Ka Oiaio, Volume VI, Number 1, 5 Ianuali 1894 — Page 4

Nupepa Ka Oiaio.

"O KA PONO KA AIALII E OLA AI KA AINA"

 

NUPEPA KA OIAIO.

_____

HONOLULU, IANUARI 5, 1894

_____

HE MOOLELO HOONAUE PUUWAI NO KAU UI NOHEA KAMILIA O KE

Kulanakauhale Alii O PARISA ME Kana Ipo Aloha

 

Mon M. Duvala

 

Iloko o na hoinainau hooipoipo ana me na Ipo Ekolu,

 

            [Ma ka waiho ana aku i keia moolelo imua o na kini makamaka heluhelu i loaa na manao a me na noonoo hoohia] i i na mea hoonanea o keia ola ana, ua manao ka mea kakau e lawe mai i na manao kuoo o ke kanaka a e hoonalohia aku ia lakou, a i paninakahaka ma ia wahi e panai aku me na hoohialaai ana o ka hooniua puuwai o ka hooipoipo.  O ka mea nona keia nanea, he ui nohea no ia o ka aoao palupalu, a nona hoi ka nani e hiki ai ke hoomalamalamaia kekahi hale i pouli o ka a ole o kekahi kukui i ka po.  He wa anuhea kona mau helehelena ke ike aku, a o na poo puuwai uahoa a pa'i i ike lihi iaia ua haule aku lakou iloko o ke anoano kulipolipo o ka "eha i ka eha lima ole a ke aloha."  He kukui a mau ia i ke awakea no na po le'a o Hala'lii ma ke kulanakauhale o Parisa-a ua hoohauleia he lehulehu wale o na puuwai o ka poe kiekie a me ka haahaa ekona nani, a oia pu ka ka mea kakau i hoomanao ae ai i na la o ka Emepera Napoliona e hooipoipo ana me ka nohea Iose pine o ua mau la haahea la o Farani.  A oiai o na wahine ui a pau loa o ke ao nei, ua hoohua ia mai no ia mailoko mai o na malapua o Farani, pela iho la i aia mai ai na hoomanao ana i ka mea kakau e waiho hou aku imua o ka lehulehu i ka mea nana i haehae he mau tausani o na puuwai ma ka ike lihi wale ana aku no, nona hoi ka inoa e o nei ma ke poo -KAMILIA- me ka panee pu ana aku i na hoomai kai ana i na kini makamaka me na haawina hoi o ke aloha ka o

KA MEA KAKAU.

_____

            Ae, ua hoike ae nei au he ui hae hae puuwai ia no Farani, he pua hoi i anoi nui ia e ako e na mea a pau a hoopili aku ma ka umauma o ko lakou mau kuka i hoa pili paa loa no ke kanaka, aka, oia mau haupu ana nae a lakou, ua lilo i mau kamaa pale wawae no ua kai kamahine la, a pehea la ka'u peni e hoike ae ai nona?"

            Ae, ma ka la 12 o Maraki 1847 ua oili ae la kakahi bila hoolaha i pai ia a puni na pipa alanui o Parisa a e hoike ana hoi ua bila hoolaha nei no kekahi kuai kudala nui e malama ia ana ma ka Hale Ana ina Helu 9, a o na waiwai e kudala ia ana oia no na lako hale a me na kinohinohi hoohiwahiwa o ke kino o kekahi mea.  O ko'u ike ana i keia hoolaha, ua ulu koke mai la na manao hoohuoi me ko'u nana pono ana ina paha he mau hoike kekahi e hiki ai ke kuhikuhi mai ia'u i kahi a me ka ona nona ua mau waiwai la.

            Aka, o ka'u moeuhane o ka maopopo o ka mea nona ka waiwai, ua haulehia, a o ka ike ana nae i ua mau waiwai nei oia ka mea i ike ia ma ua bila hoolaha nei, oiai e hoike ana no ia no ka hiki ke makai kai ia mawaena o na la 13 a me 14 o ua mahina la.

            A oiai he opio au i makemake e ike mau a e halawai mau hoi ko'u mau kiionohi me na mea o ia ano, ua hooholo koke iho la au e kipa aku e ike no'u iho i ke ano o keia mau waiwai e kuai ia aku ana me ka maopopo ole hoi o ka ona.

