hakoko ana aku me keia poe oiai hoi, ua ulu mai na hoomanao ana aia iloko ona he aka ana nona.

  Lalau iho la kona lima i kana pahikaua a huki ae la iwaho me ke kalele ana iho hoi o kona lima hema ma kona puhaka a hoolele aku la oia i kona lio imua me ke kahea ana aku me ka keo nui i ka i ana aku:

  Halo! wahi ana, o oe e kela mea i huna iho ia oe iho mahope mai o ka paia o ka papa! e hoike kike mai ia'u i kau mea e aka nei i hiki ai ia'u ke komohia aku iloko o ka aka haalo'ulo'u pu ana me oukou.

  Ua huli malie ae la na maka o na kanaka nei mai ka lio ae a hulili pono aku ia me ka haka pono ana i ke kahu o ua lio nei, a me ke ano pahenehene, ua pane aku la oia i ka kakou opio i ka i ana aku:

  Aole au e kamailio ana ia oe.

  Aka, owau hoi ka mea e kamailio aku nei ia oe, wahi hou a ka kakou opio.

  Ua pane mai la ua kanaka malihini nei iaia me kekahi minoaka ana, a puka mai la iwaho me ka hele ana mai a kokoke i ka kakou opio a pane mai la:

  He mea oiaio, o keia lio, na malama pono ia paha ia me he opuu daimana ala, a huli ae la oia a kamailio aku la i kona poe hoa iloko o ka hale:

  He waihooluu kona i hoomaopopo nui ia iloko o na buke kanu mea kanu, aka iwaena o na lio he kakaikahi loa ka ike ia aku.

  He oiaio ia, a he mea oiaio no hoi ka hiki i kekahi mea ke aka henehene mai i ka holoholona, aka aole nae e hiki iaia ke aka henehene mai i kona kahu e kau ana maluna ona.

  Aole au he kanaka aka wale iho no me ke kumu ole, e like me ka hiki ia oe ke hoomaopopo mai ma ko'u mau helehelena, aka, aia nae ia'u ia kuleana o ka aka ana e like me ko'u makemake, wahi a ka malihini.

  A owau hoi, wahi a Dona Maseka, aole o'u makemake i kekahi mea e aka mai ia'u me ko'u hoihoi ole aku.

  He mea oiaio ia wahi a ka malihini me ka leo malie, ae ua pololei oe ma ia wahi; a huli ae la ka malihini me ke komo ana aku iloko o ka hotele.

  Oiai ka wa a ka malihini i komo aku ai iloko o ka hotele, oia  pu no hoi ka wa a Don Maseka i holo ae ai ma kekahi ipuka mai o ua hotele nei, ua ike koke iho a oia i ke ku o kekahi lio i makaukau me ka noho, a huki koke ae la oia i kana pahikaua a paa i ka lima me ka makaukau hoi e pepehi aku i ka mea nana oia i aka hoohenehene mai.

  Ua puka aku la keia kanaka malihini iwaho me kona poe hoa a hoomaka aku ia e holo me ka puahi nui.

  Iaia e holo nei, na hoomaka koke ae la ka kakou Don Maseka e apa ma ka aoao o kona lio, a hoomaka aku la oia e alualu i ke kanaka malihini me ke kahea ana aku ma hope ona:

  E huli koke mai oe, e huli kike mai ano, a i ole e hahau kike aku no au i ka oi o ka'u pahikaua na hope ou.

  E hili mai ia'u wahi a kekahi o lakou i pane ae i me ka huli pu ana mai hoi i hope a nana i ka opio a pakui hou mai la i keia mau mamala olelo.

  E auhea oe e kuu keiki, e hookaawale koke oe ano, ua pupule oe me ka hehena:  He wahi kana houluhua keia aka he makana maikai nae na ke alii ka Moi, oiai oia iloko o ka huli nui ana no ka poe koa a me ka wiwo ole no kona pualikaua.

  Aole no i pau pono iho kana na munamu ana, oia no ka wa a Don Maseka i hou aku ai i kana pahikaua ma kela aoao o ke kanaka malihini.

  O ka hoomaopopo ana iho o keia kanaka malihini aole loa keia he mau hana no ka lealea, ua puahi pu ae la oia me kana pahikaua me ke ku ana mai ma ke kulana o ka makaukau, iloko no hoi o ia wa koke no i lele mai ai kekahi mau kanaka iho maluna o Don Maseka me ka hili ana mai hoi iaia me na pauku nao a me ka apana laau, a o ka hoomaka iho la no ia o ka uluaoa o ka hakaka ana mawaena o lakou ekolu a me Don Maseka hookahi, e hili ana a e hou ana me na manaolana no ka make o kekahi o lakou.

  Ae, ua hakoko iho la lakou no kekahi manawa loihi me ka puka ana ae hoi o na leo hooho mai ka waha ae o keia poe malihini me ka i ana.

  E make e pono ai keia poe Gasecona.  A e hookau aku iaia maluna o kona lio puakea a hookuu aku e holo.

