Ka Oiaio, Volume VI, Number 3, 19 Ianuali 1894 — Page 1
| This text was transcribed by: | Kainani Hartnett |
| This work is dedicated to: | Sherrie Gallipeau |
NUPEPA KA OIAIO
“O KA PONO KA AIALII E OLA AI KA AINA”
BUKE VI HONOLULU, IANUARI 19, 1894. HELU 3.
-------
HE MOOLELO KAAO HAWAII
NO
LAUKAIEIE.
------
Ke Kino Kamahao’ Iloko
O KA
Punohu Ua-koko.
----
Ke Kahulileole’a o ke
Kuluaumoe o
na Pali
O Waipio Hawaii.
______
Unnhiia e Mose Manu no “KA LEO.”
-----
Na Manao kuka olelo a Kaukini me kana wahine me Pokahi—Hoounaia kekahi kaikamahine e hele e huli i ka mea a ko lakou haku wahine Laukaieie e uwe haalipo ala no ke aloha.
------
Aole au e ae na olua e imi ia mea, a aole no ho@ oia ka’u makana e haawi aku ai, i uku no ko olua luhi ana ia’u. Owau ponoi nei no ke imi a loaa ka pomaikai, a oia ka’u e haawi aku ai na olua nolaila, mai noonoo olua e o’u mau makua no ia mea, no ka mea, he nui na popilikia a me na inea o ke ala, aia wale no na ka poe kinolau e he’e kaapuni i na aina a me ka moana e waiho mai nei, nolaila e kuka kakou i ka mea o lakou nei e ae ana e hele. No keia olelo maikai a Laukaieie imua o kena mau kahu hanai, ua lilo ia he mea maikai mawaena o lakou.
Ia mawana i olelo aku ai o Laukaieie i kona mau hoa noho oia uka iu anoano ua makemake au e ninau aku ia oukou e o’u mau hoa haihaiolelo o keia uka? Owai la mawaena o oukou e nonoho mai nei, e aa ana e hele e huli i ka mea a’u i aloha ai—ka mea hoi nana i hoopale aku i ka ono o ka ai mai a’u aku? owai la kona inoa? ua huna mai oia ia’u –no keaupuni h@ la oia, @ pololei ai au ke hoouna aku i kekahi o oukou? he oiaio, he hana nui keia e haawe aku ai maluna o ka hokua o ka mea e aa mai ana e hele e huli, aka ke waiho aku nei au na oukou e koho?
I ke kuu ana i@ , o ka leo o ko lakou haku wahine, olowa@ like mai la ka leo hooho: owau, owau, owau ke hele!
Aole au e hookuu aku ana ia oukou a pau loa@e hele, wahi a ua nohea nei i pane aku ai, nolaila e hailona aku ana au ia oukou a pau, e o mai oukou i ko oukou mau lima, a o ka mea auanei e oi ana o ka loihi o ka lima, oia auanei ka mea nana e hele e nuli i kuu mea i aloha ai.
Ia wa o pakahi mai la na lima o kona mau hoa imua ona, anana pakahi aku a keia, a i ka hope loa o kana nana ana, ua lilo aku la ka hailona ia Pupukanioe, a oia ka kona mau hoa i hoohuli pono mai ai i ko lakou nanaina maluna o ka hoaluhi e wehe mai ana i ka pili, a kulu iho la ko lakou mau waimaka, a oia haawina pu no hoi kai haawe iho maluna o ko lakou haku wahine. I keia manawa a lakou e kukakuka nei, ke iho aku la ka la ka La e huna i kona nani oi kelakela malalo iho o ke ana iliwai like me ke kai, a oia ka ua nohea nei i pane ae ai ua like, ua like, aole he wahi lilo o na kukuna o ka La e alohi mai la iluna o ka ilikai mai na hiohiona aku o kuu mea i aloha ai.
I ka lohe ana o kona mau hoi i keia mau olelo a ko lakou haku wahine, na kau like aku la ko lakou mau maka maluna o ka ilikai, a ike aku la lakou me he hao ala ua kunu ia a enaena iloko o ke ahi, na kukuna o ka La e pahola mai ana i kona aloha hope maluna o ka ili laumanaia o ke kai a oia ka lakou i p@ ana ae ai, aole i’o no he ui o na helehelena o kela keiki a lohe mai i ke ao, makepono no ka mauna ana i ke kino o na hi@hiona kela o ke kane.