            O ka hiki ana mai o ua la nei, ua hele aku la au i ua wahi nei a halawai aku la me ko'u mau kiionohi na lede a me na keonimana hanohano loa o Farani e kuekaa ana i na waiwai makamae i makaukau no ke kuai kudala ia aku.

            Ua komo aku la au a ku i waenakonu o ka hale a kilohi iho la i na mea makamae e ua hale nei, aka, oiai au e kuekaa ana, ua ho@ mai la ka lia o k@ ili a hoomaka mai la ke anu o ke ano okakala i ko'u poo me ke ano ano ano maeele i ko'u puuwai.

            Ae, heaha la?  he akua anei ko keia hale? he uhane lapu anei? a i ole he mau hiohiona paha i maalo ae imua o'u a nalo aku?

            Ae, he mau hiohiona i maalo ae imua o'u, e like me ka lio keokeo e holo ana iloko o ke kupulau.  Hehe mau waiwai @ i ka ike ia e ko'u mau maka @ e ka home ilihia o kekahi @ i like me ka onohi o ka la - he nohea, wawahi puuwai ka ona nona keia mau waiwai, he ui i loaa na haawina maalahi mai ke Akua mai o ka noho kuikahi ana i keia ao, a auhea oia?

            Auhea oia? o na waiwai anei keia i nalohia ole aku mai ko'u hoomanao ana a'u i ike maka ai iloko o ka home o ka ui nohea Ka-Kamilia?

            Ua hiki ole ia'u ke ku loihi aku o nana i ua mau mea nei, oiai ua ulupuni me na manao lihaliha o ka hoomanao ana no kekahi mea a'u e hiki ole ai ke hoohewahewa ae.

            O ka hiki ole ia'u ke ku malaila me ka aloalo ana ma-o a maanei me he akua lapu la iloko o ka hale, aka, heaha ka hopena i hiki mai maluna o ka ona ui nona keia mau waiwai?

            Ae, ua pio kona kukui ola uhane o keia ao, ua kulou iho ua pua nani nei i ka honua, a ua mae hoi ka pua i mohala i ke kakahiaka me kona nani nui a mae koke no i ke ano ahiahi - Ae, ua kii mai la na lima menemene ole o ka make a kaili ae la i ke aho hope loa o ua ui nohea nei, a oia ke kumu o keia kuai kudlala ana ia o kona mau waiwai makamae oiai, oia iho la no paha ka hopena o na mea ola kino a pau o kele ao - i ka wa e haalele mai ai o ke ola, o na waiwai makamae a pau e waiho ia ana lakou mahope nei me ka hiki ole hoi ke ukali aku mahope o ka meheu o kona kahu.

            O ha pioloke a pau o ko'u manao ua ulupun ae la ia a hiki hou ole ke hooloihi aku i ke ku ana e nana i ua mau waiwai nei.  Aloalo ae la au ma - o a maanei, a ia wa koke no i halawai mai ai ko'u mau kiionohi me kekahi mea e ku kiai mai ana ma ka ipuka, a o ko'u wa iho la no ia o ka hele awiwi ana aku a halawai pu me ia me ka haawi ana aku hoi i na aloha ana o ke kunou me na huaolelo o ka ninau:

            "Ha-lo e Monasina-!"

            "Ha-lo oe e ke kamahele."

            "He hiki anei i kou lokomaikai ke hoike mai ia'u i ka inoa o ka mea nona keia mau waiwai e kuai ia aku ana?"

            "Ia wai - Madimosele Kamilia -?  O ko'u mau hoomanao ana nona mamuli wale no ia o ka ike lihi wale aku no iaia a me kona mau kiionohi."

            "Auwe!  E hoomaikai ia na lani.  Ua make anei oia? i pane hou aku ai au."

            "Ae."

            "Ka-I ka wa hea?"

            "Iloko o ekolu pule i hala ae nei."

            "Alaila, o ka'u e ike aku nei ua ae aku oe i ka lehulehu e komo mai e hehiku i kona wahi, a e kuekaa hoi i kona mau mea makamae."

            "Ae, eia au malalo o na kauoha a na kahu waiwai a me ka poe kuleana koi iaia, a ua manao lakou he kumu ia e hooi ia aku ai o ka holomua o ke kuai."

            "Auwe! eia ka paha oia iloko o ka aie?"

            "Ae, ua nui hewahewa kona aie,"

            "Alaila, o ke kuai ana aku i kona mau waiwai he kumu ia e hooluolu aku ai ia lakou?"