  Aole mamua ae o kou make ana ia'u e kona pumaia nohe wale! me kona hoao ana ma na ano a pau e pale nona iho oiai na hailuku hala ole a kona mau hoa paio ekolu e iho makawalu mai ana maluna ona me kona haawipio ole aku hoi ia lakou he hookahi iniha e kahi i ku ai o kona mau kapuai wawae.

  Ae, ia Gasecona maopopo keia, wahi a ke kanaka malihini.  A mamuli hoi o ko'u hanohano, he poe hiki ole ke opa pu ia ka lahui Gasacona, nolaila, mai haawi poi, a e hakoko aku no e like me kona makemake, a ina oia e maluhiluhi ana aole loa oia e nele ka i mai ua lawa ia no keia la.

  Aka, ua hoomaopopo ole paha keia poe malihini i ke kulana paakiki o ka hakaka ana aku me kekahi mea ole kono e like me keia opio a o ua opio, nei hoi, aole loa oia e haawi pio ana a hiki i kona haulehia ana iloko o ko lakou mau poholima, a no ia mea, ua hahana loa aku la ka lakou hakoko ana no kekahi manawa loihi.

  Ua hiki ole hoi ia Don Maseka ke hou aku i ka oi o kana pahikaua i kekahi o keia poe, e laa ka iho makawalu mai o ka lakou mau hili ana maluna ona, a o ke kulana o ke pale ana nona iho, oia kana i lawe ae ai oiai lakou e ulele ana no iona ai a ka ui.

  Oiai na hili ana a me na hou ana, e haualaoa nei ma o a maanei o ka kakou opio Don Maseka, ua pa pono mai la kana pahikaua i kekahi apana laau i hahau ia mai e kona mau hoa paio, a haki iho la ua pahikaua ala a kona makuakane a poomuku.  A iloko pu no hoi o ia manawa i pa mai ai kona lae me kekahi hili ana o ka pauku laau, a na ia mea i maihi ae i ka ili e hoopuni ana i kona lae me kona haule ana aku hoi i ka honua iloko o na kihe'ahe'a a ke koko.

  He oiaio, iloko o keia manawa i ike ia aku ai na kanaka o ke kulanakauhale e hoohiki ae ana ko lakou alahele no kahi o keia hakoko.  A malalo hoi o na manaolana o ka ulu mai o kekahi haunaele, ua kii koke mai la ka ona o ka hotele i kokua ia hoi e kana kauwa a hapai aku la i ka kakou opio i eha iloko o ka rumi kuke me ka hoomoe ana iho iaia malaila mo ka lapaau ana aku.  A no ke kanaka malihi hoi, ua huli hoi mai la oia a ma ka ipu ka aniani o ka hotele, ku iho la oia e nana i ka heluna nui o na kanaka o ke kulanakauhale e hoohiki mai ana i ko lakou alahele no laila me kona pihoihoi nui hoi no ko lakou noho ana ilaila.

  A pehea aku nei la ua kanaka hehena nei? wahi a ke kanaka malihini i huli mai ai e ninau i ka ona o ka hotele, oiai oia i hele mai ai e hoike aku iaia i ke kulana o ka mea i eha.

  Ho maikai no anei kou ihiihi e kuu haku? wahi a ka ona o ka hotele i ninau mai ai.

  Ae, e kuu ona hale maikai.  Aka, he makemake au e hoike mai oe, auhea iho nei la kela opio?

   Ua maikai oia i keia manawa, wahi a ka ona hale i pane mai ai, aka, ua pau nae ka hiki pono ana iaia ke ike.

  He oiaio? wahi a ke kanaka malihini.

  Aka, mamua nae o ka pau ana o kona ike, ua makemake oia e hoohana i kona ikaika a pau e kue mai ia oe, wahi a ka ona o ka hotele.

  Ae no hoi, aka nae ma ka hoomaopopo aku, he diabolo maopopo kena, i pane mai ai ka malihini.

  Aole paha pela e ka mea mahaloia, aole pela, wahi a ka ona hale, me kekahi mino aka ana o ke ano hoowahawaha aole ia he diabolo no ka mea, i kona wa i pau ai kona ike, ua huli aku makou i kona kino a iloko hoi o kona wahi opeope e waiho ana he hookahi wahi palule a me 12 dala Pelekane iloko o ko eke o kona lolewawae.

  Aka mamua nae o ka pau loa ana o kona ike ua hoopuka ae oia, ina wale no o keia hakoko ana a iloko o ke kulanakauhale o Parisa, penei la ua loaa ia oe na huaolelo o ka mihi maopopo a oiai hoi ianei keia hana i hana ia iho nei, aole loa oe e mihi koke ana a no kekahi manawa o keia mua aku.

  A ina pela, wahi hou a ka malihini, he kanalua ole ko'u o ke alii kena o ke koko iloko o ka uhimaka o ka hana ana iaia iho.

  A nolaila, aole au e hewa ke hoike aku ia oe i keia mea, wahi a ka ona o ka hotele, i hiki ai ia oe ke makaala pono ia oe iho.

