Ka Nupepa Puka la Aloha Aina, Volume I, Number 56, 15 December 1893 — Page 1
| This text was transcribed by: | Melissa Eskaran |
| This work is dedicated to: | Awaiaulu |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
HONOLULU, OAHU, POALIMA, DEKEMABA, 13, 1893
@Loio @
@NTONE ROSA
(Akoni Rosa)
@ - Alanui Kaahumanu
sept30-tf
@KA JOHNSON
@Kokua ma ke Kanawai,
@ Paiapala no ka
@ Oahu
@ - Alanui Kaahumanu
sept30-tf
@ KAHOOKANO
@ Kokua ma ke Kanawai
@ Aina
@na – Mauka o ka Hale
sept30-tf
@MES PAELE
@ Kokua ma ke Kanawai
@na – Alanui Kaahumanu
sept30-tf
@ HOLOKAHIKI
@ Kokua ma ke Kanawai
@ Hooiaio Palapala no ka
@ Oahu
@ - Kihi o Alanui Betera
sept30-tf
@L. KAULUKO
@Kokua ma ke Kanawai
@ana – Kihi o Alanui Betera
sept30-tf
@M. KANEAKUA
@ Kokua ma ke Kanawai
@ Hooiaio Palapala no ka
@ Oahu
@ana – Kihi o Alanui Betera
sept30-tf
@W. C. ACHI
@ Kokua ma ke Kanawai
@ no ka Lehulehu
@ana – Kihi o Alanui Betera
@Moi
sept30-tf
@ SAM K. KANE
@ Kokua ma ke Kanawai
@o ka Lehulehu
@ana – Kihi o Alanui Betera
sept30-tf
@M. POEPOE
@ Kokua ma ke Kanawai
@ ana – Alanui Betera, ma
@ Hale Leta
sept30-tf
@OS. NAWAHI
@ Kokua ma ke Kanawai
@Hana – Alanui Betera, ma
@ hookahi me J. M. Poepoe
sept30-tf
PAULO NUMANA
LOIO a he kokua ma ke kanawai. HELU 314 alanui Kilepa, Honolulu @utuala, Telefona Helu 415.
J. ALEFRD MAGOON
LOIO A HE KOKUA MA KE KANAWAI. Abe Notari no ka lehulehu Keena Hana 42 alanui Kalepa.
MOOLELO KAAO HOONANEA
NO
KINIKALAPU
KA
Ui opio noho nahele o Kanediro Enelani kahiko
Ka hoao paio o na kanaka ikaika ewalu.
Ka ui i lawe ia ai i ka lewa e Hailama ke Akua hoopahaohao.
Ka ui i loaa ai ka mana no ke kom kula me ka ipukukui aniaai kula ekaeka.
Ka mea nona ka lio lele i ka Hikina a ka la.
Ka Haleaniani Lole i hoopaaia Owili lauoho kanaha o na kanaka eha.
Ka make ana o Hailama kahi Akua Pahaohao.
Haawi aku la keia ia mau mea i ka moi, a ike iho la i keia mau hana epa a ke keiki Alii i hana ai me ke akamai.
Kokolo hele ae la na aa ma ka lae o ka moi, a ula mai la na papalina me he koko la no ka piha huhu.
Ninau aku la ka Moi; ke manaoio nei no oe aia no laua i kauhale o oukou kahi i noho ai a ke noho la no a loaa aku no la ia oe? Ae, e loaa ana no ia’u.
Olelo aku la ka moi, e hoouna au e hele pu me oe kekahi papkoa, olelo aku la ke kanaka hahai holoholona, owau wale no, e holo auanei ke hele pu au me kekahi papa koa.
Olelo aku la ka moi, e lawe oe i ka papa koa a huna ma kahi kokoke i ko oukou hale. ae, oia ka pono loa, haawi aku la ka moi i kekahi ole, me ke a’o pu aku i na koa, ma ka ole oukou e kamailio pu ai me na koa, i ka wa au e ike ai, ia laina ka hale e puhi koke oe i ka ole.
A ma ia manawa no a ka moi e kamailio la no me ke kanaka hahai holoholona haawi aku la ka moi i ke kauoha i ka Puuku e kii i ka Ahihikaua ona koa e hele ai imua ona.
A hala aku la ka puuku ma ke kulana lawe kauoha; kamailio hou aku la ka moi,
Ea, me kou manaoio loa, aia no laua ke noho la a loaa aku no io oe ma keia hoi ana aku ou? Ae.