            "Ae, a e oi aku ana mamua o ia mea."

            A heaha ana ka hopena o ke koena iho o na mea e kuai ia aku ana?"

            "O kona ohana ke kuleana maia mea."

            "He mau hoaloha no paha kona?"

            "Pela ka hoomaopopo aku."

            "Ae, aloha maikai oe e ka Monasina!  A o ko'u puka aku la no ia hoi no ko'u wahi i hele mai ai me ka nalu ana iloko o'u i kona nalo koke ana mai ka nani aku o ke kulanakauhale aku o Parisa."

            O na hoomanao ana nona - aole loa ia e poina, i nalu wale iho ai no au ia'u iho, oiai au ma ko'u alahele o ka hiki aku i ko'u home.  O kona make ana, ua haawi mai no ia i na haawe kaumaha maluna o na tausani he lehulehu wale, oiai au e hoomanao ae ana aole no paha e loaa ana he mau haawina o ke ohohia iloko o ka puuwai o kekahi mea o ka loaa ana iaia he mau hoaloha nona i keia ao, koe wale iho no mamuli o kona lawe ana ae iaia iho imua o na anaina maikai.

            Aloha ino oia - ua hiki ole ia'u ke poina ia mau la - ua hiki ole hoi ke nalohia aku mai ko'u mau kiionohi aku na hoomanao ana no kona mau la e haaheo ana iloko o ke kulanakauhale Moteropoli o Farani nei.

_____

MOKUNA II.

 

            Ua haalele iho au ia wahi a holo aku ia no kekahi wahi okoa, a ma ka la 16 ae, ka la @ ke kudala ia o ua mau waiwai nei, ua hoohiki hou mai la ko'u mau kapuai no Parisa.

            Aka, he mea maeele paha no ka puuwai ka hoike ana ae i ko'u huli hoi ana mai me na haawina o ka poina no ka make ana o ua ui nohea Kamilia nei, a oiai hoi, he mea nui ia i ka wa e make ai o kekahi mea, aole no e nele ka lohe o na kamahele mai na kamaaina aku o ka hoike ana aku i ka make o kekahi mea i kaulana a puni ke ao nei.

            Ae, ua huli hoi mai au me na manaolana o ka poina nona.  Aka, o ka hoomanao ana ae no kona uiaole paha ia he mea e hiki ke na lohia aku, a oiai hou, o na wahine a pau, e kamailio mau ana lakou no ka ui hiwahiwa  o Kamilia, ua hiki no ke hoomaopopo ia aku ua poina lakou i ko lakou make ana.

            Ua hoolilo iho keia poe wahine ia lakou malalo o na kapuai wawae o Kamilia, a ua like hoi lakou me na opuu momi i hoohinuhinu ole ia oiai i ka wa e maalo ae ai o Kamilia ma kekahi wahi o ke kulanakauhale i ka po, ua hiki loa iaia ke hoomalamalama ia wahi me kona mau hoohiwahiwa, a e ike ia aku no auanei kona mau helehelena ui nohea e owaka mai me he kukuna o ala o ka la iloko o ka pouli nui a ke ao.

            A o ka make opio ana o kekahi mea i ohohia nui ia e na poe a pau o Farani, alaila, o na mea a pau iloko o na manao ohohia o ka hooipoino me ia aole e nele ka hoholo ae o na maawe o ka lia ma ko lakou kino o ka manao ana e make pu me ia.

            A o ka hoomanao ana ae hoi i ko'u mau la opio oiai au he iwakalua-kumamalima wale no o'u mau wahi makahiki iloko o ia manawa, a he mea paakiki hoi i ko'u mau waimaka ke kulu ana no kekahi mea, aka nae, aole loa e hiki ia'u ke pale ae i ke kulu ana o na waimaka mai na hoomanao ana ae i ka ui nohea Kamilia i mohala ae i keia ao a ako koke ia ae la no i ka wa kakahiaka.

            O ko'u mau hoomanao ana i ka wa a'u e halawai mau ai me ia aia no ia ma ke CHAMPS ELYSEES.  I kona mau la o ka hoohiwahiwa, aole no paha he lua a'u e olelo ae ma Farani a puni i hiki i ke hoopouli i ka nani hiwahiwa o ka la e like la me Kamilia, ka oi o ka ui a me ka waianuhea o na papalina, he paweo ka maka ke ike aku iaia, a e like hoi me ka olinolino o ka maka o kekahi mea ke nana i ka la, pela no ka maka o ia mea e olinolino ai ke ike lihi aku i na papalina nohea a kaili puuwai maopopo o Kamilia.

