Ka Nupepa Puka la Aloha Aina, Volume I, Number 52, 11 Kekemapa 1893 — NA ouli ano nui o NA LA HOPE O KA M 24 1893. [ARTICLE]

NA ouli ano nui o NA LA HOPE O KA M 24 1893.

Iloko o na la i hoomaka mai nei keia makahiki 1893 he mau la i piha me na hana ano nui iloko o ko kakou noho ana hooponopono Aupuni honua ana mai ka hiki mua ana mai o ko kakou hoonaauao ia, a iloko o keia makahiki a he hookahi Wale no keia makahiki i kona ano mamua ae o na makahiki a pau o ka noho malamalama ana o ka lahui Hawaii. A ua hoopiha ia na la o keia makahiki me kona mau ouli me ke kaumaha loa, mai ka MoiWahine, ka mea e noho ana ma ke kalaunu a hiki i kona mau makaainana, mamuli o ka loli ana o na ouli maa mau mai ke ala mai o kona maa mau, kekaulike ana, nolaila, ua aui ae ka mau ana i na kanaka e noho ana ma ka honua o ka pae aina Hawaii nei a i kekahi loli ano e loa i ike ole ia mamua e like me ia i keia makahiki, ma keia loli wikiwiki loa ana, ua nana mai nei na aupuni maluna

loa o ka honua nei, me ko lakou nana ana mai me ke pahaohao— Ua ninau iho na aupuni naauao loa o ka honua nei ia lakou iho; pehea la i hoololi a wiwi ia mai ai ka noho ana aupuni moi o Hawaii- a i ke aupuni no ka moeuhane hihia? Aka hoi mamuli o ko lakou maopopo maoli ana aku nei i na hoike oiaio loa, mai kekahi ki a lakou i hilinai ai Ua loaa aku la ka mea oiaio loa.