Mahope iho o ka napoo ana o ka La, ua haawi ae la ua poe kaikamahine nei o ka uka waokele he mau lealea no ke kai-na wawae o ko lakou @oa, e like me ko lakou ano he puukani wale no, pela lakou i haawi ae ai ho anaina hoolaulea a ua oi aku ka maikai a me ka nanea o na mea i haawi ia i keia po mamua o ka po mua i hala.
1 na hora no o ka pili@ ahiahi, ua kalokalo mua ae la no o Pupukanioe:
E o’u kino lau i uka nei, i ka pili lau lau Koa, i ka pili lau @ma’u lau Kahuli i ke alo o ke k@wi, he kupa noho no ka uka hoala hiamoe o Laukaieie, nanaia ke ala e lule aku ai no’u no Pupukanioe. O’u kino pupu i ke kai uli, i ka pili kahakai, i ka ae one, ia oukou hoi ke ala o ke kai a’u e hele aku ai. E Pupumakaloa, huli mai a naua ia’u i kou hanauna o ke ao nei. @ale hoi.
I ka pau ana o keia mau olelo kaukau a Pupukanioe, aia hoi ua hoopuiwa ia lakou a puu e kekahi kikiao makani nui a me ka leo i pa-e mai me keia mau hoaolelo: e liuliu, e makaukau a hono a lele, owau keia o Laukapa’ili, o Moemoe-a, o Kapuaiaia, o Oai@lele, o Makanikeoe, ka uka@ o ke alanui.
I ke kuu ana ilio e ua leo hoopahaol@ nei, ua ku koke ae la o Pupukanioe a
pane aela: Pupu e, Pupu la, Pupumakaona, Pupumakaloa; Kapuikahalel@ hele ana i ka loa, akahi kapuai, elua kapuai, ekolu kapuai, no@ no Pupukanioe. I ka pau ana o keia mau olelo, ua o@li pulelo aku la ke ahi o Kamaile i ua kaikamahine nei.
Ia Pupukanioe i puk@ aku ai iwaho o ka hale, ua hui koke aku la oia me kona kaikunane, me Makanikeoe, a hele aku la lana ma ke ano kino kamaha (in@ni). Ma keia huakai a laua e he @ ua hoomaka mua lana e kaapuni @ waii ia po, na hele lana ma ka aoao @ na a Hamakua a me Hilo Paliku, e kilohi ana i na kuala@a a me na awawa e kiei a halo ana ma na kuono a me na
makalae, aole he wahi i koe ia laua ma keia huakai o ka piha eleu, me he imo ana la na maka, ua hoea aku la laua no Hiloone, kahi hoi o keia mau laiani mele hooheno:
Kaua i ka lai o Hilo
I ka pohu malino i Hanakahi.
a hala kahi i oleloia:
Aia i Hiloone ka pua ao Kina
I lokua e ka ua Kanilehua.
ua alawa iho la laua nei ia Panaewa nui Mokulehua, a no ka mauawa pokole hele ana laua nei i ka hapalua o Punapaialaikahala.
Aia wale no imua o laua nei na mea a pau oia wahi, pela no laua nei i a’e aku ai no Kau a me Kona a hiki laua nei no Kohala, ka aina i kaulana i ka haaheo, ua ahuwale imua o laua nei na poe kaulana a pau olaila, a hiki laua nei no Kohalaloko, ua kamoe loa aku la ka laua nei huakai no na pali hulaana o Kakaauki, a hoea aku la laua nei no Kawaikapu, a mailaila aku no ka home noho kuahiwi o ka mea nona keia nanea, oia no ka pili o ke aumoe, a aia no hoi ka poe o kauhale e ala mai ana no.
I ko laua nei hoea ana aku i ka hale, ua pane aku la o Makanikeoe o oe wale no o kaua ke komo aku iloko, a mai hai aku oe ia’u ke ninau ia mai oe?
Ae, wahi a kona kaikuahine a komo aku la oia iloko, a e kau pono mai ana ko lakou mau maka maluna oia nei me ka hoihoi a pae mai la ka ninau mai a lakou mai, penei:
Mahea kau huakai i hele ak@ a hoi koke mai la?
Ua kaapuni aku nei au ma @ Hawaii nei a puni, aohe he wahi @ loaa ia’u ma keia huakai aku @ no ka mea a ko kakou haku i aloha ai, nolaila, e haalele ana au ia oukou no ka lua o ka manawa o ka’u huakai.
I ka pau ana o keia mau olelo, o ko ia nei oili aku la no ia, a aia no hoi ka makani puahiohio o ke kaluaumoe ke kali mai la nona, i loa no ia nei a oili iwaho, o ko laua nei hiu koke aku ia no ia ma ka lae kahakai o na pali hulaana o Waimanu me Honokane, makahi i kapaia o Laupahoehoe e pili koke la me ka wai lele o Kawaikapu.