            Iloko o kona mau ahiahi holoholo a pau, e ike mau ia aku ana ia maluna o kekahi kaa lio i huki ia kona kaa e na paa lio elua, a e ike ia aku no auanei ua ui nohea nei e hoopuni ia ana kona kino e na mea gula a me ke daimana e hiki ole ai hoi i ka maka o kekahi mea ke hoohewahewa mamuli o kona ike ana aku o Kamilia no ka lede i uluwehiwehi ia e na pua Kamelia - ae, oia no me ka hiki ole i keia puuwai ke pana malia ae oiai na hoomanao ana nona e nanape ana iloko o na kipono o ke aloha kulipolipo o ka manaonao no ka hoomanao ae nona.

            O kana mau holoholo ana a pau aole loa oe e ike aku ana iaia he hoahele pu kekahi ona, aka, e halawai no auanei kou mau kiionohi me na minoaka ana ma kona mau papalina o ke ano kaili puuwai, e hiki ole ai ia oe ke uumi i ka haawi ana aku i na mahalo ana a kou puuwai iaia.

            Aka, ina kakou e huli ae a nana i kekahi poe lede okoa iho, e halawai mai no auanei me kakou ka ike ana aku ia lakou e holo pu ana me ka poe aohe i maopopo i ka lehulehu - a i ole - he mau uahine paha e malama ana ia lakou ma ke ano makua.

            O ko'u ike ana aku i ka nui o na lede e holo mai ana a me ka ipuka e komo aku ai i ka Champs Elysees, e ike ia aku ana lakou e ku ana ko lakou mau kaa ma ka hoopili ana ae ma kapa o ke alanui, aka, o ke kaa nae o keia ui nohea e ike ia aku ana no ia e holo mai ana iwaenakonu o ke alanui, a i ka wa e ku ai, e lele iho ana no ia ilalo a holoholo wawwae aku la no hookahi paha hora a oi, alaila hoi mai la me ka awiwi nui a hoomaka aku la no kana kuakai.

            Ae, e ike ana kaua e ka mea heluehlu, o keia mau mea a pau a'u i ike ai, ua ala mai la a me he kiahoomanao la imua o'u, a e hoholo mau ae ana hoi ia me he ao kaalelewa lani la e hoea mai ana imua o ko'u mau maka a nalo aku.

            O keia mau hoomanao ana nona, he mau hana hoouluku wale no ia i ko'u puuwai e laa ka make ana o keia lede a'u e minamina nui nei, e like paha me ka minamina o kekahi makua i kana keiki ke nalowale aku.

            Aka, o ka ike hou ana aku i kekahi mea i oi ae kona ui mamua o ka nohea kamilia, aole loa paha e hiki hou mai ana ia wa e like me ko kela wa i hala aku la.

            Aka, aole no paha e nele ana ka ike mai o ka poe heluhelu, owau kekahi i paa iloko o na umii ana a ke aloha me keia lede, oiai, ua loaa ia'u he hookahi ona kii hooleleaka, a ua lilo hoi ia i mea hoomanao mau iaia a hiki wale i kuu wa i kau ai i ka'u peni maluna o ke kanana a kakau aku la i kona moolelo.

            o Kamilia ka lede makamua loa e hiki ae ana ma kekahi hale keaka lealea, a i ole, kekahi hale hulahula paha, a oia no hoi ke alakai o na paikini o Farani ia mau la.

            O kona hiki ana aku iloko o na hale hoonanea o keia ano, aole no e nele kona ike ia aku me ekolu ana mau mea punahele loa, oia hoi he -, he wahi paiki i piha pono me na hua hoaala hanu, a me ka bo-ke pua Kamelia.

            O ka poe a pau i ike i keia pua Kamelia, aole no e nele ko lakou hoomaopopo he 25 la iloko o kela a me keia malama e keokeo ai kona pua, a i na la e ae e loli ano e ae ana kona ano a i ka ulaula.