  A aole nae paha oia i kamailio ae i ka inoa o kekahi mea oiai iloko o kona huhu nui.

  Ae, he oiaio, ua nai iho oia i kona pakeke me ka pane ana ae:  Aole e liuliu e ike aua no kakou heaha la ka M. de Terevile pane no keia hoopoino ia ana o kona hoa.

  O. M. Terevile, wahi a ka malihini me ke pahaohao nui, a ua pai iho i kona pakeke me ka hoopuka ana ae i ka inoa o M. de Terevile?  E hoomaopopo iki iho hoi kana, oiai keia opio iloko o kona maule ana, heaha ka mea i loaa aku ia oe iloko o kona pakeke i kou wa i huli ai?

  He leta e hoike ana i ka inoa o M. de Terevila, Kapena o ka puali?

  He oiaio kena?

  Ae, he oiaio e like me ka'u e kamailio aku la i kou hanohano wahi a ka ona hale.

  I ka wa o ka puka ana aku o keia mau huaolelo mai ka waha aku o ke kanaka malihini, na ike koke ia aku kona mau helehelena i ka hookuekue maka nui ana iho me he mea la e hoike mai ana i ke hana nui o kona noonoo e pauma ana i kona puuwai, a puana ae la.

 

Hoolaha.

  I na Luna a me ka poe lawe pepa pakahi, a me na makamaka eae o ka NUPEPA KA OIAIO a me KA LEO O KA LAHUI ma keia ke hoike ia aku nei ia oukou apau, e palapala pololei mai ma ko'u ino no na kauoha nupepa, na hoolaha a me na hoouna kala ana mai a pau.  Aole e mana kekahi palapala hookaa ke ole e kakauinoa ia e a'u ma ko'u inoa ponoi elike me ia malalo iho, i na ua hiki ole ke kakau mai ma ko'u inoa haole, alaila, e kakau mai ma kou inoa Hawaii elike me iae puka aku nei; a i ole ma ka inoa o na "NUPEPA KA OIAIO a me KA LEO O KA LAHUI"

JOHN K. PERNDERGAST.

(KAPAMAWAHO).

  Puuku o ka NUPEPA KA OIAIO a me KA LEO O KA LAHUI.

  Honolulu Jan 12th. 1894.

 

NUPEPA

KA

OIAIO.

- O -

E HOOPUKAIA ANA E

KEKAHI HUI HAWAII PONOI

I kela a me keia Poalima. Ka uku o ka nupepa hookahi:  No eono malama, $1.00, no hookahi makahiki $2.00

KUIKE KO MA KOU RULA.

He uku emi mai no hoi ko na hoolana oihana, na hana kalepa, na hale kuai o kela a me keia ano.  O na hoolaha mai na apana mawaho aku o ke kulanakana hale nei, e hoouna pu ia mai ka uku.

  E hoouna ia mai na manao ma ka inoa o John E. Bush (Ailuene Buki), o na kauoha nupepa a me na hookaa dala a pau ma ka inoa o ka Puuku John Kapamawaho Prendergast.

JOHN E. BUSH

LUNAHOOPONOPONO.

JOHN K. PRENDERGAST.

 

ROBERT W. WILCOX.

HE MEA ANA AINA.

O ka poe a pau e makemake ana e ana ia ko lakou mau aina ma Honolulu nei a me na wahi a ae o

ka Mokupuni Oahu nei, a me na Mokupuni e ae.  E hele ae ma ke Keena o ka nupepa KA LEO a me "Ka Oiaio," ma alanui Pa'i Palapala: a i ole ma ka Bele Telepona 245, no ke kuka ana i ka uku.  He oluolu ka uku ana i ka uku.  He oluolu ka uku no ke ana ana i na aina.

 

 

Elia Kaululaau.

kauka Hana Niho

Ua hiki ke huki ma Niho me ka eha ole iloko ka manawa pokole loa.  He loea me ka noeau ma ka Hoopiha ana i ka niho me ke Gula Kala a mea e ae paha.  He akamai lua ole i ka Hana ana i na Niho Kui o na ano a pau.

  He Mikioi ka Holoi ana ina Niho He pa'anehe kona mau lima ma Kana mau aiea Hana Niho o na ano Hou loa i loaa mai nei.  He oluolu no ke kukai olelo ana no kona ukuhana.

  O ke kanaka Hawaii hookahi wale no keia mailoko ae o ka huina o 40,000 kanaka i loea ka lahui Kauka hana Niho mai ka Papa Kauka Hana Niho mai o ke Aupuni Hawaii, mamuli o ka ike ana o na Hoa o na Papa Ola i kona akamai maoli ma keia Oihana ano nui.

  E ikeia kakou Hoa Kanaka o kipa hewa ke aloha ia lakou nei ae.

  Keena hana maluna ae o ka Hale Hana Pu i ke kihi e Alanui No me Betela Puka komo e pii a iluna o ke Keena ma ai.  Moi

mar. 6 tfd