Ia laua i hiki aku ai ma ua wahi la, ua akoakoa ae la na pupu a pau o ke kai, aole o kana mai o ko lakou nui, ua piha pu ka ili o ke kai, aole paha oe i poina e ka mea heluhelu i na olelo kaukau a Pupukanioe mamua ae nei, no ia leo noi lakou i hele mai ai e hooko.
E kunane, wahi a Pupukanioe i pane mai ai, eia ke ala e kau mai kaua?
E kau iho oe me ke kali ole, na’u ka hana ia kaua ma ka hele ana aku.
I keia manawa, kau pono iho la keia iluna o kekahi pupu nui, a oia no hoi ka pupu iwaenakonu e hoopuni ia ana e na pupu e ae he nui loa.
E like me ka mana i loaa ia Makanikeoe, ua manao iho la kona kaikuahine, eia no la laua i kahi hookahi kahi i mouo ai, eia ka auanei laua i ka hapalua like o ka mona o Alenuihaha e holo nei, a ke mamao loa aku la ka aina, ma keia wahi i mawehe mai ai ke aouli i ko na ano, moku mai ana ka pawa o ke ao, a oia ka Pupukanioe i ninau ae ai i kona kaikunane:
Owai keia aina e waiho mai nei mamua o kaua?
O Mauiloa keia, aia i keia wa a laua e olelo nei, ke kaalo ae la laua nei mawaho o na pali Koolau o Maui, kahi hoi o keia mau lalani hooheno.
He malihini au na ke kai i lawe mai
Ike ia Honomanu he aina pali.
No ka wa pokole loa, aia laua nei mawaena o Molokai a me Maui, a ke haulani ala na ale o Pailolo ia laua nei, a ke wehewehe mai la kai o ke ao, a hiki la@ nei mawaho ae o Ka@kahakai, kani hoi i olelo ia Kalaiakamanu, ua malamalama loa ae la ia wa, a ke huli pono mai la ke kaha o Iloli me Palaau kahi hoi o kela melekaulana a Kaehu:
He ukana ka Kilauea
Lu ae la i Palaau.
E ka mea heluhelu e hookuu iho kaua i na kamahele au moana ma ko laua mau auwaa kamanao mai Hawaii mai e hoomaha iki, a e huli oe kaua a nana aku i na keiki kuehu lepo o Kalae, me na kaikamahine kueaea o Maunaloa, kahi o ka poe aiwaiwa i noho ai, a oia hoi na lii i haku ai i mele no ua lepo ala, penei:
Ula Kalaeloa i ka lepo a ka makani
Hoonuanua i Apuakalamaula
Ikea kuu manao i’au kula elua
Hea mai haiolohia e hoi maua
Uwe aku o na hoa i Kaana
He ane aloha ia’u ke kula o Niniwai
O’u hoa ika lai a ka manu a
I ka manawa a na kamahele e @ana ana maluna o ka ilikai me ka huli aku o nana ia uka, me he la, ua kaohi ia mai ka holo ana o ko laua waa a hoolai malie iho la laua
nei aia hoi, ua ike ia mai ia laua nei e ka poe ahi kanapa o Maunaloa, ka poe hoi i oleloia; ke ahi kao lele o ke ahiahi, owai iaia, o Kalaipahoa.
He manawa pokole, me he imo ana ala na ka maka, hele ana keia kumulaau nui i kai o Haleolono me elua kaikamahine ui launa ole e kau ana iluna o na kumulaau nei, i ka hiki ana ma Haleolono, aia ua mau kaikamahine ala e ani peahi mai ana na lima i na @hini e pae iuka e kipa kauhale.
Mamuli o keia leo kono a kamaaina, ua nee malie aku la ko laua nei auwaa a pili ma kahakai, ma kahi i kapaia o Keawakalai maluna iho o Haleolono, ia laua nei i hehi aku ai i ke one maloo, ua nalo aku la ko laua nei mau hoahele no ko lakou wahi mau.
Ia Pupukanioe me kona kaikunane e ku nei, ua hiki koke mai la ua mai la ua mau kaikamahine la me na hiohiona hauoli a mahamaha pu no hoi, i ke ike ana mai i na malihini.