            A oiai o kona wehi ia a me kana mau lia ana o ua mau pua Kamelia nei, ua lilo ia i ipo manuahi nana a i hoa kaunu hoi i ka welelau lima o na po le'a o ka aha hulahula, me ka hie nui o ka nani e hiki ole ai i kekahi manu @iwi ke paa iho i kona leo le'a ke ike aku ia Kamilia iloko o ka uluwehiwehi o na pua Kamelia.

            Aole kekahi mea i makahehi ole a i ku hoi i ka makaleho ka uiuwiki mai o ka ui nohea o ua Kamilia nei iloko o ka uluwehi o na pua Kamelia.  A wahi hoi a Madame Baregona i pane ae ai me ka hookau ana aku i kekahi inoa o ka hanohano maluna o ua ui nohea Kamilia nei i ke kapa ana aku me keia mau huaolelo.  "Ka Ui Mademosele iloko o ka uluwehi o na pua Kamelia."

            Iloko o na anaina maikai a pau o Parisa, aole no e nele ka lohe ia o ka inoa Kamilia i ka hoopuka pinepine ia e lakou, a ua ike no hoi au, ua lilo ia i akua e hoomana ia ai e na puuwai opio a pau o Farani, he hoike maoli mai no hoi i ka oiaio, ua "eha lakou a pau loa i ka eha lima ole a ka aloha"

            Ma keai wahi ua nui na kamailio ana no Madame Kamilia.  Ua olelo ae kekahi poe no kona noho pu ana me ke Duke iloko o ia mau la, oiai oia i hiki mai ai no ka hale mai no ka lapaau ana i kona mau palapu eha o kona puuwai i ke aloha i kekahi mea ana i anoi nui ai no kekahi manawa loihi.

            He oiaio, ua hiki mai keia Duke i ka halemai me kana kaikamahine i like pu loa kona mau helehelena me ko Kamilia, a ua leohia pu hoi oia i ka palapu like o ka mai i like no me ko ka ui nohea a kakou e kamailio nei, aka, he ekolu la mahope iho o ka make ana o ke kaikamahine a ke Dute, ua hiki mai la o Madimosele Kamilia i ua wahi nei.

            O na haawina o ke aloha keiki oiaio i loaa i ua Duke nei, ua hookui mai la ia me kona puuwai a haehae ae la iloko o na apana liilii he nui, e laa kona ike ana aku ia Madimosele Kamilia i like kona mau helehelena me ko kana kaikamahine i make, a heaha ka ke kanaka hana kupono i kona wa i ike aku ai i keia mea.

            Ua lawe ae la oia i na keehina a pau o ka mahaoi ana aku imua ona a honi aku la iaia me kona ponoi pu ana aku hoi iaia e lawe aku i kana mau hoomaikai ana nona a e hele pu laua me ka nonoi ana aku iaia ina paha he hiki i kona mau noonoo waipahe ke hoololi ae i kona kulana a i kana mea i makemake nui ai.

            Ua halawai aku keia leo noi o ke ano poloai me ia, a o kona ano mau no o ka waipahe waiamuhea o ka makemake ole e hooku@ olelo pu me ua Duke nei ua haawi aku la ua Madimosele Kamilia nei iaia iho malalo o kona malu.

_____

            E holo ano o Mr. a me Mrs. Keaka Ailau a me kekahi mau lede Hawaii eae malunao ka Auseteralia o keia Poaono no ka Hoikeike kau Hooiaio me Kapalakiko, me kana mau waiwai Kahiko o Hawaii nei no ke kuai ana aku malaila.

_____

Na Ohua e Holo ana,

 