Mamua a kou haalele ana ia laua, aole anei oe i kamailio iki e iho ana oe i kai nei? Ua kamailio pu no makou, no ko’u iho i kai nei.
A ua pane mai laua, e iho oe a hoike i ka moi i kon kii hoailona kiu, e make ana nae oe no kou hoihoi hope ana ia ma ua imua o ka moi, me ka loaa ole o ka ka moi i makemake ai e kiu maua i kana kaikamahine aloha.
Pane aku la ka moi i ke kanaka hahai holoholona, ina pela, ua mahuka hou aku la iaua he wahi okoa e loaa hou ole ai ia oe.
Aole i pau.
HE ALOHA ANEI?
O keia ka ninau a ke Elele a Lodama ke Alii o ka Isaraela ia Gideona. Eia hoi ka pane a Gideona. Eia hoi ka pane a Gideona, heaha mai kau i ke aloha? E huli ae mahope o’u, a huli io no ua. Elele ia a lilo i koa no Gideona. He alihi kaua o Gideona i apono ia e Iehova ke Akua, o ka hooko wale no ka Gideona hana i ka olelo a ke Akua.
E lawe a hoohalike no Hawaii nei.
1 – Elua mau Ahahui i kukuluia mahope iho o ka hookahuli Aupuni Moi ana, (1) Ahahui Hawaii Aloha Aina. (2) Ahahui Hoohui Aina. O ka ninau huli lua iwaena o na Ahahui elua, oia ao kela maluna ae – He Aloha anei? O ka pili pouo loa o keia ninau i na Hawaii ili ulaula ponoi no, a oiai, ua komo a kakau inoa aku nei he mau kanaka Hawaii ponoi, ma ka Hoohui Aina: Aia hoi ua kokoke loa mai ka la, e kapaona ia ai na aoao a elua;
O ka’u wale no e no ae nei i na Hawaii ili ulaula, i komo a kakau moa me na Hoohui Aina.
He aloha anei ko oukou, i ka Aina, ka lahui a me ka Moi? Nau e wae a koho nou iho, a na ke au o ka manawa e hai mai.
Nuhou Kuloko
Hoihoi ole makou i ka olelo hoino a ka Hoku (lele) i ka Moiwahine i aloha nui ia, a wahiana o Me Dominis ka ia, a e kali ana ka i ka la 25 o Dek. e hoi hou mai ai ka nohoalii. – Hele pela kau hana me, Nau ao e @ kau hala.
E haawi hou ana o miss Alabu i aha mele hoohoehoene ma ka Hale Mele Hou i ka Poaha iho, oia hoi apopo. O oe ana nae pahe kekahi? Yes.
E malama ana ka moku o Hina he mau lealea karikimaka ke hiki mai ia la. He mau heihei waapa pu ana kekahi.
He wahi hoonaue ola i kai hoohakui iki ae ia Honolulu i ka hora 10:37 o ka po Poaono iho nei. Ohi aku la paha olalo naue oluna.
Eia o Kauka Goto i ka lai o ke kaona nei kahi i luakaha ai a e mau hou aku ana no paha i kana misiona huli noeau ana i na mea e pili ana i na palapu o ke kino.
E malama ana ke ehukai o Puaena he mau heihei lio i ka la karisimaka ae nei. O kekahi o na makana e haawi ia aku ana i ka mea lanakila o ka la he 1,500 dala.
Epaepa maoli ka olua hana e kela mau lode mamua ewa iki iho o Kaumakapili ma kekahi o kela mau po aku nei, @ no la hoi keia mau hana hoohaka ka o ke alanui.
Eia no ke kikala o Miowera ke lomilomi ia nei, a o ke ola aku koe a palau hou aku ina ale ahiu o ka moa.
Eia ma keia pepa aku e puka aku ai ka olelo hoike piha H. Fuen a me Harden, na mea i hoohiki imu a o C. T. Gulick ka luna hooiaio o ka lehulehu oiai ua piha loa ko kakou pepa i na mea oiaio wale no.
O ka luina nanowale o Ka Lei Momi, “ieia me makou a wahi ana e panai aku nei, na hiki pela, maanei aku au, a malaila mai oukou, a hui aku kakou i ka la o ke ola hou ana.” Aloha Poakolu oe e “Ka Lei Momi” o na lani.