O ka inoa o ua mau nohea nei, o ia no kela e o ala ma Molokai i keia manawa, oia hoi o Maohelaia me Kaiolohia, ka mea hoi au e ka mea heluhelu e puana ae ai i keia mau lalani mele:
Aia i Molokai o Kapuaiwa
@ wela i ka la o Maohelaia
@e aku i ke kula o Kaiolohia
@ Maohelaia ma i hoea mai ai
@ua o na malihini e ku nei, ua ma-u ae la ko lakou mau ihu, a hookahi no huaolelo o ka pane ana iho; ina kakou; o ko lakou nei kau ae la no ia maluna o na lala laau o ua kumu laau nei, aole i kupono iho ka noho ana, me he ia i eu ae eia ka auanei ua hiki iluna o Maunaloa.
Ia laua nei i hiki aku ai iluna o ua mauna nei i hooipo ia e ke anoano a me ke eehia, aole he hookahi a laua hale i ike aku e ku mai ana, aka nae, aia iwaenakonu o ua piko mauna nei e ku kilakila ana kekahi kumu lehua nui, me he hihi ana ala na ke koa kumu ole o Kahihikolo ma Kauai, me he punohu uakoko ala ka pua o ka lehua e uhi paapu ana ia luna o ua kumu lehua nei.
Aia maloko o ka malu o keia kumu lehua nui ka hale noho o keia mau kaikamahine me ko laua kaikunane, oia hoi o Kaana, oia kakou mea kakau e hookuu malie aku nei i keia mau wahi kanaenae:
Ae aloha no Kaana
Kela kuahiwi nani
A ka maka e ike ai
Mahalo ai ka manao
Kai noa o ka nani ia
Ku ana o Maunaloa
Pahapaha ku wale ana
O ka nani oia uka
He lehua nee i ka papa
E popohe ana i ke kula
I ke kula Kukaha
O ke one lele iho ia.
Ke manao nei kou mea kakau, aole paha i poina keia mele i ko Molokai poe e ola nei a hiki i keia manawa.
Ia laua nei no e hoonuu ana i ka nani, me he le i paia’e ko laua mau maka, ua na’owale koke iho la ua kumu lehua nei a lakou i kau mai ai me ka kamaaina.
Nolaila ua ku lohaloha iho la laua nei nana i ka hana mai o Kaiolohia me Maohelaia i meaai na lakou, ia laua nei nae e kau pono nei i na maka ilaila; aia hoi, ua hoopahaohao ia laua nei i ka ike ana aku i ka pii mahe ana ae o ke kumu lehua nui i koolu’a ia e na pua a kahuli ae la me he ano lanai ala ke nana aku.
Ma keia ano kamahao i na maka o na malihini e nana aku nei, ua ike aku la laua nei i kekahi keiki kanaka ui a hiehie e noho ana iwaenakonu o kekahi anaina
kanaka e hoopuni ana iaia, a ua makaukau hoi ka meaai mamua o ko lakou alo, a oia ka laua nalu iho ai.
He paanu loa no ka hoi ka poe e noho nei iloko o keia ulu lehua me kela keiki kanaka maikai, aole anei o kela keiki kanaka maikai e noho mai la ka pahu hopu o ka kaua huakai poai honua—ka mea hoi a kuu haku wahine i makahehi ai ma kana moeuhane? he oiaio, aia na haawina o ke kaili puuwai maluna o na hiohiona o kela keiki kahi i hooheno; aka----aole i pau pono keia mau huaolelo a Pupukamoe, pane e mai la nae kona kaikunane i ka i ana mai penei:
Aole iwaena o keia anaina kanaka e nonoho mai nei, a aole no hoi o kela keiki kanaka maikai e noho mai la ka mea a ko kaua aliiwahine i haole ai i ke aloha, aka o kana mea i lia ai ma kana moeuhane, ua papaluna iho kona ui kona nani, ke kilakila o kona oiwi kino i ko kela keiki @ mai, i lohe oe e kuu kaikuahine.
Ia laua nei no e hamumu ana, ua
kii mai la ke keiki Kaana a huki aku la ma ko laua nei lima me ka pane pu ana mai, helo mai kakou e paina ai, a maona, hoihoi ka hele ana ma ka huakai kaahele.
Ia lakou nei i hiki mai ai ma ka papaaina, ua noho like iho la lakou nei a hoopiha iho la i ka lua o ka inaina, aohe a laua @oi mea e kamawae ae ai, oiai ua lako i na mea a pau, a oia paha keia wahi hooheno:
Aohe mea imi
A ka maka i koe
Ua unu ia mai
A akoakoa.
Na hoohiehie
A Maohelaia
Me Kaiolohia.