            Ua ike ia ma ka papa ohua o na mokumahu e holo ana no Kapalakiko, e kau aku ana ka Hon.Samuel Parker.  Ua lohe wale ia mai hoi eia ke hoolala nei kekahi poe hololua e nonoi aku i ka Moiwahine hoouna aku oia i kekahi Komisina nona ma Wasinetona, e pauaka ai e like me ke Komisina ana i hoouna mua ai, i ka wa o ka ninau hoohui-aina e noonoo ia ana imua o ka Aha Senate i ke au o ka Peresidena Harisona i ka malama o Feberuari a hoi hoaa mai ai me ka O nui, mahope o ka hoouna ia ana mai o Mr, Blount, e ka manao hoopono o ka Peresidena Cleveland, mamuli o ka palapala ponoi a ka Moiwahine iaia, a ia Peresidena Harrisona, i pau aku.  Malia paha o keia ke kumu o keia liuliu holo ana o ka mea hanohano; a e like me ko Numana holo ana, he okoa ka hana a ka moi i hookohu aku ai, he okoa nae ka manao punua-peepoli o ke kamahele.  Make no la ia na hoa ai na alakai i kuu ole a pau ke kino a me ke ola no ka pono a no ke ola o ka lahui.  He waiwai ole no ka halakau ana o kekahi mea e ake aku e hoouna ia i Komisina i keia wa; no ka mea, he nui ka lilo, a ua pokole mai ke kumu o ke o o ke alahele; alua aole no he waiwai o na laukua wale aku o na hana a kakou i keia wa, oiai, he mau hoaloha a he mau makamaka no ko kakou, i oi aku ka hoopono mamua o na kanaka e ake nei e loaa ia kulana ia lakou, ma kahi o ka hana.  Oiai, ua pono ko kakou aoao, nolaila, e hilinai kakou i ke 'Lii o ka Hoopono nana e paio me ko kakou aoao, a e hoomanao kakou i keia moolelo, i hoike ia mai no ia wa a no kakou e noho nei, i alakai no kakou e hilinai me ka manaoio.  Mahope o ke kuekaa ana a ke kanaka haipule, e kaumaha ana imua o ke Akua, no ka pilikia a kaumaha o kona naau, ua hoike ia mai la keia olelo.  "F. Daniela, ke kanaka i aloha nui ia, e hoomaopopo mai oe i na olelo a'u olelo aku nei ia oe, a e ku ae oe iluna, no ka mea a:  oe au i hoouna ia mai nei; a i kana olelo ana mai ia'u ia keia olelo, ku ae la au iluna me ka haalulu; alaila, olelo hou mai la oia ia'u, mai hopo oe e Daniela no ka mea mai ka la mua au i hoomakaukau ai i kou naau e hoomaopopo aku, a e HOOHAAHAA ia oe iho imua o kou Akua, ua LOHEIA kau mau olelo, a no kau mau olelo ua hiki mai au, Aka, o ke alii o ke aupuni o Parisa, ua kue mai ia'u he iwakalua na la a me kumamakahi.  Aka hoi, ua hele mai o Mikaele,  kekahi o na 'lii nui e kokua ia'u, a ua noho au malaila me na lii o Peresia."

            Ma keia moolelo kakou e ike ai he alanui e ae no kekahi i hoike ia mai ai e ko ai ka makemake o kanaka, mamua o ka hoouna ana i na kanaka naau lauwili a puni wale i na hoowalewale ia mai.  Ina ua pono kakou, a na noi aku kakou imua o ke Akua me ka manaoia a me ka naau ehaeha he mea maopopo loa, e hoolohe ia ana no ka kakou hoopii imua o ke Akua, a Nana no e hoololi i ka naau o ka poe e kue ana i ko kakou mau pono e kuka ia la ma Wasinetona i keia mau la.  He elele hoopono, hikiwawe, a hiki ole ke kipe ia, ka ke Akua e hoouna ae ai; a na oi aku ko kakou pomaikai ke waiho aku i ka manaoio a pau maluna o ke Akua, a Nana e paio aku me ka poe kue no kakou.

_____

            Ua puka a maka ae nei ka pane a ke Aupuni Kuikawa, e hoike ana i ko lakou kua maopopo ia Amerika Huipuia.

_____

            O Hope Peresidena Haki o ke Aupuni P.G. ke holo, ana maluna o ka Auseteralia no ka Ipuka Gula o Kaleponi.  Mea wale ia mai hoi e holo ana ka e hoomanaonao i ke kuli o kona Haku no kekahi hana nui a lakou e noonoo nei a kukulu he wahi makani wale nai no keia.

_____

WAIWAI HOU WAIWIA HOU.

 

Mai ke Kulanakauhale mai o Nu Ioka.

 

Ua weheia ma ka Hale kuai O

 

:N.S. SACHS:

140 Alanui Papu Honolulu,

 

He Hoemi Nui             He Hoemi Nui.

 

            O keia mau waiwai a pau loa ua wae ponoi ia ia e a'u ma ke KULANAKAUHALE O NU IOKA, ma na ano hou ame na Pakini hou loa e kuai iaaku ana mana kumukuai haahaa loa.

 

            NA LOHE HULUHIPA HOU LOA, NA LOLE KEOKEO HOU LOA, a me na Lole ano hou loa i hiki ke  holoiia.