Aia i keia wa a lakou e haupa nei, aia ke keiki kamaaina Kaana “Ke hilinai laPuna @lele ia Kau” i ke kaikamahike o Hawaii, Pupukanioe, a oia kana i @noaka iho ai me he mea la ua hiki iaia ke puana ae ma ke ano hooheno; ina e hoomau loa iho ana oe i ke kalele ana i neia poohiwi, aole auanei e nele ka mahiki ae o ke ama o kou waa, oiai o ke kiowai kapu@iho ia o Haiwahine, a ike pono oe i ka noe kaulana o kuu aina, ua heha Waipio i ka noe.
Iloko o keia anaina kanaka nui e noho mai nei nana, ua kahuli koke ae la lakou a lilo he kumu lehua e like me mamua.
Huikau na makau a ka lawaia ia Kaana me Pupukanioe—Hele hookahi o Makanikeoe.
_____
Mamuli o keia nalo honua ana o na poe kamaaina, ua pane ae la ke keiki kamaaina; e auhea olua e na malihini, he mea maikai no hoi no olua na malihini ke ai a hoolohe wahi lealea a makou na kamaaina, i wahi mea hoonanea i ko kakou wa e paina ai, pehea ia la e na malihini?
Heaha auanei hoi ka hewa o ka mea lealea.
I loa no a pau keia mau olelo, aia hoi, ua oni like ae la na laau kumu lehua a pau, me he mau mea kino maoli ala ke nana aku, oia ka manawa i hoanoe ia ai na noonoo o na malihini, aole i liuliu mahope iho, ua lohe ia aku la ke poha ana mai o ka leo oli o Maohelaia me Kaiolohia:
O na lehua wale i Kaana
Ke kuia ala ua lawa
He lei no ka wahine o Kapo
O Kapo alii nui o ia moku
Kiekie haahaa
Haahaa ka la o ka ike e ike ia
He ike kumu he ike lono
He ike Puawahiwa ka ike e
Ke ‘kua e i lono oe.
I loa no a kuu iho keia mele oli, he manawa ele, ua iho like mai la na lala lehua me na lei lehua a kau ana iluna o na poo o na malihini, a pela pu no hoi me ko ke keiki kamaaina, oia ka Pupukanioe i aloha ae ai i kona home.
Mahope iho o ka mena ana ana o na mea a pau, ua pae hou mai la he leo mele oli hou.
O oe ia e ka maka o ka la
Ke o ae la i ka ili kai
Aia i Han@kaulua
I elua hoi olua me ka la
I hoolawaia e na lehua o Kukalia
Alia oe e pulale e ka makemake
He pilina mai kau e ke aloha
Eia la i ka hope o maua e.
I ke kuu ana iho o keia leo mele, ua oli hou mai la ua mau kaikamahine ma ke ano he mele hula imua o ke alo o lakou nei e noho ana, a o keia ke kupau ana o na mau nonohea nei i ko laua ike hula, ke na na pono aku la na malihini i na kaina wawae a me na kiina welelau lima, hue pau ka hana i na nihoniho, me he mea ala o ke kake o Lehua, ka lawe a lilo.
I keia manawa a laua nei e huepau nei, he mea maopopo, ma na hiohiona o Pupukanioe, ua hoike maopopo mai ia i na haawina o ka hoohihi a ma ka makahehi, a ua nalohia aku hoi na noonoo maikai mai iaia aku, a mamuli o keia mau haawina ua ui okoa aku la no oia i kona kaikunane i ka pane ana aku penei:
Ua piha loa ia au i ke aloha i keia keiki e noho pu nei me a’u , a i aha la auanei ka kaua uku e panai aku ai i kona lokomaikai, nolaila e noonoo mai oe?
Oiai ua akaka p@a no ia Makanikeoe na manao a@pau o kona kaikuahine, a oia kaua i pane aku ai: Ma kuu ano malihini ia ano hana e kuu kaikuahine; ua hihia oe ma ka u@
A oia ka kaua e hooheno ae ai e ka mea heluhelu:
Ke eha wale ala no loko
I ka eha lima ole a ke aloha
Ua kuu no au i kuu hilahila
HE MOOLELO HOONAUE PUUAW
-:NO:-
KA UI NOHEA
KAMILIA
O KE
Kulanakauhale Alii
-:o:-
PARISA
ME
Kana Ipo Aloha
-----
Mon M. Duvala
-----
Iloko o na hoinainau hooipoipo ana
me na Ipo Ekolu,
-----
Ina he mea hiki ia’u ke hooluolu aku ia oe i keia manawa, ua makaukau mau au e hooko aku i na wa apau au i makemake ai, Wahi a’u.
O oe paha kekahi iloko o ka hale i kudala ia ai o ka waiwai o Madimosele Kamilia ea? me ka palulu ana ae o ua kanaka nei i kona mau maka me kekahi hainaka.
He oiaio no paha o ka’u ninau ia oe i keia wa, he ninau no ia o ke ano hehena, aka, e oluolu mai oe e kala mai ia’u , a ke hoomaikai pu aku nei no hoi au no ka nui o kou hoomanawanui ana mai ia’u.
E ka Monasina Duvala, ina o kau mea i makemake ai ia’u e hana aku nou a he mea no ia e hooluolu aku aku ai ia oe, e hai koke mai oe ano a na’u no e hooko koke aku me ka hakaha ole.
O ka hoomanawanui ana aku i keia wa aole loa ia e hiki, oiai ua hiki loa ia’u ke ike aku iaia iloko o keia manawa ua hehena oia i ke aloha ia Kamilia, a ua hakukoi pu ana aku hoi iloko o ke ka ana pu ana i ka haawe o ke aloha i ili iho maluna o keia kanaka.
Ua manao hoi au e ninau aku ia ia no na mea pili ia Kamelia a me ia, aka ua hooholo hou iho la au he mau hana makehewa wale no paha a, aka nae ua hoomaopopo mai la no paha oia i ko’u manao a oia kana i pane mai ai ia’u i ka i ana mai penei:
Ua heluhelu anei oe i ka buke?
Ae, ua p@oa ia’u i ka heluhelu ia.
Ua hoomaopopo iho anei oe i kekahi mau kahakaha ana au ma@ko?
@ a hoomaopopo iho au, a ua ik@ oi au i ka hoike moakaka lea @ kela mau huaolelo i ka manaoio maoli o ka mea nana ka ka buke ia Madimosele Kamilia, a o ua mau huaolelo ia, aole au i manao he mau huaolelo ia i kahakaha ia ma ke ano olohaka.
Ae, ua pololei oe e ka Monasina, he anela maopopo oia.
Ma keia wahi i haawi mai ai oia ia’u i kekahi palapala i heluhelu mau ia mamuli o na kahoaka o ka hoike ae o ua leta nei, a penei no na huaolelo i palapala ia ma ua leta la:
“Ua loaa mai kau leta la’u e kuu aloha Amana, a oia ka’u e hoomai kai ae nei i na lani no kou noho pono ana. E kuu ipo aloha, ka iini a me na ko@koi a keia puuwai palapu i ke aloha nou, e ehaeha ana paha kou naau ke lohe aku i ko’u nawaliwali e waiho nei, me na manaolana ole o ka ea hou ana ae o ko’u poo mai kahi moe ae, a me he la ua kokoke mai paha ka wa e mae ai o ko pua nani au e kaena @ nei. Ua loaa au i ka mai e hiki ole ai ke hooluolu ia, aka, mamuli wale no o ko’u hoomanao ana ae aole loa oe i poina i kau Kamilia, oia wale iho no kahi mea nana e hoo@olu ia, aka, mamuli wale no @ ko’u hoomanao ana ae aole loa oe i poina i kau Kamilia, oia wale iho no ka mea nana e hooluolu iki nei ia’u iloko o keia mau la. Owau nei, a’u hoi e kanalua nui nei, aole paha e mau ana ke ola iloko o’u a hiki hou i ka wa e pui@ hou ai ko’u mau lima me na lima nana @ kahakaha iho i kela mau huaolelo o ke aloha maloko o kela leta hope loa i loaa mai ai ia’u. Ina wale no he wahi minute po@ ko’u e ike aku ai ia oe, he kanalua @ au ko i ae, o loaa no ia’u he wahi maha iki.
O kou ike hou ana aku ia oe, aole loa paha he wa i hiki mai ana no ia mea, oiai eia au ma ke kae o ka luakupapau, a he mea hiki ole paha iau ke ike koke aku ia oe oiai ua eki ia kaua e na haneri mile. Ae, e kuu ipo e kuu aloha e he mea kaumaha paha iau ka hoike ana aku, o ka pua Kamelia au i ike ai mamua ua loli ano e ae nei a i keia mau la
he mea pono paha ia oe e ike hou ole iaia a hiki i kona mau la e nalo ai mai keia ao aku.