 

            NA LIHILIHI AME NA LIHILIHI LOLE ANO HOU.  He mau Waiwai hou wale no keia apau loa.

 

E NANA I NA KUMUKUAI A MAKOU, E WAIHO AKU NEI.

 

            O na Kalakoa maikai loa me na waihooiuu nani o kela a me keia ano no ka 20 -a i ke          $1.00,

            Na Keokeo Paina maikai 1 i-a ka laula 12 i a i ke                                                                  $1.00,

            Na Leponaio                                                                                                                           $1.00, 

            Na Lole Holoku ano hou he 1 1/2 i-a i ke                                                                               $1.00,

            Na Ainakini ame na Kalakoa Pua Eleele hauliuli 12 i a i ke                                                   $1.00,

            Na Ginamu ano hou loa 10 i a i ke                                                                                          $1.00,

            Na Lole Huluhipa Kahakahaloloa a papainu, 8 i -a i ke                                                          $1.00,

            Na Lole Huluhulu Pulupulu 10 i-a i ke                                                                                   $1.00,

 

            He Hoemi Nui Lua Ole ma na Lole Huluhipa, Alapia, apela aku:

 

Na i'alemai o na Wahine 5 no ke $1.00.

            Na Kakini Eleele maikai 25 keneta o ka paa.

 

He Hoemi Nui o na Lole Oloko o na Wahine.

 

Na Palekoki o na Wahine..      50 keneta

Na Kaliki                                "

Na Muumuu o na Wahine, i hanaia me na lihilihi 35 keneta a he 3 no ke $1.00

Na Lole Keokeo o na Kamalii 60 keneta

Na Pale Lole Umauma o na Bebe 10 keneta

Na Kakini o na Keikikane paa ua waihooluu 25 keneta

Na Koloka ame na Papale Lole o na Kamalii ma ka hapalua o na Kamukuai.

Na Papale Oema Lole hele la ha 25 keneta

Na Papale Oema Lole Makalena Lihilihi no ke 50 keneta

Na Papale le Raiki o na Kamalii wahine ma na Kamahikane 25 keneta

Na Paiule o na Kamaliikane 25 keneta.

 

He Kuai Hoemi Nui ma na Lihilihi ame na Lihilihi Lole..

 

E hoomaka ana ke Kuai o keia mau Waiwai ma ka Poaono Nov. 18.

            Na Papale i hana ia a paa o na Wahine, ame ko na Kamalii, o ke ano hou loa mai nei.

 

Ua wehe ia ae nei na Paikini ano hou loa.

            NA RIBINE ANO HOU LOA.  NA PUA PAPALE ANO HOU LOA.  NA HULU PAPALE ANO HOU LOA.

 

            E hele mai e nana i ka makou mau Waiwai, mamua o kou kuai e ana ma kekahi wahi okoa ae, no ka mea he Makepono loa ka makou mau Kumukai.

N.S. SACHS.

104 Alanui Papu i keia manawa 520.              Nov20, 1893.  dailu to Dec.31 1893.

_____

HOOLAHA HOU.

 

E na Makamaka Aloha --

HE KUAI HOOKELAKELA NUI!

 

Hele mai Hookahi, a i ole Hele mai no a Pau Loa oiai oukou e hele ana ma na alanui o ke Kao@ mai hoopoina Ke Kipa ae

MA KA HALE KUAI ALAKAI O

B.F. Ehlers & Co. -PAINAPA

 

HELU 99 Alanui Papu.

 

ILAILA WALE NO E LOAA AINA ANO HOU O KE KAU

Oia hoi na HALUA, KAKIMIA LAU, KAKIMIA ELEELE, Na Lele Puu Ano Hou Loa.

Na Pale Puka Aniani ano hou loa i ike ole ia ma ke @ i hala aku nei.

            Kuka Koloka o na Wahine me ua Kamalii

Me nui wale aku na mea i  koe, e kipa nui mai oukou pau ke kuhihewa.

            A na oukou hoi ia e akena aku i ka nani oia @.

A KE MANAO NEI NO HOI MAKOU, AOLE NO E @ KO OUKOU @ I MAI.

            He nani anei keia aole i kanawai ke mea@ ole a

            I KA INOA O PAINAPA, ME KA OIAIO.

            Owau iho no.

705.  tf-dly.                B.F. EHLERS & CO.