E ka mea au i anoi nui ai, ua noi mai oe iau e kala aku au ia, oe a oia kau e hikiwawe nei e kau aku ia oe i keia mau laina me na kuluwaimaka pu kekahi, a e kala aku ia oe me kou puuwai a pau, oiai o kau mau hana hewa ana a pau iau aole ia he hewa maoli, aka, he hoike no ia o kou aloha kuio no. He hookahi ae nei mahina o kou moe ana i kahi moe me na ehaeha pilihua a ka mai, a o kou hoomanao mau no i kou aloha iau, pela wau e kakau mau nei iloko o kekahi walii buke hoomanao e like me ka loihi o ka ikaika kupono e hiki ai iau ke hoohana aku.
A ina o na manaolana ana iloko ou e pili ana nou a e oiaio ana ala @la mahope koke iho o kou hiki ana mai ianei e hele koke ae oe e ike ia Sopaea Duparata, a nana auanei e hoike aku ia oe i kau buke hoomanao, a e ike no auanei oe i ke ku nu a me ke kala ana o na mea a pau i hana ia mawaena o kaua. He oluolu loa o Sopaea iau, a ianei iho nei ia e kamailio ai noo. Maanei iho nei no hoi ia i ka wa o kau leta bope loa i hiki mai ai, a ua uwe like iho maua i ko maua wa i heluhelu iho ai.
Ua manao hoi au e waiho i kekahi mea i loaa ai he mea nau e hoomanao ai nou, aka, oiai ua paa na mea a pau malalo o ka hoomalu ia i keia wa, ola paha ke kuniu e hiki ole ai.
A nolaila, ke ike mai la no oe e kuu alaha, eia au ke hookokoke aku nei i ka luakupapau o ka make, a oiai au e moe nei iloko o kou rumi moe ke lohe aku nei no au i ka halululu ma o na kapuai wawae o ke kanaka kiai i hoouna ia mai hoi e ka poe au i aie aku ai e kiai i kou mau waiwai. Ina paha wau e make ole ana, alaila aole paha e koe ana kekahi mea me au. He manaolana kou aole lakou e kudala e i kou mau waiwai a hiki i ka pau loa ana o kou hanu.
He keu keia a ka poe aloha ole iau, aka, nou no ka hewa. A e kuu aloha, e hiki mai ana paha oe i ke kudala a e kuia hoi i mea nou- oiai ina paha wau e hookaawale ae ana i kekahi o keia mau mea nau e ka mailio mai ana paha keia poe no kou hana hewa aku no ia lakou.
O ke ola, au hoi e haalele iho ai i keia, ao he mea ehaeha.
Ina wale no paha e haawi mai ana ke akua i kona lokomaikai, mamuli hoi o kona ae ana mai iau e ola loihi iki aku a hiki i kou wa e ike hou aku ai ia oe ka mea hoi nana e hoehaeha nei iau, a e haawe nei hoi i keia mau haawe kaumaha o ka luuluu a ka p@hua o kou puuwai me he ala naua e houhou ana alaila ua hoko oia i kana olelo i kanu ai ma keia ao, oia hoi ke aloho. Aka, ma na ano nae a pau @ kuu aloha, ke haawi aku nei au i kuu aloha hope loa ia oe Adieu! Ae, e kuu Amana-Fea-wela!!
E kala mai oe iau, ina aole e ha lawai hou aku ka’u palapala me oe, oiai, ke lele nui nei ko’u luai koko ana aoia ke kumu nui loa nana e hoonawaliwali nei ko’u @ lima. Fea-wela-Fea-wela.
KAMILIA GUTIER
Ae, e ka mea heluhelu, ua heluhelu iho au i keia leta me ke kulu ana o ko’u mau waimaka, aka, heaha ka mea hiki ia’u ke hana ae oiai o ka ui nohea nana i kakau ua leta nei o ke aloha, ua hala ia i kahi e hiki ole ai ke ike hou ia aku kona mau helehelena, a ua waiho iho hoi i keia mau lala@ i kahakaha ia e kona mau lima penei, a aole paha e nele ke kulu o ka waimaka o kekahi mea i kamaaina iaia ke hoomanao ae i kona mau la o ka haaheo. Ua haawi hou aku au i ka leta ia Amana, a ua nana loihi iho oia i ua leta nei mamua o ka hiki pono ana iaia ke kamailio hou mai ia’u.
I ko’u wa e hoomanao @ ai, wahi ana, o kona make ana me ka loaa ole ana ia’u he wa kupono e ike ai iaia, oiai ua hana mai oia i na hana a pau e hiki ole ai, kekahi kaikuahine ke hana no kona kaikunane me ka loaa hou ole hoi he wa e ike hou ole aku ai iaia aole @ hiki ia’u ke kala ia’u iho no ko’u hookuu ana iaia e make i ke aloha naauaua no’u.
Ae, ua make oia a oia wale no hoi, aka, aole no paha e nalohia aku ko’u hoomanao ana nona.
“Aloha ino oia.”
Ua hopu mai la oia i ko’u mau lima a puili aku la me kona, a ha’uha’u iho la me ka hoopuka ana mai i keia mau huaolelo o ke kaumaha a me ka hoehaeha puuwai.
I na wale no paha o na mea a pau e ike mai ana lakou ia’u e uwe ana no ko’u kaikuahine ponoi aole
no paha e nele ana ko lakou haawi ana oiai ma leo hoomaikai he nui, aka, no Kamilia nae, aole e hiki. Aole paha he mea ike a puni o Parisa nei i ko’u hoomainoino iaia e make no ke aloha.
A o na haawina hoi o ke kala ana aku iaia ana i haawi mai ai ia’u aole loa au i manao he kanaka kupono au no ia mae mea. He hiki ia’u ke haawi aku i umi makahiki o ko’u ola i na wale no he hookahi o’u wahi hora e moe aku ai ma kona mau kapuai wawae.
He mea paakiki paha no kekahi mea ka hooluolu ana aku i kekahi no kona aloha aka, aole loa e hiki ia’u ke pale ae i na haawina o ke kaumaha i ili iho maluna o’u no keia konaka, a oia ka’u i pane aku ai me keia mau huaolelo:
Aole anei ou mau makamaka? Aole anei ou mau hoaloha? Aole anei ou mau manaolaana? E hele koke aku oe e ike ia lakou, a aole no e nele ko lakou komo pu mai iloko o kou kaumaha me ka haawi ana mai hoi i na hooluolu a pau e hiki ai ia lakou ke hana mai nou.
He oiaio, i pane mai ai oia, a ku ae la iluna me ka hikaka ana. Ua hoouluhua loa aku nei au ia oe. E kala mai ia’u, oiai ua poina ia au, a ua ike no hoi, o ko’u mau kaumaha a pau, aole no ia i pili ia oe, a ua hoouluhua wale aku no hoi au ia oe.
-------
HOOPONOPONO
-------
E hoomanao e ka poe lawe nupepa o ka NUPEPA KA OIAIO, o ka Helu 1 a me ka Helu 2 o ka Buke VI, oia na helu i puka aku ma ka la 5 a me 12 o Ianuari 1894, a ke puka aku nei makou me ka helu 3 i keia la. Mai poina i keia e ka poe e hoiliili nei i ka lakou mau nupepa o keia mau la ano nui o ko kakou aina.
--------
Hoolaha.
------
I na Luna a me ka poe lawe pepa pakahi, a me na makamaka eae o ka NUPEPA KA OIAIO a me KA LEO O KA LAHUI ma keia ke hoike ia aku nei ia oukou apau, e palapala pololei mai ma ko’u inoa no na kauoha nupepa, na hoolaha a me na hoouna kala ana mai a pau. Aole e mana kekahi palapala hookaa ke ole e kakauinoa ia e a’u ma ko’u inoa ponoi elike me ia malalo iho, i na ua hiki ole ke kakau mai ma ko’u inoa haole, alaila, e kakau mai ma kou inoa Hawaii elike me ia e puka aku nei; a i ole ma ka inoa o na “NUPEPA KA OIAIO a me KA LEO O KA LAHUI”
JOHN K. PERNDERGAST.
(KAPAMAWAHO).
Puuku o ka NUPEPA KA OIAIO a me KA LEO O KA LAHUI.
Honolulu Jan 12th, 1894.
-------
NUPEPA
KA
OIAIO.
-------
E HOOPUKAIA ANA E
KEKAHI HUI HAWAII PONOI
I keia a me keia Poalima.
------
Ka uku o ka nupepa hookahi: No eono
malama, $1.00 no hookahi
Makahiki $3.00
KUIKE KO MAKOU @UL@.
He uku emi mai no hoi ko na hoolana oihana, na hana kal@a na hale kuai o kela a me keia ano. O na hoolaha mai na apana mawaho aku o ke kulana@ana hale nei, e hoouna pu ia mai ka uku.
E hoouna ia mai na manao ma ka inoa o John E. Bush (Ailuene Buki), o na kauoha nupepa a me na hookaa dala @ pau ma ka m@a o ka Puuku John Kapamawaho Prendergast.
JOHN E. BUSH,
LUNA@
JOHN K. PRENDERGAST.
PUUKU.